ترفيهمسلسل عشق بلا قيود

مسلسل عشق بلا قيود الحلقة الحادية والثانية والعشرون

الحلقة الحادي وعشرون

ف البيت
ادهم : انا مش مصدق اننا كسبنا خلاص
لوجين بفرحة : مبروك يا بابى
ادهم : الله يبارك فيكى يا حبيبة بابى يا مشرفانى
سوزان : نقول مبروك
لوجين : دة انت تقولى مبروك وتزغردى كمان
سوزان : واووو الشوو نجح
ادهم : طبعا دى بنتك كان فايديها العرض لازم ننجح طبعا
لوجين : ميرسى
……….
عدى يومين كمان
فى الجنينة
اسلام : انت تعرفى انا بحبك اد ايه
اسما : لا مش عارفة قولى انت
اسلام بهزار : انا ياستى بحبك اد مابحب رمضان صبحى بالظبط
اسما : نعمم نعمممم بتحبنى اد رمضان صبحى دة ايه
اسلام بضحك : هههه خلاص خلاص بحبك اكتر منة بدرجة ونص … ها قوليلى بقا انت بتحبينى اد ايه
اسما بتستفزة : مممم انا بحبك اد ما بحب مهند التركى بالظبط
اسلام بغضب : نعم ياختى مهند مين دة اللى بتحبنى زية الواد الفرفور دة
اسما : من فضلك متقولش عليه فرفور
اسلام : ليه ياختى ان شاء الله
اسما : لانة فية شبه منك
اسلام : نعممم انا شبة العيل الفرفور دة
اسما : بس متقولش يا فرفور
اسلام : بتعصبك يا فرفور
اسما : اه بتعصبنى
اسلام : طب يا فرفور يا فرفور يا فرفور فرفور رايح رايح فرفور جاااى
اسما بضحك : هههههههه خلاص خلاص ياسيدى دة انت الحب كله
اسلام : ايوة كدة بقا
وسكتة شوية وبعدين اسلام قام وقف
اسلام : قوليلى يا اسما انت شايفانى ايه
اسما قامت وقفت : انا شايفة روحى وعيونى وقلبى كله شايفة راجلى
اسلام : ما عشان انا راجل فى حاجة لازم تعرفيها
اسما : قول ايه هى
اسلام : مش قبل ما توعدينى
اسما : اوعدك بأية
اسلام : بانك مش هتسبينى ابدا بعد الكلام اللى هتسمعية دة
اسما بخضة : خنتنى يا اسلاااام
اسلام ضربها ع دماغها بخفة : ياشيخة روحى خونتك ايه بس
اسما : خلاص اوعدك قول بقا
اسلام خد نفس عميق وبداء يحكى
اسلام بخوف : فاكرة يوم عيد ميلاد لوجين
اسما : يوم ماادتنى الخاتم هو دة يوم يتنسى
اسلام : ايوة هو … ساعتها انت خدتى منى الخاتم وافتكرتى انى عايز ارتبط بيكى واطلبك للجواز
اسما : امال انت طلعتلى الخاتم ليه
اسلام : انا كنت جايبة للوجين هدية لعيد ميلادها وطلعتة عشان اعرف زوقك اذا كان هيعجبها ولا لاء
اسما بعيون دامعة : تقصد انى فهمت غلط وخدت منك الخاتم اللى كنت جايبة هدية للوجين
اسلام : ممممم بالظبط
اسما بدموع وصدمة : يعنى انا ورطتك وانت مكنتش بتحبنى
اسلام : لا يا حببتى انا بحبك ومستحيل اتورط فيكى ابدا
اسما : امال عايز تسمية ايه
اسلام بيحلق الموقف : شعارف بس لو بالنسبالك ورطة فااهى احلى واجمل ورطة فى حياتى
اسما بصت ع ايديها وبصتله بدموع وبعدين رجعت بصت ع ايديها تانى وخلعت الخاتم والدبله من ايديها وفتحت ايدة وحطتهم ف ايدة
اسما بعصبية : خلاص روح اديها الخاتم اللى اخدتوا بغبائى وهو من حقها وبالمرة الدبله اللى المفروض تبقى ف ايديها
وسابتة ومشيت وهى بتعيط
اسلام اتصدم وعمال يبص ع الدبله والخاتم وفاق من صدمتة وجرى وراه اسما
………….
شيماء : الوو
عامر : ياه ع جمال كلمة الو منك
شيماء : هنهزر انا مش قولتلك تبعتلى 2 رجاله مش 2 فرافير
عامر : اعملك ايه يعنى ماانت عماله تقولى عايزاهم فى يوم وانا هلحق ادورلك ع عصابة ف يوم كدة وبعدين ياستى محبتش ازعلك وحبتلك اتنين صحابى يمثلوا الدور وكدة
شيماء : اه جبتلى اجبن اتنين شوفتهم ف حياتى
عامر : ياستى انت شيفانى اعرف عصابة دة انا واحد غلبان وقولت افرحك وبالمرة اللى يكسب ناس نعرفهم
شيماء : متخلف وهمجى وتفكيرك سطحى اوف
وقفلت السكة ف وشة
………..
عمر ويارا ويوسف الصغير واقفين ع الباب وجمبهم شنطتهم
ريان : مصمم تمشى برضو
عمر : كدة احسن
ريان بزعل : هتمشوا وتسبونى
يارا : يا حبيبى مانت معاك ماما نيرفين
ريان : البيت هيبقى وحش اوى من غيركم
عمر : يابنى انت ليه محسسنى انى هموت ومش هنشوف بعض تانى دى هى كلها نص ساعة وتبقى عندى
ريان : بعد الشر ياض متقولش كدة
عمر وهو بيحضنة : حبيبى والله
ريان بيسلم ع يارا راحت يارا قالت
يارا : بص بقا انت اخويا وانا لازم احضنك
وحضنت ريان
ريان نزل لمستوى يوسف الصغير
ريان : اهو انا اكتر حاجة هتزعلنى انك مش هتبقى معايا وتنام جمبى زى كل يوم
يوسف : مث تثعل يا ييان هنجيلك تانى
(مش تزعل يا ريان هنجيلك تانى )
يارا : يوسف عيب اسمة عمو ريان
يوسف : حاتر عمو ييان
ريان : لا ريان احلى منك
وباسة وحضنة جامد اوى ودموعة نزلت ومسحها بسرعة ومشيوا
………
لوجين : بابا انا خلاااص تعبت شوفلك صرفة مع شيماء بقالها كتير مبتجيش الشغل ولو جت مش بتيجى ف مواعدها
ادهم : والله يابنتى انا بفكر امشيها لكن انا عامل حساب لمامتك ولخالتك
لوجين : احنا بنعمل حسابات للناس والناس مبتعملش حسابات لينا هو دة اللى بناخدة منهم
ادهم : احنا مش مستنين حاجة من حد كفاية انها بنت خالتك
لوجين : اهى بنت خالتى اللى بتتكلم عليها دى هى سبب تأخيرى للعرض
ادهم : ايوة بقا قوليلى انا كنت بدور عليكى اتاخرتى ليه
حكتله ع اللى حصل كله
ادهم بانفعال : انت ازاى تسكتى ومجيتيش تقوليلى ليه
لوجين : محبتش انكد عليك بعد فرحة نجاح العرض ومؤمرات من الشركات التانية اللى عقدت معانا بعد النجاح
ادهم : البت دى لازم امشيها خليها تكتب استقالتها بدل ما ارفدها قدام العمال والموظفين واكسفها
لوجين : لما اشوفها بقا … دة اذا شوفتها
………
امير : ف حد هنا
سوزان : امير ازيك يا حبيبى تعالى ادخل
امير : ازيك يا طنط
سوزان : كويسة الحمدلله
امير : انتو بتعملوا ايه
سوزان : اصل بنغير ديكور الفيلا فجاة كدة جت فكرة تغير الديكور ف دماغ صحبتك
امير : تقصدى لوجين
سوزان : هى ف غيرها … تحب تشرب ايه
امير : ليمون نسكافية اى حاجة
سوزان : اوك ثوانى اعمله وجاية
امير : خدى وقتك يا طنط
امير واقف وحاطط ايدة ق جيبة وبيصفر وعمال يبص شمال ويمين لقى كرتونة كبيرة فيها دباديب ومفكرات وقلوب مسك نوتة من اللى موجودين وفتحها وبداء يقراء وكانت الصدمة ان دى مفكرة لوجين وبتكتب فيها وصف حبها لامير وعن كل حاجة بتحصل … امير قرء الكلام وبداءت ملامحة تتغير وخد النوتة وطلع يجرى
سوزان : ادى النسكاف…. ايه دة راح فين
اكيد مشى
………
الباب بيخبط عند اسما
اسما بتفتح الباب لقت شخص باعتلها ورد كبير اوى
الشخص : امضيلى لو سمحت ع استلامك للورد
اسما : الله دة جميل اوى مين اللى بعتة
الشخص وهو بيقلع الكاب وضحك : عجبك الورد يا حببتى
اسما بصت لقتة اسلام : انت بتستعبط
اسلام : بحبك والله
اسما رمت ف وشة الورد ودخلت وقفلت الباب
……..
امير ف العربية وبيقراء الكلام
(بحبك اوى يا ميرو)
( نفسى اشوفك وانت ماسك ايدى وتقولى اوعى تسيبى ايدى من ايدك ابدا )
(انا زعلانة منك اوى بس برضو بحبك)
(اول مرة شوفتك فيها كنت هطير من الفرحة)
امير بيقرا تانى وتالت وبيفتح صفح تانية ويقراء
امير وهو بيضرب ع الكلاكس
ازاى مااختش بالى ازاى معرفش انها بتحبنى ازاى ازاى ورحت حبيت بنت خالتها وطلعت شمال غبى غبى
ومشى بالعربية
…….
اسما بتقراء ف كتاب
والباب بيخبط تانى راحت تفتح
الشخص : البيزا اللى حضرتك طلبتيها اهى يا فندم
اسما : ايوة بس انا مطلبتش بيتزا
الشخص : ازاى بقا
وفتح علبه البيتزا وكان ف نصها الخاتم والدبله
اسما بحلقت وبتبصله لقتوا اسلام
مسكت البيتزا وبوظت بيها وشة كله ودخلت تقفل الباب
اسلام : ينفع كدة بهدلتينى … طب اسمعينى طيب
وقفلت ف وشة
وراحت تكمل قراية الكتاب وهى بتضحك
………
ريان مشغل اغنية بحبك وحشتينى
وبحبك وحشتيني بحبك وانتي نور عيني
دا وانتي مطلعة عيني بحبك موت
لفيت قد ايه لفيت ما لقيت غير فى حضنك بيت
وبقولك انا حنيت بعلو الصوت
وكأن الوقت فى بعدك واقف ما بيمشيش
وكأنك كنتى معايا بعدتى وما بعدتيش
فى دمى حبيبتي وأمي وزي ما أكون ببتدي اعيش
وبحبك وحشتيني بحبك وانتي نور عيني
دا وانتي مطلعة عيني بحبك موت
بعدت وكنت هعمل ايه مين اختار غربته بايديه
لكن حبك دا ما نستهوش وعاش فيا
ليه هتأسف على الغيبة ماغبتيش لحظة وقريبة
محدش عنده كده طيبة وحنية
وكأن الوقت فى بعدك واقف ما بيمشيش
وكأنك كنتى معايا بعدتى وما بعدتيش
فى دمى حبيبتي وأمي وزي ما أكون ببتدي اعيش
وبحبك وحشتيني بحبك وانتي نور عيني
دا وانتي مطلعة عيني بحبك موت
نيرفين جت من ورا ظهرة
نيرفين : انا من راى تقولها
ريان : خايف اوى
نيرفين : اعمل اللى عليك بس هى شكلها بتحبك
ريان : امال انا ليه الوحيد اللى مش حاسس بكدة
نيرفين : عشان انت بتحبها وخايف دايما
ريان : يعنى اخد خطوة
نيرفين : خد خطوة واتنين وتالتة كماان

الحلقة الثانية والعشرون
…….
ف المكتب
لوجين : امير ف حاجة
امير : انا بحبك
لوجين : ايييييييه
امير : بحبك زى ماانت بتحبينى
لوجين : …………
امير : موافقة تتجوزينى
لوجين : انت بتقووووول ايةةةة ؟؟
امير : زى ما سمعتى
لوجين : طب وشيماء
امير : انا بحبك انت وشيماء كان مجرد اعجاب وخلاص … ها موافقة
لوجين بدموع : بعد كل دةةة وجاى تقولى تتجوزينى ؟
امير : كنت غبى واعمى عشان مخدتش بالى وعبيط كمان بس الحمدلله فوقت
لوجين : بس متاخر اوى يا امير
امير بخووف : ادينى فلاصة واحدةة واحدةة بسس هاا قولتى اييةةة
لوجبن بدموع : موافقة طبعا
جرى عليها وحضنها ولف بيها
………..
الباب بيخبط
اسما : يوووة بقا
وراحت فتحت الباب
اسما : نعممم
لقت شخص كبير ف السن
اسما : اتفضل يا جدو
الشخص : يابنتى عايزك تمضيلى هنا ع استلامك للجواب دة
اسما وهى بتمضى
الشخص : شطورة يا حببتى
وشال الشنب والحواجب والبروكة
اسلام بهزار : انت كدة مضيتى عهد بحبك ليا
اسما ضربتة جامد وزقتة وهو عمال يضحك وهو واقع ع الارض وقفلت الباب
اسلام : وبعدين بقا شكلك هتتعبينى معاكى ايه الخطة الجديدة يا واد يا سوما ايه الخطة اه عرفت
………..
امير : احنا لازم نعرف اسما بارتباطنا
لوجين بفرحة : اه دى هتفرح اوى اوى
امير : تيجى نروحلها
لوجين : هيييييه يلا
…………
اسما قاعدة بتقرء ف الكتاب ولقت الباب بيخبط راحت مسكت عصاية كبيرة وفتحت الباب وهوووب نزلت ضرب ف االلى قدامها وهى مش واخدة بالها خالص وقفت ضرب لما لقت اسلام جاى بيجرى من بعيد
بتبص لقت امير ولوجين
اسما : يالهووووووى امير ولوجين يا نهار اسود ومنيل والله مااخدت بالى
امير : اعمل فيكى ايه دراعى ورم
لوجين واسلام : هههههههههههههه هههههههههههههه
اسما : هيهيهيهي خفة اضحكوا براحتكوا
اسلام : ينفع كدة ياعم امير اختك رمتلى الدبله والخاتم ومخصمانى
امير : لليييه يابت
اسلام بيبصلها : اقولوهم ليه ولا تلبسى الدبله تانى
اسما بضحك : لا خلاص هلبسها هات دبلتى ياض
اسلام : يامة ياساتر يارب اتفضلى احجة
دخلوا وقعدوا وامير قاعد جمب لوجين ولافف دراعة ع وسط لوجين وكل شوية يبوس كتفها ولوجين مبسوطة اوى
اسلام واسما مستغربين اوى
لوجين : مش هتقولهم يا حبيبى
اسما واسلام : حبيبك
امير : اصل انا ولوجين هنرتبط قريب
اسلام : بجد والله الف الف مبروك
امير ولوجين : الله يبارك فيك
اسما وشها اتغير ومتكلمتش خالص
لوجين : انا عايزة اكل
امير : وانا كمان
اسلام : وانا هموت من الجوع
اسما سرحانة خالص وبتفكر
كلهم مرة واحدة : اسسسمممااا
اسما : خضتونى عايزين ايه
اسلام : انت مش جعانة
اسما : اه جعانة طبعا
امير : خلاص نطلب اكل من برة
………..
ف الشركة
شيماء : حضرتك عايزنى ياانكل
ادهم : ايوة ادخلى دلوقتى حالا تكتبى استقالتك بالذوق كدة احسنلك
شيماء بصدمة : ايييه استقالتى ليه
ادهم : بصى بقا اوعى تكونى فاكرة اننا منعرفش انك السبب ف تاخير لوجين ع العرض وبعتى ناس يخطفوها
شيماء بكذب : اييييه انا
ادهم : متستعبطيش علية انا عامل لولدتك وزوجتى احترام فمتخلنيش ارفدك قدامهم واكسفك يلا اكتبى استقالتك حالا
……..
روحت شيماء وهى بتعيط ودخلت بيتها لقت مامتها قاعدة
شيماء : شوفتى يا ماما عمو ادهم مشانى وخلانى اكتب استقالتى
صباح ببرود : وتكتبى استقالتك ليه
شيماء بعياط : معرفش عمو ادهم قعد يقولى كلام غريب كدة
صباح : ايدة يا شيماء
شيماء بتبص ع ايد مامتها واتصدمت
شيماء بارتباك : ا اي ايه دة
صباح : يعنى مش عارفة ايه دة
شيماء : ل لا لا
صباح : ايه اللى جاب اختبار حمل دة ف اوضتك ياهانم
شيماء : مم مع معرفش
صباح ضربتها بالقلم
صباح : بقا انا عماله اربى فيكى واقول هتتعدل وف الاخر تطلعى حامل
شيماء : حامل ايه انا مش حامل
صباح ضربتها بالقلم تانى : متكدبيش متكدبيش انا كدة فمهت اوعى تكونى فكرانى غبية او نايمة ع ودانى
شيماء : يا ماما…..
مسكتها من شعرها وضربتها
صباح : قوليلى حامل من مين يا بنت ال…..
شيماء : ااااه خلاص هقولك بس سييى شعرى
………..
ف اليوم التانى
لوجين : كنت لسه هتصل بيك
ريان : انا عايز اقابلك اقولك حاجة مهمة اوى
لوجين : وانا كمان عايزة اقابلك اقولك حاجة مهمة اوى
ريان : خلاص نتقابل ف جنينة…… دلوقتى
لوجين : اوك
……….
امير : عمى انا عايز اقولك انى بحب لوجين وعايز ارتبط بيها
ادهم : والله يابنى وانت شخص متتعيبش بس انت فأجتنى بصراحة
امير : والله وانا كمان مش مصدق
ادهم : خلاص تعالى انهاردة ومعاك والدك
امير : اكيد طبعا باذن الله هنكون عندك بليل
………….
ريان لبس وهو ف الطريق لقى واحدة ست بتبيع ورد راح اشترى وردة صغيرة لونها احمر ودخل لقاها مستنياه خبها وارة ظهرة ودخل سلم عليها
ريان : ايه الحاجة المهم اللى عايزة تقولهالى
لوجين : لا قول انت الاول
ريان بهزار : لا لا والله انت الاول يا باشا
لوجين : مستعد
ريان : اها اكيد
لوجين بفرحة : امييير كلمنى وقالى انة بيحبنى وجاى يخطبنى انهاردة
ريان سمع الجمله جسمة ساب والوردة وقعت من ايدة ورا ظهرة وملامحة اتغيرت وحس بدوخة ودموع بتنزل زى الحنفية
ريان : ب بج بجد
لوجين : والله بجد انا فرحانة اووى يااااااس
ريان : رب ربنا يسعدك
واداها ظهرة ومشى ودموعة نازله ع وشة ملت وشة كله
لوجين واقفة مستغربة انة مشى كدة
ومشيت هى كمان وهى بتفكر
(انا ايه اللى بعمله دة … انا كنت خلاص هنسى امير … ايه اللى فرحنى اوى كدة لما جة قالى بحبك … معقوله اكون نسيت … نسيت ان بنت خالتى كانت حامل منة … وانة مكنش بيحبى … هيجى ع طول كدة يقولى بحبك واصدقة وانسى كل اللى عمله … لا لا يمكن … مش معقول … لا معقول اللى بيحب بيسامح … وانا بحبة)
……….
ريان جرى وهو بيعيط ومش مصدق اللى بيحصل فضل ماشى ماشى ميعرفش هو رايح فين لغاية مالقى نفسة قاعد ع دسك قدام البحر مسح دموعة وقام وقف بقوة وروح لبيتة وهو متعصب ودخل شقتة
نيرفين : بسم الله مالك يابنى
ريان بزعيق وعياط : قولتيلى خد خطوة واتنين وتلاتة واول خطوة ليا خدتها كل المبانى وقعت ع دماغى
نيرفين : ف ايه يابنى
ريان : طلعت لسه بتحبة بعد كل اللى عمله فيها وجاية فرحانة تقول هيتخطبوا يولعوا هم الاتنين اتفوووو الله يخدكم
وقعد يعيط
……….
عدت ايام قليله
امير : مش عارف ليه ريان مبقاش بيكلم مع حد ولا رادى يقابل حد
لوجين : حتى انت كمان …. وانا كمان مش بيرد ع موبايلاتى
امير : انا رحتله امبارح ومتكلمش ولا كلمة شكله اتغير اوى وبقا عامل زى الراجل العجوز مش ريان الامور اللبس والشياكة بتاعتة ابدا
لوجين قعدت تفكر وبعدين مشيت
………….
ريان مش بيرد ع حد ولا بياكل ولا بيشرب ولا بيتكلم خالص طول اليوم ف العيادة فاتحها بس مش بيكشف ع حد
لوجين دخلت العيادة وطلبت تدخل لريان وفتحت الباب ودخلت
ريان بصلها وودى وشة الناحية التانية
لوجين : سمعت انك مش بتتكلم مع حد ولا بتقابل حد ممكن اعرف ليه
ريان : ………………
وقام من سكات ووقف يعمل نسكافية
هو دة اللى عايش عليه الايام دى
لوجين استغربت ووقفت وراه
لوجين : ياااه ايه اللى مدايقك اوى كدة
ريان : …………..
لوجين حطت ايديها ع كتفة زق ايديها وبيكمل اللى بيعمله من غير ولا كلمة
لوجين مستغرباه اوى وكانت عايزة تعيط بتبص بالصدفة لقت الحلق بتاعها جمب الماج بتاعة مسكتة وقعدت تفتكر يوم ما ضاع منها
فلاش باااك
يوم عيد ميلادها وهو بيلبسها الكرافت الحلق وقع هى قعدت تدور عليه وهو لقاه وخدة خبااه
باااااك
لوجين افتكرت ورفعتة لفوق وقالت
لوجين : مش دة الحلق بتاعى
ريان : ……………..
لوجين : ودة معناه ايه بقا
ريان بصلها بدموع : معناه انى بحبك
لوجين مصدوومة : ايييييييييية ؟؟
ريان : بحبككك
لوجين بدموع : وانا كمان
وحضتنة جامد وهو حضنها جامد ومسكوا ف بعض اوى والاتنين بيعيطوا
ريان : خلاص مبقاش ينفع الكلام دة دلوقتى
لوجين بعدت عنة : ليه مبقاش ينفع
ريان : عشان انت دلوقتى مخطوبة لواحد تانى ومش من حقنا اللى بنعمله دة
وجاى يمشى لوجين مسكت ايدة وقربت منة وبتبص ف عينة وحاطة ايديها ع صدرة
لوجين : بس انا لسه متخطبتلوش وبحبك انت
ريان قرب منها وباسها ف شفايفها وقعدوا وقت طويل ع كدة وبعدوا عن بعض لما حسو بشخص واقف بيبصوا عليه لقوا
لوجين وريان : امييييير
امير واقف ومصدوم ومشى جريت وراه لوجين
لوجين : امييير اسمعنى بس انا كنت هفهمك كل حاجة يا امير اقف بقا
ريان وقفة : اسمعنى انا مش بخونك لوجين مش بتحبك انت و…..
وسكت لما خد بوكس ف وشة من امير
لوجين واقفة وعماله تعيط
امير : افتكرتك صاحبى طلعت ……
وضربة بوكس تانى
ريان : ااه شوف مهما تضربنى احنا صحاب برضو
امير : اخرس يا كلب
ريان : افهمنى بس انا ولوجين بنحب بعض
امير ضربة تانى ومسكوا ضربة بعض هم الاتنين لوجين وقفت بينهم
لوجين : باااااس بقاااااا باااااس
امير شدها من ايديها : انت هتيجى معايا
ريان شدها من ايديها التانية : لا هتيجى معايا انا
امير شدها تانى : لا هتيجى معايا انا
ريان شدها تانى : لا احنا بنحب بعض وهتيجى معايا انا
والاتنين بشدوا فيها دة شوية ودة شوية
لوجين شدت ايديها الاتنين منهم
لوجين بدموع : باااااااااس انتو ايه فاكرنى جايزة انتو الاتنين بتتنافسوا عليها
ولا لعبة كل واحد فيكو بيشدها شوية انتو تعرفوا انا بحب مين ومبحبش مين ها انا مش عايزة اعرف حد فيكوا
ومشيت وسابتهم ودموعها ع وشها
ريان بعياط : لوجين بس انا مقدرش اعيش من غيرك
لوجين وقفت وبصتله بدموع
لوجين : قولتها متأخر اوى اوى
وبصت قدامها تانى ومشيت

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة: إيمان ضانا

 

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى