مسلسل خلف هذه الجدران الحلقة الثانية والثلاثون (الجزء الأول)

2015-10-14_155545

” الحلقــــ (32) ــــة ” من مسلسل “خلف هذه الجدران ” (الجزء الأول)

**********
**********

طيب اسيبك انا دلوقتي يا منال ورجعالك تاني حبيبتي ان شاء الله, السلام عليكم
وااااااااااااااااااء واااااااااااااااااااااااااااء وااااااااااااااااااااااااااااااااء

اتفضلِ يا ماما امينة , وعليكم السلام ورحمة الله وبركاته اااااااااه اااااااااه ياربي مش قادررررة ااااااه

******************************************

بسسسسس كدة اخدت كل الحاجات اللي انا عايزاها وتكفيني لحد ما ارجع من عند ماجد ان شاء الله

ترررررررررررررررررررررررررررن ررررررررررررررررررررررررن

يوووووو , مين اللي بيخبط وهيعطلني دلوقتيييييييي !!!!!! ميييييين

انا هاني يا اميييييييييي ,

هااااااااااااااني هههههه اهلا يا حبيبي

ايه ده يا امي , انتِ واخدة شنطتك ورايحة على فيييييييييين ؟ اوعي هتكوني زهقتي مننا وهتعزلي ومش هتقوليلنا ع العنوان الجديد ؟ هههههههههههه

هههههههههههههههه والله نفسي اعملها , بس ماتهونوش عليا , لا يا سيدي رايحة عند ماجد عشان اقعد جنب مراته كام يوم لحد ما تتحسن , انت عرفت ان مرات ماجد ولدت وربنا رزقهم بمعاذ حبيب قلبي ؟؟؟؟؟؟؟ ههههه

ايوة هههههههه اتصل بيا وهو فرحان اوي وقالي

ربنا يفرح قلوبكو يارب يا ولاد , لكن ايه العلبة اللي معاك دي يا هاني ؟

والله كويس اني لحقتك اصلا , عشان جيت اخبي علبة الشبكة ودهب رشا كله عندك عشان امها فوووووووووق

ههههههه اخص عليك يا هاني ! ليه بس كدة يا ولد , مش للدرجة دي , يعني هي هتمد ايدها على دهب بنتها ؟ لالالالالالا اكيد مخك راح لبعيد , مش للدرجة دي يا هاني

لا يا امي , للدرجة دي واكتررررررررر , اللي اتلسع من الشوربة ينفخ في الزباااااااادي , وبعدين المثل بيقول حرّص ولا تخوّن , خدي يا امي شيلي العلبة عندك ولما تيجي من عند ماجد هبقى اخدها

ههه ماشي يا سيدي , روح افتح الدلفة الوسطانية من الدولاب وحطها واقفل بالمفتاح وخليه معاك

ماشي ياامي , استني هوصلك

لا يا حبيبي , روح انت شوف شغلك , المشوار مش مستاهل

********************
***************************************

حمدالله ع السلامة يا منولة نورتي البييييييييييييت انتِ ومعاذ ههههههه

ههه ربنا يخليك يا حبيبي

حمدالله ع السلامة يا ابلة منال ههههههههه اموووووووووه الله معاذ امور خاااااااالص شبههي بالظبطططططططط ههههههه

هههههه الله يسلمك يارانيا , عجبك الولد صحيح ولا بتجامليني ؟

لا والله يا ابلة امور خاااااااااالص , بابا عايز يشوفه على فكرة

ان شاء الله يا حبيبتي , دلوقتي ماجد هياخد الولد ويروح لبابا , هي ماما امينة فين

بتعمل الاكل في المطبخ

يا خبر ! توووء , ما كنتش عايزة اتعبها كدة 

وااااااااااااااااااااااء واااااااااااااااااااااااااااااء وااااااااااااااااااااااااااااااااااااااء

خدي يا منال رضعي معاذ عشان اخده لجده هههههههه

ههههه ماشي يا حبيبي , سلم على جده يا معاااااااذ

اتفضل يا عمي معاذ حفيدك بين ايديك اهو ههههه

يا الله !!!!!!!! ماشاء الله ماشاء الله , ابن منااااااااااااال يااااااااااااااااااااااااه الحمدلله اني عيشت لحد ما اشيل ابن منال بين ايديا اللهم لك الحمد

ياااااااه يا عمي عزت , ايه الدموع دي بس ؟

دموع الفرحة بعطاء الله اللهم لك الحمد

وااااااااااااااااااء وااااااااااااااااء وااااااااااااااااااااااااااء

اموووووه هههه معاااااذ هههههه انت يا ولد , ازي ماما عاملة ايه ؟

ههههههه قوله بتسلم عليك وبتبوسك يا جدو هههه

يااااااااااااااه مش مصدق نفسي اني شايل ابن منال , يارب لك الحمد يا حنان يا منان اللهم لك الحمد , ربنا يباركلكو فيه يا ابني ويطلع من الصالحين البارين زيك وزي امه

اللهم آمين يا عمي اللهم آمين

ومنال عاملة ايه ؟؟؟؟؟؟

بخير والله الحمدلله

نفسي اشوفها لكن مش قااااااااادر

معلش يا عمي , ان شاء الله هي اول ما تتحسن هتيجي لحد عندك

هي الجرح تاعبها ؟ طمني يا ابني ؟ انا قلقان

لا والله منال بخير وزي الفل , هي مش كلمتك ؟

الحمدلله يا ابني , ربنا يحفظها ويحفظك ويحفظ معاذ

*********************************************************

مناااااال انا جيبالك الاكل يا حبيبتي , ساعديها يارانيا تقعد عشان تاكل

حاضر يا طنط , يلا يا ابلة منال , قومي بالراحة على مهلك ايووووة كدة

ياااااااه يا ماما امينة , والله انا مكسوفة منك خالص

ليه بس يا حبيبتي ؟؟؟؟؟؟؟؟

يعني مش كفاية تعبك معايا يومين في المستشفى ! كمان اتعبك معايا في البيت

اخص عليكِ يا وحشة , هو انا مش زي مامتك الله يرحمها , ولا انت بقى بتقوليلي الكلام ده عشان تطرديني بالذوق يا بنت ؟ ههههههههه

يا خبر يا ماما امينة هههه طب والله انا اتمنى انك تعيشي معايا على طول

ههه لا يا ستِ خليني بعيدة احسن عشان اوحشك ههههههه

هههههه والله حضرتك فعلا بتوحشيني على طول يا ماما امينة

الله يكرمك يا حبيبتي , طب يلا خدي حتة الفرخة دي من ايدي شوفيني كدة بعرف اطبخ ولا لأ ههههه

هههه ممممممممممممم الله , طعمها حلو اوي يا طنط , حضرتك عملاها ازاي ؟

اه يا بكاااااااشة هههههه ماهي فرخة زي أي فرخة اهيه , يعني انا عملت فيها ايه

والله بجد من ايدك ليها طعم تاني سبحان الله , حاسة ان فيها طعم كله حنان

هههههه هو الحنان ليه طعم يا بنت ؟

ايوة الحنان ليه طعم وحضرتك دوقتيهولي , عمري ما هنسى وقفتك جنبي وحنانك اللي عوضتيني بيه عن حنان امي اهئ اهئ اهئئئئئئئئئئ

وبعدين بقى يا بنت , انت هتخليني اعيط ليه بس , تووء الله يسامحك يا منال خليتي عنيا دمعت ههه خدي بقى كملي حتة الفرخة وبلاش كلام كتير

حاضر يا ماما امينة

خدي يا حبيبتي , ايه ده يارانيا , انتِ كمان عينيكِ دمعت وبعيطي ! ايه يا حبيبتي في ايه بس ؟

اهئ اهئئئئئئئ اصل لما شوفت حضرتك قاعدة جنب ابلة منال وبتطبطبي عليها وتأكليها بإيدك شوفت ملامح حضرتك وكأنها ملامح ماما اهئ اهئئئئئئ حضرتك حنينة اوي يا طنط اهئ اهئئئئئئ

هههه ربنا يخليكِ يا حبيبتي ويرحم ماما يارب , انتِ كمان بنتي يارانيا زي منال بالظبط والله

اهئ اهئئئئئئئ يا حبيبتي يا طنط اهئ اهئئئئئ نفسي اترمي في حضنك

يا سلام ! تعالي يا حبيبتي هههه اموووووه ربنا يفرحنا بيكِ انتِ كمان ونشوفك مع عريسك يارانيا يارب

**********************************

معاااااااذ ههههه انا باباااااااا انت يا ولدددددددددددددددد ههههههه مش خايف مني ده ولا ايه ؟

ههههههه , قوله لا يا بابا انا مش خايف انا مرعووووووب ههههه

هي امي فين راحت فين ؟

ماما امينة في الخلوة اليومية بتاعتها ,ههههه قالتلي هقرأ ورد القرآن وهاجي اقعد معاكو

روحي بقى يارانيا شوفي بابا يمكن يحتاج حاجة

هروح والله يا ابلة , بس بابا نايم دلوقتي

تررررررررررررررررررررررررررن ترررررررررررررررررررررررررررررررررررررررررررن

خدي يا رانيا شيلي معاذ على ما ارد ع التليفون

ترررررررررررررررررررررررررررررررررررررررررررررررررررررررررررررررن

هات يا استاذ ماجد معاااااااااااذ هههههههه كميل انت كميييييييييييل اموووووووه

تررررررررررررررررررررررررررررررررررررررررررررررررررررررررررن

السلام عليكم

وعليكم السلام ورحمة الله وبركاته , من فضلك قول للأستاذ معاذ خالك الباشمهندس عمر عايزك في كلمتين ضروري هههههههههههههه

ههههههههههههههههههههه يا سلاام ! استغنيت عننا خلاص يا سيدي ومتصل عشان المفعوص ابن اختك ؟

ايه ده! دا عمر بيكلم ماجد يارانيا ههههه

عمرررررررر وحشني اوي عايزة اكلمه

هههههههههه ايوة يا سيدي , متصل عشان معاذ والله , الف مبروك يا ماجد وحمدالله على سلامة منال

الله يبارك فيك ويسلمك يا سيدي وعقبال ما نفرح بجوازك عن قريييييييييب , شوف عروسة بقى يا ابني , انت قربت تعنس هههههههههه

ههههههههههه ليه ياسيدددددددددي !!!!!!!! كل الحكاية عندي 28 سنة , وعلى العموم انا متصل كمان عشان افرحكو اني لقيت عروسة

والله ! اخوكِ لقى عروسة يا منااااااااااال هههههه

والله !!!!!!! ههههههههه اديني اكلممممممممممممممممه

استني بس , ومين بقى سعيدة الحظ ومين دلك عليهااااااااا ؟؟؟؟؟؟؟؟

هههه والله يا سيدي هي من سكان راس غارب اصلا وساكنين قريب ولقيت اهلها ناس كويسين اتقدمتلها بعد ما خدت اذن بابا طبعا , اعملوا حسابكو بقى عشان تيجو الفرح قريب

نيجي فين ياخويا !!!!!!!! انت ناسي ان منال والدة قيصري والولد لسة صغير ! لالالالا يا سيدي اخاف عليهم من المشوار الطويل استنى شوية لما منال تشد حيلها ومعاذ يتحمل السفر

اااه يعني استنى اد ايه يعني ؟؟؟؟؟؟؟؟؟؟

يعني كدة ممممممم لما معاذ يبقى عنده سنة كدة

لا والله !!!!!!!! طب ما استنى لما معاذ يخلص الجامعة وابقى اتجوز انا وهو في يوم واحد ههههههههههه

ههههههههه وماله يا سيدي ! وانت مستعجل على ايه يعني هههههه على العموم ربنا يتمم بخير وان شاء الله نحضر الفرح بس لما منال تشد حيلها وتقدر تتحرك بسهولة

هااااااااااته بقى هاته يا ماجد عايزة اكلممممممممممممه

خد يا سيدي اختك هتتجنن عايزة تكلمك وكمان رانيا قاعدة وباصالنا وعايزة تكلمك ههههه خدي يا منال

هاااااات هههههههه السلام عليكممممممممم

اهلااااااااااااااااااا حمدالله ع السلامة يا ام معاااااااااااااذ هههههههه , عاملة ايه يا منولة وازي الولد

بخير يا حبيبي كلنا بخيرررررررر قولي ايه حكاية العروسة

لا حكاية ولا رواية هههههه واحدة بنت حلال واتقدمتلها وخطبتها ؟

هي معاها شهادات ايه ؟

هي بكالوريوس تجارة

طيب كويس , وحلووووووووة

هههههه حلوة بس سمرة شوية

سمرة !!!!!!!!!! بس انت بشرتك فاتحة خالص يا عمر , هتتجوز واحدة سمرة ؟ هههههههه

ههههه ايه يا منولة , اخر حاجة اتخيلها انك تدققي اوي في الشكل ولون البشرة

لا يا حبيبي لالالالالا فهمتني غلط , انا ما اقصدش والله يا عمر , بس يمكن اتفاجئت من الاختيار, اهم حاجة الاخلاق والالتزام الديني والله , اللون مش مهم بالطبع , مممممم بس هي سمرة اوي يعني ؟

هههههههههههههههههههههههههه والله انت مشكلة يا منال , على العموم يا ستي هتشوفيها يوم الفرح

ربنا يتمملك بخير يارب يا حبيبي اللهم آمين

يا ابلة منال ادهولي بقىىىىىىىىىىىى عايزة اسمع صووووووووووته

خد يا عمر رانيا بتشد السماعة عايزة تكلمك ههههههه خدي يا رانيا

الووووووووووووووو ازيك يا عمرررررررررررر

اهلا حبيبتي هههههههه عاملة ايه يارانياااااااااا بتاخدي الدوا في معاده ولا لالالالالالالالالا

ههههه باخده الحمدلله , سيبك من الدوا وقولي حكاية العروسة اييييييييييييييه ؟؟؟؟؟؟؟؟؟؟

*************

صحيح يا منال انتِ زعلتي لما عمر قالك ان عروسته بشرتها سمرا وهو ابيض ؟

لالالالالا مش كدة والله يا ماجد , اصل انت عارف ان عمر اخويا الوحيد , وبحسه اطيب واحد فينا , مش عارفة ليه كنت دايما اتخيل عروسته بارعة الجمال , يمكن كانت امنية في نفسي عشان احس انها مكافآة لاخويا على طيبته ههههههههه

هههههههههههه حاجة غريبة اوي يا منال , يعني الراجل الطيب لازم يتجوز واحدة حلوة ! على كدة انا شرير اوي بقى ههههههههههههههههههههههههههههههههههههههههه

اييييييييييييييييييه !!!!!!!!!!!!!! كدة يا مااااااااااااااااااجد !!!!!!!!!!!!!!! طب اوعى بقى قوم من جنبي انا مخاصماااااااااااااااااك

هههههههههههههه بهزر معاكِ يا حبيبتي , انتِ زي القمررررررررر اجمل ست في العاااااااااااااااالم

ههههه ايوة كدة اعترف هههههههه

************************************
**************************************************

هو الدكتور عصام بوباتجي النهاردة يا هالة

ايوة , انا ماشية بقى عشان اتأخرت , استلمي النوباتجية يا حلوة , بقولك يا اماني اوعي تنسي تغيري ع الجرح للمريض في غرفه 220

لالالالالالا ما تخافيش , اتكلي على الله انتِ ههههههههه

ماشي يا ستي , ابقي اسمعي الراديو بقى في برنامج حلووووووو بيجي على اذاعة القاهرة الكبرى الساعة اتنين بالليل , اهو تتسلي ههههههههه

ههههههههههه لا ياروحي ما تخافيش عليا , انا هسلي نفسي بطريقتي

طيب السلام عليكم

وعليكم السلاااااااااااااااام ههههههه اروح اشوف دكتور عصاااااااااااام

*****************************

تن تن تن

ادخللللللللللل

مساء الخير يا دكتور عصام

اماني !!!!!!! خير يا اماني في حاجة

هههههه مش ترد التحية الاول

مممممم مساء النور , خير يا اماني

ابدااااااا ههههه جيت اباركلك , عرفت ان المدام جابت توأم

الله يبارك فيكِ

ممممممم تسمحلي اقعد

ماانتِ قعدتي اهو

هههههههه ممممم بس تعرف يا دكتور عصام , من ساعة ما عرفت ان المدام بتاعتك جابت توأم وانا ما بطلتش تفكير فيك

نعممممممممم ! مش فاهم

مممم يعني , بقول يا حرام دلوقتي الدكتور عصام مراته خلفت توأم وتنشغل بيهم , مسكيييييييييين دكتور عصام مسكيييييييين , مش هيلاقي حد يهتم بيه ولا يشوف طلباته

افندمممممممممم ! طلبات ايه ؟ المدام اصلا مش بتعمل حاجة عشان الشغالة موجودة

ههههههههههه والله !!!!!!!!!! يعني ممم انت مش هتحتاج حاجة خالص غير الطلبات اللي بتعملها الشغالة ؟؟؟؟؟؟؟؟؟ هههههههه هو الراجل مالوش طلبات خالص من مراته ؟ ههههههههه

ايه !!!!!!!!! الست دي عايزة مني ايه !!!!!!!! , اماني من فضلك قومي شوفي شغلك

ههههههههه طيب , هروح اشوف المريض اللي في اوضة 220 واجيلك جرررررررري

ايه ده !!!!!!!! الله يخرب بيتك يا اماني خلتيني عرقت , لالالالالالا انا هقوم اقفل الباب بالمفتاح ومش هفتح الا لو الطوارئ طلبوني

*******************************************
****************************************

عم محموووووود القهوة بتاعتي من فضلك , صباح الخير يا سلووووووووووى ههههه

اهلا يا ايمان صباح النور , ازيك وازي محمد ابنك

هههههه مطلع عيننننني , من ساعة ما ابتدا يحبي وهو اتعلم الشقاوة هههههه سايباه عند ماما زي كل يوم وبعد الشغل بعدي اخده

لكن قوليلي صحيح يا بنتي ما جتيش امبارح ليه ؟؟؟؟؟؟؟؟

ههههه امبارح يا ستِ مرات اخويا مصطفى ولدت

مرات مصطفى !!!!!!!! ممممم أأأأأ هو مصطفى اخوكِ اتجوز يا ايمان ؟

هههههههه من زماااااااااان انت لسة فاكرة يا بنتي ! مصطفى اتجوز من عشر شهور ويادووووووووب لسة واخد لقب أب امبارح بسسسسس ههههههه اما يا سلوى ربنا رزقه بحتة بنت قمرررررررر ماشاء الله امورة امووووووورة ههههههه كلهم بيقولوا شبه عمتها وانا اقولهم يا جماعة حرام عليكو ما تظلموش البنت ههههه دي زي القمر ماشاء الله اضحكك على مصطفى ومراته , هو يقولها البنت زي القمر شبهك يا دينا يا حبيبتي وهي تقوله لأ دي كلها انت يا مصطفى يا حبيبي هههههه المهم يا ستي سمّوها نوران , ايه رأيك في الإسم

مممم حلو , ممممم طيب عن اذنك يا ايمان انا جالي صداع مفاجئ , مضطرة امشي حالا

صداع مفاجئ !!!!! سلامتك يا سلوى , ابقي طمنيني عليكِ اول ما توصلي البيت

ان شاء الله

*********

ياااااااااااااااااه بالسرعة دي مصطفى اتجوز وخلف كمااااااااااااان !!!!!!! هي الايام بتعدي بسرعة كدة ليه !!!!!!!! انا حاسة انه زي ما يكون لسة متقدملي امبارح يااااااااااااااااه معقول اتجوز وخلف بالسرعة دي ؟

ياترى شكلها ايه مراته ااااااااااااااااه دمااااااااااااااغي , الصداع هيفرتك دمااااااااغي , انا مش عايزة اروح البيت , مش عايزة ماما تقولي مالك , توووووووء طب اروح فيييييييييين ااااااااااه دماااااااااااااااغي اااااااااااااه , اروح عند ناهد اختي ايوة هروح عند ناهد , تاكسييييييييييييييييييييي

*************************************************************

اهلا اهلا اهلاااااااااااا هههههههه والله منوراني يا سلوى , بقالك كتير اوي ما جتيش عندي

معلش يا ناهد , انتِ عارفة الشغل يا حبيبتي واخد كل وقتي , ااااااه صداااااااااااع

ايه يا حبيبتي مالك ؟ شكلك مش طبيعي يا سلوى

عندي صداع جامد اوي , عندك اسبرين ؟

عندي يا حبيتي هروح اجيبلك اسبرين واعملك فنجان شاي , سلامتك الف سلامة

الله يسلمك يا ناهد

ها يا سلوى , الصداع راح ؟

ايوة الحمدلله , الولاد عاملين ايه

ههههه يا شيخة افتكري حاجة عدلة , زمانهم جايين من المدرسة

هما بيجو لوحدهم ؟

لا طبعا , الباص بتاع المدرسة بيجيبهم لحد باب العمارة , مالك يا سلوى , ان حاسة ان المسألة مش مسألة صداع , حاسة ان في حاجة مضايقاكي

اهئ اهئ اهئئئئئئئئئئئئئئئئئ اهئئئئئئئئئئئئئئئ اهئئئئئئئئئئئئئئئئئئئئئئئئ

الله !!!!!!! ايه يا حبيبتي مالك ؟ قلقتيني يا سلوى , في ايه ؟

اهئ اهئئئئئئئئ حاسة اني مخنوقة يا ناهد اهئ اهئ مخنوووووووووووووقة اهئ اهئئئئئئئئئئئئئئئئئئئئئئئئ

لا حول ولا قوة الا بالله , ليه بس يا حبيبتي ؟ ايه اللي حصل وصلك للمرحلة دي ؟؟؟؟؟؟؟

اهئ اهئئئئئئئئ مش عارفة يا ناهد اهئ اهئئئئئئ او يمكن بحاول اتجاهل السبب اهئ اهئئئئئئئئئئ

يعني في سبب ؟ طب ما تقوليلي , طلعي اللي جواكِ , انا اختك يا حبيبتي , فضفضي يا سلوى

اهئ اهئئئئئئئئئئ انتِ فاكرة مصطفى اخو زميلتي ايمان اللي اتقدملي من حوالي سنة

اهاااا فاكرة طبعا , وفاكرة انه ألح عليكِ في طلب الجواز , رفضتيه اكتر من مرة يا سلوى , لكن ايه فكرك بيه ؟

اهئ اهئ مصطفى اتجوز ومراته ولدت امبارح اهئ اهئئئئئئئئئ

هههه اومال يعني كنتِ متخيلة انك لما ترفضيه هيترهبن ويحرم النساء على نفسه ! ولما كنتِ فاكراه هيهيم على وجهه في الصحرا !!!!!! حبيبتي لو واحدة قالت للراجل لأ هيلاقي الف يقولوله اه , وخصوصا انه زي ما بتحكي انسان ممتاز وعلى خلق وكمان ماديا متيسر , ايه يعني اللي هيخليه ما يتجوزش يا ست سلوى !!!!!!

اهئ اهئئئئئ انا فاهمة كل ده يا ناهد اهئ اهئ لكن انا مش عارفة ليه اول ما سمعت انه اتجوز وخلف حسيت الدنيا بتلف بيا وجالي صداع رهيب اهئ اهئئئئئئئ

عارفة ليه يا سلوى ؟

ليه يا ناهد ؟ اهئ اهئئئئئ

عشان رفضتيه من غير سبب , عشان كدة جواكِ صراع , وعياطك ده نوع من جلد الذات , بتأنبي نفسك انك ضيعتي راجل زيه من بين ايديكِ , على العموم الندم مش هيفيد , بصي للي جاي , جايز الفرصة الجاية تكون احسن , بس يا ريت ما تضيعيهاش وبعدين ترجعي تندمي بعد ما يفوت الآوان

عندك حق , بس المهم يكوناللي جاي احسن من مصطفى اهئ اهئ مش عايزة احس اني خسرت حاجة اهئ اهئئئئئئئئئئ

هههه طب فكيها بقى ربنا يفكها عليكِ ههههههه ما تيجي نكلم منى ونقولها تجيب العيال وتيجي نتغدا سوا مع بعض

لالالالالا انا مش عايزة منى كمان تيجي تقولي مالك ومش مالك وانت عارفة منى كل حاجة لازم تروح تقولها لماما , انا فضفضت معاكِ انتِ يا ناهد عشان طول عمرك بتحفظي اسراري وبكلمك كأني بتكلم مع نفسي

ايه ددددددددده ! قصدك ان منى فتااااااااااااااااانة هههههههههه طب هقوم اتصل بيها واقولها خليها تيجي تيجي تقعد عليكِ تبططك هههههههههه وهي بعد الولادة الاخرانية زادت يجي خمستاشر كيلو هههههههههههه

هههههههههههههه لا يا ستي انا مش قدها

ايوة كدة اضحكي ولا يهمك , انا مبسوطة انك ابتديتي تفوقي لنفسك , السنين بتجري يا اختي واليوم اللي بيعدي ما بيتعوضش , انا عارفة ان الجواز قدر ونصيب , لكن في فرق بين انك تنتظري النصيب وتتوكلي على الله وبين ان الفرصة تيجي لحد عندك وانت اللي ترفصيها برجلك

ترررررررررررررررررررررررررررررررررررن ترررررررررررررررررررررررررررررررن ماماااااااااااااا افتحي يا مامااااااااااااحنا جيناااااااااااااااااااااااااااااا

ههههههههههههه الهكسوس جم على رأي ماما يا سلوى هههههههه اما اروح افتحلهم , دول هيفرحوا اوي لما يشوفوكي والله

السلااااااااااااام عليكم هيييييييييييييييييييييييييييييه ادخلوا يا عيااااااااااااال

اهلا اهلا وعليكم السلام يا مازن , اقلع الجزمة قبل ما تدخل ع السجاد ي ووووووووولد

ازيك يا مامتي , خدي الشنطة عشان تقيييييييييييييييلة فيها كتب كتير اوووووووووي

فين الغداااااااااااااااااااااااااا , السندوتشات ما كفتنيششششششششششششششش

ايه ده , جزمة مين دي يا مامتي

جزمة خالتو سلوى يا هديل , ادخلي سلمي عليها

خالتو سلوووووووووووووووووى هيييييييييييييييه هههههههه

ازيك يا خالتووووووووووووووووووووووووووووووووو جيت ابوسك

اهلاااااااااااا هههههه ازيك يا هديل يا حبيبتي اموووووووه , عاملة ايه في المدرسة

خدت ستار في الماث وستار وفي الانجلش

الله !!!!! جمييييييييييييييل ههههههه هاتي بوسة تانية بقى

خدي يا خالتو امووووووووووووه , هروح اغير هدومي بقى واغسل وشي واجي العب معاكِ

ههههه ماشي يا حبيبتي

ازيك يا خالتووووووووووووو شوفتي ماماااااااااااااا لحد دلوقتي ما عملتش الغداااااااااااااااااا

هههههههههه ازيك يا ميزو عامل ايه

جعاااااااااااااااااااااااااااان

ههههههههههه اخبار المدرسة ايه

الكانتين وحش اوي ومافيش سندوتشات حلوة , حتى العصير بتاعتهم سخن ومالوش طعم

هههههههههههه يا حبيبي هو انت كل علاقتك بالمدرسة الكانتين والسندوتشات ؟

اعمل ايه يعني , ماما بتديني سندوتشات قليلة وبجوووووووووع , قوليلها تزودلي السندوتشات

ههههه حاضر يا ميزو , هقولها , فين ماززززززززززن

مازن في الحمااااااااااااااام , ما تطلع بقى يا مااااااااااااااااازن هو الحمام بتاعك لوحدككككككككككككككك يا ماماااااااااااااااااااا قولي لمازن يطلع من الحمااااااااااااااااااام

يييييييييييييييييييي , حاضر حااااااااااااااضر , شايفة المورستان اللي انا فيه يا سلووووووووى , اهم من ساعة ما يجوا من المدرسة لحد ما ينامو وهما يجعروا كدةةةةةةةة لما آخر الليل الاقي دماغي هتنفجر زي القنبلة

ههههههههههههههه بس تعرفي , جو البيت لذيذ اوي بالولاد , ربنا يخليهوملك يا حبيبتي وما يحرمكيش منهم ولا يحرمهم منك ولا من باباهم

ربنا يخليكِ يا حبيبتي , وعقبال ما تتجوزي كدة واشوف ولادك وهما مطلعين عييييييينك ههههههههههه

يا ماماااااااااااااااااااا مش لاقي بنطلون الترييييييييييييينج

ماماااااااااااا هي التوكة الأزرقة فيييييييييييييين ؟؟؟؟؟؟؟؟؟؟؟؟

*


**********
**********
الغدا فين يا مامااااااااااااااا انا جعااااااااااااان

يووووووووووووووووووووه ارحموني بقىىىىىىىىىى , كل واحد يدور على حاجته بنفسسسسسسسسه , قولتلكو الف مرة كل واحد يحط حاجته في مكان معين عشان ما تضيعشششششششششش , والغدا حالا هيجهز يا ميزو , نص ساعة يا حبيبي واحط الغدا

نص سااااااااااااااعة يييييييي , طب هاتيلي طبق الموز ده اتسلى على ما تخلصي الغدا

******************************************

ها يا نبيل يا حبيبي , قولت ايه في موضوع سلوى اختي , هتشوفلها عريس ؟؟؟؟؟؟؟

هههههههه يا ستي ماانا جيبتلها يجي خمس عرسان قبل كدة وكلهم قالت عليهم لالالالالالالا , انتي متخيلة اني اتدخل لاختك تاني عشان تحرجننننننننني لالالالالالا اسف

يا نبيل انا قولتلك يا حبيبي انها اتغيرت اتغيرت خاااااااااااالص

تفتكري !!!!!! يعني اجيب العريس على ضمانتك ؟؟؟؟؟؟؟؟؟؟؟

هههههههههه اه يا مكاااااااااار , قول بقى ان عندك عريس ومدكن عليييييييييييه

ههههههه لا مدكن ولا حاجة , اخو واحد صاحبي معيد في كلية الزراعة وعنده تلاتين سنة بيدوروله على عروسة وصاحبي سألني ماعندكش عروسة قولتله لأ ماعنديش

اخص علييييييييييييييك , بتكدبببببببببببب ! ال ما عندكش اااااااااااال , طب وسلوووووووووى , قوم يلا قوم اتصل بصاحبك يلاااااااااااااا قبل ما يلاقوا عروسة ويخطفوه من اختتي

هههههه ماشي يا ستي , بس على الله اختك ما تكسفناااااااااااااش

**************************************************

ههههههههههههه صحيح يا نااااااااااااهد , عريس وجاي بكرة لسلووووووووووووى ؟

ايوة يا ماما , انا تصلت بيكِ عشان اقولك , وضبوا البيت وجهزوا حاجة حلوة بقى

ههههههههه هو هيجي الساعة كاااااااااااااااااام

قال لنبيل انه هيجي هو واخوه الساعة تمانية مساءا , ونبيل هيجي معاه

يآنسوا وينوروا , بس انا خايفة يا ناهد خايفة اوي من سلوى , خايفة لترفض المرة دي كماااااااان

لالالالالالالالالا ههههههههه اطمني , ان شاء الله مش هترفض

طيب يا بنتي , يسمع من بقك ربنا , اسيبك انا دلوقتي مع السلامة

الله يسلمك يا ماماااااااااا هههههههه مبروك مقدما

يارب يا بنتي ياااااااااااااارب , سلووووووووووووووووووووووووووى

نعم يا مامااااااااااااا بتفرج ع التليفزيووووووووووووووووون

سيبك من التليفزيون دلوقتي وتعالي اسمعي الخبر الحلو يا حبيبتي ههههههههه

خير ياماماااا

هههههه خير ياروح ماما , نبيل جوز اختك جايبلك عريس معيد في كلية الصناعة

كلية الصناعة ! مافيش يا ماما حاجة اسمها كلية الصناعة

يوووووووووه الفرحة لخبطتني ههههههههه قصدي كلية الزراعة ايوة هي قالتلي كلية الزراعة هههههههه

ومالك فرحانة اوي كدة يا ماما !!!!!!!! هو احنا كنا لسة شوفنا العريس !!!!!!!

استرررررررررررررر استر يارب استرررررررررررررررررررررررر

*************************************************************

اهلا وسهلا يا عبد الوهاب يا ابني شرفتنا

اهلا بيك يا عمي هههه الشرف ليا انا والله

اهلا يا استاذ اسماعيل

اهلا بيك يا استاذ لطفي , عبد الوهاب اخويا الصغير وفي الحقيقة كلنا بنعتبره الكبير وبنلجأله في مشاكلنا عشان رجاحة عقله ماشاء الله من صغره ههههه غير انه ملتزم وبيصلي الفرض بفرضه وبار بأمه وابوه جدا

ماشاء الله , سماههم على وجوههم يا ابني , اهلا وسهلا , ازيك يا نبيل ههههه ساكت ليه

هههههههه اهلا يا عمي , ابدا , سايبكو تتكلمو براحتكو , فين العرووووووووووسة

حالا , هخلي والدتها تديها خبر عن اذنكو

اتفضل

*******

هدى يا هدددددددى

ايوة يا لطفي ايوووووووووووووة هههههه انا هنا ببل الشرباااااااااااااااات , شوفت العريس ؟

اومال يعني كنت قاعد مع خياااااااااااله ! ايوة طبعا شوفته

يعني قيمة وسيمة كدة وهيملا عين سلوى ؟ ما انت عارف بنتك بتطلع القطط الفطسانة في كل عريسسسسسسسس

والله انا شايفه ولد محترم ومهذب وكمان مركزه مرموق وشكله راجل محترم

ههههههههه ربنا يجعله من نصيبهاااااااااااا يا سلوووووووووووى يلا يا بنتي عشان تدخلي بصنية الشربااااااااااااات

حاضر يا ماماااااااااا بكمل لبس وجاااااااااااااية

طيب انا هروح اقعد مع الناس في الصالون يا هدى وانتو حصلونا

حااااااااااضر يلا يا سلوووووووووووى

السلام عليكم ههههههههه منورين يا جماااااااااعة

السلام عليكم

اهلا اهلا , اقدملكو العروسة ووالدتها

اهلا وسهلا ههههه اهلا يا انسة اهلا يا طنط

اهلا يا ابني يا الف اهلا وسهلا , حطي الصنية واقعدي يا سلوى

مامااااا هاتي ودنك

ايه يا سلوى ؟

هو مين فيهم العريسسسسسسسسس ؟

وانا هعرف منين ؟؟؟؟؟؟ اتنين قاعدين مع ابوكِ وجوز اختك

طب اسأليهم بقى خليني اعرف راسي من رجلييييييييي

ممممممم وياترى مين بقى العريس ههههه؟؟؟؟؟؟؟؟؟

باشمهندس عبد الوهاب اخوياااااااااا

اييييييييه !!!!! ماما الحقي العريس اسمه عبد الوهااااااب

وفيها ايه يا سلوى !!!!!

فيها ايه يعني ايييييييييه ! وكمان انتِ مش شايفة شكله عامل ازززززززززاي , دي اُورته عريضة اااااد كدة وعنده بوادر صلععععععععع لالالالالالالا ياماما دا مش منظر مش منظر خااااااااالص , انا قايمة

سلووووووووووى انت يا بنتتتتتتتتتت ,أأأأأأأ معلش يا جماعة اصلها مكسوفة شوية عشان كدة قامت من غير استئذان , عن اذنكو هروح اشوفها
اتفضلي يا فندم

كدة برضو يا سلووووووووووووى ؟ كدة تكسفينا قدام الناااااااااااااااس , وبعدين انا عايزة اعرف , عيبه ايه العريسسسسسسسسس

ماانا قولتلك يا مامااااااااااا لا عاجبني شكله ولا عاجبني اسممممممممممه , ايه ددددددددددده ! لالالالالالا ماينفعش ما ينفعشششششششششششششش

فوضت الامر لصاحب الأمررررررررررررر , الله يسامحك يا سلوى يا بنتي اهئ اهئئئئئئئئئئئئئئئئئئئئئئ

********************************************************

شوفتي يا ست ناهد اللي اختك عملتتتتتتتتتتتتتتتته , انا ابقى عيل وستين عيل لو اتدخلتلها في حاجة تاااااااااااااااااااااني , انا اتحرجتتتتتتتتتتت اتحرجت قدام اعز اصدقااااااااااااااائي

طب بس معلش معلش يا نبيل , حقك عليا انا , خلاص يا حبيبي , احنا عملنا اللي علينا , واضح ان سلوى اختي عمرها ما هتتغير ومش هتفوق الا بعد فوات الآوان

******************************************************

وقف هنا يا اسطى عند العمارة دي

حمدالله ع السلامة يا باشا , نورت مصر

الله يخليك , ساعدني الله يخليك ننزل الشنط من فوق التاكسي

من عنيا يا باشااااااااا

اتفضل يا سعادة الباشاااااااا

الله يكرمك , اتفضل الاجرة يا سيدي

متشكرين يا باشاااااااا حمدالله ع السلاااااااااااامة

الله يسلمك , عوااااااااااااااااااااااااد

الاستاذ مرززززززززززززززززززززوق ههههههه اهلا يا بيه حمدالله ع السلاااااااااااااامة نورت مصر

ههههههه الله يخليك يا عواد , ايه يا عواد ازيك وازي احوالك , وازي مسعد وسعيد

هههههههه انا بخير ومسعد وسعيد جالهم اخت وسمناها سهيرررررررر

ماشاء الله ماشاء الله , ربنا يخلي ويبارك , طيب خد بقى المبلغ ده هات حاجة حلوة لسهير

ههههههه من ايد من نعدمهااااااااش , هطلع الشنطتين دول واجي اخد الباقي يا استاذ مرزوق

ماشي يا عواد , وانا هقف جنب الشنط

************************************

هههههههههههه والله ليك وحشة يا مرزوق

لا يا شيخة , والله !!!!!!!!!!!! انا اللي وحشتك برضو ولا الشنط المحملة من خيرات ربنا

الله ! مالك يا مرزوق ! اخص عليك يا حبيبي هههههه طب وهو انت ايه وشنطك ايه ! مش واحد ؟ ههههههههه نورت يا مرزوق نورررررررررررت

نورك يا ستي , البنات فييييييييييييين

راحوا النادي , دراهم عندها تدريب كورة مائية ودنانير عندها تدريب كرة سلة , اصلها ماشاء الله طولت اوي يا مرزوق

ايوة يختي , انا لا بشوف عيالي ولا اعرف طولوا ولا قصروا

هههههههههههههههههه هو في حد بيقصر برضو يا مرزوق

العمر هو اللي بيقصررررررر هو اللي بيضيع من سنين الغرررررررررررررربة

يييييييييييييييييي , موال النكد اللي كل ما ينزل اجازة يفتحه , يعني هو انا يا حبيبي بخليك تسافر ليه غير عشان العياااااااااااال , دول بنات وعايزين تقلهم فلوس يا مرزوووووووووق

فلوس فلوس فلوووووووووووووووووووس انتي اييييييييييييييييه ! انتِ ما فيش على لسانك غير سيرة الفلووووووووووووس , عمرك ما اشتاقتي اني اكون معاااااااااااااكِ ؟؟؟؟؟؟؟؟؟ عمرك ما اشتاقتي انك تتقلبي بالليل تلاقيني جنبك ؟؟؟؟؟؟؟؟؟؟؟؟

اتقلب بالليل الاقيك جنبي اعمل بيك ايه يا مرزووووووق ! يا فرحتي اتقلب الاقيك جنبي والصبح اقلب في التلاجة مالاقيش حاجة اكلهااااااااااا

انا تعبت من الكلام معاكِ وغلبت اقولك ان دخلي قبل ما اسافر كان كويس ومعيشنا كويسسسسسس لكن انتِ اللي ما بيملاش عينك غير التراااااااااااااااب , على العموم احب اقولك ان انا كمان خدت على بعدك عني , خدت انك مجرد شبح في حياااااااااااتي

شبح ! اااااه والله فكرتني دا بيقولوا في عربية شبح طالعة جديدة تحفففففففففففة

طب وانا ماااااالي

مالك يعني ايييييييييييه , انا لحد دلوقتي ما عنديش عربييييييييييية , انت بتهرج يا مرزوووووووووق ! دي اختي عفت كل شوية تقولي انت ازاي لحد دلوقتي جوزك ما جبلكيش عربية , دا جوز فوزية بنت خالتك اللي مسافر بعد جوزك بكتير جابلها عربية احدث موديل وجاب للعيال كل واحد موتسيكل

يا سلاااااااااااااااام !!!!!!!!!! يعني انا يطلع عيني هناك وانتي تركبي عربية هنا عشان ما تبقيش اقل من فوزية , يقطع فوزية على سنين فوزية على عفت اختك ع السعرة اللي اتسعرتيهااااااااااااا ,روحي هاتيلي الغدااااااااا

مش هتستنى العيال ؟؟؟؟؟؟؟؟؟؟

ههههههههههههههههههههههههههههههه والله ضحكتيني , على اساس ان كل يوم ما بتاكلوش من غيري يعني ,روحي حضري الغداااااااااااااااااا
طيب طيب يا مرزوق ما تزوقش , انا عارفة ماله ده ! واحد غيره كان باس ايده وش وضهر انه اتجوز واحدة زيييييييييي

اتفضل الغدا يا مرزوق هههههههه عاملالك كل الأكل اللي بتحبه

شكرا يا ستي , ايه ؟ مش هتقعدي تاكلي ؟

لالالالالالا كل انت انا هروح افتح الشنطططططططططططططط

اه يختي اجري انهبي وحوشي

باباااااااااااااااااااا هههههههههه حمدالله ع السلااااااااااااااامة

بابااااااااااااااااااا ازييييييييييك ههههههههه

هههههههه اهلا اهلا بناتي حبايبيييييييييي تعالوا في حضني يا بناااااااااااااااات

امووووووووووووووووووه ازيك يا درهم امووووووووووووووووووه ازيك يا دنانيرررررررررر

انا كويسة يا بابا , والمدرب مبسوط مني خااااااالص في كورة السلة

وانا كمان يابابا المدرب مبسوط مني في الكورة المائية

المهم انتو عاملين اييييييه واحشيني يا بناتتتتتتتتتتتتت

ههههه وانت كمان يا بابا هاااااااااااااااا جبتلي انا انا ودنانيرررررررررررررررررررر

هههههههههه وانا جبتلي ايه انا ودراهمممممممممممممممممممممم ههههههههههههههههههه

الرحمة يااااااااااااااااااااارب , اجروا شوفوا الشنطططططططططططط الحقوا امكووووووووووووو

**

هههههههه انت هتكلم مين يا مرزوق

هكلم اختي عشان نروح نزورها ونوديلها الهدايا

هداياااااااا !!!!!!!! مممممممم وماله

تررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررن

السلام عليكم

وعليكم السلام مين

هههههههه نسيتي صوتي يا ام سارة ؟؟؟؟؟؟؟؟؟

ميييييييييييين هههههههههه اخويا مرزووووووووووووووق !!!!!!!!!!! ازيك يا حبيبي , حمدالله ع السلامة جيت امتىىىىىىىىى

ههههههههه لسة واصل , على فكرة هنجيلك كمان شوية , فاضية ؟؟؟؟؟؟؟

اهلا وسهلا يا اخويا , لو مش فاضية افضيلك نفسي

طيب انتظرينا

مين يا ماما

خالك مرزوق ياسارة

خالو مرزوق , انا زعلانة منه جداااااااااا بسبب العباية الوحشة اللي جبهالك يا ماما

يا بنتي يا حبيبتي مش مهم والله , المهم رجوع خالك بالسلامة

يا ماما انا ما اقصدش حاجة والله , انا بس بقول ان ليه خالو يحيب هدية رخيصة وما تليقش بيكِ ! الافضل ماكانش يجيب خاااااااالص , حضرتك عشان العباية مش عاجباكِ شحتيها لمرات البواب

يا بنتي اللي ما ينفعنيش ينفع غيري , موضوع وخلص , وانا اخويا عندي يساوي الدنيا ومش مهم الهدايا

**************************************

اهلا وسهلا شرفتونااااااااا ههههههههه والله زمان يا مرزوق , ازيك يا عصمتتتتتتت ازيك وماجبتيش البنات معاكِ ليييييييييييه , نفسي اشوفهممممممممممممم كل ما اسأل عليهم تقولي في النادي ياإما نايمين , اشربي العصير يا عصمت

معلش , اصلهم مشغولين في تدريبات النادي , اديها الهدية عشان نمشي بقى يا مرزوق

ههههههه هدية ايه يا حبيبتي اللي انا مستنياها من اخوياااااااا ! والله داخلته عليا تسوى الدنيا , نورت يا مرزوق يا حبيبي

هههههههه تسلميلي يا ام سارة , والله انا عارف مشاعرك , خدي يا حبيبتي حاجة بسيطة

مالوش لزوم والله , كتر خيرك , عديت على ماما ؟

هعدي عليها بكرة ان شاء الله , معلش نستأذن بقى عشان هنعدي على عفت اخت عصمت نديها الهدايا

ماشي يا حبيبي , شرفت وآنست , ساااااااارة تعالي عشان خالك ماشي

ايه يا خالوووووووو انت لحقت تقعد

معلش ياسارة يا حبيبتي , تعالي انتي بقى , انا قاعد شهر بحاله

ان شاء الله يا خالو هههه مع السلامة يا طنط عصمت

باي باي يا سارررررررة اشبعوا يختي بالهداياااااااااا اووووووووووف

—————————————————–

ونكمل في الحلقة الثالثة والثلاثون  .. إلى اللقاء في الحلقة الثالثة والثلاثون

بقلم الكاتبة: هبة نور

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *