قصة من واقع الحياة المؤلم! ويتساءل اعمل ايه؟؟!!

قصة من واقع الحياة المؤلم! ويتساءل اعمل ايه؟؟!!

قصة من واقع الحياة المؤلم! ويتساءل اعمل ايه؟؟!!

قصة من واقع الحياة المؤلم! ويتساءل اعمل ايه؟؟!!
انا متجوز جواز تقليدي وعندي ابن ومراتي حامل

بس انا ماكنتش بحب مراتي

ودورت على الحب ده بره ولقيته

حبيت واحدة وهي كمان حبتني اوي

المهم بعد فترة مراتي اكتشفت الموضوع مع اني كنت مركز اوي انها ماتعرفش

بس هي حست اني متغير بعد ماقالتلي انها حامل

وانا ماكنتش عاوز منها اطفال تاني

لأني كنت عارف اني مش هاكمل معاها حياتي

كان باين عليا ضيقي طول الوقت في بداية الحمل طبعاً التعب العادي بتاع الستات لما كانت بتقولي

تعبانة كنت بتضايق اكتر واقولها حد قالك عاوزين عيال تاني ماكنتيش حملتي واسيبلها البيت وانزل

المهم اللي حبتها فضلت مكمل معاها

وقررت اتجوزها حتى ولو حصل ايه

كان عيد ميلادها قرب عملتلها مفاجأة وجبتلها خاتم ومعاه دبلتين وهي فتحت العلبة وكانت مبسوطة

اوي وفهمت طبعاً ووافقت بس بشرط اني اطلق مراتي

لأنها عاوزاني لها لوحدها

بس انا مش عارف اعمل ايه

حاولت اقنعها تبقى زوجة تانية ومش هافرق بينهم وده اكيد لأني بحبها هي اكتر حد في الدنيا

رفضت وزعلت مني اني رافض طلبها كنت بكلمها برضه واحسسها اني بحاول ادرس الموضوع

 

مراتي لاحظت التغيير القوي ده عليا

وقالتلي بصراحة انت مش عاوزني صح؟
انا عارفه انك مش بتحبني

وعارفه كمان من فتره انك تعرف واحدة غيري

بس قولت يمكن لما أولد وتشوف ابنك التاني ربنا يهديك

قولتلها بس بس بطلي هبل واحده ايه وكلام فارغ ايه

صوتها ارتفع وقالت بطل كدب بقى

الكافيه اللي كنت عامل فيه مفاجأة للهانم

ادامه عيادة الدكتور اللي بتابع عنده اتفضل الروجتة اهي اقرأ العنوان كويس

حسيت وقتها اني في فيلم عربي قديم

قالت في اليوم ده نزلت من عند الدكتور شافت عربيتي ادام الكافيه

وكملت وهي بتعيط انها فكرت اني جاي اخدها

قالتلي كنت فكراك جاي تاخدني وحسيت انك غلطان علشان بتعاملني وحش

من ساعة ماعرفت اني حامل مع اني عارفه انك مش عارف مكان الدكتور بس قولت يمكن شوفته من الروجتات والتحاليل اللي موجوده على

التسريحة

ودخلت علشان ادور عليك بس اللي واقفين هناك قالولي احنا اسفين يافندم مافيش مكان لأن الكافيه محجوز النهاردة لحفلة

وحتى قالي لو حضرتك حابة تستفسري عن الحفلات والحجوزات اتفضلي العروض كلها هنا اداني الأعلان ده اتفضل علشان تصدق اكتر

اخدت الاعلان ده وفضلت مستنيه بره على سلم عيادة الدكتور اللي ادام الكافيه اراقب قولت يمكن بتجامل حد من اصحابك

لحد ماطلعت انت والهانم من الكافيه واصحابها

وكله بيسلم عليكم وبيقول مبروك وكل سنة وانتي طيبة

مسكت نفسي علشان اقدر ارجع البيت وعديت اخدت ابنك من عند ماما وروحت

بس كده كفاية بقة انا طاقتي خلصت عيش حياتك اللي اختارتها وانا ماشية وسيبالك البيت وطلقني

 

بس انا ماكنتش عارف اقولها ايه اسيبها تمشي علشان اعرف اتجوز الانسانة اللي بحبها

ولا اضحي بحبي واعيش مكسور علشان ابني واللي جاي

 

مراتي سابت البيت وماحكتش حاجة لأهلها قالت اتخانقنا بس بدون تفاصيل وانا قولتلهم خليها عندكم تريح اعصابها شوية وأنها مشيت بمزاجها

 

المشكلة الأكبر من كده ان لما حبيبتي عرفت قالتلي دي فرصتك انك تطلقها ونتجوز احنا

سمعت كلامها بقلبي غصب عني وقررت اطلقها وكلمت اهلي ووضحتلهم كل حاجة ومكانشي عندهم اي اعتراض

لأن اللي يهمهم في الاول والاخر سعادتي

 

اهل مراتي بعتولي انهم عاوزين يخلصوا اجراءات الطلاق والاتفاقات بسرعة

عرفت من عم مراتي حاجة قالي بكل برود وسخرية

عرفت ان مراتك تعبانة وعلشان كده قولت تطلقها بدري وتشوف حياتك هي دي الرجوله في نظرك؟؟

قولتله تعبانة ايه هي كل واحده حامل تبقى اسمها تعبانة :/

قالي حامل وعندها سرطان ومش بتتعالج واتنرفز عليا لدرجة انه كان هايمسك فيا ويضربني

مشيت وسيبت المكان وانا مصدوم من الكلام اللي اتقال سرطان ايه وازاي

رجعت البيت اشوف اي ورقة او اي تحليل من الموجودين مالقتش حاجة حبيت افهم اكتر سرطان اييييييييه

اتصلت بمراتي ماردتش اتصلت بحمايا رد اول حاجة قولتلها سرطااااان ايه اللي عند بنتك

قالي هي رفضت تعرفك وقتها ومصرة تفضل ساكتة وماتقولش اي تفاصيل

خلص اجراءات الطلاق يابني احنا مش ناقصينك

وقفل !!

 

انا محتاااااااااااااااااااااااااار

ارجعها واعيش معاها لانها صبرت على الالم وماكنتش بتقولي علشان ماازعلش

ولا اطلقها

اهلي قالولي يابني هي تعبانة والسرطان اخره موت او لو اتعالجت هايسيب اثر

نصحوني اعيش حياتي واتجوز من جديد وهي ربنا يتولاها ويشفيها وتربي ولادي

انا مش عارف اعمل ايه

ارجعها

ولا اتجوز واعيش حياتي

اعمل ايه؟؟!!

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *