مسلسل أحبك أبي … ولكن “الحلقة السابعة”

الحلقة السابعة

تغريد قامت وهى حزينة وطلعت الجنينه وقاعدت تتمشى شويه وحازم واقف من بعيد بيراقبها وشويه وقاعدت على تربيزه فى وسط الجنينه

 

شويه وقرب عليها حازم

 

حازم  بابتسامه : قاعده لوحدك ايه

 

وبيبص لتغريد لقى دموعها

 

تغريد مسحت دموعها بسرعه وفضلت ساكته

 

حازم : هو انا كل ما اشوفك الاقيكى زعلانه

 

تغريد : ده العادى انا اتعودت عليه ….بقينا اصحاب

 

حازم : بس انا عاوز اسعدك ….عاوز اشوف ابتسامتك ولماضتك بتاع زمان

 

تغريد بتنهيده : قول للزمان ارجع يا زمان

 

وسكتو هم الا تنين

 

وبعد شويه عشان حازم يكسر السكوت

 

حازم : مبروك لتامر ….كبر اهوه وبقى عريس

 

تغريد بابتسامه حزينه : الله  يبارك فيك …..ربنا يسعده يارب

 

حازم : ويسعدك انتى كمان ….وعقبالك

 

تغريد بتبصله بتحدى : قولتلك مش هتجوز

 

حازم : متعرفيش نصيبك فين ممكن تلاقى حد يحبك وتحبيه وتتجوزى

 

تغريد وهى بتقوم من مكانها : انا مش عاوزه حد يحبنى ولا انا هاحب حد

 

وسابته ومشت وحازم فضل قاعد سرحان وبعد حوالى ساعه فاق من سرحانه وتفكيره ودخل لباباه ومامته

 

حازم وهو بيبص حواليه : هم فين ؟؟

 

ناديه : لسه فاكر …..روحوا

 

حازم : بدرى كده

 

عبد السلام : تامر قال انه تعبان من السفر وعاوز يرتاح شويه

 

حازم وهو بيقعد جانب باباه : اها ……طب يلا كمل بقى

 

عبد السلام : اكمل ايه

 

حازم : تغريد عملت ايه مع باباها وخطيبها؟؟

 

عبد السلام : انت مهتم اوى بالموضوع ده ليه

 

حازم : يلا بقى يا بابا قولى عملت ايه

 

عبد السلام : طيب …….تغريد طبعا كانت محتاره اوى ومش عارفه تقول لحد وتاخد رايه عشان شكل باباها قدم الناس وفى نفس الوقت هى

دماغها وتفكرها كان مشلول ومش عارفه تفكر هتعمل ايه

 

فلاش باك

تغريد قاعده على سريرها حزينه ومش عارفه تفكر فى اى حاجه وشويه ولقت موبيلها بيرن

 

تغريد بصوت حزين : السلام عليكم

 

يحيى : وعليكم لسلام

 

تغريد : ازيك يا يحيى اخبارك ايه

 

يحيى : الحمد لله …..انا بس محبتشى اخلف وعدى بانى لازم اكلمك كل يوم قبل ما انام مهما كنا زعلانين ….انا هقفل بقى عشان مضايقيش اكتر

من كده

 

تغريد : يحيى استنى ….انا اسفه بجد اسفه …..متزعلشى منى

 

يحيى : انا بس عاوز افهم فى ايه

 

تغريد : مفيش مضايقه شويه

 

يحيى : من ايه احكيلى …….هتخبى عليا

 

تغريد ساكته بتفكر مش عارفه تقوله ايه ولا ازاى بس هى محتاجه تتكلم مع حد

تغريد : اصل …….. واحده صحبتى …..واحده صحبتى كان عندها مشكله وحكتهالى فاضيقت عشانها

 

يحيى : مشكله ايه احكيلى ممكن نلاقى حل

 

تغريد : اصل هى اكتشفت ان باباها بيخون مامتها …..وهى مخطوبه بس مش عاوزه تقول لخطبها عشان شكل باباها وكده

 

…..بس هى مخنوقه اوى وخايفه تفقد الثقه فى الناس وفى خطبها …….انت فاهمنى

 

 

يحيى : هى فعلا مشكله ……بس انا شايف انها تقول لخطبها وهو لو بيحبها هيقف جانبها ويحاول معاها يحلو الموضوع قبل ما مامتها ما تعرف

 

وتحصل مشكله كبيره وكمان مينفعشى تفقد الثقه فى خطبها لان صوابعك مش زى بعضيها وبعدين ممكن اصلا هى فهمه الموضوع غلط وباباها

 

مش بيعمل حاجه غلط

 

 

تغريد : ازاى يعنى ؟؟

 

يحيى : يعنى ممكن تكون صديقه ليه مش بيحبها يعنى بيكلمها عادى زمالته فالشغل مثلا

 

تغريد : لاء هى متاكده ان فى حاجه بينهم

 

يحيى : اممممم طب متروح تكلم باباها وتشوف ايه الموضوع

 

تغريد : لاء طبعا استحاله ……هى بتحب باباهااوى ومش هتقدر تشوفه كده ولا تكلمه فى موضوع زى ده ……..هيبقى صعب اوى عليها

 

يحيى : خلاص انا من رائى تكلم خطبها وعشان كمان تتاكد من حبه ليها وان مهما حصل هيقف جانبها

 

تغريد : متاكد ؟؟

 

يحيى : انا شايف ان هو ده الصح

 

تغريد سكتت شويه

 

تغريد : يحيى

 

يحيى : ايوه يا روحى

 

تغريد : المشكله دى مش مشكله صحبتى ………..المشكله دى مشكلتى انا

 

يحيى سكوت

 

تغريد بدموع : انهارده بعد ما قفلت معاك قومت عشان اجيب البحث من الكمبيوتر بتاع المكتب شوفت حاجات

ضايقتنى وعشان كده انا اتصرفت معاك

 

كده كنت مصدومه ودماغى مشلوله

 

يحيى سكووووووووووت

 

تغريد : يحيى مش بترد عليه ليه

 

يحيى بصدمه : هقول ايه ؟؟

 

تغريد بعياط : مش عارفه قول اى حاجه

 

يحيى : بحــــــــــــــــبك

 

تغريد بعياط : وانا بموت فيك بس انا تعبانه اوى

 

يحيى : متتكلميش دلوقتى في الموضوع ده عشان طنط متسمعشى حاجه وتحصل مشكله …….بكره بعد المستشفى نتقابل بره ونتكلم ……ماشى

 

تغريد : ماشى

 

يحيى : تغريد انا بحبك اوى ومحبش اسمعك بتعيطى تانى ماشى ومتشليش هم حاجه انا معاكى وهنحل المشكله ان شاء الله

 

تغريد وهى بتمسح دموعها : ربنا يخليك ليا يا حبيبى

 

يحيى : ويخليكى ليا يا روح قلبى…….. يلا بقى نوم على طول ومتفكريش فى اى حاجه …..ماشى يا حبيبى

 

تغريد بابتسامه : ماشى تصبح على خير

 

يحيى : وانتى من اهل الخير …..مع السلامه

 

تغريد : يحيى

 

يحيى : نعم حبيبتى

 

تغريد : بحبك

 

يحيى : بحبك

 
وقفلت تغريد مع يحيى وهى حسه براحه بس برضه معرفتشى تنام على طول من التفكير
وتانى يوم

تغريد وهى وشها فالارض : ها هنعمل ايه ؟؟

 

يحيى : بس قبل ما نفكر ……انتى متاكده من اللى قولتيه ده ممكن يا حبيبى انتى فاهمه الموضوع غلط

 

تغريد بحزن : صدقنى متاكده ……مش عاوزه اقول تفاصيل

 

يحيى : طب ايه ريك انا اكلمه

 

تغريد : لا طبعا يحيى انا قولتلك عشان بثق فيك بس انك تظهر فالصوره لاء متنساش انه بابايا ومحبش انه يبقى محرج قدام جوز بنته مهما كان

 

هو ابويا ومهما عمل مش هشوفه بطريقه مش كويسه

 

يحيى : ماشى يا حبيبتى هاحترم رغبتك

 

وسكت يحيى شويه وهو بيفكر : طب ايه رايك تقولى لتامر وهو يتصرف مع باباكى

 

تغريد : تامر …….تامر لسه صغير ومتهور وممكن يتصرف غلط

 

يحيى : بس هو ده الصح تامر راجل وهيقدر يتكلم مع باباكى وهو لما هيعرف انكم عرفتو مش هيكمل اكيد عشان يحافظ عليكو

 

تغريد : مش عارفه بس انا هتكسف اتكلم مع تامر فى حاجه زى دى

 

يحيى وهو بيمسك ايد تغريد : معلشى يا حبيبتى لازم تحاولى عشان خاطر مامتك انا عارف ان الموضوع صعب عليكى بس لازم نتصرف قبل ما

 

الموضوع يكبر انا متاكد ان تغريد حبيبتى اقوى من اى حاجه وهقدر اعتمد عليها …………. مش كده

 

تغريد بحب : ماشى يا يحيى …..وربنا يسهل

 

ونرجع للواقع

 

حازم : وهى فعلا قالت لتامر

 

عبد السلام : اه …………..بس المشكله اتعقدت قبل ما تامر يتصرف

 

حازم : اززززززاى

 

———–———-———————-————

ونكمل في الحلقة الثامنة .. الى اللقاء في الحلقة الثامنة

بقلم الكاتبة :ريم أحمد

 

 

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *