مسلسل “يوميات بنت عنيدة” الحلقة الثانية

2015-10-25_222134

الحلقة الثانية

وبعد حوالى اسبوعين

كانت ملك راجعه من الجامعه وداخله البيت و مامتها بتتكلم فى التليفون وهى رايحه على اوضتها سمعت ماماتها……..

الام: لا طبعا وانتى كمان وحشانى اووووووووى ……دى اكيد شرف لينا……….. تتفضلو فى اى وقت……….خلاص هستناكو بكره ان شاء

الله ………سلام يا حبيبتى

وبعد كده قفلت الام السماعه لقت ملك وراها

ملك باستغراب: مين دى يا ماما اللى هتجلنا بكره ؟

الام : دى واحد صحبتى من زمان ….انتى فكراها اكيد…ناديه صحبتى اللى كانت بتيجى معانا النادى وانتى كنتى بتلعبى مع ولادها احمد وريهام

ملك وهى بتحاول تفتكر : اااااه افتكرتها. بس اشمعنا يعنى هتيجى بكره

الام بتردد: اصل احمد ابنها بقى مهندس وعنده 27 سنه ووو…..

ملك بغضب : و ايه يا ماما يعنى ايه يعنى …………….

الام : هيجو عشان يشفوكى عشان احمد عاوز يخطبك

ملك بكل غضب : ايه ياماما…….. حرام عليكى انتى كل مره تعملى كده مش المفروض تسالينى الاول وانا اللى اقول يجو ولا لاء…..بجد كده بقى

كتير ….

فسكتت ملك شويه وهى مضايقه

ملك : بصى يا ماما من الاخر كده ياما تتصلى بصحبتك دى وتلغى الميعاد يا ما انا مش هقابل حد وخليهم يجو يشفوكى انتى لكن انا مش هقابل حد

الام : يعنى ايه انتى بتهرجى مينفعشى طبعا انا خلاص وافقت على الميعاد…بلاش دلع البنات ده

ملك: انتى كل مره تقوليلى الكلام ده وتخلينى اقابل الناس غصب عنى لكن المره دى انسى ….وانتى اللى وافقتى انتى تقبليهم لكن انا موافقتش

ومش هقابل حد

ودخلت ملك اوضاتها وهى متعصبه وزعلانه جدااا من مامتها

وفضلت ملك ومامتها زعلنين من بعض حوالى يومين ملك عشان مامتها مش محترمه شخصيتها ومش بتسالها فى اهم موضوع فى حياة اى بنت

والام عشان ملك رافضت تقابل العريس وطلعتها صغيره قدام صحبتها

وبعد كام يوم

دخلت الام عند ملك فى اوضاتها وملك كانت بتشتغل على الاب بتاعها

الام: لوكه حبيبتى انتى بتعملى ايه؟

ملك : مفيش يا ماما اصل مطلوب منى بحث فى الكليه بعمله

الام: يعنى مينفعشى نخروج انهارده…………. عشان خاطرى انا زهقانه اووووى تعالى نروح النادى شويه……..انتى من زمان مخرجتيش

معايا …..وبعدين انا مصدقت خلصتى دراسه عشان تفضى ونخروج مع بعض ..جبتيلى موضوع التمهيدى ده

ملك: خلاص ماشى يا ماما بس بلاش نتاخر بره عشان عندى شغل كتير

الام بفرح : ماشى ….هااا بقى هتلبسى ايه

ملك باستغرب : يعنى ايه هلبس ايه هلبس اى حاجه

الام : اوووعى تقولى جينز وكوتشى كده والبس الغريب بتاعك ده

ملك وهى تبتسم : شكلنا كده هنتخانق زى كل مره

الام : يا بنتى نفسى احس انى مخلفه بنت ……بنوته كده زى القمر

ملك : قصدك انى مش زى القمر شكرا يا ستى

الام : لا طبعا انتى زى القمر بس مش مهتمه كده بنفسك وعمله زى الولاد …كده محدش هيبصلك ولا هيعبرك

ملك : وانا مش عاوزه حد يبصلى او يعبرنى عشان لبسى او شكلى لو كده انا مش عاوزه

وبعدين لو عاوزه تخروجى بجد قومى يلا البسى عشان منتاخرشى وبعدين نبقى نتكلم فى الموضوع ده بعدين

الام : انا عارفه مش هخلص معاكى قومى يلا

وبعد تقريبا ساعه كانت ملك ومامتها فى النادى

ملك :ماما انا عاوزه اقعد عند النيل فى ترابيزه فاضيه هناك اهيه

بس الام مكنتشى مركزة مع ملك كانت بدور بعنيها على حد معين

———–———-———————-————

ونكمل في الحلقة الثالثة .. الى اللقاء في الحلقة الثالثة

بقلم الكاتبة :ريم أحمد

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *