مسلسل خلف هذه الجدران الحلقة السابعة والعشرون (الجزء الثاني)

2015-11-14_165446

” الحلقــــ(27) ــــة ” من مسلسل “خلف هذه الجدران ” (الجزء الثاني )
**********
**********


ماما , اطلبيلي بابا وخليه يجيبلي الدوا بتاع البرد وهو جاي

طيب يا حبيبتي , هاتي التليفون

اتفضلي يا ماما

ترررررررررررررررررررررررررررررررررن ترررررررررررررررررررررررررررررررررررررن

الو

ايوة السلام عليكم

وعليكم السلام

انا الحاجة ام امير , اديني الحاج حامد

اهلا وسهلا يا حاجة هههه حاضر من عنينا , يا حاج حاااااااااااااامد

عايز ايه يا سيد ؟

الحاجة ام امير ع التليفون

ماشي هنردوا عليها , ايوة يا ام امير

هههه ازيك يا حامد

اهلا يا ام امير , في ناس معايا , خير ؟

هههه طب ما تزوقش ياراجل انت , البت ضحى عندها بوادر برد وعايزاك تجيبلها الدوا وانت جاي

حاضر , أي طلبات تانية

لا يا حامد , ربنا ما يحرمنا منك , السلام عليكم

وعليكم السلام , يا سيييييييد يا سيييييييييييد

هو سيد راح فين يا خاااالد ؟

تلاقيه هنا ولا هنا , كنت عايزه في حاجة يا حاج ؟

كنت هبعته يجيب دوا البرد لضحى

الانسة ضحى !!!!! أأأ سلامتها الف سلامة

الله يسلمك , شوفلي سيد فين يا خالد

لا يا حاج , اني هنروحوا نجيبولها الدوا

يا ابني مش عايز نتعبك

مافيش تعب يا حاج , تعبكو راحة , عن اذنك

طب خد الفلوس يا ولاااااااااا, توووووء الولا جري من غير ما ياخد الفلوس

**

اتفضل يا حاج , دوا البرد للأنسة ضحى

متشكرين يا ابني , خد تمن الدوا

لا والله يا حاج ما يحصل , ما يصحش ياحاج

هو ايه اللي ما يصحش يا ولااااااااا ! خد تمن الدوا

لا يا حاج , مش هناخدوه , دي حاجة بسيطة اوي , بالله عليك ما تكسفني

ماشي يا سيدي , متشكرين , كفاية عليك شغل كدة وروح بقى شوف مذاكرتك

ماشي ياحاج , هخلص بس مراجعة الورقة دي وهنقوموا على طول

*******************************************************************************

حمدالله ع السلامة يا نااااااااااادر هههههههه منور لندن

هههههههههه الله يسلمك يا امير , محسسني ان لندن دي البلد اللي انت اتولدت فيها عشان كدة بترحب بيا هههههههههه

ههههههههههههههههههههههه لا ياسيدي اني ماعنديش بلد غير اسكندرية , حلو الفندق ده اوي , عجبني

هههه ماشي يا سيدي , اني هندخلوا اوضتي عشان نناااااااااااااام

واني هنكلموا امي عشان نطمنوها علية

تررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررن

ردي يا ضحي , ردي يا اعتمااااااااااد , أي حد يرد يا جماااااااااااعة

هو ماحدش معبرني ليه ! تلاقي ضحى نايمة واعتماد مش سامعة اااااااااه ياني هنقوموا نردوا اني وامري لله , التليفون ما بيبطلش ررررررن , السلام عليكم

اميييييييييييييي ههههههههه وعليكم السلام يا حبيبتي

حبيبيييييييييييي اميرررررررررررررررررررر ههههههه وحشتني يا ولااااااااااااا

والله يا امي انتي اكتررررررررررررر

ايه يا حبيبي , ما بتتصلش لييييييييه

كل ما بنوصلوا مينا بكلمك يا امي ههههه وحشتيني والله وبابا وضحى وحشوني , هما فيييييييييييين

ضحى نايمة وابوك لسة ماجاش

خساااااااارة , طيب اني هنكلموهم بكرة او بعده , على حسب ظروفي ان شاء الله

هنستنوك يا حبيبي ههههه مممممممم بس اني هنقولولك حاجة وما تزعلش مني يا امير

خير يا امييييييييي , قلقتيني

لا يا حبيبي ما تتخضش كدة , اني بس عايزة نقولولك ان لحد دلوقتي ما لقتش عروسة

ههههههههههه عشان كدة يعني خايفة اتضايق ؟

مممممم ايوة , اني خايفة تقول امي قصرت في حقي , بس والله يا امير شوفت كذا واحدة ومافيش واحدة دخلت دماغي , واني مش عايزة ندبسوك في جوازة والسلام , دا انت الغالي يا ولا وعايزالك بنت السلطان ههههههه

ههههه خلاص يا امي وفري تعبك

ليييييييييه ؟؟؟؟؟

ههههه اجلي الموضوع لحد ما اجي

انت لقيت عروسة ولا ايه يا ولا ؟

لالالالالا لسة , انا بس بقولك اجلي الموضوع لحد ما اجي

طيب يا سيدي على راحتك , خلي بالك من روحك يا امير واتغطى كويس يا حبيبي , الدنيا في بلاد برا بتبقى برد اوي وانت ما بتستحملش , طول الشتا برد ورشح

هههههههه ما تخافيش يا حبيبتي , هتغطى كويس حاااااااضر , هنكلموكي تاني يا امي , انتظريني , السلام عليكم

وعليكم السلام يا حبيب قلبي , في رعاية الله يا ابني

**************************************************************************************

تيتة ليزززززززززززز وحشتينيييييييييييييييييييييييي ههههههههه

لينننننننننننننننننننننننننة هههههه وحشتيني كتير ليييييينة وحشتيني كتيرررررررر تعالي لييييييييينة

مممممممم لينة بس وحشتك ماما ليززززززززز ؟

ههههه انتِ كمان اروى وحشتيني , بس لينة وحشتني اكتر ههههههه

ههههه ودي حاجة ما تزعلنيش , اسيبكو مع بعض واروح اغير هدومي

البيت وحشني خالص تيتة ليزززززززز هههههه وحشني محل الزهووووووووور وحشني المشتل , كل حاجة في لندن وحشتني

هههههه وانتِ كمان وحشتي لندن كتير هههه افتقدتك حبيبتي لينة

ههههه امووووووووووووه ثانك يو تيتة ليززززززز

لينة , قوليلي حبيبتي , سعيدة برحلتك لمصر ؟

مممممم يعني ! هحكيلك كل حاجة تيتة ليز

****************

تن تن تن هاني بييييييييييه

ايوة يا مصيلحي

محمد بيه زيدان من المباحث عايز يقابلك

خليه يدخل

اتفضل يا محمد بيه

هههههههه هاني باشاااااااا هههههه ازيك يا هاني

هههه اهلا يا محمد , ها ,

عملت التحريات اللازمة عن يوسف المنزلاوي سليمان المغازي

عرفت ايه عن يوسف ؟

هههه يوسف ده حكايته حكاية , غش نصب مخدرات زي ما تقول قوووووووووول وعلى علاقة قوية جدا بواحدة رقاصة اسمها لاتانيا

لاتانيا ولا تالتة ههههههه سيبك من يوسف عشان هنرجعله بعدين على رواقة , خليك في سليمان المغازي عشان اهم عندي , جمعت عنه كل شيء ؟

بالكاااااااااامل من اول بداياته كموظف غلبان لحد ما اصبح حوت من الحيتان , كل حاااااااااجة عنه

انا ما يهمنيش كان ايه بدرجة كبير , اهم حاجة عندي علاقاته الحالية والمحيطين بيه وشركاااااااؤه

مممممم كل حاجة هتلاقيها عندك في التقرير ده , واهم المعلومات اللي عرفتها عنه يا هاني ان هو مطلق من زمان وعنده ولد واحد بس عايش في اروبا , تقربيا عايش هناك بشكل نهائي وما بيفكرش يرجع , اما عن علاقاته النسائية فمالهاش حصر بالطبع ههههه وعنده سكرتيرة اسمها جيرمين فاروق ودي تعتبر دراعه اليمين , عارفة كل خبايا شغله من الالف للياء , سكرتيرة وملك يمين طبعا ههههههههه

مممممممممم جيرمين , ودي جمعت معلومات عنها ؟

اكيد طبعا , اومال يعني بلعب ! ههههه دي يا سيدي بنت جميلة وعندها حوالي تلاتة وتلاتين سنة , بتشتغل مع سليمان المغازي من اكتر من عشر سنين , وبيثق فيها ثقة عمياء , زي ما قولتلك دراعه اليمين , خريجة معهد سكرتارية وكانت من اسرة بسيطة وفجأة لما اشتغلت معاه بقى عندها الشقة الفخمة والعربية الفارهة غير حسابات في البنوك وعضوة في نادي كبير , بتروحه يوم اجازتها تلعب تينيس , عايشة لوحدها في شقتها الطويلة العريضة في المهندسين , ووقتها كله للشغل وخصوصا انه بيعتمد عليها اثناء سفره

ممممممم جيرمين

هههههه عجبك الاسم ولا ايه يا هاني

هههه لا والله مش الفكرة , انا بفكر في الشخصية مممممم تفتكر ممكن تساعدنا ؟

ههههه ما اعتقدش طبعا , مش من مصلحتها ان امبراطورية سليمان المغازي تتهد

ممممممم مش هنخسر حاجة لو جربنا

مستحيل يا هاااااااني بيه , ما اعتقدش ابداااااااا , دي اخر واحدة ممكن تساعدناااااااااا

ممممممممم , طيب , متشكر جدا يا محمد , القهوة لمحمد بيه يا مصيلحيييييييييييييييييي

***************************************************************************

الحصة هتبدأ والمس هتدخل اتاخر يا ياسر عشان اقعد جنبك

تعالي يا رحمة

قياااااااااااااااااام

جود مورنينج

جود مورنينج مس

سيت داووووووووووووووووووووووون

ثانك يوووووووووووووووووووو

ايه ده ! رحممممممممممممممممممممممممة ! وبعدين يا بنتتتتتتتتتتت , الف مرة اقولك ما تقعديش جنب الصبيااااااااااان

ده مش صبيااااااااااااان ! ده ياسرررررررررررررررر

يا بنت يا بنتتتتتتتتتتتت , البنات يقعدوا جنب بعض والولاد يقعدوا جنب بعضضضضضضضضضض

طيب ما احنا في البيت بنقعد جنب بعض ونتفرج ع الكرتون

,ماليش دعوووووووووووة , المدرسة ليها نظاااااااااااام قومي يلاااااااااااااا قومي يا بنتتتتتتتتتتت

اووووووووووووف , حاضررررررررر , باي باي يا ياسرررررررررررر , اشوفك بعد الحصة

البشاورة كانت هنا يا ولاد راحت فييييييييييييييييين

انا عارفة هي فين يا مسسسسسسسس

فين يا رحمة ؟

في ولد طويل قال عايز البشاورة في فصل ساتة اووووووووووول , اطلع اجيبها يا مسسسسسسس ؟

بعد الحصصصصصصصة اطلعي هاتيها بعد الحصصصصة في الفسسسسسسحة

حاضررررررررررر

اما اطلع بقى اجيب البشاااااااورة عشان المس مش تزعققققققققق صوتها عالي ووحشششششششش

انت يا ووووووووووووولد يا طويل انتتتتتتتتتتتتت

عايزة ايه يا اوزعة انت؟

انت اخدت البشاورة بتاعة فصلنا , يلا هاتها عشان المس بتزززززززعق

لالالالالالالالا ماعندناااااااااااااااش , مش هنديهااااااااااااالك

كدة ! طب والله لنزل اجيبلك ياسر يموتك من الضررررررررررررب

يا ياسيررررررررررررررررررررررررررررررررررررررر

نعم يارحمة

تعالى معايا اضرب الواد اللي فووووووووووووووووق

واد مين ددددددددددده ؟ عملك اييييييييييييييه

خد البشاورة ومش عايز يرجعهاااااااااا , قولتله هجيبلك ياسر يضرررررررررررررررررربك

هو فييييييييييييييين , انا هطلع امووووووووووووووته , تعالي معايا شاوريلي عليييييييييييييييه

يلا يا ياسيررررررررررررررررررر

هو فين الولد ده يا رحمة

شايف الولد الطوووووووووووووويل دددددددددددددده

ايه ده يا رحمممممممممممممممممة ؟ انتي رايحة تتخانقي مع واحد في سنة سسسسسسسستة !!!!!!!!!!

وايه يعني ؟ هو انت هتخاف منه يا ياسر

أنا !!!!! أأأأأأأ لا , لا مش هخاف , بس انزلي انتي عشان ما تشوفنيش وانا بضرببببببببببه

ماشي يا ياسررررررررر , كسره وموووووووووووته

حاااااضر , الواد ده طويل اوي , يا ماماااااااااااااااااا , انا ناااااازل

انت يا ووووووووووووولد انت , نازل رايح فيييييييييييييييين ؟؟؟؟؟؟؟؟؟

يا ماما , ده بينادي علياااااا , نازل الفصل بتااااااااعي

وانت ايه اللي طلعك الدور بتاااااااااعنا

كنت عايز طباشيررررررررررررة

خد الطباشيرة اهيه واياك تطلع هنا تااااااااااااااااااااااني سااااااااامع

حاضرررررررررررررر , جري على تحتتتتتتتتتتتتتتتتتتتتتتت

ايه يا ياسرررررررررر , ضربت الولد بتاع سنة ستة ؟

ايوة ضربته هو والفصل بتاعه كله وخدت منهم الطباشيررررررررررررررة

ههههه شاطر يا ياسيررررررررر , طب ما جبتش البشاورة ليه ؟

البشاورة لما شافتني بضربهم خافت ونطت من الشباااااك

ههههه انت قوي يا ياسر

ايوة انا قوووووووووووي انا قوي يا رحمة , وتاني مرة لما تتخانقي ابقي اتخانقي مع حد قدناااااااا, ما تروحيش تتخانقي مع العيال الكبار تاااااااااني عشان حرام لما نضربهم كل شوية

هو انت تقدر تضرب كل الكبار يا ياسررررر ؟

ايوة ايوة اضرب كل الكباااااااااااااار

ممممممم طيب انا عايزاك تضرب ادهم اخويااااااااا , تقدرررررررر ؟

ايووووووووووة , هو فيييييييييييين ؟ لو شوفته هكسررررررررررره

هو مش هناااااااا , هو عند البحر في السّنجرية

احسسسسسسسسسسسن , يلا نروح الفصصصصصصل

*************************************************************************

هي دي جيرمين يا هاني بيه اللي داخلة النادي بعربيتها ههههه عربية سودة فخمة وهي لابسة نضارة سودة

نزلت بالعربية ولابسة ترينينج سوت اسود وسورتيت اسود ومعلقة شنطة سودة على كتفها , بس غريبة ان مضرب التينس ابيض هههههههههههههه

هههه ايوة يا سيدي , سكرتيرة رجل اعمال من اكبر رجال الاقتصاد في مصر بقى هههه حقيقي شكلها فخم جدا

هي ولا العربية ؟ ههههههه

ههههههه الاتنين , خلاص يا محمد انزل انت عشان ادخل اقابلها

ربنا يوفقك يا هاني

مممممممم اهي قاعدة هناك على الطرابيزة لوحدها , اتوكل على الله واروح اكلمها و الله المستعان

السلام عليكم

ممممم هاي

حضرتك انسة جيرمين فاروق ؟

اهااااااااا انا

تسمحيلي اقعد

انت مين ؟

مقدم هاني زاهر

ايييييييييييييييييييه !!!!!!!!


**********
**********

السلام عليكم

ممممم هاي

حضرتك انسة جيرمين فاروق ؟

اهااااااااا انا

تسمحيلي اقعد

انت مين ؟

مقدم هاني زاهر

ايييييييييييييييييييه !!!!!!!!

هههه اتخضيتي كدة ليه يا انسة جرمين ؟

أأأأ ابدا وانا هتخض ليه !!!!!!!!

ههه تسمحيلي اقعد

اتفضل , ممكن اعرف حضرتك عايزني ليه ؟

ابدا , حبيبت ادردش معاكِ شوية

من فضلك وضح يا فندم

حضرتك الانسة سهام فاروق الشهيرة بإسم جيرمين فاروق , 33 سنة , سكرتيرة سليمان المغازي من اكتر من عشر سنين , عايشة في شارع شهاب في المهندسين , مش كدة ؟

مممممم واضح ان حضرتك عملت عني تحريات دقيقة جدا يا سيادة المقدم , ممكن افهم التحريات دي سببها ايه ؟؟؟؟؟؟؟ ما اعتقدش اني عملت حاجة مخالفة للقانون عشان البوليس يعمل عني تحريات

ههه انا ما قولتش انك متهمة بشكل مباشر

يعني ايه يا فندم , تقصد اني متهمة بشكل غير مباشر ؟؟؟؟؟؟؟

هههه اكيد يا انسة جيرمين , حضرتك سكرتيرة شخصية لسليمان المغازي وتعرفي كويس اوي طبيعة اعماله اللي بتدار من خلالك بالطبع , عمليات مشبوهة ومشاريع وهمية وقروض بضمانات وهمية واستيلاء على اراضي الدولة بأتمان زهيدة بالطبع بمشاركة مسؤولين فاسدين في الدولة , صح ولا معلوماتي مش دقيقة يا انسة ……. جيرمين هههه حلو اسم جيرمين , لايق على سكرتيرة رجل اعمال في حجم سليمان المغازي اللي امبراطوريته هتتهد قريب اوووووووي اوي يا انسة جيرمين

الكلام اللي حضرتك بتقوله ده كلام فاااااااااارغ , اتحداك لو عندك اثبات واحد او دليل على كلاااااااااااااامك

هههه الاثبات موجود

هو فين ان شاء الله ؟؟؟؟؟؟؟؟؟؟

ههه انتي اللي هتديهولي

افندممممممممممم ! حضرتك بتقول ايه يا حضرة الظااااااااااابط

بقول ان الاثبات عندك وكل الاوراق اللي تدين سليمان المغازي عندك وهتديهالي

……………………………………………. !!!!!!!!!!!!!!!!!!!!!

هههه بتبصيلي باستغراب كدة ليه ؟ بصي يا انسة جيرمين , خليكي متأكدة ان سليمان المغازي هيتسجن هيتسجنننننننننن وكل المستخبي هيتفضححححححححح , واعتقد ان اول واحدة هتيجي رجليها هو جنابك يا جيرمين هانم , من مصلحتك تتعاوني معايااااااااا

مصلحتي !!!!!!!!! مش فاهمة

هههه وماله , افهمك , لو اتعاونتي معايا وخلتيني امسك كل الخيوط في ايدي واتمكن من ادانة سليمان المغازي هنعتبرك شاهد ملك , مش هنعتبرك مدانة ابدا , وده هيفيد موقفك ويدعمه ويحميكي من السجن

سجنننننننننن !!!!!!!!

ههههه بالطبع , اومال حضرتك فاكرة اننا هنعملك حفلة تكريم ولا ايه !!!!!!

يا فندم انا ماليش دعوة بأي حااااااااجة , ده شغل , بيزنسسسسسس مافيهوش أي حاجة ضد الدولة وأمنها

مممممم اومال قتلتوا مدام شمس ليه ؟؟؟؟؟؟

ششش شششششمس ! أأأأأأ مين مم مين شمس دي ؟

هههه مرات يوسف المنزلاوي , ايه ! ما تعرفيش يوسف المنزلاوي

أأأأ ايوة ايوة اعرفه , واعرف ان مراته اتقتلت , لكن أأأأ لكن احنا دخلنا ايه بقتلها ؟؟؟؟؟

هههههه تعرفي انا معجب جدا انك بتتحدثي عن نفسك وعن سليمان المغازي بصيغة احنا ههه وكأنك جزء منه وهو جزء منك مممممم احييكي على وفائك للراجل اللي بتشتغلي عنده يا انسة جيرمين , بس ياترى لو جت رجليكِ ووقعتي وهو كمان وقع , هتقولي احنا ولا هتقولي ما اعرفوش وماليش دعوة بيه ؟

يا فندم انا بشتغل مع سليمان بيه المغازي من اكتر من عشر سنين فعلا زي ما حضرتك ذكرت لكن ……..

جيرميييييييييييييييييين هاااااااالووووووووو جيرمييييييييييييييين هههههه

أأأأأأ هاي صافي هاي اخبارك ايه

مين الامور اللي معاكِ ده يا جيرمين ؟ هههههه

ددد ددددددده أأأأأأأأ

انا ابن خالتها هههه

هههه هاي , اول مرة اشوفك مع جيرمين

هه معلش , مشغوليات بقى

ممم اسمك ايه

هشام

ههه اسمك حلو خالص

اشكرك

ايه يا جيرمين مش هتقومي تلعبي تينيس ؟ المدرب مستنيكي

لالالالا معلش , مرة تانية عشان قاعدة مع ابن خالتي

ههه اوكيه , باي هشام , ابقى خلينا نشوووووووفك ههههه

ههه باي باي , نرجع لموضوعنا يا انسة جيرمين

يا فندم انا مش فاهمة موضوع ايييييه , ايه دخلي انا بمرات يوسف المنزلاوي اللي اتقتلت ؟

تعرفي هي اتقتلت ليه ؟

عرفت زي كل الناس ما عرفت من الجرايد انها اتقتلت بدافع سرقة مجوهراتها

ههههه حقيقي ؟؟؟؟؟؟؟؟

يا فندم حضرتك بتوجهلي اتهام انا بريئة منه , قتل !!!!! لالالالالا انا سكرتيرة كل شغلي متعلق بعلاقات عامة وصفقات ومشاريع بتتم في حضوري , ولو سليمان بيه مش موجود في مصر انا بدير الشغل بشكل كامل بداله , مالي انا ومال قتل مرات يوسف المنزلاوووووووي

هههههه اكتر حاجة وترتك في الموضوع هو اني بنسب لكو جريمة قتل مدام شمس , مش كدة ؟

يا فندم دي تهمة فظيعة جداااااا , وبعدين تعتقد يعني ان واحد زي سليمان المغازي هيسلط على قتل ست عشان مجوهراتها ؟ هو سليمان بيه محتاج ؟

ههههه برافو عليكِ , اومال سلط على قتلها ليه بقى ؟

لالالالا سليمان بيه مالوش علاااااااااقة , اساسا عمره ما شاف مرات يوسف المزلاوي , يبقى هيفكر يتخلص منها ازاااااااااي

هههه هتفضلي تلفي وتدوري كدة كتير وتضيعي وقتك ووقتي يا انسة جيرمين !!!!!! اعتقد انك اذكى من كدة , معنى اننا اكتشفنا ان سليمان المغازي ليه يد في قتل مدام شمس يبقى اكيد لازم تعترفي بكل حاااااااااجة

اعترف بإييييييييييه ؟

انسة جيرمين , هسألك سؤال واضح وصريح , مدام شمس اتقتلت لييييييييييييه ؟ ايه الاوراق اللي كانت ماسكاها على يوسف المنزلاوي وسليمان المغازي خليتهم يتخلصوا منهاااااااااا ؟ قبل ما تجاوبي احب اسمعك مقطع لذيذ اووووووووي , انا جايب جهاز كاسيت صغير وهسمعك حوار لطيف اتسجل عن طريق البوليس , اسمعي الكلام ده كدة يا انسة جيرمين , اسمعي كويس اووووووووي

يوسف يا منزلاوووووووووووووووي موضوع القتل ده يتلمممممممممم , ارجع من جنيف الاقي القاتل اتقدم واعترررررررررررررف , والا بشرفي اخليك تحصل مراااااااااااااااااااااتك

ايه !!!!!!! هو حصل ايه يا سليمان باشااااااااااااااا

البوليس كان عندددددددددددددددددددددددي , ايه اللي يخلي البوليس يجي يحقق معاياااااااااااااااااااا , انا سليمان المغازي سليمان المغااااااااااااااااازي , مش انا اللي البوليس يجي القصر ويحقق معاياااااااااااااااا , انا مسافر وهتأكد من برا باتصالاتي ان القاتل اتقدم للمحااااااااكمة والا انت الجاني على نفسك يا يوسففففف , الموضوع يتلم ويتقفل ساااااااااااااامع؟؟؟؟؟؟؟

يبقى مافيش حل الا اننا نظهر القاتل الحقيقي

انت شارب حااااااااااااجة ! طيب والقاتل ازاي هيعترف ويودي نفسه في دااااااااااااهية

احنا هنقنعه انه هيخرج منها زي الشعرة من العجين واننا هنقومله احسن محامي في البلد وهياخد براءة من اول جلسة والبت اللي اسمها ريم هي اللي هتلبس القضية

ولما يسألوه عن دوافعه للجريمة ويخرف ويجيب سيرتناااااااااااا ؟؟؟؟؟؟؟؟؟؟؟؟؟

ما تخافش يا باشا , دوافعه للجريمة ان هو والبت دي بيحبوا بعض ومش قادرين يتجوزوا وعشان كدة اتفقوا على قتل جارتها الغنية وسرقة مجوهراتهاااااااااا ههههه اظن دافع مية مية وما يخرش المية

ممممممم تفتكر هيوافق؟

الفلوس تعمل كل حاااااااااجة وده واد جعان ولو ضاعفنا المبلغ اللي خده مقابل القتل اكيد هيوافق

مممممممم طيب خلاص , ع البركة , خلينا نخلص بقىىىىىىىىىىىىىىىىىىى

انا عايز اخلص اكتر منك والله , بس اديني يومين اجهز شوية صور لريم ونفبركها ونحط جنبها الواد ده في الصور على انها صور عشّاق يعني عشان لما تقول ما اعرفوش البوليس يحط الصور في عينها

اعمل اللي انت عايزه المهم خلصنااااااااااااااا , مش عايزين ديول للموضوووووووووع , البوليس لما بيحط مناخيره في حاجة بيقعد يسأل ويغتت لحد ما يعرف , عايزين نسد السكة ع الككككككل , مجرد ما الجريمة هتثبت ع البت دي يبقى احنا خلااص في الأمان والموضوغ هيتقفل للأبددددددددددد , اتصرف يا يوسسسف مش عايز شوشرة على اسميييييييييي

حاضر يا سليمان باشااااااااا , تروح وترجع بالسلامة يا باشاااااااااااااا , هتيجي تلاقي كله تماااااااااااااام , سلاااااااااااام

هااااااا ههههههه ايه رأيك في المقطع اللطيف اللي سمعتيه ده يا انسة جيرمين ؟؟؟؟؟؟؟

أأأأ يا خبررررر , كوباية مييييييية , من فضلك اديني كوباية المية دي

هههه اتفضلي يا انسة جيرمين

ما قولتليش , لسة هتحاولي تنكري ؟ مش ده صوت الراجل الكبير بتاعكووووو ههههه رئيس العصابة يعني سليمان المغاااااااااااااازي

يا فندم انا ماليش دعوة بحاااااااااجة اهئ اهئئئئئئئئئ انا مجرد سكرتيرة , مالي انا ومال القتل والبلاوي دي اهئ اهئئئئئئئئئئئ انا واحدة بشتغل وباخد اجر على شغلي , مالي انا ومال القتل والدم اهئ اهئئئئئئ

انا سمعتك المقطع ده عشان تعرفي ان كل حاجة تحت عنينا , هما بقى عايزين يثبتوا التهمة على بنت مسكينة ويضللوا البوليس ويخدعوه ويظهروا الجريمة على انها جريمة قتل عادية جدااااا لست ثرية بدافع سرقة مجوهراتها هههه كانوا فاكرين كدة خلاص الليلة هتتلم , ما يعرفوش انهم فتحوا على نفسهم طاقة جهنممممممممم

اهئ اهئئئئئئئئئ دي مصيبة مصيبة اهئ اهئئئئئئئئئئئ يا فندم ارجوك استبعدني انا من المصايب دي اهئ اهئئئئئئئئئئئ انا ماليش دعوة والله اهئ اهئئئئئئئئئ

ممممم لو ساعدتينا احنا كمان هنساعدك وزي ما قولتلك هنعتبرك شاهد ملك

اهئ اهئ يا فندم لو سليمان بيه عرف اني بساعدكو هيصفيني انا كمااااااااااان اهئ اهئ سليمان بيه ما لوش عزيزززززز اهئ اهئ اهم حاجة هووووو هو وبس اهئ اهئئئئئئئئئ

ايوة طبعا , وعشان كدة اتخلص من مدام شمس لما عرف ان عندها اوراق تهدده بيها

ايه المطلوب مني يا سيادة المقدم ؟

عشان يتقبض على سليمان المغازي يبقى لازم يقع متلبس في مصايبه , , عشان ما يحاولش يحط أي كبش فدا عشان يطلع هو , واكيد برضو مش هيلاقي كبش فدا احسن من سكرتيرته ومديرة اعماله المسؤولة عن كل شيء في غيابه اللي هو حضرتك ؟

معقوووووووول ! يضحي بيا انا ؟

ههههههه لسة كنتي بتقولي ان مالوش عزيزززززز , اومال يعني لما يشوف المركب هتغرق وعنده فرصة ينجى بنفسه ويغرق واحد تاني هيقول لأ ؟ ههه انا بعرض عليكِ الفرصة انك تنجي بنفسك يا انسة جيرمين , اظن عرض سخي ومش هيتكرر تاني , احب اسمع ردك

………………………………………………………………………. موافقة يا سيادة المقدم , بس على شرط تعتبرني شاهد ملك , وكمان تكون مساعدتي في غاية السرية وإلا حياتي هتكون تمن مساعدتي للبوليس

وانا اوعدك يا انسة جيرمين اني احميكِ من المخاطر , الموضوع تحت السيطرة الكاملة للشرطة , ما تقلقيش

متشكرة يا فندم , انا اسفة نسيت اسأل حضرتك تشرب ايه ؟

ههه ولا حاجة , انا مضطر امشي دلوقتي , معايا ارقام تليفوناتك , انتظري مني تليفون الساعة العاشرة مساءا , اظن بتكوني صاحية ؟

ايوة يا فندم , انا مش بنام قبل تلاتة صباحا

اتفقنا يا انسة جيرمين , سلااااااااااااااااااااام

مع السلامة يا فندم اهئ اهئئئئئئئئئئ يا دي المصيبة اهئ اهئئئئئئئئئئئئئ البوليس عارف كل حاااااااااجة اهئ اهئئئئئئئئئ ما فيش مفر من مساعدة البوليس اهئ اهئئئئئئ تبقى نهايتي قربت لو سليمان المغازي شم خبر اهئ اهئئئئئئئئ انا عارفة ايه اللي خلاهم يقتلوا الست دي ويقلبوا الدنيا على دماغناااااااااا

*************************************************************************

مممممممم اروح اسأل بواب العمارة بتاعة ريم , يمكن يكون شافها ولا حاجة

السلام عليكم

اهلا اهلا يا سعادة البيه , هو حضرتك هتطلع تحقق مع ام ريم تاني ؟

هي ما جاتش هنا ؟

هي مين يا بيه

ريم , ما شوفتهاش

يا بيه هشوفها ازاي اذا كانت هربااااااااانة

تفتكر هي هربانة ولا مخطوفة ؟

العلم عند الله يا بيه , هو حضرتك بتيجي تسأل عليها كل شوية يمكن تكون هربانة وبتيجي من وراكو تزور امها في السر يعني ؟

ايوة , اكيد لو هربانة هتيجي تزور امها , انا هديك رقم تليفوني في القسم وفي البيت , لو شوفت ريم بلغني على الفوووووووووووووور

حاضر يا بيه , احنا تحت امرررررررررك , ربنا يلم الموضوع ده على خيرررررررر

*****************************************
هاني بيييييييييييه

ايوة يا مصيلحي

القوة اللي بعتناها للبحث عن البت الهربانة رجعت

خليهم يدخلوووووووووووا

تمام يا هاني باشااااااااا

لقيتوا ريمممممممممممممممم ؟

مالهاش أي اثرررررررررر , فص ملح وداااااااااب

يمكن اتقتلت يا هاني بيه

اتقتلتتتتتتتتتتتتتتتت !!!!!!!! طيب حتى لو اتقتلت فين الجثثثثثثثثثثثثثثثثة

اكيد دفنوها في الصحرا , اومال يعني المجرمين بيدفنوا جثث اللي بيقتلوهم فين !!!!!!!!

لا حول ولا قوة الا بالله , بكرة برضو تخرج قوة للبحث عنها في كل مكاااااااااان , سامعين في كل مكااااااااااااااااااااان , الله اعلم مصير المسكينة دي اييييييييييييه ! لا حول ولا قوة الا بالله , اتفضلوا انتو دلوقتي

تمام يا هاني بييييييييييييه

—————————————————–

ونكمل في الحلقة الثامنة والعشرون .. إلى اللقاء في الحلقة الثامنة والعشرون (الجزء الثاني)

بقلم الكاتبة: هبة نور

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *