ترفيهمسلسل خلف هذه الجدران

مسلسل خلف هذه الجدران الحلقة العشرون (الجزء الرابع)

الحلقــــ(20) ــــة ” من مسلسل “خلف هذه الجدران ” (الجزء الرابع)

**********
**********

السلام عليكم يا هدى

وعليكم السلام يا لطفي , ما اتأخرتش يعني النهاردة

افندم ! جنابك عايزاني اتأخر !

انا بس مش متعودة انك تيجي قبل عشرة بالليل , الساعة لسة تمانية الاربع

يعني انزل تاني ولا اعمل ايه يعني !

لا تنزل ولا تطلع , ادخل غير هدومك على ما اجهزلك العشا

لا مش عايز اتعشا , اعمليلي فنجان قهوة

وحش عشان الضغط يا لطفي

يوووووووووو

خلاص خلاص , انت داخل من برا متعصب ليه ! حاااااضر , هلاقيها منه ولا من بناته وخصوصا سلووووووووى

ماما انتي بتجيبي سيرتي

لا بجيب سيرتك ولا عايزة اجيبهاااااا , عن اذنك هروح اعمل القهوة لابووووووووكِ

هو بابا جه ! ههه مممممم طيب سيبيني انا اعمله القهوة وادخلهاله

يا بنتي ابوكِ غضبان عليك ولحد دلوقتي ما بيكلمكيشششش بلاش تعمليله القهوة عشان ما تخسروش بعض اكتر من كددددددة

ههههه لالالالا انا اللي هعمله القهوة وادخل اصالحه , ادعيلي بقى يرضى عنننننننني

يا بت انتِ بتهتمي برضا ابوكِ وما بتهتميش برضايا لييييييييييه ! هو انا مرات ابووووووووووكِ !!!!!!!!

انا يا ماما مش بهتم برضاكِ !!!!! دانتي حبيبتي يا ماما امووووه هههه

يا سلااااااااااام ! يا فرحة قلبي بالبوسة , انتِ لو كان رضايا يهمك كان زمانك اتجوزتي من زمان وعيالك بقوا طووووووولك

يييييي ممممم انا داخلة اعمل القهوة لبابا

ادخلي يختي , على الله القهوة ما تعجبوش عشان يتبرا منك ويرتاح ويريحنيييييييي

*
*
*

تن تن باباااااااااا

……………………………………..

ممم انا جبت لحضرتك القهوة ههه ممممم باباااااااا

…………………………………………..

جبت لحضرتك القهوة يا بابااااااااا

………. حطيها عندك واخرجي

كدة برضو يا بابا ! هو انت هتفضل غضبان عليا كدة لامتى ؟

لحد ما تحسي بالغلطة الفظيعة اللي عملتيهااااااااااا

والله يا بابا حسيت , وندمت جدا كماااااااااان , لكن ارجوك يا بابا تحس بيااااااا , انا كانت اعصابي تعبانة جدا بسبب التصرف اللي ماما عملته هي وناهد من ورايااااااا

برضو مش مبرر انك تسيبي البيت من ورانااااااااااا

يا بابا انا روحت عند اختي , يعني ما روحتش عند حد غريب

حتى لو كاااااااان , اختك جوزها غريب عنكككككك , انا عشان خاطرك ما بسمحش لواحد من اجواز اخواتك يبات هنا من ساعة ما اتجوزوا وده لأني براعي خصوصيتك , تقومي انتِ اللي تسيبي البيت وتباتي في شقة جوز اختتتتتتتتتك

انا غلطانة يا بابا , حقك عليا , ارجوك سامحني

……………………………..

طيب اعمل ايه عشان تسامحني اهئ اهئ اهئئئئئئئئئئئئئئئئئئئئئئئئئئئئ

توووووء اوووووووف خلاص يا سلوى , طالما حسيتي بغلطتك ومش هتكرريها خلاص

ابدا يا بابا مش هكرررها ابدااااااااا , خلاص سامحتني ؟؟؟؟؟؟؟

ههه

ههههههههههههههه بابا يا حبيبي يا ابو ضحكة جنان انت اموووووووووه

هههههه اتحشمي يا بنت , ايه ابو ضحكة جنان دي ! دي والدتك عمرها ما قالتلهالي هههه

ههههههه ربنا يخليك لينا يا بابا , اتفضل القهوة بقى يا حبيبي

هاتي يا ستي , بسم الله الرحمن الرحيم , ايه ده ييييييييييييع , ايه القهوة دي ! دي لا طعم ولا ريحة ولا لووووون , هددددددددى انتِ يا هددددددددى

ممممم بابا بتنادي على ماما ليه ! انا اللي عملت القهوة عشان اصالحك

هههه تصالحيني ولا تنتقمي مني عشان خاصمتك !

ههههههههه انا كنت هتجنن يا بابا بسبب خصامك ليا اموووووه هخلي ماما تعملك فنجان قهوة من ايديها الحلوووووين

لالالا انا هشرب ده وأمري لله

لالالالا ليه بس يا بابا تيجي على نفسك وتشربه طالما طعمه وحش ؟

انا قولت وحش يا بنت ! حتى لو وحش هشربه عشان بنتي حبيبتي هي اللي عاملاه ههههه

هههه يا حبيبي يا بابا , كمان بوسة بقى امووووووووه ايه العسل ده

هههه طب روحي يا مغلبانا هاتي ماما تقعد معانا ندردش شوية

حاضر يا بابا هههه

*
*
*
*
*

السلام عليكم يا بهيرة

وعليكم السلام يا سونسووووون اهلا وسهلااااااا نورت البيت يا حبيبييييييييي هههههه

اهلا بيكِ , اختي سامية فين ؟

قاعدة منورة الريسبشن اهيه ولا كأن البيت بيتها واحنا اللي ضيووووووووف

ازيك يا سامية

هههه ازيك يا حسين يا خويا , كويس اني شوفتك قبل ما انااااااام , كوباية لبن يا بهيرة عشان اشربها قبل ما انام

كوباية لبن !!!!!! حااااااااضر هجيبلك اخر كوباية لبن فاضت من بعد خيرك , عن اذنك يا سونسوووووووون

اتفضلي يا بهيرة

طب انا داخلة اوضتي يا حسين استنى كوباية اللبن جوا , تصبح على خير

وانتِ من اهله يا سامية

*
*
*

اتفضلي كوباية اللبن يا سامية يا اخت جوزززززززي

هاتي يا بهيرة , من ايد ما نعدمهاش يا مرات اخويا

حاجة تاااااانية ؟

لا شكرا , ايه ده ! استني يا بهيرة , هو اللبن بتاعكو مالوش طعم ليه ؟؟؟؟؟؟؟؟؟

مالوش طعم ازاي يعني ؟

زي ما اكون بشرب مية , لا طعم ولا ريحة , حتى لونه مش ابيض مزهزه كدة , اوعي تكوني بتغشي اللبن يا بهيرررررررررة

لا يا حبيبتي اطمني , هو بيجيلنا مغشوش جاهزززززززز

على رأيك , الناس عدمو الضمير والأخلاااااااق

وعدموا الاحساس كمان يا سامية يا اخت جوزززززززززي عدموا الاحسااااااااااااس

عندك حق يا بهيرة يا مرات اخويا, الناس عدموا الإحساس صحيح , هتفطريني ايه بكرة ؟

يختي قولي ان شاء الله يمكن ما يصبحش عليكي صبحححححح

بعد الشر عليا , الله اكبر , هيصبح ان شاء الله وهفطر واتغدا واتعشى وانبسط في بيت اخويااااااا , ابقي فطريني بكرة تونة عشان بيقولوا مفيدة اوي

هما مين دول اللي بيقولوااااااااا

الدكاترة بتوع التغذية اللي بيجو في التليفزيووووووون , محرومة منه ومن حلقاته المفيييييدة

يا حبيبتي ابقي روحي بيتك عشان تستفيدي وتتغذي كويسسسسسس

لازم عبد الهادي يتربى الاول يا بهيرررررررة , انا هحرمه مني لحد ما يعرف قيمتي ويغيرلي السيراميييييييييك

اهئ اهئ اهئئئئئئئ تصبحي على خير يا سامية يا اخت جوزي

وانتِ من اهله يا بهيرة يا مرات اخويا

اهئ اهئ استني اما اغطيكِ قبل ما اخرج

يا حبيبتي يا بهبرة ! اصييييييييييلة , حسين اخويا عرف يختاااااااار

انا مش بغطيكي عشان اصيلة اهئ اهئئئئئئ انا بغطيكِ عشان خايفة تاخدي دور برد واحنا ما ممعناش مصاريف الدكتور اهئ اهئئئئئئ , شدي اللحاف يا سامية يا اخت جوززززززززي

تسلمي يا بهيررررررة , يا سلااااااااام ونعم مرات الاخ والله , الواحد كدة يتشجع وياخد ياسمين للواد حسام عشان اكيد هتكون باخلاق بهيرة وتستحمل مهما خدت على دماغهااااااا , يا بختك يا حسام يا ابني بالبت ياسمين

*
*
*

سامية اختي نامت يا بهيرة ؟

ايوة يا سونسون , شربتها اللبن ونيمتها في سريرها وغطيتهااااااا

بارك الله فيكِ يا بهيرة

عايزة تونة

تووووووووووونة ! تونة ايه يا بهيرررررررررة !!!!! انتِ ما بتحسيش ولا عندك دمممممممم ! هو انا مكفيكو مصاريف لما هتخترعيلي اختراعاااااااااات

ايه يا سونسون التهزيئ المفاجئ اللي زي الزلزال العشرة ريختر ده !!!!!!! مش انا يا حسين يا نور العين اللي عايزة التونة , دي الست المبجلة ضيفة السعادة والهنا اختك قصر الله عمر إقامتها برا بيتها آمييييييييين , ربنا يحفظك انت واهلك يا سونسووووووووون , ناس كُمل

سامية اللي عايزة التونة ! توووء وبعدين في المصاريف اللي لا ع البال ولا الخاطر دي يا بهيرة !

هنعمل ايه يعني يا سونسون ! ضيفة ولازم نستحملها بالطول ولا بالعرررررض , هو انا هيجيلي اعز من اهلك يا حبيبي !!!!!!

يا بهيرة بصراحة انا ما اقدرش على كدة , دي كل يوم ليها طلبات شكل وعايزة تاكل لحمة وفراخ كل يوووووووم , مع انها ما بتعملش كدة في بيتها وانا عااااااارف

ايوة يا حبيبي ما هو المثل بيقول ابو بلاش كتّر منه , يجعله عمران بحسك يا حبيبي , تعيش وتأكلهم وترعاهمممممم

, طب ما تقوليلها يا بهيرة ان الواحدة مالهاش غير بيتها وجوزها , ومن خرج من داره اتقل مقداره والأمثال الظريفة دي , يمكن تحس شوية

انت عايزني انا يا سونسون اقول لاختك الكلام ده عشان امك تقلب عليااااااا ! طب يرضيك يا سونسون توقع بيني وبين نينة حبيبتي وروح قلبي ! دانا كنت اروح فيهااااااا, قولها انت يا حبيبي , انتو اخوات في بعضيكو , لكن انا كلامي هيقف في الزور ويزعلوا منييييييي

تووووووء وبعدين بقى !

طب ما تتصل بجوزها يا حسين , مش كان المفروض تتصل عشان تسمع منه هو ايه اللي حصل

انتِ قصدك اييييييه ! قصدك ان اختي بتفتري عليييييييييه ؟

والعياذ بالله , انا اقول الكلمة الابيحة دي على اختك يا سونسون ! بس جايز يعني تكون اختك فهمته غلط

ههههه طول عمرك بتاخدي بالك من كلامك يا ام ياسمين , لسانك ما يعرفش الغلط

اللهم لك الحممممممممد , القلب شايل ومحمل واللسان ما ينطقششششششش , الشكوى لغير الله مذلة

انا هبقى اتصل بجوزها قريب ان شاء الله , نستحمل كام يوم كمان

*
*
*
*

احنا داخلين البلكونة يا مامااااااا هاتي الطيارة بتاعتي يا منة

اهيه يا عبد الرحمن , وانا هجيب عرايسي عشان نلعب سوا في البلكووووووونة

ايه ده ! انت في البلكونة يا رامي ؟

ايوة , بلعب

بتلعب مع مين

بلعب مع لوحدي , ايتن راحت النادي مع مامي

وانت ما روحتش معاهم ليه ؟

تووووء مش عايز , مش بحب النادي ولا اصحاب ماااامي

طب ما تيجي تلعب معانا انا ومنة

مااااااااااشي , هقول لدادة وااااااااجي

مستنينك في البكوووووووووونة

*
*

دادة

نعم يا رامي

انا هروح العب مع مانو ابن عمو هاني

طيب يا رامي , بس ما تتشاقاش عشان طنط رشا ما تزعلش

اوكيه

*
*

تن تن تن مانوووووووووو تن تن مانووووووووووووووووو

ايوة ايوة يللي ع البااااااااااااااااب

افندم يا سي رااااااااامي

عايز مانو يا طنط

عايز منه اييييييييه

العب معااااااااااااه

لاااااااا عبد الرحمن ناااااااااايم

انتِ بتكدبي يا طنططططططططط وهتروحي الناااااااااااار , تيتة قالت اللي بيكدب ربنا بيعذبه في النااااااااااار

اه يا قليل الاددددددددب , انا هروح النااااااااار !!!!!!! طييييييييب , اتفضل بقى روح شقتكو انا مش عايزة دووووووووشة كفاية دوشة القرود اللي عندي جوااااااااا

انا عايز ادخل العب مع مانوووووووووو

اوووووووووف قولتلك ناااايم نايم انت ما بتفهمششششششششش

لا بفهم ومانو صاااااااااااحي وانا هدخل العب معاه يا مانوووووووووووووووووو

تعالى يا راااااااااااااااااااااااااااامي

اوعي يا طنط عشان ادخل ههههههه انا دخلت

انا ماشوفتش تلامة وغتاتة اكتر من كددددددددددة , جاتك الأرف رزل زي البتاعة اللي خلفتكككككككك

انا رزل ! طب والله لوريهاااااااا , انا جيت يا مانووووووووووو

ههههه تعالى يا رامي

ازيك يا مانو

انا كويس الحمدلله

ازيك يا منة

الحمدلله , تلعب معايا بالعروسة بتاعتي يا رامي ؟ دي بتتكلم وتقول ماما وبابااااا وبتعيط كمااااااااان

هههههه هي العروسة عندها ماما وبابا ؟

مش عارفة , هي بتقول كدة , بس انا ما شوفتهومشششششش

لا العبي بالعروسة انتِ , اديني مسدس المية ده يا عبد الرحمن

خد يا رامي

ايه ده ! عم عواد واقف تحت , تيجي نغرقه بالمية يا مانو ؟ ههههه

هههههه ماشي

عم عواااااااااااااااااد ههههههههه هضربك بمسدس المييييييية

يا وااااااااااد انت يا واااااااااااااد وبعدين في العيال العفاريت دوووووول

ايه يا عواد في ايه مااااااااالك

الواد ابن الدكتور عصام والواد ابن عمه بيرشوا عليه مية من فوووووووووق

كتر خيرهم , عايزين يحموك , ادخل اجيبلك صابونة من جوا ؟

الصابون دي هزحلقك بيها يا فهيمممممممة , يووووووووو بس يا واد انتتتتتتتت انت يا واااااااااااااد توووووووووء طيب يا راااااااااامي لما يجيلك ابوووووووووك

بابا ما بيعمليش حااااااااااااااااااااجة هههههههههههه هرش عليك تااااااااااااااني

يووووووووووو , العيال كرهوا الواحد في الشاررررررررررع

ادخل غير هدومك يا عواد عشان كلها اتبلت , واقعد جوا البوابة لحسن العيال يغرقوك تااااااااااني

اديني داخل اهووووو عيال قلالات الأدددددددددب

تعالى ندخل بقى نلعب جوا يا رامي

ماشي

يلا يا منة

طيب , هلم العرايس واجي , تعالوا يا عرايسي يا حبايبي اموووه اموووووه

دي مامتك قاعدة في المطبخ بتعمل الاكل , انا مامتي مش بتعمل الاكل

اومال مين اللي بيأكلكو ؟

دادة صالحة بتعمل أكل وتأكلنا , ايه ده , دي منة معاها بلووووووونة

ايوة , احنا عندنا بلالين كتيرررررر

طيب تيجي ننفخ البلالين ونفرقهم بالإبرة يا مانووووووووو ؟

ماااااااشي وانا كمان هجيب ابرة ليا , وكل واحد ياخد بلونة وينفخها لحد ما تبقى كبيرة كبيرررررررررررة وبعدين نفرقعها بالإبرررررررررة

هههههه مااااااشي , هات بلالين كتيررررررر

هجيب كل البلالييييييييين

هاتلي معاك يا عبد الرحمن وهاتلي ابرة انا كمااااااااااان

ماشي يا منننننننننننة ههههههه

*
*
*

يوووووووووووووو ايه الدوشة والفرقعة اللي عاملينها البلاوي دووووووووول بس يا ولدددددددد بس يا بنت قلبتو دماااااااااااغي

انا هروح المطبخ عند مامتك عشان اشرب يا مانوووووو

مااااااااااشي انا هنفخ البلالين اللي فاضلين عشان نفرقهم بالإبرررررررر هههههههه

خد يا عبد الرحمن انفخ البلونة دي عشان انا تعبت

هاتي يا منة هوووووووووووووووووووف هووووووووووووووووووووف هوووووووووووووووووف

*
*

طنطططططططططط

يييييييييي عايز ايه يا بتاع انت وايه اللي جايبك المطبخ

عايز اشررررررررررررب

ما تروح تشرب في بيتكووووووووو

لا عايز اشرب من عندكوووووووووو

اووووووووووووووف حااااااااضر يا رزززززززل حاضر يا سئيييييييييييل اووووووووووووف

كدة ! طب والله لحطلها الإبرة على الكرسي اللي بتقعد عليه اهوووووووووووو

خد يا خويا اشرب وخلصنييييييييييييي

شكرا يا طنط

اووووووووف انا ناقصة ابن نسرين كمااااااااان مش كفاية عليا ولادي , اما اقعد اخلص تقطيع الخضار اللي مش عايز يخلص ده , اااااااااااااااااااااااااااااااااااااااااااااااه اهئ اهئ اهئئئئئئئئئئئئئئئئئئئ ااااااااااااااه يا ماماااااااا ايه اللي انا قعدت عليه ده ؟؟؟؟؟؟؟؟؟

هههههههههههههههه دي الإبرة يا طنط رشاااااااااااااا , باي باي , انا رايح بيتناااااااااااااااااا

خد هنا يا ولددددددددددد ااااااااه اهئ اهئ طب والله لما يجي هاني هخليه يأدبككككككككككك اهئ اهئئئئئئئئئئئئئ

*
*
*
*

عاجبك يا هاني اللي عمله ابن اخوك ده ؟ اهئ اهئ

هههههههههههههههههههههههههههههههههههههههههههههههههههههههه معلش يا رشا , طفل وبيلعب

نعممممممممممم هو ده اللي ربنا قدرك عليييييييييييييييه , الولد ده لازم يتعاااااااقب , روح قول لابووووووووووه

ههههههههههههه نعم ! اقول لابوه ايه بالظبط ! اصل اللي حصل محرج جدا وما اقدرش احكيه ههههههه

كدة !!!!!! انا بقى همنع الولد ده انه يجي هنا تااااااااني

يا رشا احنا كلها كام يوم وراجعين اسوان , ما ينفعش تحرمي الولاد من بعض , على فكرة عبد الرحمن ورامي متعلقين ببعض زي الاخوات

اوووووووووف انا ما بطيقش الولد ددددددددده

ههههههه ولا هو كمان بيطيقك , انتِ بس عشان بتكرهي امه بتكرهيه هو كمان , مع انه طفل وما لوش أي ذنب في كراهيتكو

انا داخلة احضرلك العشااااااااااا

اتفضلي , الا حكاية الإبرة اللي قعدت عليها دي هههههههههههههههههههههههههههههههههه تستاهل والله , رشا صحيح نسيت اقولك , عصام عازمنا على الغدا عنده بكرة

ايييييييييييييه ! عند نسرينننننننننننن , لاااااااااااااا

بقولك ايه يا رشاااااااااا انا مش عايز هزاااااااار , اخويا عازمنا , قالي هات المدام والأولاااااااد اظن ما يصحش نرد العزووووووومة

اوووووووووف يا هاني انت عارف علاقتي بنسرين شكلها ايييييييه مش معقول تفرض عليا اتعزم عند واحدة مش طايقاهااااااااا

رشاااااااااا ما تنسيش انها في الأول والآخر مرات اخويااااا وولادها يبقوا ولاد اخوياااااا ولازم يكون علاقتنا ببعض كويسة عشان خاطر الولاااااااد

اوكيه ما عنديش مانع , خد الولاد وروح , لكن انا ارجوك يا هاني ما تغصبش علياااااااا

رشااااااااا بكرة الساعة خمسة بالظبط تكوني جاهزة عشان معزومين عند عصاااااام الكلام انتهى

اووووووووووف حاضر يا جناب الديكتاتوووووووور

**********
**********

خدي ودي الشاي لعمتك يا ياسمين وتعاليلي على طوووووول

حاضر يا ماما

*
*

اتفضلي الشاي يا عمتو

ههههه يختي يا روح عمتو انتِ , حطيه ع الطرابيزة يا روحي

اتفضلي

تعالي اقعدي جنبي يا نور عين عمتو هههه

ههه حاضر

بسم الله ماشاء الله , قمر يا ياسمينة قمررررر , كبرتي يا بنت واحلويتي واتدورتي وكلها سنتين تلاتة وخرّاط البنات يخرطك

هاااااا

*

ياسميييييييييييييييييييييين

نعم يا ماماااااااا , عن اذنك يا عمتو

اتفضلي يا روح عمتو هههه عسل عسل عسسسل

*
*

نعم يا مامااااااا

كل ده بتودي الشاي لعمتك يا ياسمين !!!!!!

اصل عمتوا يا ماما قالتلي اقعدي جنبي يا ياسمينة

طيب , خدي يا حبيبتي البطاطس دي قشريها بس بالراااااحة وحاسبي على ايدك للتنجرح بالسكينة

حاضر يا ماما مممممم ماما

نعم

يعني ايه اتدورتي ؟

اتدورتي !!!!! ايه اتدورتي واتربعتي دي ! مين قالك كدة ؟

عمتو قالتلي كبرتي واتدورتي , ويعني ايه خراط البنات

خراط البناااااااااات ! الله يسامحك يا سااااااامية , تقصد يا حبيبتي انك كبرتي وبقيتي شاطرة وبتساعدي مامااااااااا , قشري البطاطس على ما اجيلللللك

حاضر يا ماما

*
*
*

سامممية

اهلا يا بهيرة , الشاي مظبوط تسلم ايدك يا مرات اخويا ههههه

ايه يا سامية الكلام اللي بتقوليه للبنت ده

كلام ايه ؟

ايه اتدورتي وخراط البنات خرطك ولا هيخرطك دي ! , شايفاها حزمة ملوخية قدامك يا مدام مخرطة !!!!!! ايه الكلام دددددده , انتِ كدة هتفتحي عين البنت , وانا بصراحة عايزة بنتي قطة مغمضة

ههههه القطة المغمضة كبرت ومسيرها تفتح يا بهيرة , ماشاء الله ياسمين زي القمررررر

اللهم بارك , ماشاء الله لا قوة الا بالله , هيحسدولي حتة البت اللي بعتبرها اختي وصاحبتييييي , ربنا يحرسك يا ياسمين يا بنتي

بتقولي حاجة يا بهيرة ؟

بقول منورانا يا حبيبتي وبلاش تقولي لبنتي الكلام ده تاني الله يخليكِ , عن اذنك هعمل الغداااااا

روحي يا حبيبتي وما تتأخريش , مش كل يوم تغدينا قُرب المغرب , انا داخلة البلكوووووووونة , القعدة كئيبة من غير الافلام والمسلسلااااااااات

افلام ومسلسلات !!!!!! يا ريتها كانت بتقدم حاجة عدلة يا حبيبتي غير تعليم البنات المسخرة وقلة الادب والجرأة على معرفة الشبان من ورا اهاليهمممممممم

ههههههههه هو انا صغيرة يا مرات اخويا ولا لسة الشباب هيعاكسوني ! ههههه دانا ولادي كبروا ماشاء الله

ايوة يا حبيبتي بالنسبة لحضرتك فهما ليهم اتجاه آخر , بيعلموا حضرتك ان الراجل مالوش لزمة في حياتك وتمردي عليه وقوليله اني راااااااااااحلة , هي البيوت باظت من شووووووية , انا داخلة المطبخ يا سامية يا اخت جوززززززززززي

روحي يا بهيرة يا مرات اخويا , وانا هقعد في البلكونة اتفرج ع الرايح والجااااااااي , بس يا ترى الرايح رايح فين والجاي جاي منين ؟؟؟؟؟؟ اما اروح اتفرج

*
*
*
*

اهلا يا هاني منوررررر ههههه كل براحتك ما تتكسفش

هتكسف من ايه يا سيدي ! هههههه البيت بيتي , واذا كنت عازمني ع العشا النهاردة فأنا خيري مغرقك طول عمري ههههههههههههه

ههههههههههههههههههههههههههههه حلوة يا هاني , بقالي كتير ما ضحكتش

وإيه اللي حايشك عن الضحك يا عصام

اوووووووووف الهمومممممممم

اعوذ بالله ! ماحبش اتكلم عن الهموم ع الاكل عشان نفسي ما تتسدش هههههههههههه

ههههه وانا كمان ما ينفعش اتكلم هنا عشان مش عايز حد يسمعنا

ماشاء الله , كل حياتك اسرار هههههههه

هعمل ايه بس ! نصيبي , كل كل , سيبك من الكلام عن الهموم والمشاكل

*
*
*
*

السفرة جاهزة برا يا ست نسرين , وكمان الست رشا قاعدة بقالها يجي نص ساعة وانتِ ما خرجتيش ترحبي بيهااااا

هههه مش من مستوايا عشان اهتم بوجودها وارحب بيها ههههه اوكيه , انا رايحة , حطيتي العشا لعصام وهاني ؟

ايوة حطيته , والولاد قاعدين كلهم بيلعبوا في اوضة رامي وعملتلهم سندوتشات , مافيش الا الست رشا اللي قاعدة لوحدها في الصالون

هههه اوكيه , هلبس البراسيليت دي واخرج

*
*

اوووووووووف ايه قلة الذوق دي ! بقالي ساعة الا تلت قاعدة ونسرين الزفتة ما جاتش ترحب بيااااااااا اهيه جاية اهيه , جاتك الارررررررف فرحانة بنفسها اوي عمالة تعلب في شعرها وماشية تتمختر

هااااااااااي يا ……… مممممم سوري نسيت اسمك ههههههههههه

والله ! حد قالك ان دمك خفيف قبل كدة !!!!!!!!

هههههههه كتيرررررررر مامي وبابي وطنطي لولى وكل كل اصحااااااابي

ما بيفهموووووووووش , في الحقيقة بقى انك انسانة قليلة ذوووووووووق

اناااااااااا ! وااااااااااي ؟؟؟؟؟؟؟

عشان يا هانم يا محترمة المفروض تحترمي ضيفتك اللي معزومة عندك ع العشا وتخرجي ترحبي بيهاااااا

هههه بس انا مش عزمتك ههههه انتي اللي عازمة نفسك عشان تاكلي عندنا هههههه

اخرسيييييييييي هي مين دي اللي عازمة نفسهاااااااا , جوزك هو اللي عزم جوزي وقاله لااااااازم رشا هانم تيجي هي والأولاااااااااد

هههه اوكيه , يعني برضو مش انا اللي عزمتك ههههه على العمومات مش في بروبلم , مامي كانت دايما تقول اللي يأكل الناس الغلبانين ياخد حسنات ههههه

انا غلبااااااااااااااانة ! لييييييييييه ! شايفاني هدومي مقطعة وداخلة اشحتتتتتتتتتتت

ههههههه اومال جاية ليه ! هههههههههههههههههههههههههههههههههههههه

اوووووووووووف طب ايه رأيك انا راجعة شقتي عشان انتِ انسانة ما تستاهليش ان حد يعبررررررك

ههههههه باي باي , مش تيجي هنا تااااااااني

ايه ده ! ايه ياست نسريننننننن ! تووووء ما يصحش كددددددة , اقعدي يا ست رشا , الست نسرين بتهزر معاااااكِ

هزارها سخيييييييف

طب اقعدي بس , مش عايزين رجالتكو يحسوا بحاجة ويزعلوا , اقعدي الله يهديكِ , رحبي بيها يا ست نسرين انتِ بنت اصول وتربية سرايات ما يصحش كددددددددة

هههه اوكيه لولو , اقعدي يا اسمك ايه , مش تزعلي

اوووووووووووف لولا اني مش عايزة اعمل مشكلة كنت قلبت الدنيا على دماااااااااااغك

هههههه خوفتيني مووووووووووت , العشا يا لولوووووووووو

*
*
*

يارب أكلنا يعجبك يا رشا هااااااانم

هو انتِ اللي عاملاه يا صالحة ! اصل دي اصناف فاخرة جدا وشكلها مش معملولة في البيت

هههه ايوة , الدكتور بعت جابها من برا

اهااااا قولي كدة

عايزة حاجة يا ست نسرين

نووووووو ثانك يو , يا انتِ يا انتِ

اوووووووووف عايزة ايه

اللي قدامك ده اسمه سيمون فيميه , تعرفيه ؟

نعمممممممممم ! ايوة طبعا اعرفه , اعرفه كويس اوي كمااااااااااان

هههههه وده كافيار , سمعتي عنه قبل كدة ؟ ههههههه

بقولك ايه يا زفتة انتتتتتتتتتتتتتتتِ خلي اليوم ده يعدي على خير عشان انا مفرووووووووووسة

ههههههه وده كريب سوزيت , كلي ههههه , اصناف جديدات عليكِ بس هتعجبك مووووووووووووت

اووووووووووووف لالالالالالا بجد زودتيهااااااااا , انا مش واككككككككككلة

هههههه اب تو يو , اكل انا , اصل بموت في السيمون فيميه مممممم يمي يمي , يجننننننن هههههه تاخدي ؟

اوووووووووف مش عايزة من خلقتك حاااااااااجة , الله يسامحك يا هااااااني

هههههههه

*
*
*

هههه يلا ادخلوا اوضكو يا ولاد , ايه رأيك في العشوة الظريفة دي يا رشا ؟

عشوة ظرررررررريفة ! قصدك عشوة ترفع الضغططططططط

ايه اللي حصل بس ! اللأكل ما عجبكيش ؟ هههه

اللي ما عجبنيش الهانم مرات اخوك اللي متهيألها بخيالها المريض انها احسن مننننننننني , البني ادمة دي بتتعالى علياااااااااااا هي احسن مني في ايه ان شاء الله !!!!!!!! كلنا زي بعض ان ما كنتش انا احسن منها كماااااااااان

ههههههههههههههههههههههههههههه سبحان الله , الجزاء من جنس العمل , شوفتي بقى انه احساس مر اوي لما تلاقي حد بيتعالى عليكِ يا رشا ! ياريت بقى تبطلي تتعالي على الناس لان هما كمان عندهم كرامة زيك وبيتضايقوا لما تتعالي عليهم

ناس ! ناس مين دوووووول ! تقصد البواب والجيرااااااان ! هما دول ناس اصلااااااااا ! انا احسن منهم بمراااااااحل , فين هما وفين اناااااااا

انتِ مريضضضضضضة , اتمنى تحصلك صدمة تفوقك , عن اذنك داخل اناااااااام

اووووووف اتفضل , ال مريضة ااااااااال

يلا يا ضحى خالتك زمانها جاية عشان نروحوا سوا نجيبوا جهازك انت وفااااااتن ههههه يلا يا عرررروسة

هههه اني جاهزة يا ماما , خالتي اتأخرت مش كدة ؟

زمانها جاية

ترررررررررررررررررررررررررررررررن ترررررررررررررررررررررررررررررررررن

اهي جت اهيه , افتحي يا اعتمااااااااد

حاضر يا ام العروووووووسة ههههههه

اهلا يا ست كريمة ههههه

هههه ازيك انتِ يا اعتماد , ادخلي يا فاتن

ازيك يا دادة اعتماد هههه

ههه اهلا يا عروسة يا حلوة , ربنا يتمملك بخير انتِ والست ضحى يا ست فاتن آمييييييين

هههه آمين يا دادة

*

يا سميررررررررة

اني هنا يا كريمة , اتأخرتي ليه ؟

معلش , جاتني مكالمة من ام العريس عطلتني شوية , كنا بنتكلموا عن ترتيبات الفرح وكروت الدعوة ههههه

هههه يا رب يتم على خير يارب , ازيك يا توووونة ههههه

هههه الحمدلله يا خالتي , جهزتي يا ضحى ؟

ايّووووووووه داني جاهزة من بدري يا فاتن هههه ازيك يا خالتي وحشتيني

هههه ما تشوفيش وحش يا ننوسة خالتك , يلا بينا يا بناااااااااات , خليكِ انتِ يا سميرررررة

ايّووووووووووه خليني ليه يختي !!!!!!

ههههه بنقولولك ايه يا ست انتِ , اني عايزة نلفوا ع المحلات براحتي اني والبنااااااااات , لكن انتِ لو خداناكِ هتقعدي تقولي اه يا رجليييييي ااااااه يا ني , قعدوووووني مش قادرة نمشي وفي الآخر الليل هيليل علينا وما اشتريناش ربع الحاجات اللي عايزين نشتروهاااااااا , خليكِ يختي خليكِ عشان نقضوا مصلحة ونيجوا قبل المغرب ان شاء الله , ثروت باعت معانا العربية بالسواق , هخلي السواق يوصلنا ويتوكل على الله , ووقت ما نخلصوا مصالحنا نرنوا عليه عشان يجي ياخدنا

وهتتصلي بيه ازاي وهو هيرد عليكِ ازاي ! بالاسلكي ! ههههه

لا يختي بالموبايل هههه اسكتي مش صفوت اشترالي موبايل هههههه شووووووفي

ههههه مبروك عليكي يا كريمة

الله يبارك فيكِ اسكتي ده جمييييييييييل , المرة اللي فاتت برضو نَزَلت نجيبوا حاجات اني وفاتن اتاريني نسيت الفلوس في البيت ههههه رنيت على صفوت قولتله الحقنيييييي نسيت الفلوووووووس , راح بعتهوملي على طووووول , ما تجيبيلك واحد يا سميرة

نجيبوا واحد نعملوا بيه ايه ! هو اني بنخرج ولا بنروح ولا بنيجي ! هههه هنجيبوا واحد لضحى ان شاء الله

ان شاء الله , خليكِ بقى يا سميرة واحنا مش هنتأخروا ان شاء الله

هههههههه طب والله ريحتيني , هو اني غاوية مشاويرررر !!!!!!!

كدة برضو يا ماما ! مش هتنزلي معايا ؟؟؟؟؟؟؟

ههه خالتك معاكِ يا ضحى , زيي واحسن مني كمان

اني مش مالية عينك يا بت يا ضحىىىىىىىى !!!! هتخليني نقلبوا عليكِ ليييييييييه !!!!! ههههههه

ههههه لالالالا يا خالتي , اني ما نقصدش والله , اني بس كنت عايزة ناخدوا رأي ماما في كل حاجة قبل ما نشتروها

اني عارفة ذوق خالتك حلو يا ضحى ههه اتوكلي على الله معاهم , هاتي لضحى اغلى واحسن حاجة يا كريمممممة , هندوا الفلوس لضحى ما تخافيش هههههه

اخص عليكِ يا سميرة ! فلوس ايه يختي , دي ضحى بنتي وعنيا ليهاااااا ههههه

تسلم عنيكِ يختي , اني عارفة والله خدي يا ضحى خلي دول معاكِ , هيكفوا ويفيضوا ان شاء الله ولو عوزتي فلوس زيادة خدي من خالتك واني نحاسبوهااااااا

حاضر يا ماما هههه يلا يا خالتي يلا يا فاتن , السلام عليكم يا داددددددددة

وعليكم السلام يا ست العرايسسسسسسس ههههه

*
*
*
*

ريااااااااااض

نعم يا ادهم باشاااااااا

يحيي وصل ؟

لا لسة

اوووووووووووف اتأخر كدة ليييييييييه اني لازم نجيبوله تليفون محمووووول

سلامو عليكوووووووو

وعليكم السلام يا يحيي , يحيي جه اهو يا ادهم باشا

تعالى يا يحيييييييييي

هههه ازيك يا ادهم باشا

هااا عملت اييييييييييه

الست ضحى خرجت مع اتنين ستات , شابة صغيرة وست كبيرة عنهم شوية , لكن فيها شبه كبير اوي من الست ضحى

امها ؟؟؟؟

لالالالا اني شوفت امها كذا مرة , دي باين عليها كدة خالتها

ممممم راحوا فين ؟؟؟؟؟؟

كانت مستنياهم عربية بالسواق , ونزلتهم في محطة الرمل , دخلوا محلات يامَاااااا وكل محل يطلعوا منه بشنط قدددددد كدة , اني رجلي ورمت من المشي وراهم والوقوف برا عند كل محل

انت كنت بتستنى براااااااا , اني مش قولتلك ما تغيبش عن عينككككككككك

ايّوووووه واني كنت هندخل وراهم المحلات ازاي بسسسسس , دول دخلوا محلات حريمي واني نتكسف ندخل

اووووووف المهم ايه اللي حصل بعد كدة

ولا حاجة , فضلت وراهم لحد ما السواق جه خدهم , وصلوا الست ضحى لحد البيت والسواق طَلع معاها يوصل الشنط ونَزَل خد العربية والستات اللي معاه ومَشوا

مممممممم طيب , بكرة من الصبح بدري تكون تحت البيتتتتتت , وخد الموبايل ده خليه معاااااك , تبلغني بيه بكل خطوة تخطيها ضحى كأني شايفها بالظبططططططططططط

ايه ده يا ادهم بيه

موبايل يا بني ادم موباااااااايل , تليفون محمول

اني ما نعرفش نستخدمه ازاي

اوووووووف يخرب بيت الغبااااااااوة تعالى نعلمكككككككك

ماشي يا باشا

**********
**********

انت بتلبس يا هاني ؟

هههه انتِ شايفة ايه ؟

ممممممم بتتشيك اوي كدة ورايح فييييين ؟؟؟؟؟؟

هههههه هعزم امي ع العشا برا الليلة دي

مامتك بس ! يعني مش هتاخدنا معاك

لالالالالالالا انسي , انا وأمي وبسسسسسسس

وليه كدة ان شاء الله

هو ايه اللي ليه !!!!!! واحد عايز يعزم امه ع العشا , ايه الغريب في كدة ! احط البرفان ده ولا ده يا رشا ؟؟؟؟؟؟

كمان بتختار بين نوعين برفان من اغلى واقيم الانواع اللي عندك !!!!!! ممممم انت متأكد انك عازم مامتك مش حد تاني ؟

هههههه لا طبعا , امي ومش حد تاني , معنى اني خارج مع امي يعني خارج مع اغلى انسانة عندي على وجه الأرض , يعني لازم اهتم بأناقتي جداااااااا , هااااا مش هتختاريلي برفان ؟

مممممم ده , ده حلو اووووي بيعجبني موووووووت

ههه اوكيه , يبقى هحط منه , مممممم فعلا ريحته حلوة ههههه عن اذنك يا رشروششششششششة

هانننننني هترجع امتىىىىىىى

ما تسأليش , عايز اقعد مع امي من غير قيود الوقت ولا الاحساس بالزمن , السلام عليكم

وعليكم السلام يا عاطفي , اوووووووووف ده لما بيخرج معايا ما بيهتمش بنفسه بالطريقة ددددددددددي

*
*
*

تررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررن

*
مييييييين

انا هاني يا امي

ههه اهلا يا هاني يا حبيبي

ههه السلام عليكم يا امي

وعليكم السلام يا هاني ههه ادخل يا حبيبي

هدخل عشان اديكِ فرصة تلبسي وتجهزي عشان ننزل

البس عشان ننزل ! هههه ننزل نروح فين يا حبيبي ؟

انا عازمك ع العشا برا في ارقى مكان اخترتهولك على ذوقي

ههههه عشا برا ايه بس يا ابني ! هو انا بتاعة خروج ولا عشا برا !!!!!!

لالالالالالا مش مسموح بالإعتذار عن العزوووووووومة هههه انا مصمم , يلا يا امي

هههه والله يا هاني انت عليك مفاجآت غريبببببببة , طيب ولادك ومراتك لبسوا ولا لسة ؟

ولادي ومراتي مين بسسسسسس ! هههههه العزومة دي سيبيشال فور يو مام ههههههه

هههههه سيبيشال فور مي ! وات ايه سيربيرايز هههههه

ههههههههه فكرتيني يا امي بأيام ما كنتي بتذاكريلنا انجليزززززي

ههههههههه ماحدش كان مطلع عيني غيرك , كنت اشرحلك واتعب ساعتين تلاتة وبعدين اديك اكسيرسايز تقوم تحله كله غلط هههههه

ههههه ما كنتش بحب الانجليزي , لولا غلاوتك عندي بس يا مس امينة ما كنتش ذاكرته ههههه كانت ذكرايات جميلة يا امي , بصراحة عمرك ما اتعصبتي ولا اتنرفزتي مهما تعبناكِ في المذاكرة , واهو الحمدلله تعبك جه بفايدة

ههههه مش بفايدة اوي يعني , التفوق العلمي والحصول على اعلى الشهادات ماكانش هو مقصدي بالدرجة الأولى , اهم حاجة كنت باتمناها اني اشوفكو محافظين على علاقتكو بربكو وتبعدوا عن المعاصي

مممممم الكلام ده كبير اوي وشكلك كدة عندك ملاحظات على حاجات كتيررررررر

الله المستعاااااااااااان , خليني ادخل البس احسن هههه

ههههه بسرعة يا امي من فضلك

*
*
*

يلا يا امي فتحتلك باب الاسانسير اتفضلي اخرجي

متشكرة يا حضرة الظابط هههه

هههه العفو يا نبض قلب حضرة الظابط , انا هسبقك عشان ادور العربية

اتفضل يا حبيبي

*
*

السلام عليكم ازيك يا سعيد ازيك يا مسعدددددددد

وعليكم السلام ازيك يا حضرة الظابطططططططط

ازيك يا حاجة ام عصااااااااام ههههه

اهلا يا فهيمة ازيك , وازي سهيررررر

سهير بتذاكر ههههه مسعد بيذاكرلها انجليزي وتقعد تعيد وتزيد في اللي بيحفظهولها لحد ما تصدعنااااا هههه

هههه ماشاء الله عليها , سهيررررررررر

نعم يا تيتة ام عصاااااااام

هههه انا مبسوطة منك عشان بتذاكري في الاجاااااازة

بذاكر شوية وبلعب شوووووووية وكمان بذاكر عشان لما المدرسة تفتح ابقى اشطر واحدة في الفصصصصصصصل

هههه ماشاء الله يا حبيبتي ممممم فهيمة الولاد كبروا ماشاء الله , سعيد ومسعد دخلوا على سن المراهقة

سن مراهقة ايه بس اللي هيدخلوا عليه يا حاجة ! هما فاضين عشان يدخلوا في حتة ! دول يا عيني من ساعة ما يصحوا يفضلوا يذاكروا لحد تاني يووووووووم

ههه ربنا يوفقهم ممممم انا هشوف حل عشان قعدتكو في اوضة واحدة دي وخصوصا ان الولدين كبروا مش ,عاجباني خاااااااالص , انا هتكلم مع هاني في الموضوع ده , اصله عازمني ع العشا النهاردة برا يا فهيمة ههههه عن اذنك

مع السلامة يا ست ام عصام , عازمها ع العشا ! هو في محلات كشري فاتحة لحد دلوقتي ! اهو عواد جه اهو , حمدالله ع السلامة يا عواااااااد

الله يسلمك يا فهيمة , انا جبت الطلبات بتاعة ام رحمة وطلبات الحاجة هدى وبنتها اسمها ايه دي

ايوة الست ناهد , انا هاخد الحاجات اطلعها انا وسهير , شوفت الكلام اللي قالته الحاجة ام عصام

كلام ايه يا فهيمة

بتقول مش عاجبها قاعدة العيال معانا وهتكلم هاني بيه في الموضوع , الظاهر هتبلغ عنهم

هي قالتك كدة ! مش عاجبها قاعدة العيال معانا ! يعني نرميهم في الشاااااااارع ! ايه الكلام الفاضي ددددده هما هيتحكموا فينا وفي عيالنا عشان هما اصحاب العمااااااااارة , خدي الحاجات طلعيهااااااااا

وماله , يلا يا سهير تعالي معايااااااااا

بذاكر يا مامااااااااا , عايزة احفظ الفيل يعني اييييييه

يا بنتي يعني هو الفيل هيطير على ما ننزل ! يلا يا سهير وبعدين انزلي للفييييييل

حاضررررررر فيل يعني اليفااااااااااانت فيل يعني اليفاااااااااانت وفرخة يعني هين وقلم يعني بين , سمعيلي يا مامااااااااا

حاضر يا حبيبتي , الفيل يعني فونفون والفرخة يعني بون بون

فونفون وبونبون ايه يا ماماااااا انتِ بتقولي غلططططططط

يا بنتي وانا ايش عرفني بالكلام الملخفن اللي بتقوليه ددددددده

هو انتِ ليه مش بتعرفي تقري يا ماما ! انتِ مش روحتي مدرسة؟

لا يا حبيبتي , ماحدش ودااااااني , هو انا لو حد علمني ووداني مدارس كنت اتجوزت ابووووووكِ !!!!!!! المتعلمة بتتجوز متعلم , الدكتورة تتجوز دكتور والمهندسة تتجوز مهندس واللي ما اتعلمتش تتجوز البواب يا حبيبتي عشان هو كمان ما اتعلمش

مممممم ماما , انا عايزة ابقى دكتووووووووررة

ههههه ان شالله يختي , هو انا اكره ابقى ام الست الدكتووووووورة , يا سلام يا بت يا سهير يا سلااااااااام , لو سعيد ومسعد بقوا مهندسين زي ما هما عايزين وانتِ بقيتي دكتووووووورة ياااااااااااه ياه ع الأملة اللي هبقى فيها انا وابوكي ياااااااااااه , يلا يا حبيبتي ادينا وصلنا الدور بتاع أم رحمة , هاتي الشنطة بتاعتها اللي في ايدك اليمين دي

شنطة تقيلة اووووووي وجعتلي ايدددددي

معلش يا حبيبتي , ادينا وصلنا وهنسلمها لصحابها

*
*
*
*

ايه يا هاني , لسة كتير يا حبيبي على المطعم ؟

قربنا يا امي , تلت ساعة ان شاء الله ونكون هناك

كنت عايزة اخد رأيك في موضوع يا هاني

خير يا امي

كنت عايزة افضي الاوضة اللي فوق السطوح لسعيد ومسعد عشان يقعدوا فيها , الولدين كبروا وليهم اخت بنت وما ينفعش يا حبيبي يقعدوا مع بعض كلهم في اوضة واحدة , انا ضميري مش سامحلي

عندك حق يا امي , فعلا افضل انهم ياخدوا اوضة السطوح يقعدوا فيها

ايوة يا حبيبي , يناموا براحتهم ويذاكروا براحتهم واختهم كمان تاخد راحتها وكفاية انها قاعدة مع ابوها وامها في اوضة واحدة , وضع سيئ للغاية

خلاص يا امي , خلي فهيمة تنضف الاوضة ونطلع فيها السرير اللي في اوضتي وسرير ماجد او عصام والمكاتب بتاعتنا ويستخدموها

ايييييه ! لالالالا حاجتكو لاااااا , اوضكو تفضل زي ما هي , انا هشتري سريرين جداد ومكتبين للولدين واطلعلهم السجادة القديمة المركونة اللي مش بستخدمها على بطانيتين عشان الشتا اللي داخل ويطلعوا بقى يعيشوا فوق

ههههههه انتِ احلى صاحبة عمارة والله

ههه يا ابني طالما بإيدينا نوسع ع الناس , نضيق عليهم ليه بس يا ابني !

ربنا يجازيكِ خير يا امي

وإياك يا حبيبي , وصلنا ولا لسة ! اوعى تكون بتضحك عليا يا ولد ولا هتعشيني ولا حاجة ! ههههههه

ههههههههه انا اقدر برضو ! ادينا وصلنا اهو يا ست الكل , اوعي تفتحي البااااااب

ليه يا حبيبي ؟

هنزل افتحهولك انا يا مولاتي الملكة هههه

هههههه

اتفضلي جلالتك يا سمو الملكة

هههه متشكرة يا قلب الملكة

*
*

اتفضلي يا امي , لو سمحت كنت حاجز طرابيزة بإسم هاني زاهر

ايوة يا فندم ههه اهلا وسهلا , شرفتوا الريستورانت , اتفضل معايا هوديك عند الطرابيزة المحجوزة لحضرتك اتفضلي يا هانم

متشكرين يا ابني

*
*

هي دي الطرابيزة يا فندم , اتفضلوا

اوكيه , متشكرين , اتفضل انت دلوقتي وشوية كدة وهنطلب العشا

أمرك يا فندم

ههه استني يا امي , هسحبلك الكرسي , اتفضلي اقعدي

ههه فكرتني بباباك يا ولد , كان رجل راقي جدااااا

هههههه يعني انا راقي يا امي ؟

مممم مش اوي هههههههه

هههههههههههههههه ليه بس كدة

يعني , انت قبل كدة ضربت مراتك , باباك بقى عمره ما مد ايده عليااااا

يا امي انتِ حاجة ومراتي حااااااجة بابا كان محظوظ جداااااا ازاي يبقى معاه جوهرة زيك ويتجرأ يمد ايده عليها

يا ابني مافيش ست ما بيحصلش بينها وبين جوزها مشاكل , لكن مش كل راجل بيعالج المشكلة بتحضر

ممممم يعني انا همجي ههههه متشكر يا امي

ههههه انا ماعنديش حد في ولادي همجي الحمدلله , لكن انت عيبك ان اعصابك بتخونك وبتفقد السيطرة على تصرفاتك في احيان كتير , بس الحمدلله انك مش بتعمل كدة في شغلك وبتحترم الناس جداااااا

الحمدلله يا امي , وبعدين ايه اللي فكرك بضربي لرشا ! دي هي مرة حصلت اول جوازنا , دي رشا نفسها نسيت هههههه

ربنا يهديكو يا ابني

هههه نطلب العشا بقى , متررررررر

امرك يا فندم

المينيو من فضلك

اتفضل , اتفضلي يا هانم

متشكرة

ها يا امي هتختاري ايه ؟

ممممم محتارة , اختار انت على ذوقك يا هاني

لالالالا انا النهاردة عايز أكل على ذوقك انتِ يا امي , انتِ اللي هتختاري

ههه ليه الحيرة دي بس ! مممممم طيب انا هاخد فراخ مشوية وبطاطس محمرة وسلطة خضرا

ههههه والله كان نفسي في الأكلة دي وقولت يارب امي تختارها

ههههه ايه رأيك ان انا اختارتها عشان انت بتحبها ودايما كنت تطلبها مني ! هههههه

ياااااااااااه يا حبيبتي يا امي

ههههه انت اللي حبيبي ياهااااااااني

*
*
*

اتفضلوا العشا يا فندم , أي خدمة تانية

متشكر جدا , مممم امي

نعم يا حبيبي

اسمحيلي أأكلك بإيدي

ههههه هو انا عيلة صغيرة يا ولدددددد !

ههههه انتِ الملكة وانا واحد من الرعية وعايز احظى بالشرف ده , من فضلك ما تحرمنيش يا مولاتي هههه اتفضلي افتحي بقك بقى عشان أأكلك حتة الفراخ بطرف الشوكة بتاعتي هههه

ههه حاضر يا حبيبي , بسم الله الرحمن الرحيم ممممم لذيذة اوي

هههه الحمدلله انها عجبتك , حتة كمان بقىىىىىىى

يا ولد كل انت , ما تشغلش بالك بيااااا

يا امي انا جيت هنا مخصوص عشااااانك , يلا بقى

حاضر , هات يا سيدي

انتِ اللي ستي وتاج على راسي يا أمي , يلا خدي كمان البطاطساية دي هههه

هههه طب خلاص , بالله عليك كل انت بقى عشان ما ازعلش

ههه حاضر يا امي , لكن قوليلي صحيح , بابا الله يرحمه كان متعود يعزمك ع العشا وتسهروا برا ؟

ههههه ايوة طبعااااا , كتير جدا خرجنا وسهرنا واتعشينا برا , ده قبل ما حضراتكو تشرفوا وانشغل بيكو

ههههه ايوة , بعد كدة كانت كل خروجة رجلنا على رجلكو , كنا عاملين زي العزول دايما

هههه ابدا يا حبيبي , كنا بنبقى سعدا جدا لما بتكونوا معانا رغم شقاوتكو

لكن اكيد السهر مع بابا والعشا معاه برا البيت لوحدكو كان له طعم خاص

طبعا , طعم خاص وذكريات خاصة يااااااااااه , بتفكرني ليه يا ولد ! فاكرة في مرة خرجنا نتعشى برا وكان الجو برد جداااا ومع ذلك صممنا نخرج ههه وبعد ما تعشينا جينا نخرج من المطعم لقينا المطر شديد جدااااا وازاز العربية غرقان مية هههه

وعملتوا ايه ؟ هههه

هنعمل ايه يعني ! باباك قلع الجاكيت بتاعه وحطه على كتفي عشان يحميني من البرد , و جرينا على العربية عشان نستخبى من المطر , فضلنا واقفين بالعربية اكتر من ساعة تقريبا لحد المطر ما وقف , بس هدومنا غرقت واخدنا دور برد محترم وباباك فضل قاعد اسبوع في البيت ههههه ساعتها قالي اخر مرة نخرج نسهر في الشتا ههههه فكرتني بذكريات جميلة يا هاني

هههههههه الحمدلله الشتا قرب , هبقى اخد رشا في المطر عشان اعشيها برا , واخليها تحت المطر واستخبى انا في العربية عشان تاخد دور برد يكسر عضمها وتنام في السرير اسبوعين تلاتة هههههه

هههههه يا ولد بطل افترااااا , في راجل رقيق يعمل في مراته كدة !

تعرفي يا امي , ساعات كتير لما بقعد مع نفسي بسرح واقول بيني وبين نفسي , كنت اتمنى زوجة زي امي بكل مشاعرها الرقيقة وطيبتها وتواضعها وتدينها والتزامها تشاركني حياتي , انا عارف انه اعتراف مني بإني فشلت واسأت الإختيار مممم ماكنش المفروض اصرّح بكل اللي جوايا

ههه ليه ؟ متخيل مثلا اني ممكن اتشفى فيك واقول اهو حصل اللي حذرتك منه ! انت عارف ان التأنيب والتبكيت مش من طبعي , انا ما بحبش كلمة لو لانها بتفتح عمل الشيطان , في الأول وفي الآخر ده قدر ومكتوب عند ربنا ومش باستطاعة أي بشر تغيره , اهم حاجة تحاول تصلح من الإنسانة اللي بقت أم أولادك وتصلح أولادك , بس لازم تعرف ان برضو مش هيبقالك السيطرة الكاملة عليهم هههه وإلا كنت انا نجحت في السيطرة عليكو

ههه ادعيلهم يا امي

هدعيلهم وادعيلك يا حبيبي عشان انت فرحتني بعزومة العشا اللطيفة دي هههه

هههه اهم حاجة انك تكوني مبسوطة يا امي , ربنا ما يحرمني من رضاكِ آمين

*
*
*
*
*

الاستاذ احمد وصل هههههههه ازيك يا استاذ احمممممممد

هههه الله يسلمك , السلام عليكم يا رجااااااااااالة

وعليكم السلام يا استاذ احمممممممممد

الهمة شوية عشان عايزين نحملوا المركب دي قبل الضهر ان شاء اااااااااااااااالله شدو حيلكو شووووووووية

الشدة على الله يا استاذ احمممممممممممد

*
*

السلام عليكم يا ععع أأأأ مممممم السلام عليكم انسة صابرين

عليكم السلام يا استاذ احمد , انا كتبت لحضرتك اسماء اتنين مع العملاء واخدت ارقام تليفوناتهم عشان حضرتك تتصل بيهم

متشكر , هو عم موردي فين ؟

حضرتك تحب تشرب حاجة ؟

ايوة , يا ريت كوباية شيّ

حاضر يا استاذ احمد , اتفضل حضرتك وانا هبلغ بابا يعملك الشيّ وهنجيبولك ارقام تليفونات العملاء

متشكر , عن اذنك

اتفضل

*
*

نتصلوا بهيام نتطمنوا عليها قبل ما ننشغل

ترررررررررررررررررررررررررررن ترررررررررررررررررررررررررررررررررررررررررررن

السلام عليكم

وعليكم السلام حبيبتي هههه قولت نسمعوا صوتك قبل ما ننشغلوا

هههه لحقت نوحشكككك !!!!!!!!!!

ايّوووووووووووووه , يا بت انتِ بتوحشيني وانتي قصاد عيني ههههههه

ههههههه اه يا مغنواتي ههههههههههههه

هههههههههههههههههه

تن تن استاذ احمد

لحظة واحدة يا هيام , اتفضلي يا انسة صابرين

اوووووووف صابرين !!!!!!!

اتفضل ارقام التليفونات والورق ده وصل عن طريق البريد حالا

متشكر , حطيه عندك واتفضلي

عن اذنك

ايوة يا هيومة

كانت عايزة ايه البت دي

هههههههههههههههههه هتعوز ايه يعني يا هيومة ! دي جايبة ورق بتاع شغل

مممممم ودي استلمت الشغل امتى ان شاء الله ؟

النهاردة , جيت لقيتها واتفاجئت , مش واخد بصراحة اني ندخل نلاقي ست قاعدة في وشي هههه

ومالها سخنة اوي ع الشغل كدة !!!

ههههه ايه يا هيومة ! نهارك ابيض يا قمر

نهارك ابيض يا سيدي , هو انت قاعد فين ؟

ههههه في مكتبي

وهي قاعدة فين

قاعدة برا يا ستي على مكتبها

ممممممم طيب , ربنا يكفيك شر نفسك

ههههههه آمين يا حبيبتي , روحي نامي شوية طالما ما وراكيش حاجة

نناموا !!!!!!! هي في واحدة تعرف تنام طول ما جوزها معاه ست في نفس المكان !!!!!

يا حبيبتي دي شركة مفتوحة وناس داخلة وناس خارجة وعتالين وعمال وموظفين ههه يعني مش قاعد اني وهي في كازينو ههه بطلي الوساوس دي وخليكِ واثقة في جوزك يا بت , اني لو مليون ست قدامي ما نختاروش غيرك يا هيومة

هههههه ربنا ما يحرمني منك يا احمد

ولا منك يا حبيبتي , سيبيني يا بت نشوفوا شغلي بقىىىىىىى

ههههه ربنا يوفقك يا حبيبي , السلام عليكم يا احمد

وعليكم السلام يا حبيبتي هههه

*
*
*

ايه يا صابرين يا بنتي رايحة فين

رايحة للحاج عادل يا بابا عشان لازم يمضي الاوراق دي , عن اذنك

اتفضلي يا بنتي , ايوة كدة عايزك تشوفي شغلك وتشرفيني

ههه ان شاء الله يا بابا

*
*

تن تن حاج عادل

ههه ادخلي يا صابرين

جبت لحضرتك الاوراق دي عشان تمضيها

ههه ماشي , هاتي يا ستي

اتفضل

ها يا صابرين , مبسوطة ؟

الحمدلله , ابتديت ناخد ع المكان وعلى الشغل

طيب عال , وعاملة ايه في دروس الكمبيوتر ؟

اني ابتديت فيها وربنا يسهل , قالولي كلها تلات شهور ونبقى كويسة فيه اوي

طيب كويس , عشان نشترولك كمبيوتر يسهلك شغلك

ان شاء الله

شوفتي احمد النهاردة ؟

ايوة , معاه عملا بيتفقوا على شغل , اني خليتهم ياخدوا معاد الاول قبل ما يقابلوه , كانوا عايزين يقابلوه امبارح ما رضيتش نخليهم يدخلوا , قولتلهم لازم مواعيد سابقة

هههههه شاطرة , نحبوا النظام , شكل الشركة على ايديكِ هتبقى حاجة تانية

ههه ان شاء الله يا حاج , عن اذنك

اتفضلي مممم الصبر يا عم احمد , اما نشوفوا اخرتها معاك ايه يا ابني

**********
**********

منولة حبيبتي ههه ممكن من فضلك تاخدي الولاد وتسيبي البيت وتروحي عند باباكِ ؟

هااااااا ! ليه يا ماجد يا حبيبي , انا زعلتك في حاجة ؟؟؟؟؟

هههههههه ابدا يا حياتي , اصل يا ستي اخواني عايزين يعيشوا كام يوم عزوبية من غير ستات ولا دوشة عيال ههههه

مممم وانت زيهم طبعا يا استاذ ماجد ؟

انا !!!! هههه ابدااااااا اطلاقااااااااا هههههههه مين اللي طلع الاشاعة المغرضة دي !!!!!

لا والله ؟ هههه مممممم طيب يا سيدي هحققلك امنيتك واسيب البيت انا والولاد عشان تعرف قيمتنااااااا ههههه

هههههههههههههه حبيبتي والله انا عارف قيمتك وقيمة ولادي من غير ماحد يعرفني , انا بس حابب اقعد مع اخواني كام يوم ونستعيد ذكريات زمان

ههههه حاضر يا حبيبي , استعيدوا الذكريات براحتكو وفي الآخر هتكتشفوا ان الحاضر احلى ههههه

هههه احلى عشان وجودك في حياتي يا منولة يا حياااااااااااتي ههههه

هههههه يا حياتي انت يا حياتي هههه وان شاء الله همشي من امتى ؟

من النهاردة , اتفضلي لمي هدومك وما اشوفش وشك لحد بعد بكررررررررة ههههه

هههههه ماشي , واهي تبقى فرصة اشوف رانيا محتاجة ايه عشان انزل اجيبهولها , مممم وبعد اذنك كمان يا ماجد هاخد رانيا بكرة واروح للدكتور رأفت اللي بيتابع حالتها عشان اطمن عليها واشوف رأيه ايه , نأجل الجواز ولا نتوكل على الله ونتمه في معاده

طيب يا حبيبتي , روحي , ان شاء الله خير

ان شاء الله يا حبيبي

*
*
*

اتفضلي يا انسة رانيا , دكتور رأفت منتظرك

حاضر , يلا يا ابلة منال

يلا يا حبيبتي

*

السلام عليكم دكتور رأفت

وعليكم السلام يا مدام , ازيك يا انسة رانيا ؟ ههه

الحمدلله يا دكتور ههه

يا ترى ماشية على الدوا بانتظام

ايوة , الحمد لله باخده في معاده

في الحقيقة يا دكتور انا جيت المرة دي عشان اسألك عن حالة اختي , رانيا قربت تتجوز ان شاء الله

الف مبروك يا بنتي ههه

الله يبارك فيك يا دكتور ههه

دكتور انا كنت عايزة اطمئن على حالة رانيا قبل الجواز , هل حالتها تسمح بالزواج بعد شهر ولا نأجل ؟

انتِ قلقانة من ايه يا مدام ؟

يا دكتور انا عايزة اسأل وبشكل صريح , هل صحتها تتحمل الانجاب ؟

ما فيش أي حاجة تعوق الانجاب , طالما هيكون فيه متابعة مستمرة ودائمة ان شاء الله مافيش قلق

ممممم الله المستعان طيب انا …..

تررررررررررررررررررررررررن تررررررررررررررررررررررن

لحظة ارد ع التليفون يا مدام , الو

السلام عليكم ههههه ازيك يا بابا

احممممممممممد هههه وعليكم السلام يا حبيبي بتتكلم منيننننن ؟

انا وصلت المطار حالا وفي طريقي للبيت ان شاء الله هههه

ازاي يا ولد ما قولتليش استناك في المطار بالعربية ؟

ههه ما حبيتش اتعبك يا بابا , كان منتظرني دكتور باسل أخو ميرال خطيبتي

هه ايوة ايوة بقى الحكاية كدة , اسرة خطيبتك عارفة معاد رجوعك وابوك اخر من يعلم هههه

ههه يا بابا والله ما حبيت اتعبك , وكمان حبيت اعملهالك مفاجأة

اجمل مفاجأة يا حبيبي , طيب انا هلغي كل مواعيدي واجي البيت حالااااااا

خليك يا بابا براحتك واشوفك بالليل

مش ممكككككككككن مستحييييييل ههههه انا جاي حالا ان شاء الله يا حبيبي , مع السلاااااااااامة , اسف والله يا مدام اسف يا انسة رانيا اصل ابني الدكتور احمد رجع من انجلترا بعد سنتين غياب ما نزلش فيهم مصر ولا مررررررة هههه تقدري تتفهمي قد ايه مشتاق لابني , بعتذر لاني مضطر امشي حالا

اتفضل طبعا يا دكتور , اهم حاجة انك طمنتني على اختي , حمدالله على سلامة ابن حضرتك ومتشكرين جدا السلام عليكم

وعليكم السلام يا هانم , مع السلامة يا انسة رانيا , نيفيييييييييين

افندم دكتور , الله ! هو حضرتك ماشي ؟

ههههه ابني الدكتور احمد وصل يا نيفييييييين وصل بعد سنتين غيااااااااب

حمدالله على سلامته يا دكتور هههه هو اخد الدكتوراة في طب وجراحة القلب ؟

ايوة اخدهاااااا اللهم لك الحمد , وخلاص هيتجوز ويستقر في مصر ان شاء الله

مبروك مقدما يا دكتور , عروسته امورة خالص , انها شوفتها لما صور خطوبتهم نزلت في اخبار المجتمع في مجلة من المجلات

هههه متشكر , الله يبارك فيكِ اجلي الكشوفات من فضلك

أمرك , حضرتك هتيجي بكرة يا دكتور ؟

ما اتعتقدش يا نيفين على العموم هتصل بيكي اقولك جاي امتى ان شاء الله , بلغي المرضى بالغ اعتذاري واسفي السلام عليكم

وعليكم السلام يا دكتور

*
*

ها يا ابلة , اطمنتي بقى والهواجس راحت ؟ ههههه

رانيا ما تتضايقيش مني , صدقيني بعد وفاة ماما كل احاسيس الامومة اتنقلت من قلبها لقلبي ناحيتك يا حبيبتي , ده خوف عليكِ مش اكتر

ههههه يا حبيبتي يا ابلة , ربنا ما يحرمنيش منك يااااااااارب , يلا بقى عشان ننزل وسط البلد نعدي ع المحلات نشوف هنجيب أيه هههه

ههه يلا يا حبيبتي , يارب بس الولاد ما يتعبوش بابا في غيابنا

بابا بيحب معاذ ومريم اوووووي , دول لما بيمشوا بيزعل جدا يا ابلة ويقول يعني منال لازم تاخد الولاد ! ما كانت تسيبهم يباتوا معانا هههه

هههه والولاد كمان روحهم فيه والله , اول ما يفتحوا عينهم الصبح يقولوا عايزين نروح لجدوووو هههه

هههه ربنا يخليهوملك يا ابلة

آمين يا رب , ويخليكِ يا حبيبتي ويفرحني بيكِ ويطمن قلبي آمين , اهم حاجة الولد خطيبك ده يطلع يستاهلك

هههههه مش عارفة انتِ قارشة ملحته ليه يا ابلة !

ايه يا بنت الالفاظ دي ! قارشة ملحته ال هههه دي لو ماما أمينة سمعتك كانت خنقتك ههههه

ههههه سلميلي عليها وانا هتصل بيها اعزمها على فرححححححححي

ههه ان شاء الله يا حبيبتي

*
*
*
*

دادة انا نازل انا ومانو عشان نجيب ايس كريم

لالالالالا ما ينفعش تنزلوا الشارع لوحدكووووو

بس انا عايز ايس كريم يا دادددددددة

طيب هكلم عواد في الانتركم عشان يجيبلك

لاااااااا مش بيجيب اللي انا عايزززززه

يووو يا رامي , متعب يا ولد ههههه خلاص هلبس وانزل معاك يا سيدي , اصل بصراحة اخاف اسيبك تنزل لوحدك يا حبيبي

انا معايا مانوووووو

مانو كمان صغير وما ينفعش تخرجوا سوا من غير حد كبير ياخد باله منكو , انا هلبس واخدك انت ومانو وننزل

ماااااااشي , انا هروح اخبط عليه على ما تلبسي

ماشي يا حبيبي

*
*

يلا بقى يا مانووووووو

خدوني معاكو يا رامي انا كمان عشان اجيب ايس كريممممم

تعالي يا منة

رايح فين يا ولد انت وهيييييييي

رايحين نجيب ايس كريم

ادخلوووووو مافيش نزول لوحدكوووووو

انا هروح معاهم يا ست رشا

اوووووووووف خلي بالك منهمممممممم , إياك تسيبيهم من ايدكككككككككك

ما تخافيش يا ست رشا , يلا يا ولاد

*
*
*

بت يا سهيرررررر , ايه اللي موقفك في الشارع

بلعب يا ماماااااا لقيت غطيان كازوز بلمها عشان العب بيهاااااا

طب ما تروحيش بعيد

حاضر , ممممم ده عبد الرحمن ومنة ومعاهم رامي وكلهم ماسكين ايس كريم من اللي بحبه ممممم يا بختهم , الايس كريم ابو ورقة ملوووووووونة , نفسي ادوقه اوووووي

يلا يا مانو عشان نطلععععععع

استنى يا راااااامي

يلا يا عبد الرحمن عشان نطلع يا حبيبي

استني يا دادة هقول حاجة لسهير , ازيك يا سهير

كويسة

تاخدي ايس كريم ؟

لاااااا

انتِ مش بتحبيه ؟

بحبه

طب ليه مش عايزة تاخدي

مش باخد حاجة من حدددددددد

طيب روحي اشتري

مش معايا فلوس كتير , معايا ربع جنيه , والايس كريم ده بخمسة وسبعين قرش

ممممممم طيب اقولك على فكرة ؟

ايه هي يا عبد الرحمن ؟

انتي تاخدي الايس كريم ده مني وانا اخد الربع جنيه , وبعدين تديني الباقي لما يبقى معاكي فلوووووووس اتفقنااااااا

مممممم طيب انا هديك الربع جنيه واخده والاسبوع الجاي اديك ربع جنيه واللي بعده اديك ربع جنيه

انا مش قاعد الا الاسبوع الجاي , لكن الاسبوع اللي بعده مسافريييييييييين

مممم يبقى كدة مش هينفع

لاااااا هينفعععععع اخد الاسبوع الجاي الربع جنيه التاني ولما اجي من السفر يبقالي عندك ربع جنيه ابقي اديهولي , مااااشي يا سهير ؟

هههه ماشي يا عبد الرحمن

طب خدي الايس كريم بقى

خد الربع جنيه الاوووووول

ههههه هاتي , خدي الايس كريم , باي باي بقى

باي باي يا عبد الرحمن مممممم الايس كريم اللي بحببببببببببببه هيييييييييييييييييييه هيييييييييييييييييه هييييييييييييييييه

*
*

ايه يا مانو , انت سيبت الايس كريم لسهير لييييييييييه ؟

انا بعتهولها يا رامي , بس ما تقولش لحدددددد

ما قولش لحد ازاي ! منة اختك كانت معانا وشافت كل حااااااااجة

لا , منة مش هتقول , مش كدة يا منة ؟

ممممممم كدة

يلا يا ولااااااااااد , انا سيباكو واقفين براحتكو اهو ونازلين كلام ورغي ولعب , عايزين نطلعععععع اتأخرنااااااااا

ماشي يا دادددددددددة

*
*
*

يلا يا رامي عشان ندخل

ماشي يا دادة , باي باي يا مانوووووووو

انت مش هتيجي عندنا يا رامي ؟

لاااااا انا هدخل العب جيميزززززززز

ماشي , تن تن افتحي يا ماماااااااااااااااااااااااا

اهلا وسهلااااااااااااا اتفضلوووووووو

شكرا

الله ! اومال فين الايس كريم اللي جبته يا عبد الرحمن ؟

هااااا أأأأأ انا كلته كلته كله وخلصتتتتتتته باي باي انا داخل اوووووووضتي

*
*

ممممم مامااااااا اقولك على حاجة سر

ايه يا منة في ايه ؟

عارفة عبد الرحمن مش معاه الايس كريم لييييييييه ؟

لييييييييييييه ؟

ممممم اصل عبد الرحمن باعه لسهير بربع جنيييييييييه

ايييييييييييييييه ! ابني انا بيبيع ايس كريمممممممممم ولمييييييييين ! لبنت البواااااااااااااااااب , طيب انا رايحاله اوضته و هطين عيشتتتتتتتتتتتته

*
*

ولد يا عبد الرحممممممممممممممممممممممن

نعم يا ماما

بقى انت بتكدب عليا وتقولي أكلت الايس كريم وانت بايعه لبنت البوااااااااااب

توووووووء طيب يا منننننننننة , يا ماما اصلها مش معاها فلوس تجيب زززززززززززيه

وانت ماااااااااااااالك , وهي اصلا تاكل من نفس النوع اللي انت بتاكل منه لييييييييييييه ! دي بنت بواااااااب مالها هي ومال الايس كريممممممممم ! دول كفاية عليهم بواقي الاكل اللي الناس بتبعتهولهممممممم كمان هياكلوا ايس كريممممممممممم !!!!!!!

يا ماما حرام يا مامااااا , دي طيبة ومش معاها فلوووووس

اسمع يا ولد يا متعب انتتتتتتتتت , كلام مع بنت البواب تاني مافيشششششششش , إياك تتكلم معاها ولا ليك دعوة بيهاااااااااااا , مفهوووووووووووووووم ؟

…………………. مفهوم يا ماما

اووووووووووووف الواحد ينزل اسبوعين القاهرة يرتفع ضغطططططططططططه , حاجة تأرفففففففف ال يبيع ايس كريم لبنت البواب اااااااال

*
*
عبد الرحمن ههههه

اووووووووووووووف اطلعي برا يا منة انا مش بكلمكككككككك وما تجيش اوضتي تااااااااااني انا مخاصمككككككككك

مخاصمني ليييييييييه

عشان انتِ بتفتني , وانا مش هقولك على حاجة تااااااااااااني

تووووء , انا مش كنت أقصد اهئ اهئئئئئئئئئ

اطلعي برا اوضتيييييييييي

اهئ اهئئئئئئئئئئئئ عايزة العب معاك

وانا مش عايز العب معاااااااكِ اووووووووووف انا هطفي النور وهنااااااااااااااااام يلا اطلعي برا بقىىىىىىىىىى

اهئ اهئ اهئ والله لقول لبابا عليك اهئ اهئئئئئئئئئئئئئئئئئئ

*
*
*

بت يا سهيرررررر

نعم يا ماماااااا

ايه اللي بتاكليه ده وجبتيه منيييييين ؟

ده ايس كريم من اللي ورقِته ملوووووووووونة هههه

ايوة يعني جبتيه منييييييين

اشتريته من عبد الرحمن

عبد الرحمن ! عبد الرحمن ابن حضرة الظابط ؟

ايوووووووووة اديته ربع جنيه وكل اسبوع هديله ربع جنييييييييه

شارياه منه بالتقسيط !!!!! دي امه لو عرفت هتبهدلناااااااا

دي ست وحشششششة انا مش بحبهاااااا

طيب خليكِ هنا انا هطلع للحاجة ام عصام عشان عايزاني

طيب يا ماما , انا هذاكر وبعدين العب شووووية

*
*
*

خير يا حاجة كنتِ عايزاني في ايه

خدي يا فهيمة دي مفاتيح اوضة السطوح , اطلعي نضفيها وطلعي كل الكراكيب اللي فيها برا

ليه يا حاجة ؟ هو انتو هتأجروها مفروش ؟

ههه لا , دي عشان سعيد ومسعد ولادك يقعدوا فيها على راحتهم , انا اتفقت مع النجار يعمل سريرين ومكتبين ودولاب وهنفرشلهم الاوضة , بدل ماهم قاعدين معاكو تحت ومش واخدين راحتهم ولا اختهم واخدة راحتها

هههههه ان شالله يخليكِ يا حاااااااااجة , ربنا يبارك فيكِ ويبارك في ولااااااادك , ده سعيد ومسعد هيفرحوا فرحة الدنيا بالأوضة دي هههه

هههه الحمدلله , طيب على العموم كلها يومين تلاتة بس والنجار يجيب السريرين والمكتبين , وما تشيليش هم هنجيبلهم مراتب اسفنج وبطاطين وسجادة كمااااااان

هههههههه ده كدة ناقص تجيبلهم عرايس يا حاجة

ههههه لالالا العرايس عليهم هما بقى بعد ما يخصلوا دراسة ان شاء الله , خدي المفاتيح يا فهيمة

ياخد عدوينك يا حااااااااجة هههه

—————————————————–

ونكمل في الحلقة الحادية العشرون متنسوش تعلقوا علي الحلقة في صفحة مدام طاسة والست حلة

إلى اللقاء في الحلقة الحادية العشرون (الجزء الرابع)

بقلم الكاتبة: هبة نور

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى