ترفيهقصص قصيرة

قصة ..ليه سيبتني ؟؟؟.. الجزء الثاني والأخير

الجزء الثاني والأخير




كملت منى كتابة الايميل اللي هتبعته لسامي جوزها……………………………
وعلى قد الحاجات اللي كانت بتزعلني منك على قد ما كنت بتعمل حاجات جميله بتخليني انسى الزعل
يعني لما كنت بتساعدني في شغل البيت لما ابقى تعبانه ومعاملة الكويسه لماما و وقوفك معايا لما عرفنا اني عندي مشاكل في الحمل و رفضك اننا نقول لاي حد ان المشكله عندي انا و اصريت تقول ان العيب منك انت و انك كنت بتكلمني في الموبايل كتير طول ما احنا بعيد عن بعض و ايميلاتك اللي كلها حب في المناسبات اللي تخصنا زي عيد جوازنا و عيد ميلادي و الهدايا الجميله اللي كنت بتشتريها وتخبيها عشان ادور عليها وتكون احلى مفاجأه اما بقى احلى حاجه عملتها لما كتبتلي جواب وده اول جواب تكتبهولي في حياتنا مع بعض واللي كنت بتحكي فيه ايه اكتر حاجات بتحبها في و احساسك لما شوفتني بفستان الفرح وفرحتك بيا واني زوجه صالحه معاك وانك بتحبني اوي .


عارف يا سامي ايه اكتر حاجه بتزعلني منك؟




انك زعلك بيطول






وعارف ايه حاجه بحبها فيك؟








انك احن انسان قالبته في حياتي








بحبك يا سامي … يا ريت تتصل بيا وتقولي انا جاي حضريلي عشا جميل وشغلي موسيقى هاديه
و البسي الفستان الاحمر اللي انا بحبه………………….



انا هستنى تليفونك يا حبيبي……………




بعتت منى الايميل وفضلت ماسكه الموبايل في ايدها مستنياه يتصل بيها………….وفضلت قاعده كتير وهو متصلش و فجأة سمعت جرس الباب فقامت تجري عشان تفتح لجوزها و حبيبها سامي
وفتحت الباب لقيت مفاجأة ……………………

 

 

—————-




فتحت منى الباب لقيت مامتها و باباها واقفين ادامها فاستغربت انهم جايين يزوروها فجأة فقالت:


منى:اهلا يا ماما .. اهلا يا بابا ,أتفضلوا
مامتها باستها وقالت:ازيك يا منى عامله ايه؟
باباها:ها أخبار الشغل ايه؟
منى:الحمد لله


و بعد ما قعدوا منى قالت:
منى:ها تشربوا ايه؟
باباها:اقعدي يا منى احنا عايزينك في موضوع مهم
مامتها:اقعدي يا حبيبتي
منى:خير يا بابا؟
باباها:انا بقول كفايه قعاد لوحدك وتعالي اقعدي معايا انا ومامتك
مامتها:انا قلبي مش مطمن عليكي طول ما انتي لوحدك
منى بصت باستغراب:لوحدي!!!! انا مش فاهمه حاجه
باباها:يا حبيبتي الحي ابقى من الميت والدكتور قال ان قعادك لوحدك كده غلط
منى:انت بتقول ايه؟ حي مين وميت مين ؟
مامتها:ايه يا منى يا حبيبتي؟ انت تعبتي تاني و لا ايه؟
منى:انا مش تعبانه انا كويسه ومش فاهمه انتوا بتتكلموا عن ايه….
باباها والدموع في عينيه:منى…..انتي نسيتي؟
منى حست بخوف فظيع من اللي هتسمعه:نـ.. نـ..نسيت ايه؟
مامتها ابتدت تعيط :يا حبيبتي فوق يبقى من الوهم ده…………
منى:انت بتتكلموا عن ايه؟ تقصدوا ايه؟
باباها:يا حبيبتي جوزك اتوفى بقاله سنه دلوقتي
منى:سامي…………..
باباها:اهدي بس يا حبيبتي
منى:مات…………..
مامتها:ايوه يا حبيبتي يوم ما خرج يشوف المباراه مع اصحابه واتخانقتوا وهو عالقهوه فجأه قال لاصحابه انه هيروح البيت ومش هيكمل و فعلا قام ساق عربيته بس للأسف عمل حادثه و مات….




منى ابتدت دموعها تنزل من غير ما تحس وبصت لهم وهي مش مصدقه وقامت دخلت اوضة النوم
و فتحت الدولاب لقيت هدوم سامي موجوده وكمان لقيت اللاب توب بتاعه !!!!!!!!
قعدت عالسرير وفتحته لقيت صورتها وهي بتضحك موجوده عالشاشه وفتحت الايميل بتاعه لقيت اكتر من 600ايميل منها فتحت اول واحد لقيت نفسها كاتبه انها زعلانه منه عشان اتـأخر وكل الايميلات بتكلمه فيها كأنه لسه عايش وفضل تقرا الكلام اللي كاتباه وتعيط وقعدت كتييييييييييير تقرا الايميلات وفي الآخر خرجت لقيت باباها و مامتها قاعدين مستنينها و اول ما شافوها باباها قال:
باباها:يا يا حبيبتي البسي هدومك وتعالي معانا
مامتها:يلا يا منى قعدتك لوحدك كده مش كويسه
منى:انا مش هسيب بيتي ابدا
مامتها:يا بنتي متتعبيش قلبي
باباها:طيب نيجي احنا نقعد معاكي
منى بصتلهم بعينيها وهي مش شايفاهم وسرحانه وقالت باصرار:
منى:انا مش هسيب بيتي و انا عارفه ان سامي مش هيتأخر عليه………………….


باباها ومامتها بصوا لبعض وقرروا يسيبوها عشان تحاول تهدى و قرروا يعدوا عليها تاني يوم يحاولوا يقنعوها تاني انها تروح تعيش معاهم و خرجوا وسابوها لوحدها ودخلت منى اوضة المكتب وكتبت ايميل لسامي من كلمتين:













( ليه سيبتني؟؟؟؟؟؟؟؟؟؟؟؟؟؟؟؟؟؟؟ )

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى