مسلسل “الحب فى زمن الـــ لا حب” الحلقة التاسعة والعشرون

2015-10-24_031248

الحلقة التاسعة والعشرون

مريم فعلا عملت اللى قالولها عليه وروحت ونامت وصحت قاعدت شويه وقامت كلمت خالد بس لقت تليفونه مقفول حاولت كذا مره مفيش فايده

وشويه ولقت جرس الباب بيرن وراحت تفتح الباب لقت

مريم : محمد

جرت عليه ودخلت فى حضنه وبداءت تعيط جاااااامد

محمد: مريم فى ايه مالك …….مريم

دخلو الشقه وقاعد شويه لحد ما هديت

مريم : انت جيت امته من السفر

محمد: من ساعتين ………روحت وماما قالتلى انك قاعده فى شقتك لوحدك ومش راضيه تقعدى معاه

مريم : اه انا مرتاحه هنا اكتر

محمد : مالك يا مريم ………احكيلى فى ايه

حكت مريم كل حاجه لمحمد واحساسها ومكلمتها مع خالد

محمد فضل ساكت شويه

مريم : ايه ساكت ليه

محمد : عشان اول مره اعرف انك مبتفكريش وانانيه كده

مريم : انا انانيه يامحمد

محمد : اه يامريم ………..خالد كويس اوى والفتره اللى شوفته فيها كنت حاسس بحبه ليكى وقد ايه هو عايز يسعدك بس انتى مفكرتيش فيه فكرتى فى نفسك واحاسك واللى انتى عاوزاه بجد وكمان مديتهوش فرصه بتفاهم معاكى ………..ليه كده بس يا مريم

مريم بداءت تعيط وهى ندمانه على غلطها : طب هعمل ايه دلوقتى

محمد قاعد جانبها وخدها فى حضنه : متقلقيش هتتحل ان شاء الله

مريم : انت نزلت ليه دلوقتى وهترجع تانى ولا ايه

محمد بحزن : انا نزل اجازه شهر عشان جايلى فرصة شغل كويسه اوى ومش هعرفانزل غير كمان سنتين

مريم : سنتين مش هتنزل خالص فيهم

محمد بزعل : اه

مريم : طب وانت زعلان ليه كده …………..مالك يا محمد

محمد : بصراحه انا معجب بنور وعاوز اتقدملها واخدت الشهر ده بالعافيه عشان نتجوز وتسافر معايا

مريم : انت بتهزر صح

محمد : لا مش بهزر بتكلم بجد

مريم : بس

محمد : بس ايه ………….. هى نور ارتبطت ؟؟

مريم : لاء بس شهر والامتحانات ونور كمان حلمها تبقى معيده فالجامعه مش عارفه يامحمد الموضوع صعب

محمد : نحل مشكلتك الاول ………….وبعدين تخلينى اقعد معاها ونتكلم

مريم بابتسامه حزينه : ان شاء الله

 

………………………………………………………………………….

 

فات يومين

ومريم كل يوم وكل ساعه بتحاول تكلم خالد بس برده تليفونه مقفول

لحد ما مره بتجرب لقته بيرن

خالد بزعل : السلام عليكم

مريم : وعليكم السلام …………..وحشتنى

خالد : ………………

مريم : بقولك وحشتنى وايه انا موحشتكش وكمان مش عاوز تكلمنى

خالد : انا بس مش عاوز اضايقك

مريم : خالد انا اسفه وبحبك والله بحبك ……..انا عاوزاك تبقى جانبى ومعايا زمان كنت شايفه كل حاجه بطريقه ماديه كنت بفرح بالهدايه والدهب بس دلوقتى انا مش عاوزه كل ده انا عاوزاك انت وبس عاوزه اعيش معاك ونربى ولادنا وهم فوسطنا مش كل واحد فينا فى بلد نفسى اعيش فى استقرار وامان

خالد بحب : وانا عبمل كل ده عشانك وعشان ولادنا فالمستقبل وعشان تحسى بالامان وامن مستقبلنا

مريم : بس الامان مش فالفلوس انا امانى انك تكون جانبى ……..انا مش عاوزه اعيش فى غربه وابقى حسه بالخوف والوحده وسط ناس مش عرفاهم ولا حباهم ………تعالى مصر وابداء من جديد وانا هعيش معاك فى اى ظروف ومش هطلب منك اى حاجه ولا هزعل لو نلقصنا حاجه نبداء وحده وحده مع بعض بس تكون معايا هنا فى بلدنا ………عشان خاطرى فكر ……. وعلى فكره مهما كان قرارك انا معاك فيه لو اخترت هنا هكون مبسوطه اوى وهنستحمل وهقف جانبك ولو اختارت هناك برده مش هسيبك وهكون معاك عشان راحتك ………بس عشان خاطرى فكر

خالد بحب : مريم انا بحبك اوى

مريم : وانا كمان ……..ربنا يخليك ليا

خالد : ويخليكى ليا يا احلى زوجه فالدنيا ………….هكلمك تانى وهقولك قرارى

مريم : ماشى يا حبيبى ربنا معاك

خالد: ومعاكى ………..سلام

مريم : سلام

مريم كانت مبسوطه اوى ومرتاحه وكانت صدقه فى كلمها وقرارت انها لازم تقف مع خالد وتبقى معاه مهما كان قراره

 

……………………………………………………………………………….

 

فى نفس اليوم بليل

فالنادى

مريم قاعده مع نور بيتكلمو فاللى حصل مع خالد وشويه وكات ساره ومعاها على

ساره بفرحه : قولولنا مبرووووووووووووووووك

نور : طب اقعدى الاول يا لسعه …………..ازيك يا على

على : الحمد لله تمام

مريم : مبروووووك على ايه بقى

على وهو بيبص لساره بحب : حجزنا القاعه وحددنا ميعاد الفرح

نور : بجد مبرووووووووك

وقامو باسو ساره وهم فرحانين اوى

مريم : حجزتو على امتى ؟؟

ساره : بعد الامتحانات بشهر ….عشان الحق اجهز

نور : برافو عليكى ربنا يسعدكم ويتمم ليكم بخير

ساره وهى بتبص لمريم وبتغمزها : وعقبالك يانور وتبقى قبل منى كده

نور : ههههههههههه وده ازاى يا فالحه انا مش دلوقتى خالص

مريم بابتسامه خبيثه : وانتى تعرفى الغيب يمكن مفيش مستحيل

نور : انتم فايقين اوى انهارده

مريم وهى بتبص على باب النادى : ساره قومى عاوزاكى فى موضوع انتى وعلى

على بابتسامه : لا مش هقوم

ساره : قوم بلاش غلاسه يلا يا حبيبى

على : ماشى يا حبيبتى

نور باستغراب : هتروحو فين وتسبونى لوحدى ………..انتم اتجننتو انهارده

محدش رد عليها وقامو هم الثلاثه

ونور لسه هتتكلم : يا مري…………………..

محمد من وراها : ازيك يانور

نور قامت وقفت وهى مخضوضه : محمد ………….. انت جيت ازاى …..قصدى امتى ………قصدى يعنى حمد الله على السلامه

محمد : ههههههه الله يسلمك ……..انتى عامله ايه

نور بصوت متحاش : الحمد ….احم احم ……….الحمد لله

محمد : نور انا عاوزك فى موضوع مهم جدا

نور : اتفضل ؟؟

محمد : نور انا جايلى فرصة شغل كويسه اوى فى لندن ومش هقدر انزل غير بعد سنتين

نور بحزن : بجد مبروك ربنا يوفئك

محمد : نور تتجوزينى ؟؟

———–———-———————-————

ونكمل في الحلقة التاسعة والعشرون  .. الى اللقاء في الحلقة التاسعة والعشرون

بقلم الكاتبة :ريم أحمد

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *