مسلسل أحبك أبي … ولكن “الحلقة الثالثة عشر”

2015-10-05_124255

الحلقة الثالثة عشر

حازم : ع فكره يابابا انا واقف قدام المطار من ربع ساعه

عبد السلام وهو بيبص حواليه : اه صحيح …………….اخرتنى يا شيخ حرام عليك

 

حازم : دى هيه ربع ساعه ….. متقلقشى هتلحق

 

عبد السلام : قبل منزل عاوز اسالك سؤال ؟؟

 

حازم : اتفضل

 

عبد السلام : حازم انا ملاحظ اهتمامك بتغريد ونظراتك ليها بس عاوز اتاكد من حاجه ……….اللى انت حسه ليها ده حب ولا شفقه

 

حازم بارتباك : ايه

 

عبد السلام : فكر كويس ………….لو حب اكيد هبقى مبسوط واتمسك بحبك واقف جنبها وحاول تغيرها …….بس لو شفقه ابعد عنها احسن

 

عشان هى مش هتستحمل صدمات تانيه ……….فكر ورد عليا لما ارجع من السفر

 

ونزل عبد السلام من العربيه وساب حازم فى حيرته
…………………………………………………………………………..

تانى يوم

 
حازم كان قاعد فى مكتبه وهو سرحان و بيفكر فى كلام باباه

 

“فكر كويس ………….لو حب اكيد هبقى مبسوط واتمسك بحبك واقف جنبها وحاول تغيرها …….بس لو شفقه ابعد عنها احسن عشان هى

 

مش هتستحمل صدمات تانيه ……….فكر ورد عليا لما ارجع من السفر”
حازم فاق من سرحانه ع رنت موبيله

 

 

حازم : السلام عليكم

 

اسامه : وعليك السلام ………والله انت وطى

 

حازم بابتسامه : ليه كده يا أوس

 

اسامه : فينك يا بنى الاول قولنا السفر ولما ترجع مش بشوفك برده

 

حازم : معلشى بقى انت عارف الشغل

 

اسامه : طب عاوز اشوفك انهارده …فاضى ولا ايه

 

حازم : ياعم ولو مش فاضى افضالك

 

اسامه : يا سلام ………سيبك من البكش ده

 

حازم : والله انا كمان مخنوق وعاوز اشوفك فوت عليه انهارده ع المستشفى الساعه 8 كده

 

اسامه : قشطه …….هكون عندك ان شاء الله

 

حازم : اوكى وانا هستناك ………. سلام يا اوس

 

اسامه : سلام

 

شويه والباب كان بيخبط

 

حازم : اتفضل

 

تغريد : السلام عليكم

 

حازم بفرحه انه شاف تغريد : وعليك السلام ……..ازيك يا دكتور

 

تغريد : الحمد لله

 

حازم : ايه فينك كده من الصبح

 

تغريد : انا قولت اخلص الحالات الاول واجى اشوف الشغل مع حضرتك

 

حازم : بس المفروض اول لما تيجى اشوفك الاول …….قصدى يعنى عشان لو فى شغل محتاجك فيه

 

تغريد : انا اسفه هبقى اجى لحضرتك الاول

 

حازم : ولا يهمك …….راجعى الحسابات دى عشان انا مفيش دماغ للارقام الكتيره دى

 

تغريد : حاضر …..بس

 

وهى بتبص حواليها

 

حازم : بس ايه ؟؟

 

تغريد : هقعد فين مش دكتور عبد السلام كان قال ان هيبقى فى مكتب ليه

 

حازم : اه صحيح انا نسيت ………..تعالى اقعدى هنا دلوقتى

 

وقام من مكانه

 

تغريد : وحضرتك…………

 

حازم : انا هقعد هنا قدامك اقراء البحث ده ………تعالى انتى عشان متغلطيش فالحسابات وتبقى مشكله

وفعلا قاعدت تغريد ع المكتب تشتغل وحازم كان قاعد قدامها باصص فالبحث بس مش مركز فيه وكل شويه يخطف نظره لتغريد ويرجع تانى قبل

 

متاخد بالها وهو عمال يسال نفسه ” حب ولا شفقه انا مش فاهم حاجه ومش عارف انتى عملتى فيه ايه …؟؟؟”

 
حوالى الساعه 7 تغريد خلصت شغلها وروحت وحازم فضل فالمكتب مستنى اسامه والساعه 8 اسامه جه فالميعاد وحازم خرجله ومشى معاه

 

وفى العربيه

 

اسامه : ها بقى تحب نروح فين

 

حازم : خلينا ماشين كده بالعربيه مش عاوز اقعد فى حته

 

اسامه : انت مالك ….شكلك مش طبيعى

 

حازم : ولا حاجه ……….بس عاوز اسالك سؤال محيرنى

 

اسامه : قول يا نجم

 

حازم : ايه الفرق بين الحب والشفقه ؟؟

 

اسامه : طبعا فرق كبير جدا

 

حازم : اللى هو ايه بقى يا فيلسوف

 

اسامه : احم احم ……..اقولك …..الشفقه انك تهتم بحد لظروف معينه بيمر بيها بس لما تخلص الظروف دى يقل الاهتمام بيه وميفرقشى معاكبعد

 

كده يعنى زى متقول كده حاجه وقتيه ………..اما بقى الحب ده موضوع تانى…….الحب عباره عن احاسيس كتير اوى يعنى لما تحب حد بتحس

 

انك فرحان اوى لما تشوفه لما بيضحك قلبك بينط من الفرحه ولما بيزعل قلبك بيوجعك وبيبقى كل هدفك انك تفرحه …الحب الحقيقى انك تحب حد

 

معين فى كل حالاته وطول الوقت يبقى شاغل تفكيرك وحتى لما بتنام بتحلم بيه بيبقى نفسك تخده وتخبيه جواك عشان محدش يشوفه غيرك ولا حد

 

يأذيه فى يوم الحب اهتمام وحنيه وخوف وسعاده اللى بتحبه وغيره عليه من النسمه حتى …..وبس بقى يا سيدى

 

حازم كان سرحان فى كلا اسامه ومش بيرد عليه

 

اسامه : زوووم روحت منى فين

 

حازم : اها …..مفيش بفكر فاللى بتقوله

 

اسامه بابتسامه : شكلك واقع وقعه صح

 

حازم : والله لسه مش عارف …. خلى الايام هى اللى هتبين

 

وبص حازم للبحر اللى كان نحيته على الطريق وفضل سرحان ومش بيتكلم كتير
وبعد شويه فاق حازم من سرحانه وهو بيزعق : اقف هنا يا اسامه

 

اسامه وهو بيفرمل بخضه : فى ايه ؟؟

 

حازم وهو بيبص لوراء : تغريد …….هى

 

اسامه باستغراب : تغريد مين البنت بتاع النادى

 

حازم : معلشى يا اسامه انا هنزل هنا وروح انت وهبقى اكلمك بليل …معلشى بقى سلام

 

ونزل قبل حتى ما اسامه يتكلم وهو كان مستغرب جدا من حازم وتصرفاته وبص عليه فى المرايه وهو بيكلم نفسه : هو الواد ده اتجنن ولا ايه “

 

ومشى بالعربيه

 

…………………………………………………………………………

تغريد كانت قاعده على البحر ودموعها نزله بسكوت قرب عليها حازم وشاف دموعها فكر يبعد عشان ميضايقهاش بس مقدرشى يسبها كده

 

حازم : احم احم

 

تغريد وهو بتمسح دموعها بسرعه وباستغراب : دكتور حازم

 

حازم : انا اسف انى بضايقك بس انا شوفتك قاعده لوحدك والوقت متاخر يعنى عشان محدش يضايق

 

تغريد بابتسامه : متقلقشى عليا انا شويه وهروح

 

حازم بتردد : هو انا ……..يعنى لو مش هضايقك ينفع اقعد معاكى شويه

 

تغريد باحراج : براحتك ده مكان عام اتفضل

 

قاعد حازم جانبها وكان بيبص للبحر وتغريد هى كمان فضلت ساكته وتبتص للبحر وشويه

 

حازم : ينفعل اسالك بتعيطى ليه ؟؟

 

تغريد : مفيش بس افتكرت المرحومه ماما اصل ده المكان اللى كنا بنقعد فيه سواء

 

حازم : الله يرحمها ………تغريد

 

تغريد وهى بتبصله : نعم

 

حازم : انسى اللى فات وحاولى تتصلحى مع نفسك ومع الدنيا بلاش تضيعى الحاضر والمستقبل فالماضى

 

تغريد باستغراب وضيق : وانت تعرف ايه عن اللى فات وانت اصلا مين مديك الحق انك تتكلم معايا فحياتى الشخصيه

 


———–———-———————-————

ونكمل في الحلقة الرابعة عشر .. الى اللقاء في الحلقة الرابعة عشر

بقلم الكاتبة :ريم أحمد

 

 

 

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *