مسلسل جراح الحب الحلقة الثالثة والرابعة

الحلقة 3


عند نيرة ونورهان
نيرة : خلصتى يا نور ؟
نورهان : اه خلصت بصى شوفى شعرى مظبوط كدة ؟
نيرة : لا هاتلى المشط اسرحلك الحتة دى
اعتطها الفرشاة
وبداءت بتسريح الشعر وبعد دقايق انتهت
نيرة : كدة قمر يلا عشان نلحق المحاضرة
نورهان : ماشى يلا
وخرجوالاتنين
ف الصاله
ابراهيم : يا مرحب بالناس اللى معاها فلوس
نيرة بنفاذ صبر : يا فتاح يا عليم يا رزاق يا كريم ع الصبح انا مش لسه مدياك من كام يوم
ابراهيم : عايز تانى اكيد الفلوس خلصت
نورهان : نفسى اعرف انت بتعمل اييه بالفلوس دى ؟
ابراهيم : خليكى ف اللى انتى فيه يا بتاعة المذاكررة هو دة اللى انت فالحة فيه
نورهان : والله يبقى احسن ماخد الفلوس من الناس والله وااعلم بتعمل بيها ايه ربنا يستر تكون عامل مشكله ولا مصيبة
نيرة : خلاص يا نور يلا نلحق المحاضرة
ابراهيم : استنو !! مش هتنزلو من هنا غير وانا معايا فلوس
نيرة : اووووووف عايز كام ؟
نورهان : انتى هدتيلو بردو
نيرة : خلينا نخلص
ابراهيم : عايز 200 جنية
نيرة : اييييييه انت شايفنى قاعدة ع بنك
ابراهيم : خلاص عشان القمر دى خليها 150 اظن دة عرض جديد نزلت 50 جنية مرة واحدة
نيرة : هى 50 جنية ومعيش تانى
ابراهيم : انتى هتقوليلى ع قلبك اد كدة ومخبية
نيرة : امسك اهى وياريت متقولش ع فلوس تانى سلام
ابراهيم : سلام يا قطة
————————
ف كافتيرية الجامعة
يوسف : يوووو نسيت الموبايل ف العربية
عمر : اعملك ايه يعنى ؟
يوسف : ولا حاجة يا عم انا هروح اجيبة
عمر : اشطا
ذهب يوسف ولكن فجاءة تصرخ فتاه بشدة
يوسف: معلش انا اسف مكنش اصدى
بداءت الطلبه تتجمع
الفتاه : ف ايه يا نيرة حصل ايه ؟
نيرة ببكاء : ااااه رجلى انت مش شايف يعنى
يوسف : خلاص يا انسة والله مكنت اقصد حاجة زى دى
الفتاه : طيب لو سمحت ممكن تقومها
يوسف : حاضر هاتى ايدك
رفضت نيرة بشدة وحاولت القيام ونجحت ف ذلك
امسكت بيد نورهان وذهبت
يوسف : البت دى مجنونة ولا ايه ؟
وذهب يوسف ليأخد الهاتف من السيارة
——–
ف الكافتريا
جلست كلا من نيرة و نورهان ع المقعد ثم بدا الحديث بينهم
نيرة : انا جعانة اوى تحبى اجبلك اكل معاايا
نورهان : ماشى هاتيلى سندوتش و عصير
نيرة : اوك خليكى هنا
نورهان : ماشى
ذهبت نيرة
وبقت نورهات ف مكانها
وضعت الهاند فرى ف اذنيها واشغلت اغانى حزينة ونظرت ارضا
——–
من ناحية اخرى
عمر جالس ع احدى المقاعد ثم يظل ينظر يمينا ويسارا وخلفة ليبحث عن يوسف الذى تأخر كثيرا
ثم وجد الفتاه الذى يحبها كثيرا تجلس ع احدى المقاعد واضعة الهاند فرى ف اذنيها
لم يصدق نفسة فرح كثيرا
ثم توجة نحيتها
ووقف امامها ويقول
عمر : سلام عليكو
ظلت ثانيات ولا تجيب
ثم كرر حديثة مرة اخرى واعلى من صوتة
عمر : احم احم السلام عليكو
ولكن لا حياه لمن تنادى
لم تستمع نورهان لانها تضع الهاند فرى ف اذنيها والصوت عال
تضايق كثيرا من اسلوبها ثم ذهب
———-
عند يوسف
اخد يوسف الهاتف وتوجة نحو الكافتريا وطلب فطار
وبعد مدة قصيرة ذهل مما حدث
نيرة : انا اسفة انا اسفة جدا مكنتش اقصد
يوسف : انتى عامية بقا كل شوية تطلعيلى
نيرة بذهوب : انت تانى استغفر الله العظيم يارب
يوسف : دة بدل ما تقولى انا اسفة ولا تعتذرى
نيرة : انا اعتذرتلك
يوسف بعصبية : طب قوليلى اعمل ايه ف المصيبة دى ؟
نيرة بزعيق : وانا مالى اعملك ايه يعنى ؟
يوسف : نعم ياختى امشى ازاى كدة ؟
نيرة : وانا اعملك ايه تحب اقولك اقلع القميص اغسلة لحضرتك
يوسف بنفاذ صبر : انتى بنت مهزقة
وذهب من امامها
ذهلت من طريقة كلامة وتضايقت اكتر واكتر
———–
ذهب يوسف الى صديقة عمر وجلس امامة وظهرت علية علامات الضيق
يوسف : ايه ياض مالك ؟
عمر : …………….
يوسف : انت ياااااض
عمر : ايه يا عم
يوسف : ايه سرحان ف ايه ؟
عمر : ولا حاجة
يوسف : هو انا لسه متعرف عليك من يومين قول مالك واخلص
عمر : هههههههههه ايه دة ههههههههههه
يوسف : عجبك اوى ياخويا
عمر : هههههههه شكلك مسخرة مين اللى عمل فيك كدة ؟
يوسف : بت كل ماروح ف حتة الاقيها ف وشى اول مرة وقعت عشان خبطتها من غير ما اقصد
عمر : ههههه وتانى مرة
يوسف : دلقت عليه العصير والاكل زى مانت شايف
عمر : مممممممم
رجع تانى لشرودة
يوسف : تانى ياض مش هتعرف تضحك عليه قولى مالك ؟
عمر : فاكر البنت اللى قولتلك عليها وجبتك تحت بيتها وساعتها مطلعتلش من البلكونة ؟
يوسف : اه مالها !؟ دلقت عليك عصير بردو ههههههههههه
عمر : هاهاهاها خفة طب مش هقولك بقا
يوسف : خلاص اهو سكت
عمر : طلعت معانا هنا ف الجامعة
يوسف : يا راجل طيب ودى حاجة تزعلك ؟
عمر : لا طبعا انا قولت اروح اكلمها مردتش عليه ولا حتى بصتلى
يوسف : ولا يهمك يا برنس قولى هى فين ؟
عمر : اللى قاعدة هناك دى
يوسف : خبر اسسوووووووود
عمر : ايه ياض شوفت عفريت
يوسف : لا دى قمر اوى
عمر : ماتحترم نفسك ياض
يوسف : هههههههههه انا اصلا مش شايفها
عمر : ياااد اللى هناك دى
وشاور عليها
يوسف : خبرررررر اسووووووود ومنيل عليك وعليا
عمر : لا دة انت عايز تضرب بقا
يوسف : ياعم دماغك شمال …. عارف مين دى ؟
عمر : لا نفسى اعرف
يوسف : دى صاحبة البت اللى دلقت عليه العصير
عمر : والله بجد طيب كويس روح كلمها بقا
يوسف : استنى استنى هى دى اللى بتحبها ؟
عمر مبتسم : اااااه
يوسف : عمر انت تعرف ظروف البنت دى ؟
عمر : ايه مالها

الحلقة 4
يوسف كاد ان يتكلم ف لحظة وصمت
يوسف :…….
عمر : مالها يااد
يوسف : لا ولا حاجة
عمر : طب يلا المحاضرة هتبداء
يوسف : اوك يلا
———
عنند نورهان
وصلت نيرة ثم جلست بغضب
نورهان : نيرة انتى جيتى
نيرة بزعل : اه
نورهان : طب يلا ناكل
نيرة : مفيش اكل
نورهان : مجبتيش اكل ليه امال واقفة كل دة ومجبتيش حاجة
نيرة : بعد ما جبت الاكل ادلق كله
نورهان : معلش حصل خير هو دة اللى مدايقك يعنى
نيرة : لا عشان العصير والاكل ادلق ع الواد اللى وقعنى من شوية
نورهان : يالهوووى دايما مش بتسكتى غير لما تاخدى حقكك
نيرة : انتى فاكرة انى كان اصدى اخد حقى بالعمله دى لا والله
نورهان : طيب مالك بقا خدتى حقكك وزيادة ومن غير قصد
نيرة : اصل الواد قالى كلمة معجبتنيش خالص
نورهان : شتمك ؟
نيرة : اه قالى انتى بنت مهزقة
شهقت نورهان : دة قليل الادب
نيرة : الحمدلله ع كل شئ
نورهان : ماهو اللى يصطبح بوش الاستاذ ابراهيم لازم يبقى يومة اسود
شهقت نيرة : يالهووووووى المحاضرة بداءت من 10 دقايق
نورهان : يالهوى طب يلا نلحق
نيرة : يارب بس الدكتور ميرخمش
——–
ف بيت نورهان ونيرة
ابراهيم : ايه دة جيتى بدرى النهاردة يا سامية
ساميه بتعب : انا خلاص مش هشتغل الشغل دة تانى
ابراهيم : نععععععم امال اخد فلوس من مين وناكل منين ؟
ساميه : دة بدل ماتقولى انا هنزل اشتغل بدالك واصرف ع البيت
ابراهيم : ها او او اااااااااااو
ساميه : عجبتك بقول نكتة انا
ابراهيم : انتى عايزانى اشتغل واصرف ع بناتك واصرف عليكى انتى بتهزرى
ساميه : ليه بقا ان شاء الله مش انت الراجل بردو
ابراهيم : طبعا الراجل واللى يقول غير كدة يبقى اخر يوم ف عمرة
ساميه : من الاخر كدة انا قولت كلمة واحدة مش هروح هناك تانى
ابراهيم : خلاص نشوفلك شغل ف فيلا تانيه
ساميه : انت ايه معندكش دم انا مش هشتغل تانى ابدا ف شغل الخدامين دة انا متعلمة يعنى اشتغل ششغلانة اكبر من دى ومحترمة
ابراهيم : هييييييييهيهيى جتها نيلة اللى عايزة خلف اانا داخل انام شعايز دوشة خالص
———-
ف الجامعة
طرقت نيرة الباب عدة مرات ثم فتحت الباب
نيرة : دكتور ممكن ندخل
الدكتور : اتاخرتى لييه يا انسة منك ليها
نورهان : احنا اسفين يا دكتور حصلت مشكله برة
الدكتور : اتفضلو
دخلت نيرة وامسكت بيد نورهان حتى وصلو الى اقرب مقعد واجلست نورهان ثم جلست هى الاخرى
الدكتور : اعملو حسابكو ف امتحان الاسبوع اللى جاى
وبداء بالشرح
ثم انتهو من المحاضرة بعد 2 ساعة
———-
ركب السيارة كلا من يوسف وعمر
ونظر يوسف الى عمر الذى كان يفكر وسالة
يوسف : بتفكر ف ايه ؟
عمر : بفكر اتقدملها شكلها محترم ومش بتكلم اى حد وخلاص
يوسف : احم احم
عمر : ايه مالك مش عاجبك الكلام
يوسف بأرتباك : لا انا بس عندى حموضة
عمر : اه بحسب
يوسف : بقولك طيب انت مخدتش بالك ف حاجة فيها كدة غريبة
عمر : حاجة زى ايه ؟
يوسف ف نفسة : طيب اقولك ازى بقا ولو قولتله هيزعل
يوسف : لا انا بسالك بس عشان نطمن يعنى
عمر : بالعكس انا شايفها ملاك ومؤدبة اوى كفايه انها ماشية او قاعدة باصة ف الارض
يوسف : ااااه
عمر : هكلم بابا وماما وانت تيجى معانا نتقدملها
يوسف ف نفسة : يا خبرررر
يوسف : اممممم ماشى
عمر : تفتكر هيرفضو
يوسف : ليه دة انت قمر ياض والبنات هتموت عليك
عمر : من ناحية الشكل تمام لكن المصاريف يعنى تفتكر هيوافقو ع واحد زية ساقط سنة رابعة ودى تانى سنة ليه
يوسف : عمر انت مسقتش بمزاجك ولا اهمال منك
عمر : عارف عشان ام الدكاترة عايزين كتب كل شوية وانا مش معايا فلوس وحكاية الخناقة اللى حصلت مع تامر
يوسف : الحمدلله بس انت دلوقتى ف رابعة وبتشتغل سكرتارى ف مكتب من اكبر المحامين ف مصر وكلها سنة وتبقى انت مكان المحامى دة
عمر : يارب يا جوو يارب
——–
وصل كلا من نيرة ونورهان
ثم دخلو
نيرة بتساؤل : ماما انتى جيتى بدرى ليه حصل حاجة ؟
ساميه : لا يا حببتى محصلش حاجة
نيرة : امال جايه بدرى ليه
ساميه : هقعد من الشغل
نيرة : ليه ف حد دايقك
ساميه : محدش عملى حاجة بس انا زهقت من الشغل دة
نيرة : خلاص يا ماما انا هنزل اشتغل ف الايام اللى معليش فيها محاضرات
ساميه : ليه يابت كانت امك ماتت
نيرة : بعد الشر عليكى
ساميه : ادخلى انتى لاختك وربنا هيحلها من عندة
نيرة بابتسامة : ماشى يا ماما


———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة: إيمان ضانا