مسلسل خلف هذه الجدران الحلقة الخامسة (الجزء الثالث)

” الحلقــــ(5) ــــة ” من مسلسل “خلف هذه الجدران ” (الجزء االثالث)
**********
**********


السلام عليكم ههههه ازيك يا بابا

اهلا يا منال يا بنتي وعليكم السلام

رانيا لسة ماجاتش من الجامعة ؟

لا لسة , زمانها على وصول ان شاء الله , سيادة المقدم عامل ايه ؟

والله يا بابا لسة في العناية المركزة , ادعيله يا بابا في صلاتك

ربنا يتم شفائه على خير , ياريت كنت اقدر اروح , كنت عايز اطلب منك رقم المستشفى عشان اكلم مدام امينة عشان اطمئن بنفسي

حاضر يا بابا , رقم تليفون الغرفة كان معايا في ورقة وحطيته في شنطتي , لحظة واحدة ………………. اتفضل الرقم يا بابا

هاتي يا منال

طيب عن اذنك بقى داخلة المطبخ اسخن الأكل

اتفضلي يا حبيبتي , اقّرب الكرسي ناحية التليفون عشان اتصل بمدام امينة

**

ترررررررررررررررررررررررررررررن تررررررررررررررررررررررررررررررررررررررررررررررررررررررررررررن

السلام عليكم ورحمة الله

وعليكم السلام ورحمة الله وبركاته , ازيك يا مدام امينة

اهلا وسهلا , مين معايا ؟

انا عزت عبد الباقي , والد منال

اهلا وسهلا يا حضرة الظابط , ازي صحتك يا فندم ؟

بخير الحمدلله , طمنينا على صحة سيادة المقدم

والله الدكاترة المشرفين على حالته بيقولوا ان الحالة مستقرة , الحمدلله , طالبين الشفا من الله وحده

ربنا يتم الشفاء إن شاء الله , لقيت ان اقل واجب اني اتصل اطمئن , لاني للأسف مش هقدر اجي

يا فندم انا بشكرك والله على اهتمامك , حضرتك عمرك ما قصرت في الإهتمام , كأنك معانا والله , اشكرك على الإتصال , ربنا يديك الصحة , جزاك الله خيرا

مع تمنياتي بالشفاء العاجل لسيادة المقدم , السلام عليكم

وعليكم السلام ورحمة الله وبركاته يا فندم

*****

صوت مفتاح اتحط في الباب , اكيد رانيا اختي

السلام عليكم يا اهل الداااااااااااااااار هههههه بابااااااااااااااااااا

اهلا حبيبتي هههههه وعليكم السلام

اموووووووووه وحشتني يا باباااااااااااااا هههه

ههههه انتي وحشتيني اكتر , ما حسيتش بيكِ الصبح وانتِ نازلة يا بنت

انا صحيييييييييييت واتوضيت وصليت الضحى وحضرت الفطار وفطرت وشربت اللبن كمان زي البنات الشاطرين وهما رايحين الجامعة هههههههه و لبست وخدت كشكول المحاضرات وجيت عشان اقولك صباح الخير لقيتك نااااااااااااايم في سابع نومة , ما رضيتش اصحيك , قولت كدة كدة ابلة منال هتيجي تصحيك وتفطرك وتديك الدوا زي كل يوم

هههههه ربنا يخليكو ليا انتو الاتنين ويخلي عمر

يا رب يا بابا , عمر واحشني اوي هبقى اكلمه , ابلة منال جت ؟

في المطبخ , انتي ما شوفتيهاش ولا ايه ؟

لا , انا جيت على اوضتك جري , طيب هدخل اغير هدومي بسرعة واروح اساعدها

روحي يا حبيبتي

ابلة مناااااااااااااااااااااااااال يا جميل يللي في المطبخخخخخخخخخخخخخخ

ههههه اهلا بالأجمل اللي جاي من الجامعة

ههههه ازيك يا ابلة , ممممممم طمنيني , اخو استاذ ماجد عامل ايه ؟

ربنا يشفيه يا حبيبتي , لسة تحت الملاحظة , قوليلي , اخدتي الدوا قبل ما تنزلي ؟
ممممممممم مش فاكرة

افندممممممممممممممممممممممممممممم !

هههههه ما تتخضيش اوي كدة يا ابلة , ساعات بنسى غصب عني والله , يكون عندي محاضرة بدري وعايزة الحقها , او تكون دماغي مشغولة بحاجة , فبنسى غصب عني

اوووووووف , لا حول ولا قوة الا بالله , يارانيا مافيش حاجة اهم من صحتك يا حبيبتي , المحاضرة حتى لو ضاعت ممكن تنقليها من واحدة من زميلاتك

مممممممم وزمايلي الولاد لا ؟؟؟؟؟؟؟ هههههههههههه

بنتتتتتتتتتتتتتتتتتتتتتتتت ! شكلي كدة هقص لسانك عشان بتقولي كلام ينرفز

ههههههه ليه يا ابلة ! ممممممم اصل بصراحة المرة اللي فاتت لما ما روحتش الكلية عشان كنت تعبانة أأأأأأ لالالالالالا ولا بلاش

ممممممم طيب اديني سيبت تحضير الغدا عشان اعرف المصيبة اللي حصلت المرة اللي فاتت , خيرررررررررررررر

هههههههه لا كدة مش خير , ازاي مبرقالي وحاطة ايدك في وسطك ويبقى خير بس يا ابلة ! ههههههههههه

رانيا , في ايه ؟ ايه اللي كنتِ عايزة تقوليه ؟

ولا حاجة يا ابلة , واحد زميلي لما تعبت واستأذنت من الدكتور وخرجت من نص المحاضرة وبعدها تاني يوم ما روحتش , صعبت عليه ونقلي المحاضرات وأول ما شافني ادهالي

ممممممم بس كدة ؟ يعني ما اتكلمش معاكِ ؟ ماقالكيش هاتي رقم تليفونك

لالالالالالا خالص والله , هو حتى ما اتكلمش معايا تاني , يعني مجرد ما اداني المحاضرات اللي فاتتني ما اتكلمش معايا بعدها مممممممم لالالالالالا مرة قالي صحتك عاملة ايه دلوقتي وانا ابتسمت وقولتله الحمدلله كويسة

ممممممم طيب , جزاه الله خيرا , يبقى اكيد كان بيعمل عمل انساني وما فيش اهداف تانية

اهداف ايه تانية بس يا ابلة ! شايفاني انسانة طبيعية عشان واحد يحبني ويتعلق بيا !

اخص عليكِ يا رانيا ! ايه اللي بتقوليه ده يا حبيبتي ! وانتِ فيكِ ايه بس يعيبك ! انتِ زي الوردة المفتحة اهو يا بنت

وردة ! سيبك يا ابلة من الكلام اللي زي قلته ده وهاتي السكينة عشان اعمل السلطة عشان الكلام اخدنا واتأخرنا على بابا

خدي يا حبيبتي , انا غسلت الخس والجرجير وكل حاجات السلطة , قطعيها حتت صعيرة , بلاش تقطعي الطمطماية على أربع حتت ههههههه

هههه حاضر يا ابلة , معاذ ومريم حبايب قلبي عاملين ايه ؟

كويسين اوي الحمدلله يا حبيبتي , بيلعبوا مع ولاد عمهم , عايزة الحق اغدي بابا واغدي حضرتك واغسل الاطباق وجري ع البيتتتتتتتتت

وانا هخلص غدا وادخل اذاكررررررررررررر

تاخدي الدوا الأووووووووووول , مش همشي الا لما تاخدي الدوا قدامي , بطلت اثق فيكِ خلااااااص , مهملة في صحتك لابعد الحدود

يا حبيبتي يا ابلة منااااااااااااال اموووووووووووه انتِ بتعامليني زي ما اكون بنتك ههههههه

طيب ما هو انتِ بنتي فعلا يا رانيا , انا بعتبرك بنتي الكبيرة والله

ايه ده ! هو انا اكبر من معاذ ومريم ! فاجئتيني يا ابلة هههههههه

هههههههه لا هما الأكبر يا غلباوية , خلصتي السلطة ؟

ايوة اهيه ههههه يا سلام على تقطيع ايدي للسلطة , حاجة ما حصلتش يا ناااااااااااس هههههههه طبق سلطة امور اوي هههههههه

هههههه طيب هاتي يا حبيبتي عشان اودي صنية الغدا لبابا واجي احطلك الغدا , روحي استني ع السفرا

ماشي يا ابلة , اتوصي بيا لو سمحتي هههههه

ههههه عنيا ليكِ حبيبتي

******************************************************************************

حضرتك ماشية يا دكتورة جيهان ؟

ايوة , هقفل مكتبي وانزل حالا

مع السلامة يا دكتورة

الله يسلمك

يييييييييييييي العربية مالهااااااااا تووووووووووووء هدور تاني , يييييييييييي جرالك ايه انتي كمااااااااااااان

دكتور جيهان . في حاجة يا دكتورة

اوووووووووف العربية عطلت

ممممم اوقف لحضرتك تاكسي

لالالالالالا انا هتصل بوليد ابني يجي ياخدني , هرجع مكتبي اتصل بيه واستناه

اتفضلي يا دكتورة

تررررررررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررررررررن

الو

ايوة يا وليد

مين معايا ؟

انا ماما يا ولدددددددددد

ههههه ماما ! خير يا ماما ؟ وصلتي البيت ولا لسة في الجامعة

اوووووووف جيت مروحة ويادوب بدور العربية لقيتها عطلتتتتتتتت وانا مستعجلة , مش هينفع استنى لحد ما حد يصلحهااااااااااا تعالى خدني

اجي اخدك !!!!!!!! يا ماما انا عندي شغغغغغغغغغغغغغغغغغغغغغغل

يا سلاااااااااااااااام ! يعني اخد تاكسي مثلاااااااااااا !!!!!!!!! يعنى انت ترضى اخد تاكسيييييييييييي , انا اروح الفيلا بتاكسي يا ولددددددددددددددد

هههه لا طبعا , ما يصحش ان الدكتورة جيهان حيضر بحالها تركب تاكسي , سمعتنا بين عائلات الطبقة الراقية هتضيع ههههههه

بطل تريئة يا ولد انا مش ناقصاااااااااااك , يلا , نص ساعة بالظبط والاقيك قدامي

, والله عندي شغل يا مامااااااااا

سيب الشغل وسيب أي حاجة وتعالى خدني فورااااااااااااا

حاضر حااااااااضر يا ماما , بس ما تعصبيش نفسك كدة ههههه

*******************************

تن تن تن

ادخل يا وليد

مساء الخير يا ماما

مساء النور , اقعد , انتظرني لحظات

ايه يا ماما , انتِ لسة وراكِ شغل ولا ايه ؟

لالالا قولت اتسلى بالبحث ده على ما تيجي

طيب يلا يا ماما ارجوكِ عشان عايز ارجع القسم بسرعة

اوكيه , اسبقني وانا هحصلك وابعت الميكانيكي ياخد العربية يصلحهااااااااا

حاضر يا ماما

**************************************************************

اتفضلي اركبي يا ماما

ميرسي , انا هقعد ورا

ايه يا ماما ! هو انا السواق بتاعك ؟ ههههههههه

انت تطول يا ولد تبقى السواق بتااااااااااااعي , يلا , إطلع يا اسطى

ههههههه اسطى ! انا اتبهدلت في البلد دي على فكرة , مرة عضو في عصابة ومرة اسطى سواق , مش عارف لو قعدت اكتر من كدة هيجرالي ايه هههههههه , انا هسيب البلد دي وامشي في اسرع وقتتتتتتتتتتتتت

سوق وانت ساكت , بكمل قراية البحث

ماشي يا ماما

ممممم ايه يا حبيب ماما , انا ملاحظة انك حابس نفسك في اوضتك اليومين دول ! حتى لو قعدت معانا بحس انك سرحان , مممممم يا ترى في حاجة مضايقاك يا وليد ؟ يا ريت تصارحني يا حبيبي , عشان بجد قلقانة عليك اوي

ههههه مش كنتي مشغولة بقراية البحث يا ماما ؟

ههههه ما يمنعش اني اطمن على ابني حبيبي , هاااااا , قولي مالك

مش عارف يا ماما , حاسس ان حياتي كلها متلخبطة , حاسس اني سايب نفسي زي الريشة اللي بيحركها الهوا من غير أي ارادة

رغم اني مش فاهمة وما عنديش تفسير واضح لكلامك بس هنصحك تعيد ترتيب اوراق حياتك , خلي ارادتك هي اللي تتحكم يا حبيبي , حدد انت عايز ايه وحاول توصل لهدفك , ليك حق الاختيار يبقى ما تضيعش الفرصة عشان ما ترجعش تندم

هههه مش عارف ليه يا ماما حاسس انك تقصدي جوازي من منار بكل كلمة قولتيها

ههه حبيبي دا اختيارك ولو اني مش موافقة عليه , حاسة ان منار مش الزوجة المناسبة ليك يا حبيبي

ماما حضرتك عارفة ان لو فكرت مجرد تفكير اني اسيب منار ممكن العلاقات الاسرية تتدمر بسببي , عمتي فريدة اكيد هتاخد موقف وهيحصل شقاق في العيلة

مممممم والله يا حبيبي انا شايفة ان حتى لو حصل شقاق مؤقت في العيلة افضل من انه يحصل انهيار كامل لحياتك

ماما , مش هينفع , صعب اوي , بابا مش هيرضى انه يخسر عمتي فريدة ولو ليوم واحد وانا مش عايز اكون سبب في توتر العلاقة بينهم

على راحتك يا وليد , مش هتناقش معاك في الموضوع ده تاني , اختك شيري جاية بكرة في طيارة اتنين الضهر , فضي نفسك عشان تروح تجيبها هي وسما

ان شاء الله يا ماما , ما انا بقيت السواق الخصوصي بتاع العيلة هههههه

ههههههههه , الله , وقف يا وليد وقففففففففففف

في ايه يا ماماااااااااااااا ؟

بقولك وقف العربية يا ولد انتتتتتتتت

اديني وقفت العربية , في ايه يا ماما , حضرتك بتبصي على ايه من شباك العربية ؟


**********
**********

ههههههههه , الله , وقف يا وليد وقففففففففففف

في ايه يا ماماااااااااااااا ؟

بقولك وقف العربية يا ولد انتتتتتتتت

اديني وقفت العربية , في ايه يا ماما , حضرتك بتبصي على ايه من شباك العربية ؟

مممم شايف اللي انا شايفاه يا وليد ؟

شايف ايه يا ماما ! هههه

محل عصير قصب يا وليد هههههههه

ههههههههههههههههههههههههههههههههه طب وايه الغريب في كدة ؟ ممممم اهاااااااا , انتِ عايزة تشربي عصير قصب يا ماما ؟ ههههههه

هههههه ايوة , ياررررررررريت , بصراحة كل يوم اعدي على المحل ده بالعربية واشوف الناس داخلين خارجين يشربوا عصير , ببقى هتجنن عشان اعمل زيهم , بس بصراحة بريستيجي ما يسمحليش

هههههه سلامة بريستيجك يا ماما , انا بقى ما عنديش بريستيج اخاف عليه ههههههه هنزل من العربية واروح اجيبلك كوباية عصير قصب , وحضرتك خليكِ بكامل بريستيجك يا سيدتي الجميلة ههههه

ههههههههههه حبيبي يا وليد انت , انت ولد رائع على فكرة , بفكر ادعيلك وانا بصلي

هههههههههه ياريت يا ماما والله , بجد محتاج دعاكِ , عن اذنك , دقايق واجيلك بالعصير

ههههههه الله , اخيرا حلمي اتحقق وهشرب عصير قصبببببببببببب

*
*

مساء الخير

مساء النور يا سعادة الباشااااااااا

من فضلك عايز اتنين عصير قصب

هههه ايوة , بس حضرتك داخل المحل لوحدك

ههههه والدتي في العربية

واحنا تحت امرك وتحت امر الست الهاااااااااانم

ههه شكرا

اتفضل العصير يا سعادة الباشا , خلصوا العصير بالهنا والشفا وشاورلي وانا هبعت الواد اللي شغال معايا ياخد الكوبيات , ما تتعبش نفسك انت وتجيبهم

هههه متشكر اوي

*
*
هيييييييييه هههههه وليد جايب العصير وجااااااي

ماماااااا ههههههه اتفضلي يا ست الكل

هات هاااااااااات يا ولييييييييييييد , شكله يجنننننننن

ههههه بالراحة يا ماما , اشربي بالراحة , حاسبي تشرقي ههههههه

ممممممم بجد رااااااائع , تعرف انه كان واحشني اووووووووووي

ههههه انتِ بتحبي عصير القصب اوي كدة يا ماما ؟

هههه ايوة , انا فاكرة وانا صغيرة , لما كنت عايشة في الشرقية كنا بنزرعه عندنا في الارض بتاعتنا , وكنت ابعت الدادة بتاعتي تجيبلي اعواد قصب كتيررررررررر , واقعد اقشر وامص لحد ما اخلصهم , وابص حوالية الاقي الاوضة بتاعتي كلها اكوام قشر قصب هههههههه وماما تزعقلي وتزعق للدادة ههههههههههههه وتقولي كويس كدة يا بنتتتتتتتتت ! حد يمص القصب ويرمي القشر على الارض بالهمجية دي ! هههههه اقولها بردونيه مواه مامّاااااااا ههههه وتقول للدادة اياااااااااااك اياك تجيبلها قصب تاني ههههههههه تقولها حاضر يا خديجة هانم وانا اقولها ما تسمعيش كلامها يا دادددددة هاتيلي قصب والاهنزل بنفسي اجيبه ههههههه كانت ذكريات لطيفة اووووووووي

ههههههههههه يعني انتِ طفولتك كانت سعيدة يا ماما ؟

هههههه اومال يعني طفولة مشردة زي طفولتك يا ولد ؟ ههههههههههههههههه ثم انا تعليمي فرنساوي , وانت تعليمك انجليزي , يبقى اكيد مش من مستوايا ههههههههههه

هههههههه , ماشي يا ست ماما , خلصتي العصير ؟

اهاااااااا , مممممم ممكن تجيبلي كوباية تاااااااااني ؟

ههههه حاضر يا ماما , هشاور للولد يجيب , ياااا اسمك ايه , ياااااا , ايوة ايوة تعالى

تحت امرك يا بيه

خد الكوبيات دي , وهات كوباية عصير قصب كمان بس المرة دي هدفع تمن الكوباية عشان هناخدها معانا , عشان مستعجلين

ههههه اوامرك يا بيه

*
*

اتفضل يا باشا , كوباية عصير اهيه

طيب , اتفضل , دول خمسين جنيه

دول كتيررررررر كتير اووووووووووي

ههههه معلش , خليهم عشانك

متشكر يا بيييييييييه , ابقى تعالى اشرب عصير كل يووووووووووووووووووووم , مع السلاااااااااااااااااااااامة

هههههه مبسوطة كدة يا ماما ؟


اوي اوووووووي هههههه مستمتعة بالعصير , سوق بالراحة عشان مش يقع على هدومي

حاااااااااااضر هههه اهم حاجة عندي اني شوفتك سعيدة اوي كدة يا ماما , سبحان الله , مع ان سبب سعادتك بسيط اوي , مجرد كوباية عصير قصب ههههه

هههه حبيبي , السعادة مش بالكَم , السعادة بالكيف , ممكن يبقى عندك حاجات غالية وقيمة وكتيرة اوي لكن مش بيسعدك اقتنائها , وممكن لو حد قدملك وردة , مجرد وردة تسببلك كل السعادة وتملك كل احاسيسك

ههههه ايه الفلسفة دي يا ماما

تقدر تقول انها تجارب الحياة يا حبيبي

*
*
*
*
*
*

يلا يا ولاد اقعدوا هنا قدامي كلكووووو , يلا عشان نحكي حكاية نبي من الأنبياء عليهم السلام , قولوا عليهم السلام

عليهم السلام

النهاردة بقى هحيلكو حكاية سيدنا محمد عليه الصلاة والسلام , قولوا عليه الصلاة والسلام

عليه الصلاة والسلاااااااااااااام

سيدنا محمد عليه الصلاة والسلام هو آخر نبي ربنا أرسله عشان يقولنا ان احنا لينا اله واااااااااااااااااحد هو اللي خلقنا وهو اللي بيديلنا كل حاجة حلوة في الدنيا , قولوا لا إله إلا الله

لا إله إلا الله

سيدنا محمد بيحبنا اوي عشان كدة عايز ياخدنا معاه الجنة , شوفتوا اد ايه هو قلبه حنون وعايز ياخدنا الجنة اللي فيها كل حاجة جميييييييييييييلة جمييييييييييلة

فيها ايه الجنة يا امي ؟

فيها كل اللي انت عايزه وبتتمناه يا معاذ , فيها قصور جميييييييييييييييلة وجناين جمييييييييييييلة وفواكه جمييييييييييييييلة وشجررررررررر وانهاااااااااااااااااااااار , انهار لبن وانهار عسل

انهار لبن وانهار عسسسسسسسسسسسسسسسسسل !

ههه ايووووووووووة وفيها كمان كل كل كككككككككل الناس اللي بنحبهم , كل الانبيااااااااء كل المؤمنين وكل الصالحين والناس الطيبين اللي بيطيعوا رب العالمين حبيب الموحدين هيدخلوا الجنة , واحنا كمان لو طيعنا ربنا هندخل معاهم الجنة إن شاء الله

ممممممم نعمل ايه يا طنط عشان ندخل معاهم الجنة ؟

نطيع ربنا يا عبد الرحمن , يعني يا حبيبي نشوف ربنا أمرنا بإيه ونعمل اللي أمرنا بيه , ونشوف ربنا نهانا عن ايه ونبعد عنه عشان ربنا ما يغضبش علينا ويحبنا , مش انت عايز ربنا يحبك يا عبد الرحمن ؟

ايووووووووووووة وعايز ادخل الجنة

طيب , يبقى تعمل اللي ربنا امرنا بيه

هو أمرنا بإيه ؟

أمرنا بالصلاة , وامرنا بطاعة الرسول محمد عليه الصلاة والسلام وامرنا ببرالوالدين وامرنا بحاجات حلوة كتير

يعني ايه بر الوالدين يا طنط ؟

يعني طاعتهم يا حبيبي , يعني اننا ما نزعلهومش ابدااااااااا , ما نتكلمش معاهم بصوت عالي ولا نزعق في وشهم , لان كدة هما بيغضبوا علينا , ولو غضبوا علينا ربنا كمان سبحانه وتعالى هيغضب علينا وما يحبناش وما يدخلناش الجنة , يبقى لازم ايييييييييييه , نطيع الوالدين لان ربنا خلاهم سبب لوجودنا في الحياة , امك هي اللي حملتك في بطنها تسع شهور واتألمت في ولادتك وكمان بعد كدة رضعتك وضمتك لصدرها بكل حنان وكانت بتطبطب عليك وتلاعبك , ولما انت كنت بتتعب كانت بتسهر جنبك , وبتعملك كل اللي انت بتحبه لانها بتحبك وبتبعد عنك كل اذى او حاجة تضرك , يبقى أمك حلوة ولا لأ ؟

حلوة , انا بحبها

وكمان ابوك هو اللي بيشتغل ويتعب عشان يجيبلك كل اللي انت عايزه وكمان بيحبك وحنين عليك جدا وعايزك تبقى احسن واحد في الدنيا , يبقى لازم تحبه وتحترمه ولا لأ ؟

ايوة , لازم احبه واحترمه , انا بحب بابا وماما ومنة اختي كمان

وانا كمان بحب بابا وماما وبحبك يا عبد الرحمن وعايزة ادخل الجنة معاكو

ههه ان شاء الله يا حبيبتي , ربنا يجعلنا من اهل الجنة جميعا آمين , نرجع بقى نحكي قصة الرسول عليه الصلاة والسلام

احكي يا امي قصة سيدنا محمد عليه الصلاة والسلام ,اللي عايز ياخدنا معاه الجنة عشان بيحبنا

سيدنا محمد يا حبايبي اتولد في مكة , امه تبقى السيدة آمنة بنت وهب , امه تبقى مين يا ولاد ؟

السيدة آمنة بنت وهب

وابوه عبد الله بن عبد المطلب من أشراف مكة

يعني ايه اشراف مكة يا امي ؟

يعني من أعالي الناس وأشرفهم نسبا , يعني احسن الناس في مكة يا معاذ يا حبيبي , نكمل حكاية الرسول عليه الصلاة والسلام

سيدنا محمد عليه الصلاة والسلام اتولد في مكة في عام الفيل

يعني ايه عام الفيل يا طنط منال ؟

هحكيلك ليه العام ده اتسمى عام الفيل بعد ما نخلص حكاية الرسول عليه الصلاة والسلام , عشان تركيزك ما يتشتتش , نبينا محمد الحبيب عليه الصلاة والسلام , ابوه مات قبل ميلاده , يعني اتولد يتيم , في اثناء فترة حمل امه بيه , خرج ابوه لرحلة عشان يتاجر ومات في الطريق

يا عيني ! يعني مش شاف باباه يا طنط ؟

لا يا منة يا حبيبتي , لانه مات قبل ما يتولد , وبعد ما اتولد عليه الصلاة والسلام جت المرضعة حليمة السعدية من أرض بني سعد واخدت الرسول عليه الصلاة والسلام عشان ترضعه

ومامته ليه مش ترضعه يا طنط ؟

هقولك يا عبد الرحمن , عشان يا حبيبي في الزمن ده كان كل الناس متعودين يرسلوا ولادهم منذ ولادتهم مع المرضعات للصحرا عشان يطلعوا أشداء أقوياء بسبب حياتهم في البادية اللي هي الصحرا

ااااااه انا فهمت يا طنط , يعني عشان يكون قوي

ههه ايوة يا عبد الرحمن , حليمة السعدية كانت ست فقيرة جداااااا وكانت هي وكل المرضعات اللي جم معاها كانوا بيدوروا على الأولاد الاغنيا عشان ياخدوهم وكل مرضعة تعرف ان الرسول عليه الصلاة والسلام يتيم ومش عنده اب , ما ترضاش تاخده

يا عيني ! ليه يا طنط ! ليه مش بيرضوا يا خدوه

عشان يا منة يا حبيبتي , الطفل اليتيم ما عندوش اب يديهم فلوس كتير , وهما عايزين فلوس كتير , فكان بيرفضوا ياخدوا الرسول عليه الصلاة والسلام , ما كانوش عايزينه , وسابوه ومشيوا

دول وحششششششششششين , انا مش بحبهم

ههه طيب استني شوفي ايه اللي حصل يا منة , السيدة حليمة السعدية هي كمان رفضت تاخد الطفل اليتيم , وبعد ما كانت خلاص هتمشي هو وزوجها , قالت لزوجها انا مش عايزة ارجع من غير ما يكون معايا طفل ارضعه , انا هروح اخد الطفل اليتيم

هيييييييييييييييييه , لاحت ختته يا امي ؟

ايوة يا مريم ههههه اخدته هي وزوجها وركبوا الحمارة عشان يسافروا

ليه يا طنط , ليه مش يركبوا العربية او يركبوا الطيارة ؟

هههههه عشان يا عبد الرحمن ما كانش فيه عربيات ولا طيارات , كان كل الناس بيسافروا على ظهور الدواب , والدواب هي الجمال والحمير والخيل , ما كانوش لسة اخترعوا العربيات والطيارات

كملي يا امي
بعد ما اخدت الرسول عليه الصلاة والسلام , ربنا عملها حاجات كتير حلووووووووووة

زي ايه يا طنط ؟

الإتان او الحمارة اللي كانت راكباها وهي رايحة مكة كانت ضعيييييييييييييفة ومش قادرة تمشيييييييييييي , لكن بعد ما حملت سيدنا محمد الطفل اليتيم وركبت على الإتان , ربنا خلى الإتان قوية وسريعة جداااااااااااااا لدرجة انها سبقت كل الدواب التانيييييييية وكانوا كل الناس مستغربين , ايه اللي حصل للإتان خلاها بالقوة والسرعة دي , ما كانوش يعرفوا ان ربنا بيكافئ السيدة حليمة السعدية عشان اخدت الرسول عليه الصلاة والسلام معاها وإن الرسول كان طفل مبارك جدا , كمان كان عندها شاة او ماعز يعني ضعيفة مافيهاش لبن , وبقت الشاة قويييييييييية وعندها لبن كتيررررررررر وكمان كل الغنم اللي عند السيدة حليمة بقوا اقوياء , وكمان هي بعد ما كانت ست ضعيفة مش بتقدر ترضع ابنها , بقى عندها لبن كتيرررررر وبقت تقدر ترضع ابنها وترضع النبي الحبيب محمد عليه الصلاة والسلاااااااام , وكمان الأرض بعد ما كانت مافيهاش زرع , السما مطرت وخلت الأرض تطلع الزرع الأخضر وكل المكان حواليهم بقى جميل جمييييييييل وكل الحاجات الجميلة دي حصلتلها لما اخدت معاها سيدنا محمد عليه الصلاة والسلام , شوفتوا بقى ان القرب من الحبيب محمد عليه الصلاة والسلام , كله خير وبركات ازاي ؟

ايوة يا امي , بس هو مش معانا , ازاي نبقى قريبين منه عشان احنا بنحبه ؟

نبقى قريبين منه لما نطيع ربنا ونطبق سنن النبي عليه الصلاة والسلام , ونجتنب نواهيه , يعني نشوف الرسول أمرنا بإيه عليه الصلاة والسلام ونعمله واللي نهانا عن فعله نبعد عنه , مثلا , الرسول عليه الصلاة والسلام أمرنا بالإحسان للجار , يبقى لازم نعامل جيراننا كويس ونبتسم في وشهم وما نأذيهومش , يبقى اللي بيأذي جيرانه قريب من الرسول عليه السلام ولا بعيد عنه يا منة ؟

يبقى بعيد عنه , عشان هو وحش وبيأذي جيرانه ومش بيسمع كلام الرسول عليه الصلاة والسلام

هههه شاطرة حبيبتي , نكمل بقى الحكاية الجميلة دي , السيدة حليمة حبت الرسول عليه الصلاة والسلام واتعلقت بيه وما كانتش عايزة ترجعه لامه بسهولة , وقالتلها بعد ما انتهت مدة رضاعته اللي هي سنتين , قالتلها تسيب سيدنا محمد عليه الصلاة والسلام عندها لفترة تانية عشان هي خايفة عليه من حر مكة , وفعلا فضل معاها الرسول لحد ما بقى عمره حوالي اربع سنوات , لحد ما في يوووووووووووووووووم ؟؟؟؟؟؟؟

حصل ايه يا امييييييييييي

ايوة يا طنط حصل اييييييييييييييه

في يوم نزل ملك من السما لابس ابيض وشكله جميييييييييل , اخد الرسول عليه الصلاة والسلام من بين الاطفال اللي كان بيلعب معاهم وفتح صدره بشويش بشويشششش من غير ما يوجعه ,وطلع من قلبه حاجة صغيرة اسمها مضغة وقاله هي دي بتاعة الشيطان وهاخدها منك عشان الشيطان الوحش مش يخليك تعمل حاجة وحشة ابدااااااا وقفل صدره بالراااااحة ومشيييييي , الولاد الصغيرين خافوا جدااااااا افتكروا ان الراجل اللي اخد سيدنا محمد موته وراحوا جري يقولوا للسيدة حليمة ان سيدنا محمد قُتل , طبعا لما السيدة حليمة السعدية عرفت ان في واحد اخد الرسول وعمل فيه كدة , خافت جدا , ممممممم تفتكروا السيدة حليمة عملت ايه يا ولااااااااااااااد ؟؟؟؟؟؟؟؟؟؟؟

عملت ايه يا امي ؟؟؟؟؟؟؟؟؟؟

ممممممممم نكمل المرة الجاية ونعرف السيدة حليمة عملت اييييييييييه هههههه

**********
**********

عم موردي , الاستاذ احمد جوا ؟

ايوة يا يحيي , عايزه في حاجة ؟

ايوة , موضوع خصوصي

طب استنى نبلغوه

تن تن تن استاذ احمد , يحيي العتال عايز يقابلك

خليه يتفضل

ادخل يا يحيي

مساء الخير يا استاذ احمد

اهلا يا يحيي مساء النور , اتفضل اقعد

يزيد فضلك يا استاذ احمد

خير يا يحيي

والله يا استاذ احمد اني مش عارف نبدأوا كلامي منين , بس اني هندخل في الموضوع على طول , اني بصراحة ظروفي وحشة اوي ويادوب الاجرة اللي بناخدوها بتكفيني , والله يا استاذ احمد امي بقالها اسبوع بتشتكي بحساسية في صدرها ومش قادر نودوها للداكتور

لا حول ولا قوة الا بالله , ازاي بس ساكت على والدتك اسبوع بحاله يا يحيي !!!!!!! صحة والدتك والاهتمام بيها المفروض تكون قبل أي حاجة

هنعملوا ايه بس يا استاذ احمد ! الواحد مش عارف يلاقيها منين ولا منييييييين , اني هنلاحق على مصاريف العيشة من اكل وشرب وايجارات وفواتير مية وكهربا ولا هنلاحقوا على مصاريف الدكاترة , طب والله اني خطبت ومش عارف نجيبوا الشبكة ولا الطلبات بتاعة اهل العروسة , ام العروسة مصممة على غوشتين وخاتم وسلسلة والا مش هتديني البت وكمان ابوها عايز شقة تلات مطارح وافرشهم كمان ولما قولتله يساعدني في الجهاز قالي مامعييش , قولتله طب خلاص سيبني اجيب جهاز على قد مقدرتي قالي يبقى ما تلزمنيش

طب والبنت موقفها ايه ؟

البت في طوع ابوها وامها , وقالتلي كلام ابويا وامي يمشي عليا وعليك ولو عايزني يبقى تجيب فلوس من تحت طقاطيق الارض

لالالالا , البنت دي واهلها ما ينفعوش خالص يا يحيي , طالما مش مقدرين ظروفك ولا حاسسين بيك وعمالين يضغطوا عليك بالطلبات بالشكل ده , يبقى صدقني هتندم لو اتجوزتها لانها هتفضل تضغط عليك بالطلبات ومش هيهمها بتجيب الفلوس من حلال ولا حرام , لان اهم حاجة عندها ان طلباتها تكون مجابة حتى لو على حساب صحتك وطاقتك وحتى لو بعت دينك وضميرك , لو عايز نصيحتي بلاش الجوازة دي ودور على واحدة تانية تكون بنت حلال وطيبة وتعيش معاك على قد ظروفك , وبنات الحلال كتير صدقني

بس اني بنحبوها يا استاذ احمد , بصراحة ما صدقت ان ابوها وافق

حب ايه بس يا يحيي ! ده مش حب , وحتى لو انت بتحبها فهي ما بتحبكش , وحتى يا سيدي لو اتجوزتوا وهي بالوضع ده وعدم الاحساس هيجي اليوم اللي انت هتكرهها فيه بسبب كتر طلباتها وعدم احساسها بيك وبتعبك وظروفك اللي على قد الحال , هي خطيبتك بتصلي ؟

هههه تصلي ! لا والله ما بتصليش , وبصراحة اني كمان مش مواظب على الصلاة

وليه بس كدة يا يحيي ! اومال انت عايش في الدنيا ازاي بس من غير صلاة ! ازاي تعيش وصلتك بالله مقطوعة ! طب والله يا يحيي لما الواحد بيحس ان الدنيا ضاقت بيه وان كل الابواب اتقفلت في وشه ما بيلاقيش غير بابه سبحانه وتعالى هو المفتوح

ونعم بالله يا استاذ احمد , كلامك حلو والله

مش مهم الكلام , المهم الفعل يا يحيي , اوعدني انك تصلي

اوعدك يا استاذ احمد , ممممم طب نطمعوا في سلفة صغيرة عشان نودوا امي للداكتور ؟

اتفضل يا يحيي خد المبلغ ده وودي والدتك للدكتور وهاتلها الدوا والباقي هاتلها بيه أي فاكهة هي بتحبها

يااااااااه ! بس ده كتير اوي يا استاذ احمد , هنردوهم ازااااااااي

ههه لا انا مش عايزهم , دول لوالدتك هدية مني

ربنا يكرمك يا استاذ احمد , اني هنخلي امي تدعيلك , كتر الف خيرك يا استاذ احمد , الله يكرمك ياااااااارب

هههه الله يخليك يا يحيي

*
*
*
*
*
*
*
*

اميييييييييييي هههههه مساء الفل يا امّااااااا

اااااه اهلا يا يحيي يا ابني اااااه ياني الحساسية مبهدلاني وقافلة صدري ومش قادرة نتكلم

سلامتك يا امّاااااا سلامتك , قومي البسي هناخدوكي للداكتور

داكتور ايه يا ابني ! هو احنا حمل مصاريف الدكاترة ! اااااه , ان شاء الله هخف

هتخفي ازاي يا امّا من غير داكتوررررر , قومي ما تشيليش هم , ربنا فرجها من وسع , شوفي الفلوس اللي معايا ؟ ههههه

اايه ده ! جبت الفلوس دي منين يا يحيي ؟ انطققققققق , اوعى تكون جايبها من حرام , اني ما نتعالجش بفلوس حرام , اني عندي نموتوا احسسسسسسسسن

فلوس حرام ايه بس يا امّااااااااا !!!!!! المبلغ ده اداهولي الاستاذ احمد ابن الحاج عادل صاحب الشركة لما عرف انك عيانة وقالي ودي امك للداكتوووووور , جدع طيب اوي يا امّا

الله يكرمه يارب ويزيده من نعيمه , الهي ما يحوجه لعدو ولا لحبيب , الهي يجعل خيره زايد وما ينقص ابدا

آمين يا امّا , ويا سلام يا امّا لو شوفتيه , وشه سِمِح وعلى طول متبسم ولا عمره يتكبر على الشغالين عنده ابداااااااا , مرة والله واحد من العمال وقع لقيت الاستاذ احمد جه جري عشان ياخد بإيده ويقومه ,وفضل ينفضله هدومه ويقوله انت كويس ؟ في حاجة وجعاك ؟ يااااااااااه والله يا امّا بنحسو انه بني ادم مش من دنيتنا الوحشة دي

الله يسعده يا ابني ويحبب فيه خلقه ويكتر من امثاله , شوف سبحان الله البني ادم المتواضع اللي بيعامل الناس بما يرضي الله بيكون محبوب ازاي والناس تدعيله في السر وفي الجهر ! ربنا يحققله امله ويكفيه شر اللي يعاديه اللهم آمين

آمين يا امّا , طب قومي بقى عشان نلحقوا معاد الداكتور

اني قايمة اهو يا ابني

*
*
*
*
*
*

يارررررررررربي ساعدني اخد القرار السليم , انا تعباااااااااان تعبان بجدددددددد , ياااااااااااااه نسيت , كنت عايز ابعت مبلغ كويس لريم , قالتلي ان ظروفها المادية اللي بتمر بيها حاليا صعبة , بس هبعت المبلغ من غير ما اعلن عن شخصيتي , لازم اساعدها بأي طريقة , الصبح قبل ما اروح القسم هعدي اعمل حوالة بإسمها , وان شاء الله اساعدها في رجوع حقوقها من اعمامهااااا مش عارف ايه البني ادمين دي ! مممممممم رييييييييييييييم يااااااااااااااه حلم جميل وانتهى بأسرع ما يكون

ترررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررن

يييييييييييييييييييييييي , اكيد منار , انا عارررررررررررف , الو

هههههههه حبيبي صاحي ولا نايم ؟

صاحي , ازيك يا منار

مممممم كويسة , قولت اسمع صوتك قبل ما تنام

والله ما جايلي نوم

وانا كمان مش جايلي نوم خااااااااااااالص , عمالة افكر هلبس ايه في حفلة عيد ميلادي , محتارة جداااااااااا , عايزة ابقى اشيك واحدة في الحفلة , انت عارف ان كل صاحباتي من عائلات كبيرة وشيك اووووووووي , مش عايزة ادي لاي واحدة فيهم فرصة انها تكون اجمل او اشيك مني في اليوم ده , هو صحيح لسة فاضل وقت كتير , بس انا لازم افكر من دلوقتي , اتفقت مع الكوافير بتاعي عشان يعملي نيو لوك مممممم وبفكر كمان اركب لينسز زرقا لاني تقريبا كدة هصبغ شعري لون شعر مادونا

اووووووووووف , هو ده اللي مسهرك ومطير النوم من عينك !!!!!!!!!!

هههههه هو في اهم من كدة يا ابني ! , طيب طالما انت مش جايلك نوم ما تيجي تعدي عليا بالعربية نخرج , انا كنت عايزة اعمل شوبنج , يلا انا هلبس واستناك

لالالالالالالالا انا هنام هنااااااااااااااااام , كبس عليا النوم خلاااااااااص , اصل كمان شيري اختي هتوصل بكرة , ولازم اروح اجيبها من المطار هي وسما

ههههه ريللي ! اه صحيح انا نسيت ان شيري جاية بكرة , سلملي عليها كتيرررررررر واديها البوسة دي امووووووووه ههههههه

لما تشوفيها ابقى بوسيها بنفسك , باي باي بقى يا منار

اووووووووووووووووووووووووووووف , وليد ده بقى قمة في قلة الذووووووووووق , انا يقولي باي باي ويقفل السكة في وشي !!!!!!! طيييييييييب يا ولييييييييييييد

—————————————————–

ونكمل في الحلقة السادسة متنسوش تعلقوا علي الحلقة في صفحة مدام طاسة والست حلة

إلى اللقاء في الحلقة السادسة (الجزء الثالث)

بقلم الكاتبة: هبة نور

 

 

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *