ترفيهمسلسل على ذمة عاشق

مسلسل على ذمة عاشق للكاتبة ياسمينا ج2 الحلقة 13و14و15و16

الحلقة الثالثة عشر

خرجت حنين من غرفة العمليات بعد محاولات وقف النزيف وانقاذها
التف حولها الجميع فى تلهف بينما صرخ والدها :
– اتأخرتوا كدا ليه
اجابتها الطبيبة وهى تحاول الا تفقد رباطة جأشها :
– الحالة كانت صعبة وهى نزفت كتير جدا وياعالم
تابعوا السير خلف الترولي اكمل زهير متسائلا :
– يعنى اية يا عالم دى
اجابته بأسى :
_ ممكن تروح فى غيبوبه
فغر فاهم وبقيت الصدمة تعتلى وجوهم , لم يعرف عبد المجيد لما شعربانفطار قلبة من جديد وكانه ذبح بسكين بارد تجمدت الدموع فى عينه وهو يراها تتوراى بعيدا
داخل المصعد ابت قدماه المضى قدما ورأي يده ملطخة بالدماء
********************************************************
فى الطريق الى المستشفى ,,,
كان القلق والتوتر هو رفيق اياد بينما كانت بدر الى جواره تنظر بريبة وكانها تريد قول شئ ظل ينفخ وهو يقود السيارة من تاجج النيران بداخلة القى نظرة
خاطفة على بدر ثم عاد يحدثها متسائل :
– فى حاجة ؟
فاقت من تحديقها الية وحركت كتفيها بخفة وهتفت بصوت متوتر :
– لع ,,,,
ساد الصمت للحظات حتى هتفت بدر من جديد بصوت خافت :
– انى عايزة اطلب منك طلب
لم يهتم وهتف وهو يزفر انفاسه :
– هاااا اطلبى
فركت اصابعها ببعض فى ارتباك وهمهمت :
– عايزاك تا خد ابلة حنين من اهنه وما تجبهاش تانى الا وانت معاها
اولها اهتمامه ووزع نظرة بينها وبين الطريق وهدر مستفهما :
– يعنى ايه ؟
سكتت قليلا وهدرت برجاء :
– هو دا طلبى وامانه عليك ما تجول لحد واصل انى جولتلك بس خدها وامشى
آثر اياد الهدوء وتحدث بصوت برئ :
– ما هوا نا لازم اعرف ليه ؟عشان اقدر اساعد ابلة حنين كويس باين عليكى بتحبيها جدا ومش عايزها تتاذى مش كدا ولا ايه
اؤمأت بدر براسها بطفولة واجابت فى سرعة :
– ايو انى بحبها خالص ابلة حنين طيبه وهى جالتى انها بتحبك
و و و و ………….
مال راسة وتسائل :
– و ايه ؟
اجابته بتوتر :
_اصل ابوى وامى عايزين يجوزها رجل كبير اسمة زهير راجل عفش جوى
اوقف اياد السيارة بتعجل وكز على اسنانه ليهدئ من غضبه الذى سيحرق الاخضر واليابس وكور يدة وهو يوكز الدريكسيون عدة وكزات متتاليه بغضب
***************************************************************
فى منزل القناوى ,,,
هدرت صابحة بضيق لزوجها وهى تناولة العباؤة ليبدل ملابسة
– ماتغور انى اصلا ما كنتش عايزة الجوازة دى من اولها واديها اتغفلجت من كل ناحية
عصابة اية اللى احنا كديها ولا هم اية اللى جاى من وراها ما تغور بمشاكلها يا حاج
بدء فى تبديل عباؤة وهو ينفخ بضيق :
– عارف انها مش لدا عليكى البت من وجت ما جولنا ياجواز بس ولدك مصلب راسة
جلست الى جوارة وهتفت :
– انت من جه وانى من جه ونجنعه هو احنا حلتنا غيروا عشان نرمية للمشاكل
حك وهدان طرف ذقنة بشرود وهدر :
– بس فى حاجة لازم اعرفها جبل ما نرد على الجدع كمان ابوها لازم ياجى ويشوف النصايب دى
حركت صابحه فامها للجانبين متهكمه
بالاسفل …
دق فتح الله باب اخيه وهو يحمد الله على عودة ادراجه بعدما
لملم الاجرة من ايدى الناس كالمتسولين
فتحت احدى الخادمات الي بينما هو سارع بالدخول
وهو يهتف :
– وسعيلى كدا وقولى لاخويا ينزلى وهاتيلى حاجة اكلها
نظرت الية الخادمة بدهشة وشرعت فى تنفيذ ما ارد فهى تعرف انه ولد فرحة ولكن حالته مزية للغاية
*****************************************************************
وصل اياد الى المستشفى ,,
وقف على باب الغرفة لا يرى الجمع الجامع حولها من ابيها
وزوجته وعمها وزهير لا يرى سوى حبيبته النائمة كالملاك
والمحاليل المعلقة وبعض الكدمات التى ظهرت اعلى وجها اندفع نحوها
كالمجذوب يتحسس بشرتها الباردة يهتف باسمها بصوت حزين :
_- حنين حنين مالك قومى قوليلي اية اللى حصلك
لم يحتاج احد من الموجودين لمعرفته فمن الواضح كالشمس
انه زوجها كما ان بدر اتت معه ولكن بقى سؤال يدور فى خلدهم كيف عرف؟
اظلمت عين عبد المجيد وهو ينظر الى ذلك الفتى الوسيم الذى يقف

عائقا امام ارادته بينما غلت نظرات سناء نحوه فهو لم يبدو كرجل عادى اذ تبدو علية الهيبه والثراء
التفت اليهم اياد بغضب واجم وزمجر بعنف :
– بـــــــــــــــرااا اطلعـــــــــــــو بـــــــــــــــره
حدقوا فيما بينهم وهموا بالاشتباك
زهير :
– هو اية اللى برا جرى اية يا جدع انت مين
– انا اياد عاصم الاسيوطى جوزها ….
قالها بقوة تثبت انه ليس برجل عادى وان زهير وقع بالشخص الخطأ لينافسة
حرك عبد المجيدراسة و بنبرة حادة :
– انت اللى عتمشى ما لكش بنات عندينا
احتد اكثر وهدر اياد معنفا اياه :
– انت اللى مالكش بنات عندى من انهاردة حنين بنتى ومراتى وانت ملغى من حياتها
تدخل برهام ليهدئ الامر :
_انى عمها وهدان ياولدى صلى على النبى احنا مجدرين الموجف بس بردك دا ابوها واللى حصل دا جضاء وجدر وما حدش له انه يعترض
ضيق اياد عينه وسئال بتكم :
– انتوا كنت بعتنلها ليه ؟ اية فكركم بيها بعد السنين دى كلها ,,,
نظر الى عبد المجيد وازداد حدة :
– عايز منها اية بعد ما رمتها
هتف وبرهام فى سرعة :
– كنا عايزين نعرف بتنا راحت لمين نلم لحمنا ونعرف اهل جوزها انها عنديها عزوه وعيلة يسندوا الضهر
فرك اياد وجهه بعصبية وهدر :
– انتوا تقطموا الوسط الراجل دا رافع عليا قضية طلاق , عشان يجوزها لواحد تانى هى دى العزوة ,,,,اطلعوا بــــــــرااا ما حدش ليه دعوة بمراتى ابعدوا عننا خالص انا قادر اسندها لوحدى
نظر وهدان الى اخية بتحير وهتف :
– صوح الكلام دا يا عبد المجيد
لم يحيد عبد المجيد نظراته الجامدة والمتصلبة عن اياد :
– بتى وهطلجها منيه وهجوزها الجوازة اللى على مزاجى
عدل زهير عباؤة بثقة وهتف :
– من حج الراجل يختار لبته اللى يناسبها وما عيلجيش احسن منى
اتسعت عين اياد وعرف تماما ان ذلك هو زهير اندفع نحوة بشراسة
ولكمة بقوة واسقطة ارضا واقتطع وهدان نوبة غضبة وهو يرفعه عنه هو عبد المجيد بينما انزوت سناء بابنتها فى طرف الغرفة تتابع برعب
هدر برهام بتعصب :
– صلى على النبى ياولد بعد يا زهير من اهنه
صاح اياد بصوت عالى :
– بـــــــــــــرا مش عايز حد هنا
رمقه برهام اخية بنظرات حادة وهتف ليهدؤه :
– عب مجيد خد الجماعة واطلع دلوجت سيب الرجل ويا مراته
دفع زهير عبد المجيد الذى وقف متصلبا ينظر الى اياد بشراسة ولكنه نجح اخيرا فى زحزحته الى الخارج وتبعته سناء وبدر
افلت برهام يده عن اياد وهتف بنبرة متاسفة :
– سامحنى يا ولدى انى السبب فى مجيها اهنه بس وعهد الله ما كت اعرف ان ابوها عايز يطلجها ولو اعرف كنت كسرت دماغه
شعر اياد بالهدوء قليلا فور خروجهم ولكنه لم يكن فى مزاج ليستطيع
تصديق كلمات برهام هتف متسائلاوهو ينظر الى حنين :
_ هى ليه مش بتفوق هى مالها بالظبط
اجابة برهام بحرج وحزن :
– اصلها كانت حامل وسجطت
اتسعت عين اياد وحدق الية مطولا واستعاد صوت صرختها المدوى فى الهاتف :
– ايــــــــــــاد الحـــــــــــــــــقــــــــــــنــــــــــى …
ادمعت عينيه اذا شعر انه كان معها لحظة سقوطها بالفعل ولم يستطع انقاذها , شعور
بالعجز التام اعتراها واصبح يعض يدة بعنف لم يكن يحتاج بدهية ليكتشف ذلك الملعوب القذر الذى وقعت به زوجته ومن الواضح كالشمس انهم شرعوا فى تنفيذ مخطتهم رغما عنها ,,,
التفت الى وهدان وهتف بصوت حاد :
– هتصل بالاسعاف وهنقل مراتى من هنا حالا مش هتقعد هنا ولا ثانيه واحدة والراجل اللى برة دا انا هعرف احاسبه كويس
سكت برهام تماما وهو يستمع الى حوارة الغاضب الحاد واكتفى بالتحديق الى عينية التى يبدو فى عمقها عشق تام
********************************************************************
منزل القناوى ,,,
جلس وهدان مع اخية فتح الله وتابع ردة فعلة بعد سرد علية ما فاته
ارتشف فتح الله رشفة من كوب الشاى الساخن الذى بيدة وهتف غير مبالى :
_وانا بتى مش هتجوز غير ابن عمها
حرك وهدان راسه للجا نبين بتعصب وهدر بضيق :
_ يا دى النيلة يا فتح الله اشحال مانى جايلك كل حاجة دلوجت
ما عينفعش يا خواى كمان انى هبعت للشرشيرى اننا موافجين
وفضينها سيرة احنا تعبنا
وضع فتح الله كوب الشاى اعلى المنضدة وهتف بهدوء :
_ وانى ما عجوزهاش غير وابن عمها
رفع وهدان حاجبية بتعب وهدر بصوت متشنج :
_ اخوى انى تعبان الله يرضى عليك جوم نام والصبح يحلها ربنا
حرك فتح الله راسة بالموفقة وهتف فى نفسة :
_ انا جاى اقعد على حسك يا فرحة عايزة تضيعينى دانا ابهدلت اوى على ماجيت
هنا وما صدقت لاقيت بيت اخويا مفتحولى بعد ما بت الهرمه ما سرقت
تحويشة العمر كلة بس لو شفت وشك تانى يا عواطف هطلع الفلوس من جتدتك
***************_*********************************************
فى الصباح ’’’’’
فى منزل الشرشيرى …
جلست زهرة وسط زغاريط من حوالها تحاكى نفسها بشرود :
_ بجا اكده يا واد الجناوى دانت امك داعية عليك دانى هسجيك المر كله
على يدى
كان ذلك بعد ارسال الرد بالموافقه على طلب زهرة من قبل وهدان
*************************************************************************
فى منزل القناوى ,,,
استيقظت زينات تبحث فيما جوارها عن ابنتها ولكنها لم تجدها هتفت وهى تقلص وجهها
_ الله البت دى راحت فين ؟؟؟
تحركت تبحث عنها فى كل مكان ثم ركضت
للاسفل بفزع تسال وهدان وعزام وامين وزوجها السابق فتح الله الذى اتى
مساء :
_ بتى يا حاج وهدان صحيت ما لاقتهاش
حدق اليها الجميع بدهشة ثم اجابها يسطنع الهدوء :
_ اللاه عتكون راحت فين ؟ شوفيها فى الجنينة ول فى الحمام
هنا ولا هنا
هدرت والدموع تملا مقلاتيها :
_ دورت فى كل حته مالاقتهاش انا عايزة بتى يا حاج ,,,ثم هرولت الى يدة
لتقبله ,,,ابوس ايدك عايزة بتى
سحب وهدان يدة وهدر متعصبا :
_ وانى ايش درانى بتك وكانت بايته فى حضنك
هتفت بنحيب :
_ فرحة انا ما ليش غيرها
بتى يا بتى روحتى فين
وقف فتح الله وعلا مات الصدمة تملا وجهه :
_ يعنى اية البت مش وموجودة البت راحت فين يا زينات
هتف عزام بنبرة تهكمية واضحة :
_ ها تلاجيها اتخطفت تانى
تجمع ل من فى المنزل اثر ذلك الحوار الحاد وعامت حالة التوتر فى المكان
اثر اختفاء فرحة المفاجئ
—————————

الحلقة الرابعة عشر

فى مستشفى بالقاهرة ,,,
عاد اياد بزوجته تاركا من وراؤها والدها يتآكل وجلس يتامل

وجهها الذى انهكه الاجهاد وعيناها المغمضة بصمت وحزن ولم يكف عن تانيب ضميره عن تركها الذهاب الى هناك وحيدة ظل يتذكر لحظات خروجها من المشفى والتى كانت اصعب مما توقع

فلاش باك ,,,

صرخ فى وجة عبد المجيد متعندا :
– هى مين اللى مش هتطلع من هنا مراتى وهاخودها يعنى هاخدها
كان هذا امام الترلى بالممر

صاح عبد المجيد بتعصب :
– مش مرتك انى رفعت عليك جضية طلاج وهتفضل اهنه لاخر عمرها

منع وهدان وصول اياد الى عبد المجيد حيث ان غضبه لا يبشر بخير وعلى ما يبدو انه سيحدث امرا خطير للغاية

– استهدى بالله ياولدى بس وانت يا عب مجيد, كيف يعنى تطلاجها

البت جاية عشان نعرف مين جوزها تجوم تطلجها منين طجت فى راسك الفكرة دى
زمجر اياد بعنف بالغ :

– قولت هخادها وهمشى يعنى هخدها وهرجعلك تانى احسبك
لم ينتظر اياد تجهيزها للخروج بل دار على عقبيه نحو غرفتها تاركا
الاخوين يتشاجران بحدة ,,,

هتف عبد المجيد بتعصب :
– ما ليكش صالح يا برهان بتى وما عجبنيش جوازتها

هدر برهام بضيق وحدة :
– يعنى اية ماليش صالح انت خلاص بجيت خراب بيوت البت واتجوزت

خرج عليهم اياد حاملا حنين بين يده غير مهتم بكم الدهشة الحاضره فى اعينهم
دحجهم جميعا بنظرات شرسة وتوارى عن ناظرهم سريعا ليتركهم يتاكلون

عبد المجيد تحرك ورائه بخطى سريعه فاقطتعها برهام هاتفا :
– رايح فين يا عب مجيد همل بتك مع جوزها انت بجيت جاسى جوى يا اخوى

حاول عبد المجيد جذب نفسة من قبضته وهو يهتف بضيق:
– سيبنى يا برهام انى ما عايزش الجوازة دى خليه يسيب بت امينه

احكم برهام قبضته علية ومنعه من التحرك قيد انملة باتجاهها

******************************************************************
فى منزل القناوى ,,,

صاح وهدان بوالدة معنفا :

– جوم يا ولُد شوف بت عملك راحت فين دور عليها

اعتدل عزام فى جلستة باريحية وهتف بتهكم :
– انى ادور واتعب حالى لي ومهى كل مرة تهرب مع عشيجها

اجولك يا بواى انى ما عتش عايزها الجوازه بلاها تعب وفجر(فقر)

ما عتدورش عليها وهى فى حضن عشجها واجى اجولك بنتجرطس تزعلوا وادينى اها بجولها جدام الكل كليلها فرحة بتك ياعم فتح الله

طـــــــــــــــــــــــــــالــــــــــــج منى بالتلاته

شهقت زينات ولطمت لطمت خفيفة على وجهها وتهللت اساريرها
وعلت صوتها الزغاريد وعقبت مبتهجه :

– لولولولوى يالف بركة والف نهار ابيض

بينما تركت الصدمة اثر على وجة من بقى من وهدان وامين وفتح الله
الذى هدر باهتياج :

_ يعنى اية انتوا هتلعبوا بينا ولا اية انا جاى من مصر عشان افرح ببتى تطالقوها ما تشوف ابنك يا وهدان

لم ينبث وهدان فمه بكلمه واحدة فقط بقى على وجة تعابير مبهمه
نهض عزام من مكانه وهتف وهو يتجة نحو الدرج:

– افرح بيها مع عشيجها

*****************************************************************
فى فيلا الاسيوطى ,,,

امسك عاصم هاتفة ينصت الى ما يحادثة فى الطرف الاخر

اومأ عدة ايمائات خفيفة ثم تحدث بنبرة متعبة
– تابع كل حاجة وادينى باقى الاخبار ,,,,

دخلت فريال تسأال بعينيها عن سبب اجتنابه ركنا خاص فى التحدث الى الهاتف وسر عبوس وجه

اغلق الهاتف وزفر انفاسه بضيق ثم هتف :

– ابنك فى المستشفى

امسكت بتلابيبة وهدرت بشكل هستيرى :
– ابنى مين فيهم ؟ ابنى ماله انت ازاى واقف كدا

امسك يديها وهتف مهدئا اياها:
– اهدى يا فريال ابنك كويس ما فيهوش حاجه

قضبت حاجبيها وتسائلت :
– انت مش لسة قايل فى المستشفى ؟

تأفف بضيق واجابها متازما :

– حنين هى اللى تعبانه وقاعدة فى المستشفى بيها جابها من الصعيد على المستشفى

اختفت علامات الذعر وهتفت بسخط وهى تزوم :
– امممم مالها ست حنين

حك مؤخرة راسه وحاول الهدوء :
– اجهضت , دا اللى عرفتة من ادارة المستشفى وباقى التفاصيل
مبهمه فما تسئلنيش

سكتت تماما فريال لتستوعب حجم المرارة التى اعترت حلقها وهتفت بنبرة متحشرجه :

– ودينى ليها ….

رمقها عاصم بنظرات متعجبة ولكنه هتف :

– اجهزى ويلا بينا

********************************************************************
فى مكان مظلم ,,,

فتحت فرحة اعينها المجهدة ولكنها لم ترى سوى الظلام الذى
يراعبها ويفقدها صوبها حاولت الصراخ ولكنها كانت مكممه

على صراخها المكتوم وهى تحاول تحريك يديها المقيدين فى الان عاجزة
لا تحرك اى عضو من اعضاؤها ظلت تعتصر راسها تحاول التذكر كيفية وصولها الى هنا
لم ترى شيئا او حتى تميز ذلك الشخص الذى مد يدة اسفل جسدها

المستسلم للنوم وعند ادراكها للامر حاولت الصراخ ولكنه كمم فمها بيده واطبق يديه حول قدمها ويدها وحملها بين يديه الى خارج الغرفة

رأت امها الغارقة فى النوم وصرخت صرخات كان مصيرها جوفها ثم تيقن انها لم تستسلم بسبب حركتها المستمرة فاطاح رأسة براسها فى اصطدام قوى افقدها وعيها …..

عادت لتصرخ من جديد ولكن صوتها لا يخرج البته حاولت التحرك ولكن القيد كان محكم حاولت التبصر عن بصيص نور ولكنها لم تجده

بقى معها صراعها الخفى من الظلام وهواجسها عن اى صوتا يصدر
حولها حاولت السيطرة على نفسها ولكنها فشلت فشل زريع

ودخلت فى نوبة بكاء هستريه وهى تخشى حتى مرور شعرها على وجهها
الان يرعبها …. ظلت تنتفض مرارا وتكرارا وهى خائفا من الظلام
وحالتها المزرية التى لا تبشر بخير اذا كانت فرحة مرتعبه تماما

*******************************************************************
فى منزل البدرى ,,,,

عاد عبد المجيد يجر اذيال الهزيمة لقد كانت بين يده شبيهة عشيقته
التى خدعته والمته وقد نوى هذة المرة ان يتشفى اكثر فى الانتقام منها

حتى يهدأ من نيران قلبه التى تأكلة طول السنوات الخاوية ,,,

تابعت سناء هدؤه وتحديقة للفراغ الشرس يبدوء خطرا للغاية جلستة

صمته ،عصاة الابنوسية التى يلطمها فى يدة الاخرى بثبات وانتظام تعابير وجه الحادة والغامضة جعلتها تتحاشي الكلام معه وهو فى تلك الحالة

تراجعت للخلف بهدوء واتجهت نحو غرفتها تلتقط انفاسها من هول ما مرت به ،خلعت عنها عبائتها وحجابها وارتدت جلبابا واسعا وارتمت الى الفراش لتريح

جسدها المنهك ورأسها الذى تشعله الافكار ,,,,

***************************************************************

اتجهت فريال وعاصم ورودى نحو المستشفى وان كان اياد لم يخبرهم او حتى يجيب على اتصالاتهم المتكررة فقد كان حزنه على زوجته افسد شهيته للحياه
فى السيارة ,,,,,

كان كم المشاعر المختطلته تتصارع داخل نفس فريال لاول مرة تشعر بالشفقة حيال تلك المسكينه التى لم تألفها قط ولكنها مرورها بتلك المحنة جعل قلبها يلين قليلا فهى تعى جيدا شعور فقدان الولد وان كانت لم تجربه ولكنها غريزة اموميه

بينما كانت شعور رودى بينا واضحا بالحزن وتتسائل مئات الاسئلة بكيف تريد الاجوبه السريعة لتطمئن ويقتلها الفضول نحو حياة اخيها المضربة با ستمرار

وصلت السيارة الى وجهتها اخير وترجلو منها ..
صعدوا باتجه الغرفة المنشودة وعلى جنبيهم افراد الحراسة

دخلت فريال الغرفة وهى تأمل رؤيتها بصحة جيدة حتى يتثنى لها ابداء اسفها كى تظهر ولو جزء بسيط من عطفها تجاهها

ولكنها ما وجدت الا جسد ساكنا موصول بالاجهزة والى جواره ابنها الذى انكب على وجه يمسك يدها ويدثر وجهه الباكى بالفراش كطفلا يمسك بيد امه ،،لم تتحرك قدمها خطوة واحدة لتسنح فرصة الى رودى التى تبعتها ان تهرول نحو اخيها القت نظرة حزينه على حالة حنين نزلت على ركبتيها لتواسيه وامسكت يده بحنو بالغ فانتبه على اثرها يحاول تميز من

رمش بعينيه حتى تستوعب عينيه الدامعه الاضاءة المفاجاة

وضحت له الرؤيا انها شبيهته هتف بصوت متعب:
– رودى
وطات اقدام عاصم الغرفة وهو يدس يده الى جيبة بوجة جامد خالى من اى تعبير
انتبه اياد الى وطء اقدامه ونهض من مكانه يحاول ازالة اثار الحزن عن وجه ،لم يؤثر ذلك فى عاصم كثيرا

القى نظرة خاطفة على حنين ولكنه لم يعيرها اهتماما وهتف بصوت محتد :

– ممكن توضح الامر
فرك اياد وجة بعصبية فهو لا يحتمل الان اى نقاش مع والده خاصتا انه يكره اسلوبة فى التجسس عليه

هدر بضيق :
– ما خلتهمش يقولولك ليه ؟ اللى بلغوك

حدق الية عاصم غير هابعا بالظرف الرهن :
– لازم احط عينى عليك عشان ابقى عارف هتجلط امتي بسببك
لم ترد فريال الدخول فى تلك الاحاديث الحادة الان اتجهت نحو ابنها

لتحتضنه وهى تهدر باسي :
– الف سلامة حبيبى ربنا يعوض عليك

ازاح يدها وهو يصك اسنانه بعنف وهتف وهو يحدق بوجة ابيه بصارمه :

– طيب ما انتوا عارفين بتسألوا ليه؟

لم يتحرك عاصم من مكانه او حتى يغير تعابير وجه واجابه بحدة :

– اياد اتكلم كويس

هنا صرخ اياد بوجه :

_عايزين اييييه منى ؟ جايين ليه ؟ كفايه كدا بدل ما بتسال عليا زى اى اب وابنه بتتجسس عليا وممشى ورايا شوية رعاع ينقلوا اخبار ابنك ليك قولى انا اسالنى قولى مالك اسال عليا مرة واحدة حس بيا ثم نظر الى والدته وهدر

معنفا اياها :

– وانتى جايه ليه ؟ امنتك عليها وسبتها فى بيتك ذلتيها واتحكمتى فيها زى العروسة ما قدرتيش تفهمى انها بقت جزء منى كل دا عشان ما كانتش باختيارك جايه تكملى عليا وعليها كفايا اتظلمت بما فية الكفايه اطلعوا برااا بقي وانا هطلع برة حياتكم هتفوق وهاخدها نعيش بعيدا عنكوا

ظل عاصم يستمع اليه بضيق وعضلات وجهه تتقلص فجاه سقط ارضا دون اى مقدمات انهار داخليا وخارجيا بسكون تام
صرخت رودى وفريال معا

******************************************
فى احدى الفنادق ,,,

هتف زين الى صديقه ياسين متبرما :

– ما حدش رد ليه ؟ احنا لازم نرجع تانى

اجابه ياسين بضيق :

_ حاضر يا ابنى اصبر انهاردة كمان وبكرة لو ما ردوش نروح احنا
بس انت اهدى شويه

وقف زين فى شرفة الفندق يحاكى نفسة
– يارب بقى

***********************************************************
فى منزل القناوى ,,,

خرج الجميع للبحث عن فرحة المفقودة حتى زينات كانت من بينهم
بعدما قبع عزام فى المنزل رافضا البحث عنها تماما

فقد اهدر وقته من قبل فى البحث عنها ولم يحصل على شئ حتى فرحة لم تقدر ذلك ونبذته ورفضته بشدة فما عاد

يهتم لامرها او يكترث لمصيرها بعدما طالقها طلقة بائنه
امام الجميع

***********************************************
الخامسة عشر

اشرق يوما جديدا على كل الافراد مازالت فرحة مفقودة تقاسى فى مكان مظلم ولا تعرف اين هى ولا سبب وجودها لا تعرف ليلا من نهار او ترى نورا من الاساس

فقط الظلام والرعب شحب وجهها كالاموات واصبحت باردة تماما وتركت القيود علامات على بشرتها البيضاء

**************************************************************
فى المستشفى

قضى عاصم ورودى وفريال ليلتهم بالمستشفى

فقد اصيب عاصم بارتفاع مفاجى فى ضغط الدم وبقى تحت الملاحظه
وقسمنا انفسم فى غرفتين

فريال وعاصم بغرفة واياد ورودى بالغرفة الاخرى

***************************************************************
فى شوارع الصعيد….

هامت زينات على وجها فى الطرقات تسال كل مار عن ابتها الضائعه
حتى رائها من بعيد شخصا يعرفها تماما وهرول اليها قلقا

وهتف يتسائل بقلق :
– زينات مالك عندك اية

استدارت لسماعها ذلك الصوت المالوف انه يحيى
سكتت تماما ولم تجبة ضغطت على راسها لتخف من حجم الصداع الذى انتابها

فسارع يحيى قائلا :
– مالك يا زينات فيكى حاجه تعالى نجعد فى الضلا شويه

تحركت من امامه وهدرت بضيق :

– يحيى انا مش ناقصة كلام وحديت سبنى فى همى

تمشى الى جواها وتحدث بهدوء :

– مالك يا زينات هم اية اللى عندك ما تجلجيش من الناس احنا كبرنا على حديتهم انى ولادى اتجوزه وانتى بتك بجت على وش جواز

ابتسمت بمرارة اثر ذكر اسم ابنتها وهتفت بمرارة :
– بتى,,,,

استرسل هو :
– وانى زى ماجولتلك هروح للجناوية واطلب يدك

التفت اليه وهدرت فى سرعة :

– لا فى عرضك ما ترحلهمش

برغم تعجبه من زعرها الذى لا داعى له الا انه هتف من جديد

– جوليلى اطلبك من مين وانى اروحله انشاء لله مين يكون

هنا صرخت بوجه معنفة :
– كفايه يا يحيى كفايه , انا تعبت وما بقتش عارفة الاقيها منين ولا منين بتى مش لاقيها وكلام الناس ما بيرحمش

قضب حاجبيه متسائلا :
– يعنى اية بتك مش لاقيها راحت فين

انهمرت فى البكاء واجابته :

– مش عارفة مش عارفة

– حاول يحيى تهدئتها وهتف بحزن :

– ما تجلجيش يا زينات هتلاجيها انشاء الله

لطمت فخذيها متحسرة :

– الاقيها فين ؟ الاقيها فين ؟ بيقولو هربت

مد يدة يحيى كى يمسح دموعها عنها ولكنه منع نفسه

وبنبرة حزينة للغاية هتف :

– ارجعى دارك يا زينات وانى هدور عليها بدالك

رفعت بصرها اليه وحاولت استيعاب ما يقول :

– انت تعرف شكلها

– هحسها بجلبى يا زينات ما تجلجيش ارجعى ارتاحى انتى

قالها بهدوء واصرار جعلها تهدء تماما وتشعر ان لها كتفا تستطيع ان ترمى عليه حموالها

*****************************************************************
فى المستشفى ,,,

وقفت الطبيبة بجوار حنين تتفحصها وتعطيها بعض الحقن بالمحلول
قاطعت عمالها رودى متسائلة :

– هى مش بتفوق لى ؟

اجابتها الطبيبة بلهجة رسميه للغاية :
– نزفت كتير والنزيف اثر عليها جدا وحاليا احنا بنحاول نفوقها

اومأت رودى راسها بأسف

كان اياد يقف بالخارج ينتظر خروج الطبيبة تحرك خطوات بسيطه وقادته قدمها الى غرفة والدة التى الى جواره طرق الغرفة بهدوء

ودلف الى الداخل ليجد والدة غافيا يكسو وجه التعب
بينما امه تجلس الى جوارة باعين متورمه لم يتفوه بحرف وهم بالاستدارة

ولكن نادته امه بصوت منخفض :

– تعال يا اياد

كان اياد محرج من الحالة التى وصل اليها ابية بسببه

هتف بصوت متقطع دون ان يلتفت اليها او حتى يوليها وجهه :

– انا كنت جاى اسأل على الدكتورة

نهضت فريال باتجهه وهى تمسح طرف انفها بمنديل واقتربت منه

وضعت يدة اعلى كتفه :

– انا عارفة اننا ما هنش عليك لدرجة انك تسبنا فى ظروف زى دى احنا عيلة واحدة ودم واحد وعمر الدم ما يبقي ميه

لم يجبها اياد فقط اغمض عيناه وتحرك للامام مبتعدا عنها
وهرول نحو غرفته يلتمس الهدوء بجوار حبيبته الغافيه

سارع بالدخول الى غرفت حنين واغلق الباب واستند عليه
واغمض عينه

لاحظت رودى دخوله فنادته :

– اياد اياد

افاق من سكونه واجابها :

– هااا

شعرت رودى بان حالة اخية ازدادت سوء وانه بحاجة الى قسطا من الراحه
فهتفت :

– انا هروح اسأل على بابا وانت ارتاح شوية

حرك راسة بالموافقة بينما هى شرعت بالخروج

تقدم نحو حنين وجلس الى جوارها امسك يدها وهمس اليه بصوت متعب :

– قومى بقى يا حنين انا تعبت اوى من غيرك ادخل يدة اسفل راسها

ثم جذبها الى احضانه واحتضنها جيدا ثم زفر انفاسة على مهل

********************************************************************
فى الفندق ,,,

هدر زين متعصبا الى صديقة ياسين :

– ما حدش اتصل يبقا يلا بينا نرحلهم

ضغط ياسين على راسة وهتف بضيق :

_ يابنى انت كل خمس دقايق تقولى يلا نرحلهم اهدى يا زين الموضوع صعب ولازم تقدر الناس

شرع زين بفك ازرارة قميصة بعجل وهدر بضيق :

– صعب ما صعبش انا رايح دلوقتى عايز تيجى معايا تعال مش عايز ما تجيش
اتجه نحو الخزانه والتقطت تيشرت عشوائيا وشرع فى ارتدائه

حرك ياسين راسة وهتف مستسلما :
– يلا يا خويا انت ماعندكش صبر اصلا يلا بينا

******************************************************************
فى منزل البدرى ….

نهضت سناء من نومها بفزع فقد مضت اليلة السابقة فى كوابيس مفزعه
ضغطت على راسها وهى تهتف :
– اااااه ياراسي يانى راسى هطج يا ساتر

مر فى رأسها لمحات ممما رائت فى منامها رأت نفسها تسبح فى بركة من الدماء ليس لها اخر

تهجم وجه بفزع وتمت بصوت عالى :

– اعوذ بالله من الشيطان الرجيم

ثم نزلت باتجاه الاسفل تبحث عن مسكن للصداع الذى احتل راسها

****************************************************
فى منزل القناوى ,,,

كان الوضع سئ للغاية بحث الجميع عن فرحة ولكنهم لم يجدهم
جلس امين فى منتصف المنزل يلطم كفية ببعض

_ لا حول ولا جوة الا بالله البت دى راحت فين ؟

كانت تجلس الى جواره زوجته هنيه والتى سارعت بالقول :

– وهى هتروح فين يعنى هى تعرف حد اهنه البت دى هربت
مع الجدع اللى جه اهنه من كام يوم

نظر اليه امين متحيرا فاضافت صابحة وهى تتقدم نحوهم :

_على جولك يا سلفتى انى هاين عليا لو جات تانى اطردها هى وامها

برة الكفر كله كفايانا فضايح كنا كافين خيرنا شرنا

دخل فتح الله من بوابة المزل الكبيرة برفقة وهدان اخية

نظرت اليهم صابحة نظرة ازدراء وهدرت بتهكم واضح :

– هااا لاجتوها

هتف وهدان وهو يجلس لايلتقط اانفاسة :

– صبرك علينا يا ام عزام ناخد نافسنا هاتى شوية ماية نبل ريجنا(ريقنا )

لم تحرك ساكنا ووقفت تتابعهم باعين هازئه ثم هدرت بصوت عالى :

_يا بت هاتى مايه اهناه

هتف امين :

– انى جلبت البلد من شارجها لغاربها مالهاش اثر واصل

فتح فتح الله فمه بتحسر :

– ولا احنا كمان لاقينها

دقائق ودق الباب المفتوح وكان ذلك زينات

رفعت صابحة نظرنها نحو زينات وهدرت بتهكم صريح :

– على الله تكونى جبتى الديب من ديلو اها الرجالة ما لاجيوهاش لوت زينات فمها

وسكتت تماما ثم اتخذت وجهتها باتتجاه الدرج
صاح وهدان بتعصب :

– صــــــــــابحـــــه

اجابته هى ايضا بتعصب :

– يالهوى على صابحة وسنين صابحة اللى ماحدش طايجلها كلمة
لم يعيرها وهدان اى اهتمام وناد عاليا :

– ام فرحة

التفت الية بهدوء فاستكمل غاضبا :

– انتى اية طالعك ماكلنا خرجنا اها وماحدش جصر

كانت اعينها الدامعة تلجم فاها فهى اضعف من فيهم ولكن اكثر من سيبحث بدقة عنها بعدما
تخلى عنها زوجها المستقبلى عزام

ناد صوتا خشن قطع ذلك الحوار :

– دستور يا اهل الدار

التف الجميع نحو مصدر الصوت واتسعت اعينهم فى دهشة
اذا كان المنادى هو زين وياسين الذان يشكون انهم هم الفاعلين

*****************************************************************

فى المستشفى ,,,

فتحت حنين اعينها ببطء وفور استيقاظها شعرت بذلك الدفئ الذى يحاوط كتفها

حدقت الى اياد وتعجبت من وجوده فقد ظنت انها انتقلت الى عالم اخر من وقت اغماؤها

رأت عيناه المغمضة ووجة المرهق وادمعت عينيها لا اراديا وراحت تهمس بخفوت :

– ا ياد

جعد اياد جبهته وهو يستمع الى همسها الذى اشتاقه وفتح عيانه على الفور

لم يسعه العالم فور رؤية عينها الساحرة فبرغم ارهقاها الا انه تمنا تلك اللحظه من ايام

مال براسه الى جبينها وحاوط يدة الاخرى حول كتفها والتصقت انفه بانفها وهمس
بشوق جارف :
– وحشتيــــــنى

طبع قبلة حانية على جبينها بينما هى قبلت ذراعة

واغمضت عيناها وتوالت دموعها الحارة ودثرت وجهها فى صدره

وهدرت بنحيب مؤلم :
– حطمونى,,

اغمض عيناه وتشبث بخصرها اكثر وتنفس رائحتها بعمق وهتف بهدوء وثقة

– ما تقلقيش انا هبنيكى,,,

*****************************************************************
الحلقة السادسة عشر

فى منزل البدرى ,,,

نادت سناء على ابنتها بدر مرار وتكرار ولكنها لم تجيبها صعدت الدرج باتجاه غرفتها

_ بت يا بدر انتى يابت جرى اية مالك ما عترديش لى ؟

فتحت غرفتها بعد انتهاء جملتها لتجد ابنتها تتكوم بالفراش

اقتربت منها وهى تتسائل بقلق :

_ مالك يا بت ؟

رفعت طرف الغطاء وتحسستت وجهها بقلق ثم شهقت بفزع :

_ هيييييه انتى سنخنه موالعة يا جلب امك

الحجنى يا عب مجيد الحجنى يا غفير صاوى اى حد ياخالج بتى بتروح منى

فى منزل القناوى ,,,,

نهض وهدان باتجاه زين بوجه غاضب يحمل فى طياته عنفا لا يدركة زين

قضب زين وجه وهو يرى بوجه كل هذا الغضب الذى لا يعلم سببه

زمجر وهدان وهو يمسك تلابيبه معنفا اياه :

_ بجا جاى تضحك علينا احنا بتستغفلنا وبتلعب علينا ياولد الفرطوس

انت دانى هجتلك اهنه
انضم الية فتح الله متسائلا بعنف :

_ هو دا ….. دانت ليلك اسود من قرن الخروب سيبهوالى انى هضيع نفسى عليه

من بين ذلك الاهتياج هدر زين متعتصبا :

_ فـــــــــى ايــــــــــه ؟

هتف امين بصوتا ساخرا :
_ايوه ايوة ايوة خش علينا بشويتين دول مفكرنا اية ع تضحك على عجلنا

لم تعى زينات خطورة الامر وانطلقت هى ايضا نحو زين تساله باهتياج :

_ بتــــى وديت بتــــى فــــين

قلب زين نظراته المتوجسة بينهم وكذلك ياسين
حاول زين ان ينفى عقلة فكرة فقدان فرحة مجدا وهتف بعقل شارد :

_فرحة ,, مش موجودة

صاح وهدان من جديد متعصبا :

_ ع تجول ما خابرش بردك بتينا جلبنا عليها الصعيد فص ملح وداب

ثم استكمل امين عنه بنفس اللهجه الغاضبه :

_ عتكون راحت فين ما تعرفش حد اهنه واصل فى الصعيد البت دى هربت

وانت اللى هربتها

بدى الامر واضحا تماما لزين وضوح الشمس صرخ بهم ليوقف تلك الاتهامات
متسائلا بضيق جنونى :

_ فرحــــــه مش موجودة ازاى راحت فين ؟

كانت نبرة صوته الخشنه المليئة بالحزن لفت نظر الجميع فهدؤ وهم يحدقوا بعضهم لبعض
بنظرات متحيرة

اعاد سؤاله من جديد بصوت اقوى تردد صداه فى الاركان الخالية :

_ فرحة راحت فين ؟

استجمع وهدان قوته واجابة بتريس :

_ صحينا الصبح ما لاجنيهاش وجلبنا عليها الدنيا اديلها يومين

عض شفاه ولمعت عيناه ببريق غامض وهدر باستياء بالغ :

_ انا لو كنت عايز اهربها ما كنتش داخلت البيت من بابه وما كنتش رجعت

اطلب ايدها على سنة الله ورسوله , انا هدور عليها وهجيبها بس وقت ما اجيبها

هى ليا انتوا ما عرفتوش تامنوا عليها هجيبها ياعم وهدان واجيبلك اللى كان السبب

عشان تصدق انها مش لعبة وانى ما استقلتش بيك ولا بعقلك وان ما رضيتش

هاخدها قدام عينك عشان تعرف ان انا مش اللى اخطف واجرى ,,,

استدار على عقبية وخرج تاركا لهم اثم الظنون

تبعة صديقة ياسين يحاول التقدم الى خطواته السريعه وهو يتسائل متحيرا :

_ زين زين هو فى ايه مين اللى عمل كدا انت مش خلصت موضوع المافيا دا ؟؟

لم يتوقف وظل يهرول نحو سيارته وهويهدر غاضبا :

_ لا يستحيل لو حد من برة ما كنتش هتلاقى حد من الجوه دا عايش

دا حد من جوة عشان يطلعها بالهدوء دا

_ وهتعمل ايه ؟

دخل سيارته ولم يجيب سؤال ياسين المتحير …………..

فى المشفى بالقاهرة ,,,

لم يتحمل اياد رؤية حنين تبكى لمعت دموعها على خديها تحرق روحه وتؤلمه

مسح وجنتيها بوجنته حتى يجفف دموعها وهو يهتف بصوت ناعم :

_ مش هبطل امسح دموعك بالطريقة دى حتى لو بكيتى طول عمرك انا دواكى

انا كل حاجة ما لكيش دعوة بيهم انا هبقا ابوكى واخوكى وجوزك وعشيقك واهلك
وعزوتك دموعك دى اغلى من نزيف قلبى

رفعت عينايها لعينيه الدامعه وهدئت تماما
وهى تحاول مسح وجنته المبتله باطراف اصابعها وهتفت بانفاس متقطعه :
_ ايــ ـــ ــا د كفايه ا بجد تعبت من كل دا انا ما بقتش عارفة فين الحقيقة والتزيف

ما انفعش حتى اتحب انا اتكسرت ابويا ابويا ……

قطمت كلماتها بينما شبح والدها يطاردها بكل مكان بوجة الصلب الذى هدتها
بحياته واقسم على قتل اكثر انسان تعشقة بقدر مياه عينيها اسكت فاها باصبعه

الناعم :

_ هششش ….عرفت كل حاجة وانا هجيب حقك من كلوا وهتشوفى

مد يدة بتشنج اعلى بطنها التى اصبحت فارغه الان من تلك السعادة التى تكمنها

واصبحت باردة خاوية كالبيت الذى هجرة سكانه وبات حزينا

هدر هو متاثر:

_ خدوا منى فرحتى ورحى وانا مش هرحم حد

ابتلعت ريقها وهى تتشدق ببكاء مرير ومر على ذاكرتها وجة زوجة ابيها

التى دفعتها من اعلى السلم بدم بارد ولم تكتفى بل زادت وقفزت اعلى بطنها

فى تعمد واضح لاسقاط جنينها

*********************************************
فى مستشفى الصعيد ,,,

كانت سناء وعبد المجيد يقفنا بانتظار نتيجة الفحص

خرجت الطبية وجلست على المكتب
سئالتها سناء بقلق :

_
_خير يا دكتورة البت مالها

ابتسمت الطبيبة ابتسامه هادئه :

• عندها احتباس بوالى وانا ركبتلها قسطرة بولية لحين اجراء الجراحه
قضبت زينات وجهها وتسائلت بحيرة :

_ جراحة لى ؟ يا ست الدكتورة

عقدالطبيبه سعديها اماها وهتفت بتاثر :

_ المفروض دلوقتى ان البنت وصلت لسن البلوغ

وزى اى بنت لازم يجيلها العادة الشهرية هتحتاج تعمل عملية صغيرة عشان نثقب

جزء من غشاء البكارة بتاعها لانه غير مثقوب عشان تسمح بمرور الدم

اهتاج عبد المجيد وصاح معنفا :

_ كلام اية اللى ع تجولية دا ولى ؟

حاولت الطبية التمسك بالهدوء حيث انها تعلم ان الامر صعب على اسرة صعيدية

وهتفت من جديد :

_بالهداوة يا حاج دى جراحة بسيطه وهتفضل بت زى ما هى بس نسمح
بمرور الدم الفاسد ومافيش ضرر خالص والغشاء ما بيتاثرش

هدر بتعصب وبحدة :

_ ما ع يحصلش الكلام دا …..ثم امسك ذراع سناء بتعصب ودفعها ,,,

ادخلى هاتى بتك ويلا بينا

ونهضت الطبيبة بقلق وهتف برجاء :

_ يا حاج دى ممكن كدا تموت

كز عبد المجيد على اسنانه وهدر بحدة بالغه :

_يبجا نصيبها

*******************************************
حل المساء
بهدوء قاتل ووقت يمر ببط على تلك التى لا تعرف ليلا من نهار او ترى اى ضياء

تمكن الرعب من فرحة وملا كل خلجاتها حتى خصلات شعرها الهاربه ترعبها ارتعش جسدها وشعرت بالخدر ارادت فقط ان تنتهى حياتها

وينتهى كل شئ فقد كان الصمت والظلام الموحش كان اسوء من القبربذاته

التقطت اذنها صوت بابا ينفتح يصدر صرير مرعبا

رفعت وجها تحاول التقاط اى شى يطمئنها ما عادت تدرك ايا من القدرين اخف المجهول

ام القبر انفاس غريبه لفحت بشرتها الباردة لم ترى شيئا او تسمع صوتا

فقط انفاس تبدوء قريبا منها حاولت التكلم ولكن منعتها الكمامه التى على فمها

واصدرت همهمات عالية وعاد الصمت من جديد

ادمعت عينيها لسكون المكان من جديد وظنت انها اصيبت بالخرف

وما هى الا ثانية حتى شعرت بيد خشنه تحاوط اسفل فخذيها وكذالك اعلى ظهرها

قاومت واصدرت همهامات عالية وركلت بقدمها المقيدة فى الهواء

ولكن تلك اليدان لم تسمح لها بحراك كثيرا واحكمت قبضتها عليها وشعرت بحركة خفيفة

تبدوء كالخطوات بدء يتسلل ضوء القمر الى عينيها ولكنها اغمضت عيناها بشدة

من تلك الاضاءة المفاجئه نظر ا لجلوسها فترة طويلة بالظلام جل ما رادته الان هو رؤيت

من يحملها فتحت عينيها سريعا لتصدم باعين ذات نظرات حادة وشرسة للغايه

جحظت عينها بفزع حقيقى وعلت شهقاتها المكتومه ودب الرعب فى اطرافها

فهتف ذلك الصوت الاجش بتهكم واضح :

_ براحة يا بت عمى ما تصرخيش لسة الصريخ جاى

************************************************************
فى مستشفى القاهرة ,,,

انهى اياد جميع الاجرائات الازمه لخروج زوجته وابيه كل ما رادة هو الرحيل عن ذلك

المكان بكل ذكرياته السيئه اردا ان يستعيد زوجته الى احضانه ويغلق بابا

عليهما ليداوى كل جراحها …

دلف الى غرفت الحجز وجد رودى تهندم اليها حجابها وهى فى حالة يرثى لها

صامته لا تصدر صوتا ولكن بداخلها ضجيج يصل الى مسامع اياد ويعيه تماما

هتف بصوت هادئ وهو ينظر الى حنين :

_رودى روحى شوفى ماما وبابا وانا هفضل مع حنين

القت رودى نظرة حزينه عليها ثم خرجت دون اضافة شئ

تبعها اياد بصمت حتى اغلقت الباب جثى على ركبته حتى يرى

وجهها المطاطا بالارض ضيق عينيه وهو يسالها بحنو بالغ :

_ فى حاجة ناقصة ولا نمشى

اؤمت براسها وهى تحاول اخرج الكلمات العالقة بحنجرتها :

• لا خلاص

عض شفتيه وهو يتابع شرودها وحالتها النفسية السيئة ثم نظر باتجاة قدمها

ليجدها عارية حرك بصرة قليلا ليجد حذؤها الجانبى فالتقطه بالية وشرع
فى البسها اياها ازحت قدمها للوراء بخجل وهدرت بنبرة متحشرجه :

_ لا انا هـ لبسوا لوحدى

ابتسم ابتسامه هادئة وامسك قدمها وهتف بهدوء :

_ انا حابب اساعدك يا قلبى
استسلمت لاصرارة بخجل بينما هو عمل على ان يكون بطئ حتى يحظى باتباع عينيها

الزائغة وشفاها التى لم تكف عن قطمها حتى اصبحت كالثمرة الناضجه

انهى كل شئ ونهض بخفة امامها رفعت راسها باتجاة وجهه لتشكرة

ليطبع هو قبلة مطولة على شفتها قطعت حروفها الخجلة بخجل اكبر منه

غاب اياد فى قبلته فقد اشتاق اليها حقا حاوط ذراعية بخفة حول كتفها

قاطعت فريال تلك القبلة الحارة باقتحام الغرفة ولكنها تراجعت بحرج بعد رؤيتها

المشهد ودون ملا حظة احد اغلقت الباب وكتمت شهقاتها ثم جمعت شتات نفسها وطرقت الباب

اغمض اياد عينه وابتعد عن حنين وهدر بتافف :

_ تعالى يا جينى ,,,رفع حاجبيه فى استنكار ……اثر تذكره انه مازل بالمشفى فقد انتشلته قبلته العمقيه من ذلك العالم الى عالم اخر لا يحتوى الا على حنين فقط

يووووه اتفضل

بينما وضعت حنين يدها على فمها لتخفى تورم شفتاها

دخلت فريال وتقدمت نحو حنين باصرار ملفت فتحرك اياد من جوارها ليسمح لها برؤيتها هتفت بحنوا
_ حمد لله على سلامتك يا حببتى

فرغ فم حنين وهى تحاول استيعاب ابتسامتها التى لم ترها من قبل

لم تقف فريال عند تلك النقطة بل زادت بتاثر بالغ :

_ما تزعليش بكرة ربنا يعوض عليكم ربنا يرزقكم بالذرية الصالحة

اؤمت براسها وهى فى حالة من الذهول التامه
على تحول معاملة حماتها لها بهذا الود
بينما التفت فريال الى اياد وامسكت كتفه بحنوا وبنبرة حانيه :

_ هات مراتك وتعال معانا عشان خاطر باباك ما يزعلش الدكتور
بيقول الزعل غلط عليه

حرك اياد راسة بضيق فاسترسلت هى بنبرة استعطاف :

_هتسبنا لمين يا اياد انا ماليش حد غيرك واخوك برة مصر انت سندنا يابنى

مش وقت خلافات خالص

حرك اياد راسة بالموافقة وبدى مستسلم للامر

*******************************************

فى منزل البدرى ,,,
كانت بدر تتاوه اعلى الفراش بصوت عال وتستغيث بوالدتها :

_ااااه يامى الحجينى اااه اااه اااه

ظلت سناء تلطم وجهها وهى ترى تاوهات ابنتها ولا تستطيع فعل اى شيئا لها

_ يا مصبتى يا مصبتى البت ع تموت منى ما فيش غير حل واحد

نزلت لعبد المجيد زوجها المتحجر القلب وهى تمنى نفسها بان يستجيب لرغباتها

ذلك المرة دون ان يتعند فقد اصبحت روح ابنتها على المحك واصبح الامر خطيرا

كان يجلس جلسته الخالية من اى معنى للاهتمام وكانه ينتظر خبروفاتها

هرولت اليه وهى تنحب برجاء :

_ عب مجيد ,بتى بتموت يا عب مجيد

لم يجيبها وظل يضرب بعصاه الابنوسية اعلى راحت يدة بهدوء

جثت على ركبتيها وامسكت طرف عباته :

_ابوس يدك , الحج بتى وانى اعيش خدامه تحت رجلك العمر كله

مالت الى قدمه لتقبلها ولكنه دفعها بعيدا عنه بكل برود وحدة

لطمت وجنتيها وهى تصرخ به :

_عتموت يا عب مجيد بتى عتموت وحيات النبى تلحجها

هدر هو بتعصب وبحدة :

_ انى اهون عليا موتها من اللى عتجوليه دا عايزة

بت عبد المجيد ما تبجاش بت بنوت عايزة تفضحينى وسط الخلايج اعتبريها ما
جا تتش اصلا على وش الدنيا

نهض من جوارها وتركها تحدق لفراغه بذهول

******************************************************

فى فيلا الاسيوطى ,,

توافدت السيارت للدخول الفيلا واستعد افراد الحراسة لاستقبالهم

تعمد اياد تاخر سيارته حتى يتحاشى مقابلة والدة وتبطء قليلا

حتى يسبق والدة وامه واخته بالدخول
وبالفعل تم تابع التقدم عبر الممر المؤدى الى طرف البوابه , وعبر فى هدوء

كانت حنين تجلس الى جانبه تتابع سكونه بسكون فهى متعبه للغاية

ترجل من السيارة وتبعته هى ايضا اذا فجائها صوت النباح مرة اخرى

وكان ذلك الكلب الضخم يركض من بعيد باتجاهما

التصقت به اثر سماعها صوت النباح العالي

عندها عرف اياد جيدا بما تشعر هتف مازحا :

ما تهدى يا حنين هو اسد دا كلب

زاغ بصرها فى المكان فى قلق وصرخت عاليا فور رؤيته
يتجة نحو اياد حاوطت رقبته بذراعيها واطبقت عليهم جيدا

واحكمت الغلق شيئا فشيئا كلما استمعت الى نباحة الذى اقترب
تفاجا اياد من حركتها المباغته وتصنم قليلا حتى يستوعب ما حدث

بينما هي ظلت تلتصق به وتحاول النفاد الي داخلة كي تختبئ

ابتسم بسعادة اثر حاجتها للأمان منه
هتف مازحا:

ركس وحيات ابوك خليك زى مانت حنين بتحضنى
وكزته هى بخفة وعادتت لتختبة فى احضانه

صاح عاليا بمرح
:
_ حنين بتحضنى لوحدها يا جدعان عاااا

احتضن خصرها ورفع اقدامها عن الارض
ودار بها فى خفة وهتف عاليا :

_ بـــــحـــــبك بـــقـــى

لم تخفى هى سعادتها فى احضانه فقد نسيت معانتها وكل شئ وشعرت
بالمعنى الحقيقى للسعادة اخير اخيرا تذوقت ذلك الطعم المسكر المحرم

*****************************************************************
#على_ذمة_عاشق

*****************************************
(شهد الحب )
يا سمينا احمد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى