مسلسل متخافيش الحلقة الأولى والثانية

متخافيش

الحلقة الاولى

هنا كانت رجعه من كليتها ودخله البيت
هنا : ماما ……..يا ماما
الام بصوت ضعيف: انا هنا يا هنا …… تعالى يا حبيبتى
هنا دخلت اوضة مامتها وهى مخضوضه : ماما فى ايه مالك انتى تعبانه
الام : مش عارفه من الصبح وبطنى وجعانى اوى
هنا : طيب قومى البسى نروح للدكتور
الام : طيب اتغدى الاول
هنا : لا قومى بس الاول ……..انا هدخل اغير هدومى لحد ما تلبسى
“هنا بنوته طيبه اوى عايشه مع مامتها وباباها متو فى…..هى فى كليه اعلام عندها 20 سنه حلمها تبقى صحفيه مشهوره وتدافع عن الحق ….. مبسوطين باباها سايبلهم معاش وفلوس تكفيهم وميكنوش محتاجين لحد “
بعد حوالى نص ساعه كانت هنا بتركن عربيتها قدام عيادة الدكتور وطلعت وهى سانده مامتها
هنا : ماما اقعدى هنا …وانا هدفع الكشف وهاجى
الام: ماشى يا حبيبتى
راحت هنا فى اتجاه ست عندها حوالى 40 سنه بس شكلها غريب اوى ومستفز من طريقه لبسها والميك اب بتاعها وهى عمال تاكل فى اللبانه بطريقه مقرفه اوى وقدامها ست كبيره فالسن شكلها على قد الحال
كريمه : الكشف 50 جنيه بس لو مستعجله ادفعى 100 جنيه
الست : بس انا مش معايا وبنتى تعبانه اوى وانا بقالى ساعتين قاعده
كريمه بعصبيه : خلاص بقى متقرفنيش اقعدى استنى دورك
الست بقلت حيله : ماشى هستنى وامرى لله
وقفت هنا شويه وهى مضايقه من اللى حصل
كريمه بضحكه صفره : ها يا حبيبتى كشف عادى ولا مستعجل
هنا بغيظ وقرف : لا عادى ……….واداتها 50 جنيه
كريمه كانها بتكلم نفسها : انتى حره عادى عادى برحتك
هنا راحت قاعدت جانب مامتها وبصت فالساعه كانت الساعه 7 لفت اديها حولين مامتها
هنا : انتى كويسه دلوقتى
الام بوجع : الحمد لله ……..
وفاتت ساعات وناس بتدخل وناس بتخروج والساعه بقت 10 وهنا ومامتها لسه قاعدين والست الغلبانه لسه قاعده قدام هنا ودموعها على خدها وهى مش عارفه تعمل ايه لبنتها اللى بتتوجع ………وشويه وقامت وهى متعصبه
هنا : احنا بقالنا 3 ساعات وناس كتير جات بعدنا ودخلو هو فى ايه بالضبط
كريمه : هو العادى كده واذا كان عاجبك عاوزه تدخلى ادفعى
الام : هنا ……….يا هنا
راحت هنا لمامتها
هنا : مالك يا ماما لسه تعبانه
الام : فى ايه بانتى بتزعقى ليه ………..
هنا :عشان الست دى استغلاليه وبتاخد فلوس زياده عشان تدخل الناس
الام : طيب ياحبيتى ادفاعلها مش انتى معاكى …….ياله بقى انا تعبت
هنا : لا ياماما كده حرام طيب واللى مش معاه يعمل ايه شايفه الست دى جايه من قلبلنا ومش معاها …..وبنتها هتموت فى اديها
الام : ملناش دعوه بحد
هنا بتحدى : لا لينا وانا بقى هوقف الست المقرفه دى عند حدها
هنا استنت شويه كريمه دخلت المطبخ تعمل كوباية شاى وشويه وخرج المريض اللى عند الدكتور هنا قامت بسرعه ودخلت للدكتور الاوضه
الدكتور : اتفضلى يا بنتى
هنا : لا معلشى يا دكتور ………..ممكن حضرتك تيجى معايا لحظه
الدكتور باستغراب : فين وليه …….انا مش فاضى هتكشفى ولا لاء
هنا برجاء : معلشى يا دكتور ……….مش عطل حضرتك كتير

الحلقة الثانية

هنا استنت شويه كريمه دخلت المطبخ تعمل كوباية شاى وشويه وخرج المريض اللى عند الدكتور هنا قامت بسرعه ودخلت للدكتور الاوضه
الدكتور : اتفضلى يا بنتى
هنا : لا معلشى يا دكتور ………..ممكن حضرتك تيجى معايا لحظه
الدكتور باستغراب : فين وليه …….انا مش فاضى هتكشفى ولا لاء
هنا برجاء : معلشى يا دكتور ……….مش عطل حضرتك كتير
خرج الدكتور بره مع هنا ووقف فى نص العياده وكريمه مبرقه ومش عارفه فى ايه ولا ايه اللى بيحصل
هنا : لو سامحت يادكتور …….هو الكشف بكام
الدكتور بنفاذ صبر : ب50 جنيه
هنا : والمستعجل
الدكتور : مستعجل ازاى الكشف موحد واللى بيجى بيدخل بالدور
هنا وهى بتبص لكريمه بتحدى : الممرضه بتاعت حضرتك حرميه وبتاخد 100 جنيه واللى بيدفع 50 جنيه مش بتدخله والست الغلبانه دى بقاله اكتر من 4 ساعات قاعده عشان مش معاها تدفع ……….ولو حضرتك مش مصدقنى خليها تفتح الدرج التانى ده وهتلاقى فيه الفلوس الزياده
الدكتور بعصبيه وهو بيبص لكريمه : الكلام ده حقيقى
كريمه بارتباك : لا طبعا دى كدابه ……….انا معملتش كده
الدكتور : طيب افتحى الدرج ده
كريمه : بس ده مقفول ………….مش معايا المفتاح
الدكتور بعصبيه : افتحيه بدل ما كسره على دماغك
كريمه بغيظ وهى بتبص لهنا فاتحت الدرج وفعلا الدكتور لقى فيه فلوس كتير
الدكتور : اطلعى بره ولو شوفت وشك هنا تانى هوديكى فى ستنين دهيه ……….ياله بره
كريمه اخدت شنطتها ومشت وهى بتبص لهنا بكل غيظ وحقد
الدكتور: انا متشكر اوى يا بنتى الحيوانه دى كانت هضيع سمعتى …….. اتفضلى ياله ادخلى انتى بقالك فتره
هنا : معلشى يادكتور الست الغلبانه دى الاول وانا بعدها
وفعلا الست دخلت واطمنت على بنتها وقاعدت تدعى لهنا كتير اوى وبعد كده مامة هنا كشفت وهم كمان روحو

وبعد حوالى شهر

هنا كانت خارجه من جامعتها وماشيه لوحدها وفجاءه ولد خطف الشنطه منها وجرى
هنا بصوت عالى : حرامى حرامى
جه شاب من الناحيه التانيه ووقف قدامه الولد ولسه بيمسكه طلع مطوه وضربه فى دراعه وجرى
وقع الشاب على الارض وهو دمه سايح واتلم عليه الشارع وجرت هنا نحيته وهى مخضوضه
هنا : انت كويس ………….
الشاب بصوت ضعيف وهو ماسك دراعه : الحمد لله
هنا : قوم اوديك لاى مستشفى
وفعلا قام ومشى معاه فى اتجاه العربيه وركب معاها العربيه
وفالطريق
خرج الشاب زى ازازه برفيوم ورش على وش هنا واغمى عليها

هنا بتفوق وهى حاسه ان دماغها تقيله اوى وبتبص حواليها وهى شايفه كل حاجه مزغلله ومش قادره تركز حاولت تجمع تركزها وبداءت تفوق شويه بشويه وتشوف كويس
لقت نفسها قاعده على كرسى ومربوطه فى مكان واسع اوى زى مخزن وفى كركيب كتير وقدامها قاعد على كرسى شاب وعمال يبص عليها
هنا بلسان تقيل : انننت ….ااانت مييين …ااانا فين
الشاب بيبصلها وساكت
هنا وهى بتفتكر : انت اللى اتعور انت جايبنى هنا ليه
هنا بخوف : انت عاوز منى ايه ……….هو انا عملتلك حاجه
وفجاءه جه صوت من عند الباب
……….: لا يحلوه انتى عملتيلى انا وانا حقى مبيضعشى
هنا بصت لكريمه بخوف: انتى عاوزه منى ايه
كريمه : عاوزه اخد حقى منك ……. وابهدلك زى ما بهدلتينى وسيبتينى شغلى …..انا بقى هضيعلك مستقبلك
هنا بخوف ودموعها بتنزل : انتى اللى حراميه ومعندكيش ضمير
كريمه بضحك بصوت عالى : ماشى ياحلوه بما انى معنديش ضمير نشوف بقى ضميرى ده هيوديكى لفين
كريمه بصت للشاب : تسلم يا ابوحميد……… وعشان نفذت اللى قولتلك عليه ……….الحلوه دى
ورجعت بصت لهنا بشماته وغيظ
كريمه : الحلوه دى ليك الليله دى …………..مبروك يا عريس …….وهجيلك الصبح وتكون شرفتنى
وبعدين بصتله بشك : ولا اشوف حد تانى ؟؟؟

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة :ريم أحمد

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *