الحلقة الرابعة من مسلسل العروس الهاربة للكاتبة سما عمر

الحلقة الرابعة من مسلسل العروس الهاربة للكاتبة سما عمر

وقعت كلمتها عليه فرمقها بــ أعين غاضبه تشع شر …. وكاد ان يرفع يداه لكى يصفعها قلمآآ الى ان سمع صوت عمته ينادى عليه بصوت عالى :
يوســـــــف

يوسف لها : لو انا مش راجل بيتقى ربه فى بنات الناس كنت دفنتك دلوقتى حالا بس انا راجل وانتى ف الاول والاخر بنت 
تأتيه راجيه بكرسيها المتحرك : خلاص يا يوسف محصلش حاجه خد نبيله واطلعو فوق يلا

يتجه نحو اخته مسرعا بغضب ثم يجذبها من يدها ويتوجه بها الى داخل القصر 

نبيله راجيه ببكاء : والله يا يوسف كنا بنهزر مع بعض

ادخلها حجرتها والقاها ع فراشها بقوه : ومن امتى يا هانم بتهزرى بالشكل ده مع راجل غريب عنك هه

نبيله : يا يوسف ما تنساش ان انا وكريم متربين مع بعض وكمان احنا كنا بنهزر قدام عمتو يعنى عادى

يوسف : مفيش حاجه اسمها عادى فيه حاجه اسمها احترام , واصول … البنت المتربيه المحترمه ما تعملش كده ده ف الاول والاخر غريب عنك ابن عمتك ابن خالتك محرم عليكى 

هدى تتجه اليهما : خلاص يا يوسف محصلش حاجه لده كله ما تنساش انهم مخطوبين وكلها كام شهر ووو

ليقاطعها يوسف بنبره عاليه : غريب عنها برده يا هدى حرام يلمس ادها ولا نسيتى اللى درستيه يا هانم
لا يحل لرجل يؤمن بالله ورسوله أن يضع يده في يد امرأة لا تحل له أو ليست من محارمه ومن فعل ذلك فقد ظلم نفسه

نبيله : انا عارفه والله والحمدلله من ساعه ما اتخطبنا وهو ما لمس ايدى خالص لانى عارفه انه حرام يا يوسف 

يوسف : واللى حصل من شويه ده ايه حلال انك تزقيه فى حمام السباحه وكمان تعلى صوتك معاه بالضحك

نبيله راجيه : خلاص حقك عليا اول واخر مره والله هعمل كده 

هدى : خلاص بقى يا يوسف اهى قالتلك مش هتكررها تانى

يوسف يضمها بحب الى صدره : انا بحبك وخايف عليكى ومش عاوزك تغلطى يا نبيله

انا عارفه انى غلطت عارفه يا يوسف وان شاء الله مش هكررها تانى ابدا والله 

هدى : خلاص بقى سماح المره دى يا وحش الشاشه

دنا برده يا ست هدى اللى وحش امال سيادتك ايه

لا دى اسد يابا وكمان مفترس مش وحش بس ( يقول هذا زوجها عماد وهو متجه اليهم)

ترمقه هدى نظرات ناريه بينما يتراجع عما قاله منذ قليل 

انا اقصد يعنى انها قطه سيامى هاديه

يوسف بسخريه : يا واد يا فتك والله ما فيه قطه غيرك انت يا عمده

مكنتش اقصد يا مدام اللى قلته ليه هو اللى استفزنى لما على صوته 

كاميليا : حصل خير يا ياسمينا يلا اطلعى اوضتك عشان تغيرى هدومك

ياسمينا : يعنى حضرتك مش زعلانه منى

كاميليا : هو انتى غلطتى فيا عشان ازعل منك انتى غلطتى فى يوسف وغلط كبير كمان بس انتى لسه مش عارفه طباعنا كويس عشان كده مش هزعل منك يلا ع اوضتك بقى عشان كمان تغيرى هدومك المبلوله دى لتاخدى برد

ياسمينا: اوكيه بعد اذنك

كادت ان تتركها لكن كريم اوقفها بكلمته : استنى يا ياسمينا انا هطلع معاكى

كاميليا محدثه كريم : استنى هنا يا كريم عاوزه اتكلم معاك شويه اطلعى انتى ياسمينا

ياسمينا تنظر اليهما : اوكيه بعد اذنكم

خالتو لو هتكلمينى وتقوليلى عيب والكلام اللى انا عارفه ده بلاش احسن

كاميليا : يعنى معترف اهو انك غلطت

كريم : انا ما غلطتش يا خالتو وانتى عارفه انا هزرت معاهم عادى ثم تعالى هنا لو ماوقعتهمش فى البيسين زى ما وقعونى كنتو هتزعلو كده

كاميليا : يا كريم انا سبق وحذرتك اللى بتعمله ده غلط وحاجه تغضب ربنا

كريم : ايه يا خالتو اللى بتقوليه ده ازاى يعنى هو انا عملت ايه لكل ده انا كنت بهزر بهزر يا بشر بهزررررررررررر

ولو برده هزار مش هزار اسمه غلط وحرام انك تهزر معاهم بالطريقه دى فى حديث شريف لرسولنا الكريم بيقول فيه لأن يطعن في رأس أحدكم بمخيط من حديد خير له من أن يمس امرأة لا تحل له

كريم : وهو انا جيت جنبهم دلوقتى ولا حتى لمستهم

بمجرد انك لمست ايدهم تبقى لمستهم يا كريم 

انا شايفها عاديه ما تحبكهاش بقى

ياابنى انا خايفه عليك من غضب ربك 

ربنا يغفرلى ان شاء الله كلنا مليانين اخطاء محدش كامل 

عارفه اننا كلنا بنخطىء وبنغلط لان الكمال لله وحده …. بس غلط عن غلط بيفرق يا كريم 
“
عقد ذراعيه أمام صدره : والمطلوب ايه دلوقتى منى

تطلق زافره قويه : روح ع اوضتك دلوقتى غير هدومك وبعدين لينا كلام تانى مع بعض

تمر بالطابق لتذهب الى حجرتها لكنها توقفت عند حجره نبيله التى سمعت بها ضحكاات تاتى منهم بالداخل وكانوا يتسامرون ويطلقون الضحكات عاليه

همست لنفسها قبل ما تتجه نحو الحجره : ياسلام مهو عمال يضحك بصوت عالى اهو ولا حلو ليه ووحش ليا انسان مستفز بصحيح

تملل رجُل فى نهايه العقد الرابع ف فراشه بــ ارهاق فى حجرته وكان ينفث سيجارا تلو الاخرى بغضب الى ان لاحظ خروج الفتاه التى كان يقضى معها هذه الليله من دوره الحمام كانت ترتدى زى البرنس ركضت اليه وببعض الدلال 
ايه يا سولى لسه بتفكر فيها 

ظل ساهما شارداً فيما حدث بالامس فى يوم عرسه

ايه بقى ما تفكك من الحوار ده من الاول خالص وانا قلتلك بلاش البت دى دى شايفه نفسها

تشوف نفسها براحتها بس مش ع سليم السلاب يا لانا

لو مش عارفاك كويس كنت قلت انك حبتها يا سليم

ههههههههههههه بحبها ايه بس انا كنت عاوز اربيها واعلمها الادب لان لسه ما اتخلقتش اللى تقول لسليم السلاب لا

تمد يدها فى خطوه سريعه لتناول سيجارته المشعله الى فمها تأخذ نفسا عميقا ثم تخرجه عليه باثاره
قولى بقى ناوى تعمل ايه معاها ومع عيلتها

يأخذ منها السيجاره ثم يقوم باطفأئها ويجذبها اليه بقوه قائلا لها وهو ينظر اليها بنظرات جريئه على بعض مناطق جسدها الظاهره امامه : هوريكى ناوى اعمل ايه 

ايقظتها خيوط الشمس الذهبيه التى تبعث فى الحجره نهضت وركضت الى نافذه حجرتها لتفتحها وتستمتع بهذا المنظر الجميل 
تنفست الهواء العليل … ثم لفت انظارها هو وكان بداخل المسبح هو وعماد زوج اخته ومعهم كريم ايضا … عادت الى الحجره ثم دخلت الحمام لكى تغتسل و تنزل اليهم 

وكانوا تحت يقومو بتحضير مائده الافطار

عمتو اروح اصحيها ولا لسه

كاميليا : خليها نايمه يمكن محتاجه للنوم 

نبيله : طيب 

كاميليا : ولا اقولك روحى بصى عليها لو لقتيها نايمه سيبها لو صحيت هاتيها وانزلو عشان نفطركلنا مع بعض

نبيله مسرعا : اوكيشن اوكيشن

شوفتى يا عمتى عمايل ابن اختك 

كاميليا : بسم الله الرحمن الرحيم … ايه يا هدى يا بنتى براحه خضتينى فيه ايه

سى عماد باشا ما رحش الشغل وحضرته ف البسين بره

كاميليا : يمكن يكون خد اجازه

ياسلام ياخد اجازه من غير ما يقولى دنا كنت موته

يا هدى ده راجل انا هفضل اكلمك ف الموضوع ده لحد امتى … انتى ف الاول والاخر ست يعنى المفروض نكون ضعفا مش مفترين بالشكل ده وما تنسيش انهم قوامين علينا

مين مين مين اللى قوام علينا ده
بت استغفرى ربك دى ايه فى سوره النساء بسم الله الرحمن الرحيم الرجال قوامون على النساء بما فضل الله بعضهم على بعض وبما أنفقوا من أموالهم

هدى : استغفر الله العظيم وصدق الله العظيم … يا خالتو انا عارفه بس مش عارفه ليه باجى عليه بالطريقه دى بجد نفسى دلوقتى اروح اقتله عشان ما رحش مكتبه امال كنت فتحتهولو ليه بقى

لا حول ولا قوة الا بالله انتى الكلام معاكى بقى بيعصبنى وبيصدعنى امشى بعيد عنى احسنلك

مين بس يا كوكى اللى مصدعك( يقولها يوسف وهو أتى اليهم من خارج القصر وكان مرتدى سروال برموده وعليه تيشرت كات اسود وكان يجفف شعره الاسود الكثيف المبلل بمنشفته )

يوسف مشى البت دى من هنا بجد انا تعبت منها

عملتلك ايه تانى بس

البت دى غبيه والله دى ليمكن تكون ست يا يوسف 

عشان تصدقو لما اقولكم انى متجوز تربل اتش ( يقولها عماد وهو يرمقها بعيناه)

بقى انا ياسى عماد تربل اتش 

بصراحه اه يا هدى شوفى نفسك فى المرايا يا امى وانتى تعرفى 

سيبك من كلامك ده انا عارفه انك بتدارى بيه غيابك عن شغلك انهارده صح

عماد : بدارى ايه يا بنتى بس حرام والله 

كاميليا : ايه ايه هتتخانقوا هنا وقدامى كمان هش هش فوق على اوضتكم اتخانقو فوق

عماد : انا طالع اغير عشان اروح المكتب

يوسف لهدى : مستنيه ايه وراه وصلحيه 

هدى : وهو انا اصلاا غلطت فيه عشان اصلحه فيه ايه يا يوسف

كاميليا : يوسف ما تتعبش روحك اختك ما بتفهمش سبها ورح غير هدومك انت كمان عشان الفطار جهز

يوسف : اوكيه بعد اذنكم

كاميليا : يوسف 

يوسف يلتفت اليها : ايوه يا عمتو

كاميليا : انا كلمت عيله البنهاوى عشان تشوف نجوان بكره ف عيد ميلاد نيللى

برده لسه مصممه يا عمتو

كاميليا : عاوزه افرح بيك يا يوسف ياابنى واشيل عيالك قبل ما اقابل وجه كريم

يوسف ينحنى ويقبل يداها : ربنا يديكى طول العمر يا كاميليا … حاضر هشوفها 

كاميليا : ربنا يرضى عليك يا حبيبى 

يوسف : هروح اغير بقى

ماشى روح

تركها وركض الى الدرج بنفس التوقيت كانت نبيله مع ياسمينا نازلين على الدرج وصوت ضحاكتهم عاليا نسبياً

نبيله : هههههههههههههههه يخربيت مطنك اللى يشوف هيئتك ما يقولش ان يطلع منك الكلام ده

ياسمينا : يابنتى انا من المنصوره اصلا يعنى سيبك من المظهر وخليكى ف الجوهر

نبيله : وجوهر كمان لالالالا بقينا مثقفين اهون

ياسمينا : اهون ؟؟؟ حلوه اهون دى احسن من اهين هههههههههههههه

نبيله : ههههههههههههههه وطى صوتك لاحسن يوسف يسمعنا ويجى يدينى درس الله يخليكى

ياسمينا : انا مش عارفه هو ليه معقد كده 

نبيله : مين يوسف ده بيحب الهزار والفرفشه اوى 

ياسمينا : مهو باين اوى من طريقته معايا ليله امبارح

نبيله : هو بس ما بيحبش الصوت العالى وكمان ما تنسيش اننا بنات 

اه طيب

وهنا اطلقت ياسمين عطسه قويه 

نبيله : يرحمكم الله

لم ترد عليها لانها عطست مره اخرى

نبيله : شكلك خدتى برد من امبارح

ياسمينا : يظهر كده 

نبيله هخلى داده تعملك لمون سخن ولا حاجه

ياسمين : صحيح انا عاوزه اروح اشترى خط وفون 

نبيله : ابقى قولى لعمتو تحت

ياسمينا اطلقت ايضا عطسه اخرى … رقبها يوسف وهو طالع لحجرته 

نبيله :ايه ده انت كنت ف البسين ولا ايه يا جو

كان ينظر الى ياسمينا التى كانت تأفف من وجوده معهم : لا كنت ف الترعه يا ظريفه
نبيله : هاهاها يبقى ابعد عنا بقى لاحسن يجلنا بلهارسيا

ياسمينا بغضب : نبيله هستناكى تحت ما تتاخريش
يوسف ينظر اليها وهى نازله الدرج : بت مستفزه جريئه بصحيح
نبيله : والله دى طيبه اوى اوى يا يوسف 
يوسف : طيبه ايه بس والله محد طيب غيرك انتى واختك
نبيله : ما تنساش انك قلت عليها كده برده هه ما تنساش

كنت غلطان وما بفهمش يلا ع تحت بقى عاوز اروح اغير هدومى

يقوم رجل فى العقد السادس بفتح باب المسجد المجاور لمنزله لاقتراب صلاة الظهر حسب التوقيق المحلى لمدينه المنصوره 

صباح الخير يا شيخ ابراهيم

ابراهيم ينظر اليه ويبتسم : صبحك الله بنعميه يا حوده عامل ايه

محمود : الحمدلله كله تمام بس انت هتفتح المسجد بدرى كده ليه

ابراهيم : ولا بدرى ولا حاجه انا بحب افتحه فى الوقت ده كل يوم انت بس اللى بطلت تيجى تصلى هنا

محمود : هههههههههه والله ابدا انا بس بكون فى الورديه دايما ف الوقت ده انهارده بس حظى انى هنا عشان اتبارك بيك يا شيخنا

ابراهيم : البركه بركه ربك يا حوده

محمود : ونعم بالله …. ثوانى هودى الحاجات دى البيت واجيلك عشان عاوزك فى موضوع

ابراهيم : خلاص هتلاقينى مستنيك يا حوده بمشيئه الرحمن

اما ياما

تعالى يا محمود انا فى المطبخ ياابنى

محمود : الحاجات اهى اللى طلبتيها منى

والدته : حطها عندك 

محمود : انا هتوضا بقى واروح الجامع فين الجلابيه بتاعتى

والدته : هتلاقيها منشوره ف البلكونه

محمود :هروح اجيبها وهنزل مش عاوزه حاجه اجبهالك وانا راجع

والدته وكانت تضع طشه الملوخيه : عاوزه سلامتك يا حبيبى ما تتاخرش بقى انا خلصت الاكل بدرى اهو زى ما طلبت

محمود وهو يتنفس رائحه الطعام الشهيه : امممممممم ريحه الملوخيه تجنن

والدته :طيب يلا بقى عشان ما تتاخرش وتيجى تلحقها

محمود : صحيح انا شوفت عم ابراهيم كان بيفتح المسجد

والدته تنظر اليه متسالاً : قالته حاجه

محمود : لا لسه لما نصلى الضهر هقوله

والدته : بلاش دلوقتى لما بنت خالتك تظهر يا حوده نبقى نقوله ونعرفه

محمود : ياما كده او كده لازم يعرف انها هربت وجايه على هنا

والدته : ما تقولش هربت يا واد عيب عليك 

محمود : امال اللى هى عملته ده يتسمى ايه لما عروسه تهرب يوم فرحها ومش بس كده لا كمان تضرب جوزها 
والدته : بص يا محمود ياابنى ما تصدقش كل اللى بيتقال لازم تسمع الطرف التانى كمان 

محمود : انتى اللى دايما بتدافعى عن بنت اختك دى

والدته : لانها غلبانه يا حوده ومش زى الفت اختى انا عرفااها يا حبه عينى سافرت غصب عنها واستحملت اللى محدش يستحمله كفايه انها بعدت عن ابوها السنين دى كلها

محمود : لو فضلنا نتكلم عن اختك وبنت اختك بالشكل ده هتفوتنى صلاه الضهر لما ارجع نبقى نكمل كلامنا

والدته : طيب بس بلاش تكلم عمك ابراهيم ف حاجه دلوقتى لما نشوف ياسمينا هتيجى على هنا ولا هتروح فين

محمود : براحتكم سلام

تضع غطاء الاناء وتطفىء الشعله وتطلق زفره قويه : ربنا يهديلك الحال يا ياسمينا يارب ويعطرنى فيكى قبل ما امك تعطر فيكى …. يارب فك كربها وييسرلها امرها ملناش غيرك يا كريم نلجأله 

مش هتعرفى تروحى لوحدك يا سيمو استنى هخلى حد يروح معاكى

مش اشكال عرفينى بس حضرتك المكان وانا هروح 

يابنتى اصبرى لا اله الا الله اهو جه كريم …. كريم

كريم : نعم يا خالتو

كاميليا : خد ياسمينا ووديها تشترى خط من المحل اللى ع اول الشارع 

ياسمينا : وهجيب كمان موبايل

كاميليا : بلاش موبايل انا عندى عده ما بستعملهاش خديها

ياسمينا : ميرسى معلش لازم اشترى واحد

كاميليا : صدقينى انا مش بستعمله خديه موجود جوه فى درج المكتب ثوانى هخلى ناديه تجيبه ليكى

تأتى اليهم نبيله : عاوزه حاجه يا عمتو

كاميليا : اه يا نبيله هاتيلى من درج المكتب جوه عدتى القديمه

نبيله : حاضر

ياسمينا بخجل : انا معايا فلوس وكده او كده كنت هشترى واحد

كاميليا تنظر لها بدون ان تتكلم 

كريم محدثا ياسمينا : خلاص بقى يا سمسم كوكى قلتلك خدى فونها بلاش تتعبيها هى ما بتحبش الكلام الكتير مش كده يا كوكى

كاميليا : بطل يا ولد 

هههههههههههههههه شوفتى ما بتحبش كلامى انا كمان

تأتى اليهم نبيله وتعطى لها الهاتف وتأخذه منها وتشكرها وتركض ومعها كريم 

نبيله : هما هيرحو فين يا عمتو

كاميليا : هتروح تشترى خط 

كاميليا : بلبله استنى عاوزاكى

نبيله : خير يا عمتو

ما تزعليش من يوسف واللى عملو معاكى امبارح

نبيله : عمرى ما اقدر ازعل منه ده اخويا الكبير وهو عنده حق فى كل كلامه معايا

كاميليا : انا قاعدت معاه الصبح وفهمته انه كان مزودها حبه مع الضيفه بس يلا ادينا بنتعلم من اخطائنا

نبيله : اكيد طبعا يا عمتو عاوزه حاجه انا هطلع اوضتى

كاميليا : مالك مدايقه كده ليه

نبيله مصطنعه الابتسامه : ابدا منا حلوه اهو

يا بت فكرانى مش واخده بالى ولا ايه … كريم بيحبك انتى يا هبله ومحدش يملى عينه غيرك

اه مهو باين من امبارح عمال يهزر مع ياسمينا ويعاكسها قدامى واهو دلوقتى خرج معاها ولا حتى عبرنى بكلمه

ده بيغيظك يا بلبله انا عارفه ابنى كويس صدقينى بيغيظك تعرفى لو انتى كنتى مكانه كان هيشيط مش هيزعل بس كريم بيحبك بلاش تضيعيه بغبائك ده

ححاول

ما تحاوليش وبس انتى صممى على كده شوفى ايه اللى بيشدو للبنات التانيه واعمليه مش بقولك قلديهم لا بس شوفى هو بيحب ايه واعمليه خليه هو اللى يقرب خليه هو اللى يتغاظ مش انتى فهمانى

يعنى ايه عاوزانى البس محزق وملزق واصبغ شعرى عشان اعجبه يا عمتو

ما قلتش كده قلت اتقلى شويه بلاش كل شويه رايح وجاى منين خدنى معاك بلاش وبطل الكلام ده كله بيزهق الراجل بذات ما بيحبش حد يتحكم فيه خصوصا لو الحد ده بنت بيحبها … انتى حاولى معاه بهدوء بس بلاش تاخدى اساليب اختك اوعى هتملى زى عماد بالظبط 

حاضر يا عمتو

حاضرلك الخير يا حبيبتى يارب ويسعدكو يلا روحى شوفى كنتى هتعملى ايه

هروح اختار فستان عشان حفله بكره

طيب انتى قلتى لياسمينا

لا ما قلتش بس قالتى ان صحبتها ممكن تيجى انهارده وهتمشى

طيب ماشى 

ازيك يا عبوده

اهلا ازيك بعم الشباب كيمو 

اهلا بيك ياخويا عاوزين خط موبينيل

نظام ايه

كريم لياسمينا : عاوزاه اى نظام

ياسمينا : مش فاهمه يعنى ايه

يعنى فاتوره ولا كارت

اى حاجه يا كريم مش هتفرق

خلاص هات كارت يا عبوده

اتفضل يا سيدى اختار رقم دول المميزين

حلو ده وسهل كمان مبروك عليكى

ميرسى …. كام تمنه من فضلك

كريم : عيب معاكى راجل يعنى انا اللى هحاسبيه

ميرسى ليك يا كريم انا معايا فلوس … كام من فضلك

عبوده :بـــ

يقاطعه كريم : استنى يا عم عبوده … قلت خلاص حسابه عندى 

كده كتير 

مفيش حاجه كتيره ولا حاجه ده حاجه بسيطه يعنى 

اوكيه 

هاتى بقى الموبايل عشان اعملهولك

اتفضل

لا يزال ع فراش النوم تناول هاتفه وقام بفتحه ووجد عليه 15 ميسد كول
اغلبهم من احد رجاله بالقاهره 

تأتيه بابتسامه وبدلال : ها يا حبى هتقوم تفطر معايا انا عملت الفطار

اه جاى هعمل مكالمه وهحصلك

اوكييييييييه يا سولى اموووا ( وتعطى له قبله هوائيه )
ينظر نظرات جريئه شهوانيه ويتبع كل جزء من جسمها 
يتناول هاتفه مره اخرى ويعمل اتصال
ايوه يا عيسوى ايه الاخبار ها ها مين اللى ساعدها اسمها ايه 
فيفيـــــــــــــان …. تمام اوى عنوانها وارقامها تكون عندى كمان ساعه