ترفيهمسلسل يوميات بنت عنيدة

مسلسل “يوميات بنت عنيدة” الحلقة العشرون قبل الأخيرة

الحلقة العشرون قبل الأخيرة

وفات الاسبوع التانى وملك زى مهى تايه ودايما حزينه واخيرا خلصت امتحاناتها وهترجعه الشغل من تانى

صحت ملك الصبح وهى فرحانه انها اخيرا هتشوف احمد وحست انها لما بعدت حبت احمد اكتر مش العكس

وهى نزله رايحه الشغل

ملك: ماما انا نزله مش عاوزه حاجه

منال: اه ياملك بصراحه…..
ملك: خير يا ماما فى ايه

منال: فى عريس جايلك من كام يوم بس انا مرديتشى اقولك غير لما تخلصى امتحاناتك

 

ملك :ماما انا متاخره دلوقتى لما ارجع نبقى نتكلم مع بعض ………سلام دلوقتى

 

ونزلت ملك بسرعه عشان تهرب من مامتها

 

وفالشغل دخلت ملك المكتب وهى مبسوطه كان المكتب وكل الناس فالشغل وحشنها جدا وطبعا احمد

 

وليد : ملك ازيك اخبارك ايه…. بجد المكتب كان من غيرك وحش اوى

 

ملك: الحمد لله يا بشمهندس ربنا يخليك

 

وبصت ملك على مكتب احمد ملقتشى احمد موجود راحت قعدت على مكتبها وشويه ودخل احمد

 

احمد ببرود: ازيك يا ملك عامله ايه

 

ملك: الحمد لله

 

احمد بنفس البرود: انا غيرت حاجات فالرسم شوفيها كده وقوليلى رايك ايه وياله عشان نروح على الموقع عشان عندنا شغل كتير

 

ملك وهى مضايقه : حاضر يا بشمهندس

 

شافت ملك الرسومات وقالتله رايها وشويه ونزلو عشان يروحو الموقع

 

وفالعربيه

 

احمد: اخبار الامتحانات ايه يارب تكونى حليتى كويس

 

ملك: اه الحمد لله…. ربنا يستر……. واخبارك انت ايه

 

احمد وهو مبسوط :انا تمام الحمد لله حصل معايا حاجات كتير اليومين اللى فاتو دول ومبسوط اوى

 

ملك وهى بتكلم نفسها” يعنى غيابى مفرقشى معاه”

 

ملك :خير ان شاء الله

 

احمد: ان شاء الله ……….مش انا هخطب قريب

 

ملك سمعت الكلمه وهى مصدومه وفضلت شويه مش قدره تتكلم ومش عارفه ترد عليه وتقوله ايه

 

ملك :مبروك يا بشمهندس ربنا يسعدك المهم تكون بتحبها و متفاهمين

 

احمد: اه بحبها اوى بصراحه انا عارفها من زمان وبعدين جات فتره كده بعدنا عن بعض بس لما شوفتها تانى لقيت نفسى مشدودلها اوى ولما

اقربت منها حبتها

 

ملك وهى بتكلم نفسها ” يبقى هى ساره ………..ملك اللى بيحب حد بيتمناله السعاده”

 

ملك :ربنا يسعدك يا بشمهندس ……. انا كمان جايلى عريس

 

احمد وهو بيضحك: عريس بجد ولا هطفشيه زى كل مره

 

ملك بغيظ :لا المره دى هسمع نصحتك وهديله فرصه انت كان عندك حق ازاى عاوزه حد يفهمنى وانا مش بدى فرصه لحد يقرب منى ولا يعرفنى

كويس

احمد: عموما ربنا يوفقك وتلاقى اللى يسعدك ويقدر يحبك ويفهمك

 

وسكتو هم الاتنين وطول الوقت فالموقع كانت ملك سرحانه وعنيه حزينه جدا وكانت هتصعب على احمد وهيقولها كل حاجه بس هو مسك نفسه

 

لحد ميشوف عندها ده هيوصلها لايه

 

وروحت ملك وقالت لمامتها انها موافقه على العريس ودخلت اوضيتها وكلمت ايمان

 

ملك: الو ازيك يا ايمان

 

ايمان: انا الحمد لله انتى اخبارك ايه دلوقتى

 

ملك بعياط: انا مش كويسه يا ايمان……. احمد خلاص هيخطب ساره

 

ايمان: ايه بجد بالسرعه دى

 

ملك: اه وانا عشان اغيظه قولتله ان انا جيلى عريس وهوافق عليه

 

ايمان: وهو انتى جايلك عريس بجد

 

ملك: اه

 

ايمان وهتوافقى يا ملك عليه

 

ملك بعند: اه هوافق

 

ايمان: ملك انتى كده مش بتعندى احمد انتى بتعندى نفسك مينفعشى يا ملك اللى بتعمليه ده

 

ملك: انا مش بعمل حاجه انا هسمع نصحته ليا وهدى للعريس فرصه يمكن يكون كويس ويقدشر يحبنى ويفهمنى

 

ايمان: ملك انتى بتضحكى على نفسك ولا عليه ولا على مين بالظبط انتى كده بتظلمى نفسك والانسان اللى هتختاريه بس مجرد عند………….ملك

 

فكرى كويس وبلاش تعندى فموضوع زى ده

 

ملك وهى بتعيط :ربنا يسهل يا ايمان لما اشوف ربنا شايلى ايه

 

ايمان: ربنا معاكى يا ملك وابقى طمنينى عليكى….مع السلامه

 

ملك: سلام

 

وشويه ودخلت منال لملك

 

منال: ملك الناس هتيجى انهارده

 

ملك: بالسرعه دى

 

منال: اصل هم متكلمين من اسبوع بس انا اخرتهم عشان امتحاناتك

 

ملك : خلاص ماشى ياماما انا هنام شويه وهبقى اصحى اجهز واقابلهم

 

منال : انا حسه انك حزينه من فتره ….. لو مش عاوزه تقبليهم انا هكلمهم …..ملك انتى اهم حاجه عندى فالدنيا ومش عاوز احس انك زعلانه

كده

 

ملك: لا يا ماما مفيش حاجه وهقابل الناس انهارده ان شاء الله

 

وخرجت منال من الاوضه وملك حاولت تنام بس طبعا معرفتشى تنام وفضلت تفكر فكلام ايمان ومامتها وشويه تفكر فاحمد وخطوبته لساره

ونكما بقى الحلقه اللى جايه

 

———–———-———————-————

ونكمل في الحلقة الحادية والعشرون .. الى اللقاء في الحلقة الحادية والعشرون والآخيرة

بقلم الكاتبة :ريم أحمد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى