مسلسل خلف هذه الجدران الحلقة الثالثة والعشرون (الجزء الثالث)

الحلقــــ(23) ــــة ” من مسلسل “خلف هذه الجدران ” (الجزء االثالث)

**********
**********

ازيك يا مورددددددي

اهلااااااااااااااااا يا مرحب بالراجل الطيب اللي بيهل علينا زي هلال العيد ههههه ازيك يا حاج حااااامد

هههه الله يكرمك يا موردي , ازيك وازي عيالك

بخير , الله يباركلك يا رب

خد دول عشان العيال يا موردي

يعني هو كل مرة يا حاج حامد !

يا راجل امسك بقى , دي حاجة بسيطة

الله يوسع عليك يارب ويزيدك من نعيمه

اللهم آمين , عادل في مكتبه ؟

ايوة , , لحظة هنبلغوه , اصل عنده ناس جوا

لالالالالا اني هنستنوه هنا لحد ما اللي عنده يمشوا عشان ما نعطلهوش عن شغله

اهم خارجين اهو

سلامو عليكو يا حاج عادل , متشكرين

وعليكم السلام يا جماعة , شرفتوا الشركة

تن تن تن حاج عااااااادل

ايه يا موردي

الحااج حامد مندور مستنيك من شوية

ياااااااااااه , اخيرا افتكرني , خليه يتفضل عشان نسمعوه كلمتييييييين

اتفضل يا حاج حامد

*
*

ههههه السلام عليكم ورحمة الله

وعليكم السلام ورحمة الله يا سييييييدي , ما هي صحوبية وررررررق , سنين وراحت هدر يا حامد يا مندوووووور , يا خسارة العِشرة والسنين الغاليييييييية

ههههههه يا راجل ليه بس كدة !

يا راجل بقالك زيادة عن شهر ونص ما بتسألش !!!!!!

والله غصب عني , المشاغل كتير يا عادل , كل يوم في فرع من الفروع وكل فرع بمشاكله لما الواحد خلاص تعب ياخويا والله , عيالك عاملين ايه

البت اوسا ولدت وكانت هتموت , الدكاترة نسيوا في بطنها فوطة وفتحوا بطنها مرتين واتبهدلت اخر بهدلة

ايّووووووووووووه ! امتى الكلام ده حصل ؟

ما انت لو كنت بتسأل كان زمانك عرفت يا حامد , الكلاد ده من اكتر من اسبوع

والبت عاملة ايه دلوقتي

كويسة الحمدلله , لسة قاعدة عندي ما روحتش بيتها

معلش , قدر ولطف , وربنا كرمها بإيه

بنورهان هههههه

هههه ربنا يخلي , والله وبقيت جد يا عاااادل

هههههه بكرة هتحصلني لما مرات ابنك تجيب ولي العهد

اهم حاجة تقوم بالسلامة , والله وحشتني والولا امير وحشني , من ساعة ما مَشُوا وامه هتجنن عليه وعلى مراته

ربنا يرده بالسلامة ويرد كل غايب لدياره

آمين يا عادل

تشرب ايه يا حامد

يا ريت فنجان قهوة

من عنينا يا سيدي ههههه موررررررردي اتنين قهوة مظبوووووووط

*
*
*

يا عيني , والله زعلتني يا حامد ع البت بنت عادل

ابوها بيقول بقت كويسة الحمدلله دلوقتي , مش هتسألي عليها ؟ البت عند امها , ما تاخدي ضحى وتروحي تزوريها وتعملي الواجب

اييييييييييه ! لالالالالالا ابعدني اني وضحى عن سعاد وعيال سعاد

ايّوووووووووووه , اومال خليتي ابنك يقبل عزومة احمد ابنها لييييييه

لا بقى يا حامد , احمد حاجة وسعاد وعيالها حاجة تانية , هما كوم وهو كوم تاني خااااااالص , واحنا الجميل هنردوه لاحمد يوم فرحه على بنت الحلال , غير كدة سعاد مالهاش في رقبتي جمايل ولا في رقبة حد من عيالي

ههههههه للدرجة بتكرهيها يا سميرة

اني ما بنكرهوش حد يا حامد , بس اللي قبلنا قالوا الباب اللي يجيلك منه الريح سده واستريح , وقالوا كمان يا نحلة لا تقرصيني ولا عايز عسل منك

هههههههه ماشي يا عسل , على راحتك يا سميرة

*
*

الينسون يا بابا

هاتي يا ضحى

هي مين دي يا ماما اللي ولدت ونسيوا في بطنها فوطة

البت بنت عادل سليم

يا خبر , اوسااااااا , زعلتيني يا ماما , وهي عاملة ايه دلوقتي

كويسة , ربنا يكفينا شر بلاوي الدنيا يا بنتي

آمين يا ماما , الينسون مظبوط يا بابا ولا عايز سكر

لا يا حبيبتي , مظبوط ومية مية , تسلم ايدك يا ست البنات هههه

ههههه ربنا يخليك لينا يا بابا

الله الله يا ست ضحى انتِ وابووووووووكِ , اني باين عليا عزول ماحدش بيسمعه كلمة حلوة ههههه

ههههه يا سمورة انتِ الخير والبركة

هههه يا ماما انت حبيبتي يا مامااااااا اموووووووه

هههه طب يلا يا حبيبتي روحي شوفي مذاكرتك ربنا يوفقك يا بنتي ياااااااارب

مش عايزين حاجة قبل ما ندخلوا اوضتي ؟

لا يا حبيبتي , بالسلامة انتِ , لو ابوكِ عاز حاجة اني هنعملوهاله

طيب عن اذنكو

اتفضلي يا بنتي , اومال اعتماد هتيجي امتى من البلد عشان تريحكو يا سميرة ؟

اني عارفالها يا خويا ! قالت هنروحوا نزوروا امي واخواتي ونيجي وغطست , يمكن تيجي بكرة ولا بعده

اصل اني قلبي عليكِ يا سميرة , عارف ان الوقوف الكتير بيتعبك

اهي ضحى بتساعدني لما تكون فاضية , ممممم لسة بتخاف عليا يا حامد ؟؟؟؟؟؟؟

ايه لسة بنخاف عليكِ دي ! اومال لو ما خوفتش عليكِ هنخافوا على مين يا سميرة !!!!

هههههه ان شالله تسلم يا ضي عيني

تسلميلي يا عشرة عمري الغالية هههه

*
*
*
*
*

يلا يا دنانيرررررررر يلا يا دراهمممممم الطيارة كمان تلات ساعات عايزين نروح المطاااااااااار

اوووووووووف طيب طيب , ادينا بنتهبب بنلبسسسسسسسس , اوووووووووف ايه الارف ده , جايبلنا عبايات ونقابات ال نسافر بيهااااااااا

الستات والبنات في المدينة كلهم بالنقاب

اوووووووف واحنا مالنا احنااااااااااا

طيب انا خلصت لبس , هروح استناكي برا مع بابا وتيتة

غوري في داهية يختي

*
*

بابا ممكن من فضلك اكلم طنط ام عصام عشان اسلم عليها قبل ما نسافر ؟

يا بنتي ما فبش وقت , عايزين ننزززززززززل

معلش يا بابا , مكالمة سريعة والله

طيب طيب خلصي يا دراهم

ترررررررررررررررررررررررن تررررررررررررررررررررررررررن

السلام عليكم

وعليكم السلام ورحمة الله يا طنط , وحشتيني

مين معايا

انا دراهم

دراهم ! يا حبيبتي يا بنتي ! وحشتيني يا دراهم , هتسافري امتى ؟

احنا مسافرين دلوقتي وحبيت اقولك هتوحشيني واشوف وشك بخير واوصيكِ تدعيلي اهئ اهئ اهئ

يا حبيبتي ! خليتي دموعي غلبتني يا دراهم , هتقطعي بيا والله , انا كنت مبسوطة في الفترة الاخيرة انك قربتي مني وكنتِ بتزوريني من وقت للتاني

اهئ اهئئئئئ هنفتقدك يا طنط ام عصام , هفتقد نصايحك الجميلة , حزينة جدا , وكمان حزينة عشان الصحبة الصالحة اللي سيبتها

يا حبيبتي الصحبة الصالحة في كل مكان , ربنا يكتبلك الخير فين ما تكوني يا بنتي

ربنا يخليكِ يا طنط

اديني الحاجة ام عصام يا دراهم عشان اسلم عليها

طيب يا طنط بابا عايز يسلم على حضرتك , هديله السماعة بس الاول اقولك كلمة , انا بحبك اوي يا طنط وكنت اتمنى يكون لي ام زيك اهئ اهئ اهئئئئئ , السلام عليكم

وعليكم السلام يا بنتي , لا حول ولا قوة الا بالله

السلام عليكم يا حاجة ام عصام

وعليكم السلام يا استاذ مرزوق , رغم اني عاتبة عليك بس هقولك اهلا وسهلا ههه

عاتبة عليا في ايه يا حاجة خير ؟

طلبت منك قبل ما تبيع الشقة تخلي المشتري يقابل واحد من ولادي عشان يتأكد من حسن خلقه تجنبا لوجود جار سيء الخلق يزعج الجيران بتصرفات غير لائقة

هههه والله يا حاجة كانت في نيتي اعمل كدة , لكن لما بنت مدام هدى وجوزها هما اللي طلبوا يشتروا الشقة قولت خلاص , دول مش جداد على الحاجة ام عصام ومدام هدى اللي بنتها هتشتري الشقة جارتك وفي الشقة اللي قصادك

ههه انا عارفة , بس برضو كان لازم تبلغني حسب الاتفاق بغض النظر عن المشتري , الحمدلله انك احسنت اختيار المشتري , خلي بالك من البنات , توصلوا بالسلامة ان شاء الله

الله يسلمك يا حاجة , نشوف وشك بخير

*
*
*

مع السلامة يا تيتة اهئ اهئ هتوحشيني

اهئ اهئ اهئ وانتِ كمان يا دراهم , مع السلامة يا دنانير

اووووووووف الله يسلمك , انا نازلة استناكو تحت عشان ماليش في جو الكآبة ده

انت يا بنت يا بنتتتتتتت , معلش يا امي انا اسف

لا يا ابني ما حصلش حاجة , ربنا يعينك ع البنت دي وعلى مشاكلها , خايفة والله تعمل مشاكل بينك وبين مراتك يا ابني

ما تقدرش تعمل مشاكل , والله لو عملت حاجة ما عجبتنيش ليكون بكسر رقبتهاااااااا

بالراحة عليها يا ابني , الشدة ما تجيبش نتيجة , ربنا يصلحلك حالك وحال بناتك , يلا اتوكلوا على الله , اول ما توصلوا كلموني

حاضر يا امي , يلا يا دراهم

*
*
*
*

ايه ده ! اومال اختك فين يا دراهممممممممم , مش واقفة في الشااااارع

مش عارفة والله يا بابا , هي قالت هتستنانا تحت

يا خبر اسوووووووووووووووود , لتكون هربت

هربت !!!!!!!! يا خبررررررررررررررر

دنانيررررررررررر بنت يا دنانيررررررررررررررررررررررررررررررررررررر

دنانيرررررررررررررررررررررررررررررررررررررررررررررررررررررررررررررررر

**********
**********

ايه ده ! اومال اختك فين يا دراهممممممممم , مش واقفة في الشااااارع

مش عارفة والله يا بابا , هي قالت هتستنانا تحت

يا خبر اسوووووووووووووووود , لتكون هربت

هربت !!!!!!!! يا خبررررررررررررررر

دنانيررررررررررر بنت يا دنانيررررررررررررررررررررررررررررررررررررر

*
*

دنانيررررررررررررررررررررر راحت فين البنت دددددددددي !!!!!!دنانيررررررررررررررررررررر

اهيه يا باباااااااا اهيه , خارجة من المحل اللي هناك اهيه

انت كنتِ فين يا بنتتتتتتتتت

في ايه يا بابا ! روحت اشتري مناديل ورق , فيها حاجة دي !!!!!!!

اووووووووووووووف , طب يلا قدامي يلااااااااا خليني اوقف تاكسي

يعني ينفع كدة يا دنانير تروحي تشتري حاجة من غير ما تقوليلنا وتقلقينا عليكِ بالشكل ده !!!!!!!!

بقولك ايه يا دراااهم , انا مش طايقة اتكلم ولا اسمع صوت حددددددد

بس يا بنت انتِ وهييييييي , تاكسييييييييييييييييييي

ايوة يا باشا , على فين ؟

المطار لو سمحت

*
*
*
*

حمدالله ع السلامة يا بنات , وصلنا المدينة المنورة , على صاحبها ازكى السلام واتم التسليم

عليه الصلاة والسلام , الله هههههههه نفسي اروح ازور مسجد الرسول عليه الصلاة والسلام يا بابا وادخل الروضة الشريفة

ان شاء الله يا حبيبتي , هاخدكو ونصلي هناك بكرة ان شاء الله , اهي العربية وصلت اهيه

عربية ! الحقي يا دراهم , ابوكِ عنده عربية بسواق هنا هههه

وفيها ايه دي !

حمدالله ع السلامة يا استاذ مرزوووووووق ههههههه وحشتنا والله

هههه الله يسلمك , وانت كمان يا مطاوع , اخبارك ايه

الحمد لله , اتفضل بالسيارة

مممممم شايفة يا دراهم , السواق بتاع العربية مصري , ههههه تلاقي الهانم مرات بابا هي اللي مشغلاه , ما هو المصرين هنا خدامييييييين , بس ابوكِ حظه حلو والهانم اتجوزته وعملته بيه هههههه

ما تبطلي تطاول وقلة ادب بقى يا دنانير , بابا اصلا مركزه مش شووووية , بابا محاسب وكان بيدير الشركة كمان , يعني مش محتاج الهانم ترضى عنه وترفعه زي ما بتقولي , بالعكس , هي اللي كسبت بابا بجوازها منه

ههههه اقعدي انتِ دافعي عن بابا بسبب ومن غير سبب يا ست دراااااااهم , والله واخدة فيه مقلب

اووووووووووووووف اسكتي بقى اسكتييييييي , انا بتفرج من شباك العربية على المدينة الجميييييييييييلة , اللهم صل وسلم وبارك عليك يا سيدي يا رسول الله

اايه ده ! شايفة العربية دخلت بينا فيلا فخمة اووووووووي ! مممممم بابا هي الفيلا دي بتاعتك ؟

بتاعة ام فهد زوجتي

ههه شايفة ابوكِ ؟ مش بقولك يا بنتي هههه , باع ماما عشان الست الغنية اللي قعدته في فيلا , اتجوزها عشان ياخد فلوسها

بس بقى يا دنانير بسسسسسس بابا هيسمعك

ما يسمع , انا بقول الحقيقة , خان ماما عشان الفلووووووووس , يبقى خلي الفلوس تنفعه بعد ما خسر انسانة عظيمة زي ماماااااااا

*
*

يلا , وصلنا الفيلا , انزلوا يا بنات

*
*
*
*

السلام عليكم يا رهفففففففففف ههههههههههه

هههههه هلا والله هلا والله , يا هلا يا غلا , حمدالله ع السلامة بو فهد , ماشالله بناتك ؟ هههه

هههه ايوة , تعالوا يا بنات سلموا على رهف , زوجتي وام اخوكو فهد

يا هلا يا مليون غلا هههههه

ههه ازيك يا طنط , انا دراهم

يا هلا يا جلبي هههههه امووووووه , ايش اخبارك هههههه , سعيدة مرة بجدومكو

ربنا يخليكِ يا طنط رهف ههههه

سلمي يا دنانير على رهف

اوووووف ازيك

ممممم هلا يا غلا , من الواضح انها صعبة التعامل عكس اختها , الله بيعين

ابوووووووووووووووووي

هههههه اهلا اهلا حبيبي اوباااااااااااااااااا امووووووووووووه ايش اخبارك فهددددددددد

الحمدلله يا ابوووووووووي , وحشتني مرة , مين هذه ومين هذه

هههه دي اختك دنانير ودي اختك دراهم , ده اخوكو فهد يا بنات

اهلااااااااااا حبيبي ههههه هات بوسة يا جميل انت , امووووووووه , الله يا بابا امور اوي , شكل طنط رهف خالص هههههه

هههه تسلمي يا جلبي , فهد بيضحكلك

مممم ابتدت الست دراهم تنافق الزفتة مرات بابا عشان تكسب رضاهااااااا , انسانة منافقة ومؤررررفة

سلمي يا دنانير على فهد اخوكي

اوووووووووف انا ماليش اخوات غير دراهمممممم وكفاية بقى كدة المجاملات الفارغة دي عشان تعبانة من السفر وعايزة انااااااااااااااااام

بنتتتتتتت وبعدين !!!!!!!

اتركها يا بو فهد , انا مو زعلانة , بنادي على ليندا الخادمة مشان تطلعهم غرفهم , ليندااااااااااا

يس ماممممممممم

وصلي البنات غرفهم , وهاتيلي كاسة موية

اوكيه

*
*
*

رهف حبيبتي مش عايزك تتضايقي من دنانير , هي بس بتتصرف كدة عشان لسة ما اتعودتش عليكِ , ان شاء الله بالعشرة هتكونوا كويسين اوي مع بعض

ما تشغل بالك يا بعد جلبي , عجلي مو صغير هههه بتحمل لاجلك

متشكر يا حبيبتي , مممم وحشتيييييييييييني

هههههههه انت اكتر يا بعد جلبي يا بعد روحي يا بعد عمررررررررررررري

ههههههههههههههه كل ده انا ! هههههههه

واكتر يا جلبي , يلا مشان ترتاح بغرفتك

*
*
انتِ يا ست دراااااااااااااهم

نعم يا دنانير في ايه ؟؟؟؟؟؟؟

في ايه ! وكمان بتسألي في ايه ! ايه اللي انتي بتعمليه ده !!!!! مالك بتتوددي اوي كدة للزفتة اللي اسمها رهف وعايزة تكسبي رضاها , من ساعة ما وصلنا ما بطلتيش نفاااااااااق

اولا انا مش منافقة , ولعلمك كنت مرعوبة جدا وخايفة من مقابلة طنط رهف , لكن بصراحة الست طلعت ذوق جدا واستقبلتنا احسن استقبال وبالتالي كان لازم اكون لطفية معاها

والله ! ونفاقك لابنهاااااااا عمالة تقولي اموووووور شبه طنط رهف

اولا ابنها ده يبقى اخونا الصغير , وفعلا الولد اول ما شوفته قلبي رق له واتصرفت تصرفات اخت ناحية اخوها الصغير اللي اول مرة تشوفه , وفعلا هو شكله امور شبه طنط رهف بالظبط , يعني انا ما نافقتش ولا حاجة

مممممم واضح كدة انك خلاص عرفتي سكتك وعرفتي ازاي تكسبي الهانم مرات بابا لصفك وتعملوا حزب علياااااااا , لكن خليكِ فاكرة انك بعتي اختك وامك عشان ست غريبببببببببة , عن اذنك رايحة اووووووووضتي

لا حول ولا قوة الا بالله , داخلة حرب دي ولا ايه !!!!!!!!!!!

*
*
*

تن تن تن

مين

رهف

ههه اهلا يا طنط اتفضلي

هههه كيفك يا بعد جلبي , ان شالله مرتاحة بغرفتك , ولا تبغي نغيرها ؟

لالالالالا والله يا طنط جميييييلة , اوضة لطيفة اوووووي ومرتاحة جدا فيها

الحمدلله , زين انك للحين ما بدلتي ملابسك , افتحي دولابك بتلاقي بيجامات كتير وعبايات كتيررررر مرة جبتها عشانك

ههههه ربنا يخليكِ يا طنط رهف كلك ذوووووووق

, واختك سويت معاها نفس الشي بس مو بغيت اذهب لغرفتها , حسيتها عصبية مرة

ممممم معلش يا طنط , ان شاء الله هتتغير للأفضل مش هتستمر كدة كتير , اصلها كانت متعلقة بحياتها في مصر عشان كدة هي متضايقة اننا جينا هنا

يا جلبي هنا وهناك واحد , هنا كمان بيت والدكم وكل شي تبغون تحت امركم يا لغلا ههه

هههه ربنا يخليكِ يا طنط , مش عارفة اقولك ايه والله , وعشان خاطري ما تزعليش من دنانير

هههه الله يصلح الجلوب , بتركك الحين تبدلي ملابسك وترتاحي

شكرا يا طنط مممم والله ست طيبة اوي , يااااااه وحشني المسجد وصحبة المسجد , يا ترى فاكريني ؟ يا ترى اتضايقوا عشان غبت عنهم ! ولا ما حدش اهتم بغيابي ؟؟؟؟؟؟؟ وحشوووووووووني كلهم وحشوني وخصوصا فاطمة وصوتها الجميل وهي بتقرأ القرآن وتعلمنا التجويد , يلا الحمد لله , نصيبي ما اشوفوهاش تاني

*
*
*
*

خديجة

نعم يا فاطمة

برضو دراهم ما جاتش المرة دي كمان ؟

لا والله , احنا انتظرناها الاسابيع اللي فاتت كلها وبرضو ما جاتش

توء , تفتكري ما جاتش ليه المدة دي كلها ؟

هعرف منين بس يا فاطمة ! لعل المانع خير ان شاء الله , يمكن تيجي يوم الاتنين

طيب ولو ما جاتش يا خديجة ؟

ممممم مش عارفة , انتِ مش معاكِ رقم تليفونها يا فاطمة ؟

للأسف لا , كل مرة ببقى عايزة اخده وانسى اطلبه منها , سبحان الله , لو كنت اعرف انها هتغيب بالشكل ده كنت اكيد اخدت رقم التليفون عشان اطمن عليها واعرف سبب غيابها , قدر الله وماشاء فعل , يلا عشان نروح للأخوات وابدأ معاكو الدرس ان شاء الله

توكلنا على الله

*
*

اهلا فاطمة حبيبتي ههههه

السلام عليكم يا امي

وعليكم السلام يا حبيبتي , ايه , مالك يا فاطمة ؟

برضو دراهم ما جاتش النهاردة يا امي

مممم البنت اللي حكيتيلي عنها وقولتي انها كلها همة ورغبة في التعلم

ايوة يا امي , غريبة اوي انها تنقطع كدة , دي كانت مواظبة بشكل غير عادي على دروس التجويد , كنت بروح المسجد الاقيها موجودة يا امي ومنتظرانا واول ما تشوفني تيجي جري عليا وتقولي انا حفظت كل اللي قولتلي عليه يا فاطمة هاتيلي هدية بقى وتقعد تضحك , بجد افتقدتها اوي يا امي وافتقدت مرحها وروحها الحلوة

ايه الدموع دي كلها يا فاطمة ! اومال يعني لو كنتي تعرفيها من زمان كنتِ عملتي ايه !

اصل انا بجد حبيتها اوي , وحزينة اني مش هشوفها تاني

ومين قال بس يا حبيبتي انك مش هتشوفيها تاني !

غيابها المفاجئ ده يا امي خوفني اوي , خايفة يكون جرالها حاجة بعد الشر او لحد من اهلها

طيب استعيذي بالله من وساوس الشيطان , حبيبتي جايز المرة الجاية تروحي المسجد تلاقيها قاعدة منتظراكِ واول ما تشوفك برضو تيجي جري عليكِ وتقولك حفظت كل اللي اديتيهولي يا شيخة فاطمة ههه

يارب يا امي ياااااااااااارب , طيب افرضي ماجاتش يا امي ؟

ممم معاكِ عنوانها ؟

عارفة العمارة اللي هي ساكنة فيها , لكن حضرتك مدياني أمر اني ما اروحش بيوت اغراب وده اللي منعني اني اروح اسأل عليها

بارك الله فيكِ حبيبتي لطاعتك لامري , انا مش متعسفة في اوامري ولا حاجة لكن انتِ امانة ربنا اكرمني بيها ولازم احافظ عليكِ

فاهمة يا امي كل الكلام ده ومش معترضة , بالعكس , ربنا يجازيكِ عني خير

طيب بصي يا حبيبتي , لو البنت ماجاتش المرة الجاية انا هاخدك ونروح نسأل عليها بس بعد ما استأذن والدك طبعا

بجد يا امي ؟؟؟؟؟؟

طبعا يا حبيتي , ربنا يطمن قلبنا عليها ان شاء الله , يلا روحي بقى غيري هدومك وتعالي ساعديني في تحضير الغدا

حاضر يا امي , بعد اذنك

اتفضلي يا حبيبتي ممممم طيبة وقلبها حنين جدا فاطمة بنتي , حزينة على واحدة تعرفها من شهور قليلة سبحان الله , وناس قلبها قاسي وما بتحزن على عشرة سنين طويلة

**********
**********

انتي يا ولية يللي اسمك شوقيييييييييييييييييييييية انتِ يا شوقييييييييييييييييييية

نعم نعم يا سي ادهممممممممممم اني طالعة اهوووووووووو , في ايه ع الصبحححححححح

*
*

نعم يا سي ادهمممممم نعممممممممممممم

فين المنديل بتاااااااااااااعي , كان جنبي ع المخدة , ويادوب روحت الحمام ورجعت ما لقيتهووووووووووش

منديل بتاعك ! منديل ايه يا سي ادهم ؟ انت ما عندكش مناديل اصلا

المنديل الابيض اللي فيه ورد بمبببببببببببببببببببببببببي

منديل ابيض وفيه ورد بمبي ! ايوة ايوة , شوفته , لقيته على المخدة بتاعتك وديته اوضة الست سعااااااااد

وانتِ ايه اللي يخليكي تمدي ايدك علييييييييييييييييه

الله ! وانت زعلان ليه بس يا سي ادهم , هو مش بتاع الست سعاد ؟

ده بتااااااااااااعي

هههه بتاعك منين بس , ده منديل حرييييييييمي

روحي هاتييييييييييييه

اجيبه !

بقولك روحي هاتيييييييييييييييييه

حاضر , اتهبل ده ولا ايه ! هيمشي بمنديل حريمي هههههه الظاهر الحاجات اللي بيشربها اثرت على دماغه هههههههههههه , اما اخبط ع الست سعاد اشوف المنديل بتاع المهبول ده

*
*

تن تن تن ست سعاااااااااد

ادخلي يا بت يا شوقية

صباح الخير يا ست سعاد

صباح النور يا بت , ادهم بيزعق ليه ع الصبح

اصله عايز منديله الحريمي ههههه

منديله الحريمي ! جرا ايه يا بت ! انتِ دماغك ضربت ع الصبحححححححح

اني برضو اللي دماغي ضربت يا ست سعاد ! بقى معقولة راجل طول وعرض يقلب الدنيا زعيق ع الصبح عشان منديل حريمي ! على العموم المنديل في دولابك وسط المناديل

روحي هاتيه واديهوله , تلاقيه واخدة تذكار من واحدة ههههه طب والله لنذلوها بالمنديل , عاملالي مؤدبة وتقابل الولا من ورايا وتديله منديلها تذكاااااااااار , يا حلاوتك يا سميرة وحلاوة تربيتك ههههههههههه لا وعملالي شيخة ههههههههههه , اهي بنتها طلع ليها في الحب والغرام ومهاداة الشباب بالمناديل , بنات آخر زمن هههه

بتقولي ايه يا ست سعاد

لا بنقولوا ولا بنعيدوا يا بت , ناوليني التليفون نطمنوا على اوسا نشوفوها عاملة ايه مع البت نورهان

حاضر يا ست سعاد

*
*
خد المنديل اهو يا سي ادهم

هاتي يختي ,وإياك تدخلي اوضتي وتحركي حاجة في مكانها تاني وإلا هنشربوا من دمممممممممك

حاضر يا سي ادهم , امتى تغور من البيت ده بقىىىىىىى , عامل زي اللزقة الأمريكاني جاتك مصيبة

*
*
صباح الخير يا امّااااااااااا

صباح النور يا ادهم , طب اقفلي يا اوسا , واعملي زي ما قولتلك وترتاحي خالص اليومين دول وخلي بالك من البت , يلا مع السلامة وسلمي على سامي , ازيك يا ادهم وازي منديل الحلو هههههه

ههههههه انتِ هتمسكيهالي ذلة ولا ايه يا امّاااااا

ههههه مش هنذلوك انت هنذلوها هي ونذلوا انفاس امهااااااا , بقى البت بتقابلك من ورانا وتديك مناديل كمان !

لالالالالالالا ما حصلش وربنا يا امّااااااا , ضحى مش كدددددددددة

هههههه انت خايف لنفتنوا عليك ولا ايه يا ولا !!!!!! ههه ما تخافش سرك في بيررررررررر

بير ايه وسر ايه يا امّااااااااا , ضحى مش كدة , ضحى لا بتاعة خروج ولا كلام شباااااااااب , وده سر حبي ليها , اومال اني هنموتوا عليها ليه الا عشان كدة يا امّاااااااا

ههههههه شوف الولا اللي بيدافع عنها , مراية الحب عامية صحيح

ايّووووووووووووووووه , دانتِ اللي في دماغك في دماغك يا امّااااااا , على العموم ماشي , ظني اللي تظنيه , اهم حاجة اني نتجوزوا ضحى هههههه , اني نازل الشركة يا امّا

بالسلامة يا ادهم , خلي بالك من شغلك واكل عيشك عشان تعمل اسم في السوووووووووووق , هههههه سلام يا بتاع منديل الحلو هههههه

*
*
*
*

ما قولتليش يا جيرمين , هقول ايه لهاني زاهر ؟

ههه هتعزمه ياخد الشاي معاك

هعزمه هنا تاني !

انا قولت هنا ! لالالالا هتعزمه في شقته الجديدة اللي ع النيل

هههههه قصدك الهدية اللي هكسر عينه بيها

ههههه تكسر عينه بس ! دانت هتتحكم في رقبته يا مغازي باشاااااااا

ههههههههههه انتِ ليكِ عندي هدية هاااااااايلة لو الموضوع اتلم على خير والمنزلاوي طلع وانا نفدت من كل القضايا دددددددي

هديتي هي رضاك عليا يا مغازي باشا ههه , اتفضل التليفون اهو عشان تكلم هاني زاهر في مكتبه

تررررررررررررررررررررررن تررررررررررررررررررررررررررررررررن

الو

ايوة يا هاني بيه

مين معايا

نسيم

اهلااااااااااا ههههه ازيك يا نسيم , عاش من سمع صوتك

هههه تعيش يا هاني بيه , ايه , يعني من ساعة ما كنت عندي اخر مرة لا سألت ولا حد سمع صوتك ؟

ههههه انا ما استغناش يا نسيم , منتظر ان انت اللي تتصل بيا عشان اعرف غلاوتي عندك ههههههههههه

ههههههههههه غالي , انت غالي اوي يا هاني بيه وهثبتلك قد ايه انت غالي عنننننننندي

هههههه ازاي عشان نفسي اتأكد ههههههههههههههههههه

ههه هتتأكد طبعا , بقولك ايه , هديك عنوان تيجيلي عليه

امتى ؟

وقت ما تحب , لو فاضي دلوقتي يبقى ياريت ؟

لا خليها بكرة بعد المغرب , لكن عنوان مين ده ؟

ههههه دي شقة جديدة لسة مشتريها من يومين تلاتة ع النييييييييل

ههههه ربنا يزيدك من نعيمه , انت راجل طيب وبركة عشان كدة ربنا هيكرمك اخر كرم على ايدي ان شاء الله

ههههههههههههههه وانا عشمي فيك كبير

ههههههههههههههههههه وانا عند عشمك يا نسيم , معلش اصل انا في الشغل والحيطان ليها ودان , عشان كدة بقول يا نسيم

هههه ولا يهمك يا هاني بيه , مش مهم الاسامي , المهم الود اللي في القلوب

طب بس بقى عشان عيني هتدمع

ههههههههههه منتظرك بكرة بعد المغرب , اكتب العنوان يا هاني بيه

*
*
*

تن تن تن جلال باشاااااااا

ادخل يا هاني

السلام عليكم

وعليكم السلام يا هاني , هاااا وصلت لحد فين ؟

بكرة هستلم الشقة بتاعتي اللي ع النيل ههههههههههه

ههههههههههههههه ما تفرحش اوي كدة , مش هتطول هناك كتير , لكن قولي انت هتصارح مراتك بإنكو هتتنقول الشقة دي لمدة محددة ؟؟؟؟؟؟؟

لالالالالالا ما ينفعش , لازم تفهم انها هتتنقل فيها على طول عشان تتصرف بشكل طبيعي وكمان اضمن السرية , بصراحة بخاف من الستات في موضوع حفظ الاسرار ده , ممكن اقولها تقوم ماسكة ودن صاحبتها وتقولها اقولك على سر بس احلفي الف يمين ما تقولي لحد يا فلانة ؟؟؟؟؟؟ والتانية تقولها قولي سرك في بير , وفي الآخر تلاقي البير مخروم والاسرار بتتسرب للقاصي والداني

هههههه لا وعلى ايه , الكتمان والسرية احسن خصوصا في موضوعك ده , لانك لو اتكشفت , الله اعلم المغازي ممكن يعمل فيك ايه

ههه اطمن يا جلال باشا

لكن قولي انت ليه مفهم جيرمين انك هتقبض عليها بشكل صوري في اوي وقت

عشان اشل حركتها وعشان تعرف انها تحت قبضتنا وبالتالي خوفها هيخليها عايزة تبعد نفسها عن شبكة المغازي بأي طريقة وهتتعاون معانا

هههههه المرة الجاية هتتنكرلها في أي شخصية ؟

هههههه هي وبختها بقى , عن اذنك يا جلال بيه

اتفضل يا هاني , ربنا يوفقك يا بطل

*
*

الشاي يا هااااااااااااااااااااااااااااااني

ههههه وبتعلي صوتك ليه يارشا ! ما انا سامعك اهو , هي بتبصلي شزرا كدة ليه الست دي ! ههههه


اتفضضضضضضضل , شوفه مظبوط ولا ناقص سكررررررررررر

ههه ممممم مظبوط , المرة دي مظبوط يا رشا

تسمحلي اقعد في الكرسي اللي قدامك واشرب فنجان الشاي بتااااااااااعي

ههه ما تقعدي , هو انا حايشك

ممممم وادي قعدة , ااااااااااااخ يااااااااااني

هههههه انتِ بتشربي الشاي وانتِ بصالي اوي كدة ليه ؟

معجبة بيك

ههههههههههههههههههههههه بارك الله فيكِ , اول مرة تشوفيني ولا حاجة

لا , شوفتك كتيرررررررر بس واضح اني ما اعرفكش

ههههههه ولا يهمك , اعرفك بنفسي , مقدم هاني زاهر , جوز حضرتك يا فندم

ممممممم تشرفنا

ههههه برضو مركزة عنيها بنظرة حادة عليا , في ايه يارشا ؟؟؟؟؟؟؟

مافيشششششششششششش , اللي على راسه بطحة

بطحة ! ايه الالفاظ دي !!!!!! طيب على العموم انا خلصت الشاي , هقوم ارتاح شوية

اتفضل يا سعادة البيه

هههه شكرا يا جناب الهانم مممم مالها الست دي !!!!!!!!

*
*
مممم عايز انقل مكان الخاتم السوليتير واحطه في الخزنة واقفل عليه بدل ما هو وسط هدومي كدة

افتح الدولاب اطلعه

ادي العلبة اهيه , اما افتحها ,ههه علبة شيك جدا ايه ددددددددددددده العلبة فاااااااااااااااضية , الخاتم راح فييييييين

**********
**********

مممم عايز انقل مكان الخاتم السوليتير واحطه في الخزنة واقفل عليه بدل ما هو وسط هدومي كدة

افتح الدولاب اطلعه

ادي العلبة اهيه , اما افتحها ,ههه علبة شيك جدا ايه ددددددددددددده العلبة فاااااااااااااااضية , الخاتم راح فييييييين , اهااااا رشااا , يبقى هي اللي خدته عشان كدة بتتكلم وبتبص بطريقة غريبة , رشاااااااااااااااااااااااااااااااااااااااااااااااااا

افندممممممممممم

هو راح فين ؟؟؟؟؟؟؟؟؟

هو ميييييين ؟

الخاتم اللي كان في العلبة , انا فتحتها ما لقيتووووووووووش

خاتم ايه وعلبة ايه يا سعادة البيه ! انا ما اعرفش حااااااااااجة

نعم يختيييييييييي ! بقولك ايه يا رشااااااااااااا انا ما بهزرررررررررررررش , الخاتم يظهر وإلااااااااااا

وإلا ايه ان شاء الله ! وإلا الهانم اللي انتي جايبهولها تزعل مش كدددددددددددددددددددة

هانم مين يا ست انتتتتتتتتتِ

اللي حضرتك اشتريتلها الخاتم الغالي اهئ اهئئئئئئئئئئ اللي فضلتها على مراتك المسكينة اللي خدماك انت وولادك برموش عنيهاااااا اهئ اهئئئئئئئئئئئئئئئئئئئ

لالالالالالا بقولك ايه ! الادوار التراجيدي والعياط ما بيجيبش معايا نتييييييجة هاتي الخاتم والا مش هيحصلك طييييييييييب

كددددددددددددددددة ! طيب ايه رأيك يا هاني مش هديك الخاتم ولا هتعرف طرييييييييييقة

ايوة ايوووووووووووووة اظهري على حقيقتتتتتتتتتك , هاتي الخاتم يا حراميييييييييييييية

انا حرامية يا هااااااااااااااااني اسحبهااااااااااااا

مش هسحبها يارشااااااااااااااا , هاتي الخاتم وبلاش شغل الست الوالدة دددددددددددده , انا بحسبك غيرها بس واضح ان الحركات دي في دمممممممممممك

كدة يا هااااااااااااني , يعني قصدك ان ماما حراميييييييييييية , اسحبها والا هينزل عليك غضب ماماااااااااااااااا

نعم يختي !!!!!!!! غضب ماماااااااااا , دانا اللي هوريكِ الغضب يبقى شكله ايه يا بتاعة غضب ماماااااااااااا , انا بقى هعرف اخليكِ تتكلمي اززززززززززززاي , تعالي هناااااااااااااااااا انا هلوي دراعك واكسره حتتيييييييين

يا ماماااااااااااااااااااااا ااااااااااااااه اهئ اهئئئئئئئئئ دراعي درااااااااااعي سيب دراعي , هيتكسرررررررررررر

هتقولي على مكان الخاتم ؟؟؟؟؟؟؟؟؟

ايوة ايوووووووووة هعترررررررررف اهئ اهئئئئئئئئئئ

هو فيييييييييييييين ؟؟؟؟؟؟؟

في صندوق المجوهرات بتاعتي اهئ اهئئئئئئئئئ

ههههه ليه ! خلاص اعتبرتيه بتاعك ؟؟؟؟؟

اهئ اهئ ممكن اعرف انت جايب الخاتم ده لمييييييييين ؟

لا , مش لازم تعرفي , عشان تتعلمي الادب يارشااااااااااااااا , ادي الخاتم اهووووو , هخليه عند امي في الامان احسسسسسسسسسسسن سلااااااااااااااام

اهئ اهئئئئئئئئئئئئئئئئ طيب يا هاني طييييييييييييييييييب والله لقول لماماااااااااا

تررررررررررررررررررررررررررررررن ترررررررررررررررررررررررررررررررررن

الو

اهئ اهئ ايوة يا ماما

رشا ! ايه يا حبيبتي بتعيطي لييييييييه ؟

اهئ اهئ هاني هيتجوز يا ماماااااااااااا

يتجووووووووووووووووووووووز ! يتجوز يعني ايييييييييييييه ! جبتي الكلام ده منين ؟؟؟؟؟؟

اهئ اهئ ايوة يا ماما انا متأكدة انه هيتجوز اهئ اهئ ده حتى خلاص اشترى خاتم الخطوبة للعروسة الجديدة

معقووووووووووووووول , هو اللي قالك انه هيتجوز

لا يا ماما اهئ اهئ انا هحيكلك كل حاجة بالتفصيل الرزل اهئ اهئئئئئئئ

احكي يا حبيبتي احكي حصل اييييييييييييه

اهئ اهئ بقى انا يا ماما بفتح دولابه من كام يوم بحسن نية عشان اوضبهوله

ما يستاهلشششششششش كملي وبعدين

اهئ اهئ وبعدين يا ماما لقيت علبة زرقة صغيرة وشيك اوي متخبية وسط هدومه

والعلبة دي كان فيها اييييييييه

اهئ اهئ فتحتها بحسن نية برضو لقيت خاتم سوليتير تمنه لا يقل عن عشر الاف جنيه يا مامااااااااااااااااا

يا نهاره مش فاااااااااااايت , طبعا جايب الخاتم ده للأرشانة التااااااااااانية

اهئ اهئ طبعا يا ماما , اومال يعني هيكون جايبه لمامته !!!!!!!!!!

اخص عليه راجل مالوش امااااااان , عمري عمري عمري في حياتي ما ارتحتله , شوفي الراجل اللي كنتِ قاعدة تحت رجلية تخدميه ولا الخدامة اللي ببلاااااااش , يوم لما يخف ويشد حيله بدل ما يعملك تمثال يقوم يتجوووووووووز , حسبي الله ونعم الوكيل فيك يا هاني يا ابن اميييييييييييينة

اهئ اهئ ما تدعيش على هاني يا مامااااااااااا

برضو بعد ما اتأكدتي انه هيتجوز عليكِ مش عايزاني ادعي عليه !!!!!!!!!

اهئ اهئ ايوة يا ماما , مش بحب اسمع حد بيدعي على جوزي

خلاص يا حبيبتي , ولا تزعلي , هدعي عليه في سري , الهي ما يغمضله جفن زي ما هو جايبلنا القلق من يوم ما شوفنا وششششششششه

اهئ اهئ قوليلي يا ماما اعمل ايه ؟

روحي اشتري فستان سواريه يا حبيبتي واحضري فرح جوزك واعملي بأصلك

لالالالالالالالالالالالا اهئ اهئئئئئئئئئئئئئئئئئئئئئئئئئئئئئئئئ

*
*
*
*
*

ترررررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررررررن

روحي ردي ع التليفون يا رحمة

طيب طيييييييييييييييييب طيييييييييييييييييييييييييب طيب يللي ع التليفوووووووووووووون انا جااااااااااية

الووووووووووووو

ههههههه ازيك يا بت يا رحمة

انتِ ميييييييييين ؟

اني خالتك ثريا يا بت

ههههه ازيك يا خالتو وازي اسمهم ايه دول ولاداتك

اسمهم ايه ولاداتي كويسين ههههههه انتِ نسيتي اسامي ولاد خالتك يا بت ! نسيتِ نسمة اللي عملتلك عصير الجوافة وعلي اللي جابلك شيكولاتة ؟

ايوة افتكرتهم , سلمي عليهم

مش هتيجي عندنا اسكندرية عشان تشوفيهم

لالالالالالالالالالالالالالا مش هاجي اسنجرية , مش بحبهاااااااااا , يا مامااااااااااااا تعالي كلمي اختك اللي اسمها ايه دي ثريااااااااااااااااا

ههههههه يا بت عيب عليكِ اسمها خالتتتتتتتتتك , الو ازيك يا ثريا

ازيك يا اشجان , وحشتيني يختي

والله يا حبيبتي وانتِ اكتر

وبعدهالك يا اشجان , مش كفاية كدة يختي وترجعي بلدك بين اهلك وناسك

ههههه يختي هو اني بعيدة , دول كلهم ساعتين زمن بالقطر

باين عليكِ خلاص , نسيتِ اسكندرية واهل اسكندرية

لا والله يا يختي , ده كلام برضو ! اني بس بنقولوا اني هنا بعيد عن المشاكل

مشاكل ايه بسسسسسس

مشاكل سعاد وولاد سعاد

يختي هي سعاد لسة ما اتهدتش ! وبعدين انتِ مالك ومالهااااااا , انتِ هتبقي بعيدة عنها

هيركبها ستين عفريت لو سمعت اني رجعت اسكندرية

لالالالا قولي انك خلاص خدتي على القاهرة وعجبتك العيشة فيها وواخدة سعاد حجتك

والله يختي غصب عني , البت رحمة متعلقة بالقاهرة اوي , وما بتطيقش سيرة اسكندرية

لازم انتِ اللي كرهتيها فيها

اني ! لا وربنا ابداااااااا , البت كَرَهتها من ساعة ما راحت عند سعاد وولادها الفيلا , من ساعتها وهي تطيق العمى وما تطيقش سيرة اسكندرية , ولو قولتليها هنروحوا هناك زيارة ونرجعوا , البت حالها يتشقلب وترجعلها الكوابيس من تاني وتقولي ادهم هيدبحني بالسكينة يا ماما , ادهم هيرميني في حفرة في الجنينة

يختي جن لما يلخبطه البعيد , الله ينتقم منه هو وامه

عرفتي بقى يختي اني هنا بعيدة عن الهم والنكد

هنقولولك ايه يختي , صعبان عليا نعيشوا متغربين عن بعض كدة

طب ما تيجي تزوريني يختي وتجيبي العيال

يا حبيبتي والمدارس والدروووووووووس وابو علي نسيبوه لمييييييين

طب خلاص , في الاجازة تيجي وتجيبيهم وتقعدوا معايا كام يوم

ان شاء الله يختي , نسيبوكِ تشوفي حالك يا اشجان , خلي بالك من رحمة

حاضر يا ثريا , سلمي ع العيال , يلا يا رحمة عشان نتغدواااااااااااااااااا

لالالالالالالالالا مش عايزة اتغدااااااااااااااااااااااا , اتغدي انتِ يا مامااااااااااا

*
*
*

ياسل , حايس اساكل محاك

تذاكر معايا ايييييييييه ؟ انت بتعرف تقرا اصلاااااااا ! انت بتستهبل يلاااااا

اهئ اهئ حايس اساكل محااااااااااااااااااك اهئ اهئئئئئئئئئئئئئ

يييييييييييييي , اخرج برا بقى , انت ايه مدخلك اوضتيييييييي , يا ماماااااااا ما تيجي تاخدك ابنك ددددددددده

ايه ياسرررررررر , بتتخانق مع اخوك ليييييييييه , روحي شوفيهم يا ياسمييييييييييييييين

حاضر يا مامااااااا حاضر , ما هو الواحد ما يعرفش يذاكر في البيت ددددددددده , نعم , في ايه انتو كمااااااااااان بتتخانقوا ليييييييييييييه ؟

حايس اساكل محاه اهئ اهئئئئئئئئئئ

طب معلش , تعالى اقعد معايا وهديك ورقة تكتب فيها يا ياسين

يااااااااااااااااأ حايس اساكل محا ياسل

مش هتذاكر معايااااااااااا , لما تروح الحضانة وتعرف تقرا ابقى تعااااااااااااالى اخرج بقى دانت واد رزززززززززززل

اهئ اهئ اهئئئئئئئ يأ ياااااااااااااأ

يوووووووووو , يا ماما تعالي انتِ شوفيهممممممممممم

يا ررررررررررررررربي , جاية جاية يا بلااااااااااااااااااوي , بلاش اطبخ واشوف اللي ورايا واجي احل مشاكلكووووووووووووووووووو

مالك يا ياسين يا حبيبي بتعيط ليه ؟

حايس اساكل محا ياسل اهئ اهئئئئئئ

طيب يا حبيبي , اديله الم يا ياسر

حااااااااااااضر , هديله الم , تعالى قرب , هات وشك كدةةةةةةةةةةةةة طخخخخخخخخخخخخخ

اهئئئئئئئئئئئئئئئ اهئئئئئئئئئئئئئئئئئئ يا ماماااااااااااااااا

ايه يا واد دددددددددددددده , بتضرب اخوك على وشه ليييييييييييييه

الله ! مش انتِ اللي بتقولي اديله المممممممممممممممم ؟

الم يكتب بيه مش الم على وششششششششششششه , جاتك الارررررررررررررف , معلش يا ياسين يا حبيبي , تعالي خد ورقة الخس دي كلها واقعد معايا في المطبخ وسيبك من العيال الوحشين دول , اموووووووووه , لمي الغسيل اللي ع المنشر اللي في الحمام يا ياسمين

يا مامااااااا عايزة اذااااااااااااكر

وانتِ يعني لما تلمي الغسيل هتسقطي ! طب دانا كنت في سنك وكنت ………..

عارفة يا ماما عاررررررررررفة ما تكمليشششششششش , كنتِ بتذاكري وبتساعدي تيتة في الطبيخ وفي الغسيل ومسح السلالم ومع ذلك كنتِ بتطلعي الاووووووولى

ايوة طبعا , ببركة دعا امي , هو دعا الوالدين شوية ! بس اللي يقدّررررررررر

حاضر يا ماما , هلم الغسيل واطبقه واشيله في الدولاب كمان عشان تدعيليييييييييييييييي

شاطرة بنتي حبيبتي , خليهالي يارب , فرحني بيها يارب , مرضياني وما بتقولش الا حاضر يا ماما , اكرمها يارررررررررب , يلا يا ياسين

ماما انا هروح اذاكر مع رحممممممممممممممة

لالالالالالالالالا اقعد بلا رحمة بلا لحمة

لحمة ! هي فين اللحمة دي ؟؟؟؟؟؟؟؟؟؟؟

عند الجزار يا حبيبي , ابقى روح اتصور جنبها

يووووووووووو بحسبها عندنا في التلاااااااااااجة

لو جعان عندك طبق جبنة بأوطة في التلاجة

وبتعمليها بأوطة ليه يا ماماااااااا توووووووء , انا هطلع الطبق واشيل منه الاوطة واكل الجبنننننننننة

طب ايااااااااااااااك , الجبنة تتاكل بالاووووووووووووطة اياك تبهدل الاوطة ولا تهينها وتطردها برا الطبق , انا قولتلك اهو وقد اعذر من انذرررررررررر

ماما حايس كبنة أوتة

اخوك عايز ياكل جبنة بأوطة , خده أكله معاك

حاضر , فين العيش ؟

عندك اهو ع الرخامة

تعالى يا ياسين

*
*

بص يا ياسين , انا هاكل لقمت جبنة واديك لقمت اوطة , لحد ما نخلص الطبق , ماشي ؟

ماسي

ههههههه الحمدلله , خلصت من الاوطة

ماما الحقيييييي , ياسر بياكل الجبنة لوحده وعمال يأكل ياسين الاوطة اللي بيطلعها من الجبنة

اه يا فجعان يا دنننننننننننني , يا واد أكل اخوك جبنة ما تبقاش اناااااااااااني

يووووووووو بقى , ما هو اللي عايز ياكل اوووووووووووطة

اعمل فيك ايه بسسسسسسسس , قوم ياياسن تعالى يا حبيبي اعملك سندوتش جبنة

ماسي

يا حبيبي يا ابني ! غلبان , اللي بندهولك بتاكله , الواد ده بيصعب عليا اوي يا ياسمين

ههههه طالع طيب زيك يا ماما , انتِ أي حاجة برضو بتاكليها وتقولي الحمدلله

الحمدلله يا بنتي , كله فضل ونعمة من عند ربنا

ماما انا خلصت طبق الجبنة بالأاوطة ولسة جعاااااااااااااااان

تعالى كل دراعي يمكن تشبعععععععععععععععع

لا مش عايز , حمريلي بطاطسسسسسسسسسس

ييييييييييييييي , بقولك ايه يا واد انت , شوفلك شغلانة غيررررررررري , طالع فجعان زي نااااااااااااس

طب هروح عند رحمممممممممممة

, رووووووووووووح وارحمني من زننننننننننننك

*
*
تن تن تن رحمممممممممممممممممممممممة

ههههههه ياسر بيخبط يا مامااااااااااااااااااااااا ايوة يا ياسر جاااااااااااااااااية

ازيك يارحمة

هههههه ازيك يا ياسر , هات ايدك تعالى ندخل نلعب في اوضتييييييييييييييييي

يلا , انتِ كتبتي الواجب

لا لسة , هبقى اكتبه بعدين , يا ماماااااااااااااا اعمليلنا شاي بلبن انا وياسررررررررررر

حاضر يا رحمة

خلي مامتك تجيبلنا سندوتشات مع الشاي بلبنننننننننننننن

ماشي يا ياسر , اعمليلنا سندوتشات مع الشاي بلبن يا ماماااااااااااااااااااااااااااااااااااااااااااااااااا

حاضر يا رحمة حاااااااااااااضر , هنعملولك اللي انتِ عايزاه يا حبيبتي

**********
**********

معادي مع المغازي بعد ساعة , يادوب البس وانزل , ممممم رشا قاعدة حاطة ايدها على خدها وباصالي بصة استعطاف هههههه مش عارف ايه اللي مدخل في دماغها اني هتجوز عليها , رشااااا داخل البس عشان نازل مشوار مهم

ابقى سلم عليها

هههههههههههههههههههههه الله يسلمك

*
*
يا سلااااااااااام , فرحان ومنشكح اووووووي وداخل جري يلبس زي ما يكون رايح يلحق الززززززززززفة انا اروح اقف جنب الباب واراقبه واشوفه بيعمل اييييييييه

*
*
ممممم رشا واقفة جنب الباب وفاكراني مش شايفها , طيييييييييييب , ان ما فرستك النهااااااااردة , انا هبطلك ظنونك فيااااااااااا , انا هتبرفن واغني كمان خلي نارها تزيد اكترررررر , اهي دخلت اهيه ومربعة ايديها ورافعة حاجب ومنزلة التاني وباصالي هههههه

الحب الحقيقييييييييييييييييي ما يتنسيشششششششششش طوووووووول السنييييييييييين

الحب الحقيقي , ما ينتهيششششششششششش ولا الحنييييييييييييين

جايز تلهينا الدنيااااااااااااااا جاااااااااايز

جايز نقابل ناس تانية جاااااااااايز

جايز نحب وجايز لااااااااااااااا

لكن يا روحي انت جيت للحققققققققققققققققق

لو قولنا في البعد ارتاحنااااااااااااااااااااا

نبقى بنضحك على روحنااااااااااااااااااااااا

لو قولنا في البعد ارتاحناااااااااااااااا

نبقى بنضحك على روحنااااااااااااااااااااا , نبقى بنضحك على روحنااااااااااااااا

مممممممم ممكن اعرف ايه معناها الاغنية المتخلفة دي يا هاني بيييييييه

هههه عادي . اغنية عادية

لالالالالالالالالا , الاغنية معناها انك تعرف ست قبل مني واتجمعتوا تاني عشان حبكو حقيقي اهئ اهئئئئئئئئئئئ وكمان بتقولها جايز نقابل ناس تانية وبتشاور عليا اهئ اهئئئئئئئئئئئئئئئئ هي مين دي يا هاني اللي لو قولت في البعد ارتاحتوا تبقوا بتضحكوا على روحكووووووووو اهئ اهئئئئئئئئ

ههههه طب اوعي اوعي عشان اتأخرت ع المعاد اوووووووووووووووي ولا يرضيكِ تزعل مني !!!!!!

هي ميييييييييين ؟؟؟؟؟؟؟؟؟؟؟؟؟

ههههههههههه مش هقولك , سلاااااااااااااااااااااااااام

يا هاني هاااااااااااااااااااااااني اهئ اهئئئئئئئئئئئئئئئئئئئئئئئئئئ يا رب تروح تلاقيها ماتت وبيفرقوا على روحها قهوة ساااااااااااااادة اهئ اهئئئئئئئئئئئئئئئئئئئئئئئئئئئئئئئئئئ , شكلي انا اللي هموت بالذبحة بسبب عمايله وهيفرقوا على روحي قهوة سادة اهئ اهئئئئئئئئئئئئئئئئئئئئئئئئئئ

عبد الرحممممممممممممن يا عبد الرحمممممممممممن

عايزة ايه يا مننننننننننننة مش عارف اركز في الجييييييييم

الحق , ماما بتعييييييييييط

بتعيط !!!!!!!! طب واحنا مالنا , خليها تعيط , ما هي كمان بتضربنا وتخلينا نعيط

مممممم بس هي مامتنا وبتعملنا اكل حلو

مممممممم طيب خلاص , تعالى نشوف مالها

*
*

ماماااااااااا بتعيطي ليييييييييييه

مالك يا مامتي , شوفتك بتعيطي روحت جبت عبد الرحمن

اهئ اهئئئئئئئئئئئ تعالوا تعالوا يا حبايبييييييييييييي , تعالوا افرحواااااااااا ابوكوا هيتجوزززززززززززززز

يتجوز ! ههههههههه بابا هيعمل فرح يا عبد الرحمن وهخليه يجيبلي فستان ابيض

وانا هخليه يجيبلي بدلة ههههههه

ايه العيال ددددددددددي ! يا عيال ابوكوا هيتجوزززززززز ., يعني هيسيب البيت ويروح عند ست تااااااااااااانية

ابقي روحي العبي معاهم يا ماما , يلا يا عبد الرحمن نلعب جميززززززززز

يلا يا مننننننننننننننة

ايه العيال ددددددددي ! ولا هاممهممممممممممم اهئ اهئئئئئئئئئ طيب يا هاني انت وولااااااااااااادك

*
*
*
*

ترررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررن

ردي ع التليفون يا سلوووووووووى تلاقيها منى ولا ناهدددددد

حاضر يا مامااااااا الواحد يرجع من الشغل ما يعرفش يرتااااااااااح الوووووو

ههههه ازيك يا سلوى يا اختي يا قمر انتِ

هههه اهلا يا ناهد , عاملة ايه وحشاني

انتِ اكتر , بعد كدة مش هوحشك خالصصصصصصصص

ههه ازاي !!!!!!!!

ممممممم اقولك على سر وما تقوليهوش لمامااااااااا ؟

سر !!!!!! سر ايه ده

احلفي الاول انك ما تقوليش لمامااااااا

ههههه ماشي يا ستي , والله ما هقول لماما , في ايه بقى ؟

بصي يا اختي يا حبيبتي , انا اشتريت شقة مدام عصمت وهاجي اسكن عندكو اول ما اجازة اخر السنة تبدأ هههههههه

معقووووووول هههههه مفاجأة جميلة اووووووووي , لكن انتِ ليه مش عايزة ماما تعرف

لان الست ماما اول ما عرضت عليها الفكرة رفضت بشكل قاااااااطع وقالتلي اياك تيجي تسكني عندنا ههههههههه فعشان كدة اشترينا الشقة في الخباثة وكمان قولت لطنط ام عصام ما تجيبش سيرة لماما , مع انها برضو استغربت , بس قالتلي حاضر يا بنتي , دي حاجة تخصك

مممممم لكن انتِ قولتي لمنى ؟

لالالالالالالالالالالالالالالا هو انا مجنونة عشان اقول لمنى !!!!!! هو انا ناسية لما كنا بنات قبل ما نتجوز وكل ما اقولها على سر تقوم تقعد تهرش طول الليل وما تنامش الا لما تقوم وتروح تمسك ودن ماما وتقولها اقولك يا ماما على حاجة عملتها ناهد بس ما تقوليهاش اني قولتلك , وطبعا كانت ماما تبهدلني وتمسح بكرامتي سيراميك الشقة ولما اروح اعاتب منى تقولي اسفة والله يا ناهد , اصل لما بنام وانا شايلة اسرار بحس اني مش قادرة اخد نفسي

ههههههههههههههههههههههههههههههه فعلا منى فظيعة في الموضوع ده

والبت هدير طالعالهااااااااا , بصراحة هدير واخدة من كل واحدة فيكو حاجة , واخدة من منى افشاء الاسرار بطريقة فظيييييعة وده السبب اللي مخليني ما اجيش اليومين دول عشان ما تقولش لماما اننا هنسكن عندكو

هههههه اومال هدير واخدة مني انا ايه ؟؟؟؟؟؟

واخدة منك الجمال والرقة يا قلبي هههههه كل اللي يشوفوها يقولولي سبحان الله , هدير كلها خالتها سلوى مش مخلية منها حاجة , اموووووووورة زي خالتها

هههههه تسلميلي يا ناهد يا اختي يا حبيبتي , استني بقى هديكِ ماما ., ماماااااااااااااااا

اييييييييييييييييه

تعالي كلمي نااااااااهد

ناهد! بقالك ساعة بتتكلمي معاها , افتكرتها مكالمة ليكِ

يعني بلاش يا ماما اتكلم مع اختي ونحكي مع بعض

احكي يختي احكي , بكرة انتِ كمان تبقى حكاية من حكايات الزمن

ييييييييي , اتفضلي التليفون انا داخلة انااااااام

بالسلامة يختي , نامي عشان كل ما بشوفك بفتكر ميلة البختتتتتتتت الووووووووو

هههههه اهلا يا ماما يا حبيبة قلبي

ازيك يا ناهد وازي ولادك , ما بتجيش ليه ؟

ههه مممممم معلش يا ماما , اصل مشغولة خااااالص , بنبيض الشقة

بتبيضوا الشقة قبل امتحانات العيال ! وليه كدة يا بنتي , ما كنتِ استنيتي تبيضيها في الاجازة بدل الكركبة دي والعيال مش هتعرف تذاااااااكر

لالالالا ما تخافيش يا ماما , بيذاكروا في اوضة مع بعض وكل ما نخلص بياض اوضة يتنقلوا فيها ههههه

اهو كل واحد ليه عقل مريحه وماشي بمزاجه , ازي نبيل جوزك

كويس الحمدلله , بيسلم عليكِ اوي يا ماما

وامه عاملة ايه ؟

كويسة , كانت عندنا من اول الاسبوع اللي فات ولسة ماشية امبارح

كانت عندكو وسط الكراكيب وريحة البويا والصنايعية اللي داخلين خارجين !!!!!!!!

هااااااا , باين عليا مش عارفة اكدب وماما هتعرف اني لا ببيض الشقة ولا حاجة , اصلها يا ماما كانت جاية تقعد معايا عشان الصنايعية اغراب طبعا ونبيل بيروح الشغل وما يصحش اقعد لوحدي معاهم

والله ست اصيلة , سلميلي عليها , قوليلي بيضتي الشقة لون ايه ؟

مممممم لون قنديل البحر يا ماما

قنديل البحر !!!!!!!! وهو قنديل البحر لونه ايه ؟ اصل انا ما شوفتوش قبل كدة

ههههههه يا ماما مسيري اخلص الشقة وهعزمكو كلكو تتغدوا عندي وتشوفي البياض اللي لون قنديل البحر

طيب يا بنتي , مع السلامة وسلميلي على قنديل البحر وامه , يوووه قصدي على نبيل جوزك وامه

ههههههه الله يسلمك يا ماما

ال مبيضة الشقة لون قنديل البحر ال , وانا مالي , كل واحد حر في بيته , تبيضه لون قنديل البحر ولا لون ام خلول ولا لون الحرباية حتى وانا مااااالي , سلوووووووووووووووووى روحتي فين يا ام الخلوووووووووووول

ام الخلول ! انا ام الخلول !!!!!! نعم يا ماماااااااااااااااا

*
*
*
*
*

ترررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررن

ههههه جرس الباب بيرن يا مغازي باشا , اكيد حضرة الظابط وصل

هههههههه روحي افتحيله يا جيرمين , انا هفضل قاعد مكاني واشرب السيجار وهسلم عليه وانا قاعد برضو

هههههههه حقك يا مغازي باشا , انت هتغرقه بجمايلك وهتمسكه من رقبته , عن اذنك اروح افتح الباب

*
*
اهلا اهلا اهلا هاني بيه هههه اتفضل يا فندم

ههههه اهلا انسة جيرمين , اشكرك على الاستقبال الرقيق ده

ههه اتفضل

المغازي باشا فين ؟

اتفضل في الصالون , الباشا منتظرك , اتفضل هاني بيه

*
*
مغازي باشا , هاني بيه وصل

ههههههههههه ازيك يا مغازي باشا

اهلا يا هاني بيه , اتفضل

ههههه يزيد فضلك , ماشاء الله ماشاء الله الشقة فخمة جدا , والاثاث فاخر

هههه عجبتك ؟

جداااااااااااااااااااااااااااااااا

هههههه مبروك عليك

هههههه هي ايه دي !

الشقة

شقة ايه ؟؟؟؟؟؟؟

الشقة دي , هديتي ليك

ايييييييييييييييييه !!!!!!! لالالالالالالالا انا كدة اكيد بحلمممممممممم , ارجوك يا مغازي باشا بالراحة عليا والا هصدق

ههههههههه صدق يا هاني بيه , ما تقولي حاجة يا جيرمين

المغازي باشا لما يهادي مش هيهادي بأقل من شقة ع النيل يا هاني بيه

ممممممم والمقابل يا انسة جيرمين

هههههه من غير مقابل

مش فاهم

هههه الاول اتفرج ع الشقة , اصل بصراحة المغازي باشا اشتراها مخصوووووووص عشانك لما عرف انك مش مرتاح في حياتك في عمارة واحدة بتجمع زوجتك ووالدتك , فحب يحللك المشكلة بطريقة شيك ولطيفة , فقرر يشتريلك الشقة اللي ع النيل دي عشان تبعد عن المشاكل وتفضى ل…….. هههه لشغلك

معقوووووووول , انا مش مصدق , مغازي باشا الكلام اللي بتقوله انسة جيرمين ده حقيقي ؟؟؟؟؟؟؟

ايوة , انا اسف طبعا اني حكيت لجيرمين عن ظروفك العائلية ومشاكلك , بس ده لانها سكرتيرتي الامينة واخلص صديقة ليا

هههههه لا ولا يهمك يا مغازي باشا , بس بجد ده كتير عليااااااااا كتير اووووووي , معقول , شقة ع النيييييييييييل

هههه ست غرف يا هاني بيه وهول كبير وتلات حمامات واتنين فراندا بيطلوا على اروع منظر للنيل , وكل ده مش كتير عليك , اصل انت ما تعرفش المغازي باشا بيحبك قد ايه

لالالالالا انا كدة مش قادر احوش دموعي , معقووووول , معقول كل الحب ده جواك , كل الخير ده جواك يا مغازي باشا ! , ده لو ابويا عايش ما كانش عمل معايا ربع اللي بتعمله ده , لالالالا مش ممكن

ههههه انت تستاهل اكتر من كدة يا هاني يا ابني

انا من النهاردة هعتبرك ابويا

ابنيييييييييي تعالى في حضني

ابوياااااااااااااااااااااااااااااااااااااااا يااااااااااااااااااااااااااه احمدك يااااااااااااااارب بعتلي اب بعد السنين دي كلهااااااااااا

يا جماعة حرام عليكو خليتوني عيطت بجد اهئ اهئ اهئ اصل بتأثر بالمواقف الانسانية دي اوي اهئ اهئئئئئئئئئئئئ

خلاص يا جيرميييييييين , انتِ ما صدقتي ! روحي هاتي حاجة لهاني ابني يشربها

ههههه عنيا يا مغازي باشا , عن اذنكو

ممممم طيب هو انا اقدر انقل في الشقة دي من امتى يا مغازي باشا ؟

من النهاردة لو حبيت , الشقة جاهزة من كل شيء وكل الغرف مفروشة بأرقى اثاث , روح هات المدام والاولاد وشنط هدومكو وتعالى

لالالالالالالا كدة ما ينفعش يا مغازي باشا

وايه المانع يا هاني يا ابني

يعني , ما ينفعش فجأة كدة اخد ولادي ومراتي ونمشي من عمارة امي , على الاقل لازم امهدلها , يعني مثلا بكرة اقولها انا بفكر اعزل وبعده اقوله لقيت شقة وبعد اسبوع اقولها انا فرشت الشقة وواخد مراتي وولادي ومعزل

هههههههه عندك حق , عقلك يقظ على طول يا هاني يا ابني

هههههه شغلي في البوليس علمني الدقة المتناهية في كل التفاصيل , طيب استأذن انا بقى

لالالالالا ازاي ! دي جيرمين جاية اهيه ومعاها عصير

معلش , خليها مرة تانية , عندي شغل ومستعجل

على فين يا هاني بيه ! مش هتشرب العصير ؟

هههههه اشربيه بدالي , مستعجل يا انسة جيرمين

اوكيه , باي بااااااااااي ممممممم هاني بييييييييييه

افندم

هحدفلك مفاتيح الشقة اتفضضضضضضضضضضضضضل

ههههههههه وقعوا في ايدي , شكرا يا انسة جيرمين , انا ماشي بقى سلااااااااااااام

*
*

هههه خلاص يا جيرمين نقدر كدة نعتبر هاني هو الراجل بتاعنا في الداخلية وضمنا ولائه لينا وتنفيذ اوامرنا

ههههههههه طبعا , هو يقدر يخالف اوامرك يا باشا بعد ما لجمته ومسكت اللجام في ايدك !!!!!!

ههه طيب يلا عشان نرجع القصر , ولا نسيتي ان الشقة دي مش بتاعتنا

هههههه خلاص بقت ملك هاني بيه ظابط البوليس الهماااااااام , لكن قولي ايه الهدية الجاية

مش كفاية عليه كدة ؟

لالالالالا فين العربية الفخمة موديل السنة دي

هههه اوكيه , هجيبله عربية

—————————————————–

ونكمل في الحلقة الرابعة والعشرون متنسوش تعلقوا علي الحلقة في صفحة مدام طاسة والست حلة

إلى اللقاء في الحلقة الرابعة والعشرون (الجزء الثالث)

بقلم الكاتبة: هبة نور

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *