مسلسل خلف هذه الجدران الحلقة الرابعة عشر (الجزء الرابع)

الحلقــــ(14) ــــة ” من مسلسل “خلف هذه الجدران ” (الجزء الرابع)

**********
**********


تررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررن

ايوة يللي ع الباب جاااااااااية

استني انتِ يا اعتماد , اني اللي هنفتح , روحي انتِ اعملي شيّ للضيوف

حاضر يا حاج

اهلا يا عادل

ههه السلام عليكم , ازيك يا حامد

وعليكم السلام اتفضل

ازيك يا عم حامد هههههه

…………………………………………………….

ايه يا عم حامد , مش هتسلم عليا؟ , اني مادد ايدي

لا مش هنسلموا عليك يا ادهممممممم , عشان اللي عملته ده مش عمايل رجاااااااااالة

اني جاي اني وابويا عشان نعتذر ونوضحوا الصورة

ادخل يا ادهم , بنستقبلوك في بيتي اكراما لابوك وعشرة العمر اللي بينا

على العموم تُشكر يا عم حامد , اتفضل علبة الشيكولاتة

ما كانش له لزوم

ازاي بقى !

متشكرين , اتفضل

متشكر يا عم حامد

*
*

ازيك يا حامد , واحشني

ربنا يخليك يا عادل

رغم ان الزعل لسة باين عليك وده من حقك بس برضو متشكرين على الاستقبال ههه

اهلا بيك يا عادل

اهلا بيك انت يا حامد

ازي احمد وازي حاله ؟

احمد ! حاله يحزن , حاله حال الشوم

اعوذ بالله يا اخي , ليه بس كدة ؟

يعني انت مش عارف يا حامد ! الولا بقاله سنة متجوز والبت برضو لا حملت ولا باين عليها هتحمل , فلوس ضايعة ع الدكاترة وخلااااااص , كل شهر نسألوه يقولي بتتعالج , مش عارف هنستنوا لامتىىىىىىىى

يا عادل الصابرين بخير , وطالما الولا راضي وصابر على مراته تنغص عليه عيشته ليه انتتتتتتت

ننغصوا عيشته ! هنقولولك ايه بس يا حامد , اللي ايده في المية مش زي اللي ايده في النار , المهم خلينا في المفيد , اني جاي لسببين , السبب الاولاني هو اعتذار ادهم ليك , اعتذر يا ادهم لعمك حامد

ممممم مع ان مش طبعي نعتذروا لحد بس هنعتذروا عشان عيون ضحى , اني اسف يا عم حامد , حقك عليا , اني ما كنتش نقصد وربنا , الانسة ضحى فَهَمت غلط

فهمت غلط ! والصح ايه بقى ؟؟؟؟؟

استنى انت يا ادهم , ما هو ده السبب التاني يا حامد اللي جايين عشانه ههه اني عايز نخطب ضحى لادهم ابني , قولت ايه ؟؟؟؟؟؟؟؟؟؟؟؟؟؟؟؟؟؟؟؟؟؟

تخطب ضحى !!! اني بنتي مخطوبة يا عادل

سامع يا ابويااااااااااااااا , مخطوبة يعني ايييييييييييييييه ومخطوبة لمييييييييييييييين وامتى حصل الكلام دددددددددددددددددده

استنى انت يا ادهمممممممممم , اني بنتكلممممممم , بنتك مخطوبة من امتى يا حامد ؟

بنتي مخطوبة من سنين يا عادل

انت ما قولتليش الكلام ده قبل كدة

ونقولولك ازاي قبل ما نعلنوا الخطوبة !!!!!! ماحدش يعرف الموضوع ده الا اني وام ام امير والعيال , لكن قريب هنعزموك على كتب كتاب بنتي

مخطوبة لميييييييييييييييين اني عايز نعرف مين اتجرأ وخطبهاااااااااااااااااااا

اهدا يا ولا يا ادهممممممم , ما تعليش صوتك كدددددددددة

اني ماحدش حاسس بيااااااااااااااااااا

اتخطبت لمين يا حامد ؟

للباشمهندس خالد اخو هيام مرات احمد ابنك

لخالد !!!!!!!

خالد اخو مرات احممممممممممممممد الجربوووووووووووووووع هو ده اللي هتجوزه لبنتك وفضلتوه عليا يا عم حاااااااااااامد

ما تغلطش يا ابن عاااااااااااادل , خالد مش جربووووووووع , خالد مهندس محترم وابن ناس طيبين , الولا ده زي ابني وما نقبلوش عليه كلمة سواء في حضوره او في غيااااابه , والكلام لحد كدة انتهى , بنتي مخطوبة يا عادل وربنا يرزق ابنك بعروسة بنت ناس طيبين احسن من بنتي

مبروك يا حامد , يلا يا ادهم , السلام عليكم

يا راجل اقعد لسة هنشربوا الشيّ

مالوش لزوم يا حامد , مرة تانية , يلا يا ابني

*
*

الشيّ يا جماعة

اوعي من وشي انتِ كماااااااااااان

ايّووووووووه ! ايه الولا الشراني ده ! ماله خارج زي الصاروخ كدة !!!!

حطي الشيّ عندك يا اعتماد وروحي ناديلي ضحى وام امير وهاتي صنية البسبوسة هههههه

ههههه الله يفرح قلوبكو يا حاج حامد ويكفيكو شر العدوين اللهم آمين

*
*
*

معلش يا ادهم يا ابني , ما تزعلش , اذا كنت نويت ع الجواز خلاص اني هنختارولك عروسة بنت ناس ومافيش في جمالها كمان ههه سيبك من بنت حامد

………………………………………………………………………………….

يا ولا مالك نازل ع السلالم شارد كدة ومش معايا وكأني بنكلموا نفسي

……………………………………………………………………….

يا ولا رد عليا يا ولا تووووووء , انت بتحبها اوي كدة يا ادهم ؟؟؟؟؟؟؟؟

…………………………………………………………………….

طب يلا , وصلني المينا وروح انت شوف شغلك , حط همك في شغلك وانسى البت دي , يا ولا استنى اما نركبوا يا ولاااااااااااااا , ولا يا ادهممممممم انت يا ولاااااااااا , الولا ركب عربيته وطار بيهاااااااااا توووووووووء , ناخدوا تاكس وأمري لله

*
*
*
*

ترررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررن

الو

ايوة يا هيمااااااااااااا اني ادهمممممممممممممممممم انزل قابلنيييييييييييييي

في ايه يا ادهم !!!!!!! حاجة مزعلاك ولا اييييييه

ايّوووووووووووووووووووه اني مش عايز رغي كتيررررررررررر اني مستنيك تحت العمارة بتاعتك انزل بسرررررررررعة

طيب طيب يا ادهم , اني نازل , يا ورررررردة يا ام مهججججججججججة

نعمين يا سي براهيم ؟؟؟؟؟؟؟

سُكي ع الغدا , اني نازل

نازل رايح فين من غير شر ؟

هنقابلوا واحد صاحبي عايزني ضروري

طب خد صاحبك وروحوا صلوا العصر الاول قبل ما القعدة الحلوي تاخدكو وتنسيكو فرض ربكو

ايّوووووووووووووووه يا شيخة ما تشوفي حالك وتسيبينا في حالناااااااااااا , صلاة صلاة صلاااااااااااااة زي ما تكوني متجوزة واحد من الكفار وجاية تهديييييييييييه , سلااااااااااااااااااام

لا اله الا الله , كل دي عشان بنقوله صلي العصر ! الله يسامحك يا حماتي , فيها ايه يعني لو كانت شدت عليه في موضوع الصلاة من وهو صغير !!!! اعمل معاه ايه الراجل ديه !!!!!! لا صلاة ولا عبادة , عايش ياكل ويشرب ويخرج مع اصحابه , مستهيألي كدة لو بِعِد عن اصحابه دول ممكن يعني يبقى كويس , لكن هيبعدوا ازاي ! دول لازقين في بعض بغِرا

*
*
*

بقى ابوها قالكو ان البت مخطوبة

اني هنتجنن يا هيمااااااااااااا هنتجنننننننننن امتى الولا ده خطبهااااااااااااا امتىىىىىىىىىىىى

وهو يعرفها منين اصلا يا ادهم ؟

الولا اللي ما يسواش ده بيشتغل عند ابوهاااااااااا الحافي الجعااااااااااااان , يبقى صاحب الزفت اخوياااااا , جه عندنا مرة زمان في الفيلا وكان شكله زي الشحاتييييييين هدوم قديمة وجزمة مهربدة وشنطة مخيطة من كتر القطع اللي فيهاااااااااااا اني وامي طردنااااااااااه وقولناله اياك تيجي هنا تاااني وفي الآخر فاكر نفسه بني ادم عشان اتخرج من كلية الهندسة ورايح يخطب ضحىىىىىىىىىىىىىىى

وازاي ابوها يقبل بولا زي دددددددده

زي ما ابويا قبل يجوز اخويا لاخت الجربوع دددددددده , خلاااااااااص افتكروا انهم بني ادمين وحطوا راسهم براسنااااااااااااااااا

خلاص بقى يا ادهم , يبقى مالاكش نصيب في البت , دور على غيرها , البنات يامَا

ندوروا على غيرهاااااااااااااا ! انت اللي بتقول كدة يا هيماااااااااااااا !!!!!!! انت اكتر واحد عارف قد ايه اني بنحبوا ضحىىىىىىىىىىىىىىىىىىىىىى , انت اكتر واحد عارف اني كنت بنعد الايام والليالي ازاي عشان السنين تعدي ونخطبوهاااااااااااااا , جاي تقولي دلوقتي دور على غيرهااااااااااااااااا

ايّوووووووه ! يا ادهم اني حاسس بيك بس هنعملوا ايييييييييه , البت اتخطبت لواحد تاني

وانت فاكر اني هنسكتتتتتتتتتتتتتتتتتتت , الولا ده خلاص , اني هنخلي رجالتي يخلصوا عليييييييه

انت اتجننت يا ادهمممممممممم ! انت عايز تودي نفسك في داهييييييييية

اومال نسيبوهاله يا هيمااااااااااااااااااااااااااااااااااااا !!!!!!!!!!!!

اني ما قولتش تسيبهاله , لكن بالعقل يا ادهممممم , مش بالدمممممممم

عقل !!!!! اني مابقاش فيا عقل يا هيمااااااااااا ما بقاش فيا عقققققل

طب اهدا بس , تعالى نروحوا الكازينو اللي ع البحر نتفرجوا ع الرقاصة الجديدة ونفرفشوا شوية ونتكلموا بالهدااااااااوة

رقاصة !!!!!! اني ماليش نفس لحااااااااااجة اني عايز ححححححل والا هنفذوا ونخلي الرجالة يقطعوه بالمطاووووووووووي

طب بس بس , اني عارف ان كلامي هيريحك وهتخرج من الكازينو وانت مفرفش هههههههههههههه سيب الحاجات دي لهيما وما تشلش هم يا برنسسسسسسس

*
*
*

تررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررررررررن افتحوا يللي جوااااااااااااااا

افتحي يا بت يا بدووووور سامي جه يا بت

حاضررررررر حاضر جاية يا سي ساااااااااااامي

ههه ازيك يا سامي يا حبيبي

اووف ازيك انتِ يا بدارة

الطف يا لطيف , مالك يا ولا

مخنوووووووق , اوسا فين

اهي قاعدة بتتفرج ع التليفزيون جوا , والبت نورهان يادوب اكلتها ونيمتها

طيب يا حبيبتي , اني داخل لاوسا , معلش هنشخطوا فيكي شخطتين , انت يا بت انتتتتتتتتتِ غوري حضري العشاااااااااااااااا

ايّووووووووووووه بالراحة عليا يا سي سااااااااامي , هنحضرووووووووه هيهي

*
*

مساء الخير يا اوسااااااا

اهلا يا سامي , مساء النور , ماااااااااالك

اوووووووووووووووووووووووووووووف

كل دي نفخة يا ولا ! هههههه باين الموضوع كبير اوي , ادخل غير هدومك واني هنطفوا التليفزيون ونحصلوك

ماشي

*
*

ايه يا سامي , مالك

ابويا يا ستي , جه النهاردة وبهدلني اخر بهدددددددددددلة , هات الدفاتر , وريني الحسابات , هات مفاتيح المخازن عشان نجردوهاااااااا , لما خلا روحي في مناخيرررررررررري

ايّووووووه ! وهو ماله بيعمل كدة زي ما تكون شغال عنده ! دانت صاحب المحل وانتِ اللي شايله على دماااااغك

تقولي ايه بقى !!!!!! زي ما يكون حد ملا دماغه من ناحيتي وخلاه يجي يعمل اللي عمله ده , بس هو مين المؤذي ابن ال ………. اااااااخ مش عارف

عندك حق وربنا تزعل وتضايق اكتر من كدة كمااااان , على ايه يعني ده كله ! على حتة محل لا طَلَع ولا نَزَل ! اومال لو كان سايبلك الابعاديات كان عمل فيك ايه !!!!!!!

اني والله الدم بيغلي في عروقي وبنفكر نسيبوله المحل مطربق على اللي فيه يا بت يا اوسااااااا

اوعىىىىىىىىى اوعى تعمل كددددددددددة

ليه ! خليه يوريني بقى هيشغل المحل ازاي من غيرررررررررري

انت لو عملت كدة يا سامي هتلاقي اخواتك واجواز اخواتك هما اللي ماسكين المحل , مش بعيد من الصبح تلاقي فؤاد جوز كاميليا وشوقي جوز احلام هما اللي ماسكين الادارة وبيأمروا وينهوا

اومال نعملوا ايه يا بت

خد ابوك بالساسية يا ساااااامي , ما تححسوش انك زعلت انه عمل كدة , قوله ان المال في الاول والآخر ماله وهو حر فيه وانت شغال عنده , خليه يطمنلك يا ولااااااا , احنا مش عايزين نخسروا ابوك

اووووووووووف هنستحمل لحد ما نشوفوا هترسي على ايه , لا وكمان اللي يغيظ اكتر , انه اليومين دول ملموم على كاميليا واحلام وعاملين زي السمن ع العسل , حتى قالي انه بكرة معزوم عند كامليا وكمان احلام وجوزها وولادها معزومين

ايّووووووووه ! معزوم عند كامليااااااااااا , الحق يا ساااااااامي , اكيد العزومة دي وراها حاجة ومش لوجه الله ابداااااااااااااا

تقصدي ايه يا اوساااااااااا

اكيد اخواتك جايبين اجوازهم ومتجمعين مع الراجل الكبير ده عشان يضحكوا عليه بغدوة ويمضوه على تنازل عن المحل والعماااااااااااارة

يا نهارهم لون شعرهمممممممممممممممم !!!!!!!!!!! طب ايه رأيك اني بكرة هنروحوا نهجموا على بيت كاميليا ونطربقوا الدنيا على دماغهممممممممممم اني مش هنسكتتتتتتتتت

لالالالالالا مش كدة يا سامي , بالهداوة يا ولاااااااااا , بص اسمع مني وانت تكسب

قولي يا اوسااااااا

انت بكرة الصبح تتصل بكامليا اختك وتجر معاها نااااااااااااااااااعم وووو …………………………

*
*
*
*

ههههههههه شايف يا ادهم الرقاصة اللي زي العسل دددددددي

ايّووووووووووه سيبك من الرقاصة وقولي هنعملوا ايه مع ضحىىىىىىىى

طب اشرب , خد الكاس ده من ايدي , ما تكسفنيش هههههه

أيّووووووووووه , باين عليك سكرت ودماغك خفت ومش هنعرفوا نتكلموا معاك يا هيماااااااا

ههههه اني ما سكرتش , انت عارف اني ما بنشربش كتير , قولتلك مراتي بتصلي واني ما نحبش ندخلوا البيت واني سكران ونحسسوها بحاجة

لا عندك احساس اوي

ههههههههههههههههههههههههه من بعض ما عندكم , بص يا ادهم اني هنقولك تعمل ايه بس الكلام في سرك , خطة بقى ما تخرش المية هههههه بس يلزمنا فيها واحدة ست ثقة كدة وبنت حلال زيك هههههههه

ست ! طب فهمني الاول وبعدين نشوفوا مين بنت الحلال اللي هتساعدنا

بص يا سيدي

*
*
*

هااااااا , ايه رأيك في الخطة ؟

خطة حلوة , اول مرة كلامك يدخل دماغي تووووء , بس صعبة

مش صعبة ولا حاجة , لو الست اللي اخترناها لعبت دورها صح , يبقى الموضوع هينجح مية المية , هاااااا , اخترت مين عشان تساعدنا

ودي عايزة كلام , اختي اوسا طبعا ههههههههه

هههههههه ونعم الاخوات , تحس ان انتو راضعين لبن تعبان

ما تحترم نفسسسسسسسسسسك انت بتغلط في اميييييييييي !

يا عم حد جاب سيرة الست الوالدة دلوقتي ! اني بس بنمدحوا ذكائكو واتحادكو ففعل الخير ههههههههههههههههههههههههههه , هتكلم اختك امتى

بكرة , اني ماليش مزاج نتكلم النهاردة مع حد

ماشي , يلا بينا بقى

يلا يا هيما , طيب يا ضحىىىىىىىىىى ان ما علمتك الادب ما ابقاش اني ادهمممممممممممم

*
*
*

تررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررن

الو

ههههههه ازيك يا كاميليا يختي

مين !!!!

هنكونوا مين يا بت , اني سامي اخوكِ

سااااااامي ! ههه وليه كدة يعني ! خير يا سامي

اني زعلان منك بصريح العبارة وواخد على خاطري منك يا كاميلو

زعلان مني اني ! ليه يا سامي ؟

بقى يا بت , اوسا مراتي تولد والبت عندها سنتين دلوقتي , ما تقوليش اروح ابارك لمرات اخويا وننقطوا العيلة الصغيرة ونعملوا الواجب !!!!!! دي اصول برضو يا كامليا !!!!! يبقى نزعلوا بقى ولا ما نزعلوش يا بت ؟

بنقولولك ايه يا ساااااامي , اني جيت فرحك اني وامي واحلام اختي , واتشتمنا واتبهدلنا وامك فرجت علينا الدنياااااااا , عايزني نيجي نباركولك في بيتك عشان المرة دي نتطردوا من ع السلالممممممممم !!!!!!

اخص عليكِ يا بت , ما يبقاش قلبك اسود , دي عاركة وحصلت بين امي وامك في فرحي , مالنا احنا بقى بالعداوة اللي بين الكباااااااار , امي مالهاش حكم على بيتي , انتِ تيجي في أي وقت يا بت , ده بيت اخوكِ يا عبيطة , ايه رأيك تيجي تتغدي عندي النهاردة انتي والعيال ؟؟؟؟

هههه الله يخليك يا سامي , خليها مرة تانية يا خويا , اصل النهاردة ابويا معزوم عندي وكمان احلام وجوزها وعيالها

اخص علييييكِ , اتاريكِ بت ناقصة بصحيح , اني كدة زعلت بجد , بقى تعزمي الكل يا بت الا اني !!!!!!!!!

هههه يا خويا انت تشرف في أي وقت , اني بس اللي كنت فاكراك واخد جنب ومش عايز تعرفنا وخصوصا يعني لما كنت زعلانة مع جوزي وانت ما رضيتش تيجي مع ابويا عشان تصلح ما بينا

طب شوفوا الظلم بقىىىىىىىى ! يا بت اني لما عَرَفت ان فؤاد زعلك ماكنتش قادر نمسكوا اعصابي والدم كان بيغلي في نفوخي وحَلَفت لنقطعوه بسنااااااااااني , وقولت في نفسي ازاي يزعل اختي الجدع دددددددده , هو مش عارف هي تبقى اخت ميييييييييين , لكن اوسا بقى الله يخليها هي اللي قالتلي اوعى تروح يا سامي لترتكب جناااااااية , اصلها كانت شايفاني زعلان اوي عليكِ يختي

يا حبيبي ياخويا ! ان شالله تسلم من كل وحش يا سااامي اهئ اهئ اهئئئئئئئئئئ ربنا يخليك ليا يا خويااااااا اهئ اهئئئئئئئئئئئ

بتعيطي ليه دلوقتي يا بت !!!!!!!!

اهئ اهئ اهئ مش مصدقة روحي ان بقى ليا اخ نتسندوا عليه , هو سؤالك عليا ده شوية يا سامي ! ولا كلمة وحشتيني يختي دي تسوى قليل ! اهئ اهئئئئئئ ان شالله ما اتحرم منك ياااااااارب

طب بس بقى عشان ما تخلنيش ندمع اني كمان , اسمعي يا بت , من النهاردة الود هيتصل مهما حصل يا عسسسسسل ههههه اني هنجيبوا اوسا والبت نورهان ونيجوا نتغدوا عندك النهاردة واهي فرصة تشوفي البت وتفرحي بيها

هههه يا خويا ده نهار الهناااااااا , يا الف اهلا وسهلاااااااا , هتنور يا سامي انت ومراتك وبنتك وربنااااااااا , دي احلام هتفرح فرحة الدنيا لما تشوفك

ههههه تعيشي يختي , ربنا يخليكو ليا , مش عايزة حاجة نجيبوهالك واني جاي ؟

ههههه عايزة سلامتك يا ابو نورهان العسل يا عسل انت هههههه سلام يا خويا

سلام , داهية تاخدك يا شيخة وتريحني , اني نعملوا زي النسوان كدة ونقعدوا نحايلوا الاشكال دددددددي ! الله يسامحك يا باااااااااا , فيها ايه لو كان كتبلي المحل والعمارة وريحنييييييييييي

*
*
*

حامد , انت هتتصل بخالد وتقوله ع المعاد اللي اتفقنا عليه ؟

ايوة , هنتصلوا بيه دلوقتي عشان الولا مستني

ماشي يا حامد , خلينا نجوزهم ونخلصوا بقى

هههههه زهقتي من ضحى ؟

نزهقوا من ضحى ! نزهقوا من نن عيني وروح قلبي ! ههه اني بس يا حامد عايزة نفرح بيها بسرعة وعشان ابن عادل سليم يقطع العشم

ربنا يصلح الحال يا سميرة , هنطلبوا الولا خالد عند الجيران اهو

*
*

ترررررررررررررررررررررررررررن تررررررررررررررررررررن

الو

ايوة يا حاجة السلام عليكم

وعليكم السلام

اني كنت عايز خالد , قوليله الحاج حامد

حاضر يا حاج , هنادوا عليه , خليك ع السماعة

مستني يا حاجة

*
*

يا خاااااااااااالد , يا خااااااااااااالد

*

ايوة يا خالتي ام حسسسسسسسسسسسن

انزل يا ابني , الحاج حامد عايزك ع التليفوووووووون

الحاج حااااااااامد ههههههه اميييييييي , اني نازل نرد ع الحاج حااااااااامد

هههههههه انزل يا باشمهندس وهات الخبر اللي يفرح وتعالى فرحنييييييييي

*
*
*

السلام عليكم يا خالتي ام حسسسسسن هههه

وعليكم السلام يا باشمهندس هههه السماعة اهيه

متشكر , السلام عليكم يا عمي حاااااامد

ههه وعليكم السلام يا باشمهندس , انت ان شاء الله تشرفنا انت والحاجة ام خالد وهيام اختك وجوزها يوم الجمعة ان شاء الله بعد صلاة العشا

يوم الجمعة الجاااااااااااااية ؟

اومال يا ابني الجمعة اللي فاتت ! هههه

هههههههههه ربنا يخليك يا عم حاااااااامد ربنا يخلييييييييييك

هههههه في انتظارك يا خالد يا ابني وعلى فكرة امير ابني جاي يوم الخميس ان شاء الله , يعني هيكون موجود في الاتفاق

ههههههه يوصل بالسلااااااااامة , اني والله مش مصدق نفسي يا حاج

ههههه طب روح بقى يا ولا دلوقتي عشان اني نازل نشوفوا شغلي

ههههه بالسلامة يا حاج , ربنا يخليك لينا يااااااااارب

متشكر يا خالتي ام حسن يا وش الخير انتتتتتتتتتِ ههههههه

ههههه انت فرحان اوي كدة ليه بعد ما كلمت الراجل ده يا ابني ؟

ده ابو العروسة يا خالتي ام حسسسسن

والله ! ههههه يا الف نهار ابيض يا ابني , والله فرحت قلبي , ربنا يتمم بخير يااااااارب

الله يخليكِ يا خالتي ام حسن

لكن العروسة حلوة ؟

هههههه قمر يا خالتي ام حسن , ادعيلي بس ربنا يتمم بخير

يارب يا ابني , انت طيب يا خالد وتستاهل كل خير , والعروسة دي امها داعيالها

هههه ربنا يخليكِ يا خالتي ام حسن , اني نطلع نفرح امييييييييييي

اطلع يا ابني , فرحها , طول عمرها يا عيني شقيانة عليكو وعاشت تستنى يوم تفرح فيه , ربنا يتتمملك بخير يا خالد ويرزقك بالذرية الصالحة يا هياااااااااام

**********
**********

امييييييييييييي يوم الجمعة يا امييييييييييييي يوم الجمعة

هههههه هو ايه يا ولا اللي يوم الجمعة ؟

هنرحوا يا امي نخطبوا ضحىىىىىىىىىىىى ههههههه

هههههه يا الف نهار ابيض يا حبيبي اموووووووووه , يارب تمم على خير ياااااااارب , هو الحاج قالك ايه ؟

قالي يوم الجمعة يا امي بعد العشا نكونوا عندهم ان شاء الله وكمان الكابتن امير هيكون موجووووود

ههه طب الحمدلله , تلاقيهم يا ولا حددوا المعاد ده عشان يكون ابنهم موجود

حقهم يا امي , والحمدلله انه جاي اليومين دول وإلا كانوا هيقولوا استنوا شهر ولا شهرين على ما يجي هههه الحمدلله

هههه خير يا حبيبي , تعالى قولي بقى هنجيبوا ايه ونعملوا ايه ونسوّوا ايه في اليوم ده ان شاء الله

*
*
*
*

اني نازلة اني وسامي يا بت يا بدووووووور

ما تغبيش يا ست اوسا عشان نورهان بتوحشني

اني كنت عايزة نسيبوها بس نعملوا ايه , عماتها الحنينين بالأوي عايزين يشوفوها

ههههه دول هياكلوها اكل من حلاوتها

الله اكبر في عينككككككك هتحسديلي البتتتتتتتت

اني نحسدوا نورهان ! طب دي بنتي اللي ما خلفتهاش وربنا , مش كدة يا نورهان امووووووه ههههه هتوحشيني اموووووه , مع السلامة يا سي سااااااااامي

الله يسلمك يختي , يلا يا اوسااااااااا

اني جاية اهو , اجي الاقي الشقة زي القشطططططططة , اياك اجي الاقي معلقة ع الحوووووووض

واني من امتى بس بنخلوا مواعين ع الحوض يا ست اوسا ! طب داني نضيفة من يومي

طب يا نضيفة , ابقي اعمليلي كيكة يا بت عشان بنحبوا الكيك بتاعك اوي

من عنيا يا ست اوسا , باي باي يا نورهان

باي

ههههه يا خلاسي يختي , بتقول باااااي و عسل يختي عسل , ماشاء الله عليكِ , سلام يا ست اوساااااا

*
*

تررررررررررررررررررررررررررررررررن تررررررررررررررررررررررررن

ايّووووووووه مين اللي بيتصل , عايزة نشوفوا ورايا ايه , تلاقيها واحدة من صحاب اوسا اللي ارفينا طول النهار , الووووو

ايوة , اديني اوسا يا بت

انت مييييين ؟

هنكونوا ميييييييين ! اني ادهم اخوهااااا

اهلا يا سي ادهم , الست اوسا نَزَلت

نَزَلت !!!!! نَزَلت راحت فين

معزومة برا عند اخت الاستاذ سامي

اووووووووووووووف وهترجع امتىىىىىىىى

ما نعرفش والله

طيب , هنتصلوا بيها تاني بالليل تكون رَجَعت , سلااااااااام

الله يسلمك , عايزها في ايه ده ! وماله حامي كدة وبيتكلم وهو ارفان ! يا سلام كل لسان بيعبر عن صاحبه صحيييح , الاستاذ احمد لما بيتَصَل بيتكلم بكل ذوق وانسانية , ربنا يرزقه بالذرية الصالحة , راجل طيب , اني بنستغرب ده اخو اوسا وادهم ازااااااااي !!!!!! يا سلام لو كان عندي اخ ززززيه !!!!

*
*

اني هنوقفوا العربية هنا يا اوسا عشان ناخدوا كام كيلو فاكهة للبت كاميليا , حار ونار في جتتهااااااا

روح يا سامي , مضطرين نهاديها , نعملوا ايه ! بنقولولك ايه , هات اتنين عنب واتنين موز وكفاية اوي كدة

مش قليل يا بت يا اوسا ؟

لا قليل ولا حاااااااجة هما هينهبونا ولا ايييييييه

اني بنقول ناخدلهم تفاح وتين بالمرة

لا تفاح ولا تين , كفاية الموز والعنب , من كل صنف اتنين كيلو وخلصنااااااا

طيب , خلاص , ماشي

هئ هئ

بس اسكتي يا نورهااااان , اسكتي يا حبيبتي , امووووووه هههه حبيبة ماما يا ناااااااس

*
*
*

هههههه يا الف مرحب , منور يا سامي يا خويا

الله يخليكِ يا كاميليا هههه

منورة يا مرات اخويا , وريني القمرة دي ههههه

خدي يا حبيبتي , روحي لعمتك يا نورهان

يختي يختي ع العسل يختييييييييي امووووووووه , طب اتصدقي يا اوسااااا , فيها شبه كبير من احلام اختي

يختي الف بعد الشر على بنتييييييييي , ايه الفال الاسود ددددددده , احلام ايه ام ضب دي كماااااااااان

احلام اختي بضب !!!!! اللهم اخزيك يا شيطان , نفسي اشتمها بس لساني متحاش , مهما كانت في بيتي , منورة يا اوساااااااااااا

بوجودك يا حبيبتي

اومال ابويا ماجاش ليه يا كامليا , وفين احلاااااااام

هههه زمانهم جايين , وفؤاد هيقفل المحل ويجي كمان , يا الف اهلا وسهلا

ترررررررررررررررررررررررررن تررررررررررررررررررررررررررررررررررن

دي تلاقيها احلام دي هههههه قلبي بيحس بيها , اما نروحوا نفتحلولها جايالك يختيييييييييي

شايف اختك والدهب والسلاسل اللي لابساها يا ساااااامي

طب وماله

وماله ده اييييييه , فوق لمالنا اللي بيتنهب يا سااااااااااامي , اكيد ابوك اللي جايب الدهب ده كله

يا اوسا طب وابويا يجيب الدهب ده كله لييييه ! جوزها اللي جايب

جوزها !!!!!! وهو جوزها هيهون عليه يجيب الدهب ده كله !!!!!! منين يا حسرررررررة

لالالالالا فؤاد شغله ماشي حلو اوووووووي

يا خويا انت بتصدددددددق , اني قلبي بيقولي ان ابوك هو اللي جايب الدهبببببب , يقرطم علينا ويسرسب عليهمممممممممممم

طب اسكتي اسكتي لحد يسمعنا ويقولهمممممم

اديني سكت اهو , هو اني قولت حاجة !!!!! بس الموضوع ده ما يتسكتش عليه ابدااااااا

*
*

ازيك يا اخلاام يختي هههههه

هههه ازيك يا كامليا امووووووه امووووووه , سامي جه

ايوة جه , خشوا يا عياااااااااال سلموا على خالكو ومرات خالكو وبنت خالكو

هييييييييييييييييييييييييه خالي سامي اهووووووو خالي سامي اهوووووووووووووو

هشششششش هشششششش هش يا ولا انت وهووووووووو , عايزين اييييييييييه

تكون امهم باعتاهم ياخدوا منك فلوس يا سامي اوعى تديلهم , كفاية الموز والعنب

عندك حق , ازيك يا ولا انت هو , انت اسمك ايه

اسمي اسامة يا خالي وده اخويا محمد ودي اختي سهى

هههه ماشي , اطلعوا العبوا برا يا كتاكيت

طب نبوس البت الصغيرة يا خااااااالي

خليهم يبوسوها يا اوساااااااااا

ايّووووووووووووه , هيجيبوا للبت العيااااااااا , اني قولت ما نجيبوهاش معاناااااااا

ازاي بسسسسسس ! هما عايزين يشوفوهااااااااا

خد يا عسل انت وهو بوسوها بس بشوووووووويش دي متستحملش دي يا دوب عندها سنتين مش حمل عجول زيكووووووو

اموووووووه دي حلوة اوي يا مرات خالي هههههه هي اسمها ايه

اسمها نورهان , هات بقى يا حبيبي واخرجوا العبوا برا , اومال فين امكوووو ؟

امهم جت اهيه ههههه ازيك يا مرات اخويا , حمدالله ع السلامة يا اوسا والف مبروك البت يا مرات اخويا

الله يبارك فيكِ يا احلام , مع انك وحشة وما جتيش تباركي , بنت اخوكِ عندها سنتيييين وماهانش عليكِ تيجي تبصي في وشهاااااا

هههه واحنا لسة فيها يا مرات اخويا , خدي ال 100 جنيي دول لنورهان يا ام نورهان

ههههههه تعيشي يا احلام

ودي هديتي اني يا مرات اخويا , حلق دهب عيار اربعة وعشرين لنورهان , اول ما سامي كلمني وقالي انه جاي ومعاه نورهان قولت وربنا لنجيبوا للبت حلق دهب حلاوة زيارة اخويا ليا هههههههه

هههههه هاتي يا حبيبتي , ما كنتش عارفة ان معرفتكو حلوة كدة وبتدوا دهب وفلوس ههههههه , مش كدة يا سامي ؟

هههههه متشكرين اوي والله يا جماعة , ما نجيلكوش في حاجة وحشة

بس البت مالها خاسة وعدمانة كدة يا اوسا ! مش كدة يا كاميليا

ايوة والله , اني كنت لسة هنقولوا كدة , انتِ ما كنتيش بترضعيها طبيعي ولا ايه ؟

لا , كانت رافضة ترضع , عايشة ع اللبن الصناعي

ايوة يختي بس الصناعي مافيوش إذا للعيل

يعني نعملوا ايه يا احلام ! نصيبها كدة بقى

تررررررررررررررررررررررررررررررررررن ترررررررررررررررررررررررررررررررررررررررررررررررررررن

افتحوا لجدكو يا عيااااااااااااال , اكيد هو اللي ع البااااااااااب

*
*
*

السلام عليكم , الله !!!!! سامي هنا واوسا كمان !!!!!!!!!!

هههههه ونورهان كمان يا عم مرشدي , سلمي على جدك يا بت يا نوراااااااااا

اهلا يا نورهان هههه ازيك يا حبيبة جدك امووووه , اومال يعني ما قولتليش انك جاي يا سامي

هههههه قولت نعملوهالك مفاجأة يا ابا

يا ترى جاي ليه يا ابن توحا !!!!!!! ربنا يكفينا شر دماغك ودماغ مراتك ممممممم فين جوزك يا بت انتي وهي

زمانهم على وصول يا ابا ههههه منورين يا جماعة والله , ان شالله دايما متجمعين في الخير يا اخواتي يا حبايبي

*
*
*

كلي يا اوسا , خدي صدر الفرخة دي ما تكسفنيش ههههه

واني هنكسفوكِ ليه ! هاتي يا حبيبتي هاااااااتي ههههه

ههههه بالهنا الشفا , كل يا سامي , خد يا اخويا ورك البطة اهو هههه كل ما تتكسفش , البط والوز والفراخ واللحمة قدامك , كل وفرح اختك ههههههههه

ههههه هناكل ونفرحوكِ حاضر , اني بناكل وبنهبر اهو , فرحانة يا كامليا ؟ ههههه

ههههه تسلم يا اخويا , يفرح قلبك يارب يا سامي يا خوياااااااا , كل يا اباااااا كل بالهنا والشفا

اكلي جوزك يا بت , اني بناكل

بالهنا والشفا يا ابا , خدي يا احلام ادي لجوزك , منور يا جوز اختي

بوجودك يا كامليا , اتناولي الطبق بتاع الفراخ من اختك عشان بعيد يا احلااااااااام

اهو يا شوقي , كل , مطرح ما يسري يمري

منور يا حمايا , منور يا شوقي, شرفتنا يا سامي , مرحب يا ابو نسبببببببب هههه

هههه الله يخليك يا فؤاد يا جوز اختي

شايف اجواز اخواتك بياكلوا زي المفاجيع ازاي ! طبعا ما هو مال سايب , تلاقي ابوك اللي صارف ع العزومة دي ومكلفهااااااااا

ابويا !!! وابويا هيصرف ع العزومة ليه ؟

اومال عايز تفهمني ان جوز اختك هو اللي صارف !!!! مش شايفه بياكل ازااااااي ! اكل واحد مش شقيان ولا دافع مليمممممممم

طب ما احنا كمان بناااكل , وبعدين انتِ ماسكة ورك فرخة وخلصتي الصدر اللي كامليا ادتهولك غير عضم البط اللي قدامك وبواقي اللحمة وفي نفس الوقت عينك اللي بياكلوه ! طب ما تشوفي انتِ واكلة قد ايه

اني مش بناكل فجعة , اني شبعانة وعيني مليانة , اني بناكل عشان خسارة نسيبولهم الاكل دددددده , كل يا ساااامي

اني بناكل اهو لما حاسس اني هنطرشق من جنابي اااااااه يا بطني , مش قادر ناكل تاني

كل ياسامي كل بلا مش قااااادر , احنا لو سيبنا الاكل هياكلوه همااااااا , احنا اولى يا ساااااااامى , ده مالنا وشقانااااااااا

اني بناكل اهو يا اوسا , حد يجيبلي فوار عشان حاسس الاكل كابس على مرواحيييييييي

ههههه من عيني يا خويا , هو انت كلت حاجة!!!! , بالهنا والشفااااااا هنجيبولك الفوار من عيني

واني كمان يا كامليا الله يخليكِ عشان مش قادرة

من عنيا يا اوسا ههههه بالهنا والشفا يا مرات اخويا

اومال نورهان بنتي فين ؟؟؟؟؟؟

البت مع ولاد عماتها بيأكلوها ويلاعبوها

طب اوعي تقع من ايديهممممممم

لا ما تخافيش , قولتلهم ماحدش يشيلها لتقع , لالعبوها ع الأرض , ما تخافيش يا اوسا , اني نخافوا على بنت اخويا زي ما نخافوا على عيالي وربنا

قلبك فيه الخير يا كامليا , الحقيني يا ختي بالفواااااااار

*
*
*
*
*

دي اوسا وسامي رجعوا اهو , اني سَمَعت صوت عربية سامي , اما نروحوا نفتح

*
*

خد يا سامي شيل البت

بنقولولك ايييييه , اني مش قادر نشيلوا نفسيييييي , الاكل كابس على مرواحي مخليني مش قادر نتفسسسسس

ليه يعني ! وانت كنت كلت حاااااااجة !!!!!! يادوب بطة وفرختين وكام حتة لحمة , وده اسمه اكل برضو

طب اسكتي بقى لنرجع في وشككككككك

وعلى ايه , اديني سكت , نشيلوا البت على قلبي وامري لله , اني عارفة نامت ليه دي كمان اااااخ ياني , طب افتح باب الاسانسير ولا مش قادر كمااااااان

هنفتحوه اهو , ادخلي يختي ااااااااه يابطنيييييي

اهلا اهلا حمدالله ع السلاامة هههه مالك يا سي سامي !

اااااااه مش قادر بطني هتنفجرررررر

هههههه باين عليك تقلت في الاكل , بالهنا والشفا , حمدالله ع السلامة يا ست اوسا

الله يسلمك , خدي شيلي البت ونيميها في سريرها

اسم الله يختي اسم الله امووووه , نمتي يا نورهان من غير ما نقولولك تصبحي على خير يا بت ! ههههه تصبحي على خير يا حبيبتي وعلى سعد وهنا يارب اموووووه

*
*

هههههه سامي نورهان نامت

لا بنقولولك ايه , ابعدي عني الله يخليكِ

والله فهمتني غلط , اني كنت هنسألك ايه رأيك في شقة اختك

شقة اختي ؟

مالها الشقة ؟

مش واخد بالك يعني ان الصالون جديد ولسة بشوكه

وانتِ مالك بشوكه ولا بعضممممممه !!!!!!

اكيد ابوكِ اللي جايبه

ايّووووووووووووه , يعني نروحوا نخطفوا ابويا ونخبيه تحت الأرض عشان تصدقي ان مش هو اللي بيجيب لاخواتي كل حاااااااااااجة

انت بتكدبني يا سامي ! حقك عليا , بكرة تقول اوسا قااااااالت , ان شاء الله لما ابوك يموت وتلاقي كل حاجة في ايد اخواتك تعرف قيمة كلاااااااامي

ااااااااااااه اني مش قادر نتكلم وربناااااااااا , ارحميييني ااااااااااه اني قايم نتمشى شوية عشان اللقمة تتهضممممممم

*
*

ست اوساااااااااااا تن تن

ادخلي يا بت يا بدور

اني نسيت نقولك ان اخوكِ ادهم اتصل مرتين وعايزك ضروري وبيقولك اطلبيه في الشركة هو مستني تليفونك

ادهم عايزني ! طب ناوليني التليفون اما نكلموه يا بت يا بدور

*
*

اتفضلي اهو

هاتي يا بت

تررررررررررررررررررررررررررررررررررررررررن ترررررررررررررررررررررررررررررررررررررررررررررررررررن

الو

ايوة يا ادهم

ايه يختيييييييي , كل ده بتتطفحي عند اخت جوزكككككككككك

ههههههه لسة داخلة من شوية وربنا , مالك , البت قالتلي انك اتصلت مرتين

عايزك ضروري

مممممم عايزني في ايه ؟

مش هينفع في التليفون , اني هنعدي عليكِ بكرة نتكلموا براحتنا عشان الموضوع عايز قعدة

هههههه وماله , نستنوك بكرة , ابقى هاتلي معاك حاجة حلوة , اوعى تدخل بايدك فاضية لنزعلوا منك وربنا

واني من امتى يا بت بنيجي عندك وايدي فاضية !!!!! هو سامي بينزل ع المحل الساعة كام ؟

سامي مالوش مواعيد , بس ما بيتأخرش عن عشرة

خلاص , عشرة ونص نكونوا عندك

طب مش تفهمني بخصوص ايه ؟

قولتلك ما ينفعش في التليفووووووون , سلااااااااام

الله يسلمك مممممممم باين الموضوع كبير اوي , اكيد بخصوص احمد وفلوسنا اللي ناهبها هو والسنكوووحة , ربنا يخلصنا منه ومنهاااااااا ااااااه عايزة ننام مش قاااااادرة , اني هننامو يا ساااااامي

بالهنا والشفا يا اوساااا أأ قصدي تصبحي على خيرررررر ااااااااه

مالك يا سامي ماشي زي الست الحامل كدة ؟ هههههههه

بس يا بدارة الله يخليكِ مش قادر نهزر , منك لله يا اوساااااااا

هههه وهي اوسا هي اللي اكلتك الاكل ده كله

ايووووووووووة كل ما نقول شَبَعت تديني تااااااااني وتقول خسارة فيهم الاكل ومش هنسيبوووووووووه

ايّووووووووووووه ! اكل استخسار يعني !

ايوة ايوووووووة ااااااااااااه

طب احسن تستاااااااااهل , خليك كدة رايح جاي للصبح , اني داخلة ننااااااام

بقى كدة يا بت يا بدااااااارة , روحي اغليلي نعنااااااااااااع

ماشي , ما هي طاعة الزوج واجبة

بس يا بت زوج ايه هتودينا في داهية ااااااااااااه

*
*
*
*

ها يا اوسا , قولتي ايه ؟

ممممممم هتدفع كام يا ادهم عشان ننفذولك الموضوع ده ؟

هتاخدي مني فلوس يا اوساااااااا

اومال هنعملولك موضوع زي ده ببلاش يا ادهم ! الحق ما يزعلش يا اخويا

هندوكِ عشرين الف

شوية

اومال عايزة كام يا اوساااااااااااا

هناخدوا خمسين الف جنيي , نصهم قبل ما نعملوا حاجة والنص التاني بعد ما ننفذوا اللي انت عايزه

……………….. موافق

هههه كدة تمام , اتفقنا يا برنس

**********
**********

تررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررن

السلام عليكم

هههههه وعليكم السلام يا هيام يا بنتي يا حبيبتي


ههه اهلا يا ماما , ازيك وحشتيني

انتِ كمان يا بنتي وحشتيني اووووووووي , اني عندي خبر هيفرحك اوي يا هياااااااااام

خير يا ماماااااااااا

يوم الجمعة ان شاء الله هتيجي معانا انت واحمد عشان نخطبوا ضحى لخالد

بجدددددددددددددددد ؟؟؟؟؟؟؟؟؟؟ ههههههه ماشاء الله , والله فرحتيني يا ماما , مع اني زعلانة من خالد

ليه يا بنتي كفالله الشر

عشان يا ماما لا اتصل ولا قالي انه نجح وجاب امتياز ولا اهتم يعرفني , لولا انتِ قولتيلي ما كنتش عَرَفت

لالالالالالا اخص عليكِ يا هيام , خالد يا حبيبتي ما يقصدش , هو بس متلخبط من يوم نجاحه هههه فضل قاعد مستني مكالمة من الحاج حامد عشان يعرف المعاد اللي حددوه وبعدها قالي يا امي اني هنتصل بهيام عشان نقولولها على المعاد وتروح معانا هي واحمد , بس اني قولتله لا , اني اللي هنتصل ونفرحوا هيام , ولا اني مش مالية عينك يا بت ؟ ههههه

ههه ايه اللي بتقوليه ده يا ماما ! انتِ نور عنينا والله , وطالما خالد كان ناوي يتصل يبقى خلاص , اني مش زعلانة

اوعي يا حبيبتي قلبك في يوم يشيل من خالد , دانتو مالكوش الابعض يا هيام

اني يا ماما قلبي يشيل من خالد اخويا ! اني بس بنتكلموا من عشمي , على قد غلاوته على قد ما اخدت على خاطري يعني , خالد غالي عندي اوي يا ماما والله

وانتِ كمان غالية عنده , طب والله يا هيام ساعات الاقيه سرحان ونقولوله سرحان في مين يا خالد , يقولي في هيام يا امي , نفسي ربنا يكرمها بحتة عيل يفرحها ويفرحنا معاها

اني عارفة يا ماما حنية خالد , ربنا يكرمه يارب ويتمله فرحته على خير

اللهم آمين يا بنتي , تكوني عندنا يوم الجمعة من بدري يا بت وتتغدي معانا انتِ وجوزك

اني هنعدي عليكِ يوم الخميس يا ماما عشان ننزلوا نشتروا عباية حلوة ليكِ

عباية ايه يا بنتي ! اني عندي والله , انتِ جيبالي اتنين واحمد جايبلي تلاتة بحالهم , اني هنعملوا ايه بده كله يا بنتي

ههه طب خلاص , بس على فرح خالد ننزلوا نجيبولك عباية جديدة يا ام العريسسسسس

هههه ان شاء الله يا حبيبتي , ان شاء الله على فرح خالد نسمعوا خبر حملك وتبقى الفرحة فرحتين يا بنتي ياااااارب

آمين يا ماما , ادعيلي بالله عليكِ

ادعيلك ! انتِ يا بت بتوصيني !!!!!! هو اني ورايا اللي الدعا ليكِ ولاخوكِ ولجوزك !!!! ربنا يطمن قلبي عليكو كلكو يا بنتي

ربنا يخليكِ يا ماما , طب بقولك ايه اني هنقولوا لاحمد يجيب تورتة وجاتوه من محل كبير ما تخليش خالد يشيل هم الموضوع ده

ههههه والله ده كلام بينك انتِ واخوكِ اني ماليش دعوة

طيب يا ماما هنخلي احمد يقوله , كفاية كدة يا ماما , تلاقيكِ رجلك وجعتك من وقفة الشارع

طيب يا حبيبتي , هنستناكو ان شاء الله , نشوفكو على خير مع السلامة يا حبيبتي في رعاية الله

الله يسلمك يا ماما , مممممم نكلموا احمد نقولوله

*
*
*

ترررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررن

السلام عليكم

وعليكم السلام يا حبيبي

ههههههه كنت لسة هنطلبك يا حبيبتي , بس كنت بنخلص شوية شغل ع الكمبيوتر

ههه اني سبقتك بقى , خالد اخويا هيخطب ضحى يوم الجمعة ان شاء الله

هههه عرفت , لسة متصل بيا واديتله كلمتين في جنابه عشان ما قاليش انه نَجَح وجاب امتياز , قعد يا ستي يتحجج ويقولي اصل كنت عايز اسمعك بدل الخبر الحلو خبرين ههههه ربنا يتممله على خير

آمين يا احمد

مممممم هتفضلي مكتئبة كدة كتير ؟؟؟؟

اني !

لا امي هههه وبعدين بقى يا بت انتِ , على فكرة دمك بقى تقيل اوي , اني كدة هنتجوز عليكِ واحدة مفرفشة عشان تفرفشني معاها وتنسيني الهم

اهئ اهئئئئئئئئئئئئئئئئئئئ اني عارفة ان اليوم ده هيجي ومش متفاجئة بكلامك

لا حول ولا قوة الا بالله , ايه يا هيام يا حبيبتي , اني بنهزر معاكِ وربنا , كدة برضو يا هيام ! اني يا بت نتجوز عليكِ !!!!!!!! انتِ اتجننتِ !!!!!!!!!

اهئ اهئئئئئئ الزن ع الوادن أمر من السحر واني عارفة ان ابوك مش راضي عني اهئ اهئئئئئئئ ده حتى ما بيرضاش يجي عندنا اهئ اهئئئئئئئئئ زي ما يكون مش عايز يشوفني اهئ اهئئئئئئئئئئئ

تووووء هيام ما تبقيش حساسة كدة بالله عليكِ , ابويا مشغول والله , يا دوب بيخلص الشغل ويروح , هيجي امتى بس !

يا سلام ! اهئ اهئئئئئئئ ولما عزمناه في رمضان وما رضيش يجي ؟

معلش , اصل هو بيحب يصلي التراويح في الجامع اللي قريب من الفيلا , بيرتاح للشيخ اللي هناك

اني عارفة انك بتحاول ما تحسسنيش بكره اهلك ليا اهئ اهئئئئئئئئ

يا هيام يا حبيبتي ابويا مش بيكرهك والله , هيكرهك ليه بس يا بنت الناس !

اهئ اهئئئئئئئ عشان مش قادرة نفرحك بحتة عيل

لا حول ولا قوة الا بالله , يا حبيبتي انتِ بتتعالجي واني املي في ربنا كبير , ان شاء الله ربنا هيكرمنا , فرفشي بقى يا بت انتتتتتِ ما تبقيش غلسسسسة ههههه , يعني الواحد هيلاقيها منك ولا من المينا ومشاكل المينا ولا من امي ومن مين بس ههههههه اني بنقول هيام دي حبيبتي اللي بتخفف عني , النص الحلو اللي بيحلي الدنيا في عنيااااااا , تقومي تكئبيني يا بت !!!!!!!!

ههههه

هههههههه ايوة كدة اضحكي يا قمر , عاملالنا ايه ان شاء الله ع العشا ؟

ممممم لسة ما عملتش

ايوة يختي ادلعي براحتك , ماانتي لو جوزك شديد وبيدخل يجيبك من شعرك ويقولك فين العشا يا ست انتِ , كان زمانك عملتيلي حسااااااااب ههههه

ههههه والله مطلعة الفراخ من الديب فريزر وقولت هنعملوا عليهم صنية بطاطس

فضل ونعمة يا ستي الحمدلله , ما تنسيش الرز المحمر بتاعك وطبق السلاطة اللي هووووو هههههه

هههه من عنيا يا حبيبي

ههه طيب يا حبيبة قلبي , مش عايزة حاجة نجيبوها معايا واني جاي ؟

عايزة سلامتك يا حبيبي , استودعك الله الذي لا تضيع ودائعه , السلام عليكم

وعليكم السلام يا حبيبتي

تن تن استاذ احممممممد

اتفضل يا عم موردي

الحاج عادل عايزك

حاضر , هنروحوله يا عم موردي

اااااااه

عم مووووردي , مالك بعد الشر

ابدا يا ابني ,عيني مزغللة وعندي صداع وحاسس اني مش قادر نقف على رجلي

ايّووووووه , طب وجيت ليه بس النهاردة يا عم موردي

انت عارف يا ابني ان الحاج عادل ما بيستغناش عني , نعملوله كوباية شيّ ولا فنجان قهوة ونضايفوا الزباين ااااااه

لالالالا ما ينفعش كدة , انت باين عليك تعبان اوي , خلي حد من السواقين يوصلك لحد البيت , ولازم تروح عند الدكتور يا عم موردي , خد دول خليهم معاك

لالالالا يا ابني , دكتور ايه وبتاع ايه , شوية ونبقى كويس ان شاء الله

طب والله ابدا , خد المبلغ ده وهنخلي حد يوصلك وما تجيش المينا الا لما تبقى كويس وزي الحصان

كتر خيرك يا ابني , طب نستأذنوا من الحاج عادل

لالالا اني هنبلغوه , اتفضل انت يا عم موردي وخلي حد من السواقين يوصلك وقوله ان اني اللي قولت كدة

الله يكرمك يا احمد يا ابني , الله يرزقك بالذرية الصالحة ويباركلك في اهل بيتك اللهم آمين

*
*
*
*

تن تن يا حاج

ادخل يا احمد

السلام عليكم

وعليكم السلام عملت ايه في الشحنة بتاعة حمدي الصاوي ؟

الرجالة بيحملوها ع المركب يا حاج

قيدت الشغل الاخراني ع الكمبيوتر

ايوة طبعا , اني كل حاجة بنقيدها وكل عميل له ملف

طيب تمام , انت سَمَعت ان اخو مراتك هياخد البت بنت حامد مندور؟

ايوة , خالد متكلم عليها من زمان

يعني انت عندك علم ؟

ايوة طبعا , انت عارف يا حاج ان خالد صاحبي ومش بيخبي عني حاجة

ممممم وعندك علم ان ادهم اخوك كان رايد البت دي ؟؟؟؟؟؟؟؟

ادهممممممممممممممم !!!!!!!!!! ادهم كان عايز يتجوز ضحى ؟

ايوة , واتقدمنا فعلا لحامد مندور , لكن رفض وقال ان البت مخطوبة

اني ما عنديش علم بالكلام ده , ولا خالد كمان يعرف , على العموم يا حاج الجواز قسمة ونصيب

ايوة , بس اخوك زعلان اوي

يزعل ليه بس !

بيحبها , القلب وما يريد بقى

ممم بيحبها !!!!! على العموم كل واحد بياخد نصيبه , وهي من نصيب خالد , خالد كمان متمسك بيها

ايوة , وابوها موافق ومرحب بالولا , مع ان كان عشمي انه ما يرفضش طلبي ولا يكسر بخاطر ابني

يا حاج ما تزعلش من عم حامد , اني قولتلك ان خالد متفق معاه من زمان انه ياخد ضحى , عم حامد والحاجة ام امير كمان مرحبة بخالد والعروسة موافقة , والجواز قايم على القبول بين الطرفين , واذا كان على ادهم ربنا يكرمه بواحدة غيرها قريب ان شاء الله

طيب , كل واحد ينام ع الجنب اللي يريحه , يا موووووووردي

عم موردي مَشَى يا حاج

مَشَى ! مَشَى راح فيييييين وازي يمشي من غير اذنييييييييي

اني قولتله يمشي يا حاج عشان لقيته تعبان اوي ومش قادر يقف

توووء كان نفسي في كوباية شيّ

ههههه اني نعملولك من عنيا

انت اللي هتعمل الشيّ ؟

ههه ايوة , فيها ايه يعني يا حاج ! اني نطول ان الحاج عادل سليم بنفسه يشرب كوباية شيّ من ايدي ! ههههه

هههه الله يكرمك يا احمد

*
*
*
*

صباح الخير يا ست سعاااااااد صح النوووووووووووم

صباح النور يا شوقية , عادل مَشَى ؟؟؟؟؟؟؟؟؟

هو انتِ ما حستيش بيه وهو قايم من جنبك ؟

حسيت بس ما اعرفش انه خارج بدري , يا دوب صبّح عليا وما شوفتش وشه تاني

معلش , اصل باين عليه كان مستعجل اوي , حتى ما فَطَرش

تررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررن

طب افتحي الباب يا شوقية دي اكيد توحا اختي

وانتِ عرفتي منين انها الست توحا ! انتِ حلمتي انها هتزورنا النهاردة يا ست سعاد ؟

لا يختي , اتصلت بيا بالليل وقالتلي , وروحي افتحي ما تسيبيهاش واقفة الوقفة دددددددي

من عنيا حااااااضر , جاية يا ست توحاااااااااا

اهلا يا ست توحا صباح الورد ع الورررد

ايه يا بتتتتتتتت ! سنة سايباني نهاتي ع الباب ونرنوا الجررررررس

معلش , الفيلا واسعة ويادوب على ما جيت يمة الباب يا ست توحا , اهلا وسهلا , يا الف مرحب

طب خدي يا بت جبتلك جلابية حلوة جاية من الحجاز

وايه اللي جابها من الحجاز ؟

واحدة جارتي كانت في العمرة , جابتهالي هدية , بس ما عجبتنيش قولت نجيبوهالك انتِ اولى

تعيشي يا ست توحا انتِ وجيرانك , الا ما فكرتيش تاخدي الست سعاد وتطلعي عمرة يا ست توحا

نطلعوا عمرة ! عشان مرشدي اول ما يلاقيني مش موجودة يبعزق فلوسه على كُوكب وبنات كوكببببببب !!!!!

طب ما تاخديه معاكِ

ناخدوه فييييين , طَلَع الحج اربع مرااااااااات

ماشاء الله عقبالنا يااااااااااارب , خليكِ انتِ يا ست توحا حارسة الحج مرشدي وفلوسه

مش كدة يا بت برضو ؟ سعاد اختي فين ؟؟؟؟؟؟؟؟؟

اهي قاعدة منورة السريبشن اهيه

اسمه الشريبشن يا بتتتتتتتت بطلي جهل جاتك نصيييييييبة

ههههههههههههههه يا توحا الف مرة اقولك اسمه الريسبشن , الريسبشن يا بت فضحتيناااااااا

ايّوووووووووووه , طب يا سعاد يا تربية الخواجات ههههههه اني عارفة بتجيبوا الكلام ده منين !

ههههه اني حفظتها من الهوانم اللي بيجوا هنا يا بت يا توحا , اول مرة عملنا حفلة جم الهوانم واني بعبطي بنقولولهم تعالوا نقعدوا في الصالة , راحت واحدة بصالي من فوق لتحت وقالتلي قصدك الريسيبشن يا مدام هههههه قولتيلها ما اني كنت هنقولوا كدة بس حسيت انك ما بتعرفيش انجليزي هههههههه بصتلي بغيظ وكانت هتاكلني هههههه اتاريها بتشتغل مترجمة فورية ومعاها تلات لغات ههههه

يختي هتعمل بيهم ايه التلات لغااااااااات ! نسوان فاضية

اقعدي يا توحا , حضريلنا الفطور يا بت يا شوقية

حاضر من عنيا يا ست سعاد

عاملة ايه يا سعاد وازي العيال

اسكتي يا توحا داحنا في هم يختي بقالنا كام يوم وما رضيتش نقولك في التليفون

الشر برا وبعيد يختي , هم ايه يا سعااااااد

الولا ادهم كان عايز يخطب البت بنت سميرة جنيدي

ايّووووووووووووووه ! سميرة جنيدي ! وايه اللي لمه عليهاااااااا

ابدا يختي , روحنا نزوروهم من سنين طويلة وكانوا العيال صغيرين , بس من ساعتها والولا ادهم عقد دماغه ع البت دي , وتقولي مافيش غيرها في الدنياااااا

طب ما تخطبوهاله زي بعضه , رغم اني ما بنطيقوش سميرة جنيدي ولا اختها كريييييييمة

ومين سمعك يا توحا يختي , اني كمان ما نحبهومش وربنااااااا , بس قولت نتنازلوا لجل عيون الولا

طب اومال ايه اللي حصل يختي ؟

عادل خد الولا وراح يخطبله البت يقوم الراجل ابوها خاين العشرة والعيش والملح يقوله البت مخطوبة ويقهر الولاااااااااااا

الهي ما يتملهم فرح البُعداااااااا , يرفضوا ادهم ابن اختييييييي !!!!!! هي سميرة جنيدي نسيت اصلها ولا ايييييييييه , ايه يعني ابوها كان اكبر تاجر دهب وكان عندهم الخدم والحشممممممم , احنا كمان ما احناش شوووووية , انتِ مرات عادل سليم وحش المينا وانا مرات الحاج مرشدي تاجر الماني فاتورة المتسيططططططططط , احنا نسبنا يترفض يا سعااااااااد !

منها لله سميرة بنت جنيدي , اكيد هي السبب وهي اللي خلت البت توافق ع العريس التاني وترفض ادهم

ايوة بس البت رايدة مين؟

البت رايدة ادهم يا توحا , هتموت ع الولا , بس نقولوا ايه في امهاااااااا

طول عمرها بتكرهنا سميرررررررة , اه يا ناري منها ومن اختهااااااا , و الولا ادهم عامل ايه بعد الي حصل

زعلان يختي زعل الدنيا , مش طايق دبانة تقف على وششششششه

*
*
*

ايه دددددددده خااااااااالتي ههههههههههههههههههه بعودا الايام يا جميييييييييييييل , منور يا قمررررررررر صباحك قشطططططططططة

هههههههه ينيلك يا ادهم , هو ده يا سعاد اللي زعلان زعل الدنيا !!!!

ايه يا ولا يا ادهم ! انت مش كنت شايل طاجن ستك ؟

ههههههه اصل الطاجن وقع من فوق دماغي واتكسر ههههههههههههههههههههههههههه يا شوقيييييييييية الفطار يا ولية انتتتتتتِ

انت صحيت يا ابليس !!!!! حاضر يا سي ادهمممممممممممم جاية اهوووووووو

اعمليلي طاجن اومليت بدل طاجن ستي هههههههههههههههههههههه منورة يا خالتي

بنورك يا ابن اختي

ازي ساااااااااااامي ههههههه

زي الفل ازيك انت , ما تزعلش يا ادهم على بنت سميرة جنيدي , طب داني حاطالك عيني على عروسة تحل من على حبل المشنقققققققققة

مشنقة ايه يا خالتي ع الصبح ! ايه الفال اللي يلبش الجتة ده ههههههه هي العروسة ابوها حانوووووووتي ؟ هههههههههههههههههه

ابنك ماله يا سعاد

تلاقيه تقل في الشرب امبارح , ما تفوق يا ادهم وكلمنا زي ما بنكلموووووووك

هههههه ما اني فايق اهو يا امّا

اومال لو مسطول هتتكلم ازاي يا ولاااااااا ! مالك نازل ضحك وكركرة من غير مناسبة كدة ! هو الزعل اثر على دماغك ؟

زعل على ايه يا امّا ؟

عشان البت بنت سميرة هتتجوز واحد تاني

ومين قالك اني هنسيبوهاله يا امّااااااااااااااااااااااااااااا , لسة ما اتخلقش اللي ياخد من ادهم حاجة غصب عننننننننننننننننه

هتعمل ايه يعني يا ادهم

بكرة تشوفي يا امّا , حضري الفستان اللي هتحضري بيه فرحي على بنت حااااااااااامد , وانتِ كمان يا خالتي , البسي عباية مدندشة زي عوايدك يا جميل يا مدندش انتتتتتتتتت هههههههههههههههههههه

باين الولا ناوي على نية يا توحا

يكون ناوي على ايه

ما نعرفش , بس اني عارفة ابني , عمره ماساب تاره , وهو شايف ان اللي حصل من عيلة حامد اهانة كبيرة ومش هيسكت

طول عمرك جدع ورااااااااااااجل هههههه تعجبني يا ابن اختي , خد البت قوة وعافية اكسر مناخيرهم يا ولاااااااااا

هههههههههههههههه هيحصل يا خالتي , عايز نلحق نفطر عشان نعدوا ع الصنايعية اللي بيبيضوا شقتي

هو انت بديت في توضيب الشقة يا ولا ؟

ايوة يا امّااااا ههههه عشان قربت نتجوز اني وضحىىىىىىىىىىىىىىىىىىىىىىىى

**********
**********

تررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررررررن

روحي ردي ع التليفون يا بدوررررررررر

من عنيا يا ست اوساااااااا

الوووووو

ههههه ايوة يا حتة من قلبي , يا حتة من مهجتي , ايوة يا سلطانة الغرااااااااام

ههههههههههههه جاتك ايه يا سامي , ضحكتني , ننادولك اوسا؟

هي لسة عايشة ؟

عايشة يا خويا ومنورة بيتها , عقباااااااااالي

ااحنا حوشنا كمان لحد دلوقتي

لحد دلوقتي شايلة عند اختي 31 الف جنيي

كويسين , هانت يا بت هههههه

يارب يا ساااامي

عايز نشوفك دلوقتي

تشوفني ده ايه !!!! هننزلوا ازااااااي

اني عايز نشوفك ولو عشر دقايق بس , احس اننا بعيد عن اوسااااا , ان شالله حتى تيجي قدام المحل تتمشي قدامي وترجعي ع البيت

ههههه ده حب بقى

ايّووووووووووووووووووووه , انتِ ما تعرفيش غلاوتك عندي يا بت ولا ايه ؟

ههههه طب بس اني هننزلوا ازاي

بصي اديني اوسا واني هنقولها اني نسيت مفاتيح المخزن وعايزك تجيبهالي , هنقولولها انها في الدرج بتاع الكومودينو , انتي بقى خدي أي مفتاح من الدرج على انه بتاع المخزن وهاتيهولي وبالمرة تقعدي شوية على اني هبعت معاكِ قماش لاوسا كانت طالباه من زمان , يعني فرصة اشوفك بعيد عن الخنقققققققة

هههه ماشي , استنى هندوك اوسا

ماشي يا بدارة يا سكرررررر ههههه

ست اوسااااااااااا يا قمرناااااااااا يا منورانااااااااااااااااا

عايزة ايه يا بتتتتتتتت

سي سامي ع التليفوووووووون

سامي ! انتِ كل ده بتكلمي سامي ؟؟؟؟؟؟

اصله يقول كلمة ويقول عشرة لصبيانه ,خلاني مش مركزة معاه هو عايز يقول ايه

انتِ هتقوليلي ! طبعه ولا هيشتريه !!!!! هو كدة طول ما هو في المحل , هاتي التليفون

اتفضلي يا ست الكللللللل

ايوة يا سامي

ازيك يا اوسااااااا , تصدقي روحت المخزن اني والرجالة نجيبوا شوية بضايع لقيت المفتاح مش معايااااااااا

معقووووووول ! اومال راح فين

نسيته , هتلاقيه في الدرج بتاع الكومودينو , ابعتيه مع البت اسمها ايه دي

اسمها بدور

يا اوسا واني عقلي دفتررررر ! ابعتيه معاها وخلصيني , وكمان هنبعتولك القماش الحرير الهندي اللي انتِ عايزاه

ههههههه تعيش يا كريم يا ابو الكرمممممممم , سلام يا سامي

الله يسلمك يا أم اويئ

بت يا بدوررررررررر

نعم يا ست اوسا

بتعملي ايه يا بت

بنضفوا السمك عشان نعملوا الغدا

سيبي السمك دلوقتي والبسي وروحي لسامي وخدي مفتاح المخزن وديهوله , هتلاقيه عندك في درج الكومودينو

ايّوووووووووووه , اني مش فاضية يا ست اوساااااااااا تووووء اني بنعملوا الغدا

جرا ايه يا بتتتتتتتتتتتتتتتتتت , يعني نلبسوا وننزلوا اني ولا اييييييييييييه !!!!!!!!

تووء حاضر يا ست اوسااااا حاضر , مش هنعملوا الغدا في سنتنااااااااااا

*
*

ماما بيتووووور لاحة فين

هههههه يختي يا حبيبتي امووووووووه كلمة ماما طالعة من بقك عسسسسل , اني مش هنتأخر يا نورهان , العبي باللعب دي واني هنجيبولك شيكولاتة واني جاية

هئ هئ هئئئئئئ امسي باي محاكِ

لا يا حبيبتي اني مش هنتأخر , يا ست اوساااااااا تعالي خدي نورهان عشان بتعيط ومش عايزاني نخرج

تعالي هنا يا نورهاااااااااااااااااااااااان

يأ

تعالي يا بت لنقومووا نعجنووووووووووووووووووكِ

سلام يا ست اوسا اني ناااااازلة , سلام يا نورهان امووووووه ههههه مش هنتأخروا يا قمر روحي لمامااااااا

هئ هئ هئ ماما بيتوووووووور

*
*
*
*

لو سمحت الاقي سي سامي فين ؟

هههههه وسعيد ما ينفعش؟

لا يا خفة ما تنفعش , قولي سي سامي فييييييييين

هههههه طب ما تزقيش كدة يا قمر , الاستاذ سامي كان في الدور اللي فوق واهو نازل اهو , ادخلي

شكرا

بنقولك ايييييييه

ايّوووووووووه , عايز ايه يا جدع انتتتتتتت

مش انتِ الشغالة اللي عنده في البيت

اووووووووف ايوة , يلزم خدمة ؟

طب مش حرام ست الحسن اللي زيك تخدم في البيوت ! اللي زيك عايزة راجل يستتها ويشيلها فوق رموش عنيه , ويرحمها من المرمطة

اووووووووووووووف اوعى خليني ندخلوا لسي سامي , ما عنديش وقت نضيعوه

*
*

سي سااااااااااامي

هههههه تعالي يا بدارة , اقعدي

هههه ازيك يا سامي وحشتني

وانتِ كمان وربنا هههه

ماشاء الله المحل شغال والناس رايحة جاية عليه

الحمدلله ههههه اصل جوزك راجل طيب

في حاجة ضايقتني يا سامي واني داخلة

في اييييييييييه

الولا اللي اسمه سعيد اللي شغال عندك , بيعاكسني

بيعاكسككككككككككك داني نقطعوا خبره

حيلك حيلك , بصراحة يعني الجدع ما غلطتش , بيقولي ازاي واحدة في جمالك تخدم في البيوووووووووت اللي زيك عايزة راجل يستتها ويشيلها فوق رموش عنيه

هو قال كدددددددددددة

ايوة هههههه مش عنده حق يا ولا ؟؟؟؟؟؟

ايّوووووووووووووه ازاي يتجرأ ويعاكس حُرمة من حريميييييييييي

وهو يعرف منين ! الناس كلها عارفة اني خدامتك , مش مراااااااااتك

اوووووووووف , مسألة وقت قولتلك , اومال اني بنحوشوا معاكِ فلوس لييييييه ! مش عشان نجيبولك شقة ؟؟؟؟؟؟؟

انت زعلت يا سامي ؟

لا زعلت ولا حاجة

حقك عليا , اني بس قولتلك اللي حصل عشان تتحرك شوية وتسرع في موضوع الشقة واعلان جوازنااااااا

هيحصل يا بت هيحصل

خد المفتاح اهو

هاتي يا بدارة , طب استني ننادوا على سعيد يجيب الحرير الهندي اللي عايزاه اوسا

مممممم ماشي يا سيدي , تعيش وتنعمها في الحرير

هههههههههههه اني هنغرقوكِ حرير هنلفووووووكِ في الحرير

يا خوفي لتكفني فيه وما نلحقوش نتهنوا

بعد الشر عليكِ يا بتتتتتتت , داني نموتوا ورااااااااكِ , ولا يا سعيييييييد

نعم يا استاذ سامي

هات ستين متر حرير هندي احمر

حاضر يا استاذ سامي

*
*
*

ادي الحرير اهو

هاته , خدي يا بدور , اديه لستك اوسا , بالسلامة انتِ

حاضر يا سي سامي , هديه لستييييييييي

سعييييييييييييييد

نعم يا استاذ سامي

تعالالي هنااااااااااااااا

نعمين تحت امرك

مالك ومالك بدورررررررررررر

اني ! ولا حاجة

البت اشتكت منك وقالت انك بتعاكسهاااااااااا

ما حصلش يا استاذ سامي , اني غرضي شريف وربنا

غرضك ايه يا خوياااااااااااا

اني عايز نتجوزهااااااا

اييييييييييييييييييييييه ! انت اتجننت ولا اتهفيت في نفووووووووووووووخك ؟؟؟؟؟؟؟

ودي فيها ايه ! اني مش متجوز وهي مش متجوزة وبصراحة البت عجبتني وملت دماغي وعايز نتجوزها

اني مش موااااااااااافق

ههههه وانت تبقى لها ايه يا استاذ سامي عشان توافق او ما توافقش ولا مؤاخذة !!!!!!!

البت دي بتشتغل عندي وبتمشي برأيي , الموضوع ده تشيله من دمااااااااااااغك سامع ولا لالالالالا

مممممم اني رايح نشوف شغلي

اشتغلت عليك نفسكككككككككك , ايه حرقة الدم دددددددي , واحد عمال يتغزل في مراتي ومش قادر نحوشووووووووووه يا حموووووووووووو الشيشة يا ولا يا حموووووووووووو

حاضر يا استاذ ساااااااااااامي

*
*

ايه يا سعيد الاستاذ سامي بيزعقلك ليه ؟

اني عارف يا رمضان !!!!! اتجنن لما قولتله البت الشغالة عجباني وعايز نتجوزها

تلاقيه مش عايز يفرط فيها عشان خدماهم بعنيها وامينة ويخافوا لو اتجوزت ما يلاقوش حد يخدمهم زيهااااا

بس دي انانية يا رمضان

اني مالي بقى اني هنشوفوا الزباين , ايوة يا مدام

اني بقى مش هنسكت , اني هنبعتوا امي للبت دي عشان تخطبهالي , ايوة يا مداااااااااام

*
*
*

ترررررررررررررررررررررررررررررررررررن تررررررررررررررررررررررررررررررررررررن

افتحي يا امي , اني اميررررررررررررررررر

ابني حبيبي هههههههههه اخوكِ ومراته جم يا ضحىىىىىىىىىىىىىى

امير اخويا حبيبي أميررررررررررررررررررررر هههههههههههههههههه

—————————————————–

ونكمل في الحلقة الخامسة عشر متنسوش تعلقوا علي الحلقة في صفحة مدام طاسة والست حلة

إلى اللقاء في الحلقة الخامسة عشر (الجزء الرابع)

بقلم الكاتبة: هبة نور

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *