مسلسل خلف هذه الجدران الحلقة الثانية عشر (الجزء الأول)

2015-09-23_080657

 

” الحلقــــ (12) ــــة ” من مسلسل “خلف هذه الجدران ” (الجزء الأول)

**********
**********

رشاااااااااااااااا يا رشاااااااااااااا
يوووووووووووووو عايزة ايه يا دعاء

ممممم فاكرة الشاب اللي كسرتيله الكشك بتاعه اللي معاه بكالوريوس علوم ؟

ماله دا كمان ؟

ممكن تقوليلي عنوان الكشك بتاعه فين

نعممممممممممم وانت مالك وماله يا ست دعاء ؟

انتي عارفة اني مدرسة في مدرسة خاصة وبكون الصبح مع الولاد في الباص , انا كنت عايزة كل يوم اعدي بأتوبيس المدرسة عليه واخلي الولاد يشتروا من عنده البسكوت والشيكولاتة

ههه ليه ان شاء الله

مساعدة يا ستي , فيها ايه دي

مممممم مافيهاش حاجة . بس اوعي تتكلمي معااااااااااااااه , المفروض ما يبقالناش صلة بالأشكال دي يا دعااااااء

اشكال دي !!!!!! يا بنتي دا راجل متعلم وخريج كلية صعبة , هو اللي حظه سيء وخلاه مش لاقي فرصة في بلده ويضطر يشتغل شغلانة بسيطة زي دي ما تليقش بيه , هو كان اسمه ايه يا رشا ؟

مممممم تقريبا طارق , ايوة ايوة طارق كان اسمه طارق

*
*
*
*
*

طاااااااااااااااااااارق اصحى يا حبيبي

اصحى يا طارق اتأخرت ع الكششششششششششك

ايه يا امي ! يعني اتأخرت ع الوزارة !!!!!!!!!!

يا ابني الواحد يصحى بدري ويشوف اكل عيششششششه , يلا عشان تروح ترش شوية مية قدام الكشك وتستفتح

هههه اخرتهاااااااااااااااا اخرة المذاكرة وسهر الليالي , اللهم لا اعتراااااااااااااااااض

طب يلا قوم عشان انا عندي الحصة الاولى ولازم الحق الطابوووووووووور حضرة الناظر بيحب ان كل مدرسين الحصة الاولى يقفوا قصاد فصولهم في الطابوووووووووور ودايما يمدحني ويقول ابلة عطية مدرسة اللغة العربية مثال للإلتزام يا ولاد عشان انا قدوة للأطفال دول ايوة اومال ايه لازم من سنهم الصغير ده يتعلموا الانضباط والالتزام

ههههههههههههههههههههههه علميهم يا امي الانضباط عشان كل واحد فيهم لما يكبر ويسرح بعربية كشري ولا عربية كبدة ولا يشوي درة ع الكورنيش يلتزموا بمواعيد الشااااااااااااااااااااااااااارع

طب يلا قوم يا ابني الله يرضى عليك , اغسل وشك واتوضى وصلي ركعتين الضحى على ما اصحي اخوك واختك واحضرلكو طبق الفول المحترم

لاااااااااااااااا بلاش فول النهاردة

يا حبيبي اومال هنفطر ايه بسسسسسسسسسس

حمريلنا بطاطس يا امي على شوية بتنجان

يا حبيبي عندي الحصة الاوووووووووووولى مش هلحق احمر حاجة وكمان ما عنديش بطاطس وبتنجان , هجيب وانا راجعة من المدرسة ان شاء الله عشان اغديكو بيهم , اقولك هحطيلكو حتتين جبنة قديمة وشوية طماطم , حلو كدة ؟

حلو يا امي , اهم حاجة شيلي طبق الفول في التلاجة

بقولك ايه يا طارق يا حبيبي , عايزاك تيجي على نفسك شوية وتجمع مبلغ حلو كدة اديه لعلا اختك عشان تجيب جيبة وبلوزة عشان تروح بيهم الجامعة بدل الجيبة السودة الجربانة اللي بتلبسها والبلوزتين الللي اتقطعوا كذا مرة وعمالة تخط فيهم

يا امي اجيب منييييييييييييين , انا لو معايا مبلغ حلو كدة اجيب بيه جزمة بدل اللي اتقطعت والشراب طالع منها والناس بتضحك عليااااااااااا

يا حبيبي انت راجل ما يهمكش حاجة , لكن اختك بنتتتتتت بنت ونفسنا العدل يجيلها ونفرح بيها , لكن بمنظرها ده اللي هيشوفها مش هيتقدملها , ده هيديها خمسة جنيه في ايديها ويطبطب عليهاااااااااااااااا

والله يا امي انا نفسي اشوف اختي احسن واحدة في الدنيا بس غصب عني والله , حقك علياااا , ادعيلي يا امي ان ربنا يفرجها ويوسعها عليا وانا اجيبلها بدل الجيبة والبلوزة محل جيبات وبلوزات

يارب يا حبيبي ياااااااااااااارب , يلا قوم بقى على ما اصحي علا وعاطف

عُلاااااااااااااااااااا قومي يا حبيبتي هتتأخري ع الكلية

ممممم سيبيني يا ماما , مش رايحة الكلية النهاردة

ليه يا بنتيييييييييييييييييييي

يا ماماااااااااا مخنوووووووووووووقة ماليش نفسسسسسسسسسسسس كل ما اروح الاقي البنات لابسين احسن لبس وفي ايديهم شنط جلد طبيعي وفي رجليهم جزم جلد طبيعي وانا اللي يشوفني يفتكرني داخلة الم زبالة في الجامعة

معلش يا حبيبتي , ما تبصيش عليهم , حطي وشك في الارض وامشي في حالك

يا سلااااااااااااااام ولما هما يكلموني اعمل ايه ؟؟؟؟؟؟؟؟؟

ما ترديش عليهم , هما يعني هيكلموكي في ايه

اقولك يا ست مامااااااا ,واحدة بتقولي يا حراااااااااااااااام جزمتك دايبة خالص انتي بتمشي بيها ازااااااااااي وواحدة بتقولي يا عينيييييييييييييي هدومك قديمة اوي انتي خارجة بيها ازاااااااااااي

اصل انتي عبيطة يا علا يا بنتي , المفروض تقوليلهم دي مش هدومي , انا بمثل دور في فيلم البؤساء وبخرج من الاستوديو على الجامعة على طول وما بلحقش اغير هدومي

يا سلام يا ست ماما , فايقة ورايقة ع الصبح وبتهزري

ههه هو في حد في روقان بال امك يا حبيبتي !!!!! اااااااااااخ ياني , يلا يا بنتي يلا , نسلمها لله فرجه قريب ان شاء الله , هروح اصحي عاطف

عاااااااااااااااطف اصحى يا حبيبي اصحى هتتأخر ع المدرسة

مش رايييييييييييييييييييييييييح

ايه ده ! العيال مالهم النهاردة كارهين الحياة ليه مع انها بمبي , قوم يا ابني انت ثانوية عامة ما ينفعش الكلام ده

بلا ثانوية عامة بلا خيييييييييييييبة , اخرتها ايه يعنيييييييييييييي اقعد اذاكر لحد ما نظري يضيع وفي الآخر افتح كشك جنب اخوياااااااااااااااا

لا يا حبيبي شوفلك هجرة غير شرعية لإيطاليا مع الشبان اللي بيسافروا وما بيرجعوش تاني دول

كدة يا ماماااااااااااا ! انتي عايزاني اهرب في المراكب اللي بتغرق قبل ما توصل ايطاليا عشان ترتاحي مني !!!!!!!!!!!!!!!!!!!

هي المراكب بتغرق !!!!!!!!!!! لا حول ولا قوة الا بالله هي ملطشة معاكو برا وبحرا !!!!!!

بصي يا ماما من الآخر انا مش هروح المدرسة , انا لقيت شغلانة كويسة اوي وبتكسب مليون في المية

ماشاء الله , شغلانة ايه دي يا حبيبي

هشتغل حلاق عند الاسطى سيد المزين اللي على ناصية شارعنا , شوفي بقى هاخد كام على القفا !!!!!!!!! هبقى غني يا مامااااااااا هبقى غنيييييييييييييي

حلااااااااااق !!!!!!! وهتاخد كام ع القفاااااااا !!!!!!!! قوم يا حبيبي قووووووووووم قوم روح مدرستك وشوف مذاكرتك الله اعلم بكرة في ايه , ما تبصش لاخوك لان كل واحد ليه رزق وحظ غير التاني , قول يارب يا حبيبي
قوم يا ابني ما تحسرش قلبي عليك وكفاية حسرتي على اخووووووووووووووك

حاضر يا ماما , عشان خاطر ما ازعلكيش بس

*
*
*
*

يلا يا ماما احنا مستنين الفطار اهو انا وعاطف وعلا صباح الخير

هههههههه صباحكو زي الفل يا ولاد , استنوا لما نفتح الراديو نسمع الاغاني الوطنية اللي بتلهب حماسنا ونخلينا نحب الوطن اكتر واكتر , الله دي اغنية شد الحزام على وسطك بتاعة التقشف , انا مش عارفة هنشد الحزام اكتر من كدة ايه , صقفوا يا ولاد

هنصقف وانتي زغرطي يا ماماااااااااااااا

لولولوييييييييييييييييييييييييييييييييييييييييييييييييييييييييي

شد الحزام على وسطك غيره ما يفيييييييييييييييييييييييييييييييييييييدك

لابد من يوم برضو ويعدلها سيييييييييييييييييييييييييييييييدك

وإن كان شيل الحمول على ضهرك يكييييييييييييييييييييدك

اهْون عليك يا حر من مدت ايددددددددددددددددددددددددددددددك

لولولوليييييييييييييييييييييييييييييييييييييييييييييييييييييييييييييييي صقفوا يا عياااااااااااااال لولولولييييييييييييييييييييييييييييييييييييييييييييييييييييييييييييي

ما تيلا بينا انت وياااااااااااااااااااااااااااااه

ونستعان ع الشقاااااااااااااااااااا بالله

اهو اللي في القسمة طولناااااااااااااااااااااااااه

واللي ما فيهشي ان شالله ما جااااااااااااااااااااااااااااه

لولولولييييييييييييييييييييييييييييييييييييييييييي يلاااااااااااااا شد الحزام على وسطك غيره ما يفيددددددددددددك

لابد من يوم برضو ويعدلها سيييييييييييييييييييييدك

*
*

جميلة جمييييييييييييييلة الاغنية دي , انا علمتكو ان كل الاغاني الوطنية لازم نستفيد منها حاجة , والاغنية دي نستفيد منها يا ولاد ان لازم نشد الحزام على وسطنا عشان احنا عايشين في بذخ ومش عارفين نودي الفلوس فين

بذخ ايه يا ماماااااااااااا شوفيلنا اغنية غير دي

حول محطة الراديو يا عاطف يا حبيبي

حاضر يا ابلة عطية يا مدرسة اللغة العربية

مطلوب من كل وطنييييييييييييييييييييييييييييي من كل وطنييييييييييييييييييييييييييية

مطلوب من كل مصرييييييييييييييي من كل مصريييييييييييييييييييييييييييييييييييييية

مطلوب من كل وطنييييييييييييييييييييييييي من كل وطنييييييييييييييييييييييييييييييييية

مطلوب من كل مصريييييييييييييي من كل مصرييييييييييييييييييييييييييييييييية

من كل اااااااااااااااااااااب

من كل ااااااااااااااااااااااااام

من كل ااااااااااااااااااااااااخ

من كل اختتتتتتتتتتتتتتتتتتتتت

ما نقولش ايه اديتنا مصررررررررررررررررررر

ونقول هندي ايه لمصررررررررررررررررررررر

ما نقولش ايييييييييييه اديتنا مصررررررررررررررررررررررررر

ونقول هندي اييييييييه لمصر

يااااااااااااااااااااااااااااااااااااااااااااااااااااااااااااااااااا حبايب مصررررررررررررررررر

ياااااااااااااااااااااااااااااااااااااااااااااااااااااااااااااااااااااااااااااااااااا حبايب مصررررررررررررر

مصر مصر مصرررررررررررررررررررررر

يا حبايب مصررررررررررررررررررر حبايبناااااااااااااااااااااااااااا

هههههههههههههههههههه امي

نعم يا طارق

تستفيدي ايه من الاغنية دي ؟

ما استفيدش حاجة يا حبيبي

ههههههههههههه ازاي بقى , دي اغنية بتحث على التضحية من اجل مصر واللي عنده حاجة يديها لمصر

هي مصر مزنوقة وعايزة تاخد مننا حاجة !!!!!!! والله يا مصر ما عندنا حاجة يختي , ما بقاش حيلتنا أي حاجة يا مصر , ما فيش الا طبق فول في التلاجة , لو عايزاه يا مصر تعالي خديه

انا نفسي افهم يا ولاد هما اشمعنى الغلابة اللي يضحوا عشان مصر , ويضحوا بإيه اصلا ؟ ما يقولوا للكروش الكبيرة تضحي , دا الواحد فيهم عليه كرش يتعمل على مساحته قرية سياحية , يبقوا راكبين عربيات احدث موديل ويقولوا للحافين ضحوا و امشوا على رجليكو , ويبقوا لابسين اغلى هدوم ويقولوا للي هدومهم مقطعة ضحوا وهاتوا اللي عليكو , قوموا يا ولاد خلينا ننزل نروح اشغالنا بدل ما يضحوا بينا ويرمونا في الشارع

*
*
*
*
*
*
*

ممممممممم افتكر هو ده الكشك , اهئ اهئئئئئئ يا حرااااااااام اهئ اهئئئئئئئئ يا مسكين اهئ اهئئئئئئئ وقف الباص هنا يا اسطى عبد المنعم

حاضر يا مس دعاء

لحظة واحدة انزل اشوف صاحب الكشك عنده بسكوتات وشيكولاتات كويسة ولا لأ اهئ اهئئئئئئئئئئئئئئئ

اتفضلي يا مس دعاء

رايحة فين يا مسسسسسسس

جاية يا ولاد اهئ اهئئئئئئئئئئئئئئئ

صباح الخير اهئ اهئئئئئئئئئ

مين اللي بتئوأ ع الصبح دي , صباح النور يا انسة , طلباتك

هو حضرتك الاستاذ طارق ؟ اهئ اهئئئئئئئئئئ

هااااااا !!!!!!!! وانتي عرفتي اسمي منين

يبقى انت , عندك بسكوتات وشيكولاتات نوعية كويسة ؟ اهئ اهئئئئئئئئئئئ

مش لما اعرف مين حضرتك الاول ؟ وبتعيطي ليه ؟؟؟؟؟؟؟ واضح انك تعرفيني

اهئ اهئئئئئ يعني , انا اخت الانسة اللي كسرتلك الكشك

اهاااااا ايوة ايوة العمشششششششة , خير ان شاء الله عايزة ايه انتي كمان

ابدا , انا مدرسة وجبت الولاد كلهم عشان يشتروا من عندك اهئ اهئئئئئئئئئئئئئئئئئئ

ههههه اشمعنى يعني

بصراحة متعاطفة جدا مع حالتك اهئ اهئئئئئئئئئ انت صعبان علية اووووووووي اهئ اهئئئئئ اه ياني يا مامي اهئ اهئئئئئئئئئ

حالتي ! هو انا خلاص بقيت حالة واستحق التعاطف والناس بتيجي تزور الكشك مخصوص عشان تعيط عليا !!!!!!!!!! على العموم كتر خيرك ياستي , طلباتك

انا اسفة والله ما قصدتش , التعبير خاني اهئ اهئئئئئئئئئ يا مامي اهئ اهئئئئئئئ , انا اقصد ان انا متضايقة جدا لان حضرتك ما اخدتش فرصتك في بلدك وما اشتغلتش في مجال دراستك ودي حاجة بجد تزعل خالص خالص اهئ اهئئئئئئئئئئئئئ

على العموم اشكرك يا انسة على التعاطف والعياط ما نجلكيش في حاجة وحشة

اسمي دعاء وبشتغل مدرسة زي ما قولتلك

هو انا سألتها على اسمها ! ايه تلائيح الجتت دي !!!!!! شكرا يا انسة دعاء , على العموم عندي كل طلباتك وشوفي انتي عايزة ايه

لحظة هنزل الولاد يشوفوا طلباتهم اهئ اهئئئئئئئئئئئئئئئئئ

ههههه ايه البت العبيطة دي ! دي امي االلي اسمها امي ما بتعيطش على حالي كدة ههههههه عمالة تمشي خطوة وتقف تلف رقبتها وتبصلي وتعيط وتتشحتف وتنشف عنيها بالمنديل ههههههه لتكون بتصور برنامج الكاميرا الخفية وانا مش واخد بالي

*
*
*

ااهئ اهئ تعالوا يا ولاد خدوا كل البسكوت والشيكولاتة من عند عمو اهئ اهئئئئئئئئئئ

هات يا عمو بسكوت من ده

وانا عايزة شيكولاتة من دي

وانا عايز مصاصصصصصصصصة

اديني بسكوت بالشيكولاتة يا عمو

عموعموووووووووووو عايز مصاصة من دي يا عمووووووووووووووو

عموووووووووووووووو هات من ده

وانا اديني من دي يا عمووووووووووووووووووووووووووو

بسسسسسسسسسس بس يلا يا انت وهووووووووو بس يا بتتتتتتتتتتتتتتت قلبتوا دماغي , اقفوا طابور وكل واحد ياخد اللي هو عايزه بالدوررررررررررررررر , النظااااااااااااااااااااام النظام

*
*
*

خلاص يا ولاد خدتوا اللي انتو عايزينه ؟؟؟؟؟ اهئ اهئئئئئئئئئئئ

ايوة يا مسسسسسسسسسسسسسسس

اطلعوا على الباص على ما احاسب عمو اهئ اهئئئئئئئئئئئئئئئئ

حاضر يا مسسسسسسسسسسسس هييييييييييييييييه هيييييييييييييييييه هييييييييييييييييييييييه

حساب حضرتك كام اهئ اهئئئئئئئئئئئئئ

خمستاشر جنيه يا حاجة

بسسسسسسس ؟؟؟؟؟؟؟؟؟؟؟؟؟؟

ايوة بس فضل ونعمة

اهئ اهئ طب خد تلاتين جنيه اهم اهئ اهئ باي باي

دي اديتني الفلوس ومشيت , استنييييييي انتي يا ست , يا اببببببببببببببلة يا خالتييييييييييييييي

اهئ اهئ افندم

بقولك ايه انا حسابي خمستاشر جنيه بس , اتفضلي بقيت فلوسك

اهئ اهئ وكمان امين وعندك عزة نفس ! اهئ اهئ انت انسان هايل يا استاذ طارق اهئ اهئ

الله يكرمك , بالسلامة بقى

اهئ اهئ كل يوم هعدي بالباص واخلي الولاد يشتروا من عندك اهئ اهئ

يبقى كتر الف خيرك يا ستي , متشكرين , مع السلامة

اهئ اهئئئئئئئئئئ يا مسكين اهئ اهئ يا حراااااااااام اهئ اهئئئئئئئئئئئئئ

ههههههههه برضو عمالة تلف وتبص عليا وتعيط وتمسح عنيها بمنديل , امرها غريب والله , واضح اني بقيت مثار للشفقة فعلا وبكرة الكشك بتاعي هيبقى متحف وهيجيلوا زوار من شتى بقاع العالم ويسموه كشك
طارق الفقري

 
 
**********
**********

ترررررررررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررن
ردي ع التليفون يا سلوى شوفي ميييييييييييييين

حاضر يا ماما حااااااااااااضر

الو

هههههه ازيك يا سلوووووووووووووووووى وحشتيني موت يا روحي

ههههه ازيك يا منى يا اختي يا قمر انتي , عاملة ايه وازي لاميس وهاميس

كويسين يا روح قلبي , هي ماما فين

ماما قاعدة مع ناهد ونازلين رغي ههههههه

ايه ده !!!!!!!! هي ناهد لسة عندكووووووووووو , هي مش ناوية تروح بيتها ولا اييييييييييييه

مش لما جوزها يجي يصالحها

اووووووووووووووف يصالحها بقى عشان تمشي , انتو ناسين اني هولد الشهر الجاي وهاجي اقعد عندكو انا والبنات ؟؟؟؟؟؟؟؟؟

ههههههههههه يا مرحب يا اختي يا مرحب بيكِ وبالبنات وبالنونو اللي جاي

ادعيلي يا سلوى يا اختي يكون ولد عشان خاطررررررررررري

هههههههه ومالهم البنات بسسسسسسسس

لالالالالالالالالالا يا حبيبتي انتي عارفة ان اخوات جوزي عنيهم على املاك جوزي وهيموتوا عشان يشاركو البنات في الميراث

ميراث اييييييييييييه اعوذ بالله يا شيخة ! جوزك لسة شاب صغير ما تفوليش عليه كدة

يا حبيبتي مش انا اللي بفول عليه , دول هماااااااااااا , هما اللي مش عايزينه يخلف ولد عشان كل فلوسه تبقى بتاعتهم , لكن دا بعدهممممممممممممم وان شاء الله هجيب ولد ويحجبهم عن الميرااااااااااااااااث

ههههههه هدعيلك يا منى يا اختي

اديني ماما عشان اقولها اني هاجي اتغدا معاكو النهاردة


هههه والله !!!!!!!! هتنوري البيت يا منى , لحظة واحدة اقول لماما , مامااااااااااااااااااااااا ارفعي السماعة من عندك ردي على منى اختييييييييييييييييييييييييييييييي
منى ! هههههههه الوووووووو ازيك يا منى يا حبيبتي

ازيك يا ماما وحشتيني يا روح قلبي

عاملة ايه في الحمل يا روح ماما

تعبانة يا ماما تعبااااااااااااانة تعبانة اوي

معلش يا حبيبتي هااااااااااانت , كلها الشر الجاي وتقومي بالسلامة

طب كويس انك عارفة يا ست ماما

ههههه طبعا يا حبيبتي عارفة اومال ايه

هي الست ناهد هتروح بيتها امتى

وانتي مالك ومال ناااااااااااااهد

مش اختي ويهمني مصلحتها يا ماما !!!!!!

ربنا يصلح الحال يا بنتي , مسيرها تروح

طيب يا ماما , انا هجيب لميس وهاميس وهنيجي نتغدا معاكو وبالليل محسن هيعدي علينا من تحت العمارة عشان ياخدنا ومش هيطلع

تنوري يا روح ماما , هنستناكي

طابخين ايه النهاردة يا مامتي ؟

عندنا يا حبيبتي سبانخ وكوسة باللحمة

لالالالالالالالالالا مش عايز طبيخ ولا مسبكات يا ماما , نفسي واقفة من ناحية الطبيخ خالص

اه يا ني منك يا منى . مافيش مرة تيجي الا لما تحيريني معاكِ , طيب خلاص عندي كفتة في الفريزر ابقى احمرهالك جنب شوية مكرونة

اه والله يا ماما فكرة حلوة ويا سلام بقى لو جنبهم فراخ محمرة عشان الولاد بيموتوا فيها

اووووف حاضر يا منى حااااااااااااااضر

وتبقى مامتي حبيبتي اللي بموت فيها بقى لو عملتي جنبهم صنية رقاق باللحمة المفرومة , مش ممكن يا مامتي بتعمليها تحفة تحففففففففففة , محسن هيفرح بيها اووووووووووي , بيقولي ماحدش بيعمل صنية الرقاق باللحمة المفرومة دي زي مامتك يا مونمون

لا اله الا الله !!!!!!! انتي مش قولتي جوزك هيعدي بالعربية من تحت العمارة ومش هيطلع

يعني معقولة يا ماما يجي لحد العمارة وما يطلعش يتعشى !!!!!!!!!!

لا ما يصحشششششششش ما يصحش ابدا يا بنتي

انا جاية على طول يا مامااااااااااا

طيب يا روح ماما , مستنينك , سلووووووووووووووووووووووووووووووى

نعم يا ماما

طلعي الكفتة يا بنتي اللي في الفريزر وطلعيلي فرختين وكيلو لحمة مفرومة بسرعة

ليه يا ماما , ما احنا عندنا اكل

اختك منى مش عاجبها الاكل المسبك وطالبة اكل مخصوص

ههههه حاضر يا ماما

استنى يا سلوى يا اختي

نعم يا ناهد

هو انتي يا ماما بتقولي لسلوى تطلع فرختين بسسسسسسسس دول هيكفوا ولادي ولا ولاد منىىىىىىىىىىىى؟

لا اله الا الله , يا بنتي يا بنتيييييييييي ولادك اللي طالبيين الكوسة والسبانخ باللحمممممممممممممممة انا حاطالهم اتنين كيلو لحمة , كيلو في الكوسة

وكيلو في السباااااااااااااااانخ اعمل ايه تاااااااااااااني خليهم يسبوا الفراخ لولاد خالتهميا سلام يا ست ماماااااااااااااا ايه بقى التفرقة العنصرية دييييييييييييييي , يعني عايزة ولادي يشوفوا ولاد منى وهما بياكلوا فراخ وولادي يتفرجوا عليهم زي المحروميييييييييييييين

استغفر الله العظيم , طلعي يا سلوى اربع فرخات يا حبيبتي وعليه العوض في خزين البيت

حاضر يا ماما ههههههههههه والله منى وناهد اخواتي دول هيجيبوا لماما ضغط بعمايلهم

ماماااااااااااا لقيت خمس فرخات في الفريزر , طلعت اربعة وسيبت واحدة

وتسيبيها ليه يا سلوووووووووووى تسيبيها ليه يا بنتي لوحدها في الفريزر , طلعيها يا بنتي عشان ما تحسش بالوحدة والغربة , نحمرها هي

كمان ويارب يكفووووووووو يارب يكفوووووو هههههه حاضر يا ماما

*
*
*
*
*

اااااااااااه يا ني , عواااااااااااااااااااااد

هيييييييييييييييه هيييييييييييييييه يلا يا ماما عشان نطلع عند تيتتتتتتتتتتتتتتتتة

استنى يا بنت انتي وهييييييي استنوا مش قادرة اطلع , انت يا عوااااااااااااااااااااااد

اهلااااااااااااا اهلا يا ست منى منورة

شكرا يا عواد , عارف الحلواني اللي في الشارع الرئيسي ؟

ايوة عارفه

صاحب المحل عارف بابا روح هات تلات دستات جاتوه , دستة ونص كريمة وشيكولاتة ودستة ونص ميلفيي

ايه المورفيه ده , حاضر يا ست منى , فين الفلوس ؟؟؟؟؟؟؟؟؟؟

قولتلك صاحب بابااااااااا قوله الجاتوه رايح لمنزل الاستاذ لطفي ويبقى بابا يحاسبه يلا يا هاميس يلا يالاميس ااااااااه ياني

حاضر يا ست منى , هروح اقوله هات الجاتوه وحاسب استاذ لطفي , الله يكون في عونك يا استاذ لطفي

ازيك يا ست منىىىىىىى هههههههههه نورتي العمارة

ازيك يا فهيمة , ازي مسعد وسعيد

هههههه بيبوسوا ايديكي يا ست منى , ازيكو يا حلوين

هاي , جود ايفينج

هالوووووووووو جود ايفيننننننننج

الحمدلله زي الفل , سألت عليكو العافية , اتفضلي يا ست منى

اااااااااه افتحيلي باب الاسانسير يا فهيمة عشان مش قاااااااااااادرة

انتي طالعة تولدي ولا ايه يا ست منى

لسة شهر يا فهيمة ااااااااااه ادعيلي اجيب ولد يا فهييييييييييييمة عشان اهل جوزي يتبطوا

ربنا يرزقك بالولد يا ست منى ويبط عدوينك

*
*
*

ااااااااااااه رني الجرس يا هاميس

حاضر يا ماما تررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررن افتحي يا تيتتتتتتتتتتتتة

احنا جينا يا تيتتتتتتتتتتتتتتتتتتتتتتتتتتتتتتة انا وماما وهاميس

شيلي ايدك من ع الجرس كفاية يا هاميسسسسسسس ااااااااه ياني تيتة ما بتحبش الدوشة

ههههههه رنة واحدة كمان يا ماما تررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررن افتحي يا تيتة ترررررررررررررررررررررررررررررررررررررررررررررررررررررررررررررررررررررررررررررررررررررررررررررن

ايييييييييييييييييييييييييييييييييييييه , ايييييييييييييييييييييييييييه في اييييييييييييييييييييييه شيلوا ايدكو من ع الجرسسسسسسسسسسسسس ايه قلبة الدماغ دييييييييييييييي , اهلا وسهلا اتفضلوا

هههههه ازيك يا تيتة هاتي بوسة

خدي يا ست لميس بوسة امووووووووووه وهاتي بوسة يا هاميس انتي كمان امووووووووووووووه ازيك يا منى يا حبيبتي ادخلي يا بنتي

اااااااااااااااه تعبانة يا ماما تعبااااااااااااااانة اه يا ني

معلش يا بنتي , على مهلك يا حبيبتي

خالتوووووووووووووووووووووو هههههههههههه خالتو منى حبيبتي جت يا ميزو , خالتو منى جت يا مااااااااااااازن

ههههههه ازيك يا هديل يا بنت اختي , مش قادرة اوطي ابوسك يا حبيبتي سامحيني

ههههههههه مش مهم يا خالتو , انا هبوس النونو اللي جوا امووووووووه ازيك يا نونو يللي جوا

ههههههه يلا يا شقية اوعي خليني ادخل , ماما فين ؟

ماما جوا , ازيك يا هاميس ازيك يا لاميس هههههه تعالوا العبوا معايا انا ومازن وميزو

يلالالالالالالالالالالالالالالالا هههههههههههههه

انتو بتلعبوا ايه يا هديل ؟

بنلعب عسكر وحرامية , انا واخواتي هنبقى عسكر وانتو حرامية , ايه رأيكو

موافقييييييييييييييييييييييين

طب يلا يا حرامييييييييييييييين

*
*

ازيك يا ناهد وحشاني يا اختي هههههه

انتي اكتر يا منى والله

مش هتروحي بيتك بقى ياحبيبتي ؟

اعمل ايه بس يا منى , الاستاذ نبيل منشف دماغه ومش عايز يجي يعتذر

ممممممم اعتذريله انتِ وروحي ! انتي عارفة يا روحي اني هولد الشهر الجاي

طب وانا دخلي ايه !!!!!!!!!!!

دخلك ايه ازااااااااااااااي ما تقولي حاجة يا ماما

انا لا بقول ولا بعيد كلوا بعض بعيد عنييييييييييي انا مش ناقصة وجع دماغ

يا ماما قولي لناهد اني هولد الشهر الجاي ولازم هي تمشي هي وولادهااااااااا

ليه يا ست منى ان شاء الله !!!!!!!!!! هو انا وولادي قاعدين على دماااااااااااااااغك !!!!!!!!!

اوووووووووووووف , بقولك ايه يا نااااااااااااااهد انتي عارفة ان عيالي ما بيتفقوش مع عيالك وهنفضل في مشاكل وخناقات وانا هبقى والدة وتعبانة ومش قادرة اتخااااااااااااااااانق

بقولك ايه يا ناااااااااااااااااهد , انتي هنا يا حبيبتي زيك زيي , احنا الاتنين ضيوف على ماما ومش من حق واحدة تمشي التااااااااااااااانية , عجيبة والله !!!!!!!!!!!

بس يا بنت انتي وهيييييييييييييييي مش كل ما تيجو تتخانقوا زي الديوك كدة , وبعدين لسة شهر شهررررررر يكون جوز ناهد اتربى وجه ياخدهاااااااااااااااا

*
*

ترررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررن شوفي مين يا سلوووووووووووووووووووووى

يووووووووووووووووو هو كل حاجة سلوى سلوى , حاضر يا ماما حاضر

الجاتوه يا ست سلوى

جاتوه ! جاتوه ايه يا عم عواد , احنا ما طلبناش جاتوه

لالالالالالا ايووووووووووووووووووة يا سلوووووووووووووى انا اللي طلبته , شكرا يا عم عواااااااااااااد

العفو يا ست منىىىىىىىىىىىىىىىىىىىىىىى , أي خدمة يا ست سلوى ؟

شكرا يا عم عواد

جاتوه ايه يا بنت اللي طلبتييييييييييييييه , حرام عليكوووووووووووو حراااااااااااااااااااااام

ايه يا ماما في اييييييييييه , نفسي راحت للجاتوه بعتت عم عواد يجيب تلات دستات

تلات دستااااااااااااااااااااااات ليه يا بنتي عشان مين دا كله

ههههههه الولاد بيموتوا فيه وكمان عملت حساب ولاد ناهد معانا

يا حبيبتي يا اختي , ونعم الاخت والله هاتي بوسة اموووووووووووووووه

مرسي يا ناهد يا روحي امووووووووووووووووووووووووووه

بتشكروا بعض على اييييييييييييييه , هي واحدة فيكو دفعت مليم في حااااااااااااجة . بتعزموا بعض على قفانا !!!!!!!!!!!

ميرسي يا ماما هههههههه ربنا يخليكي لينا انتي وبابا , قوليلها كلمة حلوة يا ناهد

حاضر , هاتي الولاد عشان ياكلوا الجاتوه يا ماما , اديني قولت كلمة حلوة

عوض علية عوض الصابرين ياااااااااااااااااارب

هيييييييييييييييييييييييييه جاتوووووووووووووووه تعالوا يا عيال كلكوووووووووو تيتة جايبالنا جاتوووووووووووووووووووووووووووه

هيييييييييييييييييييييييييييييييييه هييييييييييييييييييييييييييه هناكل جاتوووووووووووووووووووووه

تعالي يا سلوى يا بنتي الحقيلك حتتتتتتتتتتتتتتتتتتتتتة التتار قادمووووووووووووووووووووووووووووووون

*
*
*
*
*

يا تيتتتتتتتتتتتتتتتتتتة

عايز ايه يا ميزو يا كلابيظوووووووووووووووووووووووووووووو

عايز اااااااااااااااااااااكل انا ما تغديتششششششششششششششش انا جعاااااااااااااااااااااااااااااااااااااان جعااااااااااااااااااااااااااااااااااااااااااااااااااااااااااااااان

يا ابني اصبر اصبرررررررررررررررر الأكل ع الناااااااااااااااار , اعوذ بالله

طيب اعمليلي سندوتش على ما الأكل يستوي يا تيتة

لا اله الا الله , عندك الفينو وعندك التلاجة روح اعمل اللي انت عايزه

طيييييييييب

*
*
*

يا تيتتتتتتتتتتتتتتتتتتتتة

يقطع تيتة وسنين تيييييييييييتة عايز ايه تاني يا ميزوووووووووووووووو

مش لاقي جبنة رووووووووووووووووووووووووووومي

يا ابني جدك جايب كيلو جبنة رومي بالليل , هتلاقيه في التلاجة

لأ ما فيش

ما فيش ازاي يا حبيبي , دا كيلو يا حبيبي مش حتة ولا اتنين , هتلاقيه عندك في التلاجة

ااااه يا تيتة الجبنة الرومي اللي جدو جابها امبارح خلصت

خلصصصصصصصصصصصت !!!!!!!!!!! خلصت ازاااااااااااااااااي

انا ومازن وهديل عملناها سندوتشات بالليل وخلصناهااااااااااااا

الطف يا رب الطففففففففففففف كلتوا كيلووووووووووو جبنة رومي انت واخواتتتتتتتتتتتتتتتك ! اومال صاحي تسأل على الجبنة الرومي ليه لما انتو خلصتوها بالليييييييييييييييييييييييل

بحسبكو جبتوا تاني الصبح

ارحمنا يااااااااارب , لا يا ابني لالالالالا انا ما اقدرش على كدة , انت مالاكش قعاد عندي انت وامك واخواتك , التلاجة فضيت لا فيها لبن ولا بيض ولا مربى ولا عصير , عشان ايه يا ابني , هو انا علية ذنب اقعدكو عندي ! نااااااااااااااااااااااهد

نعم يا ماما

جرا ايه يا بنتي بقالك عشر تيام عندي وجوزك ما سألش عليكِ

سيبيه يتربى يا ماما

يا حبيبتي انا كدة اللي بتربى ! انا كنت فاكرة يا ناهد انه مش هيتحمل بعدك يومين على بعض ويجي يجري يبوس الجدم ويبدي الندم على غلطته في حق الغنم , لكن دا باين عليه اتغير خااااااااااااالص , راح فين الحب اللي كان بينكو , دا يوم ماجه خطبك ورفضناه اول مرة مشي من عندنا يعيط ويغني ضي القناديل والشارع الطويل

عشان تعرفي يا ماما ان عندي حق اسيبله البيت وامشييييييييييييي رجالة ما لهومش امااااااااااااااااااان

خدي عيالك وروحي بيتك يا حبيبتي , بيتك اولى بيكِ , الست الشاطرة ما تسيبش بيت جوزها مهما حصل

بس ده ما كانش كلامك يا ماما

ايوة يا حبيبتي كنت غلطانة وعقلت , خدي ولادك ومع السلامة

اسفة يا ماما , نبيل غلط في حقي ولااااااااااااااااااااازم يعتذرلي , مش همشي الا لما يجي هنا يعتذر ويعترف بغلطه في حقي عن اذنك يا ماما

اقول ايه واعيد ايه ! انا اللي جبت دا كله لنفسييييييييييي انا اللي جبت دا كله لنفسييييييييييييييييييييي , انا ما ينفعش اسكتتتتتتتتتتتتتت , انا هتصل بنبيل ايووووووووووووووة لازم يجي ياخد عياله , دول قربي ياكلوني انا وجدهم وخالتهم , فين التليفووووووووووون وادي قاعدة

ترررررررررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررررررررررررررررررن

الو

هههههه ازيك يا نبيل يا حبيبي

مييييييييييين ! حماتي ! خير ان شاء الله

كدة برضو ! دا اسلوب تكلم بيه حماتك اللي زي امك ! بس انا مش زعلانة منك عشان انت مش جوز بنتي لالالالالالالالا انت ابني يا نبيل ابنييييييييي ابني اللي ما خلفتوش

خير يا حماتي

يحضرلك كل خير يا حبيبي , اخزي الشيطان وتعالى خد مراتك وولادك وروحوا بيتكو

أسف والله , بنتك هي اللي سابت البيت بمحض ارادتها , لو عايزة ترجع ما عنديش مانع بس مش هاجي اخدها

جرا ايه يا وااااااااااااااااااد ما لك بتتني وتتفرد علينا كدةةةةةةةةةةة ! هو انا عشان اتصلت بيك هتتمرع علينا ولا ايييييييييييييه

ايوة كدة , وريني الوش الأصلي يا حماتي , انا برضو عمال اقول طقم الحنية مش لايق عليكِ

بقولك ايييييييييييييه اوعى تفتكر اني اتصلت عشان سواد عيووووووووونك , انا اتصلت عشان العيال عمالين يعيطوا ويقولوا عايزين بابا عايزين بابااااااااا لما قطعوا قلبي , الواد ميزو ما بياكلش ونفسه مسدودة , اديله طبق المكرونة بالفراخ يقولي ما ليش نفس يا تيتة ويقعد يعيط اهئ اهئ يا حبيبي يا ميزو اهئ اهئ يا حبيبي يا ابن بنتي يللي بقيت جلد على عضم اهئ اهئئئئئئئئئئئ , استنى اما اندهولك عشان تصدق , اهو بيلعب هو واخواته هناك اهو أأأأأ قصدي بيعيط هو واخواته اهو , استنى اهئ اهئ

استنيت اما اشوف اخرتها

واد يا ميزوووووووووووو انت يا واااااااااد اقف وبطل لعب تعالى هناااااااااااا تعالى

ايه يا تيتة سيبي ايدي عايز اجري استخبى من مازن انا وهديل عشان بنلعب استغوماية , سيبيني استخبىىىىىىىىى

, تعالى كلم بابا بلا استغوماية بلا خيبة , ابقوا استخبوا في بيتكو يا حبيبي , مش بابا وحشك ؟

لأ ما وحشنيش , اوعي بقى يا تيتتتتتتتتتتتتتتتتتة , مش هتعرف تلاقيني يا ماااااااااااازن ههههههه

يا وااااااااد تعالى هناااااااااااااا بت يا هديييييييييييييييييييل

نعم يا تيتة

تعالى يا حبيبتي كلمي بابا وقوليلي وحشتني تعالى خدني وعيطي

اعيط ليه يا تيتة !!!!!!!!!!!!!

يا بنتي انتو معمولين من ايييييييييييييييه , هو ابوكوا ده ما بيوحشكوش خااااااااااااااااالص !!!!!!!!!!

اصل احنا كدة كدة مش بنشوفه اصلا غير يوم الجمعة الصبح وبعدين بيخرج ومش بنشوفه غير الجمعة اللي بعدها

يا حبيبتي دا بابا حبيبك , تعالي قوليله وحشتني وتعالى خدني

انتي عايزانا نمشي ليه يا تيتة ! هو احنا بنعمل دوشة !!!!!!!!!!!!

يا بنتي هو انتو هتفضلوا قاعدين عندي العمر ككككككككككككككككككله !!!!!!!!!!! دي مصيبة ايه دييييييييييي

تيتة انا اللي هكلم بابا

يا حبيبي يا مازن ! ههههههه هات بوسة يا حبيب تيتة امووووووووه , انت احسن من معتز وهديل الوحشين دول

الووووووووووووووووووووووووووووووووووووووووووووووووووووووووووووووووووووووووو

اااااااااااه ودننننننننننننني ايه دددددددددددده , مين الطور اللي بيتكلمممممممممممممم

انا مازن يا بابااااااااااااااااااااااا

ازيك يا مازن وازي اخواتك

قوله تعالى خدنا يا بابا , قوله يا حبيبي , بيتكو اولى بيكو

انا كويس يا بابا واخواتي كويسين وتيتة قاعدة جنبي تقولي اقولك تعالى خدنا

الله يهدك يا ابن بنتي

وانت عايز ترجع البيت انت واخواتك ؟

لا يا بابا , احنا مبسوطين هنا , ما تجيش تاخدنااااااااااااا باي باااااااااااااااي هههههههههه خدي السماعة يا تيتة عشان اروح امسك هديل وميزووووووووووووو انا جااااااااااااااااااي امسك حرااااااااااااااامي

اه يا خلف القروووووووووووود , هاتتتتتتتتتتتتتتتت هات منك لله يا شييييييييييييخ , ايوة يا سي نبيل

هههههههههه ايوة يا حماتي

اتفضل تعالى خد مراتك وولادك انا مش ناقصة وجع قلب

ههههه عقلي بنتك وخليها ترجع من نفسها , انا مش جاي اخد حد

كدةةةةةةةةةةة ! طيب ايه رأيك ان ما كنتش تيجي تاخدهم انا هوديهم اصلاحية الاحداثثثثثثثث

اعملي اللي انتي عايزاه يا حماتي سلااااااااااااااااااااااااام

ااااااااااااااااااااااااااااااخ يا ناااااااااااري عليه بروووووووووووووووووود مش على هتلرررررررررر !!!!!!!!!!!

—————————————————–

ونكمل في الحلقة الثالثة عشر .. إلى اللقاء في الحلقة الثالثة عشر

بقلم الكاتبة: هبة نور

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *