مسلسل “الحب فى زمن الـــ لا حب” الحلقة الخامسة والعشرون

 

الحلقة الخامسة والعشرون

 

مريم : مش هينفع دى اخر سنه وعاوزه اجيب تقدير كويس عشان لما اسفر معاك الاقى شغل كويس

نور : ممكن تسافر اول شهر لسه الدراسه هيبقى لسه فاضل اسبوعين على الدراسه واول اسبوعين من مهم هجبلك المحاضرات المهامه

مريم وهى بتفكر : صح ……….ربنا يخليكى يانور

خالد : يعنى خلاص احجزلك معايا

مريم بفرحه : ماشى بس هرجع بعد شهر

خالد : ماشى …………..وانت يا محمد هتسافر امتى

محمد : بعد بكره ان شاء الله

كان بيقول الكلمه وهو باصص لنور ونور حست بنغزه فى قلبها

ومريم لاحظ تغير ملامح نور

مريم : خالد تعالى عاوزه اقولك حاجه جواه

مريم دخلت هى وخالد عشان تسيب نور ومحمد مع بعض

نور : انت فعلا هتسافر بعد بكره

محمد : اه

نور : ليه واخد اجازه صغيره كده مش تفضل شويه ……….يعنى عشان مريم

محمد بابتسامه : لو كان ينفع مكنتش هتاخر عليها بس انا اصلا واخد الاجازه دى بالعافيه

نور : انت فاضلك قد ايه

محمد : فاضلى سنه ان شاء الله

نور : ربنا معاك ويوفئك وترجع بالسلامه

محمد : ويوفئك انتى كمان

وسكتو شويه

محمد : هو ممكن اسالك سؤال ؟؟

نور : اتفضل

محمد : انتى ممكن ترتبطى وانتى لسه بتدرسى

نور : لاء معتقدشى انا رفضه الموضوع ده حاليا

محمد بزعل : اها اوكى ربنا معاكى

نور اضايقت لما حست بزعل محمد : ومعاكى ………….انا همشى بقى

محمد بلهفه : له بدرى

نور : معلشى مش هينفع اتاخر اكتر من كده

محمد : هيوحشنى الكلام معاكى

نور بارتباك : ترجع بالسلامه ان شاء الله …………….مريم ياااا مريم

وجات مريم وسلمت عليها ومشت ومحمد قاعد شويه مع اخته وروح هو كمان

وتفوت الايام ويسافر محمد وتسافر مريم وخالد وتبداء الدراسه ومفيش اى جديد

 

……………………………………………………………………………

 

فى يوم ساره تكلم نور

نور : السلام عليكم

ساره : نور احلقينى بسرعه

نور بخضه : فى ايه يابنتى

ساره : مصيبه يانور

وبداءت تعيط

نور : طب اهدى كده واتكلمى براحه

ساره بعياط : مش هينفع الكلام كده …..قابلينى فالنادى

نور : ماشى هلبس وهجيلك

بعد حوالى نص ساعه ساره ونور فالنادى

نور : فى ايه يابنتى خضتينى

ساره : ماما وخالتو عاوزنى اتجوز على

نور بخضه : ايـــــــــــــــــــــــــه

ساره : زى ما بقولك كده

نور : طب وهو قالك ايه

ساره : معرفشى مكلمتهوش ولا حتى اعرف هو موافق ولا لاء

نور : طب اهدى كده وفهمينى براحه

ساره : مفيس خالتو كانت عندنا امبارح وشويه لقتها بتقول لماما ان انا وعلى نتخطب وانه خلص الجيش ولقى شغل كويس وكمان سنه اكون خلصت دراسه وهو يكون كون نفسه ونتجوز

نور : ومامتك قالتلها ايه ؟؟

ساره : طبعا وافقت هى بتحب على اوى وكانت دايما تلمحلى انها نفسها تجوزنى ليه بس طبعا انا مكنتش قلقانه عشان عارفه على وعمره مهيفكر كده ……….بس لما خالتو جات واتكلمت الدنيا اتلخبطت ومبقتشى عارفه افكر

نور : طب وانتى رافضه على ليه ؟؟

ساره : انتى اللى بتسالينى يانور …….انا عمرى ما شوفت على غير اخ وكمان انا معنديش استعداد ارتبط بحد بعلى او بغيره كفايه اللى حصلى من كريم

نور : بس على يا نور كويس وابن خالتك وهيخاف عليكى ومش هيجرحك زى كريم

ساره : انتى ناسيه انهم اصحاب

نور : لا طبعا على مش زى كريم انا عارفه على كويس

ساره : طب وموضوعك معاه انتى ناسيه انه بيحبك

نور : ساره على مش بيحبنى ولا انا بحبه انا بعتبره اخ مش اكتر وهو كمان صدقينى

ساره : مش عارفه يا نور وبعدين انا مش هقدر اضحك عليه ولازم اقوله اللى كان بينى وبين كريم مش عارفه يمكن لو كان حد تانى غير على كنت مش هبقى مكسوفه من نفسى كده

نور : بصراحه كده ومن غير زعل ………….هو انا قولت لعلى موضوع كريم

ساره : ايه …….قولتيله يانور ليه ..؟؟

نور : ده اصلا كان سبب كلامنا فالاول هو كان عاوز يعرف مالك وانا عارفه ان على عاقل وحكاتله

ساره فضلت ساكته شويه

نور: زعلتى

ساره : لاء هى اصلا بايظه بايظه كويس انه عارفه عشان تسهلى عليه الوضوع ………..طب انتى شايفه ايه يانور

نور : شايفه انك تقعدى معاه وتتكلمو وتشوفى هيقولك ايه انا شايفه ان على محترم وكويس وقريبك واكتر واحد هيخاف عليكى غير انه حب وجرب وانجرح زيك واكيد هيقدر حكايتك مع كريم

ساره : انتى شايفه كده

نور بابتسامه : متخافيش يا ساره انتى طيبه وربنا هيعوضك وبجد على كو يس اوى ويستهلك وانتى كمان تستهلى كل خير

ساره : بجد يانور انتى ريحتينى شويه انا فعلا هكلمه وهشوف ربنا كتبلى ايه انا جربت قلبى قبل كده وخسرت لما اجرب عقلى يمكن ربنا يوفقنى

نور : ربنا يوفقك ويكتبلك السعاده ياساره يارب

ساره : ربنا يخليكى ليا يارب

وفعلا ساره روحت وكلمت على واتفقو انهم يتقابلو تانى يوم فى النادى

 

وتانى يوم فى النادى

على : خير يا ساره ايه الموضوع المهم اللى عاوزانى فيه

ساره باستغراب : هو انت متعرفشى ؟؟

على باستغراب : اعرف ايه متفهمينى فى ايه ؟؟

بداءت ساره تحكيله كلام مامتها ومامته

وهو فضل متنح وساكت ومش بيقول ولا كلمه

 

———–———-———————-————

ونكمل في الحلقة السادسة والعشرون  .. الى اللقاء في الحلقة السادسة والعشرون

بقلم الكاتبة :ريم أحمد

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *