الحلوياتمناسبات

طريقه عمل حلاوة المولد بجميع أنواعها بطريقة سهلة وبأقل التكاليف

 طريقه عمل حلاوة المولد بجميع أنواعها بطريقة سهلة وبأقل التكاليف
الفوليه والعلف والبندقيه واللوزيه والفستقيه وممكن جوز الهند الكبير او الصغير
نبدأ بـــــــــ(الفولية)
ملحوظة:وبنفس الطريقة والمقادير نعرف نعمل الفستقية والحمصية والسمسمية الخ…
-المقادير:
– 2 كوباية فول
– 1.5 كوباية سكر
-ثلاث أرباع عسل جلوكوز
-نص معلقة كبيرة ليمون
-نص م كبيرة ماء ورد(للي عاوز يضيفة يعني مش ضروري)
-نص معلقة صغنونة فانيليا

2015-12-20_104055
2015-12-20_104140
2015-12-20_104221
2015-12-20_104221
2015-12-20_104230

الطريقة:

– نحط الفول في حله لحد مايسخن نحمصه يعني (يبقي دافي مش نسخنه اوي)  نحط فى حله تانية على النار السكر وعسل الجلوكوزلحد مايدوب مع التقليب لحد مايبقي لونها عسلي زي الكراميل كده في لونها وقوامها  نستمر فى التقليب لحد مايبقي لونه أغمق شويه (بس مش يبقى لونه بنى كرااااميل كده) بعدكده نحط عليهم ماية الورد والليمون والفانيليا ونقلب تقليبه بسيطةوبعدين نشيله من على النار ونحط عليها الفول وهو دافي ونقلبة فيه  نكون مجهزين قوالب مدورة ستانلس ونضغط عليها بورق السليكون او بجوانتى حرارى ( لان المقادير سخنة ) نضغط عليها كذا مره  ونسيبها لحد ماتبرد وناكلها


سلسلة حلويات المولد النبوى الشريف
******************************
اولاالسمسميه
السمسميه والحمصيه والفوليه والفسدقيه واللوزيه والبندقيه نفس الطريقة باذن الله
المقادير
كوبايتين سمسم
كوب سكر
معلقه صغيره عصير ليمون
3معلقة سكر جلوكوز علشان الحلويات ماتسكرش
الطريقه
على النار هنحط السكر والميه اول ما يغلو نضيف عصير الليمون والجلوكوز
نسيبها تغلى لغايه اما تتقل
فى صينيه على النار نحمص السمسم او المكسرات اللي هتعمليها حوالي دقيقتين بس عايزنها دافيه
نبدا نخلط السمسم مع العسل بسرعه عشان مش يجمد ويبقى صعب الفرد
ندهن صينيه بالسمنه او الزيت ونفرد فيها الخليط السمسمية بالنشابة او بضهر معلقة مدهونة زيت هي هتتماسك بسرعةونساويه كويس ونضغط عليه بعد 2ق نقطعها بسرعه عشان مش تنشف لانها بتنشف بسرعه اوى احاول اقطعها وهي لسة طرية شوية علشان متتكسرش اثناء التقطيع
طبعا لما تبرد خالص تلفيها في ورق سلفان او كرين فل علشان الرطوبة

الملبن(راحه الحلقوم)
*******
المكونات
1/2 كجم سكر
6 ملاعق نشا
2كوب ماء
ملعقة أكل عسل كلوكوز
ملعقة أكل ماء ورد
فانيلا
عصير 1/2 ليمونة
التحضير:
1 و1/2 كوب من كمية الماء مع السكر على النار يحرك حتى يذوب السكر تماما + عسل الكلوكوز ويحرك على نار هادئة جدا لحد ما يعقد ويكون خيط رفيع بين إصبعي السبابة والإبهام (10 دقائق تقريبا) ثم يضاف عصير الليمون ويحرك ثم يضاف النشا المذوب بباقي الماء مع التحريك ويترك على نار هادئة لمدة 40 دقيقة مع التحريك كل شويةحتى يغلظ القوام وعند فحص قطرة منه في شوية ماء تتجمع القطرة ولا تنتشر وترفع فتكون الكرة طرية مش صلبة فيرفع عن النار ويضاف ماء الورد والفانيلاويصب في 2صينية مبطنة بورقة زبدة مرشوشة بجوز الهند الصينيه الاولى بنفس الخليط والصينيه التانيه نضع عليه لون احمرتوزع على الوجه مكسرات حسب الرغبة ويترك يبرد ويقطع أو يقص بالمقص وممكن يتبرد شوية في الثلاجة قبل قصه ويدحرج بجوز الهند مبشور ناعم وممكن بالنشا


اللديدة بالكراميل
*******************
المقادير
اولا صوص الكراميل
ربع كوب سكر +معلقتين كبااااار سكر
معلقتين كبااار مية
معلقة كبيرة زبدة
ربع كوب مية

اللديدة
*****
5 كوبايااات ونص جوز هند شرايح ( ضفر )
3 /4 كوب سكر
– نص كوب جلوكوز
ربع كوب مية
نجيب صينية فويل مقاس طول في عرض 29 * 19سم ثم نجهز الكراميل كسرولة صغيرة نحط
ربع كوب سكر والمعلقتين سكرومعاهم معلقتين ميةولما السكر يذوووب نعلي النار ونخليها متوسطة
عشان يغلي الكراميل وياخد لون دهبي نشيله من عالنااار ونحط المعلقة كبيرة زبدة ونقلب عشان تسيح كويس ونحط ربع كوب المية نرجع كسرولة الكراميل على نار هااديةيغلي لمدة دقيقة
في حلة ستنالس نحط السكر والجلوكوز والميةونقلب كويس لمدة 10 دقاااي قنحط صوص الكراميل اللي عملناه من البداااية عالسيرب المغلي نصب اللديدة بالكراميل في الصينية المدهونة زيت
نحط جوز الهند الشرايح اللي عايرناه ونقلب بمعلقة كويس عشان يتشرب الجوز الهند كل السيرب
ونساويها باسباتولا يعني نضغط عليها ونكبسها في الصينيةوندخل اللديدة الثلاجة ليلة كاااااملة تانى يوم نقطعها

الشكملة
********
المقادير :
2 كوب سكر
2 و 1/4 كوب شرائح جوز هند
1/3 كوب ماء
ملعقة أكل عسل كلوكوز
التحضير :
يحرك خليط السكر والماء وعسل الكلوكوز على نار متوسطة الى هادئة حتى يذوب السكر ويغلي المزيج فتخفف النار ويترك يغلي حتى يعقد ويكون خيط رفيع بين إصبعي السبابة والإبهام
ثم نضيف ضافة شرائح جوز الهندفيقلب على النار الهادئة حتى تتجانس المكونات ويرفع ويصب في صينية مبطنةمدهونه زيت ويسوى الوجه بظهر الملعقة ويترك يبرد تقريباويقطع حسب الرغبة


البسيمه
*******
المكونات
1 كوب كبير دقيق سميد
1 كوب كبير دقيق عادى
1 كوب كبير سكر
2 كوب جوز الهند
3معالق سمن
1 كوب لبن حليب سائل
1 م ص بيكنج بودر
فانيليا
مكسرات مجروشه
الشربات ( 2 كوب سكر- 2 ونص كوب ماء -ليمونه- فانيليا)
الطريقه
توضع المقادير كلها على بعض ( السميد – الدقيق العادى – السكر -جوز الهند -البودر – الفانليا)
ونضيف السمن ونخلطه كويس وبعدين نضيف اللبن ونعجن بس العجينه بتبقى تقيله من خفيفه
ونجيب صينيه ونحط فيها زيت ودقيق عشان مش تلزق ونجيب العجينه ونحطها فى الصينيه ونسويها كويس ونرش شويه جوز هندوعلى الوش حطى المكسرات اللى تحبيها
وندخلها الفرن 180 لمدة 35ق ولما تحمر نطلعهاونسقيها بالشربات البارد


الهريسه
********
المكونات
3 أكواب سميد
كوب جوز هند
كوب سكر
الفانيليا
1 م ص باكينج باودر
2 علبة زبادى أو 3 علب لو العلب صغيرة
2 ملعقة سمن أو زبدة
الحشو جوزهند وزبيب ومكسرات حسب الرغبة
الشربات : 2 ونصف كوب سكر + 3 كوب ماء + ليمونة + فانيليا
الطريقة
نجهز الشربات بوضع الماء والسكر على النار حتى الغليان ثم نعصر عليهم الليمونة ونتركهم دقيقة ثم نطفئ النار ونضع الفانيليا
نترك الشربات حتى يبرد
نضع السميد + جوز الهند + السكر + الفانيليا + الباكينج باودر ونخلطهم مع بعض
نضيف عليهم السمن وعلبتين زبادى ونعجن لو لقيناها لسه ناشفة نضيف القليل من الزبادى
حتى تصبح عجينة متماسكةنحضر صينية مقاس 28 سم وندهنها بالزيت ونفرد فيها نصف العجين
ونضع عليها جوزهند وزبيب ومكسرات نبلل اليد بالماء وننعم سطح الهريسة ندخلها الفرن على درجة حرارة 240 درجة لمدة 25 دقيقةونشقيها بالشربات البارد فور خروجها من الفرن

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى