ترفيهمسلسل زواج بالإكراه

مسلسل زواج بالإكراه (العنيده والمغرور) الحلقة 23 و24 والأخيرة

الحلقة 23

حوريه: اييه السي دى دا!!…وياترى ف اييه

فذهبت واتت باللاب توب ووضعت السي دى ف المكان الخاص به وتفتح الفيديو وتبدأ بمشاهدته

حوريه باندهاش: ايييه ده!!….وتستمر ف مشاهدته وعند مشهد معين من الفيديو تغلق اللاب توب بسرعه فهمى لم تتحمل ان تراه ف هذه المواضع

حوريه بصدمه: مش ممكن..مش معقول….وتبدأ بعدها بالبكاء..طب ازااى ..ازاى بعد الحب اللي حبتهوله ده كله يخونى ازااى ازاااى وهو..هو كان بيكدب عليا لما قالي انه بيحبنى…انا مش مصدقه لا مش مصدقه…مش مصدقه ازااى وانتى شايفاه بعنيكى ف السرير مع واحده غيرك..ومع مين مع اخت صاحبه..صاحبه ايه بقي انتى هتفضلي طول عمرك عبيطه كدا ماهى اكيد هى صاحبه….لالا انا مش هقعد هنا لحظه واحده من النهارده..وتبكى بشده…كنت غلطه عمرى يامروان ولازم اصلحها…وبعدها تقوم وتجلب حقيبتها وتضع فيها ملابسها وبعدها تبدل ملابسها وتأخذ الحقيبه وتهبط للاسفل..وتترك اللاب توب وبداخله السي دى علي الفراش….

هويدا: ايه ياحوريه ياحبيبتى رايحه فين وايه الشنطه دى

حوريه واثار البكاء علي عينيها: ماافيش انا راحه عند ماما

هويدا: ليه ياحبيبتى…مالك ياحوريه انتى كنتى بتعيطى

حوريه: ماافيش ياماما..انا ماشيه..بعد اذنك

هويدا: لا مش هسيبك تمشي كدا..طب عالاقل استنى مروان

فتضحك بسخريه: مروااان…لا ياطنط انا همشي دلوقتى ومش هستنى حد

هويدا: طب انتى واخده شنطتك دى ليه…انتى اتخانقتى مع مروان..ريحينى يابنتى الله يرضي عليكى

حوريه: عشان خاطرى سبينى امشي دلوقتى

هويدا: مااشي ياحوريه اعملي اللي يريحك

حوريه: بعد اذنك..وتذهب وتستقل سيارتها وتذهب منزل والدها

ناديه: حوريه…اذيك ياحبيبتى عامله ايه

حوريه: كويسه

ناديه: مالك ياحوريه..وايه الشنطه دى

حوريه: مافيش ياماما..انا هطلع اوضتى عشان ارتاح

ناديه: تعالي هنا كلمينى زى مابكلمك…انتى مالك وايه الشنطه دى…انتى جايه غضبانه

حوريه بدموع: لو سمحتى انا مش عاوزه اتكلم مع حد سبينى دلوقتى

ناديه: هو مروان مزعلك ياحبيبتى

حوريه: يوووه بقي يعنى امشي يا ماما واروح اقعد ف اى حته تانيه عشان ترتاحى

ناديه: خلاص ياحوريه خلاص ياحبيبتى اطلعى ارتاحى ف اوضتك

حوريه بندم: انا..انا اسفه ياماما سامحينى بس بجد انا مخنوقه اووى ومش طايقه اتكلم مع حد

ناديه: خلاص ياحبيبتى انا مسمحاكى اطلعى وارتاحى دلوقتى

حوريه: بعد اذنك….وتصعد غرفتها وترتمى علي فراشها وتبكى بشده
********************
اما عنده كان يجلس ف الشركه مع اصدقائه

مروان: ياسين مش عاوز تاخد اجازه اسبوع…خلاص الصفقه رسيت علينا وكله تمام

ياسين: اوعى بقي..بجد يامروان

مروان: وانا عمرى ضحكت عليك

يوسف: اااه يالئيييم….تلاقيك انت اللي نفسك تاخد اجازه عشان تاخد مراتك وتطلعو علي الغردقه او الساحل

مروان: ههههههه يا فاهمنى انت

عز: لا ماهو لو ف حد هياخد اجازه يبقي هناخد كلنا بقي…مش حد هيروح يتفسح والتانى هيقعد هنا يشتغل

ياسين: ماليش فيه انا راشق ف السفريه دى

فيأتى لمروان اتصالا من والدته

مروان: طيب اسكتو اسكتو دى ماما..خير يارب مابتتصلش بيا غير لما يكون ف مصيبه حصلت..الو..ايوه ياماما…خير ف اييه…حوريه! مالها حوريه…..ويقف….اييييه..خدت شنطه هدومها وسابت البيت ومشيت…طب ماقالتلكيش ليه..كانت ماشيه بتعيط كمان…طيب ياماما انا جايلك دلوقتى حالا..مع السلامه

ياسين: خير يا مروان وايه الكلام ده

مروان وهو يلملم حاجاته: مش عارف ماما بتقول حوريه خدت شنطه هدومها وسابت البيت وكانت بتعيط كمان…انا رايح اشوف ف اييه

يوسف: ماشي يامروان ولو احتجت حاجه ابقي كلمنا

مروان: اوك…سلاام….ويستقل سيارته ويذهب لمنزله مسرعا

مروان: ماما ايه اللي حصل ف ايييه

هويدا: مش عارفه يامروان انا لقتها نازله بشنطه هدومها وكانت بتعيط وراحت عندهم سألتها ف اييه ما رضتش تقولي..هو انت زعلتها

مروان: لا والله ياماما ابدا…طيب هو حد دايقها ف حاجه

هويدا: لا والله يابنى..احنا ماشوفنهاش النهارده خالص كانت طول النهار ف اوضتها..غير بس طلعتلها عشان اديها الظرف اللي جالها…يكونش كان ف حاجه زعلتها وهو اللي خلاها تسيب البيت

مروان باستغراب: ظرف..ظرف اييه

هويدا: مش عارفه والله يابنى هو ف حد جابلها ظرف وطلب ان هى اللي تاخده وانا طلعتهولها وبعدها مايكملش ربع ساعه ولقتها نازله بهدومها

مروان: طيب..بعد اذنك….ويصعد مسرعا لغرفته ويدخل ليجد خزانتها فارغه ويجد اللاب توب وبداخله السي دى فيجلس علي الفراش ويفتح اللاب توب ليظهر امامه مربع فيضغط علي كلمه تشغيل ويبدأ يشاهد مافيه

مروان باندهاش: ايييييييه ده…ازااى..حصل ازااى ..مش معقوول..فيغلق اللاب توب بسرعه ويخرج هذا السي دى ويمزقه …بقي كدا يا تاليا تعملي فيا كدا والله لاتشوفي هعمل فيكى اييه…بس ازااى ماخدتش بالي انها كانت بتصورنى..وو وحوريه..حوريه زمانها افتكرت انى بخونها..لا انا لازم اروحلها واقولها كل حاجه…فيهبط للاسفل..ويستقل سيارته ويذهب لمنزل والدها

مروان: اذيك ياعمى

سمير: مروان..اذيك يابنى اتفضل

مروان: هى حوريه موجوده هنا ياعمى

سمير: ايوه فوق ف اوضتها..بس قولي يامروان هو ف حاجه حصلت ما بينكو

مروان: لا والله ياعمى دا انا كنت ف شغلي ولقيت ماما بتتصل بيا وبتقولي ان حوريه سابت البيت

ناديه: يعنى انت مازعلتهاش يامروااان

مروان: ابدا ياطنط…ويبتلع ريقه..هى هى قالتلكو هى زعلانه من ايه

ناديه: مش راضيه تتكلم مع اى حد

مروان: طيب ممكن اطلع لها

سمير: اكيد يابنى اتفضل

فيصعد لها غرفتها ويدق الباب ليأتيه صوتها من الداخل وهى تبكى …اتفضلي ياماما

فيفتح الباب ويدخل ويغلقه ورائه

مروان: طب ينفع مروان بدل ماما

فترفع وجهها له وتنظر له بغضب: انت ايه اللي جابك هنا…اطلع برره…بقولك اطلع برره

مروان: عشان خاطرى ياحوريه اهدى

حوريه: خاطرك…مالكش عندى خاطر ياخاين..اطلع برره

مروان: مانا مش هطلع غير لما افهمك علي كل حاجه

حوريه: افهم ايه..افهم ايه بعد ماشوفت بعينى كل حاجه..شوفت بعينى خيانتك ليا يامروان شوفتك وانت علي السرير مع واحده تانيه غيري…تاليا…تاليا اخت صاحبك يامرواان

مروان: طيب ادينى فرصه اشرحلك…انا مش خاين ياحوريه والله انا ماخونتكيش

فتضحك بسخريه

مروان: انا مابكدبش الفيديو اللي انتى شوفتيه..انا فعلا عملت كدا بس قبل ما اتجوزك

حوريه: قبل ما تتجوزنى!! وانا ايه اللي يثبتلي

مروان: ماعنديش دليل مادى يثبتلك..بس من يوم مااتجوزتك عمرك شوفتينى كلمتها..عمرى نمت بره اوضتنا يوم واحد..انا من يوم ما اتجوزتك وانا من شغلي لبيتى ومن بيتى لشغلي

حوريه بدموع: كل ده ما يشفعلكش اللي انت عملته وكمان ف الحرام انا مش مصدقاك بجد

مروان: حوريه انا انا كنت متجوز تاليا

حوريه بصدمه: اييييه..انت بتقول اييه

مروان: زى مابقولك كدا..انا اتعرفت علي تاليا من 3 سنين ف حفله واعجبت بيها وهى كمان اعجبت بيا وبعدها بقينا نتقابل كتير وحبينا بعض وقررنا ان احنا نتجوز عرفي واتجوزتها سنتين…وكنت شارى شقه وكاتبها باسمها عشان تعيش فيها لان ملهاش اهل هنا كلهم مسافرين..وكنت بروحلها كل كام يوم ..ويوم ما بابا قالي علي جوازنا انا روحتلها وهى اصرت انى لازم اعلن جوازنا ويوميها خرجت من عندها مش شايف قدامى..وساعتها عملت الحادثه بالعربيه وجيت وشوفتك

حوريه بدموع: عشان كدا

مروان: ايوه….وبعدها طلبت منى اروحلها البيت وروحت لقيتها عملالي عشا وجو رومانسي واى راجل ف المواقف دى اكيد هيضعف ودى مرااتى…ف اكيد حصل اللي انتى شوفتيه ده..اتاريها كانت عملالي كمين وبتصورنى من غير مااعرف..وبعدها بدأت تعملي مشاكل وكانت عاوزه تبوظ فرحنا فاروحتلها قبل الفرح ب 4 ايام واتخانقت معاها وطلقتها ونهيت كل حاجه بينى وبينها..هى دى كل الحكايه ياحوريه..ولو مش مصدقاانى كلمى يوسف وياسين هما اللي كانو شاهدين عالعقد

حوريه: يوسف وياسين!..كل ده يامروان ومخبي عليا ليه ما قولتليش ليه..انت ماخونتنيش بجسمك لكن خونتنى لما اتجوزتنى من غير ماتقولي انك متجوز…دا انا ما رضتش اخبي عليك حاجه وقولتلك علي احمد عشان تبقي متجوزنى وعارف عنى كل حاجه ..للاسف يامروان انت غلطه انا غلطها ولازم اصلحها تانى

مروان: سامحينى ياحوريه…انا غلطت انا عارف انى غلطت ومش طالب منك غير انك تسامحينى…تقدرى تقوليلي هى مابعتتش السي دى دا قبل كدا ليه اشمعنى دلوقتى لانها اكيد عرفت انى حبيتك بجد وهى عاوزه تفرق مابينا ماتديش فرصه لحد يفرق مابينا ياحبيبتى انا اسف سامحينى

حوريه بدموع: انا اسفه يامروان انت خدعتنى وكدبت عليا وانا اكتر حاجه بكرهها هى الكدب والخيانه وانت عملت الاتنين..خلاص كدا كل حاجه لازم تنتهى

مروان: يعنى ايه ياحوريه

حوريه: طلقنى يامروان

مروان: لا ياحوريه لا..مش هتنتهى علي كدا..انا مش هسيبك تضيعى من ايدى انا ماصدقت لقيتك..فيمسك بيدها ويقبلها قبلات سريعه..عشان خاطرى ياحبيبتى

حوريه: خلاص يامروان كل حاجه انتهت وياريت ورقتى توصلنى

فيقف ويقول يغضب: لا ياحوريه انتى مراتى وهتفضلي مراتى ومش هطلقك انتى فاهمه ..انا هسيبك تريحى هنا اسبوع..اسبوع وااحد وبعدها هاجى اخدك بنفسي…ويتركها ويغاادر..فترمى جسدها علي الفراش وتبكى بحرقه

فيعود هو منزله وتستقبله والدته

هويدا: خير يا حبيبي…ماجبتش مراتك معاك ليه

مروان: مافيش يا ماما…هى هتقعد بس اسبوع وهتيجى تاانى

هويدا: طب ماتعرفش هى كانت بتعيط ليه

مروان: عادى يا ماما مخنوقه شويه..بعد اذنك بقي انا هطلع اريح جسمى حاسس انى تعبان شويه

هويدا: مااشي ياحبيبي اطلع

مروان: بعد اذنك ياماما

هويدا: اتفضل يابنى
*********************
بسنت بغضب: كل ده تعمله انت وصاحبك يا يوسف انا مش مصدقه بجد

يوسف: عملنا ايه يابسنت هاا عملنا ايه مروان من يوم ما اتجوز حوريه وهو ماشي علي الصراط المستقيم

بسنت: وقبل ما يتجوزها

يوسف: اديكى قولتيها قبل مايتجوزها..نزوه وراحت لحالها وصاحبتك ليها بقي بعد ما اتجوزها

بسنت: اوعى تكون انت كمان يايوسف كنت متجوز قبل منى ومخبي عليا

يوسف: انتى اتجننتى ولا ايه يابسنت فوقي كدا ياحبيبتى وبلاش مخك يروح لبعيد ماشي

بسنت بدموع: حوريه صعبانه عليا اووى يايوسف

يوسف: ماتخافيش كل حاجه هترجع احسن من الاول بس هتاخد وقتها
******************
كان يجلس ويتحدث ف الهاتف

المجهول: يعنى هى دلوقتى عند امها…لا تمام اووى كدا..بقولك اييه..عاوزك تراقبهالي..وعاوزك كمان تعمل اللي هقولك عليه دلوقتى…وجهز نفسك عشان هنفتح المخزن القديم
*********************
بعد عده ايام بسيطه تحس بشئ غريب وكل عشر دقائق تذهب للمرحاض لتتقيئ

بسنت: مالك ياحوريه انتى تعبانه

حوريه بتعب: مش عارفه يابسنت مالي…من ساعه ماجيت هنا وانا تعبت اووى

بسنت: يمكن عشان بعدتى عن مروان

حوريه: بسنت لو سمحتى ماتجبيليش سيره البنى ادم ده ماشي

بسنت: خلاص ياحوريه سامحيه عشان خاطر حبكو

حوريه بدموع: حبنا وهو عمل حساب لحبنا ده ..دا كسرنى بعملته دى يابسنت

بسنت: بس يوسف قالي انه كان قبل مايتجوزك

حوريه: لو كنتى مكانى يابسنت كنتى هتقولي كلامك ده برضو

اما بسنت فنظرت امامها وفضلت الصمت
*********************
اما هى فعندما اشتد بها المرض ذهبت للطبيبه لكى تتطمئن علي صحتها

الطبيبه: اتفضلي البسي هدومك

فارتدت ملابسها وخرجت للطبيبه: خير يا دكتوره

الطبيبه: انتى متجوزه بقالك اد ايه يا دكتوره حوريه

حوريه: يعنى داخله علي سنه اهو

الطبيبه: طيب احب ابشرك ان ولي العهد قدامه 8 شهور ويشرف

حوريه باندهاش: انتى بتقولي ايه يادكتوره

الطبيبه: بقول انك حامل يادكتوره

حوريه: بس..بس ازاى..ازاى ده حصل

الطبيبه: ايه يا دكتوره انتى مش لسه قايله انك متجوزه وداخله علي سنه جواز كمان

حوريه: ايوه يا دكتوره بس انا ماكنتش عاوزاه

الطبيبه: احمدى ربنا يادكتوره وقومى فرحى جوزك

حوريه: طيب متشكره اووى بعد اذنك

الطبيبه: اتفضلي

وهبطت للاسفل واتصلت بها بسنت فردت عليها: الو..ايوه يابسنت..انا كنت عند الدكتو……

بسنت: الو..الو…حوريه…ردى عليا يا حوريه

اما حوريه فا تفاجأت بيد تكتم انفاسها بمنديل واخذها ف سياره مجهوله وانطلق بها

فأغلقت بسنت الخط واتصلت علي مروان

مروان: الو..ايوه يابسنت..ف اييه

بست: مروان انا قلقانه اووى علي حوريه

مروان: حوريه مالها ف ايييه

بسنت: كنت بكلمها وهى كانت ف الشارع وفجأه كدا لقتها ما بتردش وزى مايكون التليفون وقع والخط فصل بعدها

مروان: طب وهى كانت فين

بسنت ببكاء: هى لسه كانت بتقولي ومالحقتش تكمل كلامها ارجوك يا مروان اتصرف انا حاسه ان حوريه ف خطرر

مروان: طيب اقفلي دلوقتى..ويغلق الخط ويتصل بعدها بحوريه ليجد شخص ما يرد عليه

مروان: الوو..ايوه

الشخص: ايوه

مروان: حضرتك دا تليفون مراتى انت مين

الشخص: التليفون دا مرمى ف الشارع وانا لقيته بيرن فارديت عليه تحب حضرتك اجبهولك فين

مروان: لا قولي انت فين وانا اللي جايلك

الشخص: طيب خد العنوان عندك………

وبالفعل ذهب له واخذ الموبايل وبدأ يسأل عن حوريه فلا احد يعرف عنها شئ

اما هى فتفتح عيناها لتجد نفسها ف مكان مهجور نوعا ما ويوجد شريط لاصق علي فمها ويدها وقدميها مربتطين ويوجد شخصين مفتولين العضلات واقفان عند الباب

وبعد وقت كبير يجد رقما غريبا يتصل به

مروان: الو

المجهول: الو

مروان: ايوه مين

المجهول: ايه مش عاوز تشوف مراتك ولا ايه

مروان بغضب: انت مين يا ابن………….ومراااتى فييين..اوعى تكون لمست شعره منها والله مايكفينى فيك مووتك

المجهول: تؤ تؤ بالراحه علي نفسك مش كدا..عاوز تشوف مراتك..تعالي

مروان: ادينى العنوان وانا هجيلك وراجل لراجل وماتدخلش الحريم بينا…بس اعرف انت مين

المجهول: اما تيجى هتعرف وياريت ما تبلغش البوليس دا لو عاوز تشوف مراتك تانى

مروان: وانا موافق بس ادينى العنوان

المجهول: مااشي…اكتب عندك………

وبعد ان يمليها العنوان يغلق الخط

ياسين: هتعمل ايه يامروان

مروان: هروح طبعا دى مراااتى يا ياسين

يوسف: مروان احنا لازم نبلغ البوليس

مروان: لا يايوسف..حوريه اللي هضيع فيها وانا مش مستعد اخسرها

عز: طيب روحله انت ومالكش دعوه انا هتصرف

مروان: هتعمل ايه ياعز

عز: انا ليا معارف جامده اووى يامروان وهيلحقوك انت وحوريه من غير ما يؤذو حد فيكم

مروان: مااشي..سلام انا دلوقتى

يوسف: لا اله الا الله يامروان

مروان: سيدنا محمد رسول الله

ياسين: ماتخافش يامروان احنا معاك مش هنسيبك

مروان: عارف ان ورايا رجاله..ويذهب من امامهم

ياسين: مالك يا بسنت سرحانه كدا ليه..عارف انك خايفه علي حوريه..ماتخافيش ان شاء الله هترجعلنا هى ومروان بالسلامه

بسنت بسرحان: الصوت ده مش غرييب علياا!!!!
********************
فذهب مروان للمكان المقصود ..فاستقبله شخصان اخران يقفان عند الباب الخارجى

مروان: حوريه فين

الشخص1: بلغت البوليس

مروان: ما بلغتش حد..وعاوز اشوف مراتى حوريه فييين

الشخص2: فتشه قبل مايدخل

وبعد ان تم تفتيشه

الشخص1: مامعاهوش حاجه

الشخص2: خلاص تعالي…ويمسكه ويدخله لها واول مايراها يجرى ناحيتها: حوريه…حوريه ياحبيبتى عمله فيكى اييه..ويبدأ بفك الاربطه من علي قدميها ويديها ويزيل هذا الشريط الذي كان علي فمها

حوريه ببكاء: مرواان الحقنى يامرواان

مروان ويحتضنها: حبيبتى ماتخافيش انا جمبك..مش هسيبك

حوريه: مين دول يامروان وعاوزين مننا ايه

مروان: هتصدقينى لو قولتلك انى مش عارف

ف الخارج

الشخص1: ايوه يا باشا خلاص الفار دخل المصيده ومستنيك تشرف يا باشا

وبعد وقت كبييير يدخل عليهم شخص وها هو المجهول

المجهول: دلوقتى بقي عرفت انا ابقي مين يامرواان..عرفتى ياحوريه..
ياريت تكونو ارتاحتو

حوريه بصدمه شديده جدا كادت ان يغشي عليها من اثرها: ميييييييييييين دكتور معتز!!!!!!!!

الحلقة 24 والاخيرة

حوريه بصدمه: مييييييين دكتور معتز!!

مروان باندهاش: انت!!

معتز: ايوه انا

مروان: انت…انت عاوز مننا ايه وبتعمل كدا ليه….وانت اللي تعمل ف حوريه كدا!!!

حوريه مصدومه وبدموع: مش ممكن انا حاسه انى بحلم..ازاى..ازاى..انت يا دكتور معتز..دا انت كنت زى ابويا دا انا كنت وخداك مثلي الاعلي ليه تعمل كدا ليييه

معتز: جوزك ياحوريه..ضرنى ف شغلي فا قولت لازم اخلص منه بقي وخلاص

حوريه وتمسك مروان خائفه عليه: لا مروااان لا..وهو ضرك ف شغلك ازااى..مروان مالوش دعوه بشغل الطب ولا له دعوه بالمستشفي

مروان: انا مااعرفكش..وماشوفتكش غير مره واحده بس..يبقي هضرك ف شغلك ازااى انا ماليش دعوه بيك

معتز: ماهو اللي انت ماتعرفوش ياسي مرواان ان انا ابقي الراس الكبيره صاحب شركه المنشاوى

مروان بصدمه: ايييييييييه انت بتقول ايييه

معتز: زى ما سمعت

حوريه: ازااى ..ازاى وانت دكتور محترم ومدير مستشفي

معتز: ماهو انا شغل المستشفي ده واخده واجهه ليا عشان اداري بيه الشغل التانى وابعد الشبهه عنى

حوريه: احنا ازااى كنا مخدوعين فيك بالشكل ده ازااى

معتز: عاادى عاادى بتحصل..اه وبالمناسبه انا اللي بعتلك الفيديو

مروان: انت!! ازاى والفيديو دا كان…..

معتز: مع تاليا…… وينادى عليها….تعالي يا تاليا اظاهر مروان نفسه يسلم عليكى

فتأتى تاليا لهم: هااى..اذيك ياميرو يا حبيبي عامل اييه

مروان: تاليا!!..انتى ايه اللي جابك هنا انطقي

معتز: تاليا شغاله معانا يا ميروو وهى اللي ادتلنا السي دى وهى كمان اللي خلتنا نكسب صفقه المدارس..وعلي فكره لولا مساعدتها لينا علي اخر لحظه كان زمانها رسيت عليك انت

مروان: ازااااااى

تاليا: سيبلي الحته دى بقي يا بشبوشتى…اقولك انا ياميرو يا حبيبي..تفتكر لما كنت عملي نسخه من مفتاح الشركه والمكتب بتاعك وانت طبعا بعد ماطلقتنى نسيت انك تاخدهم منى..فا ايه بقي روحت الشركه بعد نص الليل وطبعا دخلت من غير ما الامن ياخد باله منى ودخلت مكتبك وحطيت تحت مكتبك مايك صغنوون اااد كدا عشان اسمع انتو بتقولو ايه عن الصفقه ولما سمعت تمن السعر اللي انتو اتفقتو عليه روحت قولت لبشبوشتى وطبعا بعد ماعرفت ودا اللي كنت عاوزه اعرفه روحت تانى يوم ف نفس المعاد ودخلت بنفس الطريقه شيلت المايك عشان ما اتقفششششش ههههههه ياريت ياميرو تغير طقم الامن بتوعك شغلهم مش عاجبنى خالص ماالص هههه

مروان: انتى كلبه يا تاليا وانا ندمان ندم عمرى انى عرفت واحده زيك ف يوم من الاياام

تاليا: تصدق وانا كمان ندمانه اووى اووى ياميرو انك عرفت واحده زيي ف يوم من الايام ههههه

حوريه: وانت عاوز ايه مننا دلوقت

معتز: عااوز كل خير..يعنى لا قولتلك هات كام مليون وانت جااى ولا اى حاجه انا واحد مش طماع ومش هاخد منك بس غيير……الشركه

مروان: شركه ايه اللي بتكلم عليها

معتز: شركتك….هتكتبهالي بيع وشرا عشان مش كل صفقه ادخلها الاقيك طالعلي فيها

مروان بغضب: انت باين عليك اتجننت..اكتبلك ايه يا راجل يا مجنون انت

معتز بهدوء: تؤ تؤ بلاش كدا ..كدا هزعل وانا زعلي وحش اووى وممكن يطلع علي مراتك

مروان ويحاوطها بذراعيه: اياك تيجى جمبها انت فااااااهم

معتز: طيب يبقي تتكلم معايا حلو زى الناس ..ها قولت اييييه

مروان: تبقي بتحلم لو فكرت انى ممكن اوافق علي حاجه زى كدا

تاليا: كدا ياميرو…احنا كدا هنضطر ياقلبي اننا نجرب سلوك الكهربا دى علي حبيبه القلب اللي متجوزها غصب عنك

معتز: اسكتى انتى يا تاليا ما تتكلميش

تاليا: لا هتكلم…ماهو انا يا حبيبي هبقي شريكتك ف الشركه اللي هيكتبها باسمك

معتز: هههههه انتى اتجننتى يابت انتى ولا اييه

تاليا: يعنى ايييه

معتز: يعنى تهشي بعيد كدا عشان اعرف اتكلم

تاليا: يعنى انت كنت بتضحك عليا..لا دا عليا وعلي اعدائي..واخرجت من بنطالها مسدسا وصوبته ناحيته..فأمسكها من الخلف احد حراسه

معتز: ههههه بقي انا اللي ترفعى عليه المسدس انتى بقي اللي جبتيه لنفسك ياحلوه…وصوب المسدس ناحيتها واطلق النار عليها لتصيب نصف رأسها وتقع غارقه ف دمها فتصرخ حوريه عندما تشاهد هذه المناظر فيحتضنها مروان ليطمئنها

معتز: كلبه وراحت…ويقول لاحد حراسه: هات الورق..فيعطيه له ويقوم من مكانه ويذهب لهم

معتز: ها هتمضي ولا اخلي الحلوه دى تحصل تاليا الحلوه دى برضو

حوريه ببكاء: لا ماتمضيش يامرواان

مروان: بس ياحوريه..هات الورق انا همضي

معتز: ههه كدا تعجبنى.. امسك

فأمسك مروان بالقلم..وانتهز الفرصه عندما وجد معتز ينظر لحوريه ويبتسم..حتى القي الورقه علي الارض وامسك معتز وضربه والقاه بعيدا عنه..حتى اتى احد الاشخاص وبدأ بضرب مروان…اما مروان فبذل اقصي جهده كى يهزمهم جميعا وبالفعل هزمهم وتبقي معتز..فأمسك بالمسدس وصوبه ناحيه حوريه ومروان

معتز: للاسف يامروان انت اللي اختارت ..وبدأ يضغط بأحد اصابعه علي الزينات حتى سمع اصوات ف الخارج ورجاله يدخلون له..الحق يا باشا البوليس بره…

معتز: اييه بوليس..فاجرى ناحيه اكباس الكهرباء واغلقها وبعدها دخل البوليس واضاء الانوار..ولكن لا وجود ولا اثر له فأمسك بجميع رجاله

ويجرى ياسين ويوسف وعز ناحيه مروان

ياسين: مروان انت كويس

مروان: انا كويس الحمدلله

يوسف: للاسف الراجل هرب يا مروان

مروان: مش مهم المهم حوريه ..ويجرى ناحيتها..حوريه انتى كويسه..مالك ردى عليا

حوريه وهى تغيب عن الوعى: مروااان.الحقنى يا مرواان

عز: الحق يامروان دى بتنزف

مروان: حوريه مااااالك

حوريه: مروااان انا حاااامل…ويغشي عليها

فيحملها مروان وينطلقو بها مسرعا الي اقرب مشفي وتدخل غرفه العمليات..وبعدها يأتى الجميع ليطمئنو عليها

ناديه: بنتى يامروان جرالها ايه

مروان: ادعيلها يا طنط

ناديه ببكاء: يا حبيبتى يابنتى ربنا يقومك بالسلامه يارب

بسنت: مروان حوريه حصلها اييه

مروان: حوريه حامل يابسنت وجالها نزيف

بسنت بخضه: اييه حامل يبقي هى كانت بتقولي انها كانت نازله من عند الدكتوره بس ما كملتش كلامها يا حبيبتى ياحوريه ما لحقتش تفرح

مروان: عارفه يابسنت مين اللي كان خاطفها

بسنت: ميييين يامروان

مروان: دكتور معتز

بسنت بصدمه: اييييييييييييه..ايه اللي انت بتقوله ده يامروان

مروان: هو كدا..وهو دا الراجل اللي كان بيضرنا ف شغلنا

بسنت: عشان كدا انا قولت الصوت ده مش غريب عليا

فيخرج الطبيب من غرفه العمليات فيجرى عليه الجميع

مروان: خير يادكتور مراتى مالها

الطبيب: الحمدلله المدام بقت كويسه جدا دلوقتى

مروان: والجنين يادكتور

الطبيب: الحمدلله قدرنا ننقذه..انكتبله عمر

مروان: الحمدلله…متشكر اووى يادكتور

الطبيب: علي ايه دا شغلي..بعد اذنك

ياسين: مبروك يا مرواان

مروان: الله يبارك فيك يا ياسين…المهم اطمن علي حوريه

فتخرج حوريه من غرفه العمليات وتدخل غرفه عاديه وبعد ان تفووق

حوريه بتعب: امممم انا فيين

مروان: انتى جمبي يا حبيبتى حمدلله علي سلامتك يا نور عينى

حوريه بضعف: انت..انت ايه اللي جابك هنا امشي اطلع بره

مروان: واهون عليكى اطلع بره

حوريه: ما انت خاين وكداب

مروان: اول واخر مره اعملها

حوريه وبدأت تحن: طب وان عملتها تاانى

مروان ويميل عليها وبصوت رقيق: عاقبينى اضربينى موتينى بس ماتبعدييش عنى

حوريه: مروااان

مروان: ياعيون مروان

حوريه بابتسامه: بحبك

مروان: وانا بعشقك يا اغلي حاجه عندى ف الدنيا دى

ياسين: ايه يابرنس نحن هنا

مروان: ايه ياعم ياسين فصلتنا

حوريه: صحيح يامروان البيبي حصله حاجه

مروان: البيبي يا روحى زى الفل وبيقولي خلي بالك من مامى علي اما اجيلها

حوريه وتضع يدها علي بطنها وتبتسم: الحمدلله

سهيله: حمدلله علي سلامتك ياحور….ولم تكمل جملتها فوضعت يدها علي رأسها ويغشي عليها

عز بخضه: سهيله…فيحملها ويضعها علي الفراش ويأتى الطبيب ويكشف عليها ليقول: مبروك المدام حامل

مروان: مبرووك يا زوز

عز: الله يبارك فيك يامروان حصلناك اهو ياعم

يوسف: عقبالي انا كمان اما احصلكو..ليجد بعدها بسنت وهى ملقاه علي الارض فيحملها ويضعها علي الفراش الثالث ليأتى الطبيب ويكشف عليها ليقول: مبروك المدام حامل..

يوسف بابتسامه: الله هى الدعوه استجابت علي طول كدا

فيفرح الجميع ويباركه له..وبعدها يجدو ريناد تتقيئ ف الباسكيت وتضع يدها علي رأسها وتقول: الحقنى يا ياسين..ويغشي عليها

ياسين بضحك: ههههه الحقك ايه..قومى ياريناد مبروك ياحبيبتى انتى حامل ..مش محتاجه يعنى ذكاء…وينادى علي الممرضه..سرير رابع هنا يا انسه..فيضحك الجميع عليه ويحملو ريناد ويضعوها علي الفراش الرابع ويأتى الطبيب ويكشف عليها ليقول: مبروك يا جماعه المدام حامل وياريت بقي اكشف علي كل الستات اللي باقيه عشان انا اقسم بالله تعبت

ياسين: ههههههه لا يادكتور الحمدلله هما كدا تمام اووى جبرت …..ولا نكشف يا دودو لا يكون ف نونو كدا ولا كدا جاى ف السكه هههه

هويدا: بس ياولد

الجميع: ههههههه
********************
وبعد ثمانيه اشهر يكون هذا التجمع الجميل ف المشفي ينتظرون الاربعه يضعون اطفالهم

خارج غرفه العمليات

يوسف: يارب قومها بالسلامه يااارب

عز: يارب تقوميلي بالسلامه يا حبيبتى ياارب

مروان: ياارب المهم حوريه ياارب خليهالي وقومهالي بالسلامه يارب

ياسين: ياارب ولد يارب ولد يارب ولد..ايه اللي انا بقوله ده..يارب قومهالي بالسلامه يارب

وبعد وقت يخرج الطبيب وثلاث ممرضات معه وكل منهم يحمل طفل

الطبيب: اتفضلو دا طفل مدام سهيله..ولد زى القمر

عز بسعاده: هات يادكتور…

الممرضه1: ودا طفل مدام بسنت..ولد برضو

يوسف: هاتى…ما شاء الله زى القمر

الممرضه2: ودى بنوته زى القمر بنت مدام ريناد

ياسين: هاتى هاتى…..ياختى حلووه

الممرضه3: اتفضل مافيش غيرها بنت مدام حوريه

مروان بحب: جميله جمال حوريه…ربنا يباركلي فيكى ياارب

وبعدها تخرج الامهات الاربعه من غرفه العمليات ويدخلو غرفه عاديه..وكل منهم علي سريرها بجانب زوجها وطفلها

مجدى: المهم ياولاد ما قولتوليش هتسمو العيال دول ايه بقي

عز: انا عن نفسي ..نفسي اسمى محمد اووى

ياسين: تماام…انا بقي هسمى ياسمين عشان تبقي ياسمين ياسين هههه

اما يوسف فيقول لبسنت شيئا ف اذنيها فتبتسم هى وتوافقه: احنا بقي ناويين نسمى مروان

مروان بابتسامه: ايه دا بجد

بسنت: اومال يعنى بهزاار ههههه

مروان: متشكر اوووى يا جوو

ناديه: وانتو بقي هتسمو اييه

مروان: انا اللي هسميها

مجدى: وهتسميها ايه ياسيدى

مروان ينظر لحوريه وهو يبتسم: هسميها حوريه

فتبتسم له حوريه وتحتضنه

يوسف: طيب اعمل حسابك بقي ياسي مروان..ان حوريه بنتك محجوزه لمروان ابنى

مروان: ياسلام خدها من دلوقت ياعم لو عاوز هههههه

سهيله: وانتى ياست ريناد احجزيلي ياسمين لمحمد ابنى

ريناد: من عنيا يا لولو وهو احنا هنلاقي احسن من محمد لياسمين

وظلو الجميع ف سعاده لا حدود لها حتى مر عليهم 10 سنين..كانو يجتمعون ف فيلا العوامى ويحتفلون بعيد ميلاد الاربعه حيث ذهب مازن الصغير لوالدته وهو يبكى وكان معه ثلاثه غيره: ماامى مامى

حوريه: مالك يامازن بتعيط ليه

مازن: اشمعنى عاملين عيد ميلاد لمحمد وحوريه ومروان وياسمين واحنا لا

حوريه: ههههه يا حبيبي ما انتو عيدميلادكو لسه ماجاش وهما عيد ميلادهم النهارده

نور: لا ياطنط كدا ظلم

حوريه: ظلم…ههههه الحقي يابسنت بنتك بتقول دا ظلم

بسنت: هههههههه عيال اخر زمن ياختى والنبي

سهيله: اوعى تكونو بتغلطو ف عيالي ااه انا عيالي دول نسمه ان كان محمد ولا احمد

ريناد: لا وانا بقي عندى ياسمين ومهند حاجه كدا ما اقولكوش

حوريه: انتى هتقوليلي ههههه

اما عند الرجال

مروان: ههه بطل بقي يا ياسين معتش قادر والهيبه هتروح

ياسين: هيييبه ايه ياعم دا احنا يدوب ما جبناش 40 سنه يعنى لسه شوبااب

يوسف: شوباب ايه بس يا سيينو

عز: ايوه ياعم شوباب دا انا شعرى لسه حتى ما ابيضش دول يدوب 40 سنه ياعم يوسف

مروان: انا مراتى وحشتنى يا جدع انت وهو وسعو كدا اما اروحلها

ياسين: هنياله ياعم

فيذهب لها: حوريه يا حبيبتى عاوزك ف البرنده ف كلمتين

حوريه: اوك يا حبيبي…بعد اذنكو يابنات

فتذهب له: ايه يا حبيبي

مروان: ايه وحشتينى مش عارف اتلم عليكى من الصبح

حوريه: هههههه تصدق وانت كمان وحشتنى اووى

مروان بحب: انت بتوحشينى وانتى معايا يا روحى

حوريه: مش وقته يا ميرو الجو الرومانتيكى ده احنا ورانا قروود هتلاقيهم طبين عليك دلوقتى حالا

مروان: عاوز اشبع منك علي اد ما اقدر

حوريه: ليه يامروان يا حبيبي بتقول كدا…حبيبي ماتخوفنيش عليك ف اييه

اما ف مكان بعيد ولكن قريب كان شخصا ما يتحدث ف الهاتف: ايوه يا باشا..هو قدامى اهو..اؤمرنى يا باشا…هخلص واديك التمام..سلام

اما هو وف مكان بعيدا جدا وف بلد اخرى كان يغلق الهاتف وهو سعيد للغايه ويقول لنفسه: اخيرا هخلص منك يامروان الكلب واخد بطارى اللي بقاله 10 سنين..ويضحك ..مارضتش تدينى الشركه اهو انا دلوقت هااخد رووووحك

اما عند مروان: لا يا حبيبتى ولا بخوفك ولا حاجه بس انا حاسس انك وحشانى اووى وعاوز اقعد اتكلم معاكى كتييييير

حوريه: يا حبيبي يا مروان انا بحبك اووى

مروان: وانا كمان بحبك وعاوزك تعرفي انى عمرى ماحبيت حد غيرك وجوازنا الغصب ده كانت احلي حاجه ف حياتى عملتها غصب عنى

حوريه: وانا كمان يامروان

مروان بدموع: بحبك ياحوريه…وبعدها يجدو شخص يجرى بسرعه رهيبه بسياره ويطلق الرصاص علي مروان لتصيبه ف قلبه ليقع علي الارض..ويهرب هو

حوريه بصراخ: مروااااااان مرواااااااان….ليجرى عليه الجميع وهما ف صدمه مما يشاهدوه مروان ملقي علي الارض وغارق ف دمه

ياسين: مروااان

لتجثي علي ركبتها وهى تبكى: مرواان فوق ياحبيبي انا جمبك

مروان وهو يلفظ انفاسه الاخيره: ح و رييه

بسنت ببكاء: حد يطلب الاسعاااااااف

حوريه بدموع: مرواان انا معاك وجمبك ماتخافش

لتأتى حوريه ابنتهم وهى تبكى: بابي بابي لاا ما تسبنيش يا باابي

ويأتى مازن: باابي رد عليا يا بابي

مروان بانفاس متقطعه: خلو بالكو من ماما يا ولاد

حوريه:لا يا مروان انت هتقوم وانت اللي هتخلي بالك مننا ..قوم يا مروان مش هسيبك تروح منى انا ماصدقت لقييييتك

مروان وهو يبتسم: انا خدت من الدنيا كل حاجه حلوه وانتى الولاد كنتو احلي حاجه ف حيااتى انا دلوقت همووت وانا مرتاح..ياسين..يوسف..عز..حوريه امانه ف رقبتكو هى والاولاد خلو بالكو منهم

يوسف ببكاء: ماتخافش يامروان..انت هتبقي كويس وانت اللي هتاخد بالك منهم

مروان: حوريه اوعى تنسينى

حوريه: لا يا مرواان ماتقولش كدا انت هتقوم وهنعيش اجمل ايام حياتنا مع ولادنا

مروان: خلي بالك من نفسك يا حبيبتى..وبعدها يخرج اخر نفس فيه ويميل برأسه جانبا

حوريه بصدمه: مرواااااااااااااااااااااااااان

بااااااااااااك

وبكدا يا ولاد اكون حكتلكو حكايتى مع جدكو مروان الله يرحمه

كنزى: ياااه يا تييته جدو مروان صعبان عليا اووى كان نفسي يفضل عايش معاكى وعشان كمان كنا احنا نشوفه

حوريه: جدك راح لمكان احسن من هنا بكتير يا كنزى وهو فعلا عايش معانا بس ف قلوبنا وعمرنا ما هننساه ابدا

مروان: انا مبصوت اووى علشان سمتونى علي اسم جدو

حوريه الصغيره: بس اوعى تكون مفكر انك هتبقي زى جدو يعنى جدو دا حاجه مش هتتكرر تانى

مروان: وانتى كمان اوعى تكونى مفكره نفسك زى تيته عشان متسميه علي اسمها لا طبعااا

حوريه الكبيره: ههههه بس ياولاد انتو هتفضلو ناقر ونقير كدا
شكلكو كدا هتتجوزو وهتفضل قصه مروان وحوريه علي طول مش هتنتهى

فتأتى لها ابنتها حوريه: قومى يا ماما يا حبيبتى بقي ريحى شويه ف اوضتك علي بال ما انطى بسنت وريناد وسهيله يجو

حوريه: حاضر يا حبيبتى…فصعدت للاعلي ونامت ف سريرها حتى
نظرت الي النافذه ووجدت مروان يرتدى ثوبه الابيض ويأتى لها

حوريه بابتسامه: مروااان

مروان بابتسامه: وحشتيينى ياحوريه

حوريه: انت اللي وحشتنى يامروان فينك غبت عليا كتير

مروان: ماهو انا جااى عشان اخدك معايا يا حوريه ان الاوان بقي اننا نتجمع تانى مع بعض

حوريه: يااه اتأخرت عليا يا مروان…. خدنى معاك يامروان وماتسبنيش وماتبعدنيش عنك تاانى

مروان: تعالي يا حبيبتى…ويمسك يدها ويذهب بها من حيث ما اتى

حتى صعدت لها ابنتها لتويقظها

حوريه: ماما…ماما اصحى يا حبيبتى انطى بسنت جت تحت..ماما…فتقلق عليها وتهزها..ماما…..ماااااااماااااااا….فتنام علي صدرها وتبكى بصمت

وبكدا اكون خلصت قصتنا مروان وحوريه القصه كلها كانت فلااش باااك يارب اكون ختمتها بنهايه كويسه وتكون القصه عجبتكو

تمت بحمد الله

بقلم الكاتبة:سارة مجاهد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى