ترفيهمسلسل تالين

“مسلسل تالين الحلقة 13و14و15و16 للكاتبة:سلمى الزهيري

الحلقة13

صمتت محاولة استيعاب كلماته اجل هذا ماقاله نظرت له بأستحقار وهمت بالرحيل اوقفها قائلاً:انتي رايحة فين ؟!
اعادت نظرتهاوقالت بصرامة:ميشرفنيش اقعد مع واحد زيك ..صعق من كلامها وقال:افندم؟!
قالت بغضب كبير:كنت فكراك اشرف من كدا ازاي تستغل حبي لأخوك عشان تفرق بينه وبين حبيبته انت ازاي كدا اخص عليك وتركته وكانت ذاهبة
اوقفها قائلا بنبرة نارية:خلصتي كلامك! اناممكن افهم حاجة ليه بتحبي تخليني اسمعك للاخر ومش بتسمعيني للاخر هاه ليه ؟!
قالت بغضب:وليك عين تتكلم انتاجبت الاخر يااستاذ
نظرلها محاولاًالسيطرة علي مابقي من هدوءه:
بغض النظر عن كلامك قولتي الي بيحبها مختلفناش لكن سهيلة مش اتمناها لاخويا ..
قالت بأستهزاء:لكن تتمناله واحدة زي يا استاذ
افلت هدوءه وقال بعصبية:يادي النيلة والموضوع ماله بيكي ؟متجننيش انتي بس هتساعديني
قالت بسخرية:لاياشيخ فاكرني عبيطة فاجئة كدا ساعة ماعرفت اني بحب اخوك اكتشفت انها مش مناسبة عن اذنك يا استاذ ورحلت …
زفر بضيق وذهب ورائها قال بغضب:استني عندك هنا عارفة ليه عشان كنت وحدي لكن من كلامك حسيت انك ممكن تبقي معايا واعاد علي مسمعها الكلام الذي قالته واكمل مش ده كلامك انا مش بحبو خلاص علي اساس كلامك فكرت شكلو كلام وبس وانك لسة ….انا اختك اطلب اي حاجة …صاحت به غاضبه:لا انا قولت انتهي بالنسبالي ومش بقول اي كلام بس مش لدرجة افرق بين اتنين بيحبو بعض ..
قال ناظراً في عينها مباشرة:لا ياتالين سهيلة مش بتحبو ..بتحب فلوسه بلاش بتحب واحد تاني واقدر اثبت لك التقط انفاسه واكمل بنبرة تحدي لو انتي فعلاً مبقتيش بتحبيه اثبتي وساعديني بلاش دي لو بتعتريني اخوكي وهو كمان هاه احب اقولك اخوكي اعمي بيحبها بغباء ..صدمت لكلامه كيف لهذا النور ان يكون اعمي اجل انه الحب الملعون
اخذتها بعض الذكريات
عندما لم يجد منها رد تنهد وقال بيأس :مافيش فايدة كان كلام وبس خلاص انسي يا تالين وذهب
قالت:استني انا هساعدك بس ياريت ننسي انهاردة خالص وكمان لازم اعرف هساعدك ازاي صمتت برهة واكملت انا مش بقول اي كلام كل كلمة بقولها انا قدها …
فرح بشدة وقال:والله العظيم انتي اجدع بنت شوفتها …وانت اعظم شاب شوفته انت متعرفش انا بحترمك وبعزك ازاي هكذا قالت
قال بنبرة خبث ممزوجة بفرحة:وانا كمان هو احنا نكون اصحاب؟!..
نظرت له بأستغراب:صحاب ازاي!
قال:انا برتاحلك وانتي كذالك خلاص نبقي سر بعض تحكيلي واحكيلك وننسي انهاردة
قالت:موافقة يا صاحبي خلينا نبدأ
ابتسم بنصر اقسم اني لن اجعلك تتألمين و سوف اجعله يذوب بكي عشقاً انه اخي فقط ريثما يتخلص من سم تلك الافعي سيحبك احمق من يتعرف اليكي ولا يحبك ولكن حبك ليس من نصيبي لست اسف فهو اخي …انتزعته من افكاره قائلة بتوترها المعتاد:وسسام انت متأكد انها مش بتحبو
وسام بهدوء:ايوا متأكد شوفتها مع واحد كدا وعرفت انه اسمو حازم ظروفه مش متيسرة وهي كلبة فلوس طبعا اي طلب من نور بيتنفذ بسرعة فهمتي ؟…
صدمت توته:معقول في كدا اخوك بيحبها اوي باين
وسام:انا لو كنت قولتله مكنش هيصدقني لان الكلبة غيرته 180درجة وكان هيقولها وكانت هتاخد احتياطتها بس كدا هتفرق بينا تقريباً نور بيشوفها كل يوم الا السبت بيكون مضغوط شغل فهي بتقابل الزفت ده السبت في كافيه كدا
توته بأستياء:مسكين اخوك طيب هنساعده ازاي عندك خطة اكيد لازم تكشفها له مش هيصدق الا لما يشوف بعينه
وسام بحيرة:معاكي حق بس ايه الي يخليه يروح يوم السبت المكان ده
توته:مش عارفة للاسف
وسام:طيب بصي احنا نفكر والي يوصل لحاجة يقول للتاني
توته:طيب تمام يلا نمشي.. وصلو للمنزل وكان الجميع مجتمع في غرفة الجلوس

الحلقة14
انور:اهلا بالناس الحلوة
توفيق:الحفلة كانت حلوة؟..ضحك كلاهما وقالو كانت حلوة اوي ..اما بسنت اعجبت بشكل توته قالت:شكلك حلو اوي يا توته..الجميع ابدي اعجابه بشكلها ..قال وسام بغيظ:طب وانا ماليش نصيب في الحب ده! ضحك الجميع قالت بروج بمزاح :لا ازاي ده انت قمر حتي احلي منها
توته بغيظ:كدا يا ريري بتبعيني!..نظر لها وسام بأنتصار واغاظها ولاحظو الجميع وضحكو ومالت بسنت الي بروج:شكلهم حلو صح ؟ اومأت بروج بالإيجاب بينما ..
قالت توته:انا متكسرة وسلطان بينده مش قادرة ..
قاطعها وسام:سلطان مين؟!انتي تعرفي حد من ورايا خيانة ضحك الجميع اما بسنت وبروج لو يوفقو نظراتهم لبعض التي لايفهمها سواهم ..
قال توفيق:سلطان النوم يابني دي مش تعرفه وبس دي بتعشقه ..
ضحك وسام :والله دي حاجة حلوة والفرح امتي معزوم انا صح؟
توته:غلس احنا متجوزين من زمان وقالت بصوت عالي كأنها تحادث احدهم ايوا جاية يا سلطان يا حبيبي عارفة اتأخرت بس في ناس غلسة هنا وبين ضحكات الجميع اكملت يلا تصبحو علي رضا ربنا جميعاًسلام ..ورحلت الي غرفتها تخلصت من جميع زينتها الا سلسلاتها الذهبية هي لاتخلعها ابداً ذهبت الي السرير وبدأت احداث اليوم تتوافد الي ذهنها امسكت السلسة وبدأت تحادثها عاجبك الي حصل فينك دلوقتي وحشتني اوي يا يوسف مش باقي منك غير السلسلة دي انا وعدتك عمري ما هقلعها طال اتصالك وفرت منها دمعة هاربة انا محتجالك اوي صحيح وسام اخ رائع بس انت مافيش منك ربنا يرجعك بالسلامة ويطمن قلبي عليك واستسلمت لسلطان النوم

الحلقة 15
في صباح اليوم التالي ..استيقظت توته علي رنين هاتفها نظرت له في تكاسل وامسكته وحين رأت المتصل قفزت من فراشها
توته في لهفة:الو ..الو يوسف
(يوسف هي اخو تالين اكبر منها لايعيش بمصر متزوج بلندن من مصرية مثله اما عن وصفه فهويشبه تالين كثيراً)
عودة…الوالو يييي شبكة زفت ثانية اوعي تقفل قالتها في لهفة بحثت عن شئ ترديه وهرعت للهاتف وفتحت الباب وسارت في الممر في اتجاه باب المنزل وكان نور متجه للمطبخ فصدمت به
توته:ايييه ده مش تحاسب وسع كدا
قال بغضب:ده انا بردو الي ماشي مش شايف قدامي ..
قالت :في سرعة لا انت وسع كدا وانت سادد المكان وجاءت تسير الي اليمين كان اخذ اليمين دون قصد اتجها معاً الي اليسار فتصادمة مرة اخري غضبت بشدة وزاد غضبها حين سمعت صوت اخيها المشوش :توته اقفي في مكان في شبكة ..قالت:حاضر ثانية ثم دفعت نور بسرعة وعبرت للخارج وهي تقول بصوت عالي: الو ايوا سامعني كدا يا يوسف ..صعق لفعلتها وغضب بشدة ولكن انتابه الفضول ليعرف من هو يوسف
فتبعها للخارج يتصنت الي مكالمتها التي كانت كالتالي امام المنزل بقليل…
توته بفرح:الحمدالله سمعت صوتك اخيراً
يوسف:وحشاني ياحبيبتي اوي
توته:ياحبيبي يا جو يعلم ربي كنت لسة بسئله يطمني عليك وحشتني طمني عنك طولت الاتصال ليه
عندما سمع نور طريقة كلامها واخر جملة لم يكمل الاستماع وذهب للمطبخ وجد وسام فقال بسخرية:معانا واحدة بتحب في البيت وانا كنت فاكرها كويسة ..تعجب وسام:مين دي توته!
نور:ايوا ست زفته وروي له ماحدث واضاف انا متغاظ منها بشكل.. كان وسام يسمعه ويفكر في خطة فقال:يأخي عشان زقتك تقول عليها كدا
نور:لا يأخي سمعتها بوداني تعرف انا ممكن اعمل اي حاجة عشان اضايقها مش عشان زقتني بس انا مش بطيقها اصلا ارتشف قهوته
واكمل بنبرة شيطانية اكتسبها من سهيلة:تخيل اعرف عنها حاجة واذلها ادفع نص عمري واشوفها مذلولة امولسان طويل دي ياسلام متعة
لمعت في عقل وسام فكرة وقال:ايه كمية الشر دي الي ع الصبح يهمك تعرف للدرجاتي
نور:طبعا ولملم اشيائه انا خارج مع اصحابي بينما هو راحل كانت توته انهت بث شوقها لأخيها التي لم تراه لسنين وذهبت للمطبخ وجدت نور ونظر لها نظرة لم تفهمها لانها كانت محتضنة الهاتف ورحل ..وسام:صباح الخير تعالي افطري
اومأت برأسها وجلست وقالت:ماله ده بيبصلي كدا ليه؟…فضحك وسام.. فأكملت اه عشان زقيته
قال بضحك:اه وعشان حاجة تانية
قالت وهي تأكل في تعجب :الي هي ..؟!
وسام:اصله سمعك وانتي بتتكلمي في الفون
قالت:طيب وايه يعني وانا بعمل حاجة عيب بكلم حبيبي ايه مش بيتكلم في الفون جنابه !
وسام بدهشة: انتي هتجنيني انتي مش كنتي بتحبي نور ؟! ….نظرت له نارية وبعيون غاضبة
قالت:ازاي تقول حاجة زي كدا احنا مش قولنا هننسي الموضوع ده خالص انتهي بالنسبالي
ادرك وسام خطئه :انا اسف جدا بس في حاجة مش فاهمها انتي كنتي بتكلمي مين معلش؟!
توته بغضب:اخويا يا وسام عن اذنك
وسام بصدمة:اخوكي استني بس الله يخربيتك يانور اقعدي وروي لها عما قاله نور
توته بغضب :هو فهم اني كدا لازم يتعلم الادب
وسام:انا اسف والله مكنتش اعرف انو ليكي اخ انا بقي جاتلي فكره الخطة
توته بأهتمام:خطة! طيب ايه ؟وانا ليا كلام معاه لما يجي البشمهندز المحترم
وسام:اسمعي الاول نور عاوز يمسك ذلة عليكي نخليه يمسك ذلة ونستفيد
توته وقد رفعت حاجبها :نعمم؟!ايه الي بتقوله ده
وسام:اسمعيني للاخر احنا نمثل عليه انك بتكلمي حد في الفون وهو يصدق وبعدين انا اسخنه عليكي يثبت الي في دماغه وتروحي تقابلي الي بتكلميه يوم السبت في الكافيه اياه وانا هخليه يمشي وراكي وبكدا نخليه يروح عندها
توته:خطيرة جدا بس افرض مهتمش
وسام:لا انا عارف اخويا كويس هياكل الطعم بس انتي قولتي ايه موافقة ولا نشوف غيرها ؟
توته بعد تفكير:لا موافقة مافيش وقت نشوف غيرها انا مش قاعدة لكم العمر كله هي سنة
وسام:تمام نبدأ من لما يجي انتي تمثلي وانا اسخنه قوليلي رايحة الجامعة انهاردة ؟!
توته:لأ هروح لصاحبتي اذاكر معاها وانت
وسام:اه رايح لسراج
توته:ربنا معاك يلا سلام انا بقي اجهز وكدا
وسام:ومعاكي..خلي بالك علي نفسك سلام
ذهبت تالين لتذاكر مع فيروز وسام ذهب الي الجامعة وعاد باكراً وجلس يكمل ابحاثه وبينما هو يدرس طرق احدهم باب غرفته اجاب بالدخول وجدها امه..
وسام:ايوا يا بسبوسه عاوزاني اجيب لك ايه انطقي بسرررعة
بسنت:ياواد انت بطل لماضة
قال:ماهو انتي مش بتدخلي الا لما تبقي عاوزة حاجة
بسنت:كدا ياوسام طيب اجيب الطلبات انا يعني
وسام:لابهزر معاكي متزعليش يابسبوستي
بسنت:طيب انت فاضي ولاهعطلك ؟
وسام:لومش فاضي افضالك ده انتي ست الكل
بسنت:ربنا يخليك ليا عاوزة اتكلم معاك في موضوع ..
وسام:اتفضلي كلي اذان صاغية
بسنت:ايه رأيك في توته؟
وسام بتعجب:رأيي فيها ازاي يعني وضحي ياامي
بسنت:زي رأي اي ولد في بنت مش محتاجة وضوح ايه رأيك اخطبها لك؟!

الحلقة16
دهش وسام:ايه؟بتقولي ايه؟!
بسنت:ايوا البنت حلوة ومحترمة وانتوليكو نفس الميول وكذا ميزة فكر بس
وسام بعدم تصديق:لالالا انتي اكيد بتهزري!
بسنت بجدية:هي الحاجات دي فيها هزار
وسام بهدوءه المعتاد:طيب بصي يا امي انا مش فيها كدا انا وهي قبل مانتعامل اسس المعاملة اخوات وهي..اختي
بسنت:ياسلام ممكن نلغي الكلام ده
قالت محاولاً ابقاء هدوءه:لايا امي معنديش استعداد ارتبط دلوقتي دراستي اهم وكمان هي كويسة بس مش شايفها زوحة ارجوكي افهمي
بسنت بخيبة امل:خلاص ياحبيبي متزعلش نفسك هي مجرد فكرة جت في بالي البنت كويسة جداً وبما ان اخوك بيحب الي ماتتسمي سهيلة فانت جيت في بالي
قال بضحك محاول اخفاء شعوره واجتياز الموضوع:طيب ماتخطبيها لابو وسام
بسنت بغيظ:بس يا واد يا لمض انت خليك في مذاكرتك انا ماشية
وسام:ايوا ايوا ماخلصت حاجتي من ابني الا مافي مرة قعدتي معايا منغير نوايا ولا طلبات
بسنت:بس ياواد مانا ياما قعدت معاك وانت صغير
وسام:طيب خلاص اقنعتيني…
خرجت تركته يضحك ولكنه يضحك علي الوضع ايوا يا امي هي كويسة جدا بس بتحب الي بيحب الي ماتتسمي بالاضافة انها عنيدة وجبانة شوية كان يحدث نفسه هو مؤمن ان ربه يخبئ له الافضل نفض الفكرة من رأسة وعاد الي ابحاثه وعادت بسنت واخبرت بروج بحديثها مع وسام وفشل مخططهم
وعادت العنيدة الي المنزل ابدلت ملابسها ودخلت الي المطبخ يااه اخيراً هاكل هكذا قالت وتصنع طعام بشغف
سمعت صوت وسام:ليه انتي كنتي في بيت مافيهوش اكل ولا ايه؟…
توته بفزع:خخضيتني يأخي مش هتبطل الحركات دي ..
ضحك وسام وقال:هتعملي حسابي ولا ..
توته:بس كدا انت تؤمر
وسام بضحك:لا بهزر معاكي بالهنا كلي انتي شكلك واقعة من الجوع
توته بغيظ:فيروز منها ل الله طول الوقت بنذاكر اقولها استراحة تقولي هنسقط اقولها تعبت
تقولي هنسقط اقولها اكل طيب جعانة تقولي هنسقط قومت قولتلها اتمنالك سقوط سعيد وهروح بيتنا اكل كفايا عليكي صحيح التانية علي الدفعة بس عندها رعب من امتحانات سراج ..
لم يتمالك وسام نفسه من الضحك :دي مشكلة بقي اعدت وجلست تتناوله بنهم ..
وسام:ممكن اقعد معاكي
قالت:في اخ يستأذن عشان يقعد مع اخته اقعد
ابتسم وقال:ماشي عندك حق عاوز احكيلك علي حاجة وروي لها مادار بينه وبين امه
قالت بهدوء:اه تمام انت اتصرفت مظبوط ان شاء ينسو الموضوع قال:لاهيتنسي متخافيش..
عادت تأكل وساد الصمت وعند دخول نور كانت انهت طعامها ونظرت له وقامت بالغمز لوسام دون انتباهه واخذت هاتفها وتظاهرت ان احدهم يتصل وتصنعت الارتباك وقالت:عن اذنك هرد مكالمة مهمة وهي خارجة تأكدت انه يسمعها قالت: ايوا يا حبيبي ..
ذهب نور ليجلس قائلاً بشك:وربنا البنت دي مش تمام
كتم وسام ضحكه وقال:ايوا انا ابتديت اشك فيها تخيل مافيش جامعة انهاردة وطول اليوم برة عند صاحبتها ..
نوربأستهزاء:صاحبتها بردو مش مرتاح
وسام:وانت هتسكت
نوربحيرة:مش عارف انا خارج.. علم وجهته ولكنه احب ان يتأكد:علي فين ؟
نور:هشوف سهيلة مانتاعارف بكرة طحن
ابتسم وقال:ربنا معاك سلام
ذهب نور لمقابلة سهيلةوروي لها عن كل شئ
سهيلة:اه طيب ماتراقبها
نوربتعجب:بس ليه سواء تمام اولا لنفسها انا هستفيد ايه! ماليش دعوة
سهيلةبمكر:ازاي بس هي شكلها مش تمام تخيل تراقبها وتمسك عليها ذلة تقرفها بيها
نوربعدم اقتناع:لامعتقدش انها كدا ومش هراقبها
سهيلةبغضب:نعم!ليه ان شاء الله هي عجبتك ولا ايه ياسي نور ؟
نوربسرعة:لاطبعا ايه الي انتي بتقوليه ده؟!
سهيلة:خلاص اثبت وجيب اخرها
نوربأستسلام:حاضر
سهيلة بنظرة نصر:مش هتغديني بقي؟!
نوربحب:من عنيا انتي تؤمري.. ونتركهم يتناولون طعامهم..
وعودة للبيت عادت توته الي المطبخ
توته بأستعراض:ايه رأيك فيا مش انفع امثل؟!
وسام بضحك :لاخطيرة
توته بغرورمصطنع:ماناعارفة بس جاب نتيجة ؟
وسام:لاتمام بس علي حسب دماغ سهيلة هي الي بتمشيه زمانه راح حكالها
توته :ربنا يسهل طريق الخير
وسام:يارب..هاتي رقمك بقي
توته:ليه؟
وسام:ايه هو الي ليه عشان اطمن عليكي واكلمك ورسايل وكدا علي الخطة لو نوراكل الطعم
توته:اه تمام اكتب عندك 01…ومر اليوم بشكل طبيعي الا انه انهت توته دراسه باكراً فقررت تجلس في الحديقة مع كوب شاي وتستمتع بالمنظر اعدت الشاي وجلست تنظر للسماء وتستمتع بجمال الخالق وقالت بصوت عالي نسبياً :ياخسارة الشاي ده ناقصة نعناع ..وجدته يضعه امامها ابتسمت بفرح وقالت: شكرا يارب
جلس وسام في ضحك
توته:وربنا جيت في وقتك ..
وسام:مانا عارف
توته بمزاح: لا انا بكلم النعناع
وسام بغيظ:بقي كدا طيب انا هاخد النعناع بتاعي وامشي …
قاطعته :لالا تمشي فين ياراجل اقعد ده انت قارئ افكاري
وسام:ايوا كدا اشربي بصحتك فكان معه شاي
ضحكت وقالت:ياااه مصدقت خلصت مرة بدري
وسام: مذاكرة للاسف مش بتخلص
توته:ايوا سيبك ..النعناع ده جميل اوي لكن انا دورت ملقتش جيبته منين ؟
وسام:صنع ايديا وحياة عنيا زارعه في مكان سري
توته بضحك:بجد انت عظيم لازم اعرف مكانه
وسام:لاده سري اقولك اتحايلي عليا شوية
توته بغيظ:لا واتحايل ليه انا اعملك ازعاج لمااحتاج
وسام:لا خلاص يا مفترية هقولك ..ظلو يتحدثو ودخل نور وسمع صوت اتي من الحديقة ذهب اليها وجدهم يجلسون القي السلام
وقال:هو انا كل اما ادخل الاقيكو قاعدين مع بعض ايه الحوار
وسام:مافيش حوار ايه مشكلتك انت؟
توته بغضب مكتوم:اه طب ادخل انا اوضتي عشان اليوم ده يعدي علي خير
نوربحده:قصدك ايه؟
توته بغضب:والله انت فاهم قصدي كويس

زر الذهاب إلى الأعلى