طريقة عمل إنجليش كيك بالصور

طريقة عمل إنجليش كيك بالصور

المقادير :

 

بنفس الكوب ويكون حجم الكوب عادي والصينيه صغيره ^_^

كوبين دقيق منخوله مع ملعقه طعام بكنج بودر
رشه ملح
ملعقه صغيره فانليا
كوب وربع سكر مطحون
كوب زبده مذابه وليست سائحه على النار يعني مذابه تقطعيها مكعبات وتقيسي فيها الكوب
خمس بيضات
نص كوب من شرائح اللوز مكسرتها بيدك شوي

 

الطريقه :
اول شئ شغلي الفرن وادهني الصينيه بالزيت وحطي من شرائح اللوز فيه بس مو من الي بالمقادير لا
الان في زبديه اخلطي السكر مع الزبده وخليها تخلط الين ماتذبل الزبده ويذوب السكر تمام
وبعدين اضيفي البيضات بيضه بيضه واخلطي
وبعدين اضيفي الفانليا والملح

 

file1981520018-1

 

وبعدين اضيفي الدقيق المخلوط بالبكنج بودر واللوز
وقلبي الين ما تتجانس مزبوط
افرديها في الصينيه شوي شوي
الخليط راح يكون ثقيل لانه مافيه مويا عشان كذا الافضل انت تحطيه بالملعقه وبعدين تهزين الصينيه عشان يتساوى بشويش

file2024070837-1

 

وبعدين رشي على الوجه كمان شوي لوز

file1908148975-1

 

وبعدين دخليها الفرن شغليه من تحت وحطيها بالنص على نار هاديه جدا 35 دقيقه وبعدين شغليه من فوق الين مايتحمر
طبعا تأكدي انها استوت من تحت قبل ماتشغلينها من فوق
الصينيه تكون بالنص بس لما تشغلينها من فوق الافضل تنزلينها تحت

وبس
اسسسسسسستوت

 

file485702746-1

file1301927025-1

على فكره يابنات هالنوع من الكيك الحلو فيه على قول منال العالم انك تقدرين تقطعينه بعد مايبرد وتلفين كل وحده بسولفان
وترفعينه في الفريزر
وقت ماتبي تاكلي منه تنزلينه عادي ^_^
وكمان كيك مميز
خمس بيضات غير بارده <<< هذه معلومه دائم اتبعيها حتى في سلق البيض او أي شئ يعني تطلعينها من بدري
منال العالم تحط معاه عطر اللوز وتبشر يا قشر برتقال او ليمون
بس انا ما حطيت شئ سويته عادي
وفي ناس تسويه ساده بدون لوز
وفي ناس تسويه كمان وتحط معاه فواكه مجففه بدال اللوز
وناس زبيب

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *