مسلسل “يوميات بنت عنيدة” الحلقة الخامسة

2015-10-27_023501

الحلقة الخامسة

وتانى يوم الصبح الساعه 9.45 كانت ملك واقفه اقدام الشركه
كانت واقفه مخضوضه وفرحانه وخايفه وقلقانه
وكانت عماله تفكر هى بتكلم نفسها
“انا هتعامل مع عمو حسن ازاى المفروض اقوله ايه انا متعوده انى اقوله عمو واهزر معاه لا يا ملك مش هينفع ده شغل وماينفعشى تقوليله كده”

( ملك كانت قلقانه هتتعامل مع المهندس حسن ازاى وخصوصا انها متعوده عليه ووقف جانبها كتير بعد وفاة باباها وهو تقريبا مثلها الاعلى في

الحياه العمليه)

والساعه 10كانت ملك فمكتب المهندس حسن

حسن: اهلا ملك اخبارك ايه

ملك : الحمد لله يا عمـــــــــ………. قصدى حضرتك

حسن وهو مبتسم: انا عارف ان الوضع جديد عليكى بس انتى عارفه الشغل شغل

ملك : اكيد عارفه

حسن : ملك انا بعتبرك زى ايمان بالظبط وعارف انك هترفعى راسى

ملك: ربنا يخليك يا بشمهندس وانا بجد هعمل اللى عليا وزياده

حسن: انا متاكد من كده الشغل هنا معتمد على التيم

كل مهندس معمارى ومهندس ديكور بيبقو تيم واحد

بيخدو المشروع من الاول لحد مايخلص خالص

وانتى هتشتغلى مع البشمهندس احمد من احسن المهندسين المعمارين في الشركه وهو تقريبا معانا من ساعة مااتخرج وخبرته كبيره وهيساعدك

كتيراتمنى انك تقدرى تتفاهمى معاه وتبقو تيم كويس

ملك: ربنا يسهل يا بشمهندس

حسن: على فكره انا معنديش وسطه فالشغل شغلك هو وسطتك عندى

ملك: متقلقشى وانا هكون قد الشغل وثقه حضرتك فيا

حسن :قومى معايا هوريكى مكتبك واعرفك على المهندسين اللى هيشتغلو معاكى

وخرجو من المكتب وراحو للمكتب اللى هتشتغل فيه ملك

وفي المكتب

كان فى اربع مكاتب لملك مكتب فيهم ومكتب تانى كان فاضى وده كان مكتب المهندس احمد اللى هتشتغل معاه ملك

والمكتبين الاتنين كان فيهم شابين بيشتغلو

حسن: اعرفكو على المهندسه ملك مهندسة الديكور الجديده

وليد: اهلا وسهلا يا بشمهندسه نورتينا

حسن: ده بقى المهندس وليد من احسن المهندسين عندى

وليد: ربنا يخليك يا بشمهندس

حسن :وده المهندس عماد مهندس ديكور فى فريق المهندس وليد

وبص حسن على المكتب اللى فاضى

حسن: فين المهندس احمد

وليد :ده بيصور ورق تحت فالارشيف

احمد :انا جيت اهوه يا بشمهندس

ملك بصت وراها لقت العريس اللى قابلته فالنادى واقف قدامها

وهم اللى الاتنين بيبصو لبعض ومستغربين

حسن: اعرفك يا ملك ده المهندس احمد اللى هتشتغلى معاه

———–———-———————-————

ونكمل في الحلقة الخامسة .. الى اللقاء في الحلقة الخامسة

بقلم الكاتبة :ريم أحمد

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *