طريقة عمل الباتيه في البيت

13819673273380

بالخطوات طريقة عمل الباتيه 

3 كوب دقيق من المج اللى بنعاير بيه
2 معلقة خميرة فورية
معلقة كبيرة بيكنج بودر
ربع المج زيت
2 معلقة كبيرة سكر

ماء دافن للعجن
3 معالق حليب بودرة

1- ناخد المج و نحط فيه ال ربع كوب ماء دافئ و عليهم ال 2 معلقة سكر و عليهم 2 معلقة خميرة فورية
و تسبيهم ساعة هترجعى تلاقى سطح الميه اترفع لنص الكباية و الغرض اننا نتاكد ان الخميرة شغالة و ننشطها .

2-  هناخد باقى المقادير بعد مرور الساعة و نخلطهم مع بعض كلهم و نضيف كله على كله و نبتدى نضيف الماء الدافئ ببطء ( حوالى كوب و ربع ماء دافئ ضفيهم ببطء ) و لازم تعجنى بشدة عشان تدخلى الهواء و تفضلى تعجنى بأيدك لمدة 10 دقايق و شدى كورسى عشان العجن هياخد وقت بدل ما تفضلى واقفة 


3- ادى الصور بعد العجن اهى 

13819665999550

و بعد ما تخلصى هتسيبى العجينة تخمر لمدة ساعة 

4-  بعد ما العجينة ما تخمر و تخلص الساعة هتجيبى النشابة و تفردى 


13819667505177

على فكرا انا بجيب كيس بلاستك كبير و بثبته و بفرد عليه العجينة بالنشابة 
للحشو ( جبنة بيضة تهرسيها بالشوكة و ترشى عليها زعتر و تهرسى بقى )


5-  فيه دلوقتى كذا شكل تقدرى تعمليهم
الشكل الاول انك بعد ما تفردى ترسمى مثلث بالسكينة و بعد كده تطلعيه و تحطى الحشو على القاعدة بتاعت المثلث و تبرميها و تلفيها و بعد ما تعمليها ترشى من فوق بيض على الوش و تحطى سمسم اوعى تنسى

13819669053528

اما نص العجينة التانى فأنا بعد ما افردها فاانا بحط الحشو فى النص و ابرمها بالشكل ده و بعدين اقطعها بالسكينة

13819670115348

13819670422373

13819670806550

و افرش كل ده فى صنية تيفال و على الفرن عدل و السوا بين 10 دقايق ل 15 دقيقة و اياكى تزودى عن كده 

13819671743617

13819672099300

على فكرا خدوا منى صنيتين ها 
و فى النهاية ده شكلهم بعد ما طلعوا و هما طريين على فكرا من جوه و حلويين اوى زى اللى انتم بتجبوه من الفرن و احسن و بالهنا و الشفا

13819673002370

13819673273380

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *