المقدمة والحلقة الأولى من مسلسل الحب فى زمن الـــ لا حب

2015-10-09_135504

الحب فى زمن الـــ لا حب

 

مقدمة

يوميات هتحكى عن 3 بنات اصحاب وجيران من وهم صغيرين ورغم اختلافهم فحاجات كتير زى طريقة حياتهم وتفكرهم الا انهم عمرهم ما افترقو ولا زعلو من بعض كانت صداقتهم اقوى من اى حاجه تانيه

ومن خلال اليوميات هنشوف كل وحده شايفه الحب والارتباط ازاى ونتيجة تفكيرها وتصرفاتها هتوديها لحد فين ومين هيندم ومين هيتمسك بموقفه اكتر ومين هيتعذب ومين هيفرح ومين الصح ومين الغلط بس رغم كل اللى هيمرو بيه هيفضلو برده اصحاب واخوات

 

الابطال

ساره : بنت جميله ومتحرره شويه فتصرفاتها وشايفه انها بدام مبتعملشى حاجه غلط ” وده من وجهة نظرها طبعا ” يبقى مش مهم كلام الناس

وهى بتحب الحب عشان الحب ورومانسيه جدا

 

نور : بنت طيبه جدا وعقله جدا وصاحبة صاحبتها لابعد الحدود بس قفله اوى على نفسها وبتخاف من الحب والارتباط وبتحاول دايما تستخدم عقلها اكتر من قلبها

 

مريم : بنت بنوته بمعنى الكلمه بتحب تهتم اوى بنفسها وبتحب المظاهر والاهتمام بالماده بس جواها بنت طيبه وحنينه اوى بالنسبالها الحب والارتباط ليه علاقه باللى هيدفع وكل مكان اللى هيدفع اكتر يبقى بيحب اكتر بس ده مش غلطها ماما تها اللى رابتها على كده

 

وهنشوف بقى باقى الابطال والشخصيات من خلال اليوميات

_________________________________________

الحلقة الاولى

 

ساره ومريم كانو قاعدين فالنادى ومستنين نور

 

ساره : ها يابنتى يعنى اكتب اول رغبه تجاره

 

مريم : اه انا هكتب تجاره عشان نبقى مع بعض

 

ساره :اوكى بس نور الدحيحه هتسبنا

 

مريم : لا هتيجى معانا

 

ساره : معانا ايه دى جايبه 95 يعنى هتلحق هندسه

 

مريم : بجد انا كلمتها وقالتلى هتدخل تجاره

 

ساره : وعمو طنط موافقين

 

مريم :مش عارفه لما تيجى نفهم منها الحوار

 

ساره : هى اتاخرت كده ليه يعنى لازم تشترى طلبات انهارده

 

مريم : صحيح فكرتينى …..انا هسافرالاسبوع اللى جاى دبى لبابا

 

ساره : مش كنتى لسه عنده اول الاجازه

 

مريم : هروح عشان اعمل شوبنج واشترى لبس الكليه

 

ساره : يا بختك طيب متاخدينى معاكى

 

جيه صوت من وراهم

 

نور: هتروحو فين وتسبونى لوحدى يا اندال

 

ساره : انتى اتاخرتى كده ليه ……….مريم هتروح دبى

 

نور بتحت الشيل اللى معاها وبتقعد

 

نور : تانى ليه؟؟

 

مريم : هجيب لبس الكليه

 

نور : وانتى لازم تجيبى لبس الكليه من هناك متجبيه من هنا

 

مريم : لا طبعا …لازم اجيبه ماركه كويسه

 

نور : مهنا فى مركات كويسه ومعظم اللى بتجبيه فى زيه هنا

 

ساره وهى بتضحك : مانتى عارفه مريم عشان تقول انا جيباه من دبى مش اكتر

 

مريم بصتلها بغيظ : ماشى يا بايخه

ساره : يعنى انا بفترى عليكى ده انتى صاحبتى من زمان وحفظاكى

 

مريم : خليكى فحالك ……مكنتى هتعيطى وتيجى معايا من شويه

 

ساره : انا ولا حصل هههههههه

 

نور : يالهوى تموتو لو مغلستوش على بعض …..المهم كتبتو الرغبات ولا لسه

 

ساره : اه صحيح فكرتينى ……..انتى صحيح هتكتبى تجاره

 

نور : اه

 

ساره : انتى بتستهبلى مجموعك يدخلك هندسه

 

نور : بس انا عاوزه تجاره انتى عارفه بحب الحسابات والرياضه انا حبه ادخل تجاره

 

مريم: وعمو طنط موافقين على كده

 

نور: بابا موافق وانا اصلا كنت كلمته قبل كده وقولتله انا هذاكر وهعمل اللى عليه بس مهما كان مجموعى هدخل تجاره

 

ساره : طيب وطنط

 

نور : طبعا عملاها مناحه وكل يوم اخد كلمتين فالعضل بس انا هعمل اللى عاوزاه

 

مريم : يابنتى حد طايل …دى حته كليه برستيج وعلى الاقل هيتقلك يابشمهندس مش اخرك محاسبه

 

ساره : والنبى يا بتاع البرستيج انتى اركنى على جانب …..كل حاجه عندك مظاهر حتى الكليه

 

نور : يا جماعه مش الفكره بس لما ادخل كليه حباهها وانجح فيها واجيب تقديرات كويس وممكن ابقى معيده او دكتوره احسن مدخل كليه مش

حباها وفالاخر ابقى مهندسه فاشله

 

ساره : والله البت نور دى مخ طول عمرى مبشكش فدماغها

 

نور : بس اوحش حاجه فالموضوع

 

وسكتت شويه وهم بصين عليها ومستنين تكمل

 

نور ضحكت : انى هبقى معاكو ………امتى هتحلو عنى بقى

 

ساره : يا سلام طيب انا سحبت الكلمتين الحلوين الل قولتهم من شويه

 

مريم : لا طبعا دى احلى حاجه احنا مع بعض من الابتدائى وكنت هزعل لو افترقنا ربنا دايما يخلينا لبعض ونفضل مع بعض

 

ساره بصتلها : ونفضل نغلس على بعض ونرخم على بعض ههههههه قولو امين

 

مريم ونور وهم بيضحكو : اامين

 

 

 

…………………………………………………………………………..

 

 

 

وعدت الايام وكلهم قبلو فى كليه التجاره وكانو فرحانين انهم هيبقو مع بعض ومريم سافرت جابت لبسها من دبى وساره ونور نزلو مع بعض

 

وجابو لبسهم وبداءت الدراسه وكانو فرحانين بانهم اخير خلصو مرحله الثانوى وهيبداء مرحله الجامعه والحياه المفتوحه

 

وبعد الدراسه باسبوع كانو ماشين فالكليه بعد مخلصو محاضرتهم ساره سمعت حد بينادى عليها

 

على : ساره ……….يا ساره

 

ساره بصت وراها وابتسمت : على اخبارك ايه …ايه جابك هنا هو انت مش اداب ولا انا نسيت

 

على : ههههههههههه لا منستيش انا هنا مع اصحابى عادى اداب وتجاره واحد

 

على بص على نور ومريم

 

ساره : مريم ونور اصحابى ………..على ابن خالتى

 

على : اه عارفهم طبعا بشوفهم على طول معاكى فالنادى ………… اهلا بيكو

 

ساره : ده انت مركز بقى ماشى هسيبك مع اصحابك بينادو عليك

 

على : طيب متيجو تقعدو معانا شويه مش انتو خلصتو محاضراتكم

 

ساره : اه خلصنا تعالو ياله يابنات

 

نور : لا مش هينفع مره تانيه ان شاء الله

 

على : اوكى براحتكم ابقى اشوفكم بقى مره تانيه ………سلام

 

ساره : سلام

 

وبعد ما مشى بشويه ساره بصت لنور

 

ساره : ايه يابنتى انتى حرجتيه ليه

 

نور : انتى بتستعبطى يعنى نروح ازى نقعد مع شباب منعرفهمشى وانتى عادى كده ياله يابنات

 

ساره: يا بنتى انتى فاكره احنا لسه فالمدرسه والناظره هتزعقلنا احنا فالجامعه يعنى حياه مفتوحه وعادى لما يكون لينا اصحاب ولاد

 

نور : اولا مسمهاش اصحاب اسمها زمايل ودول هيبقو قدنا فالسن ومش اى حد طبعا ممكن نكلمه ………مش اكبر مننا ومش معانا فالكليه كمان

وبعدين مدرسه او كليه او درس مش هتفرق كتير الاخلاق هى هى ومش بتتغير المكان يا فالحه

 

ساره : والنبى بلاش العقد بتاعك دى

 

نور : عقد ……………والله هو ده اللى اعرفه وانتى حره بس ماتبقيش تدبسينى معاكى في الحوارات دى

 


———–———-———————-————

ونكمل في الحلقة الثانية .. الى اللقاء في الحلقة الثانية

بقلم الكاتبة :ريم أحمد

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *