مسلسل خلف هذه الجدران الحلقة التاسعة العشر (الجزء الأول)

2015-10-01_163055

 

” الحلقــــ (19) ــــة ” من مسلسل “خلف هذه الجدران ” (الجزء الأول)
**********
**********

اخيرا وصلنا قدام بابا العمارة يارشا , هوقف العربية وننتظر لحد ما توصل عربية عصام ونسرين , اما كان فرح ظريف بشكل يا رشا هههههههه وختم بعمتك ههههههه
اووووووووووف ماشي يا سي هااااااااااااااااني

والله يا رشا انا مش عارف انتي متضايقة ومكبرة الموضوع كدة ليه !!!!!!!!!!!!!

يا هاني انا اتفضحتتتتتتت اهئ اهئ ما شوفتش نسرين مرات اخوك كانت بتغيظني ازي لما عرفت ان الست دي تبقى عمتي اهئ اهئئئئئئئئئئ

لا حول ولا قوة الا بالله ! يا رشا الاحساس اللي انتي فيه ده سببه التعالي على عمتك والطبقة بتاعتها , لكن لو كان في قلبك تواضع واحساس ان الناس كلها سواسية والافضل عند الله بعمله مش بشكله ولا بطبقته ما كنتيش هتعملي كدة

اوووووووووووف بس يا هاني من فضلك عشان انت مش حاسس بيا اهئ اهئ

طيب بس بقى عشان عربية عصام ونسرين وصلت

احنا اللي هنطلع في الاسانسير الاول يا هاني يلا نسبقهم

ههههه اطلعي انتي ونسرين وانا وعصام هنحصلكو , نعمل ايه في الفساتين المنفوشة اللي هتزحم الاسانسير ههه

*
*

اوعي يا ست نسرين انا اللي هدخل , الاسانسير الاول اوعييييييييييييييييييي

اهئ اهئئئئئئئئئ شوفت يا صاصو المتوحشة ديييييييي اهئ اهئئئئئئئئئ

معلش يا حبيبتي اطلعوا واحنا هنحصلكو

*
*
*

ههههههههه منورة بيتك يارشا يا حياتي

اهئ اهئئئئئئ اهم حاجة عندي دلوقتي ادخل اخد شاور بسررررررررررررعة اهئ اهئ حاسة اني ارفانة من نفس جدااااااااااااااااااااااااااا

ههههههههه اومال انا اقول ايه , بسرعة من فضلك عشان انا كمان مش طايق ريحة فستااااااااااااااانك

*
*
*
*

اما اطلع حاجة البسها ممممممم المفتاح في الدولاب اهو , الحمدلله ماما ما خدتوش معاها , ايه دددددددددده !!!!!!!!!!!! هدووووووووووووووووووووووومي مش لاقية هدوميييييييي

اهئ اهئ هدومي راحت فيييييييييييين اهئ اهئئئئئئئئئئئئئئئئئئئ يا خبرررررررر الدولاب فاضي اهئ اهئئئئئئئئئئئئئئئئ مش ممكنننننننننن

في ايه يارشا يا حبيبتتتتتتتتتتتتتتتي , انا سامع صوتك جوا بتعيطي في اييييييييييييييه

اهئ اهئئئئئئئئئ احنا اتسرقنا يا هاني اهئ اهئئئئئئئئئئئ اتسرقنا يا حبيبي

هههههههههههه اتسرقنا ايه بس يا رشا , كل حاجة في البيت موجودة اهيه

اهئ اهئئئئئئئئ انا اللي اتسرقت اهئ اهئ مش لاقية هدومي في الدولاب يا هاااااااااااني اهئ اهئئئئئئئئئ

ازاي الكلام ده !!!!!!!! مش لاقية هدومك يعني اييييييييه ؟ هي مش مامتك جت هنا قبل الفرح وجابت هدومك

اهئ اهئ ايوووووووووووة انا حطيت هدومي في شنطتين كباااااااااااااااار واحدة هدوم صيفي وواحدة هدوم شتوي ومش لاقية ولا قصقوووووووصة من هدومي اهئ اهئئئئئئئ

غريبة الحكاية دي ! احنا ما حدش بيدخل شقتنا من ورانا يا ستي , على العموم اتصلي بمامتك يمكن تكون تعرف ايه السبب

اهئ اهئئئئئئئئئ هكلمها حالااااااااااااااااا اهئ اهئئئئئئئئئئئ

ترررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررن

الو

اهئ اهئئئئئئئئ ايوة يا ماما انا رشاااااااااا هدومي فييييييييييييييييين

هدومك !!!!!!!!!!! اهاااااااااااا معلش والله يارشا يا حبيبتي , انا نسيت موضوع هدومك ده خااااااااالص راح على بالي معلش

اهئ اهئ ايه يا ماما اللي حضرتك بتقوليه دددددددده اهئ اهئئئئئ مش حضرتك جبتي شنط الهدوم وحطيتيها في دولابي ؟؟؟؟؟؟؟؟؟؟؟؟

والله يا حبيبتي انا قولت حاجاتك كتير اوي اووووووووي عليكِ وقولت في نفسي افتح الشنط على رواقة قبل فرحك واقسم هدومك نصين , نص ليكِ ونص لدعاء قبل ما نتكلف مصاريف تاني في جهازها , بس والله يا بنتي نسيت خالص الموضوع ده في زحمة الفرح

اهئ اهئ يا مامااااااا يا ماما حرام عليكِ , دي الهدوم اللي انا مختاراها حتة حتتتتتتتة والالوان اللي عجبتني , ليه بس تحرميني من حاجتييييييي

يا حبيبتي يعني هي هتروح لحد غريييييييييب !!!!!!!!!!!!! دي هتروح لاختك حبيبتك , منها تشاركي في جهاز اختك ومنها صلة رحم

يييييييييييي , طيب من فضلك بقى هاتيلي شنطي عشان مش عندي حاجة البسهااااااااااا

نعممممممممم شنطك شايلاهم تحت السريرررررررر وابوكِ ناااااااام مش هقدر اطلعهم وحتى لو طلعتهم مين اللي هيجيبهوملك !!!!!! انا تعبانة وباباكِ تعبان من هدة الفرح والمعازيم وما حدش هيقدر يجي

اهئ اهئئئئئئئئ يعني اعمل ايه انا دلوقتي يا ست مامااااااا اهئ اهئ افضل قاعدة بفستات الفرررررررررح !

ايوة خليكِ بفستان الفرح , وانتي هتقلعيه ليه اصلا !!!!!!!!!!! الصباح رباح بقى والنهار له عنين , هطلع الشنط واقسم الهدوم واجيبهوملك اخر النهار بعد بكرة

كمااااااااااااااااااان ! بعد بكرررررررررررة اهئ اهئئئئئئئئئئئئئئئئئئئئئئئئئئئئئ

بس بقى يا حبيبتي العياط ده غلط انتِ عروووووووووووسة , روحي افرحي انتِ وعريسك وسيبيني انام عشان تعبانة والله يارشا , سلااااااااااااام

اهئ اهئ سلام يا ست ماما اهئ اهئ اقول ايه دلوقتي لهاااااني اهئ اهئئئئئئئئئئئئ

ها يارشا يا حبيبتي عرفتي طريق الهدوم ؟

اهئ اهئئئئئئئئئئ تحت سرير ماما يا هاني

ههههههههههههههههههههه ربنا يخليلك ماما والله , طيب خلاص حبيبتي ما فيش قدامك غير انك تلبسي بيجاما من بتوعي

ايييييييييييييه !!!!!!!!!! انا البس بيجاما رجالي يوم دخلتي !!!!!!!!!!!!!!!!

هههههههه قدامك حل تاني يا روحي

لالالالالالالالالالالالالالالا ما فيش حل تااااااااااااااني اهئ اهئئئئئئئ هاتي بيجاما من بتوعك يا هاني اهئ اهئئئئئئئئئئئئئئئئئئئئئئ

ههههههه لحظة واحدة هجيبلك من دولابي

*
*

اتفضلي يا ستي , بيجاما اهيه

ممممممم اللون ده مش عاجبني , مش بحب النبيتي

هههههه في كحلي , اجيبلك

لالالالا اهئ اهئئئئئئ كفاية اوي كدة . هات يا سيدي , انا داخلة اخد شاور والبس البيجاما دي

هههه في انتظارك يا روحي

*
*

اهئ اهئئئئئئئئ ياربي شكلي يضحك ببيجاما هاني اهئ اهئئئئئئئئ لما يشوفني هيموت من الضحك عليا اهئ اهئ الله يسامحك يا ماما ضيعتي انوثتي في احلى يوم في حياتي اهئ اهئئئئئئئ , اخرج بقى وامري لله

هانييييييييييي

هههههههههههههههههههههههههههههههههههه لالالالالالا مش ممكننننننننن شكلك غير عادي بالبيجاما بتاعتي هههههههههههههههههه طويلة عليكي اوي والكمام طويييييييييييييييلة هههههههههه عاملة زي العبيطة بجد هههههههههههههههههههههههههههههههههه

اهئ اهئئئئئئئ ماشي يا هاني متشكرة

طيب بصي حاولي تشمري الكمام وكمان البنطلون حاولي تشمريه شوية

ماشي , اهو

ههههههه ماشي معقول كدة شوية , عايزين نتعشى بقى عشان ما اكلتش حاجة في الفرح

اهئ اهئئئئئئ هروح اشوف ماما جابت ايه في التلاجة اهئ اهئئئئئئئئئئئئ

ههههه ربنا يستر

يا خبرررررررررررررررررر التلاجة فاضية اهئ اهئئئئئئئئئئئئئئئئئ يا دي الفضييييييييييييحة هقول ايه لهااااااااااني , اما اتصل بالست ماماااااااااااا

تررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررن

يوووووووووووووووووه مش هنعرف ننام احنا النهاردة الوووووووووووووو

اهئ اهئ فين العشا يا مامااااااااااااااااااااااااااااااا

عشا ايه يا رشاااااااااااااا ! انا ما عملتش عشا يا حبيبتي

اهئ اهئ يا ماما يا مامااااااااااااا مش بابا اداكي فلوس عشان تعملي عشا وتحطيهولي في التلاااااااااجة ؟

يا بنتي ما تحلي عن سمانا بقىىىىىىىىىىىىى , انتِ مش روحتي بيتك وفارقتينااااااااااا ! هتشيلينا همك وهم عشاكِ ليه ان وجوزززززززززززززززك ؟ دا ايه ددددددددددده ال فين العشا يا ماما ال , هنجوزها ونصرف عليها هي وجوزها كمان , سلااااااااااااااااام

اهئ اهئئئئئئئئئئئئ الله يسامحك يا مامااااااا اهئ اهئئئئئئئئ

ها يارشاااااااااااااا رشاااااااااااااااااااا

……………………..……………………..……….

الله ! هي ما بتردش ليه ! رشاااااااااااااااااا الاكل بتاع مامتك فين انا جعااااااااااااااااااااان

هااااااااااااااني مافيش اكل يا هاااااااااااااني

افندمممممممممممممممممممممممم

أأأأأأأ اصل ماما اعتذرت وقالت انها نسيت تجيب الاكل

ههههههههههههههههههههههههههههه نسيت ولا استخسرت فينا العشا

هاني من فضضضضضضضضضضلك ماما مش بخيلة

ههههههههههههه ايوة ايوة , مش بخيلة خاااااااالص , احنا اللي فهمينها غلط , مممممم طيب هنتصرف ازاي دلوقتي يارشاااااااااا

ممممممم مش عارفة يا هاني

ممممممممم ماشاء الله , لا لبس ولا اكل عند حضرتك ههههههههه الحمدلله اني لقيت هدومي وعندي حاجة البسها

رشا ههههههه الفردة اليمين من بنطلون البيجاما اللي كنتي مشمرها اتفكت هههههه عندك رجل مشمرة ورجل لا وشكلك زي المتسولين بالظبط هههههههههههه

يوووووووووووووووو ما تخلنيش اقلع البيجاما ددددددددددي

هههههههههههه لو شاطرة اقلعيهااااااااااا

ييييييييييييييييييييي , ياربي انا مش عارفة ايه الحظ ده النهاردة اهئ اهئ زي ما يكون حد باصصلي في الجوازة دي اهئ اهئ اكيد انا اتحسدت عشان كدة اتنكدت كل النكد دددددددددددده اوووووووووووووف

اهئ اهئ هناكل ايه دلوقتي يا هاني اهئ اهئئئئئئئ

هههههههههه طب بس ما تعيطيش عشان صعبتي عليا , خلاص انا هرن الجرس على عصام رنة واحدة كدة يمكن نلاقي عنده عشا زيادة , اصل بصراحة شكلنا هيبقى وحش لو طلبنا اكل من برا بعد ما روحنا , الناس هتفتكر لا سمح الله ان مامتك بخيلة وما جابتلناش عشا ههههههههههههههه ما فيش قدامنا غير عصام ويارب يكون عنده اكل زيادة

نعممممممممممممم احنا هنشحت من عند اخوك كمااااااااااااان

اومال يعني هننام من غير عشااااااااااااااااااا

*
*
*
*

نسرين يا حبيبتي مالك بس يا روحي بتعيطي ليه

روكي وكيتي وساندي وحشوني اوي يا صاصو اهئ اهئئئئئئئ صوت روكي وحشني وشقاوة كيتي وساندي وحشتني اهئ اهئئئئئئئئئئئئئئئئئ اتصل بابابي ومامي عشان يبعتهوملي يا صاصووووو اهئ اهئئئئئئئ

يا حبيبتي هما وعدوكي انهم هيجيبهوم معاهم الصبح

اهئ اهئئئئئئئ مش قادرة استنى للصبح يا صاصو اهئ اهئئئئئئئئئئئئئئئ اعصابي تعبانة خااااااااااااالص اهئ اهئ انا متأكدة ان روكي مش بياكل ولا بيشرب عشان مش لاقيني

معلش يا حبيبتي بكرة ربنا يجمعكو وترجع الفرحة لقلوبكو تاني , خلينا في ليلتنا السعيدة دي

اهئ اهئئئئئئئئئ ما فيش سعادة بعيد عن روكي اهئ اهئئئئئئئئ

طيب يلا نتعشى عشان انا جعان جداااااااااااا هههههههه باباكِ ماشاء الله باعت اكل كتير اوي من ارقى المطاعم ومحطوط برا على طرابيزة السفرا

انا مش عايزة أكل , روح كل انت يا صاصو

ههههههه طيب ياروحي , هروح اكل على ما تغيري هدومك يا اجمل عروسة في الدنيااااااااااااااااااا

هههههه اوكيه صاصوووووووو

*
*
*

مممممممممم ياربي ارن الجرس ولا ارجع شقتي مممممم طب ارجع ازاي بسسسسسسس , انا هرن الجرس وانا وبختي بقى

تررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررن

ايه ددددددده ! مين المتخلف عديم الذوق والاحساس اللي يرن الجرس على عريس وعروسة ليلة دخلتهم !!!!!!!!!!!!!!!

ايه ددددددده ! هاااااااااني ! في حاجة يا هاني

ههههه لا ابدا , جيت اقولك مساء الخير

لا يا شيخ !!!!!!!!!! انت سخن يا هاني !!!!!!!!!!

هههههههه مش هتقولي اتفضل ولا هتسيبني ع الباب كدة !!!!!!!!

افندمممممممممم تتفضل فيييييييييييييين ! انت مش عارف النهاردة ايه ولا ايه ؟؟؟؟؟؟؟؟؟؟

هههههههه النهاردة الخميس , هو في حاجة !

لا ابدا دا يوم دخلتنا بس

يا راااااجل , سيبك من الكلام الفاضي ده وتعالى ندردش شوية

هااااااااااااااااني بقولك ايييييييييه ! انا مش فايق للهزار

ولا انا والله هههههه انا جاي قاصدك في خدمة

افندمممممممم وما لقيتش غير النهاااااااااااااردة

لالالالا حاجة بسيطة , اصل بصراحة حماتي نسيت تبعت العشا وما عندناش عشا جوا مممممممم ماشاء الله ماشاء الله , احلى حاجة في شقتك ان السفرا في الريسيبشن , عشان الضيوف اول ما تدخل يقعدوا ياكلوا على طول هههههه حقيقي بيت كرم

متشكرين يا سيدي

انا شايف عندكو السفرا مليانة ماشاء الله , بط وحمام وصواني متغطية

هههههه حمايا الدكتور هاشم يا سيدي بعتلنا عشا من افخم المطاعم في مصر

ربنا يخليلك حماك والله , ونعم النسب

عايز حاجة يا هاني ! لو عايز عشا قول احنا اخوات هههه

مممممم , من فضلك يعني لو عندكو حاجة زيادة تتبرعولنا بيها وليكم الآجر والثواب عند الله عشان انا ورشا جعانين والله

هههههههه طيب يا سيدي هجيب صنية كبيرة من المطبخ واحطلك العشا عليها

هههه ونعم الاخ والله , ربنا يجعله عامر

*
*

كنت بتكلم مين برا يا صاصو

هههههههه دا اخويا هاني كان جاي ياخد عشا من عندنا

هههههههههههههههههه انا قولتلك رشا دي شحاتة انت مش صدقتني ,انا هذلها بالعشا اللي اخدته من عندي عشان تبطل تعمل مقامها من مقاماتي

*
*
*
*
*
*
*
*
*

يا شوقيييييييييييييييية انتي يا ست انتيييييييييييي

ايوة يا سي ادهم خير نعميييييييييييين

فين الشريط بتاع الاغاني الجديد اللي اني لسة جايبه امبارح

واني ايش عرفني , شايفني بنسمعوا اغاني ولا فاضيين للأغااااااااااااني

بنقولولك ايييييييييييه اني ما بنحبوش شغل الاستهبااااااااااااااال , الشريط اللي في اغنية سلطان زماني انا عايش سلطان زمااااااااااااااااااني

هههههههه سلطان زمانك !!!!!!!! لا يا بني ما شوفتوش والله , ممممممم ايوة ايوة ايوة استنى استنى , اغنية سلطان زماني انا عايش سلطان زمااااااااااااني , مستهيألي كدة سَمعت الاغنية دي في اوضة ست اوسا الصبح

اوسااااااااااااا !!!!!!!!!! طب والله لنوروها ونعرفوها ازاي تمد ايدها على حاجتي من ورايااااااااااااااا انتِ يا بت يللي اسمك اوسااااااااااااااااااااا اني رايحلها اوضتها نطربقوها عليهاااااااااااااااااااااا

اعوذ بالله يا شيخ منك ومنها ومن اخلاقكو المطينة , البيت ما فيهوش الا سي احمد ربنا يكرمه ويجعله من الناجحين ويجعل تعبه في مذاكرته بفايدة

*
*
*

انت يا بت يا اوسااااااااااااااا فين الشريط بتاع الاغاني اللي لسة شاريه من مصروفي امبااااااااااااااااااارح

هههههه اهو عندك اهو ع السرّاحة

وانتِ ازاي يا بت تمدي ايدك وتاخديه من اوضتتتتتتتتتتتتتي

هو حصل ايه يعني , كنا بنرقصوا عليه يا ادهم

كسر وسطك يا شيييييييييييييييخة , اياك تدخلي اوضتي وتمدي ايدك على حاجة تخصني تاااااااااااااااااني

يا شيخ روح كدة , ولا سِمّاوي بصحيح

*
*
*
*

خالتي شوقية

نعمين يا سي احمد , من عنيا يا ابني عايز ايه

لو سمحتي اعمليلي كوباية شيّ , عشان حاسس اني بنام ومش عارف نركز

طب يا ابني ما تناملك شوية , ريح بدنك يا حبيبي , انت من بدري بتذاكر يا سي احمد

معلش يا خالتي , اصل الامتحانات خلاص قربت واني نفسي نجيب مجموع كبير

الله يوفقك يا ابني ويديك على اد تعبك , حاضر يا حبيبي , روح انت اوضتك واني هنجيبولك الشيّ , نجيبولك معاه سندوتش ولا حاجة ؟

ههههه لا اني مش عايز سندوتشات اني مش جعان , اني بس عايز نصحصح للمذاكرة

حاضر يا ابني , هنجيبولك الشاي ونتوكلوا على الله نمشي عشان اروح اشوف عيالي

*
*
*
*

سلطان زمااااااااااااااااااني انا عايش سلطان زممممممممممممممممممماني

سلطاني زماااااااااااااااااني وحياتي حلوة وعجبااااااااااااااااااااااااااني

تووووووووووووووء مين شغل الكاسيت دلوقتي تووووووووووووء اني مش عارف نركززززززززز استغفر الله العظيم ياااااااااااااارب اكيد ادهم اللي مشغله , اما نروحوله

*
*

سلطاااااااااااااااااان زماني انا عايش سلطان زمااااااااااااااااااني

سلطان زماني وحياتي حلوة وعجباااااااااااااااااااني

يا ادهمممممممم يا ادهممممممممممممممممم يا اخي حرام علييييييييييييك اني مش عارف نذاكر , اني هنطفي البتاع ده اهوووووه

يوووووووووووووووووووووووووووووووووووووووووووووووووه ايه يا احمممممممممممممممد هو انت عايش في البيت ده لوحدك ولا ايييييييييييييييييييييه

يا اخي حرام عليك اني بنذاكر , الامتحانات قربت , وانت بدل ما تذاكرلك كلمتين ينفعوك انت كمان , مشغل الكاسيت بصوت عالي ومش مخليني نعرفوا نذاكروا

اني حر في اوضتيييييييييييييي ونشغلوا الكاسيت زي مااني عاااااااااااايز واتفضل سيب اوضتي واخررررررررررج

كدة يا ادهممممممممم ! طب ايه رأيك مش هنسيبوك تشغل الكاسيييييييييييييت

يا احمد ما تخلنيش نمد ايدي علييييييييييييييك اني لحد دلوقتي مش عايز نضربوووووووووووك

تضربني !!!!!!!!! تضرب اخوك الكبير يا ادهم !!!!!!!! وليه دا كله , عشان بنقولولك اطفي الكاسيت عشان بنذاكر !!!!!!!!!!!

يووووووووووووووووووو يا اخي خنقتني يا اخييييييييييييي , العيشة معاك في بيت واحد تأررررررررررررف

كتر خيرك يا ادهم , متشكر يا اخويا

بنقولولك ايييييه اني ما بحبش حد يقل مزاجي ويأرفني في عيشتي , اني هنسيبولك الفيلا مطربقة على دمااااااااااغك اني خاااااااااااااااارج

انت يا ولا يا ادهممممممممممم مالك يا ولا بتزعق ليييييييه

تعالي يا امّا شوفي ابنك اللي اسمه احممممممممممد عكر مزاجي وطفالي الكاسيت ال اييييييه بيذاكرررررررر اني بقى مش قاعدلكو في البيت دددددددددده اني خاااااااااارج

استنى يا ولاااااااااااا , جرا ايه يا ولا يا احمد , مالك ومال اخوووووووووووووووووووك

يا امي مش عارف اذااااااااكر ادهم مشغل الكاسيت على اخرررررره مش عارف اذاااااااااكر

يا شيخ اتهد بقى ربنا يهدك وينتقم مننننننننننننك , اني ما صدقت ادهم ربنا هداه النهاردة وقاعد في البيت تقوم انت تطفشه بقلة ادبككككككككككك

اني يا امي اللي بنطفشوووووووووه !!!!!!!!!

بقولك ايه يا ولا انت , انت تقعد في البيت بأدببببببك , مالك انت اخوك مشغل الكاسيت ولا مش مشغله , انت هتكتم على نفسه وتحرمه من حريته في بيته ولا ايييييييه

هههههههه قوليله يا امّا , ربنا يخليكِ لياااااااااا

كدة يا امي ! يعني بدل ما تقوليله اخوك بيذاكر واطفي الكاسيت , بتقفي في صفه وهو غلطااااان !!!!!!

ادهم ما بيغلطش , انت اللي قليل الادب ومش متربي واني ما بنطيقوش نشوفوا وشك بسبب عمايلك

للدرجة دي يا امي ! ما كنتش اعرف انك بتكرهيني اوي كدة , على العموم حاضر يا امي , هنريحوكِ من وشي اللي ما بتطقيش تشوفيه , اني اللي خارج يا امي

في ستين دااااااااااهية , تروح ما ترجع ان شالله

هههههههه متشكرين يا امّا ع الواجب ده

*
*
*

الشيّ يا سي احمممممممد , يوووووووووووه , هو سي احمد فييييين ؟ سي احمد فين يا ست سعاد

غار في ستين داااااااااااااهية , اتخانق مع اخوه وهزئته وخد على خاطره ومَشَى

لا حول ولا قوة الا بالله , ليه كدة بس يا ست سعااااااااد , توووووووء دا كان بيذاكر يا حبة قلبي وقالي اعمليلي كوباية شيّ يا خالتي شوقية عشان نعرفول نذاكروا , تقومي تزعليه وتخليه يمشي وهو واخد على خاطره برضو , والله يا شيخة لو عندي واد زي سي احمد لاسجد لربنا اشكره على ادبه واخلاقه

نقطينا بسكاتك يختي ,اخفي من وشي الساعة دي انت كمااااااااااا ن

طب والشيّ دي , اوديه فين !!!!!!!

هههههههههههههه هاتيه يا شوقية اني هنشربوه عشان نعرف نسمع الاغاني واني مصحصح

اووووف , بالسم الهاري الهي يهري بدنك يا شيخ , الولا هيشرب كوباية الشيّ بتاعة الغلبان , الله يسامحك يا ست سعاد , اني مروحة يا ست سعاد , مش عايزة حاجة

لا يختي مش عايزة منك وشك حاجة , ما تتأخريش الصبح يا بت , الولا فور دمي الله يفور دممممممممممه

*
*
*
*

ايه ده !!!!!!! سي أحمد واقف ساند راسه على باب الفيلا وبيعيط ! يا حبة قلبي يا ابني ! سي احمممممد

هااا ! ايوة يا خالتي شوقية

ما تدخل يا ابني بدل ما انت واقف في الشارع كدة

لا , اني هروح لخالد صاحبي

ما تزعلش نفسك يا ابني , حقك علية اني

اني مش زعلان يا خالتي شوقية , بعد اذنك رايح لصاحبي

لا حول ولا قوة الا بالله ! طريق السلامة يا ابني

*
*
*
*
*
*
*

هياااااااااام

ههه انت صحيت يا خالد ؟

ايوة يا ستي , مش قايلك يا هيام تصحيني الساعة سابعة ؟ داني بصيت في الساعة لقيتها داخلة على تمنانية ونص

والله كنا هنصحوك يا خالد , بس دخلت لقيتك رايح في النوم خالص , صعب عليا نصحوك والله

ههه اومال امي فين

امي طَلَعت عند خالتي ام اشرف تزورها عشان تعبانة

انتي بتعملي ايه في البلوزة بتاعتك

ههههه هنكونوا بنعملوا ايه يعني , بنخيطوها

طيب يا حبيبتي بعد ما تخلصيها خيطيلي الزرار اللي اتقطع في القميص بتاعي

من عنيا يا خالد حاضر

تسلم عنيكي يا هيومة

*
*
*
*

وبعدين بقى ! اني مش عارف هنخبطوا على شقة خالد ازاي دلوقتي ! اني ما قولتلوش اني جاي , توء , يا ترى هيقول علية ايه دلوقتي , هنخبطو وخلاص وزي ما تيجي تيجي

تررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررن

جرس الباب بيرن يا خالد

اني هنفتحوا اهو يا هيام

ايه ده ! أحممممممد !!!!!!

أأأ اني مش عارف نقولولك ايه يا خالد , اني عارف اني جاي في وقت مش مناسب , بس والله غصب عني ما عرفتش نروحوا فين ومش متعود نمشي في الشوارع لوحدي ففكرت اجيلك

اهلا بيك يا احمد اهلا وسهلاا , لحظة واحدة استناني بس اخلي اختي تدخل جوا

طيب يا خالد

*
*

هيااااااااام ادخلي جوا , هندخلوا واحد صاحبي

حاضر يا خالد

*
*

اتفضل يا احمد اهلا وسهلا , نورت البيت والله اتفضل اقعد

الله يخليك يا خالد

احمد ايه اللي حصل ومخليك متضايق كدة , انا اللي اعرفه عنك ان عمرك ما خرجت بعد العشا من بيتكو

اعمل ايه بس يا خالد , امي مش طايقاني في البيت , اتخانقت معايا عشان بنقولوا لادهم اطفي الكاسيت عشان مش عارف نذاكر , وسمعتني كلام وجعني اوي وغير الدعا اللي عمالة تدعيه علية زي ما نكون اجرمت , اني طول عمري بنقولولك ان امي على طول في صف ادهم حتى وهو غلطان , مش عارف ليه امي بتكرهني كدة

طيب بس اهدا شوية وما تكبرش الموضوع , يا سيدي مشكلة عادية وبتحصل في كل بيت

ترررررررررررررررررررررررررن تررررررررررررررررررررررررررررررررررررررررررن

امي باين عليها جت , عن اذنك هنرحوا نفتحولها

اتفضل يا خالد

*
*

السلام عليكم ازيك يا خالد

وعليكم السلام ازيك يا امي , وازي خالتي ام اشرف , عاملة ايه دلوقتي

الحمدلله بقت احسن يا خالد يا حبيبي , ايه ده ! احنا عندنا ضيوف

دا احمد صاحبي اللي زارني قبل كدة

ايوة ايوة , بس مش عادته يزورك في وقت زي ده ! هو في حاجة ولا ايه يا ابني

لا يا امي ما فيش حاجة , هو بس جاي يقعد معايا شوية

طيب هروح اسلم عليه وادخل اعملكو حاجة تشربوها , هي هيام فين ؟

هيام دخلت اوضتها قبل ما افتح لاحمد

طيب يا حبيبي

*
*

السلام عليكم ههههه اهلا يا احمد يا ابني ازيك وازي احوالك

وعليكم السلام ازيك يا امي

امك ! يا حبيبي يا ابني , اني بخير يا حبيبي , ان شالله تسلم يا ابني , واخبار مذاكرتك ايه و بتذاكر ولا لأ ؟؟؟؟؟

الحمدلله بذاكر , ادعيلي يا امي

والله يا ابني انا على طول ادعي لخالد واقول يارب وفقه وهو واصحابه واجعلهم من الناجحين الفالحين اللهم آمين

معلش , ادعيلي انا دعوة من قلبك الطيب , اني ما عنديش ام تدعيلي

يا حبيبي يا ابني ! ليه بس كدة ! انت زعلان مع الست والدتك

هي اللي زعلانة معايا مش اني اللي زعلان معاها , الحمدلله على كل حال

طب بس بس يا ابني , ما تزعلش نفسك , الام يا حبيبي عمر قلبها ما يقسى على ضناها , هي بس تلاقيها واخدة على خاطرها وهتروق وهتبقى زي الفل

امي بتكرهني بتكرهنننننننننني اني بقيت اكره نفسي واكره البيت بسببهاااااااااا هي قالتلي انها بتكرهني

لا حول ولا قوة الا بالله , طب يا ابني بالله عليك ما تبكيش كدة , يا حبيبي لو امك قالتلك كدة , صدقني دا من ورا قلبها يا حبيبي , ما فيش ام بتكره ابنها , هي ممكن تزعل بس لكن تكره لأ يا حبيبي

ده لما تكون ام زيك في طيبتك وحنانك يا امي , بالله عليكِ اسمحيلي نقولولك يا امي

ده شرف ليا يا حبيبي , والله انا قلبي انفتحلك من اول مرة نشوفوك , انت زي خالد والله , ما تزعلش نفسك يا حبيبي , ربنا يهديلك الاحوال ويصلح ما بينك وبين امك , اني هنروحوا نعملولك حاجة تشربها انت وخالد , تشرب ايه يا احمد يا ابني

اشرب شيّ يا امي الله يخليكِ

من عنيا ياابني , اعملك شيّ يا خالد ولا عايز حاجة تانية

لا يا امي , هشرب شيّ زي احمد

طيب عن اذنكو يا ولاد

ياااااااااااااااااه ما تعرفش يا خالد اني بنرتاح اد ايه لما بنشوفوا امك , ياريتها كانت امي انا

ههههه يا سيدي ما تبقى امنا احنا الاتنين , انت طماع ليه يا احمد وعايز تاخد حنان امي لوحدك هههههههه

ههههههه

ايوة كدة يا سيدي اضحك وفكها

بنقولولك ايه يا خالد , اني عايز ابقى اجي اذاكر معاك

مممم والله اني ما عنديش مانع , هنقولوا لامي ونشوفوا رأيها ايه , عن اذنك هنروحولها المطبخ نسألوها

اتفضل يا خالد

*
*
*

ها يا امي قولتي ايه ؟

والله يا ابني الولد مؤدب واخلاقه زي الفل بس برضو وجوده كتير في البيت ما ينفعش , انت عندك اخت يا حبيبي

مممممم طيب يعني نقولوله لأ يا امي ؟

لا يا حبيبي ما تقولوش لأ , انا جاتني فكرة واني بنكلمك

فكرة ايه يا امي

بص يا حبيي اني بكرة بعد ما اجي من الشغل وهيام تيجي من المدرسة , ناخدوها ونطلعوا ننضفوا اوضة السطوح من الكراكيب اللي فيها ونحطيلكو فيها طرابيزة وكرسيين وابقوا اطلعوا ذاكروا فوق يا حبيبي , واني علية اطلعلكو الشيّ وكافة طلباتكو لحد عندكو

هههههههه ربنا يخليكِ ليا يا امييييييي , خلاص هنقولوا لاحمد انكِ وافقتي واقوله على اوضة السطوح دي

هههه طيب يا ابني , روح انت واني هنصبوا الشيّ ونجيبوه لحد عندكو

*
*
*
*
*
*
*
*

اووووووووووووف طيب يا سعاااااااااااااد , اني هنروحوا بيت شوقية نسألوها الأول على اللي في دماغي ويا ويلك يا سعاد لو طلع اللي في دماغي صحححححححححح

*
*
*

تررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررن

مييييييييييييين

اني عادل سليم يا شوقية

ميييييييييييين !!!!!!!! عادل بيه !!!

اهلا يا عادل بيه , اني اسفة والله جوزي مش موجود ومش هنقدروا نقولولك اتفضل

اني ما عنديش وقت كمان يا شوقية , اني جيت نسألوكِ على حاجة في دماغي وعايز نتأكد

أأأأأ خير يا عادل بيه , استر يارب

سعاد كانت بتحطلي ايه في الاكل والشرب يا شوقية

هاااااا !!!!!!! أأأأأأأ اني ما اعرفش حاجة يا بيه , اني هعرف منين ! هكرر السؤال تاني وعايز اجابة بسرعة عشان اني ما عنديش وقت نضيعوه يا شوقيييييييييية , سعاد كانت بتحطلي ايه في الاكل والشررررررررررب , انتي بتقعدي معاهم في البيت اكتر ما بقعد وعارفة كل صغيرة وكبيرة بتحصصصصصصل , جاوبيني يا شوقية والا مش هيحصلك طييييييييييييب

اهئ اهئئئئئ واني مالي اني يا عادل بيه ؟ اهئ اهئ اني بصراحة نخافوا نتكلم , الست سعاد ممكن تأذيني وتقطع عيشي من الفيلا واني غلبانة وعندي عيال اهئ اهئ

معني كلامك ده انك عارفة , اتكلمي وما تخافيش يا شوقية

اهئ اهئ طيب نقولولك وما تقولش للست سعاد انك عرفت عن طريقي ؟؟؟؟؟؟؟

ما تخافيش يا شوقية مش هنقولوا

الست سعاد هي والست توحا اتفقوا مع ست كدة شكلها غريب انها تعمل سحر عشان تخليك تحب الست سعاد يعني وكانت بتحطلك نقط كدة الله اعلم بيها في الاكل والشرب

ممممممم اني كنت عارف بس كنت عايز نتأكد وانتي أكدتيلي انها هي اللي ورا كل اللي حصلي ده , عن اذنك

اهئ اهئئئئئئئ يا دي الوقعة السووووووووودة اهئ اهئ يا لهوي لو الست سعاد عرفت اني قولت حاجة لعادل بيه اهئ اهئئئئئئئ استر يارب استرررررررر

*
*
*
*
*

عاااااااااااااادل ههههههههههههههه حمدالله ع السلامة يا حبيبي ,طلقتها ولا لسة ؟؟؟؟؟؟؟؟؟؟؟؟؟؟؟

ايه ده ! انت بتبصلي بغل كدة ليه يا عادل ! مالك يا عادل

…………………..

عاااااااادل , الله ! اني ما بتردش ليييييييه , انت بتفتح الدولاب وتلم هدومك ليييييييييييييه !!!!!!!!!! ما تكلمني يا عاااااااااااادل

انتي ما يتردش عليكِ غير بألم على وششششششششششششششششششششك

ااااااااااااااااااااااااااه اهئ اهئئئئئئئئئئئ بتضربني يا عااااااااااااادل اهئ اهئ بتضربني عشان ايييييييييييه اهئ اهئ عشان المحروسة بتاعتك !!!!!!!!!! اهئ اهئئئئئئئئئ يا اخي الهي تعدمها هي واللي في بطنها في ساعة واحدة اهئ اهئئئئئئئئئئئئئئئ

اني مش قاعدلك في البيت , مش طايق نشوفوا وشششششششششك , اه يا سحّارة يا بتاعة الاعماااااااااااال يللي مالكيش امااااااااااااااااااااااااان

اهئ اهئئئئئئئئ استنى بس يا عاااااااااادل اهئ اهئ استنى ما تجرنيش وراك ع السلالم اهئ اهئئئئئئئ

احمممممممممممممممممممممد انت يا ولا انت فين يا احممممممممممممممممممممد

هههههههه احمد برا يا بابا ههههههههه شوفت احمد اللي بتقول عليه احسن مني ههههههههه انا في البيت وما خرجتش وهو داير يتصرمح براااااااا هههههههههههههههههههههه

اخرررررررررررررررس انت تخررررررررررررررس

*
*

ترررررررررررررررررررررررررررررررررررررررن ترررررررررررررررررررررررررررررررررررررررررررررررررررررررن

اهو البيه شرف اهووووووووو اما نشوفوا هتعلموه الادب اززززززززززززززاي

*
*

باباااااااااا هههههه حمدالله ع السلامة , اتوحشتك اوووووووووي

كنت فين يا ولا لحد الساعة عشرة باللييييييييييييييل اييييييييييه هتتعلم البوظان انت كماااااااااااااااااااان

اني !!!!!! لا والله يا بابا , اصل اني أأأأأ اصل اني !!!! اني حسيت اني متضايق شوية وخرجت نقعدوا مع واحد صاحبي في بيتهم والله

بقولك ايه , اني واخد هدومي ورايح شقة زيزنيا وانت معاك العنوان والتليفون , انت هنا بدالي , أي حاجة تحصل في البيت وما تعجبش اتصل بياااااااا

طيب استنى بس يا بابااااااااااا , رايح شقة زينيا لييييييييييه , وانتِ يا ماما قاعدة ع الكرسي وحاطة ايدك على وشك وبتعيطي ليه !!!!!!!! هو فيه ايييييييه ؟؟؟؟؟؟؟؟؟

في ان امك المحترمة بتعملي اسحار وتحطهالي في الاكل والشرب عشان تخليني نطلقوا اشجان , في ان امك ست مالهاش امااااااااااااااان , اني ماااااااااااااشي

بابااااااااااا استنى بس يا باباااااااااااااااا يا باباااااااااااااااااااااااااااااااااااااااااا

ههههههههههه يا اخي احسن ما تسيبه يمشي بدل ما هو بيحاسبنا حساب الملكين , وانتِ روقي يا امّا ما حدش واخد منها حاااااااااااجة

اهئ اهئ اهئ اني طالعة اوضتي

اووووووووووووووف استغفر الله العظيم , ايه البيت اللي بقى ما يتعاشش فيه ددددددددددده ! هنعملوا ايه دلوووووووووقتي نرجعوا بابا ازاي للبيييييييييييييت

يا اخي ان شالله ما رجع , يرجع يعمل ايييييييه , اهو نرتاح من اسئلته الكتيرررررررررر

والله انت ما عندك دددددددددددددم , ايه قلة الادب اللي بتتكلم بيها عن ابوك دددددددددي

ههههههه خلنالك الادب يا سيدي , اني طالع نشوفوا امي الغلبانة

يارب يااااااااااااااارب والله الواحد ما متحممممممممل , نعملوا ايه بس دلوقتي عشان البيت ده ما يتهددددش ياااااااارب

*
*
*
*
*
*
*

ماااااااااجد , خلصت فطارك يا حبيبي

ايوة يا امي الحمدلله , هروح المدرسة وان شاء الله لما ارجع ابقى ابارك لاخواتي

طيب انا هسبقك بقى واطلع اباركلهم واخد الخواتم الدهب للعرايس , ربنا يصلح حالهم هههه هصلي الضهر ان شاء الله واروحلهم , انا مارضيتش ابارك تاني يوم وقولت اسيبهم براحتهم

هههه طيب يا امي , مش عايزة أي حاجة اجيبها معايا ؟

لا يا حبيبي , مع السلامة انت

*
*
*
*

مممممم نبدأ بعصام ههه , اكيد صحيوا من بدري عشان عصام يصلي الضهر

ترررررررررررررررررررررررررررررررررن

تررررررررررررررررررررررررررررررررررررررن

يوووووووووووووووووه ايه الازعاجات دي !!!!!!!! جرس الباب بيرن يا صاصوووووو اووووووووووف قوم شوف مين قليل الذوق اللي بيرن الجرس دلوقتي

مممممم طيب طيب صحيت اهو , عن اذنك هروح اشوف مين

مين !!!!!! هههههههه امي وحشتيني يا اميييييي اتفضلي

ههه السلام عليكم ,ازيك يا عريس

الحمدلله بخير والله يا ست الحبايب , اتفضلي , اتفضلي يا امي

يزيد فضلك يا ابني , اومال العروسة فين ؟

ههههه هديها خبر حالاااااااا , دقايق وتيجي تسلم عليكِ , عن اذنك يا امي

اتفضل يا عصام

*
*
*

نسرين نسرينووووووووو حياااااااااااتي اصحي يا روحي

ييييييييييييييييييييييييييييييييييي اوووووووووووف , وبعدين بقى يا صاصوووووو , انا مش بحب حد يصحييييني , سسبني اناااااااااااااام

يا حبيبتي ما ينفعش , امي برا

مييييييييين !!!!!!!!! ودي ايه اللي جابها دي

نعممممممممممم ! ايه اللي انتِ بتقوليه ددددددددددده !!!!!!!! بقولك امي اميييييييييييي

وانا مالي انا ومالهااااااااا , دي مامتك انتتتتتتتت مش مامتي اناااااااا , وبعدين اساسا انا مش عايزاها تيجي هنا تاااااااااااني

ايييييييييييييييه ! انتِ اتجننتي ولا ايييييييييييييه

لا طبعا انا عاقلة جداااااااا والست دي مش عايزاها تيجي عندي بيتي , انا مش بحبهاااااااااااااا

بقولك ايه يا نسرييييييييين الكلام ده ما ينفعنيشششششش دي امييييييييي لازم تحترميهااااااااا ولما تيجي بيتنا تقابليها كويسسسسسسسسسسس

احترمهاااااااااااااااااا !!!!!!!!!! طب ايه رأيك بقى انا هخرج اطردها بنفسي واقولها ما تجيش هنا تاااااااااااااااااااني اوعى من وشيييييييييييييي

نسرييييييييييييين تعالى هنا يا نسريييييييييين , استني يا مجنونة انتتتتتتتتتتتتتتتتتتتتتتتتتتتتتتتتتتتتتتتِ

*
*

**********
**********

نسرييييييييييييين تعالى هنا يا نسريييييييييين , استني يا مجنونة انتتتتتتتتتتتتتتتتتتتتتتتتتتتتتتتتتتتتتتتِ
اوعى سيب ايدي يا صاصوووووووو , انا قولت هطردها يعني هطردهاااااااا , عشان تعرف اني مش عايزاها تيجي بيتي تاااااااااااااااااااااني نسرين بقولك ايييييييييييييييييييييه , غلط وتجاوز في حق امي مش هسمح بيييييييييييييييييه , انتِ فاهمة ولا لاااااااااااااااااأ , امي تيجي هنا زي ما هي عايزة ولازم تحترميها وتقابليها كويسسسسسسسسس , إلا امي يا نسرين الا امييييييييييييييييييييي

ايه ده !!!!!!!! انت ازاي تتكلم معايا بالطريقات دي وتعلي صوتك كدة يا صاصووووووو ! انت اتجننننننننننننت ؟؟؟؟؟؟؟؟؟؟؟؟؟؟؟

انتِ اللي اتجننتِ يا هااااااااااااااااااااانم ونسيتي ان دي اميييييييييييييي , انا اقبل منك أي حاجة الا اهانة اميييييييييييييي , والكلام ده تحطيه في دماغك كويس اوي لاني مش هعيده تااااااااااااااااني , مش انا الراجل اللي مراته تهين امه ولا تمسها بمجرد كلممممممممممة , واتفضلي يلا قدامي عشان ترحبي بيهاااااااااااااا, وبطلي تبصيلي باستغراب كدة زي ما تكوني مصدومة

اهئ اهئئئئئئ انا حقيقي مصدومة صدمات كبيرة اهئ اهئئئئئئئئ انا تعمل فيا كدة يا صاصو عشان خاطر مامتك !!!!!!!!!!!

يلا يا نسريييييييييين اتفضلي قدامي قولتلك عشان ترحبي بيها

اووووووووووف , لالالالالالالالالالالا , مش هقابلهاااااااااااا , اتفضل بقى انت اخرج قابلها لووووووووووحدك

كدة يا نسرين !!!!!! على العموم ماشي , بس خليكي فاكرة كويس الموقف السخيف ده

*
*
*

مممممممم اهلا يا امي يا حبيبتي منورة

ههه شكرا يا حبيبي , اومال فين عروستك عشان اديها هديتها

أأأأأ اصل اصل نسرين نايمة ومش قادرة تفتح عنيها خالص , أأأأأ تشربي ايه يا امي

ههه ولا حاجة يا حبيبي , متشكرة جدا , اتفضل الخاتم الدهب ده هدية لعروستك , انا هروح ابارك لهاني عن اذنك

يا امي طب استني اشربي حاجة ارجوك ِ

معلش يا حبيبي , يادوب اروح ابارك لاخوك وانزل انام شوية لحد العصر , شوية النوم دول اللي بيساعدوني على قيام الليل والله , عن اذنك يا حبيبي وسلم على عروستك

الله يسلمك يا امي , شرفتيني والله يا حبيبتي

*
*
*
*

ااااااه ياني , ارن جرس شقة هاني

ترررررررررررررررررررررررررررن ترررررررررررررررررررررررررررررررررررررررررررررررررررررررررررررررررررن

يا خبر يا هاااااااااااااني يا دي المصيبة حد بيخبططططططططططططط هيشفوني يا هاني هيشفونييييييييييييييي اوعى تفتح لتفضححححححححححححح

هههههههههههههههههههههههههههه ايه يارشا , انتِ ناسية انك مراتي ولا اييييييييه ! فضيحة ايه يا روحي !

يا هاني مش شايفني لابسة البيجاما بتاعتك يا هاااااااني اهئ اهئئئئئئئئئئئ بقالي يومين ببدل في بيجاماتك وماما مش هاين عليها تيجي تجيبلي هدومي اهئ اهئئئئئئئئئئئئئئئ

ههههههههههههههههههههههههههههه طب استخبي انتِ جوا لحد يشوفك ههههههههههههههههههههههههههههه

طب استنى اوعى تفتح قبل ما اجررررررررررررررررررررررري

ايه ده , ماحدش فتح ليه !!!!!!! وادي كمان رنة , ترررررررررررررررررررررررررررررررررررررررررن

مييييييييييييييييين

انا ماما يا هاني افتح

هههههه اميييييييييييييييي ايه الرضا السامي ده يا مولاتي هههههههههه

ههههه يا ولد يا بكاش

منورة والله يا امي ههههه امووووووووووه

هههه نورك وانت وعروستك يا حضرة الظابط , قولت اجي اباركلكو واعمل الواجب

طول عمرك صاحبة واجب والله يا قمر انتِ , اتفضلي يا حبيبي اتفضلي في الصالون

شكرا يا حبيبي , يا ترى عروستك صاحية ولا نايمة

اأأأأأأأ الحقيقة ممممممم اقول ايه بس ههههه الا لو امي شافتها ببجامتي هههههههه

بتكلم نفسك وبتضحك على ايه يا ولد ! هي العروسة لحقت لحست عقلك ولا ايه هههههههه

ههههههههههههه ارضي علية يا امي عشان ارجع لعقلي

ربنا يرضى علينا كلنا يا حبيبي , هاتلي عروستك عشان اباركلها

هههههه حاضر يا امي , عن اذنك

اذنك معاك يا حبيبي

تن تن تن رشاااااااااا افتحي يا رشااااا

مين يا هاني ؟؟؟؟؟؟؟

هههههه ومالك فاتحة الباب ربع فتحة ومطلعة دماغك بس كدة ! ما تخافيش دي امي برا وعايزة تباركلك هههههههه

اهئ اهئئئئئئئ يادي المصيبة اهئ اهئئئئئئئ يا دي الفضااااااااااااااايح اوريها وشي ازاااااااااااااااااي انا في كارثة يا هااااااااااااني اهئ اهئئئئئئئئئئئئئئئ الله يسامحك يا مامااااااااااااااااااااا

هههههههه يا حبيبتي ما تكبريش الموضوع , عادي جدا يعني لما تقابلي امي ببجامتي دا دليل قوي يثبت لامي انك بتحبيني اوي لدرجة انك بتلبسي هدومي هههههههههه

اهئ اهئئئئئئ ايوة يا سيدي اتريئ براحتتتتتتتتتتتتتك اهئ اهئئئئئئ ما انت لابس هدومك ودولابك ملياااااااااااااااااان اهئ اهئئئئئئئئئئئ

ههههههه حبيبتي بخاف من الحسد على فكرة

اهئ اهئئئئئ يا هاني اتصرف ارجووووووووووك اهئ اهئ مش هقدر اقابل مامتك بالمنظر ددددددددده اهئ اهئئئئئئئئئ دانا والله كنت محضرة حتة عباية تحفففففففففففففة عشان اهبل الضيوف , جبتها ب 350 جنيه ولما ماما سألتني عن تمنها قولتلها جبتها مستعملة بتلاتة جنيه ونص اهئ اهئ عشان تسبني في حالي اهئ اهئئئئئئ اقوم في الآخر اتحرم من عبايتي الفخمة واقابل الضيوف ببجاما جووووووووووووووووزي ! اهئ اهئئئئئ

ههههههههه طب خلاص انا عندي حل

اقووووووووووووووووووووووول

اروح اخبط على شقة عصام اجيبلك فستان ولا بيجاما من بتوع مراته اهو أي حاجة تقابلي بيها امي وخلاص

ايييييييييييييييييييه !!!!!!!!!!!!!!!!! انااااااااااااا البس هدوم الست نسرييييييييييييييييين !!!!!!!!! انت عايزها تحس ان ليها افضال علية ولا ايييييييييييييييييه

ههههههه حبيبتي المضطر يركب الصعب , ولا تحبي تقابلي ماما ببجامتي ويبقى شكلك بايخ

اووووووووووووووووف ما فيش حل غير اللي انت قولت عليه , بسسس مممممم يا ريت تقول لاخوك اني عايزة الهدوم دي عشان اجيب هدية زيها لواحدة غلبانة , ما تقولش اني هلبسهمممممممممممم

ههههههه حاضر يا ستي , شحاتة والاطة ههههههه هعدي على امي في الصالون اقولها انك بتلبسي عشان ما تقلقش

*
*

امييييييييي رشا بتلبس وجاية على طول

على راحتها يا حبيبي

*
*
*
*

وبعدين بقى يا صاصو ! انت هتفضل زعلان مني كدة كتير !

اووووووف اللي انتِ عملتيه ده غلط كبير يا نسريييييييين , تفتكري انتِ هيكون ايه موقفك لو باباكِ ومامتك جم وانا رفضت اقابلهمممممممممم

اووووووووف صاصو من فضلك انا مش اتعودت حد يديني اوامر , وبحب اعمل كل حاجة انا عايزاهاااااااا وكفاية بقى كلامك الرزل ده عشان انا اصلا مخنوقة عشان لسة روكي وكيتي وساندي مش جم من عند مامي اهئ اهئئئئئئئ

يا شيخة ان شالله ما جم , فلقتيني بقططك وكلابك

بتقول حاجة يا صاصو

بقول انا مخنوووووووووووووق وهروح اقعد في البلاكونة اشم هوااااااااااااااااا

*
*

ترررررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررررررررن

مين بيرن الجرس يا صاصووووووو

هشوف اهو , ميييييييييييين

انا هاني يا عصام افتح

هاني !!!!!!! اهلا يا هاني اتفضل

لا يا سيدي ما فيش وقت , روح هاتلي حاجة من دولاب مراتك أي فستان او عباية

عباية ! ههههههههه دي ما بتلبسش عبايات

اقصد يعني عباية استقبال ضيوف زي باقي العرايس ما بيلبسوا

لالالالالالالالا مش نسرين مراتي , ممكن اجيب بيجاما , بس ليه يعني ولمين ؟

هيكون لمين يعني ! لرشا مراتي

هههههههههههههههه ايه يا ابني حكايتكو !!!!!!!! انتو لا عندكو لا اكل ولا هدوم !!!!!!!!!

ههههههههههههههههه لله يا محسنين , من قدم شيء بيداه يلقااااااااااااه وهنيالك يا فاعل الخير والثواب ههههههه اصل مامتها نسيت تجيبلها الهدوم بتاعتها وامي جوا ورشا مش عارفة تقابلها لانها لابسة بيجامتي هههه

هههههههههه طب بس بس يا شحات افندي والا نسرين هتسمعك وتصدق انكو شحاتين بجد ههههه عن اذنك هروح استأذنها

*
*

نسرييييييييييين

ممممممممم

من فضلك يا حياتي عايز بيجاما او تريننج من بتوعك

ايه !!!!!!!!!!!!!!!!! ليه وعشان ميييييييييين

هههه لرشا مرات هاني عشان لسة هدومها ما وصلتش من بيت باباها

ايه ده بقى !!!!! هما الناس دول بقى كل شوية يخبطوا وياخدوا اكلنا وهدومنا !!!!!!!!!! انا قولت دول شحاتين اصلا وانت مش صدقتني يا صاصووووووو

معلش يا روحي , اديني بقى بسرعة أي حاجة عشان رشا تقابل بيها امي

هههههههههههههههههههههه هي هتلبس الهدوم بتاعتي قدام مامتك ؟

ايوة طبعا

ممممممممم طيب طيب يا صاصو , هجيبلك اهو بيجاما روز تجنننننننن من دولابي وهلبس انا كمان عشان اروح اسلم على مامتك عند اخوك واذل رشا الشحاتة شوية ههههههههههههههههههههه

يا شيخة اعقليلنا بقى شوية بلاش شغل الستات الفارغ ددددددددددده

خد خد البيجاما ومش ليك دعوة يا صاصوووووووووو

*
*
*
*

خدي يا رشا البسي بسرعة بقى اتأخرنا على اميييييييييييي

هات هاااااااااااات

*
*

هههه منوراني يا ست الحبايب

مممم هفضل مستنية عروستك كتير يا هاني ؟

هههه انتِ عارفة بقى العرايس يحبوا يقفوا كتير قدام المرايا , على ما تشربي حاجة تكون لبست وجت ترحب بيكِ , تشربي ايه يا امي

ولا حاجة يا هاني مالوش لزوم , يادوب اسلم عليها واباركلها وانزل على طول عشان عايزة انام شوية قبل العصر

ههههه دعواتك لينا يا ست الكل

ربنا يصلح حالكو يا ابني

اهي رشا جاية اهيه

صباح الخير يا طنطططططططط

ههه وعليكم السلام يا حبيبتي , مبروك يا رشا

ههه الله يبارك في حضرتك , ايه ده , هو هاني ما قدمش لحضرتك حاجة !!!!!! طب انا هقوم اجيب حاجة تشربيها

لالالالالا ما فيش داعي يا بنتي , انا جيت ابارك واجيبلك هديتك وامشي على طول , اتفضلي الخاتم الدهب ده ويارب ذوقي يعجبك

ههههه ميرسي اوي يا طنط , امممممم رااااائع ههههه ذوق حضرتك حقيقي شيك ورقيق اوي

ههه اشكرك يا حبيبتي , طب استأذن انا بقى يا ولاد

لالالالالالالا امي ارجوك خليكِ شوية , والله وحشاني

ههههه يا ابني هو انا جاية من بلد تانية ! لما اوحشك انزل الدور اللي تحتيك ورن علية الجرس هفتحلك يا حضرة الظابط

هههه ما بشبعش منك اعمل ايه يعني

هههه الله يكرمك يا ابني

ترررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررن

الظاهر في ضيوف جايالكو

طب عن اذنك يا امي هروح افتح

*
*

ميييييين

افتح يا هاني انا عصام ومعايا نسرين

ههههههه اهلا وسهلا , امي في الصالون مع رشا اتفضلوا

ههههههه يلا يا صاصو عشان نروح نسلم على مامتك واشوف البيجاما على رشا ههههههه

اووووووووووف والله العظيم ما شوفت هيافة اكتر من كدددددددددددددة

*
*

يا خبررررررررر ايه اللي جابها دددددددددي اهئ اهئئئئئئئئئ ياربي بقىىىىىىىىىى هتقعد تذل فياااااااااا

هاااااااااااااااااااي ههههههههههههه ازيك يا طانطيييييييييييييي

اهلا يا نسرين , يعني صحيتي !

هههههههه صحيت مخصوصي عشان اسلم عليكِ واقولك هاااااااااااااااي

وعليكم السلام ورحمة الله , اه يااااااااااني

هههههههههههههههههههههههههه واوووووووووووو رشااااااااا ازيك يا روحي وحشاني كتير

شكرا

ههههههههههههههههه حلوة حلوة اوي اوي اوووووووووووي البيجاما الروز دي , يا ترى اشتريتيها منين وبكام ؟ ههههههههههههههههههههههه

بقولك اييييييييييييه استظراف مش عايزززززززززززززة ما تخلنيش اقلعها وارميها في خلقتتتتتتتتتتتتتك

هههههههههههههه لو شطورة اعمليهاااااااااااا هههههههه بس يا حرام هتقعدي من غير هدومات , خلاص خلاص خليكِ بيها , مامتي قالتلي مساعدة الفقراء والعريانين والجعانين دي حاجة لذيذة اوي , عشان كدة انا بعتتلك اكل وهدومات من عندي ههههههههههههههه

اووووووووووووووووووف

في ايه يا بنات ! انا مش فاهمة حاجة


مافيش حاجة يا طنط , ناس بتحب تستظرف بس دمهم تقيل اوووووووووووووي

هههههههههه ميرسي يا سافلتي , قوليلي يا طنط ايه رأيك في البيجاما اللي لابساها رشا ؟

والله يا بنتي اللي اعرفه واللي ديني علمهولي اني ما البسش غير الحجاب قدام الرجالة الاغراب , ورشا خلت عصام اخو جوزها يشوفها وهي لابسة بيجاما وكمان كاشفة شعرها زي حضرتك بالظبط , يا بنات الحجاب فرض يا بناااااات الله يهديكو

ييييييييييييي وانتي هتديلنا خطبة الجمعة يا طانطي ! ههههههههه خلينا في البيجاما التري تري شيك دي

تررررررررررررررررررررررررررررررررررررررررررررررن تررررررررررررررررررررررررررررررررررررررررررررررن

جرس الباب بيرن يارب تكون ماما يااااااااااااااااارب اهئ اهئئئئئئئئئ عايزة هدومي ياربي انا اتذليييييييييييييت

*
*

ميييييييييييييييييين

انا عمك عبد المجيد ومعايا حماتك ودعااااااااااء

اهلا وسهلا يا جماعة اتفضلوا , ازيك يا طنط ازيك يا دعاء

هههه ازيك يا هاني يا جوز بنتي

مبروك يا هاني هههههه

الله يبارك فيكِ يا دعاء عقبالك هههه

ههههه, اتفضل يا سيدي علبة الجاتوه دي جبتهالك انت ورشا

هههههههه بس دي كبيرة اوي يا عمي

يا سيدي ما فيش حاجة كتير عليك انت ورشا , دول دستتين جاتوه من المحل اللي رشا بتحبه , وصيت عليه وجالي على البيت

هههههه شكرا يا عمي , اتفضلوا , والدتي في الصالون مع عصام ومراته ورشا جايه تجري عليكو اهيييييييه هههههههه

ماماااااااااااااااااااااااااا هدومي فييييييييييييييين

ااااااااااااااااخ

ايييييييييييه !!!!!!!!!!! اوعي تقولي نسيتيها

ههههه نسيتها برا الشقة , هاتهالها يا هاني

هههههه من عنيا , روحي انتي اوضة النوم وانا هجيبلك شنطة الكنز اللي امك كانت مخباياها هههههههه

*
*

ازيك يا عصام يا ابني

الله يخليك يا عمي عبد المجيد

ازيك يا عروسة ههههه

ههه فاين انكل , ازيكِ يا طنط احسان

اهلا يا روحي , ازي مامتك , جت زارتك ولا لسة

مامتي هتيجي النهاردة وتجيبلي روكي وكيتي وساندي

ودول يطلعوا مين يا روحي !

يبقوا اخواتها يا ماما ههههههههههههههه

طب بس اسكتي ساكتة , اصلا اصلا روكي لو شافك هيمتنع اسبوع عن الاكل بسبب تقل دماتك

اهلا وسهلا يا حاجة ام عصام , والله مسرورين جدا اننا شوفنا حضرتك النهاردة

اشكرك يا استاذ عبد المجيد , جزاك الله خيرا

ولو اننا زعلانين منك خالص يا مدام امينة عشان ما جيتيش فرح الولاد

وانا اظن برضو ان هاني وصلكو وجهة نظري يا مدام احسان , ممممم معلش يا جماعة مضطرة استأذن

ليه بس كدة يا حاجة ام عصام ! انتي هتطبقي المقولة بتاعة اذا حضر الشياطين ذهبت الملائكة ولا ايه ! هههه

العفو يا استاذ عبد المجيد , في الحقيقة والله انا كنت نازلة من بدري بس قعدت عشان ارحب بيكو , عقبالك يا دعاء يا حبيبتي

ههه شكرا يا طنط امينة

اديني غيرت هدومي , اما اخد البيجاما المؤرفة دي وارميها في وش الست نسرين

انا جيييييييييييت ههههههههه نسرين خدي بيجامتتتتتتتتتتتتتتتتتتتتك اديني حدفتها في وشك

ايه قلة الذوق ددددددددي ! شوفت يا صاصوووووووو , ادي اخرة اللي يساعد الشحاتين ههههههههه

بس بقى بسسسسسسسسس ايه ده

*
*

ههههه شوفت يا هاني بابا وماما جابولي جاتوه غالي جدااااااااااااا

ههههه طبعا ياروحي ما انتو بيت كرم هههههه

رشا

نعم يا بابا

روحي يا حبيبتي افتحي علبة الجاتوه وقدمي للضيوف

حاضر يا بابا

انا هاجي معاكِ يارشا يا اختي

اقعدي يا بنت انتي وهيييييييييييي رايحين فييييييييين , ال واحدة تقول حاضر والتانية تقول انا جاية معاكِ يارشاااااااا , اقعدي يا بنت انتِ وهيييييييييييي

ههههههههه جرا ايه يا طنط ! هو حضرتك هتاخدي علبة الجاتوه تاني وانتِ مروحة !!!!!!!!!

لا يا هاني , بس يا حبيبي احنا جايبين الجاتوه ليك انت ورشا بس , انتو عرسان ومن حقكو تتغذوا كويس

جرا ايه يا احسااااااااااااان , وفيها ايه لما تقدم من الجاتوه للضيوووووووووووووف

انا مش عايزة جاتوه يا عبد المجييييييييييييد

يا ستي ان شالله ما عوزتيييييييييييي , احنا عايزيييييييييييين

يوووووووووووه يا اخي ما انت كلت في الفرح , هي شغلانة !!!!!!!!!! يلا نقوم نمشييييييييييييي

هههههههه ما انتِ قاعدة يا طنط

لالالالالالالالا يلا يا عبد المجيد يلا يا دعاااااااااااء

وانا كمان هاخد نسرين ونروح شقتنا

طيب يا جماعة شرفتونا كلكو ههههههه

*
*
*

يااااااااااااااااه اخيرا الضيوف مشيو يا جميل هههههههههههههه

هههههه

انما قوليلي ايه العباية التحفة دي

ههههههه مش قولتلك هتعجبك يا هاني

هههه طيب انا هروح افتح علبة الجاتوه الغالية جدااااااااا اللي باباكِ ومامتك جابوها واحط حتتين ليا وحتتين ليكِ مع فنجانين شاي من ايد هاني حبيبك ههههه بس ما تاخديش على كدة , انا بدلعك عشان انتِ عروسة بس

هههههههه ميرسي يا هاني يا حبيبي

*
*
*

ايه ددددددددددددده معقوووووووووووووووووووول ! علبة الجاتوه الكبيرة اوي ددددددي فيها حتتين جاتوه بس !!!!!!!!!!!!!!!! هههههههههههههههههههههه دي رشا هتتكبس كبسة محترمة ,رشاااااااااااااااااااااااااااا هههههههههههههههههههههههه

نعم يا حبيبيييييييييييييييييي

تعالي هنا عايزك تشيلي معايا علبة الجاتوه لحسن الجاتوه كتير اوي وخايف اقع بالعلبة هههههههههههه

ههههههههه ماشي يا حبيبي , عشان تعرف بس ماما لما تهادي تهادي بأيه , عشان تبطل تتهمها بالبخخخخخخخخخخخخل

ههههههههههههههههههه خليكي واقفة على بابا المطبخ يا روحي وغمضي عنيكي يا عقلي وانا هاجي اخدك وامسك ايدك لحد ما نوصل لعلبة الجاتوه وهفتح العلبة قدامك كدة مرة واحدة واقولك فتحي وشوفي الاشكال والالوان للجاتوه اللي تخلي الواحد يحتار يختار ايه ولا ايه ولا ايييييييييييييييه

ههههههه اديني غمضت اهو هههههههه شوقتني لمنظر الجاتوه هههههههههههه

هههههه يلا تعالي يلا خطوة خطوة خطوة خطوة يا حلووووووووة يلا يا قمر ادينا وقفنا قدام علبة الجاتوه , واديني فتحتها , فتحي عنيكي بقى هههههههههههه

هههههههه اديني ففففف هااااااااا ايه دددددددده !!!!!!!! حتتين جاتوه بسسسسسسسس ! فين باقي دستتين الجاتوه يا هاني !!!!!!!!!!!!

ههههههههههه اٍسألي مامتك ياروح هاني ههههههههههه وانا اللي كنت فاكر ان رشاقتك دي سببها انك محافظة على قوامك لكن اتضح انها بسبب الجوع اللي امك مجوعهولك هههههههههههههههههههههههههههههههههههههههههههههه

اهئ اهئ اهئئئئئئئئئئئئئئئئ اه يا ني يا ماميييييييييييي اهئ اهئئئئئئئئئئئئئئئئئئئئئئئئئئئئئ طب والله لاقول لبابا عليها اهئ اهئئئئئئئئئئئئئئئئ ماشي يا ماما ماشييييييييييييييييي اهئ اهئئئئئئئئئئئئئئئئئئئئئ

ههههههههههههههههههههههههههه لا حول ولا قوة الا بالله , ربنا يكفينا شر البخل والبخلاء اللهم آمين

*
*
*

تررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررن

ايه ده , دا مين اللي مستنينا نوصل شقتنا عشان يتصل بينا ده ! رد ع التليفون يا عبد المجيد

ماشي يا ستي

الووووووووو

اهئ اهئئئئئئئئ شوفت يا بابا اللي ماما عملته ؟؟؟؟؟؟؟؟؟ اهئ اهئئئئئئئئئ

ايه ده ! مالك يارشا

اهئ اهئئئئئئئئئئ حضرتك جبتلي اد ايه جاتوه

دستتين والله يا بنتي , هما ما كفّوش ؟ ابعت اجيبلك تاني عشان تقدمي للضيوف ؟

اهئ اهئ يا بابا هاني فتح العلبة لقى حتتين بسسسسسسسسس وبقى شكلي قدامه وحش جدااااااا اهئ اهئ حرام والله اللي ماما بتعمله ده اهئ اهئئئئئئئئئئئئئئئئئئئئ

حتتين !!!!!!!!!!!!!!!!!!!!!!!!!! طب اقفلي يا رشا , احسااااااااااااااااااااااااااااااااااااان

ايه يا عبد المجيد , في ايه ؟؟؟؟؟؟؟؟؟

الجاتوه اللي جبته لرشا فييييييييييييييييييين

سلامة عقلك يا عبد المجيد , ما احنا ودناهولهاااااااااااا

بقولك ايه يا احساااااااااااان , ما تخلنيش افقد اعصاااااااابي , انا جايب دستتين للبنت , لما جوزها فتح العلبة لقى حتتين بسسسسسسسسسس , عايز اعرف الاتنين وعشرين حتة الباقين راحوا فييييييييييييييييييييييييييين

بعتهم يا عبد المجيد

نعممممممممممممممممممممممم , بعتيهم لمييييييييييييييييييييين

لقيت مدام وفاء جارتنا جاية تبارك وقالتلي فين الجاتوه والحاجة الساقعة , قولتلها انتِ جاية تباركي ولا جاية تاكلي !!!!!!!!!!!!

قالتلي مش اللي يبارك تقدموله جاتوه !

قولتلها ما عندناش غير اللي شرينه لرشا , هناخدلها حتتين على قدها هي وجوزها ولو عايزة الباقي اشتريهم وهدهوملك ارخص من المحل ربع جنيه

قالتلي ماشي , عشان نفسي في الجاتوه اوي وبتوحم عليه , روحت بعتيلها الاتنين والعشرين حتة , وقولت اشيل فلوسهم ينفعونا في جهاز دعاء

يا ررررررررررررررررررررررررررررررررررررررب , يا شيخة حرام عليييييكِ انتِ فاضحانا مع البنت وجوزها وكمان الضيوف تفضحينا معاهم وبدل ما تضايفيهم تبعيلهم الجاتووووووووووووووووه

انت بتزعق ليه يا عبد المجيييييييييد ! دا بدل ما تشكرنييييييييييييييييييي

استغفر الله العظييييييييييييييم , امشي من وشي الساعة دي يا احساااااااااااااااااان

والله رجالة ما عايزين الا اللي يمص دمهم وما يخلي وراهم لا ابيض ولا اسوووووووووووود , الست اللي تخاف ع القرش ما تفعش معاكووووووووو , زي القطط ما تحبوش الا خنّاقكووووووووووو , انا داخلة اووووووووووضتي

*
*
*
*
*
*
*
*

صباح الخير يا ست سعاد

صباح الزفتتتتتتتتتتتت اوعي من خلقتي الساعة دي

يا حفيظ يارب , باين كدة حصل مشكلة كبيرة بينها وبين عادل بيه مممم واني مالي اني , هي اللي بتجيبه لروحها

ست اوسااااااا انتي ما روحتيش المدرسة ليه

وانت مااااااااااااااااالك , نروحوا ولا منرحوش دخلك ايييييييييييه

طيب يا ست اوسا , اني هنروحوا نحضرولك الفطار

مش عايزة نطفححححححح اوعي من وشيييييييي , ماماااااااااااا

يووووووووووه عايزة ايه يا اوسا انتي كماااااااااااااان

اني ما روحتش المدرسة عشان الناظرة قالتلي ما تجيش الا بولي امرك

ييييييييييييي , يا ابنتي اني ريقالك ولا رايقة للناظرة بتاعتككككككك , سيبيني في حالي يا بت , سيبينيييييي الزفت التليفون فين , عايزة نكلم توحاااااااااااااا

ترررررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررن

الووووووو

الحقيني يا توحا اهئ اهئئئئئئئ الحقيني يختي

يا حبيبتي ! مالك يا سعاااااااااااد , العيال جرالهم حاجة , انتِ كويسسسسسسسسة ؟؟؟؟؟؟؟؟؟

اهئ اهئئئئئ عادل يختي عرف اني عملتله سحر عشان يطلق الزفتة اللي اسمها اشجاااااااان وجه من القاهرة بهدلني وضربني وخد هدومه ومَشَى اهئ اهئئئئئئئئئئ

اخص عليه اخصصصصصصصصصص قطع ايده اللي اتمدت عليييييييييكِ دي اخرتهااااااااا , يضربك ! طيب يا عااااااااااادل , جوزك ده يا سعاد جنس نمرود ما يتمرش فيه , بقى يضربك عشان حتة بت ولا تسوى ضوفر رجلك !!!!!!!!!! ما تزعليش نفسك يختي , وده راح فين ان شاء الله ؟؟؟؟؟؟؟؟؟؟؟

راح شقة زيزنيا اللي اتجوز فيها السنيورة

يا لهوي ! يكونش يا بت جابها معاه وعشان كدة راح يعيش معاها ورماكي انت والعيال على طول دراعه ؟؟؟؟؟؟؟؟

يا مصيبتي !!!!!!!!! لالالالالالا معقول يا توحا يكون جابها من القاهرة عشان كدة باعني واشتراهااااااااااا

على العموم ما تخافيش اني هنبعت الولا سامي يروح يراقب الجو كدة من بعيد لبعيد ويشوف ايه اللي بيحصل

اهئ اهئ يختي هو اني لسة هنراقب ونستنى اهئ اهئ اني جوزي بيضيع مني يا توحااااااااا اهئ اهئئئئئئئئئئئئئئ

طب بس اهدي يا سعاد , مش قدامك غير انك تجري معاه ناعم , اني مش عايزاه يطلقك ويرميكي وساعتها تبقى السنيورة هي الكل في الكل ويطردوكِ من الفيلا اللي انتِ بانياها طوبة طوبة وتيجي اشجان تقعد فيها وتتحكم هي والعيل الجديد

يختي ما تجبيش سيرتها اهئ اهئئئئئئئئئ ان شالله ما توعى تولد ولا تقوم منهاااااااا , نار بتاكل في قلبي يختي , هنموتوا من الغيظ والفرسسسسسسسسسة , اخص عليك يا عادل الف اخصصصصصص , اني هنقوم نلبس ونرحوله ع المينا اهئ اهئئئئئئئئ

ياعيني عليكِ يختي وع الذل اللي بيذلهولك , لكن معلش الصبر حلو يختي , طاطي للريح لحد ما تعدي , صبرك بالله بكرة العيال تكبر وشوكتهم تقوى وساعتها ما حدش هيقدر يقف في وشك ولا وشهمممممممممم , ساعتها يقفوا في وش ابوهم ويكتب لهم كل حاجة والبت اللي اسمها اشجان واللي هتولده يروحوا في ستين داهية لا اهل ولا سنددددددد

امتى يختي امتىىىىىىىىىىىىى , امتى اذل اشجان واشوفها وهي متبهدلة هي وابنها ولا بنتهااااا وولادي هما الكل في الكلللللل , الصبر طيب الصبر طيب يا اشجان انتي وعااااااااادل , عن اذنك اني هنروحوا لعادل ع المينا يمكن يلين ويرجع معايا

طيب يا سعاد , ابقي طمنيني يختي

*
*
*
*
*

نركنوا العربية نطلعوا لسي عادل اللي دوقني الذل والمرار , ااااااااخ ياني

ازيك يا موردي

اهلا اهلا اهلا بست الكللللللل ههههه ازيك يا ست سعاد وازي العيال

بخير يا موردي , عادل جوا

ايوة جوا , عن اذنك هنديلوه خبر

طيب يا موردي

*
*

عادل بيه

عايز ايه يا موردي

الست سعاد برا عايزة تقابلك

قولها مش فاضي مش فاضييييييييي خليها تمشييييييييييييييي

كدة برضو يا عادل !!!!!!! مش عايز تشوفني !!!!!!!!! وهان عليك تنطقها يا جدع !!!!!!! هههه

اخرج انت يا موردي , وقول للعتالين يعملولهم همممممممممممممة واني نازل اشرف ع الشغل بنفسي

حاضر يا عادل بيه , عن اذنك يا ست سعاد

اذنك معاك يا موردي , إيييييييييييييه وادي قعدة

بنقولولك ايه يا سعاد , اني مش فاضي وده مكان شغل , ومن الآخر مش عايز نتكلم معاكِ في حاجة ولا طايق نسمع منك حااااااااااااجة

يا سلااااااااااام ! وليه دا كككككله ! عشان اييييييييييه ! خلاص كفة ميزانها طبت في قلبك ورميت طوبتي

يووووووووووووووووووو , اتفضلي قدامي بالذوووووووووووق تركبي عربيتك من سكات وتسيبي المينا حالاااااااااا وإلا يمين بالله لنخلوكي فرجة قدام العتالييييييييييييييييين

بقى كدة !!!!!!!! طيب يا عادل , اني هنصبروا عشان عارفة ان قلبك طيب ومش هتقدر على فراقي اني والعيال , بالإذن يا عادل

اووووووووووووووف اعوذ بالله

—————————————————–

ونكمل في الحلقة العشرون  .. إلى اللقاء في الحلقة العشرون

بقلم الكاتبة: هبة نور

 

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *