مسلسل خلف هذه الجدران الحلقة الرابعة عشر (الجزء الثاني)

2015-10-30_121407

” الحلقــــ(14) ــــة ” من مسلسل “خلف هذه الجدران ” (الجزء الثاني )

**********
**********

ترررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررن

ردي ع التليفون يا اعتماد

حاضر يا حاجة سميرة , الوووووو

السلام عليكم

وعليكم السلام

اكلم كابتن امير من فضلك

مين معايا

كابتن نادر

حاضر , لحظة واحدة , يا حااااااااااجة

نعم يا اعتماد

هو الكابتن فين ؟

امير نايم , حد عايزه ؟

ايوة , كابتن نادر

طيب , هصحيه واخليه يرد من تليفون اوضته

****************

تن تن تن اميرررررررررررر

ايووووووووا , اتفضلي يا امي

هههه صحيتك من النوم يا حبيبي

صحيت على صوت التليفون , وطالما خبطتي عليا يبقى حد عايزني هههه

ههههه ايوة , كلم كابتن نادر

نادر مممممم طبعا عايز رد على موضوع ضحى , طيب يا امي هرد عليه

**

السلام عليكم ازيك يا نادر هههه

وعليكم السلام , ازيك انت يا امير هههه اتأخرت في الاتصال معلش , كنت عايز اتصل من اربع ايام فاتو , لكن اعمل ايه , كل العيلة لما عرفوا اني هنا جابو بناتهم وجم يسلمو

هههههههههههههههههههههههههههههههههههههههههههههههههههه حلوة جابوا بناتهم وجم يسلمو دي

ههههه بتضحك على ايه يا ابني ! ايوة والله , اللي جايبين جاتوه واللي جايبين حلاويات واللي جايبين شيكولاتات والبنات متزوقين واللي لابسة احمر واللي لابسة اخضر واللي ترقق صوتها وتقولي حمدالله ع السلامة يا ناتر هههههههههههههههههههههههه

هههههههههههههههههههههههههه طيب يا كابتن ناتر هههههههههه مممممم وياترى في واحدة عجبتك ؟

مممممم مش عارف حاسس ان كلامك معناه ان اختك مش موافقة وبالذوق بتقولي دور على غيرها

والله يا نادر , اختي ما تعرفكش ورفضها مش لشخصك , لكن هي عايزة تكمل دراستها الاول ومش عايزة ترتبط وهي لسة قدامها سنتين بحالهم , تكون انت اتجوزت وخلفت

مممممم على العموم كل شيء قسمة ونصيب , ربنا يوفقها

ياريت يكون كلامي ما ضايقكش يا نادر , لانك غالي على قلبي اوي

هههه لا ياراجل , والله ابدا , انا عندي ايمان ان كل شيء مقدر واللي ليه نصيب في حاجة ماحدش بياخدها منه

بالظبط كدة يا نادر , وانت انسان كويس اوي وربنا هيوفقك ان شاء الله

على فكرة يا امير انا لما اخترت اختك اختارتها عشان من بيت ملتزم , وانا بصراحة مش هقدر اختار من عيلتنا ومعارفنا عشان مش عاجبني مستوى الالتزام عند البنات فيها , فياريت لو والدتك او اختك يعرفوا بنت من اسرة طيبة يقولولي عليها , وانا ابعت والدتي واخواتي البنات يتعرفوا عليهم

مممممممم والله يا نادر انا هسأل امي وارد عليك

هترد امتى

يا عم انت مستعجل على اييييييييييه ! هههههههه

ههههههه يا سيدي وفيها ايه يعني ! انا فعلا عايز اختار عروسة ملتزمة ومتدينة بأسرع وقت

وطبعا عايزها حلوة ؟؟؟؟؟؟؟؟

هههههه والله هو الجمال مش كل حاجة , الادب والتدين اهم عندي , لكن لو الجمال موجود يبقى من رضا ربنا علية

هههههه هشوفلك يا عم , ما انا هسيب قيادة السفن واشتغل خاطبة عشان خاطرك

هههههههههه ربنا ما يحرمني منك يا امير , مستني ردك بكرة , ما تنساش اننا خلاص هنسافروا بعد بكرة الفجر ان شاء الله

ربنا ييسر يا نادر , السلام عليكم

وعليكم السلام ورحمة الله

****************************************

اميييييييييييييييي هههههههههه امي وضحى قاعدين مع بعض ! لقاء السحاب ههههههههههههه

هههههههههههههههههه والله هتوحشنا خفة دمك يا امير يا اخويا

اه والله يا ضحى يا بنتي , عامل حس للبيت , الهي ما يحرمني منك يا حبة قلبي ويردك ليا سالم غانم

ههههه ايوة كدة يا ام امير , اني ماشي ببركة دعاكِ يا ست الكل انتِ , اموووووووووووووووه

هههه هتتغدا يا حبيبي ولا هتستنى ابوك ؟

لالالا هستنى بابا طبعا , اني كنت عايزك في موضوع مهم

خير يا حبيبي ؟

نادر صاحبي اللي الحاجة ضحى رفضته كان عايز خدمة هههههه

ههه خير يا حبيبي , اوعى يكون زعل ؟

لالالا خد الموضوع بروح رياضية

طب والله كتر الف خيره , في ناس مخهم ضيق وبيعملوها زعلة كبيرة , الحمدلله , طيب خير هو عايز ايه

عايزك تشوفيله عروسة هههههههههههه

نعممممممممممم ! يا ابني حل عن سمايا انت واصحاااااااااابك , هو اني لاقيالك عروسة لما هنلاقوا لصاحبك !!!!!!!

ههههههههههههه كدة يا امي ! يا ست معلش , اعتبري ان عندك ولدين توأم وكل واحد عايز عروسة هههههههههه

ههههههههههههه يخرب عقلك يا امير , يا ماما طب ما العرايس كتير في عيلتنا

هما فين دول يا ضحى يا بنتي ؟

ههههه يا ماما , يعني مش مالين عينك بنات خالتي كريمة , فاتن ورحااااااااااب ؟

ايوة ايوة والله صح , كنا هنضيعوا فرصة حلوة على بنات كريمة , بص يا امير اني هنكلموا خالتك ونقولولها ع العريس ولو وافقت يبقى يروح يشوف هياخد مين

ايه يا ماما اللي بتقوليه لامير ده ! هما جواري يعني هيوقفهم قدامه ويشوف اللي تدخل مزاجه ! انا رأيي نحدد واحدة فيهم ونخليه يشوفها او نقوله على مواصفات الاتنين قبل ما يروح وهو برضو يحدد عايز مين فيهم عشان هي اللي تخرج للرؤية الشرعية , ولا اني بنتكلموا غلط يا امير ؟

لالالالا عندك حق يا ضحى

ايوة يا خويا انت وهي , انتو الاتنين صح وامكو غلط ههههه طيب هو ما قالكش عايز ايه مواصفات ؟

يا امي اهم حاجة عايزها ملتزمة ومتدينة

طيب فيهم واحدة منتقبة وواحدة لأ , قوم اسأله بيفضلها منتقبة ولا لا؟

طيب حااااااااااااضر , كنت ناقص انا موضوع سي نادر ده كمان هههههه

********************************************************************

ترررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررن

الو

السلام عليكم

وعليكم السلام , مين ؟؟؟؟؟؟؟؟؟

لو سمحتي ممكن اكلم كابتن نادر

نقوله مين ؟

كابتن امير

اوكيه , لحظة واحدة . ناااااااااااااااااااااادر

ايوة يا عنان

كابتن امير ع التليفووووووووووون ارفع السماعة من عندك

ماشي , اقفلي انتِ , السلام عليكم , ايه يا عم العروسة وافقت هههههههه

هههههههههه يا عم مش لما نحددولك عروسة نبقى نعرف رأيها

ها , خير ؟

بص يا سيدي , امي قالت ان بنات خالتي فيهم المواصفات اللي انت عايزها , بس هما واحدة منهم منتقبة وواحدة لا , تفضل مين ؟

المنتقبة طبعا هههههههههه حد يطول يخبي مراته عن عيون الناس المفترسة ياراجل ههههههه

اهاااااا ههههههه دانت غيار بقى

لا اني بحار بقى ههههههههههه

ماشي يا ابو بحور غريقة ههههههه مش عايز تسأل أي سؤال ع العروسة ؟

عشرين سؤال , اسمها ايه ودراستها ايه وعندها كام سنة وباباها بيشتغل ايه وساكنين فين

ههههه حيلك حيلك يا ابني , بص يا سيدي , اسمها رحاب وعندها 18 سنة ورايحة تانية كلية تجارة وساكنين في سيدي بشر وباباها جواهرجي

حلووووووووووووو ههههههههههه يعني مش هيطلبوا مني دهب , عشان ابوها عنده كتير ومش محتاجين دهب مني هههههههههه

ومين قالك يا فاااااااااااالح ههههههه ابوها هيقولك اديني مهرها قد وزنها دهب هههههههه , ما تقلقش يا سيدي , جوز خالتي راجل طيب ومش هيرهقك بالطلبات

طيب هنشوفوها امتى

والله احنا لسة اصلا ما كلمناش خالتي , هنكلموها ونردوا عليك

يييييييييييييي , اني اتعقدت من كلمة هنردوا عليك دي , ما تديني رقمهم واني نخلي امي تكلم ام العروسة ونوفروا عليكو التعب ههههههه

ههههه لا ما تخافش , هنردوا عليك على طول , السلام عليكم دلوقتي

*****************************************************************

ناوليني التليفون يا ضحى نكلموا خالتك نشوفوا رأيها ايه

اتفضلي يا ماما

تررررررررررررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررن

شوفي مين ع التليفون يا فااااااااااااااااااتن

حاضر يا ماماااااااااااااا , كل حاجة فات وخالي الهانم التانية نايمة ومرتااااااااااحة , اني مش عارفة البت دي لما تتجوز هتعمل ايييييييييييييه ؟ السلام عليكم

وعليكم السلام ورحمة الله وبركاته , مين معايا , فاتن ولا رحاب ؟؟؟؟؟؟؟؟؟

فاتن يا خالتو ههههههه ازيك وحشتيني , شوفتي اني بنعرفوا صوتك وانتِ مش بتعرفي صوتي ههههه

هههههه نعملولك ايه يا بت انتي , صوتك زي صوت اختك , هنعرفوه ازاي بقى ! عاملة ايه وازي رحاب وماما

كويسين يا خالتو , الحمدلله , عايزة ماما طبعا هههههه

هههههه ما استغناش عنها يختي , اختي حبيبتي

ههههههه لحظة واحدة يا خالتو , ماماااااااااااا خالتو سميررررررررررررة

سميرة هههههه اني جاية نكلموها حالا

السلام عليكم ازيك يا سميرة هههههههه

وعليكم السلام يا كريمة , ازيك يا حبيبتي

انا بخير الحمدلله , عاملين ايه انتو

احنا بخير الحمدلله , هندخلوا في الموضوع على طول عشان ما بنحبوش نضيعوا وقت , أمير جايب لرحاب بنتك عريس

امير !!!!!!!!! امير جايب عريس لرحاب ! هو ايه الحكاية

ههههه يختي لا حكاية ولا رواية , واحد زميل امير ملتزم وكويس ومن عيلة محترمة وطلب من امير يشوفله عروسة , أمير قاله مش هتلاقي احسن من بنت خالتي هههههههه

فيه الخير والله , بس اشمعنى رحاب !

ابدا يا ستي , هو عايزها منتقبة ورحاب منتقبة

ايوة يا حبيبتي بس فاتن هي الكبيرة , انتي عايزاني نجوزوا الصغيرة قبل الكبيرة !!!!!!!!!!

يا كريمة بلا كبيرة بلا صغيرة , اللي يجيلها نصيبها ويكون ابن حلال ويستاهلها خلاص , نتوكل على الله ونجوزوها , لزومه ايه بقى العقد دي !

توء ! ايوة يا سميرة بس اني نخاف فاتن تزعل , مهما كان هي الكبيرة

ايّوووووووووووووة عليكِ يا كريمة , هي يعني فاتن اكبر من رحاب بيامَا !!!!!!!!!! دول بينهم يادوب سنة ونص , وبعدين فاتن ماشاء الله عليها زي القمر ومؤدبة ومحترمة وبكرة يجي بدل العريس الف , ها قولتي ايه ؟ العريس مستعجل , دا مسافر بكرة الفجر , يعني عايز يسمع كلمة تريحه

ايه دددددددددددده ! بكرة الفجر ايه ! هو جواز ولا سلق بيض ! مش كل حاجة تاخد وقتها وعدلها برضو ! واللي مسافر بكرة ده عايز يخطب النهاردة ليه ؟؟؟؟؟؟؟؟؟؟؟

ههههه يا حبيبتي هو بس هيبعت امه واخواته البنات يشوفوا العروسة ولو حصل نصيب يبقى اول ما يرجع اسكندرية كمان تلات شهور يخطبها رسمي وتتفقوا على كل حاجة

طب يعني الجدع ده كويس ؟

يعني هو لو ما كانش كويس هنقلولك عليه برضو !!!!!!!!!!

معلش يا سميرة , دا جواز مش لعبة ولازم نطمنوا هندوا بنتنا لمين

حقك يا حبيبتي , على العموم شاوري ابوها وردي علية واذا كان كدة تيجي ام العريس بكرة تشوف البت

خلاص يا سميرة , اني هنتشاور مع صفوت ونردوا عليكِ , كتر الف خيرك يا حبيبتي

هههههه انتِ بتشكريني على ايه ! بناتك دول غلاوتهم من غلاوة ضحى والله

طبعا يختي طبعا , ربنا ما يحرمنا منك ويخليلك ولادك ممممممم اومال ممممم اومال امير يعني مش ناوي يخطب ؟

ههه كله بأوانه يختي وكل واحد بياخد نصيبه , ادعيله

ربنا يرزقه ببنت الحلال اللي تستاهله اللهم آمين

***********************************************

ترررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررن

الو

السلام عليكم , اكلم كابتن نادر من فضلك

وعليكم السلام , نقولوله مين ؟

كابتن امير

لحظة واحدة , كلم يا ناااااااااااااااادر

مين يا يمنى ؟؟؟؟؟؟؟؟؟؟

كابتن اميرررررررررر

امير ههههههه خير يارب , الوووووووو ناوي تكسفني المرة دي كمان ؟ ههههههه

هههههههه لا يا سيدي , الظاهر كدة ان قدرنا انك تكون واحد من العيلة . مش عارفين نخلصوا منك ههههههه

ههههههههه يا ابني انتو تطولوا !!!!!!!!!

ههههههههه لينا الشرف يا سيدي , خدنالك معاد مع اهل العروسة , ابعت والدتك بقى عشان تتعرف على خالتي وعلى العروسة

هههههههه ايوة كدة , عايزين اخبار حلوة , الساعة كام المعاد ؟

الساعة خمسة بعد العصر ان شاء الله

طيب كويس اوي , اديني العنوان والتليفون

******************************************************************************************

هههههه اهلا وسهلا مدام ابتهال , شرفتينا

ههههه الشرف ليا انا والله يا مدام كريمة

ههههه منورين يا بنات

ههههه ميرسي يا طنط

شكرا يا طنط

اشربوا العصير واني هنقوموا نعملوا شيّ

لالالا كفاية العصير يا مدام كريمة هههه اصل اني ما بنحبوش الشيّ

ههههه امزجة يا اختي , اني نحبوا الشيّ اوي , لازم ع الأقل في اليوم تلات كوبيات

يااااااه ! كتير اوي يا مدام كريمة , الشيّ مهما كان ليه اضرار

هههه حسب التعود بقى , شيء ما نستغنوش عنه , نعملوا ايه بس هههههه طب عن اذنكو هنجيبو الفاكهة

ههههههه هو احنا جايين ناكلوا ونشربوا ولا ايه ! مش هنشواوا العروسة ؟

عنيا يا حبيبتي , هنرحوا نجيبوهالك على طول اهو

هههههه ادينا مستنين

يارب يا ماما تكون العروسة حلوة زي مامتها هههههه مش مامتها حلوة يا عنان؟

هههههه اه والله يا يمنى , لو شبه مامتها كدة يبقى نادر حظه حلو , بنقولولك ايه يا يمنى , احنا عايزين ندقق فيها كويس عشان نعرفوا نوصفوها لناااااااااادر

هههههههه طبعا طبعا , اني هنحطوها تحت الميكروسكوب

هههههه طب اسكتي يا بنت انت وهي واشربوا العصير وانتو ساكتين , معايا اتنين ارشانات , الله يكون في عون العروسة هههههههههه

هههههههههه احنا ارشانات يا ماما ! سامعة يا يمنى !!!!!!!!

الله ! مش نشوفوا عروسة اخونا كويسسسسسسسسس ولا يعني لما يقول اوصفوها نقولوله ما نعرفوش ! هما اتأخروا لييييييييه اني هنموتوا ونشوفوها , هما قالوا اسمها ايه يا عنان ؟

رحاب , اسمها رحااااااااب , احفظي الاسم بقى

********************************************************************

ايه يارحااااااااااااب , انت يا بت لسة ما لبستيشششششش ! ما تيلا يا بنتي الناس قاعدين برا من بدررررررررري

يا ماما اصل اني مكسووووووووووفة , خلي فاتن تخرج هي , اني مش عايزة نتجوز, البسي واخرجي انتي يا فاااااااااتن , خدي العريس بالهنا والشفا

هههههههههه لا يختي , العريس عايزك انتِ بشحمك ولحمك , ياريت كنت انفع اني , كنت خرجت

يلا يا بنت بلاش دلعععععععععععععع

اهئ اهئئئئئئئ اني مكسوفة اوي يا ماما , طب بصي يا ماما , اني عندي حل , خدي صورتي واني عندي تلات سنين اهيه , لما كنتي مقدمالي في الحضانة يا ماما , فاكرة الصورة دي ؟

يا بت اخرجي ما تطلعيش صووووووووووتي , في ناس اغراب براااااااااااا , يلا يلاا قداااااااامي

طب استني يا ماما , اما نلبسوا عباية واسعة ونقااااااااااااااااااب

يا بت انتي عبييييييييييطة ! مافيش رجالة براااااااااا , اللي قاعدين برا امه واخواته البنااااااااااااااااااات

طيب خلاص , ما تزعليش يا ماما , اني هنلبسوا ايشارب وخلاص

لا حول ولا قوة الا بالله , اخرجي بشعررررررررررررررك , البسي فستان حلو كدةةةةةةةةةةة خلي الناس يشوفوا حلاوتك وجماااااااااااااااالك ههههههه عشان اكيد العريس هيسألهم

يا خبر مش فاااااااااااااايت ! يسألهم على اييييييييييييه ؟؟؟؟؟؟؟؟؟

يا بنتي هيسألهم , شكلك ايه , لونك ايه , اوصافك ايه

هههههه ايوة يا اختي , طويلة ولا قصيرة , بيضة ولا زرقة ههههههه عنيكِ خضرة ولا صفرا لازم هيقولوله على كل حاجة

لالالالالالالالا دي قلة ادب بقى , اني مش خارجة للناس دوووووووووول , دول جايين يشوفوني ويفتنوا علية للولا العريس لالالالالالا روحي مشيهم يا ماما

مشش في ركبك يا شييييييييييييخة , يلا يا بت , طلعيلها فستان يا فاتن انتي كمان بدل ما انت قاعدة كدة

حاضر يا ماماااااااااااااا , ممممممممممممم خدي يا رحاب , الفستان الاحمر ده هيبقى عليكي تحففففففففففة اني متأكدة انهم مش هيصبروا لما يروحوا وهيتصلوا بالعريس يقولوله هات المأذون وتعالى على جناح السرعة ههههههه

طب استني نلمو شعري

تلميه ليه يا اختيييييييي ! لالالالالالا بصي اوعي ايدك اوعي انا هسيبهولك كدة على وننزلولك اوصة , ممممممممم ونحط التوكة الفينوكة دي جميييييييييييييييلة ولايقة ع الفستان , مش كدة يا ماما

خلصوووووووووووووووني اوووووووووووووف

الله ! شعرك كدة جميييييييييييل طويل وناعم وجميل ومنزلة اوصة ع الجنب , دانتي ناوية تجننيهم بقى ههههههه

مممممم اني حلوة كدة يا فاتن بجد ؟

قمر قمررررررررر اموووووووووه هههههه يلا بقى اخرجي عشان ماما قربت تنفجر في وشك , واقفة جنب الباب وحاطة ايدها في وسطها و عمالة تجز على سنانها وفي الآخر هتقوم مجرجراكِ من شعرك وتنزل فيكِ ضرب هههههههه الحقي بسرعة قبل ما تفقد اعصابها

يا ماما ! هي ماما مبرقالي كدة ليه ممممممم اني حلوة كدة يا ماما ؟

يلااااااااااااااا اتفضلي خلصيني

تعالي معايا يا فاااااااااااتن , اني مرعوبة اوي يا اختي

ههههههه يا بنتي اني لو خرجت هيغيروا رأيهم فيكِ ويخطبوني اني هههههههه يلا سمي الله قبل ما تدخلي عليهم

****************************************************************************************

ههههه جبتلكو العروسة اهيه , ادخلي يارحاب

ممممممم هما مبحلقينلي كدة ليه !!!!! يا ماما ! اني خايفة , السلام عليكم

هههههههه اهلا اهلا اهلا , بسم الله ماشاء الله , ايه الجمال ده , تعالي يا حبيبتي

هي دي امه يا ماما ؟

ايوة ايوووووووووووة , اومال يعني مأجرهااااااااااااا !!!!!!!!!!!!! ادخلي يا بنت سلمي عليها

تعالي يا حبيبتي هههههه تعالي , مالك عمالة تقدمي خطوة وترجعي التانية كدة ههههه تعالي , اوعي يا يمنى قومي عشان العروسة تقعد جنبي

هههههههه يكون احسن برضو يا ماما , اني هنروحوا نقعدوا قصادها عشان نشوفوها كويس ,وانتي تعالي معايا يا عنان نقعدوا جنب بعض ونتفرجوا ع العروسة كويس هههههه

هههههههه يلا يا يمنى , ازيك يا عروسة , انا يمنى ثانوية عامة ودي عنان اختي رايحة تالتة كلية علوم

طب واني مالي اني ! اهلا وسهلا , ازيكو

هههههه ازيك انتِ يلا يا يمنى تعالي جنبي

هما بيضحكو على ايه البنات الهُبل دول ! هي ماما سابتني لوحدي مع الناس دول وراحت فين !

ههههههه اسمك رحاب يا حبيبتي؟

ممممممممم ههه

ههههه جميييييييييييييل , ماشاء الله عليكِ , انت منتقبة بقالك كتير

لا , من حوالي شهر كدة , مش من يامَا يعني

ياترى بتصلي ومحافظة ع الصلاة وحافظة قرآن ؟

ايوة الحمدلله , اني بصلي اني واختي من واحنا صغيرين في اولى ابتدائي , بابا وماما علمونا الصلاة من زمان اوي , والحمدلله بنحفظوا قرآن , اني حافظة 17 جزء

ماشاء الله , هايل هاااااايل , وبتحبي الخروج بقى على كدة

لالالا , اني مش بنخرج غير عشان الدراسة وحفظ القرآن , بنروحوا مرتين في الاسبوع دار التحفيظ

برافو عليكِ , وعلى كدة بتعرفي تطبخي وتساعدي ماما في المطبخ ؟

ممممممم ههه

هههههه شطورة شطوووووووورة هههههه بنتك خجولة اوي , كل ما اسألها سؤال ترد بهز الراس ومش عايزة تتكلم , بتجاوب على اد السؤال ههههه

ههههههه الحمدلله يا حبيبتي , اني بناتي الاتنين بيتكسفوا من خيالهم

ربنا يباركلك فيهم يا حبيبتي , ونعم التربية والله

اتفضلوا كلوا التفاح , هو اني حاطاه لمين ! خدي السكينة اهيه ولا نقطعولك انا يا مدام ابتهال

ههههه اصل اني مشغولة بالعروسة الحلوة دي , نادر ابني اول ما قالي ان العروسة بنت خالة امير زميله , اني فرحت اوي والله , عشان عارفة ان امير من عيلة محترمة وابن ناس طيبين

ههه تسلمي يا حبيبتي , امير والله بيقول في نادر كلام حلو اوي وانه ابن عيلة من احسن العائلات

ههههه ربنا يخليكِ يارب , كلكو ذوق والله

يمنى هاتي ودنننننننننك ايه رأيك فيها يا يمنى ؟

حلوة اوي يا عنان ههههه عنيها جميلة بصراحة

اه والله , واسعة كدة ورموشها كثيفة , عنين سودة وجمييييييلة

ولا الغمازات اللي في خدودها عسل عسسسسسسسسسل هههههه ايّووووووووووووه ههههههه

وشعرها جميييييييييييييل , اسود وتقيل وناااااااااااعم , شوفتيها وهي داخلة شعرها عمال يتهز من نعومته , هي بتستعمل شامبو ايه البت دي ؟

نبقى نسألوها لما تتجوز نادر ههههههه يا بختك يا نادر ههههههه ده هيفرح بيها اوووووووووي

وهي كمان يا بختها بنادر , نادر اخويا زي القمر هههههههههههه

مممممم هما البنات دول عمالين يتوشوشوا ويبصولي ويضحكو ليه ؟ هو اني مش عاجباهم!

**

بصراحة بنتك جميلة ومهذبة وهادية , واحنا بنعتبر نسبكو شرف كبير يا مدام كريمة

هههههه والله دا من ذوقك يا مدام ابتهال

طيب عايزين بقى كلمة نطمن بيها قلب نادر , انتِ عارفة انه مسافر الفجر , والله لو كان عنده وقت كان جه شاف العروسة

ههههه يا حبيبتي اني ما نقدرش ندي كلمة , الكلام في الأمور دي يبقى مع ابوها , وده طبعا لما يجي العريس بعد تلات شهور بالسلامة ويجيب والده ويقابلوا والدها

عندك حق يا مدام كريمة , بس انا مستعجلة عشان بصراحة بنتك عجبتني وارتحتلها وحبيتها وحبيتك انتِ كمان هههههه

ههههه , القلوب عند بعضها يا حبيبة قلبي , ربنا يقدم ما فيه الخير , وان شاء الله القعدة دي تبقى فاتحة خير واحنا في انتظار الكابتن نادر لما يجي بالسلامة

*************************************************************************************************************

ها يا امي , ايه رأيك في العروسة واهلها

ناس كويسين اوي يا نادر , عيلة محافظة والبنت حقيقي مؤدبة ومتربية كويس

ههههه طيب , خير الحمدلله , طيب ووووو مممممم يعني , شكلها ايه

هههههههه اسأل السوستين اخواتك اللي كان ناقص ياخدوا منها عينة دم , طول القعدة ما نزلوش عينهم من عليها

هههههههههه ايه رأيكو يا بنات

ههههههههه قمر يا نادر , جميلة جمييييييييييلة هتعجبك وهتخطف عقلك بجمالها

ههههههه صحيح ولا كلام فشر يا ست يمنى

لا والله , طب حتى اسأل عنان

اه والله يا نادر , بصراحة حلوة اوي وكمان مؤدبة , نوصفوهالك ؟

هههههه اوصفي , بس بالتفصيييييييييييييييييل

بص يا سيدي , هي بيضة وعنيها سودة وواسعة وشعرها طوييييييييييييييييل لا طويلة ولا قصيرة , قوامها جميل ومتناسق

ولا مناخيرها يا عنان , قد النبقة يا نااااااادر وبقها صغنووووووووووون امورة ومسمسمة ومنمنمة ههههههه

مممممممممممممممممممم يا ترى شكلها اييييييييييييه

ايه ده , هو نادر اخوكِ سرح في ايه يا عنان ! مبتسم وباصص في السقف كدة ليه

ههههههههه اكيد بيتخيلها يا يمنى

ههههههههههههههههههههه ناااااااااااااادر , لالالالالا مش هي اللي انت اتخيلتها دي ههههه احلى من كدة بكتير هههههههههههه مشي البت اللي في خيالك دي ههههههههههههههه

البنات هيتسلوا عليك يا نادر هههههههه

هههههه اني هنقوموا نحضروا شنطتي , شفولكو شغلانة غيري بقى

**********
**********

خلاص يا امير اهئ اهئئئئ مسافر يا حبيبي

دعواتك يا امي , ايدك ابوسها اموووووووه

اهئ اهئئئئئئئ تعالى في حضني اااااااااااااه هتوحشني هتوحشني اوي يا ابني

هههه وبعدين بقى يا امي ! هو اني كل ما نسافر تودعيني بالدموع ! اني عايز نشوف ابتسامتك , وبعدين يا امي دي كل الحكاية تلات شهور ان شاء الله ونكونوا عندك هههههه

ربنا يرجعك بالسلامة يا حبيبي , ربنا يعلم قلبي في غيابك بيبقى مشغول بيك ازاي , ربنا يطمن قلبي عليك يا ابني اهئ اهئئئئئئ

ههه بنقولولك ايييييييييه عايز لما نيجي ان شاء الله تقوليلي لقيتلك عروسة لا حصلت ولا هتحصل في تاريخ البشرية هههههه عايز نتجوز بقى يا ماما هههههههه

ههههههههههه جاتك ايه يا امير , ان شاء الله يا حبيبي , اني هندور على احسن عروسة في البلد ومش هنهدا الا لما نلاقوها ان شاء الله

ربنا يخليكِ ليا يا امي , هتوحشني يا بابا , برضو دموع برضوووووووو

تروح وتيجي بالسلامة يا ابني

هههه الله يسلمك يا حاج , ضحىىىىىىىىىىىىىى تعالي سلمي من غير عياااااااااااط , كفاية عليا ابوكي وامك ههههههههه ايّووووووووووووووه , دي ماسكة منديل ومناخيرها حمرا من كتر العياط ههههههه يا جدعان هو اني مسافر ومش راجع !!!!!!!!

بعد الشرررررررررر , الف بعد الشر يا ابني , اخص عليك يا امير اهئ اهئئئئئئئ ليه تقول كدة وتوجع قلب امك اهئ اهئئئئئئئئئ ربنا يرجعك بالسلامة يا حبيبي

ههههه ايوة كدة , دعوتين حلوين من القلب الطيب ده يا ام امير , سلام يا ضحىىىىىىىىىىى امووووووووووه

اهئ اهئ اهئ في حفظ الله يا اخويا اهئ اهئ اهئئئئئئئئ

اول ما توصل اتصل بينا يا اميرررررررررر طمنا عليك يا حبيبي

امي بالله ما تقلقيش , اني في كل مينا هنتصلوا بيكِ وكل بلد هنقعدوا فيها هنكلموكِ كل يوم , ما تقلقيش , السلام عليكم ورحمة الله

اهئ اهئئئئئئئئئئئ وعليكم السلام ورحمة الله وبركاته يا ابني اهئ اهئئئئئئئئئئئئئ

اهئ اهئ اني داخلة البلاكونة نبصوا ع اخويا وهو ماشي

اهئ اهئئئئئئئئ خديني معاكِ يا ضحى اهئ اهئئئئئئئ

***********************************************************
يا حبيبي يا ابني , ربنا يحفظك ويحرسك انت واللي زيك يا امير اهئ اهئئئئئئئ اني عارفة ايه خلاني نوافق انه يدخل الاكاديمية البحرية ويطلع بحاااااااااااار , بيسافر اكتر ما بيقعد في وسطينا اهئ اهئئئئئئئ

يا ماما دي الحاجة اللي هو بيحبها , ادعيله ربنا يوفقه

يارب يا بنتي ياااااااااااارب , يلا ندخلوا يا ضحى

هتنامي يا ماما ؟

نناموا ايه بقى , اني بنفضلوا قلقانة طول ما امير في البحر وكل ما يكلمني من مينا روحي تترد فيا وندعيله ربنا يسلمه وينجيه من مخاطر البحر

اللهم آمين يا ماما , يااااااااااااه هتوحشني يا خويا , ربنا يرجعك بالسلامة يا اميرررررررررررر , زي ما يكون بيخطف قلبنا من بين ضلوعنا وهو ماشي

******************************************************************

ههههههههههههه اميرررررررررررررررررر منور السفينة يا جناب القبطان

ناااااااااادر هههههههههه ازيك يا عريس

هههههه ربنا يا سيدي يحنن قلب خالتك علينا , ما رضيتش تدي امي كلمة امبارح

ههههههه يا سلاااااااااااااام , هي خالتي بإيدها ايه ان شاء الله ! الكلام مع جوز خالتي لما ترجع بالسلامة ان شاء الله

خلاص , اني اعتبرتها خطيبتي , بقينا عيلة واحدة يا عم ههههههههههه

هههههه شرف لينا يا نادر , يلا يا سيدي عشان نسلم على جناب الربان عامر وحشني جداااااااااااااا وكل الطاقم وحشني , الركاب لسة بيركبوا ولسة ما استعديناش للإبحار

يلا نروح نسلم عليهم , وانا كمان جناب الربان وحشني

جناب الربان

اهلالالالالالالالالالا هههههههه ازيك يا امير , ازيك يا نادر , عاملين ايه يا كباتن

هههههه الحمدلله , حضرتك وحشتنا اوي والله

ربنا يبارك فيك يا كابتن امير

عامل ايه حضرتك

بخير يا نادر , ها , قولولي استمتعتوا بالأجازة ؟؟؟؟؟؟؟؟؟

ههههههههه جداااااااااااااا الحمدلله , لكن وحشنا البحر والإبحااااااااااااااار

هههههه ماشي يا امير , استعد يا بطل , رحلة موفقة ان شاء الله

رحب بالركاب يا امير واستعد للإقلاع

كابتن امير حامد يحيكم على متن سفينة الحياة واحد ونتمنى لكم رحلة سعيدة , فلنستعد جميعا للإقلاع ولنقل ( بسم الله مجراها ومرساها )

دعاء السفر , ياريت نردده مع بعض
دعاء السفر : الله اكبر, الله اكبر, الله اكبر, سبحان الذي سخر لنا هذا وما كنا له مقرنين , وانا الى ربنا لمنقلبون , اللهم انا نسالك في سفرنا هذا البر والتقوى , ومن العمل ما ترضى, اللهم هون علينا سفرنا هذا , واطوِعنا بعده ,اللهم انت الصاحب في السفر , والخليفه في الاهل ,اللهم اني اعوذ بك من وعثاء السفر , وكآبة المنظر ,وسوء المنقلب في المال والاهل

***************************************************************

ياااااااااااااااااه , اخيرا وصلنا البيت يا ماااااااااجد اااااااااااه , تعرف السفر بالتوبيس متعب جدااااااا انا بجد تعبانة ونفسي افرد ضهري , حاساه هيتقطم

ههههه سلامتك يا حبيبتي , نعمل ايه بقى , مش انتِ اللي كان نفسك تزوري اخوكِ وولاد اخوكِ ! ههههه

هههه ايوة طبعا ااااااااااه يا ضهررررررري , معاذ اول ما شاف السرير اترمى عليه وراح في سابع نومة هههههه ومريم بتشاور عقلها

هههه وباباكِ كمان قالي دخلني اوضتي عشان مرهق وعايز انام هههه اتصل بأمي اقولها اننا وصلنا وبعدين ندخل ننام احنا كمان

اه والله يا ماجد , انا نفسي فعلا افرد ضهري وانااااااااام ااااااااه ياني

ترررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررن

ههههه مين اللي عارف معاد وصولنا ده يا منال !

ههههه شوف مين يا حبيبي

هههههه اهلا يا عصام

عصام اخوه ! غريبة انه يتصل اول ما نوصل كدة

انت بتقول ايه يا عصااااااااااااام , امي في المستشفىىىىىىىىىىىىى !

ماجد !!!!!!!! ماما امينة في المستشفى ؟؟؟؟؟؟؟؟؟؟؟؟؟؟؟؟؟؟؟ يا خبرررررررررررررررررررررر مالهاااااااااا مالها يا مااااااااااااااااجد رد علييييييييييييييية

يوووووووووووو استني بقى يا مناااااااااااااال , قولي ايه اللي حصل يا عصااااااااااام

انا عارف يا ماجد انك لسة واصل حالا وما كانش ينفع اقولك دلوقتي لكن انا اضطريت اقولك , خوفت لتروح بكرة تزور امي ما تلقيهاش في البيت تقلق

امي مالها مالها يا عصااااااااااااااااااام

ما تقلقش ارجوك يا ماجد , امي كويسة بس انا حبيت اطمن عليها اكتر فجيبتها المستشفى

انا جاي حالااااااااااااااااااااااااااااا

****************************

انا نازل يا مناااااااااااااااااال

استنىىىىىىىىىىىىىى خدني معااااااااااااااااااااك

يا منال اخدك معايا فيييييييييييييين ؟ مين هيقعد مع باباكِ والولاااااااااااااااد ؟ رانيا اختك ما رجعتش معانا من راس غارب , هتصرف ازااااااااااااااااااي

اهئ اهئئئئئئئئ ماليش دعوة , عايزة اروح لماما امينة اهئ اهئئئئئئئئئئئئئئ خليك انت وانا هنزل

انتِ بتهرجي يا مناااااااااااال ! يعني ايه اقعد انا وانتي تنزلي !!!!!!!!!!! انا مش ناقص جنان , انا نااااااااااازل

لالالالالالالا استنى , بص احنا نسيب معاذ مع بابا وناخد مريم معانا ومش هنتأخر ان شاء الله , اهئ اهئئئئئئ ما ينفعش ما اروحش لماما امينة اطمن عليها اهئ اهئئئئئئئ ارجوك يا ماجد ارجووووووووووووووووك

انتي مش كنتي تعبانة وضهرك واااااجعك , ادخلي ارتاحي يا حبيبتي وزوريها بكرة

اهئ اهئ لالالالالالالالا حتى لو تعبانة قد التعب ده الف مرة هروح دلوقتي يعني هروح

طيب , يلا يا حبيبتي , كويس اننا لسة ما غيرناش هدومنا , يلااااااااااااااااااا

*************************************************************

مامااااااااااا اهئ اهئئئئئئئئئ ماما امييييييييييييينة

منال ! يا حبيبتي ! ههه حمدالله ع السلامة

اهئ اهئئئئئئئ مالك يا ماما ؟

انا بخير والله ما تتخضيش , اومال ماجد فين

سيبته وخدت الطرقة جري على هنا , كنت هتجنن عشان اشوفك يا ماما

ههه يا حبيبتي , والله انا كنت شايلة همك اكتر من ماجد , عارفة انك هتقلقي عليا وتيجي جري

امييييييييييييييييييييي سلامتك يا امي

اهلا يا حبيبي , ازيك يا ماجد , حمدالله ع السلامة يا ابني , اهلا مريممممممم حبيبة تيتة هههه كبرت ماشاء الله , تلات سنين ههههه هاتهالي عشان ابوسها يا ماجد قربي يا بنتتتتتت

امي انتِ بخير

والله بخير بخير يا ولاااااااااااد , لا حول ولا قوة الا بالله , انا ما كنتش عايزة اجي هنا عشان ما تتخضوش بالشكل ده , شوية لخبطة في الضغط واتظبطت الحمدلله , هات مريم بقى ههه

هههه مريممممم يا مريم , بوسي تيتة يلااااااااا بوسي تيتة قولي ليتة وحشتيييييييييييني

وحستينييييييييييييييي

اموووووووووووه ههههه يا حبيبتي ماشاء الله , تعرفي انها شبهك خالص يا منال

ههه انا حلوة كدة يا ماما ؟

اسألي جوزك وهو يقولك هههه

لا انتي حلوة ولا هي حلوة هههههه القرد في عين امه غزال ههههههههه

سامعة يا ماما ؟

هههههه بيهزر معاكِ يا منال , طب ده ماجد روحه فيكِ , ربنا يخليكو لبعض يا ولاد , قوليلي بابا عامل ايه

كويس الحمدلله , كان مبسوط خالص عند عمر ههههه ومرات عمر طلعت حتة سكرة يا ماما , شوفي انا كنت معترضة انها مش مناسبة لعمر من ناحية لونها يعني لكن بصراحة لما عاشرتها شوفتها وكأنها ملكة جمال , حقيقي انسانة رائعة , قابلتنا مقابلة مافيش احسن من كدة وحسسيتنا ان البيت بيتنا , كانت فرحانة بينا اوي كلنا والله يا ماما ومش عايزانا نمشي , حتى هي اللي مسكت في رانيا وقالتلها والله ما انتي ماشية ههههه وكانت عايز بابا يفضل هناك لكن طبعا بابا مش بيرتاح غير في بيته , قال خلاص خليكي يا رانيا وعمر يبقى يجيبك كمان اسبوعين عشان الدراسة

ماشاء الله , عمر احسن الاختيار حقيقي

اه والله يا ماما , تخيلي كانت كل يوم تدي لبابا الدوا بنفسها وتدي لرانيا الدوا بتاعها وتلاعب معاذ ومريم وكل يوم تعملهم حلاويات واكل جديد ومدلعاهم اخر دلع هههههه وتشيلهم وتجيبلهم الفطار في السرير ههههه انا قولتليها انتي بوظتي الولاد ومش هعرف اتعامل معاهم تاني ههههههه وولادهم زي السكر البنت اسمها شهد والولد محمد بس قمامير خاااالص ههههه واخدين ملامح مامتهم وبياض باباهم ههههههه , حقيقي والله راجعين مبسوطين اوي من مرات عمر ومقابلتها

هههه ربنا يباركلها يارب , ابقي اعزميها هي وعمر والولاد عندنا في القاهرة وخليهم يجو عندي

ان شاء الله يا ماما , انا كل اهلي بيحبوكِ والله يا ماما , ودايما تيجي سيرتك بالخير

هههه انتو ناس طيبين يا منال يا بنتي , ايه يا ماجد , ما بتتكلمش يعني هههههه

ههههه هتكلم اقول ايه , انا مستمتع بكلامكو مع بعض , ربنا يديم المحبة اللهم آمين

آمين يا ابني , انا نفسي اجي ازور والدك يا منال , ان شاء الله بعد ما اخرج من المستشفى اجي ازوره

ههههه انتي تنورينا يا ماما , ربنا ما يحرمنا منك يااااااااااااارب , اهم حاجة قوليلي , يعني بجد انتِ كويسة ؟

والله كويسة يا حبيبتي , ربنا ما يحرمني من قلبك الطيب يا منال

—————————————————–

ونكمل في الحلقة الخامسة عشر .. إلى اللقاء في الحلقة الخامسة عشر (الجزء الثاني)

بقلم الكاتبة: هبة نور

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *