طريقة عمل شوكولاتة ماندولين , وتويكس Twix بالصور

شيكولاته ماندولين وتويكس

طريقة عمل شوكولاتة ماندولين , وتويكس Twix بالصور

المكونات

2015-08-12_211722

زي ما شايفين الصورة
دقيق (حسب ما تاخد العجينه )
انا حطيت 4 اكواب
بيضتين
ربع كوب لبن
معلقتين سمنه بلدي
كوب شربات ( بتاع البسبوسه )
فانيليا
ربع معلقة بيكنج بودر
نص معلقة نشادر
دي مصورتهاش لان النشادر ليها ريحة نفاذه
وبحب اخليها متغطية لحين مرحلة العجن
اما بخصوص كوب الشربات
فهقولكوا السبب
لما بعمل البسكوت ده
بحب انه يكون عالي حبه
ممكن يكون رقيق عادي بس انا بحب يكون له سمك معين
لو حطينا سكر بودره او سكر خشن ده بيخلي البسكوت يفرد حبه عند التسويه
وده انا مش عايزاه
علي شان كده بحب استخدم الشربات بدل السكر العادي
الطريقة
سهلة وبسيطه ومش محتاجه خفق كتير
يادوب بس
نحط الشربات
وعليه اللبن
والسمنه والبيض

2015-08-12_211442

ونضيف الدقيق ونعجن

2015-08-12_211454

عجينه سهلة جدا
وبما انها فيها نشادر فان البسكوت هينفش ويبقي هش
ممكن تفردي العجينة
ولازم تكون رقيقة جدا
علي شان هتعلي عند التسويه
بعد ما تفرديها تقطعيها مستطيلات
او علي شكل بسكوت النشادر عادي
وده شكل البسكوت لما فردته
وحطيته في صنية مستطيله
لكن لو حابة تشكليه بشكل غير ده
اكيد هينفع

2015-08-12_211504

وكمان عملت صاج وشكلته بسكوت عادي
اهم شيء يكون رقيق لانه بيعلي وينفش
لو الطبقه سميكه
هتلاقي البسكوت قلبه طري
وهيحتاج لما تيجي تسويه وقت اكتر في الفرن
ده البسكوت لما طلع من الفرن

2015-08-12_211514

في منه الرقيق
وفي منه اللي عملته سميك حبة علي شان يكون عالي معايا

2015-08-12_211524

وده الكراميل
والشيكولاته السايحه

2015-08-12_211536
كده خلصت مرحلة البسكوت
ندخل علي
الكراميل
او مروار الكراميل
وده ممكن تستخدميه في اي حاجه
تزيين تورت
او للسينابون
او في الشيكولاته كده
او تزيني الايس كريم
المهم
مكوناته
سكر
قشطه
زبده او زيت
بنحط كوبايتين سكر خشن في طاسه علي نار هاديه من غير ميه ولا شيء
ومن غير ما نقلب كتير
نسيب السكر لغاية ما يسيح علي النار

2015-08-12_211603

 

اول ما يسيح بالشكل ده ننزل عليه بالقشطه
ونحاسب لانه بيفور
وبسرعة شديده نقلب لغاية ما يفك السكر
لو حابين نعمل كراميل للكريم كراميل
نضيف لبن بدل القشطه

خلصنا كده الكراميل
ممكن لو نعمل الكراميل ده ونحتفظ بيه في الديب فريزر
اتبقت اخر حاجه عندنا
الشيكولاته
دي بنسيحها عادي علي حمام ميه
ولو حابينها تدوب وتبقي ناعمه
نضيف ليها معلقة زيت دره
يلا بقي
نركب
الماندولين
نغطي البسكوت بطبقة من الكراميل

نسيت اقولكوا ممكن نحط فول سوداني كمان
وندخلها حبه التلاجه
نكون مسيحين الشيكولاته
ناخد البسكوت اللي غطيناه بالكراميل ونغمسه في الشيكولاته
ونطلعه علي شبكه
يكون تحتها ورق زبده علي شان اي كمية شيكولاته تنزل
من البسكوت نرجع نستفيد منها
والحقيقة المرحلة دي
مصورتهاش بما ان ايدي كلها بقي كانت غرقانه شيكولاته
دي النتيجه
يارب تعجبكووا

2015-08-12_211613

شلت حبة من الشيكولاته علي جنب البسكوت علشان تشوفو الكراميل

2015-08-12_211640

2015-08-12_211626

 

منقووووووول

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *