مسلسل تضحية ثم حب الحلقة 1و2و3

المقدمه
ليس كل ما يتمناه المرء يحصل عليه
فكل شئ مقدر من الله سبحانه وتعالي
ولكن دائما نحصل علي الافضل لنا
انتظرووووني غدا مع وأولى حلقات الرواية الجديدة
(تضحيه ثم حب )

الحلقة الاولي     
     
تجلس فتاه في غرفتها وهي تبكي بصوت مرتفع وتتذكر حفل تخرجها من الكليه اللتي تمنت ان تدخلها وحققت هدفها وهى كليه الصيدله وكيف كان اهلها فخورين بها وهم يضحكون ويمزحون وايضا لانه حفل تخرج اخاها التوأم من هندسه فمن يراهم يظن انهم شخص واحد فقط .. Stop نتعرف عليهم بقا     
ياسمين فتاه تتميز بالبشرة البيضاء والعيون البنيه الواسعه التي تسحر من ينظر لها والجسم المتناسق والشعر الاسود الحريرى الذى يتغطي تحت حجابها وهي الفتاه المرحه     
سيف وهو (توأم ياسمين) شاب طويل ذو البشرة القمحاويه والعيون العسليه والجسم الرياضي      
يوسف (والد ياسمين وسيف) رجل اعمال مستعد ان يفعل اى شئ من اجل عائلته     
فريده(والده ياسمين وسيف) ربه منزل فهى كأي امراه يجب عليها المحافظة ع بيتها وتربيه ابنائها..نكمل     
تظل ياسمين تبكي وهى وتكتم صوتها بالوساده فتدخل عليها والدتها.     
فريده:ياسمين حبيبتى انتى كده مش هتغيرى اللي حصل قومي صلى يا حبيبتي وادعى ربنا يرحمه     
ياسمين:ماما لو سمحتى سبينى لوحدى     
وتخرج والدتها من غرفتها وتنزل الى اخاها     
سيف:لسه بتعيط     
فريدة:انا مش عارفه اعملها ايه حالتها صعبه جدا وخايفة يجيلها انهيار ولا حاجه     
سيف:انا طالعلها     
ذهب سيف الي اخته وما ان وصل الي الباب وسمع صوت بكائها حتي تجمعت الدموع فى عينيه فتنهد وطرق الباب ودخل لاخته     
سيف:سوسو حبيبتي كدا مينفعش انتي عايزة بابا يزعل يعنى     
ياسمين:انا مش مصدقه ان بابا مش معانا احنا امبارح كنا بنحتفل بتخرجنا والنهاردة راح مننافيتذكر سيف ما حدث     
فلاش باك     
بعد انتهاء الحفله ظلت العائله تمزح وتضحك الى ان خلد كل واحد لنومه وفي الصباح ذهب يوسف الى عمله كالعادة ولكن هذه المرة بدون رجعه ففي اثناء ذاهبه للشركه ظهرت امامه شاحنه كبيرة ولم يستطيع السيطرة ع سيارته فنقل الى المشفي     
——————     
فى فيلا يوسف….     
اثناء تناول سيف وياسمين الفطار وتجلس معهم والدتهم يرن هاتف فريده برقم زوجها فترد     
فريده:الو يا يوسف     
المتصل:احم انا اسف يا فندم بس صاحب الموبايل عمل حادثه وحالته خطير      
لم تستطيع فريده تحمل المزيد فوقع الهاتف منها فوقفت ياسمين بجانبها وهى تنظر لها بتعجب بينما امسك سيف بالموبايل     
سيف:الو مين معايا     
المتصل:حضرتك احنا مستشفى(…)وصاحب الموبايل عمل حادثه وحالته خطيرة وهو ف العمليات     
سيف:باباطيب انا جاي حالا     
ويغلق الهاتف وتستفسر منه ياسمين وعندما يخبرها بما حدث تقع مغشيا عليها فياخدها ويذهبوا الى المشفي ويطمأنه ع ياسمين وتفيق وينتظروا بجانب غرفه العمليات الا ان يخرج الدكتور وهو حزين     
الكتور:انا اسف عملت اللى عليا بس الحاله كانت صعبه البقاء الله     
ليصدم الجميع ويبكوا ويحاول سيف ان يهديهم ولكن دون جدوى وتتم مراسم الدفن      
—————-     
سيف:سوسو حبيبتى دا قضاء ربنا واحنا منقدرش نعمل حاجه ويلا قومي علشان نصلي مع بعض     
ياسمين:حااضر     
ويصلون ويأخد اخته لتتناول معه ومع والدته الفطار     
____________     
علي جانب اخر في المانيا يستيقظ شاب ذو الجسم الرياضي والبشره القمحاويه والعيون البنيه واللحيه الخفيفه"مراد" هو شاب يعيش وحيد بعد وفاه والدته من سنتين ووالده وهو لم يتجاوز السابعه من عمره والان اصبح عنده 28 سنه يدخل للمرحاض الملحق بغرفته ويأخد شاور سريع ليذهب للعمل ولكن يرن هاتفه ويكون ابن عمه     
مراد:السلام عليكم     
……:وعليكم السلام
مراد:مال صوتك يا سيف  
سيف:مراد بابا مات في حادثه امبار
مراد:انت بتقول ايه انا هاجى ع اول طيارة نازله القاهرة

الحلقه الثانية

اتصل مراد بالمطار وعلم ان اول طائرة نازله مصر كانت بعد ساعتين وفرح لذلك وحجز واخذ شاور ورتب ملابسه وذهب للمطار.
في مطار القاهرة ينزل مراد من المطار وينهى الاجراءات ويخرج وبجد سائق بالسيارة منتظره فعلم ان سيف من فعل ذلك ركب معه واتجه الي الفيلا التي يسكن فيها عمه الراحل
دق الباب واذا بفتاه تفتح لم يتعرف عليها ولكن يري ان ملامحها يعرفها وليست اول مرة يراها
مراد:لو سمحتي سيف موجود
…..:موجود اتفضل
دخل مراد ورائها وذهبت به حيث يجلس سيف ووالدتها فسلم عليهم وصعدت هي لغرفتها فسأل مراد عنها
مراد:مين الوجه الجديد دا
فضحك سيف بشده:يخرب عقلك وجه جديد مين هههههههههه دى ياسمين
مراد:انت اكيد بتهزر بقا دى ياسمين
سيف:هي هي يابني مالك مصدوم كده مكنتش تعرف انها حلوة وغمزله
مراد:احم احم وحضرتك عامله ايه طنط
فريده:بخير الحمدلله ياحبيبي مكنتش تعبت نفسك وجيت
مراد:مفيش تعب دا عمي ودا واجب يا طنط
فريدة:ربنا يخليك يا حبيبي .اسيبكم انا بقا
——–
ذهبت فريده الي غرفه ابنتها لتعرف لماذا صعدت الي غرفتها وتركتهم طرقت الباب
ياسمين:ادخل
فريدة:ليه طلعتي وسبتينا تحت يا بنتي
ياسمين:عادى ياماما..بس هو مين دا
فريدة:دا مراد ابن عملك
ياسمين:هو دا اللي كان ف المانيا صح
فريدة:صح يا حبيبتي ابقي انزلي اقعدى معاهم تحت
ياسمين:ان شاء الله


في غرفة سيف
مراد:يابني انت مجنون ازاى تقول كده قدام مامتك
سيف بخبث:وهو انا قولت ايه؟
مراد:قولت ان ياسمين عجبتني طنط دلوقتي هتفكر في ايه
سيف:افهم من كده ان هي عجبتك بجد
مراد بارتباك:ل. لا مش قصدى كده عادى يعني
سيف:هو هيكون احسن لما يكون عادى
مراد:قصدك اية
سيف بغموض:ولا حاجه
———
في مكتب المحامي الخاص بعائله يوسف والد سيف وياسمين…….يجلس مع احد الاشخاص العاملين لديه
المحامي ياسر:لازم اقعد مع سيف علشان الوصيه
تامر:طيب حضرتك ممكن تتصل عليه وتاخد موعد منهم
المحامي:هعمل كده ان شاء الله بكرة
تامر:تمام.وان شاء الله خير
المحامي:مش حاسس انه خير خالص
تامر:حضرتك ليه بتقول كده
المحامي:لو سيف ووالدته وافقو ع الوصيه ياسمين مستحيل توافق

الحلقة الثالثه
_______
ياريت يا جماعه لو فى حاجه فى القصه تنتقدوها علشان اخد بالي منها فى الحلقات القادمه
_______

فى صباح اليوم التالى
مراد وسيف وفريدة يتناولوا الافطار باستثناء ياسمين
سيف:ماما ياسمين لسه نايمه
فريده:انا لما طلعت اصحيها قالتلي انها نامت بعد الفجر
سيف:ليه كانت بتعمل ايه لحد الصبح
فريده:انا مش عارفه ياسيف اختك متغيرة خالص ومش بتتكلم معايا زى الاول
يدخل مراد فى حوارها:معلش ياطنط سبوها براحتها هى كانت متعلقه بعمو واكيد الصدمه لسه مأثرة عليها
فريده:بس ياحبيبى دى مقعدتش معاكم من وقت ما جيت
مراد:حضرتك متشغليش بالك وينظر الى سيف ويقول له:سيف ممكن تطلعها تتعشا برا او تخليها تسافر شويه تغير جو
سيف:قولتلها بس هى مش موافقة تخرج حاليا
واثناء حديثهم يقاطعهم رنين الهاتف فيرد سيف
سيف:السلام عليكم
….:وعليكم السلام ازيك يا بني
سيف:الحمدلله بخير وحضرتك
…..:الحمدلله يا ابني..ممكن اتكلم مع الوالده بعد اذنك
سيف:اكيييد
اخبر سيف ورالدته بان المحامي ياسر يريد التحدث معها
فريده:السلام عليكم
المحامي:وعليكم السلام .فريده هانم لازم نتقابل علشان الوصيه تتفتح
فريده:طيب حضرتك ممكن تاجي الفيلا عندنا
المحامي:لا هيكون احسن لو شرفونى حضراتكم فى المكتب
فريده:ان شاء الله النهاردة هنكون عندك الساعه 8 تناسب حضرتك
المحامي:مناسب جدا.فى انتظاركم ان شاء الله وياريت استاذ مراد يحضر معاكم
فريده:ان شاء الله
ذهبت فريده واخبرت سيف ومراد بامر المحامي وانهم يجب ان يذهبوا وقال سيف بأنه سوف يخبر ياسمين الان
طرق على باب غرفتها ولكنها لم ترد لذلك دخل وكانت نايمه
سيف:ياسمين سوسو ياسوسو اصحي يلا ايه الكسل دا
ياسمين بنعاس:سيف سيبني انام بقا
سيف:يابنت قومي عندينا معاد كمان ساعتين
ياسمين:معاد ايه؟
سيف:هنروح للمحامي علشان الوصيه
ياسمين والدموع اتجمعت في عيونها:لا انا مش هقدر اروح معاكم كان سيف على وشك ان يتلكم ولكنها قاطعته:سيف لو سمحت انا مش هقدر اروح بجد
سيف:طيب خلاص براحتك
وذهب واخبر والدته بانها لا تريد الذهاب معهم
__________________
علي جانب اخر شقه الهندس احمد على الدين
يجلس مع والدته ولا يعجبه حديثها لانها تخطط للحصول علي نصيب بنت اختها وهو لن يوافق علي هذه الافعال لانه يحب خالته وبنتها هي الفتاه الوحيده التي عشقها….نتعرف عليهم
احلام:ربه منزل وهى اخت فريده يعني خاله سيف وياسمين عندها بنتين وولد ايمان وهي البنت الاكبر متجوزه وعندها بنت وعايشه فى الكويت مع جوزها..احمد المتوسط عنده 26سنه اصبح هوالمسئول عن عائلته بعد وفاه والده ..ملك لسه بتدرس اعلام في الدفعه ال3
———–
احلام:احمد حبيبي انت لازم تتجوز ياسمين وملك يتجوزها سيف لان هما اللي هيورثوا كل حاجات ابوهم دلوقتي
احمد:ماما انتي ببتكلمي ازاى انا حتي لو كنت بحب ياسمين مستحيل اتجوزها علشان فلوسها احنا الحمدلله عندينا كل حاجه ومفيش حاجه نقصنانا وانا فتحلكم حساب ف البنك عايزين ايه تاني؟
احلام:هتفضل طول عمرك غبي شويه الفلوس دول هيعمله ايه لكن لو اتجوزت ياسمين هتمسك شركه ابوها لان سيف عايز يثبت نفسه الاول وبعدين يمسكها
احمد:ماما يوسف بيه كان واثق فيه وهو مشغلني في الشركه وانا مستحيل افكر اعمل حاجه من اللي بتقوليه دا عن اذنك انا طالع
ويذهب ويترك والدته وهى تفكر كيف تقنعه هو واخته
__________
ذهبت فريده ومراد وسيف الي المحامي واخبرهم بالذي يوجد في الوصيه والذي صدمهم جدا ولكن فريده لم تتغير ملامحها وكأنها كانت تعلم
سيف:ماما انتي كنتي عارفه باللي بابا كاتبه دا؟
فريده:………
سيف بغضب:ماما لو سمحتي رودي عليه
فريده:سيف وطي صوتك..هو قالي من فترة انه هيكتب كدا وانا قولتله فكر في كلامك لان ياسمين عنيده ومش هتقبل بقرارك دا
سيف:ياماما ازاى بابا يعمل كده ازاى يعني تتجوز مراد وهي اصلا متعرفش حاجه عنه
مراد:سيف ممكن تهدى شويه..وبص للمحامي:حضرتك هو عمى ليه عمل كده اكيد في سبب وليه مقالش اى حد تاني يتجوزها ليه بالذات انا
المحامي:انا عارف انكم منفعلين دلوقتي بس هو عمل كده لانه كان خايف اى حد يضحك عليها ويتجوزها وياخد حقها منها وهي كانت هتصدق وليه انت بالذات لان هو كان بيكلمك يوميا وهو عارف انك مرتبطتش لحد الان وهو عارف اخلاقك كويس لانه عمك وعارف انك راجل وهتقدر تحافظ علي بنته والشركه لحد ما يستلمها سيف ومتنساش ان انت ليك 15% من الشركه في حاله ان ياسمين رفضت انها تتجوزك هيبقا نصيبك 50% يعني بالنص مع المهندس سيف
سيف وفريده ومراد في حاله صدمه يعني بالطريقه دى ياسمين مجبورة انها توافق تتجوز استأذنه من المحامي ورجعوا اللي الفيلا
_________
فتحت لهم الخادمه ودخلوا وكانوا يتحدثون علي الطريقه التي يجب ان يخبروا فيها ياسمين بدون ان تنهار من قرار والدها واثناء حدثيهم قطاعتهم ياسمين:السلام عليكم..ها عملته ايه عند عمه ياسر”المحامى”
كلهم بصو لبعض وقامت والدتها وجلست بجانبها
فريده:ياسمين انتى بتوثقي في قرارات بباكي صح
ياسمين باستغراب:اكيد يعني يا ماما.حضرتك بتسألي ليه
فريده:ياسمين والدك في الوصيه قال ان انتي تتجوزى مراد ابن عمك

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة:هبة محمد