مسلسل يا انا يا حماتي الحلقة الثامنة

الحلقة الثامنة

الحلقة الثامنة

 

طبعا حسام كان مصدوم من قرارها ومش عارف يقولها ايه

سهير :على فكرة الكلام ده مافيهوش اي نقاش

حسام : بس ياماما

 

سهير : من غير بس … انا عمرى ماهنسى انها قاستك عليا … وانى فى يوم زعلت منك بسببها

حسام : ماما نهى بتحبك دى هى اللى خلتنى انزل اتكلم معاكى واصالحك

سهير بضيق : يعنى انت نزلت تصالحنى عشان خاطرها مش عشان انا مهمه عندك وزعلي فارق معاك

حسام : لاء طبعاً ياماما … بس انا قصدى ان نهى بتحبك وبتخاف عليكى … ليه عاوزه يبقى فى بينكم عداوة وبعد بالشكل ده

 

سهير : حسام قولتلك مفيش نقاش …. وبعدين عشان نريحك من المشاكل اللي بنا …. شيل ده من ده يرتاح ده عن ده

حسام بحزن : انتى شايفه كده انك بتريحيني … يعني اكتر اتنين انا بحبهم يكونو بيكرهو بعض كده هى دى بقى الراحه

سهير :بص يا حسام  انا مايهمنيش حد غيرك …. وانا معدتش هشغل دماغى بيها اهم حاجه انى اطمن عليك وابقى مرتاحه … هو انت ايه مش

عاوز راحتي ؟… انا هبقى مبسوطة كده وانا بعيد عنها

حسام : لاء طبعا وبدام ده اللى هيرحيك اللى تشوفيه هعمله

 

سهير وهى بتغير الموضوع : انت هتسافر امتى ؟

حسام : بكره الصبح

سهير : طيب خاليك قاعد معايا بقى عشان انت وحشتنى مش كفايه الاجازه خلصت ومقاعدتش معايا خالص

حسام : بس نهـــــــــــــــ

سهير قاطعت كلامه : انا عامله كل الاكل اللى بتحبه فاضل بس على التسويه ثوانى ويكون جاهز وباسته وقامت تعمل الاكل

 

انا بقى فضلت قاعدت قلقانه لما اتاخر اوى كده كنت خايفه يكونو بيتخانقوا ولا حاجه رنيت عليه مره على الموبيل بس كنسل عليا

فضلت رايحه جايه فالشقة وكنت خايفة انزل لتكبر المشكلة لحد ماتعبت وقاعدت على الانتريه اقلب فالتلفزيون وفالاخر روحت فالنوم

محسيتشى بحاجه غير بايد حسام بعد كده وهى بتصحينى

حسام بحنيه : نهى … يانهى

انا بخضه : ايه … فى ايه

واطمنت لما شوفته قدامى : حسام … احنا امتى

حسام : قومى احنا الساعه 1 بليل قومى نامى فالاوضه

انا : عملت ايه واتاخرت كده ليه … اوعى تكون اتخانقت معاها

حسام بارتباك وحزن : لاء بس

انا بقلق : بس ايه

2015-08-13_150630

حسام : بصى يانهى بعد كده طول ماانا مسافر تقفلى الشقه وتروحى تقعدى عند بابا ولما ارجع تبقى تيجى هنا … ماشى

انا باستغراب : ليه .. وهسيب طنط لوحدها … مينفعشي اكيد هتزعل منى

حسام فضل ساكت شويه

وبعدين حكالي على كل اللى حصل وقرارها

بصراحه كنت مضايقه اوى اكيد مكنتش احب ان العلاقه بنا توصل لكده وخصوصا انى حسيت ان حسام مضايق ومش مرتاح

2015-08-13_150858

بس خلاص هى اختارت وقرارت وانا كمان هكون مبسوطة ومرتاحه اكتر وانا مع بابا واخواتى

انا بتحدى : خلاص ماشى مفيش مشكلة …. وهى عندها حق… كده اريح برضه وانا اكيد هكون مبسوطة عند بابا اكتر

حسام بحزن : بس انا مش هكون مرتاح ولا مبسوط

 

فضلت ساكته ومش عارفه اقوله ايه بس انا مش هفرض نفسى عليها اكتر من كده وهى اللى اختارت مش انا

2015-08-14_202312

حسام وهو بيقوم من مكانه : انا داخل انا ومتنسيش تحضريلى شنطتى وكمان حضرى حاجتك اللى هتحتاجيها هناك عشان اوصلك هناك قبل مسافر

انا : ماشي

وفعلا تانى يوم حسام سافر وانا روحت عند بابا وخلاص

 

وفات حوالى اكتر من 3 شهور

 

انا مش بكلمها ولا بعرف عنها حاجة حتى حسام مكنشى بيحاول يجبلى سيرتها وهى كمان كانت بعده نفسها خالص

بس فى اجازات حسام كان حسام بيصعب عليا اوي وهو بيحاول يرضينا ويكون شويه معاها وشويه معايا

كنت حساه مش كويس ولا طبيعيى كان مضغوط اوي بسبب الوضع ده بس برضه مكنتش عارفه اقوله ايه ولا اعمل ايه

2015-08-11_162127

وفى يوم كنت قاعده مع حسام

انا : حسام متيجى نسافر نصيف فى اى حته انا زهقانة اوي

حسام : يا ريت يا نهى وانا كمان محتاج اغير جو … بس مش هاينفع

انا باستغراب : ليه

حسام : عشان ماما

انا بعفويه : ليه متيجى معانا .. بابا هيحجز ممكن نظبط على اجازتك ونسافركلنا مع بعض بجد هتبقى حلوه اوى

 

حسام بتفكير : مش هينفع انتى ناسيه…. ماما مش هترضى وهتزعل لو سافرنا كلنا وسبناها لوحدها

انا طبعا افتكرت انها مش عاوزه تكلمنى ولا نكون فى مكان واحد عشان كده مش هترضى تيجى معانا

انا بحزن : طيب وبعدين ياحسام هنفضل على الوضع ده كتير

حسام بضيق : انا كمان اتخنقت ومبقتشى طايق الوضع ده .. وتعبت وانا مشتت كده بينكم

فضلنا ساكتين شويه

حسام بارتباك : نهى ….. هو مينفعشى

انا بقلق : مينفعشى ايه اتكلم ع طول

حسام : يعنى تنزلى لماما وتحاولى تكلميها يمكن المايه ترجع لمجاريها

انا بخنقة : حسام انا جيت على نفسى كتير عشان خاطرك وعشان ارضيك … بس اظن انك مترضليش انى اقلل من نفسى ومن كرامتى اكتر من كده

… واذل نفسى لوحده مش حبانى ولا حبه تتكلم معايا

2015-08-11_163735

حسام : يانهى متخديهاش كده … انا تعبت بجد ده غير وانا مسافر ببقى قلقان عليها وهى لوحدها افرضى تعبت محدش هيلحقها …انتى على الاقل

وسط اهلك لكن هى ملهاش حد غيري

انا : طيب وانا مالى هو كان قرارى هى اللى قررت واختارت …انت بتحاسبنى على حاجه انا معملتهاش

حسام : مش بحاسبك بس انا تعبت والله تعبت

انا بضيق : مانا كمان تعبت بس عمرى ماهنزلها ولا هافرض نفسى عليها مهما حصل

وقومت ودخلت اوضتى وانا مضايقه جدا

2015-08-11_162200

صحيح انا عذراه وحسه بيه وبالضغط اللى عليه بس برضه لاء استحاله انزلها ابداااااً

 

………………………………………………………….

 

وفاتت الايام وحسام سافر وانا رجعت قاعدت عند بابا وطبعاً لغيت فكرة السفر عشان خاطره وبابا لما لقاني مش هاسافر معاهم هو كمان كنسل

وماحجزشي حاجه

وفات شهر تانى ومفيش اى جديد

 

حسام لما نزل الاجازة وعرف اني لغيت السفر اتفق معايا انه هايشوف يوم ونقضيه كله مع بعض ونغير جو ونتفسح مع بعض

وفعلا صحيت الصبح وانا مبسوطة اوي وجهزت لبسي ولبسه ولبسنا وكنا مبسوطين اوي اننا هنخرج مع بعض كان بقالنا فتره شغالتنا المشاكل

ونسينا نسعد نفسنا

2015-08-10_145536

واحنا نزلين لقينا سهير بتفتح الباب

سهير وهى بتبص لحسام ومحاولتشي تبصلي خالص

سهير : حسام … رايح فين بدرى كده

حسام بارتباك : مفيش انا ونهى هنخرج وهنقضي اليوم مع بعض بره … هتحتاجي حاجه من بره

2015-08-10_145841

سهير بعد متقلبت ملامحها : اه عاوزاك فى موضوع كده ادخل

انا : حسام هات مفتاح العربية هستناك تحت

حسام بصلى بابتسامة : ماشى … ومتقلقيش مش هتأخر عليكي

بصتله بابتسامه ونزلت

قاعدت فى العربية

فى الوقت ده بقى حسام دخل عند سهير

حسام وهو واقف : خير ياماما فى ايه

سهير : طيب ماتقعد هتفضل واقفلى كده

حسام : ياماما مانتى عارفه نهى مستنياني تحت … فى ايه

سهير بغيظ : بقولك اقعد … مش هتتأخر عن البرنسيسة يعنى

حسام بتنهيده : وادى قاعده فى ايه  

سهير : انتم رايحين فين

حسام : فى ايه ياماما … انتى مقعدانى جامبك عشان تحققي معايا

سهير : متجاوب عليا وخلاص

حسام : مفيش هنخرج شويه وهنتغدى بره .. فى مانع

سهير : اه فى مانع …. مفيش خروج

2015-08-15_161407

حسام : يعنى ايه

سهير : يعنى اللى سمعته ….عاوز تخرج وتتفسح معاها وتسبني هنا لوحدي .. ومش كفايه طول مانت فالشغل بفضل لوحدي

حسام : مانتى اللى اختارتي كده ….جايه دلوقتى تحسبينا على قرارك

سهير : انا مش بحاسبك .. بس خلاص انا قولت اللي عندي مفيش مروح فى حتة

حسام : ماما كده بقى كتير …انا مش عيل صغير …انا خارج مع مراتي انتى ناسيه ان بقى ليه حياتي وبقى ليه زوجة مسؤل عنها … مش لسه

طفل قاعد فى ضلك هتقوليله متخرجشى هيقولك حاضر

سهير : مهما كبرت مش هتكبر عليا وهتفضل قدامى طفل ولازم تسمع كلامي وانا قولت مفيش خروج

حسام وهو قايم بنرفزة : لا ياماما هاخرج

ولسه بيفتح الباب سهير بصوت عالي

سهير : اعمل حسابك يا حسام لو خرجت بره باب الشقة دلوقتى لا انت ابنى ولا اعرفك …. وهتبرى منك ليوم الدين وهفضل غضبانة عليك

حسام بصلها وبدموع : انتى ليه بتعملي كده …. حرام عليكي

سهير : انا قولت اللى عندي ولما اشوف هايهمك غضبى عليك ولا لاء

ودخلت اوضتها وقفلت على نفسها

حسام دخل وقاعد على الانتريه وهو مش عارف يعمل ايه

2015-08-15_161910

انا بقى فضلت اكتر من ساعة قاعدة فالعربية ولما زهقت قفلت العربية وطلعت

وقفت شوية على باب شقة سهير بس مكنتش سامعة اي صوت

فكرت اخبط واشوف فى ايه بس خوفت تتخانق معايا او تحرجني

فطلعت قاعدت فى الشقة وانا قلبي مقبوض ومش فاهمة اي حاجة ومش عارفة اعمل ايه حاولت اتصل بحسام لقيت تليفونه مقفول فضلت قلقانة

ومحتارة ومش عارفة اتصرف كل اللى بعمله اني بلف فالشقة وخلاص

وبعد حوالى 4 ساعات من القلق لقيت حسام بيفتح باب الشقة وشكله مش طبيعيى انا طبعاً جريت عليه

انا بخضا : حسام فى ايه

2015-08-13_150842

حسام فضل يبص عليا شويه وهو مش بيتكلم

 

*****************

ونكمل في الحلقة التاسعة

إلى اللقاء في الحلقة التاسعة بإذن الله

تجميع لحلقات مسلسل “يا انا يا حماتي “

 

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *