مسلسل تضحية ثم حب الحلقة 19و20و21و22

الحلقة “19”

فتحت ياسمين الرسايل وكانت معظمها صور من رقم غريب ويوجد بها صور ومكتوب اخر رساله فاعل خير فتحت الصور وانصدمت كانت الصور لمراد مع بنات مختلفة بملابس لا يمكن وصفها لا اصلا شكلهم مش لابسين حاجه وكانت ضمن الصور صورة لايمان مع مراد وهي ترتدى مايوه عند البسين
ريم بصدمه:مش ممكن يكون دا مراد..اكيد فيه حاجه غلط
ياسمين بحزن:مش دايما قولتلك انا خايفة من التسرع وادي اخرتها مقدرش الغي الفرح لان ماما هتزعل ومقدر شاوريها الصور لان ممكن يحصلها حاجه
ريم بتفكير:بس ايمان ليها صورة من ضمن الصور دى ودا يدل علي ان ليها ايد فى الموضوع اكيد هى اللي عيزاكي تلغي الفرح
ياسمين بغموض:عندك حق بس تحسي ان الصور ملعوب فيها وكمان انا عايزة مراد ومستحيل اسيبه بسبب شويه صور زى دى
ريم:طيب يلا احذفي الصور دى وانسي الموضوع دا وقبل ان تتكلم ياسمين رن هاتف ريم برقم سيف يخبرها انهم اتوا
دخل سيف وعندما راي ريم ظل ينظر لها فها هى الفتاه التي طالما حلم بها بعد قليل ستكون حلاله وذهب لياسمين وقبل جبينها وقال:انا دلوقتي بس مطمن عليكي لان متاكد ان مراد بيحبك ويقدر يحميكي
ياسمين:بلاش الدراما دى مش بحبها وبعدين انا معاك في نفس الفيلا يعني انت كمان لازم تحميني
سيف:لا انا اسف دلوقتي عندى حد تاني احميه …..كان يريد ان يمسك يد ريم ليخرجوا ولكنها رفضت ونحججت بالفستان ولكنه لم يقتنع لذلك قالت له انه لا يمكن ان يسمك يدها الا بعد كتب الكتاب
كانت ياسمين تتابعهم وهى تبتسم وخرجوا ودخل مراد واصبحت ابتسامتها تختفي تدريجيا اقترب منها وقبل جبينها
مراد:انتي اغلي حاجه عندى ومش عايز اى حاجه تاني من الدنيا كفاية عليا انتي وبس
ابتسمت ياسمين وابتسم لها وخرجوا وركبوا السيارات وذهبوا لجنينه للتصوير لان ياسمين تحب الطبيعه كان المكان مزين بطريقه جميله وكانت المصورة بنت في الاول طلبت تصوير ياسمين بمفردها لاظهار الفستان ثم بعد ذلك مع مراد كانت ياسمين ترفض معظم الوضعيات التي تتطلبها ولكن المصورة كانت لا تعطي لرايها اهميه وكان مراد يقنعها وانتهوا من التصوير بعد عذاب من ياسمين للمصورة وذهبوا الي القاعة……..اول شي مسك سيف المايك:السلام عليكم ياريت تسمعوني بس لدقيقتين وممكن يزيدو علي حسب بقا..انا النهاردة اسعد انسان لان البنت اللي كنت بحبها وعايزها دايما جمبي خلاص هي بقت ليا بس المفروض ان النهاردة خطوبتي بس انا بطلب منك يا عمي ان يكون كتب كتاب كمان..هز والد ريم رأسه بالموافقة فنزل سيف ووقف امام ريم وجلس علي الارض:انا بحبك مش من يوم ولا ليله من اول ما شوفتك شدتيني انا عايزك حلالي مش اى عايز اى تصرف غلط عايز كل حاجه تحصل يكون ربنا راضى عنها موافقة يكون كتب الكتاب مع الخطوبة
ريم بفرحه:مواافقة
وتم كتب كتابهم وطلب الدى جي ان يرقص كل عروسين مع بعضهم علي اغنيه…”انا بعشقه”
كان مراد ينظر لياسمين وهي تتهرب بنظراتها منه
ياسمين:بص بعيد عني لان انت وترتني
مراد:انا اصلا مش شايف غيرك
وكان سيف ينظر يتحدث مع ريم
سيف:انا دلوقتي اقدر امسك ايدك براحتي بقا
ريم:لا لما انا اوافق
سيف:لا والله..علي فكرة خطوة واحدة وتكوني فى حضني
ريم بتحذير:سيف بطل جنان الناس كلها اصلا بتبص علينا
سيف:وهو فيه احلي من الجنان
ريم برقة:بليييييز
ظل ينظر لها سيف بحب:بحبك
ريم:وانا كمان
سيف بصدمه:انتي قولتي ايه؟
ريم:بس يخربيتك هتفضحنا
وانتهت الرقصة واشتغلت الاغاني وكانوا البنات يرقصون مع بعض والشباب مع بعض الا ان اتي حسام”صديق مراد فى المانيا”
حسام:الف مبروووك يا عريس
مراد:الله يبارك فيكي بس ليه اتأخرت كدا
حسام:الطيارة الاولي فتتني واخدت واحدة تاني..وظظل يرقص معهم
———–
علي جانب اخر فى الحفل
ايمان:عمرو شيل جنه شوي هانا تعبت منها
عمر:تعبتي ايه وهي ساكته اصلا
ايمان بقرف:اوووووف انا اصلا كرهت العيش هدى
احلام:ايماان احترمي جوزك
ملك:عن اذنكم هروح لياسمين
وهى فى طريقها لياسمين خبطت فى شخص ما
ملك:انا اسفة
……:ولا يهمك
كانت علي وشك الذهاب ولكنه وقف امامها:انتي تبع العريس ولا العروسه
ملك:لييه
…..:عادي بسال
ملك:انا تبع كله
….:ودا ازاى
ملك ببساطه:سيف وياسمين توام وعيال خالتي ومراد ابن عمهم وزى اخويا وريم صديقه ياسمين ومرات ابن خاتي
….:وانا حسام صديق مراد
ملك بابتسامه:تشرفت عن اذنك
ذهبت لياسمين وظلت تتحدث معها واتي حسام لمراد لانه شاور له
حسام:عايز ايه
مراد:كنت عايز ايه من ملك
حسام:يخربيتك ركز فى اللى جمبك وسيبك مني
مراد:لا بجد عايز ايه
حسام:ولا حاجه خبطت فيا وسالتها تقرب لمين بس كده
مراد:طيب بقولك حاول تنهي الفرح كدا
حسام:انت مستعجل علي ايه الايام كتير
مراد:بس بالله عليك ما تقر مش ناقصة هي وبعدين لينا 3 ساعات فى القاعة
حسام:مش بقر انا بحقد وبحسد بس ولا يهمك هنهيلك الفرح دلوقتي
وطلب من الدي جي انهاء الفرح وركبوا السيارات قالت ريم بانها تريد اولا الذهاب مع ياسمين ثم ترجع الى فيلتها وذهبوا الى الفيلا
ريم بهمس:ياسمين مش هاجي بكرة لان احتمال بابا يسافر وهمشي معاه بس يااريت اخوكي يوافق
ياسمين بابتسامه:مش هيوافق
ريم:انتي ليه باردة كده
ياسمين:ههههههههههه بتعلم منك
ريم:الله يخليكي ….وطلب سيف من ريم ان يوصلها لانها تاخرت وذهبوا وقالت فريدة:يلا انتوا اطلعوا بقا
ياسمين:حاضر
وصعدوا وقبل ان تفتح ياسمين باب الجناح الخاص بهم حملها مراد
مراد:مينفعش اكون موجود وتدخلي برجلك ولا ايه وفتح البااب ودخل وانزلها كاانت ياسمين تنظر لكل شي بصدمه فكانت الارضيه مزينه بالوروود وكان يوجد بلالين علي شلك قلوب مكتوب عليها”بحبك_بعشقك_مراتي_حياتي”
ياسمين:كل دا ليا انا
مراد واحتضنها من الخلف:واكتر كمان..انتي احلي حاجه حصلت فى حياتي ثم قال بهمس:بــحــبــك
اغمضت ياسمين عينها وتنهدت وابعدت يده عنها ولفت له
ياسمين:انت متاكد من مشاعرك دى
مراد باستغراب:اكيد طبعا يعني مش هقول كلام وخلاص
ياسمين:بس متنساش ان انا قولتلك قبل الخطوبة ان جوازنا هيكون مؤقت وهنعيش زى الاخوات وانت وافقت وانا لسه عند رأيي
مراد بصدمه:…..

الحلقة”20″

مراد بهمس:بــحــبــك
اغمضت ياسمين عينها وتنهدت وابعدت يده عنها ولفت له
ياسمين:انت متاكد من مشاعرك دى
مراد باستغراب:اكيد طبعا يعني مش هقول كلام وخلاص
ياسمين:بس متنساش ان انا قولتلك قبل الخطوبة ان جوازنا هيكون مؤقت وهنعيش زى الاخوات وانت وافقت وانا لسه عند رأيي
مراد بصدمه:انتي بتقولي ايه
ياسمين ببرود:زى ما سمعت
مراد:ممكن اعرف السبب اللي خلاكي تكدبي كدا
ياسمين:انا مش بكدب
مراد:ياسمين واضح اوى انك بتكدبي نظرات عيونك فضحاكي..حصل ايه
ياسمين بدموع:المفروض حضرتك اللي تقولي عملت كدا ليه
مراد باستغراب:عملت ايه
ظلت ياسمين تنظر له لدقائق ثم تركته وكانت علي وشك فتح باب غرفه النوم الا ان استوقفها صوته الغاضب:استني عندك
ارتعبت ياسمين من صوته ونظرت له بعفويه اقترب منها وقال وهو يجزم علي اسنانه:لما اكلمك متسبنيش وتمشي
ياسمين بتوتر:انا خلصت كلامي
مراد:بس انا مخلصتش…وهتسمعيني ومش عايز مقاطعه مفهوم
ياسمين بخوف:مفهوم
مراد ببرود:انتي قولتي شروطك دلوقتي بقا شروطي انا
1:ممنوع الخروج من غير اذني
2:شرطك اللي هو كل واحد حر في حياته ملغي
3:هنتصرف قدام اى حد وكاننا اسعد زوجين
4:ودا الاهم…انا مش هطلق
ياسمين بصدمه:هاااا
مراد:دا اللي عندى…معاكي مهله تفكرى لبكرة بس احب اقولك سواء وافقتي او رفضتي مفيش طلاق
ظلت تنظر له بصدمه تركها ودخل غرفة النوم اخذ ملابسه ودخل غرفه الاطفال كل ذلك وهى لم تتحرك من مكانها فها هو الان يجبرها علي هذه الحياه بجانبه….دخلت الي الغرفه وقامت بفتح هاتفها وظلت تنظر الي الصور ولم تستطع اى تنمع دموعها فاتركت لها العنان
ياسمين:ليه بيحصل معايا كدا كل حد بحبه بيسيبني في الاخر الاول بابا ودلوقتي مراد انا كنت بحاول ابعد عنه علي قد ما اقدر بس علي العكس كنت بكون قريبه منه اكتر انا مقدرش اتحمل كل العذاب دا لوحدى انا لازم اساله يعرف ايه عن الصور دى بس لو طلعت الصور غلط انا هكون ظلمته وهو هيزعل مني
————-
علي جانب اخر في سيارة سيف
ريم:احم…سيف
سيف بحب:عيون وقلب سيف
ريم بخجل:احم..بابا مسافر بكرة اسكندريه وانا كنت بفكر ار..
سيف مقاطعها لها:لاا
ريم بصدمه:لا ايه
سيف:مش هتروحي هتفضلي هنا..بكرة هنطلع مع بعض
ريم:بس…
سيف:مبسش مش من اولها بقا
حزنت ريم وكانت تنظر من الشباك ووصلوا الي فيلاتها كانت علي وشك ان تفتح الباب ولكن سيف قام باغلاقه بالزر الاكتروني
ريم:افتح الباب
سيف:يعني اكيد مش هسيبك تروحي زعلانه
ريم:انت السبب
سيف:انا
ريم وهي تحرك يدها امامه:اه انت رفضت ان اروح مع بابا وكمان مفيش سبب مقنع عندك انا اوافق عليه…….
لم يستطع سيف ان يقاوم اكثر من ذلك فهي لاول مرة تتحدث معه بحريه قام بامساك يدها وشدها عليه وقبلها قبله طويله صدمت ريم فى البداية ولكنها تجاوبت معه الى ان ابتعد عنها
سيف بهمس:هنتمسك اداب النهاردة
ريم بخجل:انا اتأخرت..سلام
سيف:سلام وفتح لها باب السيارة ثم عاد الي الفيلا وصعد الي غرفته ونام
———–
في شقه احمد وفي غرفته
قام احمد بحذف جميع صور ياسمين التي كان يحتفظ بها
احمد فى نفسه:هي من دلوقتي اختي الصغيرة وبس وانا اكيد ربنا كاتبلي الاحسن
طرقت ملك باب غرفته فسمح لها بالدخول
ملك بمرح:قوليلى يا عسل اية اللى مزعلك
احمد:عسل!!!قومي يابت عايز انام
ملك:براحه متزوقش..عايزاك تشرحي حاجه
احمد:ملك انا بجد دلوقتي تعبان خليها بكرة معلش
ملك:الف سلامه عليك..ريحتني اروح انام بضمير مرتاح وخرجت
احمد:ايه البت الفاشل هدى
—
في الصالون كانت تتحدث احلام مع ايمان
ايمان:انا بجد تعبت مش عايزة عمر انا عايزة اطلق
احلام بصدمه:تطلقي
ايمان:ا هانا مخنوقة ومش عايزة اسافر تاني
احلام بحده:انا معنديش بنات تطلق وبعدين بنتك دى هتعملي فيها ايه
ايمان بقرف:ياخدها هو انا مش عيزاها
احلام:انتي اكيد اتجنيتي..بس احب اقولك لو اطلقتي ملكيش مكان هنا تصرفي علي نفسك وتركتها وذهبت
ايمان:لا انا مش هصرف علي نفسي لان وقتها مراد اللى هيصرف عليا ثم اكلمت بحقد وكره:انا عايزة اعرف ازاى ياسمين ملغتش الفرح بنت معندهاش كرامه
———-
فى صباح اليوم التالي
استيقظت ياسمين فى الساعه الثامنه نظرت لنفسها كانت مازالت ترتدى فستان الفرح واصبح علي وجهها خطوط سوداء قامت باخد شاور ثم ارتدت بنطال برمودة من اللون الاسود وعليه بلوزه حمراء بحمالات وتركت لشعرها العنان فاصبح مغطي كل ظهرها وقامت بوضع روج بالون الاحمر وكحل وخرجت الى المطبخ وقامت بعمل فنجان قهوه لها فى ذلك الوقت استيقظ مراد وكان يرتدي بنطال قماش رمادى وعليه تيشرت ابيض يبرز عضلاته دخل مراد الى المطبخ وكانت ياسمين تعطيه ظهره
ظل مراد يحدق فى شعرها وهيأتها الجديدة فهذه المرة الاولى التي يراها فيها بشعرها بعد ان كانت فى عمر الثامنه دارت ياسمين لترى ان مراد محدض بها خجلت من نظراته وقامت بابعاد خصلات شعرها للخلف شعر مراد بتوترها وخجلها
مراد:صباح الخير
ياسمين:صباح النور
مراد وهو ينظر لها:قهوه علي الصبح غلط
ياسمين:انا متعودة عليها
مراد ببرود:براحتك وكان علي وشك الخروج ولكن اوقفه صوت ياسمين:مراااد
مراد:نعم
ظلت ياسمين تفكر هل تخبره بامر الصور وتعرف الحقيق هام تخذفها وتنسي ذلك الموضوع ام تصر علي موضوع الطلاق ولكن فى النهايه حسمت امرها
ياسمين:……..

الحلقة”21″

ظلت ياسمين تفكر هل تخبره بامر الصور وتعرف الحقيقة ام تخذفها وتنسي ذلك الموضوع ام تصر علي موضوع الطلاق ولكن فى النهايه حسمت امرها
ياسمين:ممكن سؤال
مراد:اتفضلي
ياسمين:لما كنت فى المانيا….ولكن قاطعها صوت طرقات علي باب المنزل كانت ياسمين علي وشك الذهاب لفتح الباب ولكن اوقفها صوت مراد الغاضب
مراد بغضب:استني عندك
ياسمين:ها
مراد:انتي رايحه تفتحي كدا
نظرت ياسمين الى ملابسها وتوترت:انا نسيت..انا اسفة
وذهبت الى غرفة النوم وغيرت ملابسها بعبايه استقبال لونها ابيض
مراد:يابني انت ليه عيل رخم كدا
سيف:تصدق انا غلطان بس ماما كانت عايزة تعرف صحيته ولا لسه
مراد:طيب ادخل
سيف:لا نازل مش فاضيلكم اصلا
ياسمين:ليه مش فاضي عندك ايه
سيف:عندى موعد مهم يلا سلام
نزل سيف لوالدته واخبرها انهم فاقوا وطلبت من الخادم هان تجهز لهم الفطار
عند مراد وياسمين
مراد:كنتي بتقولي ايه بقا
ياسمين بتوتر:انا يعني كنت…خلاص نتكلم بعدين لان ماما هتطلع دلوقتي
مراد باستغراب:تمام
انتهت الخادمه من الفطار وطلبت منها فريدة ان تطلعه لهم وهي ستصعد ورائها وعندما كانت علي وشك الصعود اذا بجرس الباب يرن ذهبت وفتحت
ايمان:ازيك ياخالتو
فريدة:الحمدلله يا بنتي اتفضلي
ايمان:انا اسفة جاية من الصبح بس ماما نسيت طقم بتاع جنا هنا واحنا هنطلع فكنت محتاجاه
فريدة:ولا يهمك يا حبيبتي انتي شوفيه وانا هطلع اشوف مراد وسيف
ايمان بخبث:بس هيكونوا لسة نايميين
فريدة:لا مش نايمين
ايمان:طيب انا ممكن اطلع معاكي
فريدة:اكيييد
ابتسمت ايمان بانتصار وصعدوا وفتح لهم مراد وسملت عليهم
ياسمين:هجيب العصير ثواني
ايمان بخبث:انا جاية معاكي
ياسمين بغضب:مفيش داعي
فريدة:ياسمين صوتك عالي
ياسمين:انا اسفة ياماما وذهبت وقامت بعدها ايمان
فى المطبخ….
ياسمين:اظن قولتلك مش محتاجه مساعدة
تجاهلت ايمان كلامها:تعرفي انا بدأت اشك فى شخصيتك
ياسمين:قصدك اية؟
ايمان:يعني واحدة مكنش حد بيقدر يفرض عليها اى حاجه كانت بتقرر كل حاجه بنفسها فجاه لقت وصيه بتجبرها علي الزواج
ياسمين:انا مبسوطه كدا
ايمان بغيظ وبدون وعي:وكمان فين كرامتك..لما تلاقي صور لجوزك مع بنات متعرفهاش دا تسميه ايه حضرتك
ياسمين:وانتي عرفتي موضوع الصور دا من فين
ايمان بتوتر:انا..انا سمعتك وانتي بتتكلمي
قامت ياسمين بصفعها بقوة حتي ان والدتها ومراد سمعوا صوتها
فريدة بصوت مرتفع:ياسمين انتي عملتي ايه؟
ياسمين:……..

الحلقة”22″

ايمان بغيظ وبدون وعي:وكمان فين كرامتك..لما تلاقي صور لجوزك مع بنات متعرفهاش دا تسميه ايه حضرتك
ياسمين:وانتي عرفتي موضوع الصور دا من فين
ايمان بتوتر:انا..انا سمعتك وانتي بتتكلمي
قامت ياسمين بصفعها بقوة حتي ان والدتها ومراد سمعوا صوتها
فريدة بصوت مرتفع:ياسمين انتي عملتي ايه؟
ياسمين ببرود:ولا حاجه
قامت فريدة بامساك يدها وهي تهزها:ازاى ولا حاجه ضربتي بنت خالتك واكبر منك انا مش عارفة امتى هتبطلي تصرفاتك الطايشه دى
تالمت ياسمين لانه والدتها كانت تضغط علي يدها وبدات الدموع في التجمع باعينها لم يستطع مراد ان يتحمل اكثر من ذلك فقام بافلاتها من والدتها
مراد بهدوء:براحه ياطنط واحنا هنفهم منهم حصل كده ليه ثم وجهه كلامه لايمان:حصل بينكم ايه
ايمان بكذب:عملت كدا علشان قمت اساعدها….لم تتحمل ياسمين كذبها وكانت علي وشك الاشتباك معها ولكن امسكها مراد وبغضب:ياسمين اعملي احترام لوالدتك
ياسمين بدموع:هي بتكدب هي كانت بتعمل كل حاجه علشان تبعدني عن مراد ثم اكملت وهي تنظر اليه باسف:هي بعتتلي صور لمراد مع بنات مختلفة واكملت بقوة:وكان من ضمن الصورة دى صورة ليكي ودا اللي خلاني اشك انك انتي اللي بعتيها
كان مراد ينظر لها بصدمه فهى كانت تشك به لذلك كانت تتعامل معه بهذه الطريق هرات فريدة نظراته لها:ياسمين فين الصور
ذهبت ياسمين الي غرفتها واتت بالموبايل واعطته لوالدتها وعندما رات الصور صدمت
ايمان بتوتر:اناآآآ…
قامت فريدة بصفعها:انتي عايزة تخربي بيت بنتي عملتلك ايه هى انتى واحده مريضه عايزة كل حاجه ليكي
ايمان بصريخ:هو كان ليا وببساطه بسبب جوز حضرتك المتخلف والوصيه اللي كتبها بقا ليها هي
لم يتحمل مراد ان تهين عمه فهو كان والده ايضا قال بغضب:براا…..برا الفيلا كلهاا
ايمان بكره وغضب:خليها تنفعك بس هدمركم
ياسمين:انا بكرهك بكرهك
خرجت ايمان وعلمت فريدة ان تركتهم سوف تحدث مشكله لذلك:انتوا الاتنين قدامي علي الصالون لان احنا لازم نتكلم
في الصالون..
فريدة:مسالتيش مراد ليه علي الصور دى ومتي بعتتها
ياسمين:انا كنت هساله بس سيف قاطعنا وبعدين قولتله هنتكلم بعدين..انا معرفش هي بعتت الصور امتي لان انا كنت قافله الموبايل بس لما فتحته امبارح شوفتها
فريدة:مراد الصور واضح انها متركبة بس الغبي هدى مركزتش فيها بس صورة ايمان مش متركبه
مراد وهو ينظر لياسمين:عندك حق ياطنط صورة ايمان مش متركبه لانها حقيقيه بس للاسف مقصوصه..الصورة دى لما جات هي وعمر المانيا لشهر العسل وانا جبتهم من المطار كانت الصورة بناءآ علي طلبها
فلاش باك
عندما اوصلهم مراد للفندق
ايمان:ايه يا حبيبي نتصور صورة مع مراد
عمر:اكيد طبعا اذا مكنش عندك مانع يا بشمهندس
مراد بابتسامه:مانع ايه بس
وتصورا كذا صورة وطلب منها مراد ان يذهب لانه مشغول ولكن سياتي لهم مرة اخرى ذهب الي الشركه واتم صفقته وهو في طريق العودة ظهرت امامه سيارة سريعه فدخل فيها ونقل الي المستشفي كانت حالته خطيرة وسافر له يوسف والد ياسمين وظل بجانبه الي ان تحسن لمده شهرين
بااااك
مراد:ولما طلعت من المستشفي كان شهر العسل بتاعهم خلص يعني مشوفتهمش تاني
فريدة:فعلا لما هى سافرت تاني يوم سافرك يوسف لان المستشفي اتصلت وقالت ان حالتك خطيرة
كانت ياسمين مصدومه فهى لم تفكر فقط كانت تتحدث بغباء ولكن نظراته لها كلها عتاب ولوم وحزن ولكنها قالت بدون وعي:طيب وصورك مع البنات التانيه كانت لايمان بس هي فبركتها
نظر لها مراد لثواني:مظبوط…عن اذنكم
تركهم مراد ودخل ليأخذ شاور لعله يرتاح
فريدة:ليه مسألتنيش انا او حتي سيف ليه اتصرفتي بدون تفكير
ياسمين ببكاء:ماما انا ظلمته وشكيت فيه وهو اكيد مش هيسامحني..انا معرفش ليه اتصرفت كدا بس فكرة ان تكون الصور صح مخلتنيش افكر فى اى حاجه.انا بحبه ياماما وانهارت فى البكاء
حاولت فريدة تهدئتها:حبيبتي انتي اتفاهمي معاه براحه لان هو مدايق جدا حاولي متشديش معاه يلا انا هنزل وانتي حاولي تحلي الموضوع دا
ياسمين:حاضر يا ماما
تركتهم فريدة..خرج مروان ودخل غرفه الاطفال ذهب له ياسمين
ياسمين:مراد انا..
قاطعها مراد بجديه:انا تعبان وعايز انام لو سمحتي اقفلي الباب وراكي وانتي خارجه
ظلت ياسمين تبكي فهو الان لن يسمعها حتي لم تعرف ماذا تفعل حتي ان هاتف ريم مغلق وسيف ايضا رن هاتفها وكان عمر
ياسمين:نعم
عمر:انا اسف لان اتصلت فى وقت زى دا بس ايمان راجعه منهارة و..
قاطعته ياسمين بغضب:هي خربت حياتي وقالت له كل ما حدث
عمر:انا اسف يا ياسمين بس هى قالت كلام غير دا انا بجد اسف
ياسمين:ولا يهمك
واغلقت معه
————-
فى شقه احمد
كانوا كلهم متجمعين بجانب ايمان ولكن ملك لم تصدقها فهي تعلم تصرفات اختها الا ان خرج عمر
عمر بغضب:استفدتي ايه لما بعتيلها الصور عايزة ايه
ايمان:عايزة مراد..انا بكرهك ومش عيزاك قام عمر بصفعها:انتي طالق والبنت هاخدها معايا لان اصلا مش مهتمه بيها
ظلوا الجميع ينظرون لعمر بصدمه اخذ ابنته وخرج من الشقة
احلام:انتي ايه اللى عملتيه دا
ايمان بحقد:انا لسه معملتش حاجه وتركتهم ودخلت الى غرفتها
احمد:كل اللى حصل دا منك انتي ياماما انتي خليتها مش عايزة اى حاجه غير الفلوس وبس ودخل الى غرفته واغلق الباب خلفه بعنف نظرت ملك لوالدتها بحزن وتركتها
——-
فى جناح مراد
كانت ياسمين تقوم بعمل قهوه واتي مراد ليشرب
ياسمين:مراد ممكن نتكلم
مراد:انتي اتكلمتي كتير كفايه كدا كفايه.
——
عاد سيف واخبرته والدته بكل ما حدث
سيف:انا قولتلك من الاول هى مش بتحبنا مش عايزة غير الفلوس وبس
فريدة:خلاص اللى حصل حصل
سيف:طيب وياسمين ومراد
فريدة:مراد زعلان منها ومش عارفه هيحصل ايه
سيف:ياسمين زودتها المرة دى
فريدة:عندك حق يلا اطلع ريح انت
سيف:تصبحي علي خير
——–
فى صباح اليوم التالي
كان يجلس مراد امام التلفاز لا يشاهد شئ كان كل تفكيره فى ياسمين
استيقظت ياسمين واخذت شاور وارتدت هوت شورت اسود وعليه كنزه بحمالات حمراء وتركت لشعرها العنان ووضعت روج احمر…خرجت ياسمين ورأت مراد يجلس امام التلفاز ولكن يبدو انه شارد ذهبت وجلست بجانيه
ياسمين:صباح الخير
لم ينظر مراد لها:صباح النور وقف وكان علي وشك الذهاب ولكن ياسمين امسكت بيده نظر مراد ليدها ثم لها وراى لبسها كانت مثيرة فى هذه الملابس لم يستطع ان يبعد نظره عنها رات ياسمين نظراته لم تنكر انها خجلت ولكنها حاولت ان تبدو طبيعيه اذن فلتسخدم هذه الطريقه
مراد:عايزة ايه
ياسمين:نتلكم
جلس مراد وجلست هي امامه علي الطاوله
ياسمين:انا اسفة عارفة اني قولت كلام مكنش ينفع اقوله واني شكيت فيك بس انا مفكرتش الصور وصلتلي فى وقت المفروض اكون انا مبسوطه فيه مكنتش عارفه افكر ثم امالت عليه وقالت بهمس:اســفـــة
كان مراد ينظر لها ولم يتكلم فهو لا يعرف ان تكلم ماذا سيحدث ولكنه كان متاكد بان بملابسها هذه ونظراتها فهو سيتهور بالتأكيد…رات ياسمين نظراته لها يمكن ان يكون تاثر بكلامها ولكنه مازال حزين لذلك امالت عليه اكثر وقبلته علي وجنته ابعدها مراد عنه
مراد بغضب:ياسمين..ثم اكمل:ممكن متلبسيش كدا تاني وتركها وذهب لياخذ شاور لعله يهدى
ظلت ياسمين تفكر هو طلب منها ان لا تلبس هكذا مرة اخرى اذن فلتبس هكذا دائما ابتسمت بانتصار