مسلسل أم فتحي الحلقة الخامسة

الحلقة الخامسة

ماما الحقي دول مشغلين نشيد بيقول افراح وقرود . قصدهم مين بقى ع القرود

قصدهم ع العروسة واهلها يا حبيبة امك

افراح وقرود ايه يا جماعة اسمها افراح وورود

لو سمحتو ممكن اقعد جنبكو

انتي تبع مين ياست

انا قريبة العروسة

يبقى ارجعي ورا في اخر القاعة .

ليه يعني

هو كدة واللي مش عاجبه يروح بيتهم

طب حضرتك بتزعقي ليه

انا حرة . فرح ابني وازعق براحتي

اه حضرتك مامة العريس . الف مبروك

وانتي مالك انتي تباركيلي بصفتك ايه يعني

خلاص حقك عليا

 

مبروك يا مديحة

لالالالالالالالالا مش ممكن . يا حبيبتي يا سهير كنت عارفة اني مش هاهون عليكي

لا مش اوي كدة . انا جيت بس اشوف البت اللي هاياخدها فتحي احسن من بنتي في ايه

ياختي لا احسن ولا اوحش كل واحد بياخد نصيبه

مبروك يا خالتي

الله يبارك فيكي يا نسمة عقبالك يا حبيبتي

قريب . قريب اوي ان شاء الله

بصي بصي يا ماما العروسة شكلها وحش اوي

يع يع يع إخي إخي على ذوقك يا فتحي

هو ده بقى الفرح

نعمل ايه يا سهير . فتحي حكم علينا نعمله اسلامي

والله يا جماعة مافي احلى من الفرح الاسلامي اللي مافيهوش معصية لله

قوموا البت دي من جنبي لاجيبها من شعرها

حاضر يا ماما خلاص هاروح اقعد في حتة تانية

مبروك يا ام العريس

الله يبارك فيكي يا ام العروسة

خلي بالك من مروة

وماله ياحبيبتي ابقي قوليلي على مواعيد الرضعة بتاعتها

اااااه الله يكون في عونك يا مروة يابنتي

مبروك الف مبروك يا مروة

الله يبارك فيكي يا غادة

والله يا مروة فتحي محظوظ انه اتجوز عسولة زيك

من ذوقك والله يا غادة . تعرفي اني حبيبتك خالص

وانا والله يا مروة

مبروك يا مرات اخويا

الله يبارك فيكي يا هالة

يلا يا جماعة المأذون كتب الكتاب والعريس هياخد عروسته على شهر العسل

لولولييييييييييييييييييييييييييييييييييييييييييييييييييييييييييييييييييييييييييييييييييييي

 


رايحة فين يا ماما بس
سيبيني يا غادة يا بنتي عشان الحق اركب مع اخوكي العربية واروح معاه هو والعروسة

تروحي معاهم فين بس يا ماما ماينفعش

اومال يا بنتي هابات في الشارع ولا ايه

لأ طبعا يا ماما يا حبيبتي انتي هاتيجي تنوريني اسبوع

اسبووووووووووووووووع انا اسيب بيتي اسبوع . ليه . عشان ايه . هي البت العروسة هي اللي مصلطاكي ولا ايه

يا ماما هي مالهاش دعوة . انا اللي نفسي تيجي عندي والولاد هيتجننوا

عليكي وكل شوية يقولوا عايزين تيتة عايزين تيتة . مش كدة يا ولاد ؟ لااااااااااااااااااااااااااااااااااااااااااااااااااااااااااء

اخص عليكوا يا قلالات الادب . شوفتي يا ماما هيتجننوا عليكي ازاي

خلاص يا غادة عشان خاطرك وخاطر العيال هتنازل واجي معاكو وامري لله

.
.
.
.

مروة حبيبتي وحلم عمري خلاص بقت مراتي انا مش مصدق

ربنا يخليك ليا يا فتحي يا حبيبي

نورتي مملكتك يا حبيبتي

ربنا ما يحرمنيش منك ويقدرني اسعدك طول العمر يا حبيبي

ويقدرني يا حبيبتي واكون ليكي الزوج اللي بتحلمي بيه . مروة أأأ

انت عايز تقول حاجة يا فتحي

 

حبيبتي انا بس كنت عايز اقول ان امي ممكن مثلا تقول كلمة تضايقك ولا حاجة فأنا عايزك

ما تدقيش على كلامها وتفوتي لإن دي ست كبيرة ولازم نراضيها من غير ما تقول يا حبيبي . مامتك زي مامتي بالظبط وان شاء الله هتعامل معاها بما يرضي الله

تررررررررررررررررررن ترررررررررررررررررررن تررررررررررررررررررررررررررن

موبايلك بيرن يا فتحي

يا ترى مين اللي هايتصل في وقت زي ده . ايه دي . دي امي . يا ترى خير

ايوة يا امي

ايوة يا حبيب امك وحشتني يا واد يا فتحي

ربنا يخليك يا امي . هو انا لحقت اوحشك

ازيك يا حبيبي عامل ايه

كويس يا امي

والبت اللي معاك عاملة ايه

مروة كويسة الحمدلله

اتعشيت يا حبيبي

لسة يا امي . نامي انتي يا امي وما تشليش هم عشايا

ماشيلش همك ازاي يا حبيبي اومال اشيل هم مين

ربنا يخليكي ليا يا حبيبتي تصبحي على خير

يا واد انت بتقفل معايا في الكلام ليه

يا امي لازم اقفل دلوقتي

ليه يا حبيبي وراك ايه ؟

ورايا ايه !!!!!!!!

طب خلاص يا فتحي تصبح على خير يا حبيبي

وانتي من اهله يا امي

امي بتسلم عليكي يا مروة وبتقولي سلملي على مروة حبيبتي وروح قلبي

الله يسلمها يارب ويخليها

ها يا حبيبتي كنا بنقول ايه

ترن ترررررررررررررررررررن ترررررررررررررررررررررررررن

مين تاني . دي امي برضو

ايو يا امي نعم

اخص عليك يا فتحي انا قفلت معاك وقعدت اعيط يا حبيبي

ليه بس يا امي هو انا زعلتك في حاجة

اول مرة يا فتحي انام من غير ما تبوس ايدي وتقولي تصبحي على خير يا امي

يا حبيبتي اول ما اشوفك ههريكي بوس ايدين

اتعشيت يا فتحي

هو انا لحقت يا امي . انا لسة قافل معاكي

الولية ام العروسة بعتتلكو عشا

ايوة طبعا بعتت عشا

بعتت ايه

مش عارف والله

ما تسأل اسمها ايه اللي عندك

مامتك بعتت عشا ايه يا مروة

بعتت فراخ وحمام محشي وصنية بطاطس باللحمة ورز ومحشي ورق عنب ودكر بط

سمعتي يا امي

هو ده بس اللي هان عليها . اعوذ بالله من البخل

طيب عن اذنك يا امي

طب يا حبيبي اوعى تنسى تشرب كوباية لبن قبل ماتنام واتغطى كويس

حاضر حاضر يا امي

والله انا خايفة الغطا يتشال من عليك وانت نايم ومش هاتلاقي حد يغطيك زي امك ما بتعمل

لا ماتخافيش مروة هتبقى تغطيني

هاتغطيك ازاي يا واد هي هاتنام معاك في نفس الاوضة ولا ايه

اومال يعني هتنام في الصالون يا امي

اخص عليها قليلة الادب . خلاص ما فيش حيا . ازاي تنام معاك في اوضة واحدة

يا امي دي مراتي

ولو يابني . الاصول اصول

في حاجة تاني يا امي

لأ يا حبيي مع السلامة

مروة حبيبي ونور عنيا

فتحي حبيبي ونبض قلبي

يلا يا حبيبتي قومي غيري هدومك بقى

حاضر يا حبيبي

تررررررررررررررررررررررن تررررررررررررررررررررررررررررررن

الو ايوة يا امي

ايوة يا فتحي يا حبيبي شربت اللبن ولا لسة

يا امي روحي نامي روحي نامي ابوس ايدك ماتشليش همي

اخص عليك يا فتحي بطمن عليك يابني . ال على رأي المثل قلبي على ولدي انفطر وقلب ولدي عليا حجر

هي غادة فين يا امي

غادة نامت هي وجوزها وولادها ومش لاقية حد اتكلم معاه

تقومي تتصلي بيا انا برضو يا امي

خلاص يا حبيبي انا هاصلي ركعتين وادخل انام وهكلمك الفجر عشان اصحيك تصلي واطمن عليك برضو

ماشي يا امي ماشي

مافيش حل غير اني اقفل الموبايل عشان الليلة دي تعدي خير


*************

ونكمل في الحلقة السادسة بإذن الله
.
.
إلى اللقاء في الحلقة السادسة

.
.
.
بقلم الكاتبة هبة نور

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *