ترفيهمسلسل يوميات بنت عنيدة

مسلسل “يوميات بنت عنيدة” الحلقة الرابعة عشر

الحلقة الرابعة عشر

طبعا احمد كان عاوز يقوم ملك زى متفق مع وليد

 

احمد: ملك متقومى معايا نجيب حاجه من الكافتريا

 

ملك كانت عاوزه ترخم عليهم شويه عشان هى فاهمه هم عاوزين ايه

 

ملك : احنا ممكن ننادى الجارسون يجبلنا اللى احنا عاوزينه

 

احمد وهو بيبصلها : لا عشان نختار اللى احنا عاوزينه

 

ملك : ممكن نسائل الجرسون اصل انا مكسله اقوم

 

احمد بغيظ: اقومى بس معايا

 

ملك : ماشى

 

قامت وكانت هتموت وتضحك

 

وبعد مقامو ايمان بصت لوليد وضحكت

 

ايمان : على فكره ملك عارفه انكم بتوزعوها فقالت ترخم شويه

 

وليد اتكسف :انا برده استغربت ان عارف ان ملك زكيه

 

وبعدين سكتو وليد كان عمال يفكر هيقول ايه حس انه نسى كل الكلام اللى كان مجهزه ومش عارف يبداء ازاى وبعد شويه قرار انه يتكلم

 

وليد : بس تعرفى انا حاسس ان ملك بتحبك اوى

 

ايمان : اه وانا كمان بحبها انا بعتبرها اخت ليا مش مجرد صديقه

 

وليد : بس انتى عندك اصحاب غير ملك ولا هى ملك بس

 

ايمان : لا انا عندى اصحاب كتير بس ملك اقرب حد ليا

 

وليد : بس انا فى سؤال محيرنى……..انتى ليه مشتغلتيش مع بابكى مش انتى نفس تخصص ملك يعنى انتى اولى

 

ايمان: بصراحه انا دخلت الكليه دى بس عشان ارضى بابا وخصوصا بعد مااخويا الكبير دخل طب وبعد عن شغل بابا……. بس بصراحه انا مش

 

عاوزه اشتغل انا شايفه ان بيتى اهم

 

طبعا وليد فرح بتفكير ايمان

 

وليد : بس باباكى مزعلشى من موقفك ده

 

ايمان : اكيد زعل وقعد يقولى مين هيمسك الشركه من بعدى وانا دخلت فنون ليه بس انا مرضيتشى اشتغل معاه واخر مفقد الامل فيا شغل ملك

 

وخصوصا انه عارف ملك كويس و قد ايه هى موهوبه وشاطره فشغلها وهو بيعتبر ملك زيى بعد مابابها توفى هى قربت منى اوى ومن بابا وبابا

 

وقف جانبها لحد مستوعبة فقدان باباها

 

وليد: بس انا شايف ان انتى مختلفه عن ملك كتير

 

ايمان: ممكن فالظاهر بس

 

وليد: ازاى

 

ايمان: يعنى انا عشريه بحب الناس وبحب الخروج والتعامل مع الناس مش مهتمه بالشغل واللى ميعرفشى ملك كويس هيفتكر انها مغروره وبتحب

 

الوحده وقفله على نفسها ومش بتحب تتعرف على الناس وتعاملها مع الناس محدود

 

وليد: بس ملك كده فعلا

 

ايمان :بس مش دى ملك الحقيقيه………دى الصوره اللى ملك عملها لنفسها وعايشه فيها والخوف بقى انها تصدقها وتكمل حياتها كده

 

وليد : مش فاهم

 

ايمان: ملك قبل وفاة باباها كانت بنت طيبه جدا ورقيقه بتحب الهزار والضحك وهى كانت بنت وحيده وباباها كان بيخاف عليها جدا فمكنشى ليها

 

اصحاب كتير وكانت متعلقه باباها جدا ولما توفى فجاءه لقت نفسها لوحدها وكان لازم تعتمد على نفسها بعد مكان كل اعتمادها على باباها صحيح

 

مامتها وانا كنا معاها بس برده باباها كان حاجه كبيره اوى فحياتها عشان كده هى مقراره تكمل حياتها لوحدها متعتمدشى على حد جه بقى حد

 

يكمل حياته معاها ويساعدها ماشى بس لو مجاش الشخص ده هى هتعتمد على نفسها

 

وليد :بس هى كده بتظلم نفسها …….ومش بتدى فرصه لحد يقرب منها او يدخل حياتها

 

ايمان: وهو ده اللى قلقنى عليها

 

وبعد كده بداء وليد يكلم ايمان عن نفسه وطموحاته

 

وظروفه

 

ونروح بقى نشوف ملك واحمد بيعملو ايه

طبعا لما احمد وملك قامو مع على التربيزه احمد بص لملك لقها بتضحك

 

احمد: انتى بتضحكى ليه

 

ملك : اصل انت قديم اوى على فكره كان ممكن تقولى قومى سبيهم مع بعض شويه مش لازم نروح الكافتيريا والفيلم ده

 

 

احمد بغيظ : يعنى انتى عارفه طيب مرضيتيش فالاول ليه

 

ملك : كنت برخم شويه ……….اصل مبحبش حد يتذكى عليا ويفتكرنى غبيه……….يعنى مكنشى وليد لازم يجيبك معاه عشان تمشونى انا اصلا

 

كنت ناويه اعمل كده من غيرك

 

احمد : هو انتى مضايقه اوى كده عشان انا جيت

 

ملك حست انها غلطت

 

ملك: لا والله مش قصدى بس انا عارفه ان هم محتاجين يقعدو مع بعض عشان يعرفو يتكلمو مع بعض براحتهم

 

احمد: طيب تعالى نقعد لحد ميخلصو …ولا هتقوليلى ميصحش نقعد لوحدنا

 

ملك بصتله وافتكره انها حرجته قبل كده

 

ملك بكسوف : لا ممكن نقعد

 

وبعد مقعدو على التربيزه ملك برده قعدت تضحك

 

احمد: انتى بتضحكى ليه تانى

 

ملك: التربيزه دى مبتفكرشى بحاجه

 

احمد بص كده وافتكر انها نفس التربيزه اللى كانو قعدين فيها اول يوم شاف فيها ملك

 

احمد : بس المره دى صدفه

 

ملك : صدفه بالنسبالى برده لكن انت كنت عارف انك هتشوفنى

 

احمد : انتى ليه دايما شايفه نفسك الضحيه وكل الناس بتتفق عليكى

 

ملك: مش كده بس مبحبش اللى يتعامل معايا على انى غبيه وعموما الصراحه بتريح كتير

 

احمد: طيب بمناسبة التربيزه عملتى ايه امبارح مع العريس

 

طبعا احمد لقاها فرصه يقدر يسالها وميبنشى انه مهتم يعرف

 

ملك: ولا حاجه زى العاده …….اصلى بصراحه انا وافقت اقبله بس عشان ماما ومنتخانقشى زى العاده وفالاخر قولتلها مش مرتاحه فمتكلمتشى

معايا

 

احمد :وانتى شايفه ان ده حل

 

ملك: هو حل بس مؤقت مش هيدوم كتير انا عارفه

 

احمد: ملك ممكن اسالك سؤال ……..انتى ليه بتعملى كده؟

 

ملك باستغراب: بعمل ايه

 

احمد :ليه بتبعدى اى حد بيحاول يدخل حياتك

 

ملك بارتباك: انا جاوبتك قبل كده انا عاوزه حد يفهمنى يختارنى عشان شخصيتى مش لبسى وعمرى واسمى

 

احمد: طيب ازاى هيفهمك وانتى اصلا مش بتديله فرصه يقرب ويعرف ملك

 

ملك مكنتشى عارف ترد عليها مكنشى عندها اجابه

 

احمد: ملك انتى شايفه الحب ازاى

 

ملك: الحب احلى حاجه فالدنيا بس لما يبقى صح

 

احمد: وانتى شايفه هو ازاى يبقى صح

 

ملك: لما يكون فالنور مش فالضلمه …لما يكون حب بجد مش مجرد احساس نفسنا نحسه وخلاص …….. مش اول واحد يجى ويقولى بحبك

 

اقوله وانا كمان عشان انا محتاجه الحب ده…….انى اكون مقتنعه بالشخص اللى بحبه بعقلى وقلبى مش بقلبى بس او بعقلى بس

 

احمد: كلام جميل بس ملك بقى بتدى الفرصه ان ده يحصل

 

ملك: يعنى ايه

 

احمد :ملك انتى فهمه كويس بس مش بتنفذى انتى عارفه الصح بس مبتعمليهوش ولا حتى بتعملى الغلط انتى مش بتعملى اى حاجه عشان تلاقى

 

الحب ده انتى وقفه فمكانك ومستنيه الحد ده كده فجاءه يبقى موجود من غير اى مجهود ازاى هتعملى كل ده وانتى بتبعد كل الناس عنك وقفله

 

على نفسك دايره ورافضه اى حد يعديها وفالاخر تقولى انا عاوزه حد يحب ملك وشخصية ملك ازاى وانتى اصلا مش ظهراها ولا بتخلى حد يعرفها

 

ملك فضلت ساكته ومش عارفه ترد عليه وفجاءه لقو وليد وايمان وراهم

 

ايمان: ياله بقى يالوكه عشان اتاخرنا

 

ملك حمدت ربنا عشان مش هتعرف تجاوب على احمد وقامو مشو بس ملك كانت طول الوقت سرحانه فكلام احمد ولقت ان هى فعلا بتعمل كده وان

 

كلامه صح بس هى كانت بتعمل كده بدون وعى حاجه جواها هى اللى بتحركها مش هى

 

———–———-———————-————

ونكمل في الحلقة الخامسة عشر.. الى اللقاء في الحلقة الخامسة عشر

بقلم الكاتبة :ريم أحمد

 

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى