مسلسل خلف هذه الجدران الحلقة الثالثة (الجزء الثاني)

2015-10-18_155136

” الحلقــــ (3) ــــة ” من مسلسل “خلف هذه الجدران ” (الجزء الثاني )

**********
**********

السلام عليكم يا خالد يا ابني ههههه خليك قاعد خلييييييييك

اهلا ااااا هههه وعليكم السلام يا حاج حامد

ها يا ابني طمني , مبسوط في الشغل عندنا

اه والله مبسوط الحمدلله , بعد ما بخلص مراجعة الحسابات بنقعد نذاكر شوية والحمدلله

طب يا ابني الحمدلله , اخبار الست الوالدة ايه دلوقتي

الحمدلله , احسن كتير بفضل الله وبقت تحرك دراعها وضهرها اتحسن , بس ما بنتعبهاش في شغل البيت , اختى بتيجي من المدرسة تعمل كل حاجة

ماشاء الله , واختك في سنة كام يا ترى

اختي في تانية ثانوي تجاري , فاضلها السنة الجاية وتاخد الدبلوم ان شاء الله

ربنا يوفقها يا ابني ويوفقك , طب اني هنفتح الخزنة ناخد فلوس عشان محتاجها

طب عن اذنك اخرج انا يا حاج

تعالى هنا يا ولاااااااااااا هو اني هنخوّنك ولا ايييييييييه ! اقعد مكانك انت زي اميرررررررررر

ربنا يكرمك يا حاج , ربنا يخليك لينا

يييييييييي ايه المفاتيح دي ! مش دي بتاعتي توووووووووء الماديلية بتاعتي شبه بتاعة ضحى بنتي وكنت سايبها ع الطرابيزة جنب مفاتيح ضحى , تلاقي البت يا عيني افتكرتها بتاعتها وخدتها وسابت بتوعها توووووووووء وبعدين بقى , يلا , هنعملوا ايييييييييه لو كان فيه بس وسيلة اتصال تجيب البني ادم فين ما يكوووووووووووون

هههههههه بكرة ياما هيخترعوا يا حاج

*******************************
**********************************************

ضحىىىىىىىىى انتِ مروحة ؟

ههههه ايوة اومال يعني هنروحوا فين يا ميار !

معاكِ مناديل؟

ايوة معايا , استني هنطلع واحد نديهولك بس خلينا جوا المدرسة ما نقفش برا

هههههه ما احنا لسة جوا المدرسة اهو ما خرجناش من البوابة

يا خبررررررررررر ايه ده , دي مفاتيح بابااااااااااااااا يا نهار ابيض , دي فيها مفاتيح الخِزَن كمااااااااان وبعدين بقىىىىىىىىىى اكيد بابا محتاجهم خاااااااااااالص ,بابا قال ان هو النهاردة في محل جليم هنخرج من المدرسة وهنروح جري نديهومله , كويس اني اخدت بالي واني على باب المدرسة ونبقى نكلم ماما من هناك عشان ما تقلقش عليا

هههههههه ايه ده يا ضحى , انتِ بتكلمي نفسك !!!!!!! هههههههه اتجننتِ من كتر المذاكرة ولا ايه ؟ هههههه

ههه لا اتجننت من كتر الناس الحشرية اللي زيك يا ست ميار هههههه خدي يا ستي منديلين مش منديل واحد , اني ماشية , مع السلامة

الله يسلمك يا ضحى

*****************************************
***********************************************

السلام عليكم , ازيك يا عم خميس

وعليكم السلام ههههه اهلا بست العرايس

ههه ربنا يخليك , هو بابا جوا ؟

ايوة في مكتبه يا بنتي

ههههههه اما ندخل جري نقولوله ع اللخبط دي

بابااااااااااااااااااااااا هههههههههههههه اما حصل حتة ممممممممووو هاااااااا اسفة ما مممم ما كنتش اعرف ان حد هنا معاك يا بابا

هههههه اهلا يا ضحى يا بنتي , دي ضحى بنتي يا خالد

ممم بسم ماشاء الله , اهلا يا انسة ضحى

اهلا وسهلا , بابا المفاتيح بتاعتك اني نسيت واخدتها معايا بالغلط والله , حقك عليا

ههههههه اني عارف يا بنتي , معلش حصل خير , والحمدلله جيتي في وقتك , كنت محتااااااااس , عايز نفتح الخزنة ومش عاااااااااارف

طيب , الحمدلله , من فضلك يا بابا , اتصل بماما قولها اني جيت عندك وده سبب تأخيري ع البيت عشان ما تقلقش عليا , السلام عليكم

وعليكم السلام يا ضحى , لما توصلي البيت طمنييييييييني

حاضر يا باباااااااااااا

اما نكلم امها نطمنوها عشان دي بتحسبلها الوقت بالدقيقة هههههههه

بسم الله ماشاء الله , شكلها زي الملاااااااااك

بتقول حاجة يا خالد يا ابني

هااااا لالالالالا اني اني بنراجع الحسابات

**********************************
**********************************************

ثواني واعتماد تحط العشا يا حامد ههههههههه يا عيني يا حامد , اول مرة تحصل من يوم ما اتجوزنا انك تنسى مفاتيحك او تتلخبط وتاخد مفاتيح غيرها

هههههه لا يختي حصصصصصصصصصصل ,اول جوازنا كنت حاطط مفاتيحي في جيب الجاكيت وقولتلك الجاكيت ده عايز يتغسل , خدي الحاجات اللي فيه انقليها للجاكيت البني وانتِ بقى يا عروسة الهنا حطيتي كل حاجة في الجاكيت ونسيتي المفاتيح برا وخلتيني بعد ما وصلت للمحل دبيت مشوار للبيت تاني عشان ناخد المفاتيح ههههههههههه

هههههههههههه يا لهوي على قلبك الاسود يا حامد ! انت لسة فاكر الموقف ده ! طب والله اني كنت ناسياه وانت اللي فكرتني دلوقتي , ممممممممم حتى ساعتها رَجَعت بوزك شبرين ورنيت عليا الجرس وفتحتلك وانت دخلت تجري زي الصاروخ ع اوضة النوم واني طلعت اجري وراااااك نقولولك ايه اللي رجعك يا حامد تبصلي بغل وما تردش عليا هههههه وفي الآخر نتشت المفاتيح من ع السراحة وجريت ع الشارع من غير ولا كلممممممممممممممة

ههههههههههههه اني برضو اللي قلبي اسود يا سميرة !!!!!!!!!!!!!!! دانتي مش ناسية حاجة يا ام قلب ابيض ههههههههههههه معلش يا حبيبتي اصل كنت متغاظ منك وبنقول البت دي باين عليها متدلعة وهتأرفني في عيشتي واني لازم ناخد بالي من حاجتي عشان هي مسطولة هههههههه

ههههههههههههه اني متدلعة يا حامد ! اني ارفتك في عيشتك ياراجل !!!!!!

ههههه لا والله يا سميرة , دا عشرتي معاكِ احلى من الشهد والله يا بنت الاصول انتِ , ربنا يخليكِ لينا يا ام اميررررررررر

تعيش يا حامد ربنا يخليك يا حبيبي ههههه

العشا جاهز يا ست سميرررررررررررة

احنا جايين يا اعتمااااااااااااد خبطي على ضحى قوليلها تعالي اتعشي

حاااااااااااضر

يلا يا حامد يا حبيبي

اني جاي يا عيون حاااااااااااامد

***********************

الاكل جميييييييييل تسلم ايدك يا دادددددة

ههههه تسلمي وتعيشي يارب يا حبيبيتي

بس بالله عليكِ يا دادة ماتكتريش الفلفل الأسمر في الاكل تاني عشان والله مش بنحبه كتير

من عنيا يا حبيبتي , حااااااااضر

تسلم عينك يا دادة

طيب أي خدمة يا ست سميرة , أي خدمة يا حاج حامد

لا روحي انتِ يا اعتماد , حااااااامد شوفت ضحى لفتت نظر اعتماد ازاي بأدب ؟ ههههه شكرت في الاكل الاول وقالت لها تسلم ايدك يا دادة الاكل جميل وبعدين قالتلها على استحياء بالله عليكِ ما تكتريش الفلفل الأسمر تاني هههههههههه

هههههههه بنتك كلها ادب وذوق يا سميرة

هههه ربنا يخليك يا بابا , بس قولي صحيح , ايه حكاية الشاب اللي بيشتغل معاك ده يا بابا ؟ اني استغربت اوي لما لقيتك جايبله مكتب جنب مكتبك في اوضتك الخاصة , اشمعنى يعني يا بابا ؟

ههه ابدا يا بنتي دا شاب من اسرة فقيرة ويتيم الأب وامه ربنا يديها الصحة شقيت واشتغلت فراشة عشان تربيه هو واخته ونجح انه يدخل كلية الهندسة لكن لسوء الحظ امه تعبت اوي ودخلت المستشفى وماكانش قدامه حل غير انه يسيب الكلية عشان يشتغل ويصرف على امه واخته , لكن بفضل الله لقيت ان انسب حل انه يشتغل معانا في شغلانة تليق بيه وبمركزه وفي نفس الوقت يكمل دراسته

ياااااااااااااااه , تعرف يا بابا ان كل اللي لفت نظري هو كلامك عن امه , حقيقي ست عظيمة اوي , تشتغل شغلانة بسيطة عشان توصل ولادها لأعلى المناصب ومش مهم هي تتهان , يااااااااااااه نموذج حقيقي رائع يا بابا مش كدة يا ماما ؟

اه والله يا ضحى يا بنتي , يامَا امهات بيضحوا بولادهم عشان سعادتهم هما , وياما امهات تبذل روحها ودمها عشان تسعد ولادها وما تتخلاش عنهم

والحقيقة الولا كمان يا سميرة اخر ادب واخلاق , حقيقي امه احسنت تربيته

ربنا يوفقه يارب ويصلح حاله هو واللي زيه , تعرف يا حامد اني اتشوقت نشوف الست دي اوي , اني حبيتها من غير مانشوفها , ايه رأيك نعزمهم عندنا , اني وضحى نقعد معاها هي وبنتها وانت تقعد مع الولا تتغدوا سوا

اه ياريت يا بابا , اني كمان نفسي نشوفوها

خلاص اني هنقول لخالد ونعزموهم يوم الجمعة الجاية ان شاء الله

****************************************************************************************

خلصت الحسابات يا خالد ؟

ايوة يا عم حامد , كله تمام

خصمت من صافي الارباح الاجور بتاعة العمال ؟

ايوة والله ما تقلقش , كله تمام

طيب يا ابني , ربنا يكرمك

طب امشي اني يا عم حامد ؟

ماشي يا سيدي , بس بكرة ان شاء الله تشرفنا انت والست الوالدة واختك عشان الحاجة ام امير عزماكو عشان تتعرف ع الست الوالدة

ههه احنا معزومين عندكو ! بمناسبة ايه يا حاج

يا ولا ما قولتلك الحاجة عايزة تتعرف على الست والدتك , بصراحة معجبة بشخصيتها اوي ونفسها تشوفها

ههه خلاص يا حاج , ان شاء الله

اوعى ما تجوووووووووش , نزعل وربنا , ادي العنوان اهو وما تتأخروش ان شاء الله , في انتظاركو

ان شاء الله يا حاج , متشكرين

*********************************************************************************

اهلا وسهلا يا ست ام خالد شرفتينا ونورتينا والله هههههه

الله يعزك يا ام امير , الشرف ليا اني والله هههه

ازيك يا هيام يا حبيبتي نورتينا والله هههههههه

ههه ربنا يخليكِ يا طنط

تعالي يا ضحى سلمي على خالتك ام خالد وهيااااااااااام

حاضر يا ماما , اني جاية اهو

السلام عليكم ورحمة الله ههههه ازيك يا طنط

اهلا اهلا بسم الله ماشاء الله وعليكم السلام ورحمة الله وبركاته , اللهم بارك ايه الجمال ده ههههه

ههههه ربنا يخليكِ يا طنط , ده من ذوق حضرتك , انتِ اكيد هيام هههه

هههههه ايوة اني ازيك يا ضحى

ازيك انتِ يا هيام , شرفتينا

الله يخليكِ يا هيام

خدي البونبونيرة دي وقدمي شيكولاتة لخالتك يا ضحى وقدمي لهيام

حاضر يا ماما , اتفضلي يا طنط

شكرا يا بنتي

اتفضلي يا هيام

شكرا يا ضحى ههه

ضحى , خدي هيام واقعدي في اوضتك وخدوا راحتكو وخليني اعرف اني كمان اخد راحتي مع ام خالد الغالية اللي شرفتنا دي

هههههه حاضر يا ماما , يلا يا هيام تعالي

ماشي يا ضحى , عن اذنكو

اتفضلي يا حبيبتي

اتفضلوا العصير يا جماعة

هههه جرا ايه يا اعتماد ! انتي عايزة تسدي نفسنا عن الغدا بالعصير بتاعك ولا ايه ؟ هههههههه

هههههه لا يا ست سميرة والله , الغدا كلها نص ساعة ونحطه ع السفرا

طيب اني هناكل هنا اني وام خالد وهيام وضحى وحطي للرجالة الاكل ع السفرا

حاضر يا ست سميرة

ازيك يا ام خالد وازي احوالك , والله انا مش عارفة نقولولك اني فرحانة اد ايه انك شرفتينا النهاردة هههههه اهلا وسهلا يا مرحب يا مرحببببببببب يا ام خالد

هههه اهلا بيكِ يا ست ام امير , يا سلاااااااام , والله اني ما كنت متوقعة مقابلتك الحلوة دي , بصراحة جاية واني خايفة وبنقول يا بت يا جليلة ايه موديكِ بيوت الناس الآكابر دي ههههه

اخص عليكِ يا ام خالد , والله اني كدة هنزعل وناخد على خاطري , اني اختك وده بيت اختك وتيجي تشرفينا في أي وقت , هو احنا نطول زيارتك العزيزة دي ؟ داحنا نشيلك فوق راسنا من فوق يا ام خالد

ههههههه الله يعزك يااااااااارب , يفرح قلبك بولادك , انت عندك غير ضحى وامير ؟

لا مافيش غير ضحى حبيبتي وامير حبيب قلبي ههههه في الكلية البحرية وهيطلع ظابط بحري ان شاء الله

ماشاء الله , ربنا يفرحك بيه ياااااااااارب ويحققله امله ومناه وتشوفي ولاده وولاد ولاده هو والست ضحى

ايه الست ضحى دي كمان ! قولي ضحى , ضحى دي زي هيام بنتك , انتي مقامك عندنا عالي يا ام خالد , دانا لما حامد حكالي على اللي عملتيه مع ولادك بقيت ادعيلك في كل صلاة والله واقول ونعم الامهات , ربنا يجعل تعبك مع ولادك في ميزان حسناتك اللهم آمين

آمين يارب العالمين , ابوهم مات وسابهوملي قطط مغمضة والله يا ام امير , كان خالد عنده خمس سنين وهيام تلاتة , اهلي قالولي سيبيهم لاهل ابوهم وانتِ اتجوزي انتِ لسة صغيرة يا جليلة اني قولت والله ابدا اني ما نسيبش عيالي يتبهدلوا , ماحدش بيستحمل حد وعمر ماحد هيراعي عيالي زيي , نزلت اشتغلت فراشة وقولت وماله وياما سَمَعت كلام واهانات من الخلق عشان شايفني ست مالهاش قيمة وبتكنس وبتمسح , كنت انام بالليل ودمعتي على خدي وكارهة اني ننزل الشغل ونقوم من فرشتي نطبطب على هيام وخالد وهما نايمين ونبوس جبينهم ونعيط ونقول في نفسي هننزل ونستحمل عشان خاطر العيلين , واهو الحمدلله ربنا كان معايا وجبر خاطري وشوفت خالد في الهندسة ودي عندي بالدنيا ومافيها الحمدلله

الحمدلله يا ام خالد ياااااااااااااااااااااه انتِ تعبتي اوي يختي , ان شاء الله كله في ميزان حسناتك يا حبيبتي , الغدا يا اعتماد يللي جوعتينااااااااا ههههه

هههه حاضر يا حاااااااااااجة هنحط دورق المية ونرتب الاطباق اهوووووووووووو

******************************************

يعني انتِ ثانوية عامة السنة دي يا ضحى ؟

هههه ايوة دعواتك بقى يا هيام

ربنا معاكِ يارب يا حبيبتي , انت عايزة تدخلي كلية ايه

صيدلة ان شاء الله , لكن انتِ ليه يا هيام مادخلتيش ثانوي عام طالما جبتي مجموع كبير في الاعدادي

والله يا ضحى ان كان نفسي اوي بس نعمل ايه ما رضيتش اتقل الحمل على امي وقولت كفاية مصاريف خالد اللي قاطمة وسطها , ما خبيش عليكِ امي زعلت اوي وقالتلي ليه كدة يا بنتي , اني عايزة نشوفك في كلية حلوة ويبقى مافيش حد زيك , لكن اني كدبت عليها وقولتيلها اني مش غاوية جامعة يا ماما اني هناخد الدبلوم ونشتغل , اصل اني يا ضحى لو قولتيلها اني مش هندخل ثانوي عشان ما نتعبكيش كانت قالتلي مالكيش دعوة بتعبي وهتدخلي يعني هتدخلي ههه فاني قولت نكدب عليها ونقولولها اني مش غاوية جامعة ولا كليات عشان تسيبني , واهو كل واحد بياخد نصيبه يا ضحى

عندك حق يا هيام , ماحدش عارف النصيب فين , ربنا يصلحلك حالك يارب اللهم آمين

ويصلحلك حالك يا حبيبتي , اني حبيتك اوي يا ضحى والله هههه

ههههه واني والله يا هيام , ربنا يديم المعروف , عايزين نزور بعض على طول بقى وما نقطعش من بعض ابدا

ان شاء الله يا حبيبتي

تن تن تن ست ضحىىىىىىىىى الغدا جاهز في الصالوووووون

حاضر يا دادة احنا جايييييييييييين

*********************************************************************

منور يا خالد يا ابني هههه كل ما تتكسفش

دا نورك يا عم حامد والله

, اني ما نحبش نعزم ع الاكل , بس مش هنقولولك غير اني عايز الاطباق ترجع فاضية وزي الفل ههههه

هههه اني باكل اهو والله

يا اعتمااااااااااااد طبق الفاكهة فيييين اني بنحب طبق الفاكهة يتحط جنب الاكل يا اعتمااااد

ههه حاضر يا حاج , والله بننسى معلش , هنجيبوه على طول اهو

كل , يا خالد يا ابني , كان نفسي امير يكون هنا ونعرفك عليه , لكن ملحوقة , اول ما يجي هنعرفك عليه ان شاء الله

ان شاء الله يا عم حامد

الفاكهة يا حاج

حطيها عندك وروحي انتِ يا اعتماد

******************************************************************************************

هههههه ايه ياامي انبسطتي النهاردة من العزومة دي ؟

يا سلاام يا خالد ع الست ام امير يااااااااااااااه عليها طيابة وبياض قلب ماشوفتهومش على حد قبل كدة ولا لسانها اللي بينقط شهد مكرر ولا مقابلتها اللي تشرح القلب الحزين , صراحة ست ولا كل الستات

مممم وايه رأيك في ضحى

ماشاء الله ونعم التربية , دي هيام طول ما احنا في السكة تقولي اني حبيتها اوي يا ماما ونفسي نشوفوها كتير , ولا جمالها يا سلاااااااام اهي دي مش هياخدها غير واحد من اكابر اسكندرية عشان يليق بجمالها وبمركزها

……………………… ممممم طبعا اومال يعني هياخدها واحد زيي !!!!!!!!

ايه يا خالد يا حبيبي , في حاجة ضايقتك ولا ايه ؟ ماانت كنت راجع فرحان وبتضحك من قلبك

لالا ياامي , اني بس حاسس اني تعبان وهندخل ننام عشان عندي كلية الصبح , ايدك ابوسها يا امي اموووه تصبحي على خير

وانت من اهل الخير يا حبيبي , هياااااااااااااااااااام

نعم يا ماماااااااااااا

انتِ روحتي فين يا بنتي ؟

كنت بنغير هدومي يا ماما , هو خالد نام ولا ايه

ايوة , الله يعينه عنده كلية الصبح , روحي نامي انتِ كمان عشان مدرستك

طب نقعدوا معاكِ شوية

ايوة اقعدي معايا والصبح نصحيكِ بطلوع الروح يا ست هيام ههههه

هههه خلاص هندخل ننام , تصبحي على خير يا ماما

****************************************************************************************

شوقييييييييية بت يا شوقييييييييييييييييية

نعم يا ست سعااااااااااااد , انتي لابسة ورايحة على فيييييييييين

هنروح عند توحا اختي اووووووووووف طهقانة وزهقانة وعايز نخرج من البيت ما نرجعشششششششششششش

الف بعد الشر عليكِ يا ست سعااااااااااد , تروحي وتيجي بالسلامة , ابقي ادعيلناااااااااااا

ادعيلك ايه يا بت يا مصيبة انتي ! اني بنقولولك طالعة عمرة !!!!!!!!!!!!!! بلاوي ايه دي

ماماااااااااااااااااااااااا انتي رايحة فيييييييييييييييييين

يادي الخيبة التقيييييييلة , رايحة عند خالتك توحا

خالتي توحااااااااااااااااا , طب لو شوفتي سامي سلميلي عليه يا ماماااااااااااااا

يقطع سامي وسنين سامي يا بعييييييييييدة , اني لو شوفته هنديه بللي في رجلي عشان ترتاااااااااااااااااحي وغوري من وشي خليني اخرج

هههههه مع السلامة يا ماما

******************************************
*********************************************************

اهلا اهلا اهلالالالالالا يا سعاد يختي نورتي , ايه يعني الزيارة المفاجئة دي ؟

اوووووووف طهقانة يا بت يا توحاااااااا طهقااااااااانة , مانيش طايقة روحي ولا اني طايقة عادل ولا اني طايقة العياااااااااااااال

ليه بس كدة ياسعاااااااد , حصل حاجة ولا ايه

من ساعة من الولا احمد ساب البيت واني مش طايقة البيت يا توحا , زي ما يكون حتة من قلبي واتنتشت مني يابت , اني ما كنتش عارفة اني بنحب الولا ده كدة

هو ما بيجيش يسأل عليكِ يا سعاد

بيجي كل فين وفييييين , يمكن في الشهر مرة , ويجي زي الضيف الغريب يا بت يا توحا , يقعد تحت في الريسيبشن ويسلم على شوقية ويقولها ناديلي امي واخواتي , يسلم عليا وعلى اوسا وما يكملش خمس دقايق وياخد عربيته ويمشي , حتى لا بياكل ولا بيشرب حاجة , والتليفون يتصل مرة كل كام يوم يقولي ازيك يا امي اقوله الله يسلمك , مش عايزة حاجة , نقولوله كتر خيرك , يقولي طب سلام يا امي ويقفل ويسيبني لناري اللي بتحرق في قلبي , اني ظلمت الولا ده كتير وعمره ما غلط فيا رغم كل اللي بنعمله فيه ولا عمره رفع صوته عليا

ربنا يهدي النفوس يا سعاد , بس ما تزعليش مني عادل هو اللي مقويه عليكِ اااه هو اللي مقويه , يروح ال يجيبله شقة ويجيبله عربية ويخليه يبعد عنك وعن اخوااااااااااااته , راجل اعوذ بالله منه ومن شره , اني عارفة انت مستحملاه ازاااااااااااااي , اسكتي اني جايبة عروسة للولا احمد انما اييييييييه قمر منور ليلة اربعتاشرررررررررر

عروسة لاحمد ! ودي مين دي ؟ وبنت مييييييييييييييين ؟

دي جارتنا هنا , بت حلوة اوي وزي فلقة القمر وابوها صاحب معرض موبيليا

معرض ايه يختي !!!!!!!!! اني يا توحا يوم ما نجوز احمد وادهم هنجوزهم لبنات اكبر اكابر فيكِ يا اسكندرييييييييييييية , يكونوا من عائلات اسمائها ليها شنة وررررررررررنة , اسامي تخضضضضضض , دول ولاد عادل سليم يا بتتتتتتتتتت اني مش هنجوز ولادي لسناكيح يختي

قدها وقدود يا سعاد يختي قدها وقدود , اشربي الشيّ يا سعاااااااااااد الشي بَرَددددددددد

شوية كدة , ماليش مزاج للشي دلوقتي

سيبك من المواضيع الزرقة دي وخلينا في موضوع سامي واوسا , هيتجوزوا إمتى ؟الولا سامي هيتجنننننننن

يا شيخة قُطع سامي على اوساااااااا على سيرتهم اللي تجيب الفقررررررررررر ,بنقولولك ايه يا توحاااااااا اني لقيت نفسي متضايقة قولت نيجي نتفك معاكِ بكلمتيييييييين , لكن هتجبيلي سيرة زفت الطين ابنك ع القطرانه بنتي هنقوم ونسيبوووووووووووكي , ولا وعلى ايه اني هنقوم فعلا عشان انتِ قعدتك تخنققققققققققق اووووووووووووف اوعي اني ماشية

يا لهوي , استني بس يا سعاد ههههه اقعدي يا بت اقعدي , مالك قومتي في شرك مرة واحدة كدة ! خلاص يا ستي مش هنجيب سيرة سامي واوسا اقعدي بقى , الله يا بت يا سعاد , النضارة الشمس اللي ماسكاها في ايدك دي حلوة اوي , ماركة ماركة يعني , جايباها بكام دي

350 جنيي

لا تستاهل , تستاهل صحيح , وريني كدة اما البسها شوية نشوف هتليق على وشي ولا لأ عشان نجيبوا زيها

وعلى ايه يختي خديها , ما تغلاش عليكِ

لا يختي مش عايزاها ربنا يباركلك فيها , انتِ شارياها منين

هنجيبولك زيها يا توحا , اهمدي بقى

هههههه طول عمرك سخية وايدك فرطة يا سعاد يختي , اخبار ام اويئ ايه ؟

ام اويئ مين ؟

البت السنكوحة اللي اسمها اشجان

تصدقي اني استاهل ضرب البراطيش اني عتبتلك عتبة النهاردة يا توحااااااااااا ماني كنت قاعدة في بيتي زي الملكة , ايه اللي يخرجني ويوديني بيوت اللي يسوا واللي ما يسواش انننننننننني

ههههههه كتر خيرك يختي , اني مش هنزعلوا منك عشان عارفة انك متضايقة , اصل اني كل ما افتكر الكلام اللي البت ثريا قالتهولك وحرقت دمك بيه بيبقى هاين عليا نروحولها نجيبووها من شعرها وننزل فيها ضرب لما يبانلها صااااااااااحب , ال بتعايرنا ااااااااااااااااااااال

وانتي ايه اللي فكرك ! الكلام ده فات عليه سنين

ايوة بس اني لحد دلوقتي مغلوووووووولة , ومغلولة منك انتي اكتر يا سعااااااااد , اني بنقول سعاد اختي قوية وماحدش يقدر عليهاااااااا , تقوم حتة بت زي دي تجيب سيرة ابويا وامي وانتِ تسكتيلهاااااااااا لالالالا انتي مش سعاد اختي ابدااااااااااااا

يختي اسكتي بقى كفانا فضااااااااايح , نضربوها بتاع ايييييييييه , هي كانت كدبت ولا كدبت , مش دي الحقيقة ! ولا هننكر ان امنا اشتغلت خدامة في البيوت بعد ابويا ما مات في السجن

ايه ده ! ده صوت المفتاح في الباب , دا مرشدي , يالهوي ليكون سمع حاجة من اللي بنقولها , صوتك كان مجلجل يا سعااااااااد

يا توحاااااااااااااااا

انا هنا يا مرشدي

ايه ده ! الست سعاد مرة واحدة ههه ايه النور ده , ازيك يا ام احمد

اهلا يا حاج مرشدي , ازيك انت عامل ايه

نحمده , هو مين دول يا توحا اللي ابوهم مات في السجن وامهم اشتغلت خدااااامة

انت سمعت ! يا دي الخيبة , ايوة ايوة , دا فيلم نازل في السيما اسمه ولاد المسجون والخدامة

ده فيلم حلو ده يا توحا ؟ لو حلو ندخلوه انا وانتِ

لالالا وحش وحش اووووووووي , كله نكد بعيد عنك , وبعدين اصله هو فيلم بالانجليزي مش هنفهمه يعني

اااااه , طيب , عن اذنكو هندخل نرتاح شوية , نورتي البيت يا ست سعاد

نورك يا حاج مرشدي , هو مرشدي عامل ايه مع طليقته وعياله ؟

عملهم اسود يختي , اكتشفت ان الراجل منيمني على وداني وبيبعت مصاريف من ورايا لبناته , بهدلت الدنيا وما خلتلوششششششش قدام صبيان المححححححححححل بقى يهدي فيا واني نقول ابدااااااااااااااا

وانتِ عرفتي منين

من سامي , هيكون من مين يعني , بيقولي ياامّا احلام اختي جت وشوشت ابويا وراح مطلع المحفظة واداها لوكشة فلوس قد كدة , اني سَمعت الكلام من الولا اتجننت وروحتله ع المحل بهدلت الدنيااااااااا , قولتله طليقتك وبناتك ما لهومش حاااااااااجة , خالتي وخالتك واتفرقوا الخالااااااااات , والمحل من بابه وعمارة الانفوشي بتوع سامي ابننننننني

جدعة يا بت , هما الرجالة ما يجوش الا بالعين الحمرااااااااااااا واني برضو هنعمل كدة , المال مال عيالي وبت اشجان مالهاش حااااااااااجة

ايوة يختي , المال مال عيالك واجوازهم , والله وباضتلك في القفص يا سامي ههه

بتقولي ايه يختي

بنقولوا هنقوم نعملولك كوباية شيّ بدل اللي ما شربتيهاش دي

لالالالالا اني ماشية , سلام يا توحا

الله يسلمك يا حبيبتي آنستي ونورتي

******************************************************************************************************

صباح الخير يا هاااااااااااااااااااالة ههههههههههه انا جيت

ميييين ! امااااااااااااااااااني ههههههههه حمدالله ع السلامة يا بنتي , ايه الغيبة دي كلها ؟ سنة ونص اجازة بحالهااااااااااا ؟

هنعمل ايه بقىىىىىىىىىىى , الجواز وارفه

ايه يا بنتي ! لحقتي تأرفي من الجواز ! ههههه ابنك وائل عامل ايه ؟ عنده خمس شهور تقريبا مش كدة ؟

وائل كويس , سايباه مع ماما اوووووووووووف ارفانة ع الآخرررررررررررر

ايه يا بنتي في ايه مااااااااااااالك ؟ انت زعلانة مع جوزك؟

اسكتي يا هالة كانت جوازة سووووووووووودة , الله يسامحها ماما اللي قعدت تزن عليااااااااا اتجوزي يا اماني انتي داخلة على خمسة وعشرين سنة يا اماااااااااااااني وبصراحة من ناحية تانية ارفت من الدكتور عصاااااااااااام حاولت معاه المستحيل وده جبلة ما عندوش دمممممممممممم

يا بنتي دكتور عصام ايه وعك ايه ! ماانت عارفة انه راجل متجوووووووز وعارفة كويس اوي هو متجوز بنت مين

ايوة , بس مش مرتاح معاها يا هاللللللة

يا سلام ! وهو اشتكالك بقى ؟

مش لازم يشتكي , الراجل اللي مراته منكدة عليه يا حبيبتي بيبان على وششششششششه

على العموم يا اماني , ياريت تشيلي دكتور عصام من دماغك عشان انتي ست متجوزة دلوقتي وعندك طفل

ومين قالك يا روحي اني هفضل على ذمة الراجل اللي اتجوزته ده ! انا رافعة قضية طلاق يا هالة

يا نهارك ابيض ! ليه يا بنتي كدة تخربي بيتك ؟

بيتي ! يا حسرة , هو فين بيتي دددددددده ! انا اتجوزته على اساس انه بيشتغل سواق تاكسي , البيه بقى يوم يشتغل وعشرة يجرش في البيت وادفعي بقى يا اماني واصرفي , خدي عندك يا ستي , مصاريفه الشخصية ومصاريف سجايره ومصاريف قعاده ع القهوة كلها بياخدها منييييييي , شايلة قرشين على جنب ينفعوني خلصهم اوي عن آخرررررررر لحد ما فاض بيا وقولت ده ما ينفعنيشششششششش , رفعت قضية طلاق ومستينة الحكم

لا حول ولا قوة الا بالله , يعني يا اماني مش كنتِ تختاري كويس ؟ طب ما انا جوزي اهو بيشتغل في محل حلواني ومحتاج لفلوسي وفاتحين البيت سوا , لكن بصراحة عمره ما قصر معايا في المصاريف واللي بيكسبه بيحطه بين ايديا , وقرشه على قرشي وادينا عايشين زي خلق الله ماهي عايشة ,بصراحة انتِ اتسرعتي يا اماني في الجوازة دي

واديني هتطلق اهو يا هالة عشان ما اخسرش اكتر من كدة

طب ووائل ابنك ؟

ماله وااائل , كدة كدة انا اللي بصرف عليه واديه قاعد مع ماما , حتى لو اتجوزت تاني ابقى اسيبه عند ماما

ممممم لو اتجوزتي تاني ؟

هههههه وما اتجوزش تاني ليه , قوليلي هو الدكتور عصام هنا

ايوة , في مكتبه

مممممممم طب عن اذنك اسلم عليه عشان وحشني اوي هههههههه

وبعدين في اماني دي , اللي مهما السنين تعدي مش عايزة تشيل دكتور عصام من دماغها !!!!!

تن تن تن دكتور عصام

ادخخخخخخخخخخل

” الحلقــــ (6) ــــة ” من مسلسل “خلف هذه الجدران ” (الجزء الثاني )

**********
**********
تن تن تن دكتور عصام

ادخخخخخخخخخخل

ههههههه ازيك يا دكتور عصااااااااااااااااام

اماني !!!!!!!! اهلا مدام اماني , حمدالله ع السلامة , بقالك اكتر من سنة ونص تقريبا واخدة اجازة

ممممممممم وحشتك ؟؟؟؟؟؟؟؟؟؟؟؟؟

هااااااااااااااا !!!!!!!!!!!

هههههه اخبارك ايه يا دكتور وازي ال …….. المدام والأولاد

بخير كلهم بخير , متشكر اوي

مممممممم تسمحلي اقعد

تقعدي ! أأأ اتفضلي بس انا حقيقي مشغول ببحث طبي جديد بقرؤه

مش هعطلك كتير يا دكتور

اتفضلي يا مدام اماني , ازي جوزك وابنك , سمعت انك خلفتي ولد , ياريت تهتمي بيه وتربيه كويس انت ووالده , صعب اوي لما الأم تنشغل عن ولادها بنفسها

ممممم نصيحة مقبولة يا دكتور مممممم تعرف اني اتسرعت اوي في الجواز من الانسان ده وندماااااااااانة ندمانة اوي

مدام اماني طالما ارتضيتيه زوج ليكِ بمحض ارادتك فياريت تأقلمي حياتك على طباعه او تحاولي تغيريه بالتدريج , لازم تكوني قد اختيارك عشان لو اعلنتي فشلك هتكوني فريسة لتوبيخ الألسن اللي كانت ضد اختيارك

ههههه لا يا دكتور بالعكسسسسسسس انا ماليش دعوة برأي غيري في حياتي لانها حياتي انااااااااااااا انا وبس

ولما الاقي نفسي بتصدم بطباع مش موافقة لطباعي يبقى ما فيش حاجة تغصبني اني اكمل , على فكرة انا رفعت قضية طلاق واكيد اكيد هكسبها لاني ما اتعودتش اخسر ولا استسلم هههههههههه عن اذنك يا دكتور واكيد هنتقابل تاني

مممممممم الست دي عايزة مني ايه !!!!!!! يا ترى انا عارف وبدعي الجهل ولا عارف وببعد لاني مستنكر الوضع ؟؟؟؟؟؟؟؟ انا ما بقتش عارف أي حاااااااااااااااجة اوووووووووووووووووووووف , خليني في البحث الطبي احسن

***********************************
******************************************************

عاجبك الفضايح اللي بنتك عاملاها دي يا عبد المجيييييييييد

لا طبعا مش عاجبني , وحاولت اعرض عليها أي حل تاني غير بهدلتها بالشكل ده لكن هي دماغها ناشفة اعمل ايه بقىىىىىىىىىىى

تعمل ايه يعني اييييييييييه ! دماغها الناشفة دي تتكسررررررررر , الواد ده لازم يطلقها يا عبد المجيييييييد

يوووووووووووو , انتِ ما عندكيش غير سيرة الطلاق يا احساااااااااااااااااان , هو انتِ فاكراها حاجة سهلة !!!!!!!!!! انا عمري ما هطلب من بنتي طلب زي ده , هي راضية ومبسوطة , خلاص مالناش دعوة احنا

مالناش دعوة يعني ايييييييييه , انا هكلم رشا تشوف حل مع اختهااااااااااااااااااااا

*******

ترررررررررررررررررررررررررررررن تررررررررررررررررررررررررررررررررررررررررررررررررررررررررن

الوو

ازيك يا رشا

اهلا يا ماما , ازيك يا حبيبتي

ازي عبد الرحمن ومنة ؟

كويسين يا ماما , عبد الرحمن في الحضانة ومنة رضعتها ونيمتها

انتِ لسة بترضعي منة لحد دلوقتي !!!!!!!!!! دي عندها يجي سنة ونص

وايه يعني يا ماما , الرضاعة ممكن توصل لسنتين

يختي يا طولة بااااااااااااااااالك , ايوة , ما انتي لو دافعة حاجة في اللبن كنتِ استخسرتي ترضعيها

هههههههه الحمدلله انه من عند ربنا , اعمل ايه يعني يا ماما , انا شغالة دادة ببلاااااااش , اطبخ واغسل وارضّع واغير بامبرز والست نسرين سلفتي سايبة ولادها للدادة وعمالة تتنقل بين النوادي والديفيليهات والكوافيرااااااااااااااات , مش انا اللي عاملة زي شحاتين السيدددددددددددة

هنعمل ايه في الفقري اللي اتجوزتييييييييييه , واحد غيره ومعاه واحدة في جمالك كان دلعها وهناها ووراها الحلو كله , مش سايبها في البيت ترضع زيها زي البقر في الزرايب

ايه يا ماما التشبيهات دي !!!!!!!!! وبعدين مين قال ان هاني بيبخل عليا ولا على الولاد !!!!!!!!!! هاني بيخرجنا ويفسحنا وبيجيبلنا اغلى حاجة , هو بس مشكلته انه عايز زوجة زي امه بالظبط , تطبخ وتغسل وتمسح وتربي عياااااااااااااال اديني بربي يا ماما

بتربي ! لا وانت الصادقة دانتي بتتربي

انتِ عاملة ايه يا ماما وازي بابا ؟

سيبك مني انا وابوكِ دلوقتي وقوليلي , بتكلمي اختك المجنونة ؟؟؟؟؟؟؟؟؟؟

اوووووووووف ما تجبليش سيرتها يا مامااااااااااااا , دانا بطلت اعدي من الشارع اللي فيه عربية البطيخ بتاعتهااااااااااااا دي فضحتنا يا ماماااااااا الحمدلله ان ماحدش من الجيران يعرف انها اختييييييييي , والهانم سايبة كل المناطق وجاية تبيع بطيخ في منطقتي , شوفتي حرقة الدم يا ماماااااااااا ؟ هي ناسية مركز جوزي ووضعه وبرستيجه ؟؟؟؟؟؟؟؟؟؟؟؟؟؟؟؟

ايوة يختي ما هي واقفة جنب كشك جوزها ,طب والحل اييييييييييه ؟

مش عارفة يا ماما , انا قولت لهاني يجيب قرار ازالة للكشك ويتحفظوا على عربية البطيخ ويحبس دعاء وجوزها بس هو ما رضيش يخالف ضميره

ضميره !!!!!!!!!!! الهي يعدم ضميره اللي فلقنا بيييييييييييييه , ال ضميره ااااااااااال , الراجل ده ما بقبلوووووووووش

هههههه ولا هو بيقبل حضرتك يا ماما

سيبك من سيرته وقوليلي هنتصرف ازاااااااااااااي

تررررررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررن

مش عارفة بقى يا ماماااااااا , هسيبك دلوقتي عشان جرس الباب بيرن

روحي شوفي مين يا رشا , مع السلامة

الله يسلمك يا مامااااااااا , ايوة يللي ع البااااااااااااااااب , ميييييييييييييييييين

انا فهيمة يا ست رشااااااااااااااااا

اووووووووووووووووووووف , عايزة ايه , وايه البطيخة اللي في ايدك دددددددددددي

هههههه ابدا يا ست رشا , مدام عصمت ندهت عليا عشان اروح اشتريلها بطختين روحت عشان اشتري لقيت واحدة ست سبحان الله شبه حضرتك الخالق الناطق بس لابسة هدوم مبهدلة شوية كدة بتبيع بطيخ , بعد ما اشتريت منها قولتلها سبحان الله فيكِ شبه كبير اوي من ست رشا هانم مرات حضرة الظابط ضحكت وقالتلي دي تبقى اختي الكبيرة ,

اييييييييييييييييييييييه !!!!!!!!!!!!!!!!! ايه الكلام الفاضي ددددددددددددده

أي والله زي ما بقولك كدة يا ست رشا , قالتلي انتي نستيني يا فهيمة ؟ انا جيت عندها كتيرررررررررررر قولتلها والله لامؤاخذة يا ست هانم اصل ماجاش على بالي ابدا ابداااااااااااا ان اخت الست رشا هاااااااااااااااااااااااااانم بجلالة قدرها بتبيع بطيخ في الشارع

قالتلي هنعمل ايه يا فهيمة يختي , اكل العيش مر , وقالتلي خدي البطيخة دي اديها هدية لرشا اختي , اتفضلي يا ست رشاااااااااا بالهنا والشفا على قلبك ان شاء الله

ايييييييييييييييييييييييه !!!!!!!!!!!!!!! بقى هي قالت انها اختتتتتتتتتتتتتتتتي

يا ست هانم هي مش محتاجة تقووووووووووووول , كل اللي يشوفها اكيد هيعرف انها اختك من االشبه اللي بينكو , طب ما تقولي لاختك بدل ما تبيع بطيخ وجوزها يفتح كشك يروحوا يستلموا بوابة عمارة زيي انا وعواد كدة , والله يكسبوا دهب , في عمارة جديدة في الشارع الي ورانا وطالبين بوابين , ابقي قولي لاختك ينوبك ثواااااااااب

امشي غوري من وشييييييييييييييي خدي البطيخة دي وغوووووووووووووووووري

هي مالها دي ! خلاص براحتك هاتي البطيخة ياكلوها العيال الدنيا حرررررررررررر

********************************
***************************************

والله دعاء دي عايزة تتهزأ فعلااااااااااااااااااا انا هتصل بيهاااااااااااااااااا

تررررررررررررررررررررررررررررررررن تررررررررررررررررررررررررررررررررررررررررررررررررررررررررررررررن

الو

ايوة يا ست دعااااااااااااااااء

اهلا يا رشا

انتِ هتعقلي امتى بقى ان شاء الله

وانتِ شايفاني مجنونة عشان اعقل يا رشا ؟ انا عارفة انتي تقصدي ايه , بس قوليلي بإيدي ايه اعمله ؟

اتطلقي يا دعاااااااااااااء اتطلقي , الراجل ده ما يليقش بيكِ

وابني يا رشا ؟؟؟؟؟؟؟؟؟

ماله ابنك ! هيتربى احسن تربية , ولا انت مصرة تربيه ع الارصفة ؟؟؟؟؟؟؟؟؟

رشا انا مش هتخلى عن جوزي مهما حصل ومش هفرط فيه , مش عشان ظروفه ملخبطة اتخلى عنه , انا هساعده بكل قوتي

مجنوووووووووووووونة حقيقي مجنونة

***********************************
*********************************

مافيش حل غير اني اتصل بحرم مأمور القسم نفسه , مدام شيرويت

ترررررررررررررررررررررررررررررن تررررررررررررررررررررررررررررررررررررررررررررررررن

الو

اكلم مدام شيرويت من فضلك

اقولها مين حضرتك

مدام رشا حرم الرائد هاني زاهر

لحظة هبلغها

الوووو

مساء الخير مدام شيرويت ههههه عاملة ايه

هههه كويسة يا روحي , خير ؟ مديرة المنزل بلغتني انك عايزاني

اه والله كنت عايزة حضرتك في موضوع خطير خطيرررررررر

خيرررررررر ! قلقتيني

ممممممم في واحد صاحب كشك معفن كدة وجاب مراته تقف بعربية بطيخ احتلوا شارع من الشوارع الرئيسية وشوهوا شكله خالص , وحضرتك عارفة ان منطقة الحدائق من المناطق الراقية واللي بيحصل ده ما يصحششششششش , لازم الناس دول يمشوا حالاااااااااااا

معقول الكلام اللي بتقوليه ده ! وفين شرطة المرااااااااااااااااافق , فين وزارة البيئة !!!!!!!! ده تشويه متعمد لجمال الأماكن , وازاي جوزك سيادة المقدم ما اخدش ضدهم اجراااااااااااااااااء

بيقول يا مدام شرويت ان ما فيش قدامهم غير الحل ده وان الدنيا ضاقت بيهم وحرام نقف ضدهم , ولو عايزينهم يمشوا يبقى نوفرلهم الاماكن المناسبة البديلة وكمان صاحب الكشك معاه ترخيص

جوزك سلبيييييييييي , مالنا احنا نوفر اماكن للأشكال دددددددددددددي !!!!!!!!! العناصر دي لازم تستأصل من المجتمعععععععععععععععع , ايه ده ! ما فيش تحضررررررررررررر , ما يكونش عندك فكر يا رشا , اديني اسم الشارع ده ومن الصبح مش هتلاقيلهم أثررررررررررررررررر

ههههههههههههههههههههه شكرا مدام شيرويت , انا قولت برضو ان حضرتك اللي هتقفي جنبي , هملي حضرتك العنوان

***************************************
*****************************************************

اااااااااااه الواحد تعب النهاردة بشكل يا طااااااااااارق

يا دعاء انتِ بجد بتتعبي ومش عارف ايه اخرتها , لا بنتقدم ولا عمرنا هنتقدم , بالعكس احنا كل يوم بنتدهور عن اليوم اللي قبله

يعني هنعمل ايه بس يا طارق يا حبيبي !!!!!! احنا مضطرين , يعني احنا ما لقيناش فرصة مناسبة وسيبناها , هنعمل ايه يعني ! اقعد انا في البيت وانت تقعد على قهوة ! طب هناكل منين ! ولا عايزني امد ايدي لبابا يديني مساعدة كل شهر ! وحتى ده مش حل جذري للمشكلة

اووووووووووووووووووووووووووووووف انا تعبت يا دعاء تعبتتتتتتتتتتتتتتت حاسس اني بحارب طواحين الهوا , حاسس اني بجري ضد التيااااااااااااااااار

هههههه يا حبيبي روق بقى , مش للدرجة دي , ادينا بنعمل اللي علينا , ربنا هو القادر يصلح الاحوال , المهم احنا ما نستسلمش لليأس

************************************************************************

هااااااااااااااااااني

افندم

انت نازل يا حبيبي

ان شاء الله يا روحي , في حاجة ؟؟؟؟؟؟؟؟؟؟

اديني فلوس عشان هبعت فهيمة تشتري شوية طلبات

ماشي , عايزة كام

مممممم يعني , اللي تجيبه

هههههههه حلوة اللي تجيبه دي , بتفكريني بسواقين التاكسي , خدي يا ستي خمسين جنيه اهم

************************************************************************

ياااااااااااااااااه اصبحنا واصبح الملك لله , اما ارش مية قدام الكشك

بعد ما ترش قدام الكشك تعالى رش قدام عربية البطيخ يا طارق

ماشي يا ام صلاح , ايه دددددددددددددده !!!!!!!!!! دول بتوع البلديييييييييييييييييية اجري يا دعااااااااااااااااااء

اجري اروح فيييييييييييييين ؟ وعربية البطييييييييييخ ؟؟؟؟؟؟؟؟؟؟؟؟؟؟؟؟؟

اجري بلا بطيييييييييييييخ هتتبهدلييييييييييي خدي الواد وروحي البيييييييييييييييييييت

انت ياراجل انت , مين صاحب عربية البطيخ دي

مش موجود يا عم الحاج

طيب , خدوا العربية دي , وانت صاحب الكشك ده

ايوة

الكشك ده جايله قرار ازالة ولازم يتشاااااااااااااال

يتشاااااااااااااااال ! يتشال يعني ايييييييييييه دا مصدر رزقي الوحيييييييييييييد , يعني تشيلوه واروح اسررررررررررررررررررق

بنقولك ايه يا راجل انتتتتتتتتتتتت احنا جايلنا اوامر , وسكان المنطة مقدمين فيك شكاوى

سكان المنطقة مقدمين فيا شكاوى !!!!!!!!!!! طبعاااااااااااااااا ماكل واحد فيهم بيشتغل برنس في مجاله وعربية توديه وعربية تجيبه , مالهم ومال الغلابة اللي زينااااااااااااااااا هما بس اللي يعيشوا واحنا ننداس تحت الرجليييييييييييييييييييين , بلد تحترم الحرامي اللي بيمد ايده في جيوب الخلق وتهين الشريف اللي عايز ياكل بالحلااااااااااااااااااال حسبنا الله ونعم الوكيل فيكوووووووووووووووووووو

****************************************************************

اهئ اهئئئئئئئئئئئئئ معقول يا طارق , رشا اختي هي اللي تبلغ فيا !!!!!!!!!!! اهئ اهئئئئئئئئئئ مش مصدقة

لا صدقي , اختك عندها حق يا دعااااااااااااء احنا ولا حاااااااااااااااجة احنا الناس كلها بتستعر مننااااااااااااااا اختك عندها حق , خايفة على مركزها ومركز جوزهاااااااااااااااا

اهئ اهئئئئئئئئئ على حساب اختها ؟؟؟؟؟؟؟؟ اهئ اهئئئئئئئئئئئ اول مرة اعرف اني ما اساويش حاجة عند رشا وان اهم حاجة راحتها هي اهئ اهئئئئئئئئئئئئئئئئئئ طب واناااااااااا !!!!!!!!! اهئ اهئئئئئئئئئئ

ما تزعليش يا دعاء , ربنا هيفرجها ان شاء الله , وبعدين انتِ ايه اللي جرالك يا دودو ؟ هههههههه انتي اللي دايما تقويني بكلامك , خليكِ دايما في ضهري كدة , لان انتِ لو انهارتي انا كمان هنهار

اهئ اهئ انا عمري ما هتخلى عنك يا طارق اهئ اهئئئئئئئئ حتى لو حصل قد اللي حصل الف مرة اهئ اهئئئئئئئئ وان شاء الله بكرة احسن واكيد اكيد ربنا بيدبرلنا الخير وهنشوفه قريب اهئ اهئئئئئئ ان شاء الله

—————————————————–

ونكمل في الحلقة الرابعة .. إلى اللقاء في الحلقة الرابعة (الجزء الثاني)

بقلم الكاتبة: هبة نور

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *