مسلسل أحبك أبي … ولكن “الحلقة العشرون والآخيرة”

2015-10-09_124915

الحلقة العشرون والاخيرة


فات شهرين العمليه نجحت ومحمود بقى كويس والذاكره بتاعه اتاثرت

.

ونسى اخر 5 سنين مرو عليه بس باقى الاشخاص والذكريات فاكرها

.

وعاش مع تغريد فى فيلا صغيره اشتروها فالاسكندريه عشان شغل تغريد

.
تامر نقل حياته للقاهر وبيدير شركة باباه وبيحضر لجوازه وهيعيش فالقاهره وبينزل الاسكندريه فالاجازات

 

تغريد الفتره الاخيره كانت مشغوله جدا فالشغل ودراستها وباباها وده خلاها تبعد عن حازم ودى حاجه كانت مضايقه حازم جدا وفقد الامل انها

 

ممكن تحبه عشان كده قراره انه يقبل الشغل فى لندن ويسافر

 

وى يوم تغريد كانت قاعده فى مكتبها فالمستشفى وشويه ويدخل عليها حازم وهو باين عليه الضيق

 

حازم : تغريد …….عاوزك فى موضوع

 

تغريد : خير يا حازم فى ايه

 

حازم : انا مسافر اخر الاسبوع ده

 

 

تغريد وهى بتبصه بصدمه : ايــــــــــــــــــــــــــــــــــــه

 

حازم : انا هقبل الشغل اللى جايلى فى لندن وهسافر اخر الاسبوع ده

 

تغريد بحزن : ليه ….مانت معانا هنا ووسط اهلك واصحابك

 

حازم : انا مش مرتاح وانا هنا ……….لو سافرت هبقى مرتاح اكتر

 

تغريد : بس ……….

 

حازم : بس ايه ؟؟

 

تغريد : ولا حاجه ربنا يوفئك

 

حازم بحزن : انتى شايفه كده ……..وانا كمان بتمنالك السعاده ….اشوف وشك بخير

 

تغريد : هو انا مش هشوفك تانى ……….ليه بتودعنى من دلوقتى

 

حازم : مفتكرشى انى هشوفك تانى ……….يعنى هبقى مشغول ومش فاضى ……..اودعك دلوقتى احسن

 

تغريد : اشوف وشك بخير

 

حازم : مع السلامه

 

خرج حازم وفجاءه الدموع ملت عيون تغريد

 

………………………………………………………………………..

 

بعد يومين تغريد كانت قاعده مخنوقه وحزينه فى اوضاتها

 

شويه والباب خبط

 

محمود : ممكن ادخل

 

تغريد وهى بتقوم من مكانها : طبعا اتفضل يابابا ……….محتاج حاجه اعملهالك

 

محمود وهو بيقعد على السرير : لاء بس حاسس انك مضايقه بقالك يومين

 

تغريد بابتسامه مصطنعه : ابدا مفيش حاجه

 

محمود : انا عرفت ان دكتور حازم مسافر

 

تغريد : اه جايله عرض شغل كويس ربنا يوفئه

 

محمود : وده بقى سبب زعلك

 

تغريد بارتباك : لا ابدا وهزعل ليه بالعكس ده انا لازم افرحله

 

محمود : تغريد انتى بتحبيه ……..بطلى تضحكى على نفسك

 

تغريد : انا لاء طبعا ……..مش بحبه

 

محمود : طيب عموما هو قالى انه بيحبك وعمك عبد السلام كان عاوز يطلب ايدك منى بس هو اللى مرضاش

 

تغريد بفرحه وخضه واستغراب : مين اللى مرضيش

 

محمود وهو قايم من مكانه : حازم ………….هو قالى انه مش هيطلب ايدك غير لما تنفذى وعدك ليه

 

تغريد : وعد

 

فلاش باك

 

حازم : متقوليش حاجه …….ولا انا عاوز منك حاجه كفايه بس انك تبقى عارفه انى بحبك ولو احتجتينى فاى وقت هكون جانبك ….وعاوزك

 

توعدينى بحاجه

تغريد : اوعدك بايه

 

حازم : لو فى يوم حسيتى انك بتحبينى قوليلى عشان وقتها بس هقدر اكمل حياتى معاكى

 

تغريد : بس ده مش فايدى

 

حازم : وانا مش بقولك حبينى بس لو حسيتى بكده متخبيش عليا ……..اتفقنا

 

تغريد : اتفقنا

 

تغريد بترجع للواقع بتلاقى باباها خرج وقاعدت تانى ع السرير وهى سرحانه وشويه ولبست هدومها واستاذنت من باباها ونزلت تتمشى شويه

 

وراحت المكان اللى كانت بتقعد فيه مع مامتها

 

وفضلت قاعده سرحانه وهى بتفكر فى حازم والوعد الى بينهم

 

” لا طبعا انا عمرى مهقوله انى بحبه ………ايوه طبعا مش هقول”

 

” وليه لاء ………لازم تحافظى على وعدك يا تغريد “

 

” بس استنى هو انا اصلا بحبه ………انا حسه انى هتجنن”

 

” بس انا مش قادره اصدق فكرة انه يبعد عنى انا بجد محتجاه او جانبى هو الوحيد اللى بحس معاه بالسعاده والراحه …..انا تعبانه اوى ومحتاجه

 

ارتاح “

 

” انا خايفه يكون مجرد احتياج ومش حب “

 

” بس انا بحس بحاجات كتير نحيته …….وحسه ان قلبى بيوجعنى اوى “

 

” مش عارفه انا بحبه ولا لاء ……….بجد مبقتشى عارفه حاجه “

 

وبتتنهد تغريد وبتخد نفس عميق وبتقول بصوت عالى : انا هتجنن بجد

 

صوت من وراها : ايه اللى هيجننك

 

تغريد وهى بتبص بخضه : حازم ………..هو انا صوتى كان عالى

 

حازم بابتسامه : اه

 

تغريد بكسوف : طب كويس انها جات فيك ………..انت ايه جابك هنا

 

حازم : لما بحس انى مضايق بقيت باجى هنا ……….بحس براحه فالمكان ده ………….بس لو هضايق ممكن امشى

 

تغريد : لا مش هضايق ولا حاجه

 

قاعد حازم جانبها : مبسوط انى شوفتك انهارده ……..انا مسافر بكره الفجر

 

تغريد بحزنه : بسرعه كده

 

حازم : عادى يعنى هقعد اعمل ايه

 

وفضلو شويه ساكتين وهو بيبصو ع البحر

 

حازم : انا هقوم امشى بقى هتعوزى حاجه

 

تغريد بتبصله من غير ولا كلمه

 

قام حازم من مكانه ومشى خطوتين تغريد حست ان روحها بتتخطف منها وبداءت دموعها تنزل وفجاءه لسنها اتحرك

 

تغريد بصوت ضعيف : حازم متسافرشى

 

حازم بصلها باستغراب وقرب منها لما شافها بتعيط

 

حازم : قولتى ايه

 

تغريد : حازم متسافرشى ………..حازم انا بحبك

 

حازم بابتسامه : انتى قولتى ايه ………قولى تانى كده

 

تغريد : متسبنيش لوحدى انا بحبك

 

حازم وهو مش مصدق : انتى بتحبنى ……….صح انتى قولتى كده ………اخيرا ………..طلعتى عينى حرام عليكى
…………………………………………………………………..

بعد كام شهر

 

تغريد قاعده فى اوضتها وهى لبسه فستان الفرح بعد ما صممت تعمل فرحها فى فيلات بابها وسها قاعده معاها

 

وشويه ويخبط الباب ويدخل محمود

 

محمود بابتسامه وهو بيقرب من تغريد : بسم الله ما شاء الله ………زى القمر …….ربنا يسعدك يا رب

 

ويبسها من جبانها

 

تغريد : ربنا يخليك ليا يا بابا

 

محمود : ياله بقى عشان العريس مستعجل تحت

 

تغريد مسكيت ايد باباها وقلبها بيدق من الفرحه ونزلت معاها

 

والموسيقى شغاله وتغريد ماشيه فى طريقها لحازم اللى واقف مستنيها وجانبه عبد السلام وتامر

 

محمود يسلم على حازم : خلى بالك منها انا بسلمك اغلى حاجه عندى

 

حازم بابتسامه : دى فى عينى ياعمو

 

ويبص لتغريد اللى كانت زى القمر ويبوسها من جبينها ويمسك ايدها ويمشو مع بعض للكوشه والكل حواليهم فرحان عشانهم

 

وبعد كده يقومو ويرقصو سلو

 

 

اوعدني جنبي تعيش .. ولا ليله تنساني

 

وليك عليا اعيش واموت .. يا حبيبي وانا وياك

 

اوعدني ما تسبنيش .. ولا حتى لثواني

 

ده عمري كله هيسوى ايه .. لو يوم مكنش معاك

 

جنبك على طول خليني .. ماتغيبش في يوم عن عيني

 

ده انا لما بقول يا حبيبي .. قلبي بيرتاح

 

جنبك على طول خليني .. على حلم بعيد وديني

 

هنفكر ليه في امبارح .. ما هو عدى وراح

 

تعرف بحس بأيه .. طول ماانت ويايا

 

احلام حياتي بشوفها فيك .. حبك واخدني معاك

 

قلبي بتسكن فيه .. يا حبيبى وكفانا

 

تفضل في حضني .. واعيش معاك كل اللي بتمناه

 

جنبك على طول خليني .. ماتغيبش في يوم عن عيني

 

ده انا لما بقول يا حبيبي .. قلبي بيرتاح

 

جنبك على طول خليني .. على حلم بعيد وديني

 

هنفكر ليه في امبارح .. ما هو عدى وراح
حازم : بحبك

 

تغريد : بحبك

 

النهاية

كل بنت حبها الاول هو باباها ومثلها الاعلى هو باباها وقدوتها والامان والحمايه والاهتمام برده هو باباها

.
عشان كده اى حاجه ممكن تشوه الصوره دى بتكسر البنت وبتفقدها الثقه فى كل الناس عشان هو بالنسبالها هو كل الناس

.
والخيانه ابشع حاجه ممكن تحصل تحصل لاى شخصل فتخيل بقى لما تبقى من المثل الاعلى والامان والحمايه ممكن تكسر اوزاى

.
لما فكرت فى موضوع الخيانه لقيت اكتر خيانه بتوجع هى خيانة الاب

.
يعنى خيانة الزوج والاصحاب او حتى القريب او الحبيب ممكن الناس دى تتعوض او الاستغناء

.

عنهم اكيد برده بتوجع بس ممكن تتنسى بعد مرور الوقت وبعدنا عن الشخص الخاين ده

.
بس الاب ….الاب ده حاجه كبيره اوى يعنى مينفعشى الاستغناء عنه ولا ينفع فجاءه الصوره دى تختفى فعلا الموضوع صعب اوى

.

.
عشان كده ياريت كل اب قرار ق\فيوم انه هيبقى اب وزوج يحترم قراره ويحترم مشاعر الناس

اللى حواليه وميدمرشى حيات غيره واللى هم اقرب الناس ليه عشان احساس

انانى ممكن يبقى اصلا مجرد كدبه

.

واحبك ابى

________________________________

شكر خاص من إدارة المجلة وصفحة مدام طاسة والست حلة

للكاتبة الرائعة ريم أحمد

انتظرونا والمسلسل الجديد للكاتبة الرقيقة ريم أحمد

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *