طريقة عمل حلى البروفيترول بالخطوات المصورة

2015-10-19_171638
طريقة عمل حلى البروفيترول بالخطوات المصورة
البروفيترول بيعتمد على عجينة الشو زيه زى بلح الشام وجاتوه الإكلير
المقادير :

 

 

كوباية ميه 250 جرام مية (عايرت بمج الشاى الإزاز)


كوباية دقيق ما يوازى 150 جرام دقيق


(نصف كوبايةزبدة فى درجة حرارة الغرفة) ما يوازى 100 جرام زبدة


4 بيضات

 

 

أنا بافضل فى الحلويات التعامل بالجرامات فكنت باوزن وباعاير بالمج
الطريقة :
ولعت الفرن على درجة حرارة
180
حطيت الميه عالزبدة عالنار
2015-10-19_164907
وسيبتهم يغلوا
2015-10-19_164925
وطيت النار
2015-10-19_164934
حطيت الدقيق كله مرة واحدة
2015-10-19_164943
وقلبت بمضرب السلك شوية لحد اما اتكونت عندى عجينه بالشكل دة
2015-10-19_164957
حطيت العجينه فى مضرب البيض
2015-10-19_165007
وضربتها شويه لحد أما بردت شوية
وضفت البيض بالتتابع مع الفانيليا واحدة واحدة
ودة شكل العجينه وأنا باضيف البيض والفانيليا بالتدريج
2015-10-19_165020
2015-10-19_165058
2015-10-19_165203
2015-10-19_165212
2015-10-19_165226
شايفين فى الآخر العجينه بقت ناعمة ازاى 
حطيت العجينه فى كيس الحلوانى 
وشكلتها بالطريقة دى
2015-10-19_165246
وطبعا كان الفرن شغال من أول ما بدأت الشغل
حطيتها فى الفرن على درجة حرارة 180 درجة 25 دقيقة بالتمام والكمال على الرف الأوسط
ممنوع ممنوع فتح الفرن قبل كدة ودة علشان ما يهبطش والنتيجة تكون مضبوطة بإذن الله
يعامل معاملة الكيكة الإسفنجية
طبعا لو فرنك حامى ممكن تقللى درجة الحرارة شوية
وكانت النتيجة ماشاء الله
2015-10-19_165258
2015-10-19_165309
2015-10-19_165327
وحدات خفيفة جدا ومنتفخة وصالحة للحلو والحادق
خسارة انى ماجربتش الموضوع دة من زمان بس ياللا كل حاجة بأوان
فيه حاجة نسيت أقولها اتبقى جزء من العجينه مادخلتش الفرن مع اخواتها فحمرتها فى الزيت بنفس طريقة بلح الشام
يعنى حطيتها عالزيت وهوبارد واستوت على نار هادية
ودة كان شكلها لما استوت
2015-10-19_165340
رشيت عليها سكر بودرة
عايزاكم تتخيلوا طعمها تفتكروا طعمها كان ايه
بجد كان حكاية كبيرة خالص
للحشو
استخدمت باسترى كريم أو كريم باستيير
دة بيتباع فى محلات مستلزمات الحلويات الكيلو ب40 جنيه
استخدمت ربع كيلو
مع نصف كيلو لبن وبالمضرب على أقصى سرعة
2015-10-19_165419
وحشيت الوحدات بالباسترى كريم بالطريقة دى
ودة شكلها بعد الحشو طبعا الوحدات الخفيفة بقت وحدات تقيلة
2015-10-19_165433
2015-10-19_171441
و فيه وحدات حشيتها مربى
2015-10-19_171448
2015-10-19_171500
وحطيت عليه صوص الشيكولاته
وخيوط من الشيكولاتة البيضا السايحة
وقدمته بالطريقة دى
بولة فيها تلات وحدات
وبولة فيها أربع وحدات
2015-10-19_171509
2015-10-19_171518
2015-10-19_171534
2015-10-19_171549
واحتفظت بيه فى التلاجة بإنى غطيت البولات بالبلاستيك الشفاف بالشكل دة
2015-10-19_171621
البروفترول من مطبخ ردينى..بجد روعة (كرنفال فتكات للمبدعات)
وكل ما كان بيسقع كل ما طعمه بيكون أحلى
——————————————-
بس ليكم تعملوه بالطريقة اللى تريحكم
صوص الشوكولاتة

ومكوناته :
350 جرام ميه(حوالى كوب ونصف)
85 جرام سكر(حوالى نصف كوباية)
50 جرام جلوكوز(أنا استخدمت خمس معالق كبيرة عسل نحل لإنى ما كانش عندى)
200 جرام شيكولاتة خام مبشورة
125 جرام كريم شانتيه بودرة (تمن كيلو )
40 جرام كاكاو خام(حوالى ربع كوباية)
معلقة كبيرة جيلاتين بودرة
الطريقة:
حطيت كل المكونات ماعدا الجيلاتين على بعض وعالنار وسيبتها تغلى على نار هادية خالص وأنا بقلب فيها من وقت للتانى حوالى 10 دقايق
مع مرور الوقت الصوص كان بيتقل بالتدريج
فى الوقت دة دوبت معلقة الجيلاتين فى خمس معالق مية من الحنفية
الجيلاتين فرش وبقى عامل زى السفنجة
وأول ما وصلت للدرجة المطلوبة اللى بيغطى فيه ضهر المعلقة
طفيت النار وأضفت الجيلاتين اللى عامل زى السفنجة
فساح من الحرارة ورجع سايل
ودة شكله تحفة يا بنات ولمعته بجد خطيرة

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *