مسلسل “الحب فى زمن الـــ لا حب” الحلقة الثانية عشر

2015-10-15_123058

الحلقة الثانية عشر

 

 

عدى حوالى شهر وكانو قاعدين فالنادى

 

نور : ايه مفيش اخبار عن على

 

ساره : المفروض انهارده هيخلص الكشف وهيعرف هيدخل الجيش ولا لاء

 

وشويه مريم بتبص على باب النادى

 

مريم : مش على اللى جاى مع كريم هناك ده

 

كلهم بصو عليهم ونور فرحت لما شافت على ماشى مع كريم وبيضحك

 

وشويه وقربو عليهم

 

على : ازيكم يا بنات

 

ساره بقلق : ها طمنى عملت ايه

 

على : الحمد لله لائق طبيا ……….لسه بقى هستنه الارجه

 

نور : يعنى ايه ؟

 

على : بصى يا ستى يعنى كل الناس تبقى وقفه ويقولو مثلا شهر كذا مش هيدخل من يوم كذا ليوم كذا هيدخل …….يعنى انت وبختك

 

مريم : طيب ربنا يسهل ومتدخلشى

 

على : لا متقوليش كده ……….. انا نفسى ادخل ………..بجد محتاج ادخل ومش هبقى زعلان

 

نور : ربنا يعينك ويوفئك

 

وقاعدو يتكلمو ويهزرو بس على لاحظ ان كريم وساره وخدين على بعض اوى ونظرتهم مش طبيعيه بس حاول يقنع نفسه بغير كده

 

 

………………………………………………………………………………

 

وعدى شهرين وامتحانات الترم بداءت وعلى عرف خلاص انه هيدخل الجيش وبداء يجهز نفسه للسفر وساره وكريم لسه بيكلمو بعض بس

المشاكل بينهم كترت ومعظم مكلماتهم خناق وكريم بداء يزهق من اللعبه ويدور على لعبه جديده ومريم وساره مركزين فى دراستهم وخلصو

امتحانات

 

وفى يوم كانت مريم قاعده مضايقه اوى فالنادى لوحدها

وشويه وجات عليها نور

 

نور : ايه يابنتى قلقتينى عليكى ……..مستنتيش ننزل كلنا مع بعض ليه زى العاده وساره فين

 

مريم : لسه مجاتشى

 

نور : طب فى ايه صوتك مكنشى عجبنى اتكلمى

 

مريم بضيق: مفيش حاجه

 

نور بحبنيه : ايه يا مريوما هتخبى عليه

 

مريم بداءت تعيط نور قربت منها وطبطبت عليها

 

نور : فى ايه مريم انا اول مره اشوفك كده

 

مريم : محمد هيسبنى ويسافر

 

نور باستغراب : هيسافر ………ليه وفين ؟؟

 

( محمد يبقى اخو مريم الوحيد واقرب حد ليها من اهلها عنده 24 سنه ومتخرج من كليه اقتصاد وعلوم سياسيه )

 

مريم : جايله بعثه وهيسافر لندن سنتين

 

 

نور : وانتى زعلانه ليه ………المفروض تفرحيله ……..محمد طول عمره مجتهد وبيحب دراسته واكيد البعثه دى حاجه كويسه

 

مريم : انا عارفه وانا اتمناله الخير ……..بس يانور انتى عارفه محمد مش اخويا وبس ده صاحبى واقرب حد ليه بابا على طول مسافر وماما

مشغوله بشغلها وصاحبتها هو الوحيد اللى كان بيتكلم معايا وناكل مع بعض ونهزر مع بعض ………انا كده مش هشوفه لسنتين

 

نور : متزعليش …..وانا وساره روحنا فين مش احنا اخواتك برده وبعدين يابنتى دلوقتى فى نت وممكن تشوفيه كام كانه معاكى بالظبط

…………. عشان خاطرى بقى متزعليش

 

وشويه وهم قاعدين ساره جات عليهم وهى بتكلم نفسها ومتنرفزه على الاخر

 

نور : خير الله ما جعله خير …….هو انهارده يوم النكد العالمى ……..مالك انتى كمان

 

ساره : مفيش حاجه

 

نور : هو انا هقعد اتحايل على كل وحده عشان تتكلم ……….فى ايه ياساره اتكلمى

 

ساره بخنقه : مش عارفه كريم اتغير معايا اوى ومعملته بقت زى الزفت انا اتخانقت منه ومش عارفه بيعاملنى كده ليه هى عشان بحبه خلاص بقى

يذلنى ويعمل فيه كده

 

وبداءت دموعها تنزل منها بعد ما كانت بتحاول تحبسهم ونور ومريم بصو لبعض ومش عارفين يقوللها ايه ولا يعمللولها ايه

 

ساره بصتلهم : انا عارفه هتقولو ايه وعارفه انكم نصحتونى كتير وانا مش عاوزه اسمع اى حاجه ………انا بس قولت عشان متقولوش انى

بخبى عليكم حاجه

 

نور وهى بطبطب عليها : طيب خلاص اهدى بس

 

ساره كانت حسه بحاجات كتير ملخبطاها ومش عاوزه تسمع كلام من مريم ونور عشان هم قلولها كتير بس هى مكنتشى بتسمع لحد

 

وتفوت الايام وعلى سافر الجيش وساره دايما حزينه من تصرفات كريم معاها ونور ومريم فالفتره دى قربو من بعض اكتر بعد سفر محمد وكانو

طول الوقت يا فالنادى او فى بيت وحده فيهم ……….وساره بقى العكس بعدت عنهم وكانت طول الوقت حزينه وعاوزه تقعد لوحدها عشان

متسمعشى كلمه من حد تضايقها او تحساسها بغلطها

 

………………………………………………………………………………..

 

 

وبداء الترم التانى والوضع زى ما هو مفيش جديد والنتيجه ظهرت ونجحو البنات ونور طبعا كله امتياز

 

وفى يوم فى الكليه

 

نور : بقولوكو ايه متيجى نروح النادى انهارده انا مخنوقه وعاوزه اخروج

 

ساره : ماشى بس انا هجلكم على هناك هنزل اجيب طلبات لماما الاول

 

مريم : وانا موافقه ………ننزل على 7 كده ماشى

 

نور : تمام ……… ياله بينا نروح بقى

 

وروحو البنات

 

وفى الميعاد كانت نور ومريم قاعدين فالنادى ومستنين ساره

 

نور : وبعدين يا مريوم هنفضل ساكتين وقاعدين نتفرج كده على ساره

 

مريم : وهنعملها ايه احنا اتكلمنا معاها كتير بس اللى اسمه كريم ده عملها غسيل مخ

 

نور : بس برده مش هينفع نفضل ساكتين وهو بيلعب بيها كده لازم نعمل حاجه

 

مريم : هنعمل ايه يافالحه

 

نور وهى بتفكر : مش عارفه لسه بس لازم نعمل حاجه تظهره على حقيقته

 

ولسه نور بتفكر لقت مريم بتخبطها فايدها بتشورها على حته تبص فيها

 

 

———–———-———————-————

ونكمل في الحلقة الثالثة عشر .. الى اللقاء في الحلقة الثانية عشر

بقلم الكاتبة :ريم أحمد

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *