مسلسل “يوميات بنت عنيدة” الحلقة السادسة عشر

2015-11-03_022957

الحلقة السادسة عشر

بسبب الفستان اتاخرت ملك واحمد كان قاعد قلقان مركز على البابا وشويه ودخلت ملك وكانت زى القمر ودى كانت اول مره احمد يشوفها بعيد عن

الجينز والبس الكاجول كانت بجد بنوته رقيقه جدا واحمد فضل متنح وفالحظه دى قرار احمد بينه وبين نفسه ان ملك مش هتكون غير ليه وهى دى

البنت اللى هيكمل معاها حياته كلها ان شا ءالله
ومشى احمد نحياتها

 

احمد: ملك انتى كنتى فين اتاخرتى ليه

 

ملك : اصلا الفستان شبك منى فالعربيه وتقطع بس انا صلحته خلاص

 

احمد : اصل مامتك كانت قلقانه عليكى اوى

 

طبعا مش مامتها خالص ده هو اللى كان هيموت من القلق

 

 

ملك : هى ماما جات……… هى فين

 

احمد: قاعده مع ماما هناك

 

وشورلها على التربيزه ومشو هم الاتنين نحيتهم

 

ناديه: ازيك يا ملك …….. ايه الحلاوه دى

 

ملك بكسوف: ربنا يخليكى يا طنط

 

ناديه: لا بجد زى القمر عقبالك ان شا ءالله

 

منال : ان شاء الله

 

ملك : عن اذنكو بقى انا هروح اشوف ايمان عشان لو عاوزه حاجه

 

ومشت ملك وفضل احمد باصص عليها وبيراقب كل تصرفاتها فجاءه بص احمد لمنال

 

احمد : طنط انا عاوز حضرتك فموضوع

 

منال : خير يا احمد مش هنعرف نتكلم هنا من الصوت

 

احمد :طيب ممكن نطلع بره شويه

 

منال باستغراب: ماشى اللى تشوفه

 

وخرج احمد ومنال من القاعه

 

منال: خير يا احمد قلقتنى

 

احمد :طنط انا مش عاوزك تجيبى عرسان تانى لملك

 

 

منال : ازاى يعنى

 

احمد :يعنى اعتبرى ملك مخطوبه وارفضى اى حد يجلها

 

منال وقفه مستغربه من كلام احمد

 

احمد :طنط بس افهمينى انا بصراحه معجب بملك ومش عاوز حد تانى يخدها منى انا عارف ان هى رفضانى بس انا حاسسس انها ممكن تحس بيا

وبعدين موضوع العرسان ده اصلا بيضايقها فمنها نريحها وانتى كمان تبقى مطمنه صدقينى انا مش هسيب ملك تضيع منى

 

منال: بس يا احمد انت عارف ملك عنديه قد ايه

احمد :متخافيش عشان خاطرى يا طنط وافقى ……..ولا حضرتك معترضه عليا انا كشخص

 

منال: لا والله انت عارف انى موافقه عليك بس انا عارفه بنتى كويس

 

احمد: عشان خاطرى ادينى فرصه

 

منال: ماشى يا احمد انا موافقه

 

احمد: بجد يا طنط ربنا يخليكى شكرا اوى

 

منال : طيب ياله ندخل عشان ملك متاخدشى بالها

 

ودخلو القاعه تانى

 

وملك كانت فالوقت ده بتبص على ايمان وهى فالكوشه وقد ايه هى مبسوطه مع وليد وكانت فرحانه اوى عشانها وسرحت ملك وتخيلت انها قعده

 

فالكوشه واحمد قاعد جانبها وبعدين فاقت مخضوضه

 

احمد اشمعنا احمد يعنى انا خرافت ولا ايه تقريباً السهر اثر على دماغى

 

وشويه وجه وقت تلبيس الدبل وسرحت ملك تانى ان احمد بيلبسها الدبله ومال عليها وقالها بحبك يا اجمل عروسه فالدنيا وفاقت ملك على صوت

احمد

 

احمد: ايه مالك سرحانه فايه

 

ملك وهى مخضوضه : لا ولا حاجه

 

احمد: طيب اتخضيتى ليه

 

ملك: متخضيتشى ولا حاجه

 

احمد :تعرفى انك زى القمر انهارده

 

ملك بكسوف : ميرسى ….بس انا زى ماانا

 

احمد: بصراحه لاء متغيره شويه

 

ملك: ازاى يعنى

 

احمد: يعنى تحسى انك بنوته كده

 

ملك بضيق: يعنى انا مكنتش بنوته

 

احمد : لا والله مش قصدى بس انتى دايما وخده لنفسك دور مش دورك وعاوزه تصورى للى قدامك انك قويه ومحدش يقدر عليكى بس ده كله

 

كدب……..انا متاكد ان ملك الحقيقيه هى البنوته الرقيقه الجميله اللى وقفه قدام دلوقتى مش الصوره اللى بتخرجيها للناس

 

ملك بصته وهى مستغربه هو ازاى بيقول الكلام ده وازاى هو حاسسه اوى كده وبدات تسرح تانى فى احمد وفكلامه

 

احمد : انتى مالك انهارده بتسرحى منى كتير كده ليه ايه اللى شاغل بالك

 

ملك بارتباك : مفيش حاجه انا بس مرهقه شويه عشان صاحيه بدرى متشغلشى بالك

 

ومشيت ملك ووقفت جنب ايمان وحاولت تتجنب احمد باقى الفرح وتحاول متفكرشى فيه ولا فكلامه

 

وخلص الفرح وكل واحد روح بس ملك مقدرتشى تنام بسهوله اليوم ده فضلت تفكر فى احمد وفكلامه وفصوره احمد وهو معاها فالكوشه بس

 

عشان ملك شخصيه عنديه كانت بتعاند نفسها ورفضه تسلم انها بتحب احمد او حتى معجبه بيه واخيرا تعبت من كتر التفكير ونامت

 

وتانى يوم فالشغل دخلت ملك المكتب وهى بتحاول انها تتجنب احمد ولا حتى تبصله كانت خايفه لما يبصلها يعرف اللى جواها مهو دايما بيكشفها

 

وبيعرف اللى جواها يمكن اكتر حتى من نفسها

 

وبعد شويه جات سكرتيرة البشمهندس حسن وطلبة من احمد وملك انهم يروحولو المكتب ضرورى

———–———-———————-————

ونكمل في الحلقة السابعة عشر.. الى اللقاء في الحلقة السابعة عشر

بقلم الكاتبة :ريم أحمد

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *