مسلسل “الحب فى زمن الـــ لا حب” الحلقة الحادية والعشرون

2015-10-19_125633

الحلقة الحادية والعشرون

 

بعد اسبوع نور قاعده فى اوضتها بتذاكر عشان الامتحانات قربت لقت موبايلها بيرن

نور بفرحه : السلام عليكم ………. ازيك ياعلى اخبارك ايه

على : الحمد لله تمام ………….وحشتينى اوى

نور ساكته ومش بترد

على : اخبارك ايه

نور : الحمد لله تمام ………..انت اتاخرت ليه كده

على : كان فى حالة طوارق ووقفين الاتصالات ………..ايه قلقتى عليا

نور : طبعا كنت قلقانه عليك

على بفرحه : بجد

نور : على انا هتكلم معاك بصراحه ويايت تسمعلى لحد الاخر

على : قولى يا نور

نور : على بجد انا بعزك وبحترمك جدا بس بصراحه انا مش قدره احس انك ممكن تبقى اكتر من اخ وصديق جدع جدا ………….بص بصراحه

كده بسبب موضوع نورهان انت كنت صعبان عليه اوى يمكن عشان مكنتش متخيله ان فى بنات ممكن يلعبو بمشاعر الولاد ولما شوفت انت قد ايه

بتحبها بجد وانجراحت قد ايه يمكن اتعاطفت معاك وقربت منك مش عارفه بجد بس اللى اعرفه كويس ان انا مش بحبك ولا انت كمان ينفع تسمى ده

حب

 

على : بس

 

نور : من غير بس انا كنت فعلا حاسه انى لازم اقف جانبك لانى بعزك زى اخويا وانت وقفت جانيى كتير وانت كنت محتاج حد جانبك يخرج من

الحاله اللى كنت فيه بس صدقنى مش حب عشان خاطرى يا على متزعلشى منى ولا عاوزاك تزعل من نفسك وتاخد موقف بجد انت انسان كويس

اوى ونادر وانا بجد بحترمك اوى واتمنى تكون ليا اخ وتعتبرنى اختك اللى لو احتجتالها فى اى وقت هتلاقيها وبجد بتمنالك كل خير ويتمنى تلاقى

البنت اللى تقدرك وتقدر حبك وقلبك الطيب ده

 

على : بجد يانور مش عارف اقولك ايه بس انتى بقيتى غاليه عندى اكتر من الاول وانا مش هقدر الومك ولا ازعل منك لانك كنتى صريحه معايا من

الاول عشان كده انا هحترم قرارك ده وهعتبرك من انهارده اخت ليا ولو احتاجتى اى حاجه هتلاقينى

 

نور : بجد يا على متعرفشى انت ريحتنى قد ايه بجد انت احسن اخ فالدنيا ربنا يخليك يارب

على : ويخليكى يانور وربنا يسعدك دايما يارب

نور : امين يارب

على : هتعوزى حاجه منى

نور بابتسامه : سلامتك شكرا

على : سلام

نور : سلام

 

نور كانت فرحانه من رد فعل وكلام على وكانت حسه انها بقت مرتاحه ومفيش حاجه تخبيها ولا تخاف منها

على بقى كان زعلان وفرحان زعلان لانه خسر نور كحبيبه وفرحان انه كسبها كاخت ولما فكر ان كلام نورحس انه فعلا صح وان اللى بنهم كان

احتياج وحاجه شدته ليها بسبب ظروفه النفسيه وجرح نورهان ليه بس مش حب عشان كده هو كمان اكتفى انه يبقى اخ ليها وبس

 

………………………………………………………………………………..

 

وتعدى الايام وتبداء الامتحانات وينشغلو البنات فالمذاكره وامتحانات

وبعدها ينشغلو فى تجهيزات فرح مريم وشرى الطلبات

وتبان النتيجه وينجحو البنات وتطلع نور الاولى زى العاده

وعلى فضله شهر ويخلص جيشه

وفاضل خلاص اسبوع على فرح مريم

وفى يوم البنات قاعدين مع بعض فى اوضة مريم

مريم : انا مش عارفه ليه كل مالفرح بيقرب بقلق اكتر وبخاف

نور : دى طبيعى دى حياه ومسؤليه جديده عليكى متخافيش

ساره : هههههههههههههههههه متخافيش يا مريم مش هيكلك

نور : متحترمى نفسك يابنتى شويه

مريم : يعنى لو احترامت نفسها هتبقى ساره ازاى يعنى

ساره : صحيح الفستان خلص ولا لسه

مريم بقلق : لسه ده الراجل ده هيجنينى شكلى كده احضر الفرح من غير فستان

نور : يعنى احنا فساتينا تخلص والعروسه لسه

مريم : مش عارفه انا حلمت ان الفستان بتاعى ضاع والميك اب بتاعى كان بايظ

نور : ليه كده بس ….زمتقلقيش ده بس من التوتر والقلق والضغط اللى انتى فيه

ساره : يابنتى متخافيش ولو مخلصشى ابقى البس اى طقم من عندك وخلاص بجد فكره جامده احنا كلنا نلبس سواريه وانتى بقى تدخلى انتى وخالد كاجول ههههههههههههههههههههه شكلكم هيبقى مسخره ههههههههه

مريم : يا خفه ………..ما تسكتى بقى يا ظريفه

نور : يابنتى اسكتى هو المفروض نهديها ولا نقلقها اكتر ولا هى غلاسه وخلاص

ساره بجديه : عندك حق …….بس بصراحه هى طلبه معايا غلاسه ههههههههههههههههههههه

نور ومريم قامو وقعدو يضربو فيها بالمخدات

وقاعدو يضحكو ويهزرو مع بعض

وفجاءه لقو الباب بيخبط

نور وهى بتعدل السرير : احترمو نفسكم بقى اكيد طنط

مريم بخضه: لاء ماما مش هنا محدش فالبيت غيرنا اصلا

ساره : ليكون عفريت

نور :يا سلام يمكن تهيوئات

ساره : ياسلام يازكيه كلنا هيجلنا نفس التهيؤات

مريم : طب وبعدين ………..طب اتكتمو شويه عشان نسمع

سكوت تام فى الاوضه وهم قاعدين على السرير ومسكين فى بعض

شويه وسمع صوت خربشه على الباب

مريم بخوف : انتم سامعين …………..ليكون فار

نور وهى بتصوت وبطنت على السرير : ايه فااار

ساره : بس يا غبيه هو لو فار هيخبط يعنى بيستأذنا يعنى …………..قومى يامريم افتحى ممكن يكون طنط جات من بره

مريم : وانا مالى قومى افتحى انتى

ساره : ماشى يا جبانه هقوم اهوه

ساره بتقرب على الباب وهى من جواها خايفه بس بتحاول متبينشى

وفجاءه تفتح ساره الباب تلاقى قدمها

 

_______________________

وتصوت مريم جااااااااااااااااااااااااااااااااااااامد

———–———-———————-————

ونكمل في الحلقة الثانية والعشرون  .. الى اللقاء في الحلقة الثانية والعشرون

بقلم الكاتبة :ريم أحمد

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *