مسلسل “يوميات بنت عنيدة” الحلقة الخامسة عشر

2015-11-01_010215

الحلقة الخامسة عشر

ملك روحت هى وايمان وملك كانت سرحان طول الوقت فكلام احمد ليها وحست ان كلامه صح هى دى الحقيقه اللى كانت ملك مش بتفكر فيها كانت

دايما تقول عاوزه حد يفهمنى وهى اصلا مش بتدى فرصه لاى حد يقرب منها او يفهمها كانت فعلا وقفه فمكانها مش بتتحرك وكمان بتوقف اى حد

يقرب عليها وفاليوم ده بداءت ملك تتشد لاحمد وتستغرب هو فهمها ازاى اكتر مهى حتى فاهمه نفسها

وفات حوالى اسبوعين طبعا حصل فيهم حاجات كتير ايمان وافقت على وليد وراح اتقدملها فالبيت وباباها وافق عشان هو عارف وليد كويس

وعارف هو قد ايه محترم وكويس وناجح فشغله وحددو ميعاد الخطوبه بعد اسبوعين وملك كانت مشغوله جدا فشغلها الصبح وبليل مع ايمان

بتجهز معاها للخطوبه وبعد كده كان بيبقى وراها شغل عشان التمهيدى والكليه وقبل الخطوبه بيوم راحت ملك على الشغل وكانت مرهقه جدا واحمد

لاحظ عليها ده
احمد : مالك فى ايه شكلك تعبان اوى

 

ملك : ولا حاجه بس بقالى كام يوم مش بنام كويس

 

احمد : ليه كده

 

ملك: انت عارف مشغوله مع ايمان طول الوقت ده غير ورايا شغل كتير للكليه بس الحمد لله خلصته وهروح اوديه انهارده ………انا هبقى اروح

 

بعربيتى انهارده عشان هروح الكليه الاول

 

احمد: لا طبعا انا هوديكى مينفعشى تسوقى وانت بالمنظر ده

 

ملك : متقلقشى يا بشمهندس انا كويسه

 

احمد: ياله بس هوصلك وهستناكى وبعدين نبقى نروح الموقع

 

ملك وافقت عشان هى فهلا كانت تعبانه وفعلا احمد وصلها لحد الكليه

 

احمد : ياله انزلى وانا هستناكى ومتتاخريش

 

ملك: متقلقشى هدى الحاجه لنورهان وهاجى على طول

 

نزلت ملك ودخلت الكليه وكانت بدور على نورهان وفجاءه لقت محمود فوشها

 

محمود: ملك ازيك اخبارك ايه وحشتينى اوى

 

ملك بنرفزه: الحمد لله

 

وسابته ومشت مشى محمود ووقف قدامها تانى

 

محمود: بقولك وحشتينى وبحبك

 

ملك: ينفعى تمشى من قدامى

 

محمود: انتى مش مصدقانى ليه

 

ملك :عشان انت واحد معندكشى اخلاق وانا مش عاوزه اتكلم معاك

 

ومشت ملك فمحمود شدها من ايديها

 

محمود: انا بكلمك متمشيش وتسبينى

 

لقى محمود ايد بتمسك ايده وبتبعد ايد ملك عنه

 

احمد :هى مش قلتلك مش عاوزه تتكلم معاك

 

محمود: طيب وانت مين اصلا وبتدخل ليه

 

احمد: انا ابقى خطبها عندك مانع

 

محمود: خطبها

 

احمد: اه خطبها وانا بحذرك متتكلمشى معاها تانى انت فاهم

 

وبص احمد لملك اللى كانت مش فاهمه اى حاجه

احمد :ها بقى يا حبيبتى خلصتى اللى وراكى ياله عشان نمشى ومسك ملك من ايدها ومشى

 

طبعا ملك مكنتشى فاهمه حاجه وكانت وقفه متنحه

 

وبعد ما بعدو عن محمود

 

ملك: هو ايه اللى انت قولته ده وانت دخلت ليه مش قولت هتستنانى فالعربيه

 

احمد: انا افتكرت ان دى اول مره تيجى بعد اللى حصل اخر مره وقولت اكيد محمود هيتعرضلك واللى فكرت فيه حصل

 

ملك: بس انت ليه قولتله كده

 

احمد: عشان ميحولشى يقرب منك تانى ويفقد الامل….. انتى زعلانه انى عملت كده ولا ايه

 

ملك: لا ابدا …….شكرا انك جيت فالوقت المناسب

 

احمدوهو مبسوط: طيب ياله بقى شوفى هتعملى ايه عشان نروح الشغل

 

ملك راحت لنورهان وديتها الشغل بتاعها ومشت هى واحمد عشان يروحو الموقع

 

وفالعربيه

 

ملك : انت رايح فين مش ده الطريق

 

احمد: انا هروحك الاول

 

ملك بستغراب :تروحنى والشـــــغل

 

احمد :مش مشكله انتى شكلك تعبان روحى استريحى انهارده عشان بكره هيبقى يوم طويل عليكى وهتبقى مع ايمان طول اليوم وعشان تبقى فايقه

 

فالخطوبه

 

ملك: شكرا اوى يا احمد على اللى انت عملته معايا انهارده

 

احمد: انا معملتش حاجه يا ملك

 

وبعدين وبصلها وضحك : تعرفى ان دى اول مره تقولى فيها اسمى ………..لا اسف دى تانى مره

 

اول مره لما فرملت العربيه

 

ملك : هو انت مركز اوى كده يعنى

 

احمد : من ساعة معرفتك يا بشمهندس يا بشمهندس انا افتكرت انك مش عارفه اسمى ولا حاجه ههههههههه

 

ملك : ههههههههههه بس بجد شكرا على اللى عملته انهارده

 

احمد: على فكره دى مش اول مره

 

ملك با ستغرا ب: ازاى

 

احمد: انتى مش فاكره وانتى صغيره كان دايما الولاد بيجو يغلسو عليكى وانا كنت بدافع عنك

 

ملك وهى بتفتكر : اه انت حتى كنت بدافع عنى لما ريهام كانت بضايقنى مع انها اختك

 

احمد: عشان انتى دايما كنتى شخصيه عنديه وبتحاولى تبينى انك قويه ومحدش يقدر عليكى بس مع اول موقف وحد يغلس عليكى كنتى بتغرقى

 

فشبر ميه …..كنت دايما حاسس انك مسؤله منى ولازم ادافع عنك

 

ملك : عشان كده دفعت عنى انهارده

 

احمد : ممكن

 

ملك: اه صحيح وعربيتى انا سيباها عند الشركه

 

احمد: هاتى المفاتيح وهتلاقيها الصبح تحت البيت

 

ملك: بس انا كده هتعبك معايا

 

احمد: مفيش تعب ولا حاجه وانتى خدى بالك من نفسك ومترهقيش نفسك كتير

 

ملك كانت مبسوطه اوى عشان احمد كان مهتم بيها وخايف عليها حست باحساس محستهوش من زمان كانت بتحسه مع باباها احساس

 

وروحت ملك وفعلا نامت طول اليوم كانت تعبانه جدا واحمد روحلها العربيه

 

وتانى يوم ملك صحت من بدرى وجهزت نفسها ونزلت مع ايمان الكوافير وفضلت طول اليوم مع ايمان وبعد راحو على القاعه مكان الخطوبه وملك

 

نزله من العربيه الفستان بتاعها اتقطع وكله طلع على القاعه وهى دخلت على الحمام عشان تصلح الفستان

 

وفالقاعه كان احمد موجود مع مامته ومنال ومساتنين ملك بس كله طلع وهى لسه مجاتشى طبعا فضل قلقانه وعينه على البابا

 

وشويه وظهرت ملك عند الباب وطبعا كانت زى القمر واحمد فضل متنح وباصص على ملك

 

———–———-———————-————

ونكمل في الحلقة السادسة عشر.. الى اللقاء في الحلقة السادسة عشر

بقلم الكاتبة :ريم أحمد

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *