مسلسل متخافيش الحلقة الخامسة والسادسة

الحلقة الخامسة

الام قاعده على الانتريه وهى منهاره من العياط والقلق والخوف على هنا هيموتها
الام : ياترى ياهنا انتى فين ………ولا حصلك ايه ……….يارب انا مليش غيرها ده انا اموت لو حصلها حاجه ………..طيب اعمل ايه انزل ادور عليها فالشوارع ولا اعمل ايه ……….يارب سترك يارب
وشويه وتليفون البيت بيرن جرت الام عليه
الام : السلام عليكم
هنا : ماما ……
الام بخضه : هنا ….انتى فين انتى كويسه ………مجتيش ليه لحد دلوقتى
هنا بتحاول تمسك اعصابها : بصى ياماما اهدى كده واسمعينى كويس ……….فاكره الست اللى كانت عند الدكتور الحراميه
الام : اه مالها ………….وايه دخلها فى تاخيرك
هنا : ماما الست دى طلعت شيطانه وخلت واحد يخطفنى
الام بصويته مكتومه : ايه يالهوى
هنا : ماما اهدى متخافيش ………انا كويس ………ربنا بيقوفلنا ولاد الحلال ………فى واحد هنا بيساعدنى متخافيش انا بس مش عاوزاكى تقلقى وربنا يسهل على صبح هتصرف وهكون عندك ………….
الام بعياط: ياحبيبتى يابنتى ………..يعنى هتتصرفى ازاى …….انا هنزل ابلغ البوليس
هنا : ماما لاء متقوليش لحد حاجه ………….عشان خاطرى ……….لو عاوزانى اكون كويسه متقوليش لحد حاجه
احمد بص لهنا انها تخلص المكالمه
هنا : ماما انا لازم اقفل دلوقتى …….وبطلى عياط صلى ياماما وادعيلى …………..مع السلامه
قفلت هنا وفضلت الام حضنه السماعه وهى بتعيط ومش عارفه تعمل ايه وبعد شويه دخلت اتواضت وصلت وفضلت تدعى لهنا طول الليل
……………………..……………………..…………

هنا كانت نايمه على الارض وبصه نحية احمد وهو كان باصص فالارض
هنا وهى بتكلم نفسها
” انا مش فاهماك ……………مهما كانت الظروف مش قادره اسامحك انك اللى جابتنى هنا “
” بس انت ساعدتنى كتير واحد غيرك كان زمانه مبهدلنى ومكنتش هصعب عليه “
” انا مش عارفه اخاف منك ولا اخاف عليك وعلى اللى ممكن يحصلك من الست المقرفه دى “
” انا حسه انك طيب اوى ……..بس يارب ياترى هيحصل فيه ايه ……………وهتفضل تساعدنى لحد امتى ………يارب سترك يارب سترك “
غمضت هنا عنيها من التعب ودموعها على خدها
احمد بص عليها كانت جميله اوى رغم وشها المبهدل من التراب والعياط
بصلها اهم بضحك حزينه وهو بيكلم نفسه
” انتى طلعتلى منين انتى كمان ………يارب مش كفايه عليا اللى انا فيه “
” انا تعبت اوى ……….يارب انت عالم بظروفى وانى عملت كل ده عشان منى هتتبهدل من بعدى وهى ملهاش حد غيرى “
” بس البنت الغلبانه دى ذانبها ايه ………….منك لله ياكريمه ربنا ينتقم منك يارب “
” انا لازم اتصرف واخرج البنت دى من هنا باى طريقه قبل ما شيطانه دى تعمل فيها حاجه ………..يارب اهدينى للطريقه دى يارب “
ونام هو كمان من كتر التعب والتفكير على الكرسى
……………………..……………………..……………

تانى يوم صحى احمد وقرب من هنا وهو بيحاول يصحيها
احمد : انسه هنا ………..هنا
هنا ببراءه : ماما سبينى انا تعبانه اوى
احمد : هنا …………..هنا
فاقت هنا شافت احمد اتنفضت ورجعت لواره من الخضه
احمد : ما تخافيش ………….انا احمد
افتكرت هنا كل اللى حصلها وافتكرت احمد ورجعت للواقع المرعب اللى هيا فيه
احمد : بصى اللى هقولك عليه دلوقتى تعمليه
هنا بقلق : اعمل ايه
احمد : بصى مفيش وقت …….كريمه زمانها جايه ………..انتى لازم تمشى من هنا
هنا باستغراب : ازاى ………..طيب وانت هتعمل ايه
احمد : متقلقيش عليا ………. المهم اعملى اللى هقولك عليه ده

الحلقة السادسة

تانى يوم صحى احمد وقرب من هنا وهو بيحاول يصحيها
احمد : انسه هنا ………..هنا
هنا ببراءه : ماما سبينى انا تعبانه اوى
احمد : هنا …………..هنا
فاقت هنا شافت احمد اتنفضت ورجعت لواره من الخضه
احمد : ما تخافيش ………….انا احمد
افتكرت هنا كل اللى حصلها وافتكرت احمد ورجعت للواقع المرعب اللى هيا فيه
احمد : بصى اللى هقولك عليه دلوقتى تعمليه
هنا بقلق : اعمل ايه
احمد : بصى مفيش وقت …….كريمه زمانها جايه ………..انتى لازم تمشى من هنا
هنا باستغراب : ازاى ………..طيب وانت هتعمل ايه
احمد : متقلقيش عليا ………. المهم اعملى اللى هقولك عليه ده
هنا : طيب
……………………..……………………..…………
احمد كان نايم ع الكرسى دخل كريمه بصت على هنا اللى نايمه الارض ومتبهدله وشافت الدم واترسمت على شفايفها ابتسامت حقد وفرحه من اللى حصل فيها قربت كريمه من احمد
كريمه : احمد …………..يا احمد
فاق احمد وبصلها باستغراب : انتى جيتى امتى
كريمه : لسه دلوقتى
بصت لهنا : برافو عليك انا كنت خايفه لتخاف تعملها
احمد : المهم دلوقتى هنعمل ايه فالمصيبه دى
كريمه : قوم صحيها وارميها فاى دهيه وهيه تبقى تتصرف
قام احمد قرب من هنا وقعد يهز فيها مش بتتحرك
احمد بخضه وهو بيبص لكريمه : دى مش بتتحرك
كريمه بزعر : ماتت
احمد حط ايده على ايدها عشان يشوف النبض
احمد : ماتت ……………يا دى النصيبه ………هنعمل ايه دلوقتى
كريمه بخوف : مش عارفه ……. اتصرف
احمد وهو بيفكر : انتى لازم تهربى ………… وانا هتصرف
كريمه : اهرب فين …..وهتتصرف ازاى
احمد : بصى ام البنت ممكن تبلغ عنك عشان اللى حصل فالعياده والدكتور اكيد هيدلهم عنوانك ………انا محدش يعرفنى ………. روحى دلوقتى لمى هدومك وسافرى اى حته
وانا هرميها فى اى حته وهروح على البيت
كريمه لسه هتمشى ندلها احمد
احمد : استنى ………..قبل ما تمشى انا عاوز وصولات الامانه ………بتهيالى انا عملت كل اللى انتى عاوزاه
كريمه : بعدين ……… يا احمد بعدين
احمد مسكها من ايديها : لا مش بعدين ……..ياما همشى ومليش دعوه بالمصيبه دى
كريمه : طيب خلاص سيب ايدى
وفتحت الشنطه ورمت لاحمد الوصولات ومشت وهى بتجرى وخايفه ومرعوبه
احمد لم الوصولات وعدها واطمن انهم كلهم وبص على الباب واتاكد ان كريمه مشت وجرى على هنا
احمد : هنا ………….يا هنا فوقى …………..هنا
هنا بدائت تفوق : انا فين اه يدماغى
احمد : معشلى انتى كويسه
هنا : البتاع اللى شممتهولى ده وجعلى دماغى اوى
احمد : معلشى عشان تصدق انك موتى ……..قومى ياله عشان نمشى من هنا
هنا : هى خلاص مشت
احمد : اه ياله قومى معايا عشان اروحك
وقامت هنا وهى تعبانه اوى ومشت وهى واحمد لحد عربيتها وروحها لحد البيت

……………………..……………………..…………
بعد اسبوع

هنا قاعده فى اوضتها وكانت سرحانه وفجاءه موبيلها رن
هنا : الو …السلام عليكم
….: وعليكم السلام
هنا : ايوه مين معايا
احمد : انا احمد يا انسه هنا …………..فكرانى
هنا وقلبها بيدق : احمد ……اه طبعا ازيك واخبارك ايه
احمد : انا قولت بس يعنى اطمن عليكى …….اصل انا مسافر وكنت عاوز اكلمك لاخر مره
هنا : بخضه مسافر فين وليه ……….طيب ممكن طلب
احمد : طبعا اتفضلى
هنا : ممكن قبل ما تسافر تعدى عليا فالبيت بس ضرورى
احمد باستغراب : حاضر ……..بس افهم ليه
هنا : لما تيجى هتعرف كل حاجه ……..لو سامحت
احمد بقلق : حاضر
هنا : انت عارف العنوان مش كده
احمد : اه عارفه هكون عند حضرتك بليل الساعه 8
هنا : خلاص ماشى …………..وانا مستنياك

وفعلا الساعه 8 احمد كان قاعد مع هنا ومامتها فالبيت

ونشوف هنا عاوزه احمد ليه ونكمل الحلقه اللى جايه

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة :ريم أحمد

نبذة عن الكاتب

أدمن 1

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *