مسلسل “يوميات بنت عنيدة” الحلقة التاسعة عشر

2015-11-04_021423

الحلقة التاسعة عشر

دخل احمد وبص على مكتب ملك لقاه فاضى

 

احمد : وليد ………..هى ملك فين

 

وليد: ملك روحت عشان تعبانه شويه

 

احمد وهومخضوض : تعبانه مالها

 

وليد: مش عارف كانت بدور عليك وبعدين رجعت وشكلها مش طبيعى وشكلها تعبان وقالتلى انها هتروح…………. هى اللى اسمها ساره دى

 

هتفضل تنطلنا كل شويه كده

 

احمد: اشمعنا

 

وليد: بصراحه انا مش بحب البنت دى ولا بستريحلها وبعدين جريئه ولزقالك طول النهار

 

احمد :لا متقلقشى انا خلاص خلصت الموضوع ده انهارده

 

وليد باستغراب : ازاى

 

احمد: البنت دى جريئه اوى تصور قالتلى انها معجبه بيا ومستعده تعمل اى حاجه عشان نكون مع بعض وهتقنع باباها وهتساعدنى فشغلى وفالاخر

 

مسكت ايدى انا مكنتشى اتصور انها تعمل كده

 

وليد : وانت عملت ايه

 

احمد: ولا حاجه سحبت ايدى وقولتلها مينفعشى تعمل كده وانا بحترمها زى اختى وبعدين قولتلها انى بحب واحده تانيه………

 

وليد: وبعدين هى عملت ايه

 

احمد: قالتلى ملك قولتاها اه قالتلى انا كنت حسه برده وفالاخر مشيت وسابتنى

 

وليد: كويس انك عملت كده ووقفتها عند حدها هى فاكره هتشترى الناس بفلوس باباها انا اصلا مكنتش بحبها

 

احمد: سيبك بقى منها انا عاوز اطمن على ملك ……….متتصل كده بايمان تشوف هى عامله ايه دلوقتى

 

وليد: بعد منخلص شغلنا الاول ياله روح شوف شغلك ملك سايبالك الرسومات على المكتب بتاعها

 

مشى احمد وراح على مكتبه بس طول الوقت كان بيفكر فملك وعاوز يطمن عليها

 

وفاخر اليوم وليد قال لاحمد ان ملك تعبانه شويه عشان الامتحانات قربت ومرهقه شويه وده طبعا اللى قالته ايمان لوليد

 

وتانى يوم راحت ملك الشغل ودخلت على طول مكتب المهندس حسن واخدت اجازه اسبوعين وهو وافق عشان امتحاناتها وعشان كمان هى خلصت

 

الرسومات واحمد مش هيحتاجها معاه فالشغل الفتره اللى جايه دى ومشيت ملك على طول مكنتشى عاوزه تشوف احمد

وفالمكتب

احمد: هى ملك لسه تعبانه مش هتيجى انهارده

 

وليد: انت معرفتش

 

احمد بقلق: عرفت ايه؟

 

وليد: ملك جات الصبح بدرى واخدت اجازه اسبوعين عشان امتحاناتها

 

احمد وهو مضايق :وهى مقالتشى ليه ولا حتى جات تسلم علينا قبل متمشى عشان حتى نطمن عليها

 

وليد :مش عارف بس ملك مش طبيعيه اليومين دول حتى كلام ايمان عليها مش مريحنى وهى قلقانه عليها اوى

 

احمد مشى على مكتبه وهو مضايق اوى ” يعنى انا هقعد اسبوعين مشوفشى ملك بعد مكنت بشوفها كل يوم “

 

وفات اسبوع وملك بتحاول تركز فامتحاناتها بس طبعا كانت دايما بتفكر فاحمد واد ايه هو وحشها ونفسها تشوفه ولو حتى من بعيد

 

واحمد كمان مكنشى مركز فشغله وطول الوقت مضايق وسرحان وبقى عصبى جدا ملك كانت وحشاه ونفسه يشوفها

 

وفي يوم احمد كان عصبى جدا وعمال يدور على الرسومات مضايق جدا انه مش لقيها وبيزعق مع الفراش

 

وليد: احمد في ايه انت مالك بقيت عصبى كده ليه

 

احمد: عشان مفيش حاجه بتفضل فمكانها هو يشيل الرسومات من على المكتب ليه

 

وليد : احمد الرسومات على المكتب اهيه وفنفس مكانها

 

احمد بص لقى الرسومات فعلا فمكانها اتنهد اوى وراح قعد على مكتبه

 

وليد :احمد مالك فى ايه ………….ملك وحشتنى اوى مش قادر اركز فاى حاجه

 

وليد: احمد انا عاوز اقولك حاجه

 

احمد بقلق : فى ايه يا وليد

 

وليد: ملك بتحبك

 

احمد بفرحه: بجد…… عرفت ازاى….. انت بتضحك عليا صح

 

وليد: اخر يوم ملك كانت فيه هنا سمعت كلام ساره ليك عشان كده تعبت وهى دلوقتى فاكره انك بتحب ساره عشان كده قرارت تبعد عنك…… ايمان

 

كانت موصيانى مقولشى حاجه بس انا شايف حالتك وحالتها مش هينفع اسكت اكتر من كده

 

احمد بفرحه :بجد يعنى هى بتحبنى بجد ……….خلاص متقلقشى انا هتصرف

 

وليد: هتعمل ايه يا مجنون

 

احمد هتعرف بعدين

 

———–———-———————-————

ونكمل في الحلقة العشرون .. الى اللقاء في الحلقة العشرون

بقلم الكاتبة :ريم أحمد

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *