ترفيهمسلسل خلف هذه الجدران

مسلسل خلف هذه الجدران الحلقة الثامنة والعشرون (الجزء الثالث)

 

الحلقــــ(28) ــــة ” من مسلسل “خلف هذه الجدران ” (الجزء الثالث)

**********
**********

بت يا سهيرررررررررر , تعالي العبي هنا يا بت قصاد العمارة ما تروحيش بعييييييييييد

ماماااااا انا عايزة ايس كريم

مش أوانه يا حبيبتي , لما الشجرة بتاعته تطرح هجيبلك اتنين كيلو

اهئ اهئئئئئئئ ماليش دعوة عايزة ايس كرييييييييم

عرفتيه منين المصيبة دددددددده ؟

اهئ اهئ بشوف العيال اللي في العمارة بياكلوه اهئ اهئ رحمة كان معاها امبارح وهي طالعة مع مامتها وقالتلي خدي واحدت ايس كريم يا سهير انا معايا كتير وانا مش رضيت اخد منها , قولتيلها ماما هتجيبلي

وتقوليلها ماما هتجيبلي لييييييييه , ما كنتي خدتي منها وخلصتينيييييييي

لالالالالالالا اهئ اهئئئئئئئئ مش بحب اخد حاجة من حد بقى اهئ اهئئئئئئئ

ايوة يختي , ال على رأي المثل اللي كانت تقوله امي الله يرحمها , العيش درة والكلام رومي , يبقى البني ادم مش لاقي اللضة وعامل نفسه ابن بارم ديله وبيتكلم زي ولاد الزواااااااات , اوعى من قدام العربية اللي جاية , الله دي الست مرات الداكتور , جاية هي وبنتها ونازلة تجري من العربية ههههه تلاقيها جاية عشان الواد ابنها رامي رجع , ازيك يا ست نسررررررين

هاي فيفي هاااااااااي , هاو ار يو

الله يخليكِ وتفرحي بيهم يارب , ازيك يا ست ايتووون

اسمي ايتن داااادة ايتن , هاي سهيرررررررر

ازيك يا ايتن , رامي رجع هههه

ههه اهاااااا , انا طالعة عشان ابووووووووسه وحشني خااالص , باي سهيرررررررر

باي باي يا ايتن

اوووووووووووف مين معطل الاسانسيرررر اوفتي بقىىىىىىىىىى

هههههه انا بهيرة يا اختي , ازيك يا مدام نسرين هههههههه مبروك رجوع رااااااااااامي

ثانك يو مدام بهارات

هههههههههه بهارات ! بهارات كبسة ولا لحمة يا اختي ؟ هههههههههههه اسمي بهيرة يا حبيبتي , البهارات دي عند العطار , ضحكتيني والله هههههه , ازيك يا قطة يا صغننة

هاي طنطي هااااااااااااي ههههه

يختي كميلة يختي , عسسسسسسل ههههه

يلا ايتنننننن يلاااااااااا

يلا يا حبيبتي اركبي مع ماما الاسانسير , توصلوا بالسلامة ان شاء الله , ازيك يا فهيمة وازي عواد باع ارضه

هههههه كويسين يا ست بهارات

هههههههه طيب يا فهييييييييمة , بقيتي بنص لسان انتي كمااااااان , ماشي يا اختي , بهارات بهارات زي بعضه , البهارات بتدي طعم للطبيخ وانا بدي طعم للعمارة ههههههه ازيك يا سهيررررررر

الحمدلله

يا بت انتي على طول شايلة طاجن ستك وزعلانة من الدنيا كددددددددة ! منكدة على نفسك ليه يا بنت فهيييمة , لسة المستقبل طويل قدامك , ما تستعجليش ع النكد هههههههه الله يصلح حالك وحال ولادي يا بنت فهيمة , انا رايحة السوق , سلام يا فهيمة

الله يسلمك يا ست بهيرة يا عسل هههه , قومي يا سهير ما تزعليش , اول ما ابوكِ يجي ويقعد ع البوابة هدخل اعملك زلابية يا زلابية انتِ هههههههه

مش عايزة زلااااابية اهئ اهئ عايزة ايس كريييييييييم
خلاص يا حبيبتي هحطلك الزلابية في الفليزر بتاع أي حد من السكان وتاكليها متلجة تبقى فشر الا يس كريم , ولا تزعلي يا حبيبتي

*
*
*

تررررررررررررررررررررررررررررررررن ترررررررررررررررررررررررررررررررررررررررررررن

جرس الباب بيرن يا تيتة , افتح ؟

لا , استنى يا رامي يا حبيبي لما نشوف مين , مييييييين

انا نسرين يا طنطي افتحيييييييييي

دي مامتك يا رامي

ييييييييييييي , مش عايز اشوفها , انا داخل التراس

اهلا يا نسرين , اتفضلي , اهلا ايتن ههههه ازيك يا حبيبتي اموووووه

ههههه ازيك تيتة , وحشتيني كتيرررررررر , فين رااااااااامي

فين الولد النوتي اللي اسمه رامي يا طنطيييييييييي

رامي موجود , دخل التراس

انت يا ولد يا نووووووووووووووووتي , رااااااااااااااااااااااااااامي , اوفتي بقى ! مش بيرد , انا داخلاااااااااااااااااااله , تعالي معايا يا ايتن

اوكيه مامييييييييييي

*
*

انت يا ووووووووووووووووولد , ولدددددددددددددددددد , يعني قاعد في التراس ومش بترد عليا , مش سامعني يا قليل الادب انتتتتتتتتتتتتتتت

راااااااااااامي ههههه اخوياااااااا وحشتني راااااامي

وانتِ كمان ايتن

اجي اخد بوسة ؟

يس , تعالي

اموووووووووه وحشتني رامي

انتِ كمان اموووووو

يا سلاااااااااااااام ! يعني بترد على ايتن وتبوسها كمان وانا ولا كأنك سامعنيييييييييييييييييي رد عليا يا وووووولد

يس مامييييييي

فين روووووووووووووكي

مش اعرف فين روووووووووووكي , ايتس اوكيه ؟؟؟؟؟؟؟؟؟

يا ولد كلمني زي ما بكلمك , وديت روكي فيييييييييين , انت مش خرجت من الكوافير ومعاك روكي والاكل بتاااااااعه

يس

اوكيه ., فين روووووووووووووكي , وديته فييييييين ؟

روكي اخدته ماما نجلاء ووديته في مكان بعيييييييييييد مش اعرف هو فين ؟

ماما وااااااااااااات !!!!!!!!! ايه ماما نجلاء دي

ماما نجلاء اللي لقيتني واقف في الشارع لوحدي

ااااااه يا بتاع الشوارع يا شورعاااااااااااااني , يللي بتهرب من الهوم وتبات في الشوارعات ان ما وريتك مش ابقى انا نسرين هاشم الحسينننننننني , واحب اقولك مفاجأة هتخليك تنهااااااااار , انت مش ابني

ههههههههههههههههههههههه وانتِ مش مامتي

يعني مش هاااااااااامك ! مش عامل معاك ديفرينسسسسسس

نووووووووووووووووووو هههههههههه انتِ مش مامتي وانا مش عايز اعيش معااااااااااكِ

رامي ! وانا مش اختك ؟

انتي اختي ايتن , لكن الست دي مش مامي

انتِ صحيح مش مامي ؟ اهئ اهئئئئئئئ

ما تصدقيهوش يا بنتتتتتتت , ده ولد قليل الادددددددددددب , انا مامي يا روحي , , افرحي يا حبيبتي

هييييييييييييه ههههه فرحانة مامي

وانت يا ولد يا شورعاني انت , مش هتقول على مكان روووووووووكي

قولت روكي مش موجوووووووود ماما نجلاء وديته مكان مش في حد يعرفففففففففففه

وفين ماما طينة دي ؟؟؟؟؟؟؟؟؟؟؟؟؟؟

ماما نجلاء حبيبتي مش اعرف بيتها , بابي يعرف , هو جه عندنا هناك مرتين

أوووووووووووووو نووووووووووووووو , يبقى دي مؤامرة كبيرررررررررة فيها عصابة خطيررررررررة بقيادة صاصو رئيس العصاباااااااااات , اكيد هو اللي عمل كل المخاطيط دي عشان يخطف روكي ويوجع ماي هارت على فراقه اااااااااااااه روكي اهئ اهئئئئئئئئئئئئئئئئئئئئئئئئئئئئئئ

ههههههههه مش هتلاقيه تاني مامييييييييييييييييييييييي انا رايح عند تيتة اوضتهاااااااا باي ايتن

كدة !!!!!! طب انا هعرف ازاي اوصل لكل افراد العصابة واولهم صاصوووووووو , يلا ايتن

مامي احنا هنرجع الفيلا عند تيتة سيرفي تاني وهنسيب رامي ؟

يس ايتن يسسسسسسسس , مش هنرجع غير لما نلاقي دادة جديدة , ويلا حالا عشان نروح لباباكِ المستشفى نسأله عن الست اللي خطفت رووووووووووكي اهئ اهئ مسكين رووووووووووكي حبيبي روووووووووووكي

*
*
*

دكتور عصام , المدام بتاعة حضرتك برا

اييييييه ! نسرين ! عايزة ايه دي ! خليها تتفضل

اتفضلي يا مدام

ثانك يو , ادخلي يا ايتن

باببببببببببببببببي ههههههههههه انا هنااااااا

ههه اهلا حبيبتي , وحشتيني ايتن , عاملة ايه يا بنوتة ؟

سيبك من ايتن وكلمني انا صاصوووووووو

افندم

فين روووووووووكي

افندمممممممممم ! وانا اعرف منين ان شاء الله

صاصو مش تنكر عشان الانكارات مش مفيدة ليك , الولد الشورعاني رامي قالي ان الست اللي خطفته هي اللي خطفت روووووووكي وقالي كمان ان انت عارفهااااااااا , قول مكان روكي بالذوق وانا وشرف بابّا مش هأذيك وده بروميس مني , وعد يعني عشان عارفاك ضعيف في الانجلش

ههههههههه بريء يا ست هانم , ما اعرفش مكان ابنك روكي ههههههه

صاصو مش وقت هزاراااااات ده وقت انفجاراااااااااااات , مش تخليني انفجر من الغضضضضضضضب انت مش تعرف انا ممكن اعمل اييييييييييييه

هههه هتعملي ايه ؟

مممممممم مش مهم تعرف , فين رووووووووووكي

اللي اعرفه ان مدام نجلاء وديته مكان مش عارف ايه هو , ده اللي عرفته من رامي

اوفتي بقىىىىىىىىىىىىىىىىىى , فين عنوان الست دي

ليه ؟ هتروحيلها ؟

يسسسسسسسسسسسسس وحالا كمان

ههههه كل ده عشان روكي ! دا ابنك تاه وقعد عشر ايام برا وما نعرفش مكانه وانتِ ولا اتحرك فيكِ شعرة

انت كداااااااااااب , انا كل شعري بيتحرك ويطير كل يوم , وخصوصا وانا بعمل سيشوار , اديني عنوان الست دي حالااااااااا

ههه اوكيه , مافيش مانع يا مدام

*
*
*
*
*
*

خليكي مستنياني في العربية ايتن , هو ده الادريس اللي صاصو قالي عليه , في بواب هناك اهو , شبه دودي البواب بتاعنا , يا انتتتتتتتتتتتتت انتتتتتتتتت

نعمين يا ست هانم

من فضلياتك في مدام هنا اسمها نجلاء ؟؟؟؟؟؟؟

ايوة , الست نجلاء بنت مدام كوثر اللي في الدور التاني

اوكيه , طيب ممكن اطلع اقابلها ؟

لا والله يا ست هانم , هما مش موجودين

اوووووووووووو نووووووووووو راحوا فيييييييييين ؟

والله اصل الست نجلاء كانت اعصابها تعبانة حبتين راحت والدتها اخدتها وسافروا يغيروا جو

يغيروا جو ازاي يعني ! هو في حد يقدر يغير الجو ! يعني هيخلوا المطرة تمطر في الصيف وننزل البحر بالمايوه في الشتا ؟؟؟؟؟ هما بيشتغلوا اسحارات ولا ايه !!!!!!

يا ست هانم اقصد يعني راحوا بلد تانية , مكان تاااااااااني , يتفسحواااااااا

اهااااااا وهيجوا امتى البتوع دوووووول

والله يا ست هانم انا سمعت كوثر هانم بتقول هيقعدوا شهور الصيف كلها برا , يعني كلها تلات شهور ويرجعوا ان شاء الله

تلات شهووووووووووووور اهئ اهئئئئئئئئئ يا حبيبي يا رووووووووووووووووووكي , لسة هستنى تلات شهوووووووور , اه يا صبرانة ياااااااااااااااااااني اهئ اهئئئئئئئئئئئئئئئئئئئئئ

*
*
*
*
*

هههههه اما اتصل بسلفتي اللدودة عشان اباركلها على رجوع ابنها

ترررررررررررررررررررررن تررررررررررررررررررررررررررررن

هااااااااي

هههههه نسرين معايا

ايوة يا انتي , مين انتي ؟؟؟؟؟؟؟

ههههه انا رشا يا كتكوتة

اوفتي اوفتي اوفتيييييييييي بقى , عايزة اييييييييه

ههههه مبروك رجوع رامي , وعقبال ما تلاقي روكي , كان نفسي اجي اباركلك بنفسي , بس في الحقيقة القعدة في التراس تجنننننننن , منظر النيل تحففففففففففة , مش قادرة اقوم واسيبه ههههههه ماتجيبي عربيتك وتيجي انتي عندي عشان اباركلك

اناااااا اخد عربيتي عشان ازور واحدة زيك انتِ !!!!!!! هو انا فضيانة عشان اضيع ماي تايم معاااااااااكِ

ههههههه انا عارفة انك مش هتيجي عشان متغاااااااااااااظة هتموتي عشان سيبتلك العمارة وروحت مكان احلى واروووووع ههههههه الحمدلله ربنا تاب عليا من جيرتك ومش هرجع اشوف وشك تاااااااااني ههههه باي باي يا نسرينوووووووو ههههههه

ايه الست الهبلانة دي !!!!!!!

*
*
*
*

ترررررررررررررررررن تررررررررررررررن

الو

ايوة , انا نسيم

هات ما عندك يا نسيم

معاد الطيارة بكرة بالليل , رقم الرحلة 312

عُلِم وينفذ يا نسيم , سلاااااااااااام

*
*
*
*

وبعدين يا مغازي باشا , هتفضل قلقان ورايح جاي كدة !!!!!!!

مش قادر اتلم على اعصابي يا جيرميييييييين , مش هتطمن الا لما الرجالة يكلمووووووووووني , مش عارف الآثار وصلت باريس ولا البوليس قبض عليهممممممممممممممم

اهدا يا باشا , على العموم زمان الطيارة وصلت باريس دلوقتي , انتظر , شوف هيتصلوا ولا لأ

امتى امتى بس يا جيرمييييييييييييييييين

ترررررررررررررررررررررن تررررررررررررررررررررررررررررررررن

التليفون يا باشاااااا

اوعي اوعي يا جيرميييييييين انا اللي هررررررررد الوووووووووو

ههههههههههه بنسوار يا باشا , معاك منصور

منصووووووووور ههههههه وصلت باريس انت والرجالة ؟

وي ميسيه ههههههههههه وقابلنا كمان مسيه ادواغ جوتيه خبير الآثااااااار , اهو جنبي اهو خد كلمه

هاته يا سيدي ههههههههههههههههههه

بنسواغ مسيه سولمان

هههههه بنسوار مسيه ادواغ جوتيه , إيه مونيوميه فوغونيك غييال ؟ هههه

وووووووووي , إيل ايليتابسيليمو فانتاستيك هههههههه ميغسي بوكو مسيه سولمان

ههههههه ميغسي بوكو , سالوووووووووووووو هههههههههه جيرمييييييييييييين هههههه الاثار وصلت وكمان مسيسه ادواغ جوتيه استلمها وبيقول انها رااااااائعة للغااااااااااااية , هاني زاهر ده طلع ولد بصحيييييييح هههههههههههه يستاهل ثقتي فيه الولد ده , خلااااااص اعتبرته من الصفوة بتوووووووعي هههههههههههههه

ههههههه ممممممم عايزة هدية حلوة بقى عشان الفرحة اللي شايفاها في عنيك دي

هههههههههههههههه اطلبي , اتمني , أأمري , كل احلامك اوامر يا جيرمييييييييييين

ههههههه انا احلامي بسيطة , الشالية اللي في الساحل الشمالي اللي وعدتني بيه

بس كدة !!!!! هههههههه من بكرة هتمضي عقد امتلاك الشاليه ومن عندي انا عقد لولي حر يزين الرقبة الجميلة دددددددددي

هههههههههههههه ربنا ما يحرمنيش منك يا عمررررررررري , انا بقول نعمل حفلة ونعزم فيها هاني زاهر ونتفق معاه عشان يخلص في موضوع المنزلاوي وبالمرة تشكره ههههه مع انه واخد حقه وبزيادة كمان

لالالالا الولد ده فعلا يستااااااااهل ههههه مش خسارة فيه الفلوووووس , بس حفلة ايه يا جيرمين ! احنا مش عايزين نظهر في اماكن عامة مع هاني زاهر وكمان مش عايزين حد يعرف العلاقة اللي بتربطنا بيه

انا ما قولتلش هنعمل حفلة في مكان عام ولا قولت كمان هنعزم حد هههه انا اقصد هعمل حفلة في شقتي في المهندسين وهتحضر انت وهاني زاهر وبسسسسس , ايه رأيك بقى ؟

ههه كدة اوكيه , هتصل بيه واعزمه بنفسي

*
*
*
*

اما اتصل بعصومة في المستشفى اشوفه لقى ابنه ولا لأ , ربنا يستر بقى وما يهبّش في وشي ويتعصب عليا لو ماكانش لاقاه

ترررررررررررررررررررررررررررررررررن ترررررررررررررررررررررررررررررررررررن

الو

هههه ازيك يا عصوووووووومة

اهلا اماني ازيك

انا كويسة يا حبيبي , المهم طمني , لقيت ابنننننننك

ايوة الحمدلله

لقيته !!!!! امتى ؟

من حوالي تلات ايام

تلات ايام بحالهم يا عصاااااام ! اومال يعني ما اتصلتش تطمني ع الولد ! ولا خايف اقولك طالما اطمنت ع الولد يبقى تعالى قابلني في الشقة

اولا يا اماني انا لما لقيت الولد ما كانش فيا اعصاب اكلم حد , كان اهم حاجة عندي اني لقيت ابني , امبارح واول امبارح اخدته فسحته واشتريتله لبس ولعب وحاولت احسسه بفرحتي برجوعه , فماكانش عندي وقت يعني اتصل واقولك لقيت الولد , ثانيا شقتنا دي تنسيها

افندممممممممممم ! قصدك ايه يا دكتوووووووووور , انت استغنيت عني ولا ايييييييه

اكلمي بصوت واطي ونبرة اهدا من كدة يا اماني وما تستغليش فرصة اني في المستشفى ومش عارف اعلي صوووتي , انتِ ناسية ان الدكتور فادي شافنا هناك ولا ايييييييييه !!! ولا يمكن كمان ناسية انه اشترى شقة هناك

ااااااااخ صحيح انا نسيت ههه اسفة يا عصومة , ظلمتك يا روح قلبي , اصل انا اتخضيت والله بجد , قلبي وقع في رجلي لما قولت شقتنا دي تنسيها , الحمد لله طمنتني ههههه هااااا قولي , اومال هنعمل ايه ؟ اكيد هتجيب شقة جديدة في مكان جديد ؟

ان شاء الله ,

ايوة , ان شاء الله امتى يعني ؟؟؟؟؟؟؟

ممممم يعني , اسبوعين تلاتة كدة

نعممممممممممممم ! هنقعد كل المدة دي ما نشوفش بعضضضضضضضضض

يوووووووو وبعدين بقى يا اماني , بعدين نتكلم بعدييييين , انا مضطر اقفل دلوقتي عشان عندي مرور على المرضى , مع السلامة

اوووووووووف الله يسلمك يا سيدي , وبعدين بقى في العيشة الغريبة دددددددي ! جوازة ايه الزفت ددددددددي , هنقعد نتنقل من مكان لمكان زي ما نكون حرامية ولا عاملين عاملة وخايفين حد يشوفناااااااا ! الله اعلم بقى المرة الجاية مين من الدكاترة ولا معارف البيه يسكن في المنطقة اللي هناخد فيها شقة جديدة ونضطر ننقل لمكان ماحدش يعرفه اوووووووووووووف عيشة تأررررررررررررف

امااااااااااااني , تعالي كلي يا حبيبتي

يوووووووووو , مش عايزة اتسمم يا مامااااااااااااااااا , سيبوني في حالي بقىىىىىىىىى

 

**********
**********

نورت شقتي يا هاني بيه ههه
ههه منورة بأصحابها يا انسة جيرمين , شقتك ذوقها حلو اوي , اكيد ذوقك ؟ههه فعلا , ميرسي ليك على الكومبيليمو , اجيبلكو العصير في التراس , خدوا راحتكو يا جماعة , البيت بيتكو

هههه شكرا يا جيرمين , اتفضل يا هاني بيه على التراس

*
*
*

ياااااااااه الجو جميل جدااااااا , حقيقي شقتها رائعة انسة جيرمين

فعلا , انا برتاح هنا اوووووي

ههههه واضح انك بتيجي هنا كتير يا مغازي باشا ممممم شكل الانسة جيرمين ليها معزة خاصة عندك , ولا انا غلطان ؟ هههههههههه

هههههههههههههه ما تفهمناش غلط , على فكرة جيرمين تبقى مراتي

معقووووووووووووووووووووووووووول !!!!!!!!

هههههه مفاجأة مش كدة ؟

, فعلا مفاجأة هههههههه , اخرررررررررر حاجة كنت اتصورها ان الانسة أأ قصدي مدام جيرمين تبقى مراتك هههههه طب ومخبيين ليه ؟

اصله جواز عرفي ههههه

ههههههههههه يا بختك

ههههههههههههههههههههههههههههههه عايز تتجوز عرفي ؟

هههههههههه ايدي على كتفك يا مغازي باشا , بس الوووووووقت اعمل ايييييييه , ام العيال واخدة كل وقتي

هههههههههههههههههه يا اخي يعني انت هتغلب !!!!! مرة تقولها عندي مأمورية , مرة تقولها طالع حملة واهي هتعدي هههههههه

هههههه على رأيك , كله بيعدي , انما غريبة حكاية جوازك من مدام جيرمين دي هههههههه

طب خلينا في المهم بقى

تحت امرك يا بيج بوس ههههههه

ههه ممممممم الحقيقة مش عارف ابدأ منين , بس اللي عايزك تعرفه ان البني ادم اللي اسمه يوسف المنزلاوي ده عاملي مشاكل لا حصر لها مع الكبار

المنزلاوي يعمل لفخاااااااااااااامة سليمان باشا المغازي مشاكل برضو ! ده مجرد نملة قدام ماااااااااارد

هههه اشكرك , لكن برضو احيانا النمل ينخر في الاساس ويسبب متاعب

ممممممم المطلوب

القضية اللي عليه تطلع فشنك

ههههه قصدك القواضي يا مغازي باشا

يا سيدي أيا كااااااان , المهم انا عايز اخلصصصصصص

ممممممم والله يا مغازي باشا , ده طلب صعب جداااااااااااااا , ما تنساش انه في السجن في انتظار المحاكمة بعد ايام

ما فيش حاجة صعبة عليك يا هاني باشا , انت تقدر تتصرف

ممممممم طب سيبني افكر

مافيش وووووووووقت , لازم تفكر وترد دلوقتي حالااااااااااااااا

ممممممم حقيقي موضوع صعب جداااااااااااااااا وهيكلفك كتيرررررر كتير اوووووووووي

هههههههههههه وانا تحت امرك في كل اللي انت عايزه

حيث كدة يبقى ما تقلقش

هتعمل ايه يا هاني بيه

مافيش حل غير ان ملفات القضايا بتاعته تختفي

ودي هتعملها ازااااااي

قولتلك ده شغلي انا , سيب الشغل عليا , وانا هسيبلك تقدير مقابل شغلي ههه

طب وبعد ما تختفي ملفات القضايا

بعد ما تختفي الملفات , المنزلاوي هيختفي

يختفي ! يتقتل ؟؟؟؟؟؟؟؟

هههه اعوذ بالله يا راجل , انا ماليش في لغة الدم , انا ليا في لغة الفلووووووووووس

قول يا هاني بيه , كمممممممممل هتعمل ايه

باسبورت بإسم تاجر يهودي بجنسية امريكية وعليه صورة يوسف المنزلاوي وهو متنكر طبعا ويطيررررررررر برا مصر

ههههههههههههههههههههههههههه انا كنت تايه عنك فين ! طيب وايه الإسم اللي هيكون في الباسبورت

مممممممم ممكن ديفيد ابرام

هاااااااااايل , يبقى من هنا ورايح يوسف المنزلاوي بقى ديفيد إبرام هههههههههههه

اتفضلوا العصير هههههه

ههههه شكرا مدام جيرمين

هاااااا !

هههه بتبصي للمغازي باشا ليه وانتي مندهشة مدام جيرمين ! المغازي باشا قالي على كل حااااااااجة هههه

مممم واضح ان خلاص المغازي باشا ارتاحلك جداااااا وفتحت قلبه واطلعك على اسراره يا حضرة الظابط

حاجة تضايقك ؟

اطلاقا , عن اذنكو , اسيبكو على راحتكو

اتفضلي

ها يا هاني باشا , هتخلصنا من الكارثة اللي اسمه المنزلاوي ده امتىىىىىىىىىىىى

من بكرة يا مغازي باشا , اعتبر خلاااااااااص ما فيش حد اسمه المنزلاوي على وجه الكرة الارضية

طيب ممممم طيب وقضية قتل مراته

ههههه هو كان متجوز اصلا عشان يقتل مراته ! الملفات ذهبت مع الريح يا باشاااااا

ههههههههههههههههههههههههه تعجبني يا هاني بيه , يااااااااااااااااااه دلوقتي قلبي شبه اطمن

وهيطمن امتى بشكل كامل ؟ ههه

لما ملفات القضايا تختفي والمنزلاوي يطير على براااااااااااااا

الصبح هسمعك اخبار كويسة عن ملفات القضايا , وكلها يومين تلاتة واجيبلك باسبورت المنزلاوي وهتسلمهوله بنفسك وتودعه كمان في المطار هههه

هههههه اشكرك اشكرك من صميم قلبي يا هاني بيه

الشكر الشفوي ده ما يهمنيش يا باشااااااااااا

المطلوب

ااتنين مليون

سلمني الباسبورت واسلمك شيك باتنين مليون جنيييييييه

لالالالالالالالا هههه خلاص بقى , كبرنا ع الجنيه , اتنين مليون دولار يا عزيزي وعايزهم كاااااااااااش ع الطرابيزة

ههههههههههههههه ممم مش خسارة فيك

*
*
*
*
*

تعلن شركة خلعون للطيران عن قيام رحلتها رقم 107 المتجهة إلى لندن , على السادة الركاب التوجه للطائررررررررررة

يلا يا مسيو ديفيد ابرااااااااام معاد الطيااااااااارة

ههههه اوكيه , اشوف وشك بخير يا مغازي باشاااااااااااااا

شوفت بقى اني كنت قد كلمتي معاك يا منزلاوي ؟

ههههه مين المنزلاوي ده , انا ديفيد إبرام يا مونشير , الطيارة قربت تقلع , شالووووووووووووووووووم

هههه شالوووووووووووووووم مسيه ديفيد شالوووووووووووووووووووووووووووم

*
*

من فضلك اربط الحزام يا فندم هههههه

ههههههه حاضر , حتة مضيففففففففففة يا قوة الله , قمررررررررررر

تحب تشرب حاجة يا فندم

يعني , بس كمان شوية يا حلوة هههه

هههه ميرسي , انا وكل طاقم الطيارة نتمنالك رحلة سعيدة على متن طائرتنا

هههه شكرا يا مودمازيل

*
*
*
*

السادة الركاب حمدالله على سلامة الوصول , فقد وصلنا العاصمة البريطانية لندن , من فضلكم ربط الاحزمة , الطائرة تستعد للهبوط

*

ياااااااااااااااه ههههههههه اخيرااااااااااا الطيارة وصلت لندن !!!!!! هههههههههه اما اقوم بقى عشان انزل , انا اول حاجة هعملها هروح الاوتيل واخد شاور والبس بنطلون جينز وتي شيرت وكوتشي وانزل اتفسح في البيكاديللي وبعدين اقعد شوية تحت ساعة بيج بن , واتفرج ع الخواجات والستات القمراااااااااات , ياااااااااااااااااااه صحيح اللي يجاور السعيد يسعد , الواحد قتل ونصب وسرق وفي الآخر طلع زي الشعرة من العجينة بسبب معرفته بالمغاززززززززي , يا حبيبي يا مغاززززززززي يا عم الكل يا مدلعناااااااااااااا هههههههههههههههههه

*
*
*

يلا يا فندم هههه باب الطيارة مفتوح اهو , مش ناوي تنزل ولا ايه ! حمدالله على سلامتك

هههه الله يسلمك يا مودمازيل , انا هنزل اهو , ايه دددددددددددده !!!!!!!!! احنا فيييييييييييييين ؟؟؟؟؟؟؟؟؟؟ ايه الاسوار العالية دددددددددددي !!!!!!!! ايه العتمة والوشوش العكرة ددددددددددددددددي , دول يطلعوا مين دوووووووووووووووووول لابسين ازرق في ازررررررررررررررق , الله يخرب بيوتكووووووووو احنا فيييييييييييييييييين , حد يرد عليااااااااااااااااااااااااا

هههههههههههههه حمدالله ع السلامة يا منزلاووووووووووووووووي

ميييييييييييين !!!!!!!!! هاني زاهرررررررررررررررررررررررررررر

ههههههههههه عملك الاسود اللي قاعدلك ومش هيسيببببببببببببببك

احنا فييييييييييين

في ليمان طرة يا اخويااااااااااااا , فاكر نفسك في لندن بصحييييييييح ههههه , شوفت بقى , جبناك السجن بطياااااارة , عشان تعرف غلاوتك عندنا ههههههههههههههه

يعني اييييييييييييييييييه !!!!!!!!!!!! يعني المغازي كان بيضحك علياااااااااااااااا

ايووووووووووووووووووووة من الآخر كدددددددة , المغازي شيلك كل القضااااااايا وطلع هو زي الشعرة من العجينة ههههه

بقى كدددددددددددددددددددة ! اه الندل الجبااااااااااااااااااان , المغازي هو السبب في كل حاااااااااااااجة هو اللهو الخفي ورا كل القضاااااااااااايا

ههههه طيب , ايدك في ايدي عشان نثبت عليه التهم ونجيبه لحد هنا , ولا انت مش عايزه يتسجن ؟

انا لو اطول اقطعه بسنانه هقطععععععععععععععه

لالالالا ههههه من غير عنف , انت طول عمرك راجل رقيق , على العموم انا عارف انك استوعبت الدرس كويس , انا هرجعلك تاني , اكيد هرجعلك تاني ان شاء لله عشان اقولك هنعمل ايه عشان نوقع المغااااااازي

على العموم ما تقلقش , كلها اسبوعين تلاتة شهر بالكتير ويجي المغازي يونسك في الحبس الانفرادي , خدووووووووووووووه
ياخدوني فيييييييييييين !!!!!! الله يخرب بيتك يا هاني يا زاااااااااااهر , سيبوووووووووني سيبووووووووووووووني

يلا يا خويا ع الحبس الانفراااااااااااادي حط الكلبشات في ايده يا صول درويش وحطه في الحبس وشدد عليه الحراسة زي ما قالك هاني بييييييييييييه لا يشوف حد ولا حد يشوفه ولا حد يعرف بوجوده هناااااااااااااا

حاضر يا فندممممممممم تعالى يا مجررررررررررررررم

برررررررررررررررريء برررررررررررررررريء المغازي هو السببببببببببببببب اقبضوا ع المغاااااااااااااااااااااااازي

*
*
*
*
*
*

تررررررررررررررررررررررررررررررن ترررررررررررررررررررررررررررررررررررررن

افتحي يا بدووووووووووور

ايوة ايوة جاااااااااية

ازيك يا سامي ههههههه

ههههه ازيك يا نن عيون سامي من جوا هههه وحشتيني يا بت

وأنت كما…………

مين جه يا بدووووووووووووور

ده سي سامي يا ست اوساااااااااااااااا, ادخل لها يا سامي بدل ما تستعوقك وتقولك كنت واقف تعمل ايه برا اووووووف ماهو اني ولا كأني مراتك , ويوم ما نقفوا نكلموك كلمتين نفضلوا نبصوا حوالية ولا كأني حرامية

ههه ايوة انتِ حرامية

سرقت منك ايه يا خويا

ايّوووووووووه , سرقتِ قلبي يا بت , رجعيه بقى لنبلغوا عنك قاضي الغرام

يا ساااااااااااااااااامي

ايّووووووووووووووووه , يقطع سامي وسنين سامي اني جاي يا اوسااااااااااااا , بلاش نقلعوا الجزمة ولا ندخلولك بيها ع السجاد نبهدلوووووووووووه , راجعلك تاني يا عسل بعد ما الهم ينزاح وينام

هيهي تنام ! ابقى قابلني , دي بتفضل صاحية لوش الفجر

ما عندكيش منوم ولا أي حاجة نحطوهالها يمكن تنام ما تقوم تاني ؟

انت هتودينا في داهية يا جدع !!!!!!! ادخل لها يا خويا ادخل , سمي وخش برجلك اليمين هيهي

ههههههه ماشي يا جميل , اجري ع المطبخ انتي بقى واني هنعملوا نفسي بنشخطوا فيكِ من ورا قلبي عشان العشا اتأخر يا عسسسسسسل

اشخط ياخويا من ورا قلبك ولا من قدام قلبك ما بقاش في حاجة فارقة

مسيرها تروق وتحلى يا بت , انتِ يا بت ييلي اسمك بدووووووووووووور العشا يا بتتتتتتتتتتتتتتتتتتت

من عنيا يا سي ساااااااااااااامي , بنعملوا السلاطة وجاية على طوووووووووووول

*
*

سا الخير يا اوساااااااااااا

ههه اهلا يا سامي , كل ده بتقلع الجزمة

اصلها كانت ضيقة اوي وكمان الشراب كان لازق في رجلي , اصل ما قلعتوش من رجلي من الصبح

هههه البت نورهان نامت يا سامي

احسسسسسسن

ايييييييييه

بنقولوا يعني عشان نفوقوا لبعض يا قمر هههههههه عامل ايه يا مالك قلبي بالهواااااااا

اني كويسة الحمدلله , امك كانت هنا النهاردة

طب كويس والله , اتغدت معاكِ ؟

لا , مسكت فيها تتغدى ما رضيتش ابدااااااا , قالتلي ورايا كام مشوار هنقضوه

طيب , اني هنقوموا نغيروا هدومي , وخلي البت اللي اسمها ايه دي تجيب العشا هنا في الانتريه , ماليش نفس نقعدوا ع السفرة

وماله , احسن برضو , كنت لسة هنقولوا كدة , اني عايزة نتابع الفيلم وما يضيعش مني ولا حتة هاتي العشا هنا يا بدوووووووووووور

*
*
*
*

ايّووووووه , شوية ملوخية زي العسسسسسسسل , رغم الواحد ما بيطيقش البت اللي اسمها بدور دي يا اوسا , لكن بصراحة نفسها في الاكل مية مية

بالهنا والشفا يا سامي , انت مسحت ايدك بالفوطة ليه ! ما تكمل اكلك طالما عجبك كدة

شبعت يا بت , هنقوموا نغسلوا ايدي ونجولك

طيب , اعملي الشيّ يا بدووووووووووور , عايزة نشربوا الشيّ واني بنتفرجوا ع الفيلم الكوميدي اللي جاي ده ههههههههههههه

من عنيا يا ست اوساااااااااااااا

*
*
بدور , بت يا بدور

ايوة يا سامي

انتِ هتعملي الشيّ ؟

اومال يعني هنقولولها لا !!!!!!! دي بتقول هتشرب الشيّ وهي بتتفرج ع الفيلم الكوميدي , يعني تشرب وتضحك واني نولع , ولا يهمك يا سامي

ااوووووووووف وبعدين بقى !!!!!! طيب , هنلاقولها صرفة مش هنغلب

يلا يا ساااااااااااااامي المذيعة جت عشان تعلن عن الفيلم , اهي ظهرت ع الشاشة بتضحكلنا اهيه , امورة اوي المذيعة دي , يلا يا سااااااااامي , تعالى اضحك شوية , ده فيلم حلو اووووووووووي هههههههههههههههههههههههه

جاااااااااي جاي يا اوساااااااااااااااا , جاي يا سبب سعدي , دي بتضحك ع الفيلم قبل ما تشوفه

*
*

مساء الفل يا قمر

ههههههههههههه تعالى يا سامي , ده الفيلم ده يفطس من الضحك ههههههههههههههههههههههههههههه

يا اوسا الفيلم ده اتعرض سبعين الف مرة , الواحد حفظه عن ظهر كلب , انتي لسة هتشوفيه من اوله لاخره وتضحكي من اول وجديد !!!!!!!!

ههههههههه اصله فيلم حلو اوي ويضحك وما يتزهقش منه , اضحك يا سامي اضحك هههههههههههههههههههههههههههههههههههههههه

هههأ هههأ , اديني ضحكت يختي , وبعدين بقى , الفيلم هيقعدله ساعتين , وعلى ما يعدوا الساعتين اكيد البت نورهان هتصحى تزن , وبدارة تجري تشيليها وتديها الرضعة ويفضلوا كابسين على انفاسنا هي وامها لحد روحنا ما تطلععععععععععععع

اتفضلوا الشيّ

حطيه عندك يا بت وروحي شوفي وراكِ ايه هههههههههههههههههههههههههههههههه بص بص يا ساااااااامي ههههههههههه شوف الراجل بيعمل اييييييييييه جاتك خيبة راجل من دون الرجاااااااااالة ههههههههههههههههههههههههههههههههههه بيفطسني من الضحككككككككككككك

طيب بالإذن اني يا اوسا , رايح الحمام

طب ما تتأخرش يا سامي عشان في حتة حلوة اوي في الفيلم خايفة تفووووووووووتك , جاتك ستين خيبة هههههههههههه

هو مين دي اللي جاته ستين خيبة يا اوساااااااااااااااا ؟؟؟؟؟؟؟؟

هههههههه الراجل اللي في الفيلم , اصله فاكر روحه ناصح بس اخر الفيلم الدنيا هتتطربق على دماغه هههههههههههههههههههههههههههههههه

يا شيخة داهية تاخدك وتاخد الفيلم على المذيعة اللي ذاعت الفيلمممممممممم , ثواني وراجعلك يا اوساااااااا

ماشي يا سامي ههههههههههههههههههههههههههههههههههههههههههههههههههههه اه ياني بطني وجعتني من كتر الضحك

*
*
*

بدوووووور

نعمين يا سامي

دي شكلها كدة مش هتنام

ما اني قولتلك اللي فيها

طب وبعدين بقى يا بت

ولا قبلين يا سامي , اتفضل روح اقعد جنبها اضحك وكركر وسيبني اني نهري وننكت لوحدي

يحرم عليا الضحك طول ما انت مكشر يا قمر ههه بنقولولك ايه يا بت يا بدارة , اني جاتني فكرة

فكرة ايه يا سامي

بصي , اني هندخلوا نقعدوا مع اوسا نتفرجوا ع الفيلم , وخمس دقايق وعايزيك تيجي تجري وتصوتي وتقولي الحق يا سي ساااااااامي لقيت فار في المطبخخخخخ

فااااااار ! يا لهووووووي , هو فييييييين ؟

يا بت مافيش فيرااااااااااااان , انتي هتقولي كدة , واوسا بقى تترعب من الفيران وسيرتها , ساعتها هتجري على اوضة نومها وتقفل الباب عليها واني وانتي هنعملوا نفسنا بنصطادوا الفار هههههه ايه رأيك يا عسل

هههههه فكرة حلوة وربنا , خلاص يا سامي , روح واني هاجي وراك نعملوا زي ما اتفقنا

*
*
*
*

حلو اوي الفيلم ده يا اوسا هههههههههههههههه ناوليني طبق الفول السوداني يا نسناسة أأأأ يا اوسا

هههههه خد يا سامي , ما تلخمنيش بقى , خليني نتفرررررج هههههههههههههههههههههههه

بتضحك ع ايه الولية دي ! ربنا ما يحرمك من العبط يا شيخة

*

يا لهوي الحقووووووووووووووني الحق يا سي سااااااااامي فار يا سي سامي فااااااااااااااااااااار

فااااااااااااااااااااار !!!!!!!!!!!

يا مامااااااااااااااا الحق يا سامي , دي بتقول في فااااااااااااااااار , اني بنترعبوا من الفيرااااااااااان

شوفتيه فيت يا بتتتتتتتتت ؟

في المطبخ يا سي ساااااااااااامي في المطبخخخخخخخخخخخخخخخخخخخخخ

فار في شقتي اناااااااااااا , رحمتك يا رررررررررررررررررب , سيبوني علييييييييييييه , اوسااااااااااااااا استخبي في اوضة النوم واقفلي عليكِ الباااااااااااب , لو الفار دخل اوضة النوم هيعشش فيها ومش بعيد يجيب كل قرايبه ويناموا جنبنا ع السريرررررررررررر , اجري يا اوساااااااااااااااااااااااااااااااااا

يا ماماااااااااااااااااااااااااااااااااااااااااااااا هنسخبى في اوووووووووووووضتي , اصطاد الفار يا ساااااااااااااااااامي

ما تخافيشششششششششش , اني وبدارة هنحلّقوا عليه ونمسكووووووووووه , هههههه اهي دخلت اوضتها هههههه ادي العزول غاب عن عنينا يا قمر هههههه تعالي بقى نقولولك كلمة على انفراااااااااد , بس استني الاول نقفلوا عليها بالمفتاح زيادة اطمئنان يعني

ههههه ماشي يا سامي يا ابو الافكاااااااااااار

*
*

ياااااااااااااااااه , كنتي وحشاني اوي يا بت , الغربة وحشة بصحيح هههههه

ما انت اللي عاجبك الحال ده يا سامي

ما تظلمنيش يا بدااااااااارة , غصب عني وربنا , بس ما تقلقيش , قريب اوي هنجمعوا تمن الشقة اللي هتنوريها

امتى بس يا سامي امتتتتى ؟؟؟؟؟؟

قريب يا بت , اني بس اليومين دول ابويا واقفلي ع الوحدة ومش عارف نحوشوا قرشين حلوين

هو انت هتحوش من ورا ابوك يا ساااااااامي !!!!

حقي يا بت حقيييييييي , ابويا ايده ماسكة , مش مقدر شقايااااااااا , يبقى ناخدوه من وراه ولا نسيبوه يبعتره على بنات كوكب وعيالهمممممممم

أيّوووووووووه ! وهما بنات كوكب يطلعوا مين ! ما هم اخواتك يا سامي

بس يا بت بسسسسس , ما تبقيش طيبة كدة , دول لو لقوني جنيي هيحطوني في جيبهمممممم , سيبك من السيرة الغم دي وخلينا في القعدة الحلوة اللي جمعتنا ههههه

الله ! هما اتأخروا كدة ليه برا !!!!! كل ده بيصطادوا الفار !!!!!! دول بقالهم يجي ساعة الا ربععععع اما ننادوا عليهم من ورا الباب , اني خايفة نفتح نلاقوا الفار هاجم عليا ويدخل الاوضة وما نعرفوش نطلعوه منهاااااااا , اما ننادوا نشوفوا عملوا ايه , يا ساااااااااااااااااامي , يا بدوووووووووووور , بت يا بدوووووووووووور

*

دي بتنادي يا سااااامي

ما تنادي , واحنا مالنااااااااااا , هههه يلا بقى قومي هاتيلنا اتنين ازوزة على كام تفاحة كدة وروقيلنا القعدة

مش وقته يا سامي مش وقته , خلاص بقى , يلا بقى عشان ما تشكش فينااااااااااااا

ايّوووووووووووووووه يا جدعااااااااااااااان , يادي قلة المزاج , ماشي يا ستي , ايوة يا اوسااااااااااااااا

*

اني جاي يا حبيبتي

ايه يا ساااااامي , كل ده بتمسكوا الفاااااااااار

اسكتي يا اوسااااااااا , ده بهدلناااااااااا , قعدنا نلف وراه الشقة كلهاااااااااا , فين وفين على ما عرفنا نمسكووووووووه , اني هنروحوا نستحموا لحسن اني ارفان من نفسي اوووووووووي

هو انت مسكت الفار بإيدك ولا ايييييه

ايوووووووووة , اومال اني ارفان وعايز نستحمى لييييييه ! مسكته ورميته من شباك المنوررررر

يعععععععععع , امشي امشيييييييي اجري استحمى اوعى تنام جنبي الا لما تنضف ع الآخررررررررررر

ههههه ماشي يا عسل

*
*
*

بت يا بدوررررررررررررر , انتِ يا بت

ايوة يا ست اوساااااااااااااا اني كنت داخلة اوضتي نجيبوا هدوم نضيفة بدل اللي مَشَى عليها الفار , اسكتي مش الفار وهو بيجري وبنحاولوا نمسكوه عض صباع ايدي

يععععععععععععععع , الله يأرفك انتي كمااااااااااااان , اجري استحمي يا بت الله يأرفككككككككككككككك , اوعي تمسكي البت نورهان ولا تمسي أي اكل ولا شرب في البيت الا لما تستحمي , بلاش نتاااااااااااانة , اجري ع الحمام التاااااااااااني

هههه حاضر يا ست اوساااااااااااااا , تسلميلي يا ست الككككككككل هههههههههههه

يقطع الفيران وسنين الفيراااااااااااان , اما نودي الفوطة لسامي , نَسَى ياخدها معاه من لخمته

*
*

تن تن تن افتح خد الفوطة يا ساااااامي

هههههه هاتي يا اوسا , كنت لسة هننادوا عليكِ عشان تجيبيها من ايد ما نعدمهاش , يسلملي قلبك الحنين يا حونينة ههههههههههههههههههههههههههههههه

 
**********
**********

خدي يا هيام يختي التلاتين جنيي دول , مصروفك بتاع كل شهر
هههه كتر خيرك يا اخويامعلش يا هيام , اني عارف انه مبلغ بسيط وما بيعملش حاجة , معلش يختي , سامحيني , يا ريت كان بإيدي ندوكِ اكتر من كدة

اخص عليك يا خالد , ده كلام تقوله برضو ! اني مش عايزة حاجة والله , اني بناكل ونشرب في البيت , هنعوزوا ايه تاني يعني !

ازاي بقى يا هيام ! أي بنت في سنك تحب يبقى عندها هدوم حلوة تخرج بيها , او حتى جزمة غير الدايبة اللي بتلبسيها دي

هههه يعني اني بنروحوا فين يا خالد , اني طول النهار قاعدة في البيت مع ماما , وفين وفيييييين لو فكرنا نخروجوا نزوروا حد من قرايبنا , ما تشغلش بالك بيا يا خويا , اني عارفة ان وراك مصاريف يامَا للكلية والكتب والمواصلات , طب داني بقى اللي نفسي انك تشتري بنطلون وقميص جداد غير القدام اللي عندك

منين بس يختي ! الحمدلله , يادوب المرتب اللي بناخدوه مكفينا والحمدلله , يادوب بنوفر فلوس الجمعية بالعافية

الله يعينك ويقويك يا خويا , ياريت والله كان بإيدي نحطوا الدنيا بين ايديك يا خالد

ههه تعيشي يختي , ربنا ما يحرمني من حنية قلبك يا هيومة , هي امي فين ؟

امي دخلت تنام شوية وقالتلي صحيني على آدان المغرب

اهو المغرب قرب يأذن , اني هننزلوا نصلي المغرب ونستنى في المسجد للعشا وبعدين نجيبوا شوية طلبات للعشا ونيجي , نجيبولك جبنة تركي يا هيومة ؟

لالالالا ما تجيبش يا خالد , مالوش لزوم يا خويا

طب والله لنجيبولك ان شالله نشحتوا بعدها ههههههه

ههههه بعد الشر عليك من الشحاتة يا خويا , طب داني قلبي حاسس انك هتبقى حاجة كبيرة اوي يا خالد يا خويا وبكرة تقول اختي هيام قالت

ههههه الله يبشرك بالخير يختي , طيب , اني نازل يا حبيبتي , السلام عليكم

وعليكم السلام يا حبيبي

*
*

هياااااااااام , مين جه يا هيام

مافيش حد جه يا ماماااااااا , ده خالد نَزَل عشان يصلي المغرب

طيب يا بنتي , هنقوم اني كمان عشان نصلي اااااااه ياني اااااه يا ضهري , الحمدلله

ايه يا ماما , في حاجة تعباكِ يا حبيبتي

لا يا بنتي ابدا , مافيش حاجة يا حبيبتي , قولتي لخالد يا هيام يديكي فلوس زيادة عشان تجيبيلك جزمة غير اللي اتقطعت منك في الشارع يا بنتي ؟

لالالالالا ما قولتش يا ماما , وبالله عليكِ ما تجيبله سيرة , سيبي خالد في اللي هو فيه يا ماما

يا بنتي ما ينفعش كدة , دي الجزمة دابت واتقطعت , انتي مخيطاها عند الجزمجي مرتين يا حبيبتي , مش هينفع تتخيط تاني

مين قال كدة بس يا ماما , ان شاء الله هينفع , اني هنلبسوا شبشبك وننزلوا بكرة للجزمجي اللي في الحارة اللي ورانا نخليه يخيطها وهنديلوا اتنين جنيي , مش بدل ما نروحوا نشتروا واحدة جديدة تدخلها في تلاتين جنيي بحالهمممممممم , خالد مش ناقص مصاريف يا ماما , خليه يعرف يحوش قرشين كويسين عشان يجيب شبكة حلوة لضحى

يا بنتي يعني هو تمن الجزمة اللي هيعطل الدنيا !!!!!! طب بنقولولك ايه , ما بلاش تحوشي مصروفك المرة دي وروحي هاتيلك جزمة جديدة

لالالالالالا انتي عارفة يا ماما اني بنحوش مصروفي عشان لما خالد ينجح السنة دي ويجيب امتياز زي كل سنة ندوه الفلوس اللي معايا كلها يجيب قميص وبنطلون جداد , الهدوم بتاعته قدمت اوي يا امي , ده بيخرج كل يوم وبيقابل ناس يامَا , بيصعب عليا اوي يا ماما لما نشوفه بالهدوم القديمة دي

ههه الله يكرمك يا هيام يا بنتي , يا سلاااااااام , ربنا عوضني عن قلة المال بولاد في قلوبهم حنية الدنيا , ربنا يرضى عليكِ يا بنتي ويصلحلك حالك انتِ وخالد اخوكِ ويفرح قلبي بيكو ياااااااارب

ويخليكِ لينا يا ماما ياااااااااارب ونعوضوكِ عن كل اللي شوفتيه والشقا اللي شقتيه عشانا

*
*
*
*

ايه ده ! ده الجزمجي قافل , توووووء وبعدين بقى !!! نسألوا الراجل البقال اللي جنبه هو قافل ليه , السلام عليكم

عليكم السلام , نعم يا بنتي

هو الجزمجي قافل ليه النهاردة ؟

والله يا بنتي اصله في المستشفى , عمل عملية وهيغيب عن المحل فترة

لا حول ولا قوة الا بالله , ربنا يشفي كل مريض , طيب يا حاج , متشكرة اوي

العفو يا بنتي

مممممم وبعدين بقى , مافيش جزمجي غيره في الشوارع اللي حوالينا , وعشان نوصلوا للجزمجي التاني , لازم نخرجوا ع الشارع العمومي توء , يعني نخرجوا بشبشب البيت بتاع امي ع الشارع برا !!!!! نعملوا ايه بقى , مافيش حل الا كدة

*
*
*

الحمدلله , الراجل الجزمجي فاتح , السلام عليكم

وعليكم السلام , أأمري

لو سمحت والله كنت عايزة نخيط الجزمة دي

ياااااااااه بس دي قديمة اوي

مممممم يعني مش هتنفع ؟

ان شاء الله تنفع , حاضر , من عنيا , اتفضلي اقعدي على ما نخلصوها

متشكرة اوي

*
*
*

اتفضلي يا انسة , الجزمة خلصت اهيه

الله يكرمك يارب , عايز كام

تلاتة جنيي

تلاتة جنيي !!!!!!! ممممم بس اني والله مش معايا غير اتنين جنيي

ولا يهمك , هاتيهم

اتفضل , كتر خيرك , يبقالك عندي جنيي

لالالالالا , خلاص , مش عايزه , اني خدت رزقي

كتر خيرك , السلام عليكم

وعليكم السلام , يااااااااه مسكينة والله البنت دي , فقيرة اوي , الغلابة كتير , يا مسهل ياااااااارب , وسع علينا وعلى عبيدك يااااااااارب

*
*
*

اما نقفوا ع الرصيف عشان نعدوا الشارع بقى , ايّوووووووووه العربيات كتير اوووووووي هنعدوا ازاي بس , ايه دددددددده ايّوووووووووووه دا احممممممممممد ايوة هو احممممممممد ده شافني وهدا العربية يااااربي قلبي بيدق بسرعة اوووووووي , يا خبرررر ههه ده وقف بالعربية ورفع حاجب وشاورلي بإيده عشان نعدي الشارع وبيشاورلي على سكة البيت ههه قصده نروح البيت دوغرررررري اما نعدوا الشارع طيراااااااااااااااان

*
*

مامااااااااا يا ماماااااااااااااااااااااا ههههههههههه

اهلا يا هيام , خيطتي الجزمة يا هياااااااااام

ههههه شوفته يا ماماااااااا شوفته

هو مين ده يا بنتي !!!!!!

احممممممممممد احمد يا ماما

يا خبرررررر ! وكلمك يا هياااااااااام ؟

لا والله يا مامااااااااا , ده شافني واني بنعدي الشارع وهو كان راكب عربيته واول ما شافني وقف العربية ورفع حاجب ونزل التاني وشكله كان متغاظ مني عشان لقاني في الشارع ههههه وشاورلي بإيده على سكة البيت عشان نطيروا ع البيت ههههههه

ايّووووووووه ومالك فرحانة كدة

اني !!!!! لالالا أأأ هنفرحوا ليه ! اني بس بنحكيلك ع اللي حصل يا ماما

طب وانتي ايه يا بنتي اللي طلعك ع الشارع العموووووووومي

الجزمجي اللي ورانا قافل يا ماما واضطريت نروح للجزمجي البعيد اللي بينا وبينه الشارع العمومي

طيب يا بنتي , ادخلي ارتاحي بدل ما انتي واقفة تتنفضي وتنهجي كدة

ههه ممممم حاضر يا ماما , ياااااااااربي اني فرحانة اوووووووووي , يبقى كدة احمد ناوي ع الخطوبة بصحيييييييح ياااااااااااااااه امتى بقى تظهر النتيجة ويجيب اهله ويجي يخطبني

*
*
*
*

مامي يا مااااااااااااامي هههههههه انتي فين يا ماميييييييييييييي

ايوة يا داليا يا حبيبتي اني هناااااااااا

هههههه مامي احمد نجح يا مامي , نجح وجاب امتياااااااااااااز

احمد ! احمد عادل سليم ؟

اومال يعني هيكون مين غيررررررررره ههههههه ايوة احمد يا مامي احمممممممممد

الله ! طب وانتي عرفتي منين يا داليا ؟

ههههههههه انا عارفة ان النتيجة هتبان النهاردة من الاسبوع اللي فات , الصبح بقى وانتي نايمة اخدت عربيتي وطرت على كلية التجارة وشوفت النتيجة بنفسييييييييييييي وكمان شوفت احمد ههه كان واقف مع مجموعة من زمايله وكانوا بيضحكو ويهزروا هههههه شكله فرحان اوووووووي

هو شافك ؟

لالالالا ههه كنت واقفة بعيد بعربيتي , وبعدين مشيت على طول قبل ما ياخد باله , وجيت على هنا عشان نفرحووووكِ اموووووووووه

ههههه ربنا يفرح قلبك يا ديدي يا حبيبتي , خلاص , نستنوا بقى اما نشوفوا هيعمل ايه وهيجي يخطبك امتى

هههههه ان شاء الله قريب يا مامي , اظن مالوش اااااااي حجة , الشهادة واخدها والحجاب ولبسته وما فيش غير المأذون بقى ههههههه

ههههه يا بنت اتحشمي شوية يا بنت , مممممم كله بأوانه يا داليا

هو ده اوانه يا مامي , المفروض يجي هو وعمو عادل يخطبوني رسمي النهاردة

هههه يا بنت اعقلي شوية , اكيد سعاد هانم هتتصل بينا وتبشرنا

مممم طيب ما تيجي نتصل بيها يا مامي ونباركلها

يا سلاااااااااام ! ولما تسأل عرفتوا منين نقولوا ايه يا ست داليا ؟؟؟؟؟؟؟

مممممم عادي , قوليها مثلا انك كلفتي حد من معارفنا يشوفهاله من الكنترول

لالالالالالالا ده كدة يبقى شكلنا وحش اوي يا داليا , معنى كدة اننا متلهفين عليه ومنتظرينه بفارغ الصبر , لالالالا ما احبش نكون في الوضع ده

ييييييي وبعدين بقى يا مامي ! ماهي لازم كمان تعرف اننا مهتمين بيه

مش كدة يا داليا , يعني , نستنى يومين تلاتة وبعدين نتصلوا نسألها احمد عمل ايه

يومين تلاااااااااااتة اوووووووووف وبعدين بقى

هههه يلا يا شقية على اوضتك , ده باباكِ لو عرف بللي عملتيه ده هيطير رقبتكككككك , ال تروح تشوف النتيجة لاحمد ال

*
*
*
*

عم مووووووووووووردي , نجحت يا عم موردددددددددددددددي ههههههههههههه اتخرجت خلااااااااااااااااااااااص

هههههه مبرررررررررررروك الف مليون مبروك يا احمد يا ابني , الف مليون مبرووووووووووووووووك ,مش ناقص غير العروسة بقى يا ابني هههههههه

ههههههه ان شاء الله يا عم موردي , قريب اووووووي ان شاء الله , خد يا عم موردي الخمسين جنيي دول حلاوة نجاحي ههههههههه

هههههه الله يخليك يا ابني ويوسع عليك , الحاج عادل فتح باب مكتبه اهو , مبروك للأستاذ احمد يا حاااااااااااج

انت جيت يا احمد ؟ ههههههه

اني نجحت يا حاااااااااااج نجحت ههههههههههههههههههههههه

هههه كنت عارف يا ولا انك هتنجح , انت طول عمرك بتنجح وعمرك ما سقطت ابدا ,هات كام صندوق ازوزة وفرق ع العتالين يا موردددددددددي

ههههههههه من عنيا يا حاج , يدوم الفرح يا رررررررررررررررررررررب

تعالى يا احمد معايا على مكتبي , عايزك في كلمتين

ههههه اني اللي عايزك في كلمتين يا حاج وما يتأجلوش

وماله , تعالى يا احمد

الاول , اطلب يا سيدي هدية نجاحك , عشان ما نحددوش حاجة وما تعجبكش

اني هدية نجاحي حاجة واحدة

اللي هي ؟؟؟؟؟؟؟؟؟؟

اني عايز نخطب

ههههههههههههههههههههههههه يوم المنى يا ولا , دا اليوم اللي بنتمناه طول العمر , والله كَبَرت يا احمد وجه اليوم اللي تقولي فيه اني عايز نخطب ههههههه مين هي يا احمد ؟

هيام اخت خالد صاحبي

ايييييييييييييييه !!!!!!!!!! بتقول ميييييييييييييييين !!!!!!!!!! انت اتجننت يا ولااااااااااااااااااااا

اتجننت ليه يا حاج !!!!!!!!!!!!

انت دريان بروحك وعارف انت بتقول ايييييييييييييه !!!!!!!!!!!

ايوة يا حاج , اني واعي لكل كلمة بنقولوها , اني عايز نخطب هيام اخت خالد صاحبي

اني كان قلبي حاسسسسسسس , من ساعة ما قولت ان في واحدة ومش هتقول هي مين دلوقتي واني قلبي بيقولي ان البت اللي حاطط عينك عليها تبقى اخت صاحبك الكحيان اللي اسمه خاااااااالد , ماهي لو كانت واحدة عليها القيمة كان زمانك قولت هي مين من زمااااااااااان لكن لأنك عارف ان اختيارك غلط كتمت سرك جوااااااااااااااااك

اني ما اخترتش غلط يا حاج , عارف ان هيام فقيرة وعلى قد حالها وفعلا عشان كدة ما قولتش هي مين , مش عشان اني خجلان من اختياري او لانها مش قد المقام , لالالالا , لان انا اللي ما كنتش فاضي نخشوا معاكو في معارك , كنت مستني نخلصوا دراستي عشان نتفرغ لموضوعي مع هيام واقنعكو بيها

وإن قولتلك لالالالالالالالالالالالالالالا , اني مش موافق على جوازك من البت دي , هتقول ايه ؟؟؟؟؟؟ هتتحداااااااااااااني !

استغفر الله يا حاج , اني ما نقدرش نقفوا قصادك , كل اللي هنعملوه اني هنقولوك اتفضل المفاتيح اهيه

ايه ده يا ولا !!!! مفاتيح ايه دي اللي حطيتها على مكتبي

مفتاح الشقة ومفتاح العربية ومفتاح مكتبي

بقى كدة يا احمد !!!!!!!!! يعني بتبيع ابوك عشان بت زي دددددددددددي !!!!!!!!

يا حاج , اني عمري ما فكرت نبيعك ولا نتخلى عنك , بالعكس , اني طول عمرك في طوعك وعمري ما فكرت نخالف أوامرك حتى لو على حساب نفسي , ضحيت بحلم عمري اني ندخل كلية الطب عشان نكسب رضاك وتعرف اني هنفضل طول عمري ابنك وخدامك اللي تحت رجليك , لكن ………… هيام …………. هيام لا , مش هنضحوا بهيام , اني هنسيبوا كل حااااااااااجة ونتجوزوا هيام ونشتغلوا أي شغلانة حتى لو بسيطة ونبدأو حياتي من جديد

للدرجة دي يا ولا بتحبها ؟؟؟؟؟؟؟ لدرجة انك تضحي بالمال والجاه عشانهاااااااااااااا

يا حاج , مش حكاية حب , لكن حكاية دفاع عن حق

حق ! أي حققققققققق

حقي في اني اعيش مع انسانة مرتاحلها , مع انسانة طيبة , , انسانة حنونة تعوضني عن حرماني من حنان امي

يا ابني , يا ابني اسمعني , اسمع نصيحة ابوك بعد سنين العمر اللي عيشتها دي كلهااااااااا , يا ابني ما تاخدش الجعاااااااااانة , ما تاخدش اللي اتربت ع الفقر والضنككككككككك , اللي زي دي عمرها ما هتشبع مهما حطيت بين ايديهااااااااااااااا , اسألني انااااااااااااااا , اللي شوفته من امك علمني كتيررررررررررررر

يا حاج , انت ما اختارتش على اساس الدين والالتزام , انت اخترت الجمال وما اهتمتش بأمر الدين , لكن اني ربنا يشهد اني اخترت انسانة اتربت على الدين والحلال والحرام والخوف من ربنا , واحدة هتربي ولادي صح ان شاء الله

انت بتحبها ؟؟؟؟؟؟؟؟؟

ايوة , لا عيب ولا حرام , اني صحيح حبيت هيام لكن ولا مرة اختليت بيها ولا فكرت نعمل زي الشبان الطايشة ونبعتوا كلام حب وغرام ولا هي كمان من نوعية البنات دي , هيام متربية بصحيح , رغم الفقر لكن غناها في اخلاقها وتدينها , اني مش هنسييوا هيام

……………………..…………………….. واني يا احمد مش هنظلموك اكتر من كدة , اني عارف انك ضحيت كتير عشاني , يا ابني اني كان نفسي نعوضك بطريقتي , كنت عايز نجوزوك واحدة برنسيسة مال وجمال وحسب ونسب عشان نعوضوك عن تضحياتك عشاني , لكن طالما انت شايف سعادتك مع اخت صاحبك , يبقى خلاص , على راحتك يا ابني , اني مش عايز نخسرك , عارف ليه يا ولا ؟

ليه يا حاج

عشان انت الحاجة الحلوة اللي في حياتي يا احمد , طول ما انت معايا اني بنطمن , حتى رحمة كل ما نفكروا اني ممكن نموتوا ونسيبوها في الدنيا الواسعة لوحدها , نرجع نقولوا لنفسي , لو اني مت , احمد موجووووود , وعمره ما هيضيع اخته ولا هيسمح لحد يمسها بكلمة ولا ياكل حقوقها , انت راجل , راجل بصحيح , واني بنحمد ربنا انه اداني ابن زيك

العفو يا حاج , اني ابنك وهنفضل طول عمري في طوعك , ربنا يديك الصحة ويخليك لينا

تعيش يا ابني , انت كلمت امك في موضوع هيام ؟؟؟؟؟؟؟

لا

طيب , تعالى معايا الفيلا , نتغدا سوا , ونفاتح امك في الموضوع

ماشي يا حاج

اني هنتصلوا بيها نقولولها تخلي شوقية تعمل حسابك ع الغدا

—————————————————–

ونكمل في الحلقة التاسعة والعشرون متنسوش تعلقوا علي الحلقة في صفحة مدام طاسة والست حلة

إلى اللقاء في الحلقة التاسعة والعشرون (الجزء الثالث)

بقلم الكاتبة: هبة نور

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى