طريقه عمل عجينة القطايف في البيت بالصور

طريقه عمل عجينه القطايف بالبيت

المقادير

كوب دقيق كوب ماء دافى ربع معلقة خميرة فورية ربع معلقة صغيرة بيكنج باودر معلقة كبيرة سكر وزرة ملح بس كده

الطريقة  :
بدوب الخميرة مع الماية والسكر فى حلة مثلا وبعد ما يدوبو بضيف الدقيق والملح والبيكنج باودر واقلب الجميع كويس او اضربهم فى الخلاط زى ما تحبى قوام العجينة ماوى أخف من البشاميل زى الصورة دى 

2015-11-27_160237

بعدين اغطى الحلة اللى فيها العجينة واركنها لمدة ساعة او أقل لما بفتح عليها الاقيها عملت فقاقيع بالشكل ده

2015-11-27_160338

 أقلبها بكبشة واسخن طاسة تيفال عالنار متوسطة مش هادية ولا عالية وأحط بالكشبة الخليط على شكل دواير بينزل زى كده

2015-11-27_160411

 

 2015-11-27_160423

هتبتدى تنشف من الحروف وبعدين من النص وتمسك نفسها وتنفصل عن الطاسة بالشكل الاتى

2015-11-27_160433

تروحى مطلعاها  وبطلعهم على ورق مش على طبق لانها هتعرق عالطبق وبحطها عالورق او فوطة تمتص الرطوبة عشان متتبلش كده

2015-11-27_160456

شكلها من الضهر كده

2015-11-27_160445

بحشيها بالحشوة التقليدية اساسى جوز هند وسكر

ومكسرات اللى عندك او سودانى وزبيب مثلا

2015-11-27_160505

 دول لما حشيتهم كلهم

2015-11-27_160516

 بعد الخطوة دى ممكن اشيل فى الفريزر منها وابقى اطلعها عالقلى فى اى يوم تانى هنا قليت اللى احتاجته فقط

2015-11-27_160533

 أول ما أطلعها من الزيت بحطها على ورق يادوب دقيقتين تتصفى من الزيت الزيادة ولو انها الحمد لله رب العالمين مبتشربش زيت اوى ولا حاجة معايا

 

2015-11-27_160542

وبعدين وهى سخنة كده بغطسها فى شربات بارد وانا بحبها حلوة فبسيبها فيه شوية كتير وبعدين بطلعها ولا بصفيها ولا حاجة بحطها فى طبق التقديم على طول كده

 2015-11-27_160550

وبالهنا والشفا

منقوول من موقع فتكات

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *