مسلسل أحبك أبي … ولكن “الحلقة الرابعة”

2015-09-30_123629

الحلقة الرابعة


حازم حاول مع الحاله  كتير بس للاسف الحاله اتوفت

تغريد كانت وقفه وراه ووشها اصفر وشكلها مش طبيعى

حازم : البقاء الله ………..دكتوره تغريد روحى قولى لاهل المريضه ان حاله توفت

تغريد بخضه : مين انا ………….لاء

حازم بعصبيه : لاء ايه يا دكتوره ……….اتفضلى شوفى شغلك

تغريد مشت وخرجت من الاوضه كان واقف بره بنت المريضه وجوزها

تغريد بصوت مبحوح : للاسف ……….للاسف البقاء لله

البنت بتعيط جامد : ماما ………لا متقوليش كده يا ماما

تغريد حست انها دايخه ومش شايفه كويس كانت شايفه نفسها مكان البنت وصورتها عماله تيجى وتروح قدامها

تغريد وهى بتحاول تجمد وتعدى الموقف ده : احنا عاملنا الــــــــــــــــ

ووقعت اغمى عليها

المرضه : دكتوره تغريد

وجرت عليها وحازم سمع الصوت هو كمان جرى عليها

حازم : تغريد ……………..تغريد

وشلها ودخلها اوضه الكشف ونيمها ع السرير

حازم وهو بيحاول يفوقها : تغريد …………..تغريد

تغريد فتحت عنيها وقاعدت تبص حواليها وبتدور على حد معين

حازم : تغريد انتى كويسه

تغريد : ماما فين

حازم باستغراب : ايه ………….مامتك ………مامتك توفت

تغريد بزعيق وعياط: انت كداب ……..ماما عايشه ……يا ماما ……….يا مااااما

حازم : تغريد اهدى

وبيحاول يمسكها

تغريد وهى بتزقه : ابعد عنى انا لازم اكلمها لازم تسامحنى انتم كلكم كدابين ماما عايشه ابعد عنى ………ياماما تعالى الحقينى ياماما

دخل عبد السلام وهو بيجرى ومعاه ممرضه

عبد السلام : فى ايه ؟؟

حازم بحزن : مش عارف

عبد السلام للممرضه : هتيلى حقنة مهداء بسرعه

تغريد بعياط: عمو ماما هنا صح…….. انت عارف هى فين خليها تكلمنى انا عارفها انها زعلانه منى بس عشان خاطرى خليها تكلمنى وتسامحنى

هى بتسمع كلامك عشان خاطرى

عبد السلام حضن تغريد : ماشى يا حبيبتى هندهالك بس اهدى

وشويه والممرضه اداتها الحقنه وهدت تغريد بالتدريج ونامت

حازم فضل واقف مصدوم وهو بيبص على تغريد وهى نايمه والدموع ماليه وشها

عبد السلام بحزن : ياله ياحازم ………..سيبها تنام شويه وهى تقوم كويسه

حازم : بابا انا لازم اعرف كل حاجه ودلوقتى ………..متقوليش بعدين

عبد السلام : طيب يا حازم ……….هخلص حاجه وهجيلك على مكتبك

حازم : ماشى وانا مستنيك متتاخرشى عليا

ومشى حازم وهو حزين جدا على مكتبه وصوره تغريد وعيطها قدام عينه

…………………………………………………………………………...

بعد حوالى ساعه خلص عبد السلام وراح لحازم فى مكتبه

حازم : بابا ممكن بقى تحكيلى كل حاجه

عبد السلام : طيب هحكيلك اللى اعرفه

عبد السلام وهو بيتنهد وبيفتكر : تغريد طول عمرها مجتهده جدا وحلمها انها تبقى دكتورة اطفال وفعلا جابت مجموع كبير جدا ودخلت كلية الطب

فالقاهره وهى مرتاحه جدا ….هى كانت بنت دلوعه وشاطره وبتحب الضحك والهزار وبتحب كل الناس لسه بريئه اوى وطيبه اوى من جواها بعد

فتره اتعرفت على يحيى كان زميلها وحبو بعض وكانت قصة حبهم الكليه كلها بتتكلم عليها واهلم كانو عرفين وهم فى سنه خمسه تغريد اقنعت

باباها انهم يتخطبو وطبعا عمك محمود كان رافض عشان لسه بيدرسو بس بعد الحاح من تغريد وهو بيحبها جدا وافق وتخطبو بس كانت مشكلتهم

الوحيده مامت يحيى عشان يحيى كان ابنها الوحيد وهى اللى مربياه بعد وفات بابه عشان كده كانت بتغير عليه وبتحبه بشكل مرضى

 

فلاش باك

تغريد بزعل : مش فاهمه مامتك بتعاملنى كده ليه

يحيى : ياحبيبتى متزعليش عشان خطرى انا

تغريد : يا يحيى والله انا بحبها ومش ببقى عاوزه ازعلها بس هى وقفالى على الوحده وحسه انها بتكرهنى

يحيى : لا طبعا ماما طيبه جدا بس هى بتحبنى وحسه انك اخدتينى منها بس صدقينى هى مش بتكرهك ولا حاجه

تغريد : يايحيى وانا مش هقدر استحمل كل ده ………..ده مفيش مره كلمتها ولا قبلتها الا واخدت منى موقف وقالتلى كلام ملهوش لزمه

يحيى : معلشى يا حبيبتى استحمليها

تغريد : استحملها ليه ولحد امتى ؟؟

يحيى : تستحمليها عشانى عشان دى امى وهى اللى خلتنى راجل محترم دلوقتى وبتحبيه ……..ولا انتى مش بتحبينى

تغريد : طبعا بحبك وبموت فيك بس خايفه

يحيى : خايفه من ايه ياروحى

تغريد : خايفه من كتر المشاكل الحب اللى بينا يضيع

يحيى : يا روح قلب يحيى متخافيش انا بعشقك ومقدرشى اعيش من غيرك ولو سبتينى فيوم معنى كده انى بموت

تغريد : بعد الشر عليك ربنا يحيمك ويحفظك ليا

يحيى : ويخليكى ليا يا اطيب تغريد فالدنيا

وفضلو يحبو فى بعض لحد ماكل واحد دخل نام

وتعدى الايام عليهم وحبهم بيزيد ومشكلتهم الوحيده كانت مامته بس كانت تغريد بتحاول تعدى عشان يحيى وحبها ليه

ويخلصو الكليه ويبقى فضلهم اخر سنه وهى الامتياز وحددو ان خلاص فرحهم لما يخلصو الامتياز

وفى يوم تغريد بتكلم يحيى فالتليفون

تغريد : السلام عليكم

يحيى : وعليكم السلام ……..حبيبى اخبارك ايه

تغريد : الحمد لله كويسه وانت ؟؟

يحيى : انا كويس طول ما انتى كويس

تغريد : ربنا يخليك ليا

يحيى :ويخليكى ليا …….حبيبى انا بعتلك البحث اللى محتجاه على الميل

تغريد : بجد ربنا يخليك ليا ثوانى معايا افتح الاب اجيبه

يحيى : ماشى انا معاكى اهوه

تغريد بديق : يوووووووووووووووووه

يحيى : ايه فى ايه؟؟

تغريد : الاب مش راضى يفتح هو كان نويها من امبارح

يحيى : متزعليش يا حبيبتى هفوت عليكى اخده واصلحهولك

تغريد : طيب والبحث انا محتجاه دلوقتى …….طب انا هقفل دلوقتى هشوف لاب تامر

يحيى : اوكى …………. وانا ساعه كده وهكون عندك

تغريد : ماشى يا حبيبى …….سلام

يحيى : سلام

تغريد دخلت اوضة تامر لقته مش موجود وواخد الاب معاه

فقرارت تدخل تفتح الكمبيوتر بتاع باباها اللى فالمكتب

تغريد بفتح الكمبيوتر لقت ميل باباها مفتوح ولسه بتقفل لحظت حاجه غريبه

وفضلت بصه وهى مش مصدقه

 

نرجع للواقع

حازم باستغراب : ليه شافت ايه ؟؟

عبد السلام : شافــــــــــــــــــــــــــــــــ

وفجاءه الباب خبط ودخلات الممرضه : دكتور عبد السلام ……….الحقنا

عبد السلام بخضه : فى ايه ؟؟

الممرضه : دكتوره تغريد مش موجوده فى الاوضه ودورت عليها فى مكتبها وفى المستشفى مش لقياها

حازم وهو بيجرى من مكانه : ازاى يعنى ….

وخرج بسرعه عشان يدور عليها

 


———–———-———————-————

ونكمل في الحلقة الخامسة .. الى اللقاء في الحلقة الخامسة

بقلم الكاتبة :ريم أحمد

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *