مسلسل أحبك أبي … ولكن “الحلقة السادسة عشر”

2015-10-06_123319

الحلقة السادسة عشر

 

فى يوم تغريد كانت نايمه
ورجعلها الكابوس اللى دايما بتحلم بيه

 

تغريد لبسه فستان الفرح ووقعه ع الارض وبتعيط : ماما …..يا ماما

 

ويحيى وباباها مسكين مامتها وبيشدوها بعيد عنها

 

وشويه وظهر حد قرب من تغريد ومدلها ايده بس وشه ملغوش ومش ظاهر

 

تغريد بعياط : ابعد عنى انا عاوزه ماما

 

الشخص : متخافيش انا عاوز اساعدك

 

تغريد : ياماما …….يا ماما …..ابعد عنى

 

شويه والملامح ظهرت وشافت حازم واقف بابتسامه

 

حازم : متخافيش يا تغريد انا جانبك قومى معايا

 

تغريد : بس

 

حازم : ياله تعالى متخافيش ياله قومى وبطلى عياط

 

تغريد مسحت دموعها ولسه بتمد اديها عشان تمسك ايده

 

فجاااااءه

 

ظهرشبح شكل تغريد بس لابس اسود ” نفسها “

 

وشدتها بعيد عن حازم ومسكتها وهى بتزعق فيها

 

نفسها : انتى اتجنينتى ……..هتأمنى لراجل تانى

 

تغريد : ده حازم

 

نفسها : ايه يعنى حازم ……..رجل زى اى رجل …….بكره يخونك ويعذبك

 

تغريد : بس انا بحس بالامان معاه

 

نفسها : لاء طبعا ده بس بيضحك عليكى وبيمثل عشان يجرحك ويكسر قلبك تانى

 

تغريد : بس هو قالى انه بيحبنى

 

نفسها وهى بتشارو على يحيى وباباها :ودول كمان قالو انهم بيحبوكى وخانو مش كده

 

تغريد : بس انا تعبت من الوحده

 

نفسها بضحكه : انا معاكى ………وهفضل معاكى

 

حازم : تغريد متصدقيهاش دى عاوزه تحبسك جواكى ……..تغريد انتى وعدتينى

 

نفسها : بيكدب عليكى اسمعى كلامى انا

 

وبداء يبقى فى اصوات كتير صوت ضحكات الاب ويحيى وعياط الام وزعيق نفسها وصوت حازم كل الاصوات دخله فى بعضها وتغريد فالنص

 

تايهه ومحتاره

 

وغمضت عنيها وزعقت بصووت عالى : بس بقى كفايه

 

وقامت وهى مفزوعه من نومها وفى دموع على خدها

 

سها وهى بتقوم مفزوعه : تغريد فى ايه

 

تغريد بعياط : انا تعبانه اوى يا سها

 

سها وهى وخداها فى حضنها وبطبطب عليها : بس بس اهدى وهحكيلى فى ايه ………ان شاء الله خير

 

تغريد : يارب ………انا تعبت اوى ومش هقدر استحمل اكتر من كده بجد

 

سها : طب قومى اغشلى وشك وتعالى نصلى وبعدين احكيلى

 

قامو البنات صلو وقاعدو مع بعض وحكت تغريد كل حاجه مقبلتها ليحيى وكلام حازم والحلم اللى شافته
سها : تغريد انتى مش فاهمه الحلم

 

تغريد : مش عارفه بس مخوافنى

 

سها : تغريد سيبى نفسك وانسى الحزن اللى انتى عايشه فيه ده ….انتى جواكى جرح كبير اوى بس مش اللى هيداويه بعدك عن الناس لو مشيتى

 

ولا نفسك هتندمى

تغريد : بس انا خايفه ……..خايفه اوى بجد

 

سها : مش هلومك على خوفك بس جربى ….حازم حد محترم ونعرفه من زمان وانا ملاحظه من فتره حبه ليكى لما كنا عندهم

 

تغريد : بجد ……….بس انا مش عندى الثقه اللى تخلينى اسعده ..انا مدمره من جواه وهتعبه اوى معايا

 

سها : الحل انك تصلحى من نفسك اللى عاوزه تحبسك جواها دى ونسى اى حاجه وحشه حبى يا تغريد ………حبى وعيشى وانسى الكراهيه

 

تغريد : بس انا مش حمل اى صدمه تانيه

 

سها : وليه بتفرضى الوحش

 

تغريد : عشان انا مشوفتش غير الوحش

 

سها : ربنا دايما بيكتبلنا كل خير يمكن بنتوجع بس بيبقى ليها حكمه ربنا مش بيعملنا حاجه وحشه بس عندنا وتفكرنا وخوفنا هو اللى بيجبلنا

 

الوحش وانا وثقه ان ربنا هيعوضك ب ترضى بحالك وتفكرى صح وتحسنى الظن شويه بالناس

 

تغريد : ونعمه بالله ……….ربنا يهدينى للصح ……..انا هقوم انام شويه قبل منزل

 

سها : ربنا معاكى يا حبيبتى ويهديلك الحال

 

تغريد : صحيح ……….هو تامر هيجى امتى من القاهره

 

سها : المفروض انهارده …….عشان يلحق يخلص اللى وراه ……..خلاص الفرح كمان اسبوعين

 

تغريد : ربنا يسعدكم يارب ………..معلشى بجد يا سها انى مش معاكى بس انتى عارفه مشغوله فى المستشفى ازاى

 

سها : ولا يهمك ……..هو دكتور عبد السلام هيرجع امتى

 

تغريد : بكره ان شاء الله

 

سها : طب تمام ………يرجع بالسلامه

 

ودخلت تغريد نامت وحصلتها سها بعد كده

 

………………………………………………………………………….
فى المستشفى

 

حازم كان قاعد سرحان وشويه ودخلت تغريد قاعدت على مكتبها

 

تغريد بعد شويه قامت وقاعدت قدام مكتب حازم بس هو كان فى عالم تانى

 

تغريد : دكتور حازم ……..دكتور ……..حااااااااااازم

 

حازم : ايه بتزعقى ليه

 

تغريد : بقالى ساعه بنده عليك

 

حازم : وبتندهى عليا ليه

 

تغريد بارتباك : عادى يعنى بلاش اقوم

 

حازم : لا خلاص استنى ……….عاوزه ايه بقى

 

تغريد : عاوزه اتكلم معاك

 

حازم بابتسامه : فعلا ………….هو انتى مش مخصمانى باين

 

تغريد : مخصماك ………….ههههههه على اساس اننا فالحضانه

 

حازم : ههههههههههههه اه ومش هكلمك غير لما تجبيلى مصاصه

 

تغريد : ده انت داخل على طمع بقى ..اخرك بكو لبان ابو ربع جنيه

 

حازم : يالهوى ع البخل ……….خلاص هجبلك انا عاوزه انا مش بخيل

 

تغريد : عاوزه شيبسى عائلى ومصاصه ولبان وبيبسى ووووووووو

 

حازم : ايه كل ده انتى مصدقتى ……….ياله يا دكتوره قومى شوفى شغلك خلاص هنعيل ولا ايه

 

تغريد : بس بقى وخلينا نتكلم بجد

 

حازم بقلق : بلاش جد لو الكلام ده بيبسطك وبيخلينى اشوف ضحكتك دى كفايه عليا

 

تغريد بتنهيده : حازم انا خايفه عليك

 

حازم : ملكيش دعوه بيه ………..انا عارف وفاهم اللى هتقوليه بس مش هيأس

 

تغريد : صدقنى انت تستاهل حد احسن منى يقدر يسعدك انا مبقتشى مؤهله انى اسعد حد وديما قلة الثقه هتبقى بينا

 

حازم : وانا مش عاوز غيرك ………..وهفضل جانبك لحد ما تتغيرى

 

تغريد :هتستنى كتير

 

حازم : وانا بالى طويل وعندى امل وثقه فى ربنا وكمان عندى ثقه فيكى عشان انا عارفه تغريد اللى جواه كويس

 

تغريد : مش عارفه اقولك ايه

 

حازم : متقوليش حاجه …….ولا انا عاوز منك حاجه كفايه بس انك تبقى عارفه انى بحبك ولو احتجتينى فاى وقت هكون جانبك ….وعاوزك

 

توعدينى حاجه

 

تغريد : اوعدك بايه

 

حازم : لو فى يوم حسيتى انك بتحبينى قوليلى عشان وقتها بس هقدر اكمل حياتى معاكى

 

تغريد : بس ده مش فايدى

 

حازم : وانا مش بقولك حبينى بس لو حسيتى بكده متخبيش عليا ……..اتفقنا

 

تغريد : اتفقنا بس بشرط

 

حازم : شرط ايه ؟؟

 


———–———-———————-————

ونكمل في الحلقة السابعة عشر .. الى اللقاء في الحلقة السابعة عشر

بقلم الكاتبة :ريم أحمد

 

 

 

 

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *