ترفيهمسلسل ورقة جواز عرفي

مسلسل ورقة جواز عرفي الحلقة الثالثة والرابعة والعشرون

 

الحلقة الثالثة والعشرون

شهد رجعت هى واحمد لقو هشام لوحده وعمال يلعب فالموبيل
شهد : كان تحفه اوى بجد ………..امال شرين فين
هشام وهو بيبص للبحر : نزلت البحر
شهد وقفت تبص عليها : هى فين مش شايفاها
هشام قام وهو مخضوض بيدور بعينه فى البحر فعلا مش لقى شرين
شويه وكريم وليلى جم وهم بيضحكو
ليلى : فى ايه واقفين كده ليه
شهد بعياط : شرين ……..شرين نزلت البحر ومش لقينها
ليلى كمان بداءت تعيط
كريم : اهيه ………..بس دى شكلها بتغرق
جرى كريم وهشام بسرعه ونزلو البحر
……………………..……………………..……………………..……..

فى المستشفى
شرين فاقده الوعى وفى اوضة الكشف
شهد وليلى عمالين يعيطو واحمد وكريم بيحالو يطمنوهم
هشام واخد جانب ومش بيكلم اى حد
شويه وخرج الدكتور هشام جرى عليه والباقى وراءه
هشام : خير يا دكتور
الدكتور بابتسامه : خير متقلقوش ………هى فاقت بس شربت مايه كتير هى هتفضل معانا انهارده وبكره الصبح هتروح معاكم
الكل فرح وحمدو ربنا
شهد : ممكن ندخولها
الدكتور: اه طبعا ممكن
كلهم دخولو واتلفو حواليها وهشام فضل واقف جانب الباب يبص عليها من بعيد
شهد : ينفع كده يا شرين تخضينى عليكى كده
شرين بتعب : انا مش عارفه ايه حصل
ليلى : حصل خير ……….المهم انك كويسه الحمد لله
احمد بتريقه : وانا اللى فكرك سباحه عالميه طلعتى بتغرقى فى شبر مايه
شهد : لا طبعا اختى احسن سباحه فالدنيا
ليلى وهى بتبص لهشام : هى بس كانت عاوزه تعرف احنا بنحبها قد ايه ………..مش كده يا هشام
هشام بصلها بابتسامه حزينه ومتكلمشى
كريم : ياله بقى يا بنات عشان نسيب شرين تستريح
شهد : روحو انتم وانا هبات معاها
ليلى : لا انا هفضل معاها
هشام اخيرا نطق: ولا انتى ولا هى ………دى مراتى وانا اللى هفضل معاها
شهد : بس
هشام : من غير بس ياله من غير مطرود
وبعدين بص لشهد : شهد لو بابا وماما كلموكى متقوليش اى حاجه عشان منخضهومش
شهد : ماشى
احمد : طب وانت هتفضل بلبسك اللى كله مايه ده
هشام :مش مشكله
احمد : انا هوصلهم وهرجع اجبلك لبس تانى
هشام بابتسامه : اوكى
هشام مشاهم كلهم وجاب كرسى وقاعد جانب شرين
شرين : روح يا هشام استريح شويه وابقى تعالى الصبح انا كويسه
هشام : انا مستريح كده
شرين كانت تعبانه ومش قادره تتكلم كتير : انا هنام شويه عشان حسه انى تعبانه
هشام : خلاص ماشى وعدلها المخده والغطا
وشويه ورجع احمد ومعاه لبس واكل لهشام وروح تانى
هشام رجع قاعد قدام شرين فضل يبص عليها وهى نايمه وكان حاسس بالذنب
” يارتنى نزلت معاكى ……..انا دايما كده بأذيكى وانتى بتعملى عشانى كل حاجه حلوه …………..اوعدك من انهارده مش هزعلك تانى وهعمل كل حاجه انتى عاوزاها …….سامحينى ياشرين انا كنت هموت لو كان جرالك حاجه ………عشان خاطرى سامحينى “
ومسك ايد شرين كانه بيطمن نفسه انها كويسه وجانبه لحد ماراح فالنوم

……………………..……………………..……………………..…………..

تانى يوم الصبح
صحت شرين لقت هشام نايم على الكرسى وماسك ايدها
شرين : هشام ………..هشام
هشام وهو مخضوض : فى ايه انتى تعبانه
شرين : لا انا الحمدلله ………انت اللى النومه دى زمانها تعبتك
هشام : لا انا كويس
شرين بصت لايد هشام اللى ماسكه ايدها هشام لاحظ و سابه ايدها
هشام بارتباك : انا هروح اشوف الدكتور
شويه وشهد واحمد وكريم وليلى جم وقاعدو معاها
كريم : هشام فين
شرين : راح يجيب الدكتور
شويه وهشام جه وخرجو كلهم ماعدا البنات وكشف عليها وطمنهم والبنات ساعدوها وغيرت هدومها وروحو كلهم على الفندق
فالفندق كلهم فطرو مع بعض وشرين كانت حسه بالتعب
شرين : هشام انا عاوزه اطلع اوضتى
هشام بخضه : انتى تعبانه
شرين :لاء بس دايخه شويه وعاوزه ارتاح
شرين بصتلهم: معلشى يا جماعه انا مش عاوزه ابوظ عليكم الرحله بس انا هطلع ارتاح شويه وانتم بقى قومو اتفسحو واخرجو
ليلى : لا يا شرين فسحت ايه هنا هنفضل معاكى
شرين : عشان خاطرى متزعلينيش ………..ياله قومو وانا بكره هبقى كويسه ونقضى اخر يوم مع بعض
هشام : خلاص بقى ياله اسمعو الكلام وانا هكون معاها متقلقوش
شرين بصت لهشام : لاء طبعا انت هتخروج معاهم كفايه عليك امبارح
هشام : لاء انا اصلا تعبان وعاوز انام ياله بقى قومى عشان نرتاح
هشام خد شرين وطلعو اوضاتهم والباقى نزلو يتمشو شويه

……………………..……………………..……………………..………….

شرين قلقت وكان هشام لسه نايم على سريره بصت فى الساعه لقتها 6 المغرب قامت صلت وخرجت وقفت فالبلكونه شويه
وكانت ليلى وقفه هى كمان فى بلكونة اوضتها وسرحانه
شرين : عووووووووووو بتفكرى فايه؟؟
ليلى وهى بتضحك : بعد عوووو دى انا اطمنت انك بقيتى كويسه
شرين : الحمد لله تمام ……….مقولتليش بقى بتفكرى فايه وسرحانه كده ليه
ليلى : شرين انا عاوزه اقولك على حاجه مهمه

الحلقة الرابعة والعشرون شرين قلقت وكان هشام لسه نايم على سريره بصت فى الساعه لقتها 6 المغرب قامت صلت وخرجت وقفت فالبلكونه شويه
وكانت ليلى وقفه هى كمان فى بلكونة اوضتها وسرحانه
شرين : عووووووووووو بتفكرى فايه؟؟
ليلى وهى بتضحك : بعد عوووو دى انا اطمنت انك بقيتى كويسه
شرين : الحمد لله تمام ……….مقولتليش بقى بتفكرى فايه وسرحانه كده ليه
ليلى : شرين انا عاوزه اقولك على حاجه مهمه
شرين بقلق : خير
ليلى : شرين هشام بيحبك
شرين بصتلها وهى متنحه وبعدين حاولت تقول اى حاجه :هههههههه مش وقت هزار
ليلى : شرين انا مش بهزر ……..انتى مشوفتيش عمل ايه امبارح
شرين : بفضول عمل ايه ؟؟
ليلى : كلنا كنا وقفين مخضوضين عليكى وفجاءه كريم شافك وجرى عشان يلحقك وهشام جرى وراه كان بيعوم بسرعه فظيعه لدرجة انه سبق كريم بكتير ………وبعدين خرج وهو شيلك حاول يفوقك بس انتى كنتى فاقده الوعى خالص وشوفت دموعه صحيح هو كان كله مايه ودموعه مش باينه من المايه بس انا بجد شوفتها ……..وبعد كده شالك وجرى بيكى على المستشفى احنا مكناش عرفين نحصله كان خايف عليكى اوى بجد ……….حتى شهد لما رجعنا من المستشفى قالت “هشام بيحب شرين اوى ” وقتها انا وكريم بصينا لبعض عشان احنا اللى عرفين اللى بنكو
شرين كانت بتسمع وهى ساكته مش عارفه تقول ايه
ليلى كملت كلمها : انتى عارفه كريم لسه كان بيقولى ان هشام كويس وانا مكنتش مصداقه بس بجد بعد ما كنت بكرهه وشوفته امبارح بقى صعبان عليه اوى …..كريم فعلا كان عنده حق هو جواه انسان كويس بس الظروف اللى حواليه اللى خلته يبان وحش
شرين عشان تغير الموضوع : قولتيلى بقى كريم …………..اخبارك ايه معاه
ليلى : فكرتينى انتى ليه مقولتيش انه جى بدبسينى يعنى
شرين : لاء بس كنت عاوزاكى تعرفيه كويس يمكن تغيرى فكرتك ………هااا بقى غيرتيها
ليلى بابتسامه : هو طيب اوى ومحترم اوى كنت مرتاحه اوى وانا بتكلم معاه
شرين : اوباااااااااا انتى وقعتى يا لولو بقى
ليلى : اسكتى بقى متكسفيش
شرين :هههههههه لا وش كسوف ……….. ربنا يسعدك يا حبيبتى كريم فعلا شاب كويس ويستاهل كل خير
ليلى : وانتى كمان فكرى فاللى قولتهولك ……..انا دخله اصحى شهد هتنزلى معانا انهارده
شرين : اه انا بقيت كويسه ………….هننزل ان شاء الله
ليلى : اوكى
شرين دخلت ملقتشى هشام نايم وفى صوت فالحمام
شرين كانت خايفه لهشام يكون سمع كلامها مع ليلى شويه وخرج هشام
شرين : انت صاحى من امتى ؟
هشام : لسه حالا قومت الحق المغرب …….انتى صليتى
شرين : اه الحمد لله
قام هشام صلى وشرين كانت بتقلب فالتلفزيون
هشام : عامله ايه دلوقتى
شرين: الحمد لله تمام
هشام : انا اسف يا شرين انا السببب لو كنت نزلت معاكى مكنشى كل ده حصل
شرين بابتسامه : حصل خير ……..عشان تبطل تغلس عليا
هشام : اوعدك مش هغلس عليكى ولا هزعلك تانى
شرين حاولت تقنع نفسها ان كل كلام ليلى مجرد احساس بالذنب من هشام مش اكتر من كده
هشام : ايه سرحانه فايه ؟
شرين : لا ولا حاجه ايه رايك ننزل معاهم انهارده
هشام : لو انتى كويسه انا معنديش مانع
شرين بابتسامه : اوكى هقوم اكلمهم ونشوف هننزل امتى
كلهم نزلو وانبسطو هشام مكنشى بيسيب شرين وليلى وكريم مع بعض وشهد المجنونه مكنتشى بتلاقى حد يتجنن معاها ويسمع كلامها غير احمد
وعدى اليوم الثالث وكلهم كانو مبسوطين جدا ورجعو بالسلامه وهم زعلانين ان الرحله خلصت بسرعه

……………………..……………………..……………………..

عدى حوالى اسبوعين
كريم اتقدم ليلى واهلها وافقو وكمان مامته وافقت وحبة ليلى جدا
هشام وشرين كان يومهم الروتين العادى بس مكنشى فى مشاكل بينهم وكانو مرتاحين
وجه يوم خطوبة ليلى وكريم كانت خطوبه على الضيق فى بيت ليلى وطبعا هشام وشرين حضرو الخطوبه
وعدى تانى كام اسبوع من غير جديد
وفى يوم جمعه كان شرين وهشام عند مامتها زى العاده
كانو عمالين يتكلمو ويهزرو زى العاده
شرين : اسكتى بقى يا شهد بطنى وجعتنى من الضحك
فؤاد : شهد تسكت ده بقى المستحيل
شهد بدلع : بقى كده يابابتى يا حبيبى ………..طب فى حد عشل كده وزى القمر وبيضحك غيرى
فؤاد : هههههههه ياسلام على التواضع
شهد : من تواضع لله رافعه
شريفه: ربنا يخليكو لبعض………….ويحميكو يا بناتى
هشام : كده يا ماما بناتك بس
شريفه : لا طبعا يا هشام ده انت الغالى ربنا العالم انا بحبك قد ايه
فؤاد : فعلا يا هشام انت بقيت راجلنا وهتبقى راجل البيت بعدى
هشام : ربنا يديك طولة العمر ويخليك لينا
هشام وهو بيبص لشرين : ياله بقى يا شرين عشان الشغل الصبح
شرين : ماشى
وقامو عشان يروحو وهو ماشى وبيسلم على فؤاد
فؤاد: هشام انا بحبك بجد وبعتبرك ابنى خالى بالك من شرين وشهد ومامتهم من بعدى
هشام : متقولشى كده يابابا ربنا يخليك ليهم وليا
وحضنه اوى
روح وكل واحد دخل اوضته عشان ينامو وحوالى الساعه 3 الفجر شرين لقت تليفونها بيرن

شرين جرت على اوضت هشام وهى بتعيط : هشام ……………يا هشام الحقنى

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة :ريم أحمد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى