مسلسل “الحب فى زمن الـــ لا حب” الحلقة الثامنة والعشرون

الحلقة الثامنة والعشرون

 

ساره دخلت مع البنت فالمحل عشان تلبس الفستان وعلى فضل واقف بره شويه

وشويه وخرجت ساره ووقف على وهو متنح وساره كانت مكسوفه جدا

ساره برتباك : ايه حلو

على وهو متنح : تحفه

ساره بابتسامه : بجد وبتبص نحية باب المحل فجاءه ملامح وشها كلها اتغيرت

على باستغراب : مالك فى ايه

ساره لسه بتبص على الباب

على هو كمان بيبص ناحية الباب شاف كريم واقف وبيبص على ساره وباين عليه الحزن

ساره دخلت تانى مع البنت عشان تغير هدومها وعلى طلع وهو مضايق وبيبص ع كريم

كريم بكسره : ايه ياصاحبى مش هتسلم عليه

على : صاحبك ده كان زمان انت عاوز ايه

كريم : عاوز قولك مبروك الخطوبه ساره بنت كويسه ومحترمه بجد

على : مش مستنى شهادتك ولا حتى كلمة مبروك منك

كريم : على بلاش تبقى قاسى كده القسوه مش ليقه عليك

على بنفاذ صبر : بقولك ايه امشى من قدامى احسنلك

ساره خرجة بسرعه على صوت على وزعيقه

ساره : بس يا على احنا فالشارع

ساره بصت لكريم : ازيك يا كريم اخبارك ايه

كريم بحزن : الحمد لله على كل حال ………كنت عاوز افرحك يا ساره ربنا اخدلك حقك منى وحق كل البنات اللى ضحكت عليهم وردهالى فى اختى اللى مفركتش فيها فيوم ولا عملت حساب ان ربنا مش بيضيع حق حد

على بعصبيه : ميهمناش نعرف عنك حاجه وياريت منشوفى وشك تانى

ساره وهى بتمسك ايد على : استنى يا كريم

على بيبصلها باستغراب

ساره بقوه : على فكره انا مش زعلانه منك ولا تفتكر انى هشمت فيك ربنا يهديك ويصلحلك حالك على فكره انت مأذتنيش بالعكس انا تعلمت حاجات كتير اوى بسببك وكمان خلتنى اعرف احسن انسان فالدنيا وقدره واعرف قيمته رغم وجوده جانبى سنين كتير ……….بجد انا مبسوطه اوى انى شوفتك انهارده عشان اشكرك ……. شكرا

كريم مشى وهو حزين اكتر من كلام ساره وقوتها وندم اوى انه خسرها وكمان خسر على اعز اصحابه خسر كل حاجه بسبب غروره وانانيته

وكان باين اوى انه انكسر والحزن ماليه

ساره بصت لعلى وهى مبسوطه اوى : ها بقى مقولتليش الفستان عجبك

على : ساره انتى ليه قولتيله كده …….وليه شكلك مبسوط كده انتى مش مضايقه انك شوفتيه

ساره بابتسامه : اولا انا قولتله الحقيقه عشان انت فعلا احسن انسان فالدنيا ثانيا بقى انا فعلا مبسوطه اوى مش شماته فيه اعوذ بالله بس عشان مكنتش حاسه باى حاجهلما شوفته ولا مبسوطه ولا زعلانه ولا كانه موجود اصلا عشان كده انا مبسوطه اوى بقى

على : بجد يا ساره …وانا كمان مبسوط اوى ……..بس بصراحه كنت مضايق وكمان كنت مضايق وانتى بتكلميه عادى كده

ساره باستغراب : ليه

على : كده محبش انك تكلمى ولد غريب عادى كده

ساره : ليه

على : كده عشان انا خطيبك وابن خالتك وهبقى جوزك كمان

ساره بغلاسه : ليه ؟؟؟

على : عشان بحبك يا مجنونه ولو قلتى ليه تانى هضربك

ساره بصدمه : انت قولت ايه

على بغلاسه : قولت هضربك

ساره : لا اللى قبلها

على : قصدك مجنونه

ساره : على مش بهزر قول بقى

على : قولت انى بحبك …..بجد بحبك اوى بصراحه كنت شاكك بس لما شوفتك وانتى بفستان الفرح حسيت انه مينفعشى تلبسيه لحد غيرى ولا ينفعى عروستى تبقى حد غيرك ولما بقى شوفت كريم كنت خايف عليكى اوى لتدايقى وتزعلى انتى عارفه انا كمان عاوز اشكر كريم اللى خلانى احسك بيكى كده ………….ربنا يخليكى ليا

ساره وهى بتبصله بفرحه وحب : ويخليك ليا انت كمان وعلى فكره انا كمان………….

على : انتى كمان ايه ؟؟

ساره : انا كمان ………..انا كمان بحبك حسه بكده من فتره بس كنت خايفه اكون بضحك على نفسى او انك تكون مش بتحبنى

على بابتسامه : يعنى خلاص نحدد ميعاد الفرح

ساره وهى بتحرك راسها بالموافقه : ااه

على وقف فى وسط الشارع : والله العظيم بحبك ………..بحبك

ساره : ياخربيت الجنان فضحتنى امشى قدامى ع البيت

على وهو بيضحك : مفيش احلى من الجنان

 

……………………………………………………………………..

 

فى نفس اليوم مريم كانت بتكلم خالد على التليفون

مريم : خالد انا عاوزاك تنزل

خالد باستغراب : ليه …….مش هينفع خالص يا مريم انا عندى شغل كتير

مريم : بس انت وحشتنى وعاوزه اشوفك وكمان فى موضوع مهم عاوزه اكلمك فيه

خالد : موضوع ايه قولى فالتليفون وخلاص

مريم بعصبيه : قولتلك مش هينفع

خالد بنرفزه : وانا كمان قولتلك مش هينفع …….بلاش بقى الدلع بتاعك ده انا عندى شغل مش بلعب انتى فكره انك هتقولى انزل انزلك تانى يوم اعقلى كده وبلاش جنان

مريم : جنان ….اوكى متكلمنيش تانى غير وانت فى مصر مع السلامه

خالد : انتى ……………………………..

مريم كانت فعلا قفلت السكه

خالد كان مزهول ومش مصدق انها عملت كده ومكنشى عارف يفكر وكان متعصب جدا

مريم هى كمان كانت زعلانه اوى وقاعدت تعيط جاااااااااااااامد

 

……………………………………………………………………………….

 

تانى يوم فى الكليه

البنات فى الكافتريه

ساره كانت مبسوطه اوى وعماله تكلم مع نور والفرحه باينه اوى عليها ونور كمان كانت فرحانه بيها وليها ولعلى اوى

وشويه وجات مريم وكان شكلها مش طبيعى

نوربخضه : فى ايه ………..مالك ؟؟

مريم قاعدت تعيط وحكتلهم اللى حصل

نور : طبعا غلط يامريم اللى عملتيه ده

مريم : يا سلام ……….مهو اللى اتنرفز عليه

نور : عشان كلامك مش منطقى ………. هو فعلا فى شغل مش بيلعب ولا هتقوليله ينزل تانى يوم هيكون عندك

مريم : مش عارفه بقى هو ده اللى حصل

ساره : لازم تروحى تكلميه وتعتذريله وتتكلميه معاه براحه شويه

مريم : يا سلام

نور : اه طبعا لازم تعملى كده ………..ياله قومى روحى نامى شويه عشان منظرك ده وبعد كده تكلميه بعقل وهدوء

مريم فعلا عملت اللى قالولها عليه وروحت ونامت وصحت قاعدت شويه وقامت كلمت خالد بس لقت تليفون مقفول

وشويه ولقت جرس الباب بيرن

———–———-———————-————